জগত্প্রতিষ্ঠাহেতুর্যঃ ধর্মঃ শ্রুত্যন্তকীর্তিতঃ ।
তস্যাপি শাস্তা যো দেবস্তং সদা সমুপাশ্রযে ॥ 1 ॥
তস্যাপি শাস্তা যো দেবস্তং সদা সমুপাশ্রযে ॥ 1 ॥
শ্রীশঙ্করাচার্যৈঃ শিবাবতারৈঃ
ধর্মপ্রচারায সমস্তকালে ।
সুস্থাপিতং শৃঙ্গমহীধ্রবর্যে
পীঠং যতীন্দ্রাঃ পরিভূষযন্তি ॥ 2 ॥
ধর্মপ্রচারায সমস্তকালে ।
সুস্থাপিতং শৃঙ্গমহীধ্রবর্যে
পীঠং যতীন্দ্রাঃ পরিভূষযন্তি ॥ 2 ॥
তেষ্বেব কর্মন্দিবরেষু বিদ্যা-
-তপোধনেষু প্রথিতানুভাবঃ ।
বিদ্যাসুতীর্থোঽভিনবোঽদ্য যোগী
শাস্তারমালোকযিতুং প্রতস্থে ॥ 3 ॥
-তপোধনেষু প্রথিতানুভাবঃ ।
বিদ্যাসুতীর্থোঽভিনবোঽদ্য যোগী
শাস্তারমালোকযিতুং প্রতস্থে ॥ 3 ॥
ধর্মস্য গোপ্তা যতিপুঙ্গবোঽযং
ধর্মস্য শাস্তারমবৈক্ষতেতি ।
যুক্তং তদেতদ্যুভযোস্তযোর্হি
সম্মেলনং লোকহিতায নূনম্ ॥ 4 ॥
ধর্মস্য শাস্তারমবৈক্ষতেতি ।
যুক্তং তদেতদ্যুভযোস্তযোর্হি
সম্মেলনং লোকহিতায নূনম্ ॥ 4 ॥
কালেঽস্মিন্ কলিমলদূষিতেঽপি ধর্মঃ
শ্রৌতোঽযং ন খলু বিলোপমাপ তত্র ।
হেতুঃ খল্বযমিহ নূনমেব নান্যঃ
শাস্তাঽস্তে সকলজনৈকবন্দ্যপাদঃ ॥ 5 ॥
শ্রৌতোঽযং ন খলু বিলোপমাপ তত্র ।
হেতুঃ খল্বযমিহ নূনমেব নান্যঃ
শাস্তাঽস্তে সকলজনৈকবন্দ্যপাদঃ ॥ 5 ॥
জ্ঞানং ষডাস্যবরতাতকৃপৈকলভ্যং
মোক্ষস্তু তার্ক্ষ্যবরবাহদযৈকলভ্যঃ ।
জ্ঞানং চ মোক্ষ উভযং তু বিনা শ্রমেণ
প্রাপ্যং জনৈঃ হরিহরাত্মজসত্প্রসাদাত্ ॥ 6 ॥
মোক্ষস্তু তার্ক্ষ্যবরবাহদযৈকলভ্যঃ ।
জ্ঞানং চ মোক্ষ উভযং তু বিনা শ্রমেণ
প্রাপ্যং জনৈঃ হরিহরাত্মজসত্প্রসাদাত্ ॥ 6 ॥
যমনিযমাদিসমেতৈঃ যতচিত্তৈর্যোগিভিঃ সদা ধ্যেযম্ ।
শাস্তারং হৃদি কলযে ধাতারং সর্বলোকস্য ॥ 7 ॥
শাস্তারং হৃদি কলযে ধাতারং সর্বলোকস্য ॥ 7 ॥
শবরগিরিনিবাসঃ সর্বলোকৈকপূজ্যঃ
নতজনসুখকারী নম্রহৃত্তাপহারী ।
ত্রিদশদিতিজসেব্যঃ স্বর্গমোক্ষপ্রদাতা
হরিহরসুতদেবঃ সন্ততং শং তনোতু ॥ 8 ॥
নতজনসুখকারী নম্রহৃত্তাপহারী ।
ত্রিদশদিতিজসেব্যঃ স্বর্গমোক্ষপ্রদাতা
হরিহরসুতদেবঃ সন্ততং শং তনোতু ॥ 8 ॥
ইতি শৃঙ্গেরি জগদ্গুরু শ্রী শ্রী ভারতীতীর্থ মহাস্বামিভিঃ বিরচিতং ধর্মশাস্তা স্তোত্রম্ ।