ભવાનિ સ્તોતું ત્વાં પ્રભવતિ ચતુર્ભિર્ન વદનૈઃ
પ્રજાનામીશાનસ્ત્રિપુરમથનઃ પઞ્ચભિરપિ ।
ન ષડ્ભિઃ સેનાનીર્દશશતમુખૈરપ્યહિપતિઃ
તદાન્યેષાં કેષાં કથય કથમસ્મિન્નવસરઃ ॥ 1॥
પ્રજાનામીશાનસ્ત્રિપુરમથનઃ પઞ્ચભિરપિ ।
ન ષડ્ભિઃ સેનાનીર્દશશતમુખૈરપ્યહિપતિઃ
તદાન્યેષાં કેષાં કથય કથમસ્મિન્નવસરઃ ॥ 1॥
ઘૃતક્ષીરદ્રાક્ષામધુમધુરિમા કૈરપિ પદૈઃ
વિશિષ્યાનાખ્યેયો ભવતિ રસનામાત્ર વિષયઃ ।
તથા તે સૌન્દર્યં પરમશિવદૃઙ્માત્રવિષયઃ
કથઙ્કારં બ્રૂમઃ સકલનિગમાગોચરગુણે ॥ 2॥
વિશિષ્યાનાખ્યેયો ભવતિ રસનામાત્ર વિષયઃ ।
તથા તે સૌન્દર્યં પરમશિવદૃઙ્માત્રવિષયઃ
કથઙ્કારં બ્રૂમઃ સકલનિગમાગોચરગુણે ॥ 2॥
મુખે તે તામ્બૂલં નયનયુગલે કજ્જલકલા
લલાટે કાશ્મીરં વિલસતિ ગલે મૌક્તિકલતા ।
સ્ફુરત્કાઞ્ચી શાટી પૃથુકટિતટે હાટકમયી
ભજામિ ત્વાં ગૌરીં નગપતિકિશોરીમવિરતમ્ ॥ 3॥
લલાટે કાશ્મીરં વિલસતિ ગલે મૌક્તિકલતા ।
સ્ફુરત્કાઞ્ચી શાટી પૃથુકટિતટે હાટકમયી
ભજામિ ત્વાં ગૌરીં નગપતિકિશોરીમવિરતમ્ ॥ 3॥
વિરાજન્મન્દારદ્રુમકુસુમહારસ્તનતટી
નદદ્વીણાનાદશ્રવણવિલસત્કુણ્ડલગુણા
નતાઙ્ગી માતઙ્ગી રુચિરગતિભઙ્ગી ભગવતી
સતી શમ્ભોરમ્ભોરુહચટુલચક્ષુર્વિજયતે ॥ 4॥
નદદ્વીણાનાદશ્રવણવિલસત્કુણ્ડલગુણા
નતાઙ્ગી માતઙ્ગી રુચિરગતિભઙ્ગી ભગવતી
સતી શમ્ભોરમ્ભોરુહચટુલચક્ષુર્વિજયતે ॥ 4॥
નવીનાર્કભ્રાજન્મણિકનકભૂષણપરિકરૈઃ
વૃતાઙ્ગી સારઙ્ગીરુચિરનયનાઙ્ગીકૃતશિવા ।
તડિત્પીતા પીતામ્બરલલિતમઞ્જીરસુભગા
મમાપર્ણા પૂર્ણા નિરવધિસુખૈરસ્તુ સુમુખી ॥ 5॥
વૃતાઙ્ગી સારઙ્ગીરુચિરનયનાઙ્ગીકૃતશિવા ।
તડિત્પીતા પીતામ્બરલલિતમઞ્જીરસુભગા
મમાપર્ણા પૂર્ણા નિરવધિસુખૈરસ્તુ સુમુખી ॥ 5॥
હિમાદ્રેઃ સમ્ભૂતા સુલલિતકરૈઃ પલ્લવયુતા
સુપુષ્પા મુક્તાભિર્ભ્રમરકલિતા ચાલકભરૈઃ ।
કૃતસ્થાણુસ્થાના કુચફલનતા સૂક્તિસરસા
રુજાં હન્ત્રી ગન્ત્રી વિલસતિ ચિદાનન્દલતિકા ॥ 6॥
સુપુષ્પા મુક્તાભિર્ભ્રમરકલિતા ચાલકભરૈઃ ।
કૃતસ્થાણુસ્થાના કુચફલનતા સૂક્તિસરસા
રુજાં હન્ત્રી ગન્ત્રી વિલસતિ ચિદાનન્દલતિકા ॥ 6॥
સપર્ણામાકીર્ણાં કતિપયગુણૈઃ સાદરમિહ
શ્રયન્ત્યન્યે વલ્લીં મમ તુ મતિરેવં વિલસતિ ।
અપર્ણૈકા સેવ્યા જગતિ સકલૈર્યત્પરિવૃતઃ
પુરાણોઽપિ સ્થાણુઃ ફલતિ કિલ કૈવલ્યપદવીમ્ ॥ 7॥
શ્રયન્ત્યન્યે વલ્લીં મમ તુ મતિરેવં વિલસતિ ।
અપર્ણૈકા સેવ્યા જગતિ સકલૈર્યત્પરિવૃતઃ
પુરાણોઽપિ સ્થાણુઃ ફલતિ કિલ કૈવલ્યપદવીમ્ ॥ 7॥
વિધાત્રી ધર્માણાં ત્વમસિ સકલામ્નાયજનની
ત્વમર્થાનાં મૂલં ધનદનમનીયાઙ્ઘ્રિકમલે ।
ત્વમાદિઃ કામાનાં જનનિ કૃતકન્દર્પવિજયે
સતાં મુક્તેર્બીજં ત્વમસિ પરમબ્રહ્મમહિષી ॥ 8॥
ત્વમર્થાનાં મૂલં ધનદનમનીયાઙ્ઘ્રિકમલે ।
ત્વમાદિઃ કામાનાં જનનિ કૃતકન્દર્પવિજયે
સતાં મુક્તેર્બીજં ત્વમસિ પરમબ્રહ્મમહિષી ॥ 8॥
પ્રભૂતા ભક્તિસ્તે યદપિ ન મમાલોલમનસઃ
ત્વયા તુ શ્રીમત્યા સદયમવલોક્યોઽહમધુના ।
પયોદઃ પાનીયં દિશતિ મધુરં ચાતકમુખે
ભૃશં શઙ્કે કૈર્વા વિધિભિરનુનીતા મમ મતિઃ ॥ 9॥
ત્વયા તુ શ્રીમત્યા સદયમવલોક્યોઽહમધુના ।
પયોદઃ પાનીયં દિશતિ મધુરં ચાતકમુખે
ભૃશં શઙ્કે કૈર્વા વિધિભિરનુનીતા મમ મતિઃ ॥ 9॥
કૃપાપાઙ્ગાલોકં વિતર તરસા સાધુચરિતે
ન તે યુક્તોપેક્ષા મયિ શરણદીક્ષામુપગતે ।
ન ચેદિષ્ટં દદ્યાદનુપદમહો કલ્પલતિકા
વિશેષઃ સામાન્યૈઃ કથમિતરવલ્લીપરિકરૈઃ ॥ 10॥
ન તે યુક્તોપેક્ષા મયિ શરણદીક્ષામુપગતે ।
ન ચેદિષ્ટં દદ્યાદનુપદમહો કલ્પલતિકા
વિશેષઃ સામાન્યૈઃ કથમિતરવલ્લીપરિકરૈઃ ॥ 10॥
મહાન્તં વિશ્વાસં તવ ચરણપઙ્કેરુહયુગે
નિધાયાન્યન્નૈવાશ્રિતમિહ મયા દૈવતમુમે ।
તથાપિ ત્વચ્ચેતો યદિ મયિ ન જાયેત સદયં
નિરાલમ્બો લમ્બોદરજનનિ કં યામિ શરણમ્ ॥ 11॥
નિધાયાન્યન્નૈવાશ્રિતમિહ મયા દૈવતમુમે ।
તથાપિ ત્વચ્ચેતો યદિ મયિ ન જાયેત સદયં
નિરાલમ્બો લમ્બોદરજનનિ કં યામિ શરણમ્ ॥ 11॥
અયઃ સ્પર્શે લગ્નં સપદિ લભતે હેમપદવીં
યથા રથ્યાપાથઃ શુચિ ભવતિ ગઙ્ગૌઘમિલિતમ્ ।
તથા તત્તત્પાપૈરતિમલિનમન્તર્મમ યદિ
ત્વયિ પ્રેમ્ણાસક્તં કથમિવ ન જાયેત વિમલમ્ ॥ 12॥
યથા રથ્યાપાથઃ શુચિ ભવતિ ગઙ્ગૌઘમિલિતમ્ ।
તથા તત્તત્પાપૈરતિમલિનમન્તર્મમ યદિ
ત્વયિ પ્રેમ્ણાસક્તં કથમિવ ન જાયેત વિમલમ્ ॥ 12॥
ત્વદન્યસ્માદિચ્છાવિષયફલલાભે ન નિયમઃ
ત્વમર્થાનામિચ્છાધિકમપિ સમર્થા વિતરણે ।
ઇતિ પ્રાહુઃ પ્રાઞ્ચઃ કમલભવનાદ્યાસ્ત્વયિ મનઃ
ત્વદાસક્તં નક્તં દિવમુચિતમીશાનિ કુરુ તત્ ॥ 13॥
ત્વમર્થાનામિચ્છાધિકમપિ સમર્થા વિતરણે ।
ઇતિ પ્રાહુઃ પ્રાઞ્ચઃ કમલભવનાદ્યાસ્ત્વયિ મનઃ
ત્વદાસક્તં નક્તં દિવમુચિતમીશાનિ કુરુ તત્ ॥ 13॥
સ્ફુરન્નાનારત્નસ્ફટિકમયભિત્તિપ્રતિફલ
ત્ત્વદાકારં ચઞ્ચચ્છશધરકલાસૌધશિખરમ્ ।
મુકુન્દબ્રહ્મેન્દ્રપ્રભૃતિપરિવારં વિજયતે
તવાગારં રમ્યં ત્રિભુવનમહારાજગૃહિણિ ॥ 14॥
ત્ત્વદાકારં ચઞ્ચચ્છશધરકલાસૌધશિખરમ્ ।
મુકુન્દબ્રહ્મેન્દ્રપ્રભૃતિપરિવારં વિજયતે
તવાગારં રમ્યં ત્રિભુવનમહારાજગૃહિણિ ॥ 14॥
નિવાસઃ કૈલાસે વિધિશતમખાદ્યાઃ સ્તુતિકરાઃ
કુટુમ્બં ત્રૈલોક્યં કૃતકરપુટઃ સિદ્ધિનિકરઃ ।
મહેશઃ પ્રાણેશસ્તદવનિધરાધીશતનયે
ન તે સૌભાગ્યસ્ય ક્વચિદપિ મનાગસ્તિ તુલના ॥ 15॥
કુટુમ્બં ત્રૈલોક્યં કૃતકરપુટઃ સિદ્ધિનિકરઃ ।
મહેશઃ પ્રાણેશસ્તદવનિધરાધીશતનયે
ન તે સૌભાગ્યસ્ય ક્વચિદપિ મનાગસ્તિ તુલના ॥ 15॥
વૃષો વૃદ્ધો યાનં વિષમશનમાશા નિવસનં
શ્મશાનં ક્રીડાભૂર્ભુજગનિવહો ભૂષણવિધિઃ
સમગ્રા સામગ્રી જગતિ વિદિતૈવ સ્મરરિપોઃ
યદેતસ્યૈશ્વર્યં તવ જનનિ સૌભાગ્યમહિમા ॥ 16॥
શ્મશાનં ક્રીડાભૂર્ભુજગનિવહો ભૂષણવિધિઃ
સમગ્રા સામગ્રી જગતિ વિદિતૈવ સ્મરરિપોઃ
યદેતસ્યૈશ્વર્યં તવ જનનિ સૌભાગ્યમહિમા ॥ 16॥
અશેષબ્રહ્માણ્ડપ્રલયવિધિનૈસર્ગિકમતિઃ
શ્મશાનેષ્વાસીનઃ કૃતભસિતલેપઃ પશુપતિઃ ।
દધૌ કણ્ઠે હાલાહલમખિલભૂગોલકૃપયા
ભવત્યાઃ સઙ્ગત્યાઃ ફલમિતિ ચ કલ્યાણિ કલયે ॥ 17॥
શ્મશાનેષ્વાસીનઃ કૃતભસિતલેપઃ પશુપતિઃ ।
દધૌ કણ્ઠે હાલાહલમખિલભૂગોલકૃપયા
ભવત્યાઃ સઙ્ગત્યાઃ ફલમિતિ ચ કલ્યાણિ કલયે ॥ 17॥
ત્વદીયં સૌન્દર્યં નિરતિશયમાલોક્ય પરયા
ભિયૈવાસીદ્ગઙ્ગા જલમયતનુઃ શૈલતનયે ।
તદેતસ્યાસ્તસ્માદ્વદનકમલં વીક્ષ્ય કૃપયા
પ્રતિષ્ઠામાતન્વન્નિજશિરસિવાસેન ગિરિશઃ ॥ 18॥
ભિયૈવાસીદ્ગઙ્ગા જલમયતનુઃ શૈલતનયે ।
તદેતસ્યાસ્તસ્માદ્વદનકમલં વીક્ષ્ય કૃપયા
પ્રતિષ્ઠામાતન્વન્નિજશિરસિવાસેન ગિરિશઃ ॥ 18॥
વિશાલશ્રીખણ્ડદ્રવમૃગમદાકીર્ણઘુસૃણ
પ્રસૂનવ્યામિશ્રં ભગવતિ તવાભ્યઙ્ગસલિલમ્ ।
સમાદાય સ્રષ્ટા ચલિતપદપાંસૂન્નિજકરૈઃ
સમાધત્તે સૃષ્ટિં વિબુધપુરપઙ્કેરુહદૃશામ્ ॥ 19॥
પ્રસૂનવ્યામિશ્રં ભગવતિ તવાભ્યઙ્ગસલિલમ્ ।
સમાદાય સ્રષ્ટા ચલિતપદપાંસૂન્નિજકરૈઃ
સમાધત્તે સૃષ્ટિં વિબુધપુરપઙ્કેરુહદૃશામ્ ॥ 19॥
વસન્તે સાનન્દે કુસુમિતલતાભિઃ પરિવૃતે
સ્ફુરન્નાનાપદ્મે સરસિ કલહંસાલિસુભગે ।
સખીભિઃ ખેલન્તીં મલયપવનાન્દોલિતજલે
સ્મરેદ્યસ્ત્વાં તસ્ય જ્વરજનિતપીડાપસરતિ ॥ 20॥
સ્ફુરન્નાનાપદ્મે સરસિ કલહંસાલિસુભગે ।
સખીભિઃ ખેલન્તીં મલયપવનાન્દોલિતજલે
સ્મરેદ્યસ્ત્વાં તસ્ય જ્વરજનિતપીડાપસરતિ ॥ 20॥
॥ ઇતિ શ્રીમચ્છઙ્કરાચાર્યવિરચિતા આનન્દલહરી સમ્પૂર્ણા ॥