॥ দক্ষপ্রোক্তা কালীস্তুতিঃ (মার্কণ্ডেয কথিত) ॥
মার্কণ্ডেয উবাচ-
সিংহস্থাং কালিকাং কৃষ্ণাং পীনোত্তুঙ্গপযোধরাম্ ।
চতুর্ভুজাং চারুবক্ত্রাং নীলোত্পলধরাং শুভাম্ ॥ ৯॥
চতুর্ভুজাং চারুবক্ত্রাং নীলোত্পলধরাং শুভাম্ ॥ ৯॥
বরদাভযদাং খড্গহস্তাং সর্বগুণান্বিতাম্ ।
আরক্তনযনাং চারুমুক্তকেশীং মনোহরাম্ ॥ ১০॥
আরক্তনযনাং চারুমুক্তকেশীং মনোহরাম্ ॥ ১০॥
দৃষ্ট্বা দক্ষোঽথ তুষ্টাব মহামাযাং প্রজাপতিঃ ।
প্রীত্যা পরমযা যুক্তো বিনযানতকন্ধরঃ ॥ ১১॥
প্রীত্যা পরমযা যুক্তো বিনযানতকন্ধরঃ ॥ ১১॥
দক্ষ উবাচ-
আনন্দরূপিণীং দেবীং জগদানন্দকারিণীম্ ।
সৃষ্টিস্থিত্যন্তরূপাং তাং স্তৌমি লক্ষ্মীং হরেঃ শুভাম্ ॥ ১২॥
সৃষ্টিস্থিত্যন্তরূপাং তাং স্তৌমি লক্ষ্মীং হরেঃ শুভাম্ ॥ ১২॥
সত্ত্বোদ্রেকপ্রকাশেন যজ্জ্যোতিস্তত্ত্বমুত্তমম্ ।
স্বপ্রকাশং জগদ্ধাম তত্তবাংশং মহেশ্বরি ॥ ১৩॥
স্বপ্রকাশং জগদ্ধাম তত্তবাংশং মহেশ্বরি ॥ ১৩॥
রজোগুণাতিরেকেণ যত্কামস্য প্রকাশনম্ ।
রাগস্বরূপং মধ্যস্থং তত্তেংঽশাংশং জগন্মযি ॥ ১৪॥
রাগস্বরূপং মধ্যস্থং তত্তেংঽশাংশং জগন্মযি ॥ ১৪॥
তমোগুণাতিরেকেণ যদ্যন্মোহপ্রকাশনম্ ।
আচ্ছাদনং চেতনানাং তত্তে চাংশাংশগোচরম্ ॥ ১৫॥
আচ্ছাদনং চেতনানাং তত্তে চাংশাংশগোচরম্ ॥ ১৫॥
পরা পরাত্মিকা শুদ্ধা নির্মলা লোকমোহিনী ।
ত্বং ত্রিরূপা ত্রযী কীর্তির্বার্ত্তাস্য জগতো গতিঃ ॥ ১৬॥
ত্বং ত্রিরূপা ত্রযী কীর্তির্বার্ত্তাস্য জগতো গতিঃ ॥ ১৬॥
বিভর্তি মাধবো ধাত্রীং যথা মূর্ত্ত্যা নিজোত্থযা ।
সা মূর্ত্তিস্তব সর্বেষাং জগতামুপকারিণী ॥ ১৭॥
সা মূর্ত্তিস্তব সর্বেষাং জগতামুপকারিণী ॥ ১৭॥
মহানুভাবা ত্বং বিশ্বশক্তিঃ সূক্ষ্মাপরাজিতা ।
যদূর্ধ্বাধোনিরোধেন ব্যজ্যতে পবনৈঃ পরম্ ॥ ১৮॥
যদূর্ধ্বাধোনিরোধেন ব্যজ্যতে পবনৈঃ পরম্ ॥ ১৮॥
তজ্জ্যোতিস্তব মাত্রার্থে সাত্ত্বিকং ভাবসম্মতম্ ।
যদ্যোগিনো নিরালম্বং নিষ্ফলং নির্মলং পরম্ ॥ ১৯॥
যদ্যোগিনো নিরালম্বং নিষ্ফলং নির্মলং পরম্ ॥ ১৯॥
আলম্বযন্তি তত্তত্ত্বং ত্বদন্তর্গোচরন্তু তত্ ।
যা প্রসিদ্ধা চ কূটস্থা সুপ্রসিদ্ধাতিনির্মলা ॥ ২০॥
যা প্রসিদ্ধা চ কূটস্থা সুপ্রসিদ্ধাতিনির্মলা ॥ ২০॥
সা জ্ঞপ্তিস্ত্বন্নিষ্প্রপঞ্চা প্রপঞ্চাপি প্রকাশিকা ।
ত্বং বিদ্যা ত্বমবিদ্যা চ ত্বমালম্বা নিরাশ্রযা ।
প্রপঞ্চরূপা জগতামাদিশক্তিস্ত্বমীশ্বরী ॥ ২১॥
ত্বং বিদ্যা ত্বমবিদ্যা চ ত্বমালম্বা নিরাশ্রযা ।
প্রপঞ্চরূপা জগতামাদিশক্তিস্ত্বমীশ্বরী ॥ ২১॥
ব্রহ্মকণ্ঠালযা শুদ্ধা বাগ্বাণী যা প্রগীযতে ।
বেদপ্রকাশনপরা সা ত্বং বিশ্বপ্রকাশিনী ॥ ২২॥
বেদপ্রকাশনপরা সা ত্বং বিশ্বপ্রকাশিনী ॥ ২২॥
ত্বমগ্নিস্ত্বং তথা স্বাহা ত্বং স্বধা পিতৃভিঃ সহ ।
ত্বং নভস্ত্বং কালরূপা ত্বং কাষ্ঠা ত্বং বহিঃস্থিতা ॥ ২৩॥
ত্বং নভস্ত্বং কালরূপা ত্বং কাষ্ঠা ত্বং বহিঃস্থিতা ॥ ২৩॥
ত্বমচিন্ত্যা ত্বমব্যক্তা তথানির্দেশ্যরূপিণী ।
ত্বং কালরাত্রিস্ত্বং শান্তা ত্বমেব প্রকৃতিঃ পরা ॥ ২৪॥
ত্বং কালরাত্রিস্ত্বং শান্তা ত্বমেব প্রকৃতিঃ পরা ॥ ২৪॥
যস্যাঃ সংসারলোকানাং পরিত্রাণায যদ্বহিঃ ।
রূপং জানন্তি ধাত্রাদ্যাস্তত্ত্বাং জ্ঞাস্যন্তি কে পরাম্ ॥ ২৫॥
রূপং জানন্তি ধাত্রাদ্যাস্তত্ত্বাং জ্ঞাস্যন্তি কে পরাম্ ॥ ২৫॥
প্রসীদ ভগবত্যম্ব প্রসীদ যোগরূপিণি ।
প্রসীদ ঘোররূপে ত্বং জগন্মযি নমোঽস্তু তে ॥ ২৬॥
প্রসীদ ঘোররূপে ত্বং জগন্মযি নমোঽস্তু তে ॥ ২৬॥
॥ ইতি কালিকাপুরাণে অষ্টমাধ্যাযান্তর্গতা দক্ষপ্রোক্তা কালীস্তুতিঃ সমাপ্তা ॥