॥ ദക്ഷപ്രോക്താ കാലീസ്തുതിഃ (മാര്കണ്ഡേയ കഥിത) ॥
മാര്കണ്ഡേയ ഉവാച-
സിംഹസ്ഥാം കാലികാം കൃഷ്ണാം പീനോത്തുങ്ഗപയോധരാമ് ।
ചതുര്ഭുജാം ചാരുവക്ത്രാം നീലോത്പലധരാം ശുഭാമ് ॥ ൯॥
ചതുര്ഭുജാം ചാരുവക്ത്രാം നീലോത്പലധരാം ശുഭാമ് ॥ ൯॥
വരദാഭയദാം ഖഡ്ഗഹസ്താം സര്വഗുണാന്വിതാമ് ।
ആരക്തനയനാം ചാരുമുക്തകേശീം മനോഹരാമ് ॥ ൧൦॥
ആരക്തനയനാം ചാരുമുക്തകേശീം മനോഹരാമ് ॥ ൧൦॥
ദൃഷ്ട്വാ ദക്ഷോഽഥ തുഷ്ടാവ മഹാമായാം പ്രജാപതിഃ ।
പ്രീത്യാ പരമയാ യുക്തോ വിനയാനതകന്ധരഃ ॥ ൧൧॥
പ്രീത്യാ പരമയാ യുക്തോ വിനയാനതകന്ധരഃ ॥ ൧൧॥
ദക്ഷ ഉവാച-
ആനന്ദരൂപിണീം ദേവീം ജഗദാനന്ദകാരിണീമ് ।
സൃഷ്ടിസ്ഥിത്യന്തരൂപാം താം സ്തൌമി ലക്ഷ്മീം ഹരേഃ ശുഭാമ് ॥ ൧൨॥
സൃഷ്ടിസ്ഥിത്യന്തരൂപാം താം സ്തൌമി ലക്ഷ്മീം ഹരേഃ ശുഭാമ് ॥ ൧൨॥
സത്ത്വോദ്രേകപ്രകാശേന യജ്ജ്യോതിസ്തത്ത്വമുത്തമമ് ।
സ്വപ്രകാശം ജഗദ്ധാമ തത്തവാംശം മഹേശ്വരി ॥ ൧൩॥
സ്വപ്രകാശം ജഗദ്ധാമ തത്തവാംശം മഹേശ്വരി ॥ ൧൩॥
രജോഗുണാതിരേകേണ യത്കാമസ്യ പ്രകാശനമ് ।
രാഗസ്വരൂപം മധ്യസ്ഥം തത്തേംഽശാംശം ജഗന്മയി ॥ ൧൪॥
രാഗസ്വരൂപം മധ്യസ്ഥം തത്തേംഽശാംശം ജഗന്മയി ॥ ൧൪॥
തമോഗുണാതിരേകേണ യദ്യന്മോഹപ്രകാശനമ് ।
ആച്ഛാദനം ചേതനാനാം തത്തേ ചാംശാംശഗോചരമ് ॥ ൧൫॥
ആച്ഛാദനം ചേതനാനാം തത്തേ ചാംശാംശഗോചരമ് ॥ ൧൫॥
പരാ പരാത്മികാ ശുദ്ധാ നിര്മലാ ലോകമോഹിനീ ।
ത്വം ത്രിരൂപാ ത്രയീ കീര്തിര്വാര്ത്താസ്യ ജഗതോ ഗതിഃ ॥ ൧൬॥
ത്വം ത്രിരൂപാ ത്രയീ കീര്തിര്വാര്ത്താസ്യ ജഗതോ ഗതിഃ ॥ ൧൬॥
ബിഭര്തി മാധവോ ധാത്രീം യഥാ മൂര്ത്ത്യാ നിജോത്ഥയാ ।
സാ മൂര്ത്തിസ്തവ സര്വേഷാം ജഗതാമുപകാരിണീ ॥ ൧൭॥
സാ മൂര്ത്തിസ്തവ സര്വേഷാം ജഗതാമുപകാരിണീ ॥ ൧൭॥
മഹാനുഭാവാ ത്വം വിശ്വശക്തിഃ സൂക്ഷ്മാപരാജിതാ ।
യദൂര്ധ്വാധോനിരോധേന വ്യജ്യതേ പവനൈഃ പരമ് ॥ ൧൮॥
യദൂര്ധ്വാധോനിരോധേന വ്യജ്യതേ പവനൈഃ പരമ് ॥ ൧൮॥
തജ്ജ്യോതിസ്തവ മാത്രാര്ഥേ സാത്ത്വികം ഭാവസമ്മതമ് ।
യദ്യോഗിനോ നിരാലമ്ബം നിഷ്ഫലം നിര്മലം പരമ് ॥ ൧൯॥
യദ്യോഗിനോ നിരാലമ്ബം നിഷ്ഫലം നിര്മലം പരമ് ॥ ൧൯॥
ആലമ്ബയന്തി തത്തത്ത്വം ത്വദന്തര്ഗോചരന്തു തത് ।
യാ പ്രസിദ്ധാ ച കൂടസ്ഥാ സുപ്രസിദ്ധാതിനിര്മലാ ॥ ൨൦॥
യാ പ്രസിദ്ധാ ച കൂടസ്ഥാ സുപ്രസിദ്ധാതിനിര്മലാ ॥ ൨൦॥
സാ ജ്ഞപ്തിസ്ത്വന്നിഷ്പ്രപഞ്ചാ പ്രപഞ്ചാപി പ്രകാശികാ ।
ത്വം വിദ്യാ ത്വമവിദ്യാ ച ത്വമാലമ്ബാ നിരാശ്രയാ ।
പ്രപഞ്ചരൂപാ ജഗതാമാദിശക്തിസ്ത്വമീശ്വരീ ॥ ൨൧॥
ത്വം വിദ്യാ ത്വമവിദ്യാ ച ത്വമാലമ്ബാ നിരാശ്രയാ ।
പ്രപഞ്ചരൂപാ ജഗതാമാദിശക്തിസ്ത്വമീശ്വരീ ॥ ൨൧॥
ബ്രഹ്മകണ്ഠാലയാ ശുദ്ധാ വാഗ്വാണീ യാ പ്രഗീയതേ ।
വേദപ്രകാശനപരാ സാ ത്വം വിശ്വപ്രകാശിനീ ॥ ൨൨॥
വേദപ്രകാശനപരാ സാ ത്വം വിശ്വപ്രകാശിനീ ॥ ൨൨॥
ത്വമഗ്നിസ്ത്വം തഥാ സ്വാഹാ ത്വം സ്വധാ പിതൃഭിഃ സഹ ।
ത്വം നഭസ്ത്വം കാലരൂപാ ത്വം കാഷ്ഠാ ത്വം ബഹിഃസ്ഥിതാ ॥ ൨൩॥
ത്വം നഭസ്ത്വം കാലരൂപാ ത്വം കാഷ്ഠാ ത്വം ബഹിഃസ്ഥിതാ ॥ ൨൩॥
ത്വമചിന്ത്യാ ത്വമവ്യക്താ തഥാനിര്ദേശ്യരൂപിണീ ।
ത്വം കാലരാത്രിസ്ത്വം ശാന്താ ത്വമേവ പ്രകൃതിഃ പരാ ॥ ൨൪॥
ത്വം കാലരാത്രിസ്ത്വം ശാന്താ ത്വമേവ പ്രകൃതിഃ പരാ ॥ ൨൪॥
യസ്യാഃ സംസാരലോകാനാം പരിത്രാണായ യദ്ബഹിഃ ।
രൂപം ജാനന്തി ധാത്രാദ്യാസ്തത്ത്വാം ജ്ഞാസ്യന്തി കേ പരാമ് ॥ ൨൫॥
രൂപം ജാനന്തി ധാത്രാദ്യാസ്തത്ത്വാം ജ്ഞാസ്യന്തി കേ പരാമ് ॥ ൨൫॥
പ്രസീദ ഭഗവത്യമ്ബ പ്രസീദ യോഗരൂപിണി ।
പ്രസീദ ഘോരരൂപേ ത്വം ജഗന്മയി നമോഽസ്തു തേ ॥ ൨൬॥
പ്രസീദ ഘോരരൂപേ ത്വം ജഗന്മയി നമോഽസ്തു തേ ॥ ൨൬॥
॥ ഇതി കാലികാപുരാണേ അഷ്ടമാധ്യായാന്തര്ഗതാ ദക്ഷപ്രോക്താ കാലീസ്തുതിഃ സമാപ്താ ॥