ഷഡാധാരപങ്കേരുഹാന്തര്വിരാജ-
-ത്സുഷുമ്നാന്തരാലേഽതിതേജോല്ലസന്തീമ് ।
സുധാമണ്ഡലം ദ്രാവയന്തീം പിബന്തീം
സുധാമൂര്തിമീഡേ ചിദാനന്ദരൂപാമ് ॥ 1 ॥
-ത്സുഷുമ്നാന്തരാലേഽതിതേജോല്ലസന്തീമ് ।
സുധാമണ്ഡലം ദ്രാവയന്തീം പിബന്തീം
സുധാമൂര്തിമീഡേ ചിദാനന്ദരൂപാമ് ॥ 1 ॥
ജ്വലത്കോടിബാലാര്കഭാസാരുണാങ്ഗീം
സുലാവണ്യശൃങ്ഗാരശോഭാഭിരാമാമ് ।
മഹാപദ്മകിഞ്ജല്കമധ്യേ വിരാജ-
-ത്ത്രികോണേ നിഷണ്ണാം ഭജേ ശ്രീഭവാനീമ് ॥ 2 ॥
സുലാവണ്യശൃങ്ഗാരശോഭാഭിരാമാമ് ।
മഹാപദ്മകിഞ്ജല്കമധ്യേ വിരാജ-
-ത്ത്രികോണേ നിഷണ്ണാം ഭജേ ശ്രീഭവാനീമ് ॥ 2 ॥
ക്വണത്കിങ്കിണീനൂപുരോദ്ഭാസിരത്ന-
-പ്രഭാലീഢലാക്ഷാര്ദ്രപാദാബ്ജയുഗ്മമ് ।
അജേശാച്യുതാദ്യൈഃ സുരൈഃ സേവ്യമാനം
മഹാദേവി മന്മൂര്ധ്നി തേ ഭാവയാമി ॥ 3 ॥
-പ്രഭാലീഢലാക്ഷാര്ദ്രപാദാബ്ജയുഗ്മമ് ।
അജേശാച്യുതാദ്യൈഃ സുരൈഃ സേവ്യമാനം
മഹാദേവി മന്മൂര്ധ്നി തേ ഭാവയാമി ॥ 3 ॥
സുശോണാമ്ബരാബദ്ധനീവീവിരാജ-
-ന്മഹാരത്നകാഞ്ചീകലാപം നിതമ്ബമ് ।
സ്ഫുരദ്ദക്ഷിണാവര്തനാഭിം ച തിസ്രോ
വലീരമ്ബ തേ രോമരാജിം ഭജേഽഹമ് ॥ 4 ॥
-ന്മഹാരത്നകാഞ്ചീകലാപം നിതമ്ബമ് ।
സ്ഫുരദ്ദക്ഷിണാവര്തനാഭിം ച തിസ്രോ
വലീരമ്ബ തേ രോമരാജിം ഭജേഽഹമ് ॥ 4 ॥
ലസദ്വൃത്തമുത്തുങ്ഗമാണിക്യകുമ്ഭോ-
-പമശ്രീ സ്തനദ്വന്ദ്വമമ്ബാമ്ബുജാക്ഷി ।
ഭജേ ദുഗ്ധപൂര്ണാഭിരാമം തവേദം
മഹാഹാരദീപ്തം സദാ പ്രസ്നുതാസ്യമ് ॥ 5 ॥
-പമശ്രീ സ്തനദ്വന്ദ്വമമ്ബാമ്ബുജാക്ഷി ।
ഭജേ ദുഗ്ധപൂര്ണാഭിരാമം തവേദം
മഹാഹാരദീപ്തം സദാ പ്രസ്നുതാസ്യമ് ॥ 5 ॥
ശിരീഷപ്രസൂനോല്ലസദ്ബാഹുദണ്ഡൈ-
-ര്ജ്വലദ്ബാണകോദണ്ഡപാശാങ്കുശൈശ്ച ।
ചലത്കങ്കണോദാരകേയൂരഭൂഷോ-
-ജ്ജ്വലദ്ഭിര്ലസന്തീം ഭജേ ശ്രീഭവാനീമ് ॥ 6 ॥
-ര്ജ്വലദ്ബാണകോദണ്ഡപാശാങ്കുശൈശ്ച ।
ചലത്കങ്കണോദാരകേയൂരഭൂഷോ-
-ജ്ജ്വലദ്ഭിര്ലസന്തീം ഭജേ ശ്രീഭവാനീമ് ॥ 6 ॥
ശരത്പൂര്ണചന്ദ്രപ്രഭാപൂര്ണബിമ്ബാ-
-ധരസ്മേരവക്ത്രാരവിന്ദാം സുശാന്താമ് ।
സുരത്നാവലീഹാരതാടങ്കശോഭാം
മഹാസുപ്രസന്നാം ഭജേ ശ്രീഭവാനീമ് ॥ 7 ॥
-ധരസ്മേരവക്ത്രാരവിന്ദാം സുശാന്താമ് ।
സുരത്നാവലീഹാരതാടങ്കശോഭാം
മഹാസുപ്രസന്നാം ഭജേ ശ്രീഭവാനീമ് ॥ 7 ॥
സുനാസാപുടം സുന്ദരഭ്രൂലലാടം
തവൌഷ്ഠശ്രിയം ദാനദക്ഷം കടാക്ഷമ് ।
ലലാടേ ലസദ്ഗന്ധകസ്തൂരിഭൂഷം
സ്ഫുരച്ഛ്രീമുഖാമ്ഭോജമീഡേഽഹമമ്ബ ॥ 8 ॥
തവൌഷ്ഠശ്രിയം ദാനദക്ഷം കടാക്ഷമ് ।
ലലാടേ ലസദ്ഗന്ധകസ്തൂരിഭൂഷം
സ്ഫുരച്ഛ്രീമുഖാമ്ഭോജമീഡേഽഹമമ്ബ ॥ 8 ॥
ചലത്കുന്തലാന്തര്ഭ്രമദ്ഭൃങ്ഗബൃന്ദം
ഘനസ്നിഗ്ധധമ്മില്ലഭൂഷോജ്ജ്വലം തേ ।
സ്ഫുരന്മൌലിമാണിക്യബദ്ധേന്ദുരേഖാ-
-വിലാസോല്ലസദ്ദിവ്യമൂര്ധാനമീഡേ ॥ 9 ॥
ഘനസ്നിഗ്ധധമ്മില്ലഭൂഷോജ്ജ്വലം തേ ।
സ്ഫുരന്മൌലിമാണിക്യബദ്ധേന്ദുരേഖാ-
-വിലാസോല്ലസദ്ദിവ്യമൂര്ധാനമീഡേ ॥ 9 ॥
ഇതി ശ്രീഭവാനി സ്വരൂപം തവേദം
പ്രപഞ്ചാത്പരം ചാതിസൂക്ഷ്മം പ്രസന്നമ് ।
സ്ഫുരത്വമ്ബ ഡിമ്ഭസ്യ മേ ഹൃത്സരോജേ
സദാ വാങ്മയം സര്വതേജോമയം ച ॥ 10 ॥
പ്രപഞ്ചാത്പരം ചാതിസൂക്ഷ്മം പ്രസന്നമ് ।
സ്ഫുരത്വമ്ബ ഡിമ്ഭസ്യ മേ ഹൃത്സരോജേ
സദാ വാങ്മയം സര്വതേജോമയം ച ॥ 10 ॥
ഗണേശാഭിമുഖ്യാഖിലൈഃ ശക്തിബൃന്ദൈ-
-ര്വൃതാം വൈ സ്ഫുരച്ചക്രരാജോല്ലസന്തീമ് ।
പരാം രാജരാജേശ്വരി ത്രൈപുരി ത്വാം
ശിവാങ്കോപരിസ്ഥാം ശിവാം ഭാവയാമി ॥ 11 ॥
-ര്വൃതാം വൈ സ്ഫുരച്ചക്രരാജോല്ലസന്തീമ് ।
പരാം രാജരാജേശ്വരി ത്രൈപുരി ത്വാം
ശിവാങ്കോപരിസ്ഥാം ശിവാം ഭാവയാമി ॥ 11 ॥
ത്വമര്കസ്ത്വമിന്ദുസ്ത്വമഗ്നിസ്ത്വമാപ-
-സ്ത്വമാകാശഭൂവായവസ്ത്വം മഹത്ത്വമ് ।
ത്വദന്യോ ന കശ്ചിത് പ്രപഞ്ചോഽസ്തി സര്വം
സദാനന്ദസംവിത്സ്വരൂപം ഭജേഽഹമ് ॥ 12 ॥
-സ്ത്വമാകാശഭൂവായവസ്ത്വം മഹത്ത്വമ് ।
ത്വദന്യോ ന കശ്ചിത് പ്രപഞ്ചോഽസ്തി സര്വം
സദാനന്ദസംവിത്സ്വരൂപം ഭജേഽഹമ് ॥ 12 ॥
ശ്രുതീനാമഗമ്യേ സുവേദാഗമജ്ഞാ
മഹിമ്നോ ന ജാനന്തി പാരം തവാമ്ബ ।
സ്തുതിം കര്തുമിച്ഛാമി തേ ത്വം ഭവാനി
ക്ഷമസ്വേദമത്ര പ്രമുഗ്ധഃ കിലാഹമ് ॥ 13 ॥
മഹിമ്നോ ന ജാനന്തി പാരം തവാമ്ബ ।
സ്തുതിം കര്തുമിച്ഛാമി തേ ത്വം ഭവാനി
ക്ഷമസ്വേദമത്ര പ്രമുഗ്ധഃ കിലാഹമ് ॥ 13 ॥
ഗുരുസ്ത്വം ശിവസ്ത്വം ച ശക്തിസ്ത്വമേവ
ത്വമേവാസി മാതാ പിതാ ച ത്വമേവ ।
ത്വമേവാസി വിദ്യാ ത്വമേവാസി ബന്ധു-
-ര്ഗതിര്മേ മതിര്ദേവി സര്വം ത്വമേവ ॥ 14 ॥
ത്വമേവാസി മാതാ പിതാ ച ത്വമേവ ।
ത്വമേവാസി വിദ്യാ ത്വമേവാസി ബന്ധു-
-ര്ഗതിര്മേ മതിര്ദേവി സര്വം ത്വമേവ ॥ 14 ॥
ശരണ്യേ വരേണ്യേ സുകാരുണ്യമൂര്തേ
ഹിരണ്യോദരാദ്യൈരഗണ്യേ സുപുണ്യേ ।
ഭവാരണ്യഭീതേശ്ച മാം പാഹി ഭദ്രേ
നമസ്തേ നമസ്തേ നമസ്തേ ഭവാനി ॥ 15 ॥
ഹിരണ്യോദരാദ്യൈരഗണ്യേ സുപുണ്യേ ।
ഭവാരണ്യഭീതേശ്ച മാം പാഹി ഭദ്രേ
നമസ്തേ നമസ്തേ നമസ്തേ ഭവാനി ॥ 15 ॥
ഇതീമാം മഹച്ഛ്രീഭവാനീഭുജങ്ഗം
സ്തുതിം യഃ പഠേദ്ഭക്തിയുക്തശ്ച തസ്മൈ ।
സ്വകീയം പദം ശാശ്വതം വേദസാരം
ശ്രിയം ചാഷ്ടസിദ്ധിം ഭവാനീ ദദാതി ॥ 16 ॥
സ്തുതിം യഃ പഠേദ്ഭക്തിയുക്തശ്ച തസ്മൈ ।
സ്വകീയം പദം ശാശ്വതം വേദസാരം
ശ്രിയം ചാഷ്ടസിദ്ധിം ഭവാനീ ദദാതി ॥ 16 ॥
ഭവാനീ ഭവാനീ ഭവാനീ ത്രിവാരം
ഉദാരം മുദാ സര്വദാ യേ ജപന്തി ।
ന ശോകം ന മോഹം ന പാപം ന ഭീതിഃ
കദാചിത്കഥഞ്ചിത്കുതശ്ചിജ്ജനാനാമ് ॥ 17 ॥
ഉദാരം മുദാ സര്വദാ യേ ജപന്തി ।
ന ശോകം ന മോഹം ന പാപം ന ഭീതിഃ
കദാചിത്കഥഞ്ചിത്കുതശ്ചിജ്ജനാനാമ് ॥ 17 ॥
॥ ഇതി ശ്രീമച്ഛങ്കരാചാര്യവിരചിതാ ഭവാനീ ഭുജങ്ഗം സമ്പൂര്ണമ് ॥