జగత్ప్రతిష్ఠాహేతుర్యః ధర్మః శ్రుత్యన్తకీర్తితః ।
తస్యాపి శాస్తా యో దేవస్తం సదా సముపాశ్రయే ॥ 1 ॥
తస్యాపి శాస్తా యో దేవస్తం సదా సముపాశ్రయే ॥ 1 ॥
శ్రీశఙ్కరాచార్యైః శివావతారైః
ధర్మప్రచారాయ సమస్తకాలే ।
సుస్థాపితం శృఙ్గమహీధ్రవర్యే
పీఠం యతీన్ద్రాః పరిభూషయన్తి ॥ 2 ॥
ధర్మప్రచారాయ సమస్తకాలే ।
సుస్థాపితం శృఙ్గమహీధ్రవర్యే
పీఠం యతీన్ద్రాః పరిభూషయన్తి ॥ 2 ॥
తేష్వేవ కర్మన్దివరేషు విద్యా-
-తపోధనేషు ప్రథితానుభావః ।
విద్యాసుతీర్థోఽభినవోఽద్య యోగీ
శాస్తారమాలోకయితుం ప్రతస్థే ॥ 3 ॥
-తపోధనేషు ప్రథితానుభావః ।
విద్యాసుతీర్థోఽభినవోఽద్య యోగీ
శాస్తారమాలోకయితుం ప్రతస్థే ॥ 3 ॥
ధర్మస్య గోప్తా యతిపుఙ్గవోఽయం
ధర్మస్య శాస్తారమవైక్షతేతి ।
యుక్తం తదేతద్యుభయోస్తయోర్హి
సమ్మేలనం లోకహితాయ నూనమ్ ॥ 4 ॥
ధర్మస్య శాస్తారమవైక్షతేతి ।
యుక్తం తదేతద్యుభయోస్తయోర్హి
సమ్మేలనం లోకహితాయ నూనమ్ ॥ 4 ॥
కాలేఽస్మిన్ కలిమలదూషితేఽపి ధర్మః
శ్రౌతోఽయం న ఖలు విలోపమాప తత్ర ।
హేతుః ఖల్వయమిహ నూనమేవ నాన్యః
శాస్తాఽస్తే సకలజనైకవన్ద్యపాదః ॥ 5 ॥
శ్రౌతోఽయం న ఖలు విలోపమాప తత్ర ।
హేతుః ఖల్వయమిహ నూనమేవ నాన్యః
శాస్తాఽస్తే సకలజనైకవన్ద్యపాదః ॥ 5 ॥
జ్ఞానం షడాస్యవరతాతకృపైకలభ్యం
మోక్షస్తు తార్క్ష్యవరవాహదయైకలభ్యః ।
జ్ఞానం చ మోక్ష ఉభయం తు వినా శ్రమేణ
ప్రాప్యం జనైః హరిహరాత్మజసత్ప్రసాదాత్ ॥ 6 ॥
మోక్షస్తు తార్క్ష్యవరవాహదయైకలభ్యః ।
జ్ఞానం చ మోక్ష ఉభయం తు వినా శ్రమేణ
ప్రాప్యం జనైః హరిహరాత్మజసత్ప్రసాదాత్ ॥ 6 ॥
యమనియమాదిసమేతైః యతచిత్తైర్యోగిభిః సదా ధ్యేయమ్ ।
శాస్తారం హృది కలయే ధాతారం సర్వలోకస్య ॥ 7 ॥
శాస్తారం హృది కలయే ధాతారం సర్వలోకస్య ॥ 7 ॥
శబరగిరినివాసః సర్వలోకైకపూజ్యః
నతజనసుఖకారీ నమ్రహృత్తాపహారీ ।
త్రిదశదితిజసేవ్యః స్వర్గమోక్షప్రదాతా
హరిహరసుతదేవః సన్తతం శం తనోతు ॥ 8 ॥
నతజనసుఖకారీ నమ్రహృత్తాపహారీ ।
త్రిదశదితిజసేవ్యః స్వర్గమోక్షప్రదాతా
హరిహరసుతదేవః సన్తతం శం తనోతు ॥ 8 ॥
ఇతి శృఙ్గేరి జగద్గురు శ్రీ శ్రీ భారతీతీర్థ మహాస్వామిభిః విరచితం ధర్మశాస్తా స్తోత్రమ్ ।