લીલાલબ્ધસ્થાપિતલુપ્તાખિલલોકાં
લોકાતીતૈર્યોગિભિરન્તશ્ચિરમૃગ્યામ્ ।
બાલાદિત્યશ્રેણિસમાનદ્યુતિપુઞ્જાં
ગૌરીમમ્બામમ્બુરુહાક્ષીમહમીડે ॥ 1 ॥
લોકાતીતૈર્યોગિભિરન્તશ્ચિરમૃગ્યામ્ ।
બાલાદિત્યશ્રેણિસમાનદ્યુતિપુઞ્જાં
ગૌરીમમ્બામમ્બુરુહાક્ષીમહમીડે ॥ 1 ॥
પ્રત્યાહારધ્યાનસમાધિસ્થિતિભાજાં
નિત્યં ચિત્તે નિર્વૃતિકાષ્ઠાં કલયન્તીમ્ ।
સત્યજ્ઞાનાનન્દમયીં તાં તનુરૂપાં
ગૌરીમમ્બામમ્બુરુહાક્ષીમહમીડે ॥ 2 ॥
નિત્યં ચિત્તે નિર્વૃતિકાષ્ઠાં કલયન્તીમ્ ।
સત્યજ્ઞાનાનન્દમયીં તાં તનુરૂપાં
ગૌરીમમ્બામમ્બુરુહાક્ષીમહમીડે ॥ 2 ॥
ચન્દ્રાપીડાનન્દિતમન્દસ્મિતવક્ત્રાં
ચન્દ્રાપીડાલઙ્કૃતનીલાલકભારામ્ ।
ઇન્દ્રોપેન્દ્રાદ્યર્ચિતપાદામ્બુજયુગ્માં
ગૌરીમમ્બામમ્બુરુહાક્ષીમહમીડે ॥ 3 ॥
ચન્દ્રાપીડાલઙ્કૃતનીલાલકભારામ્ ।
ઇન્દ્રોપેન્દ્રાદ્યર્ચિતપાદામ્બુજયુગ્માં
ગૌરીમમ્બામમ્બુરુહાક્ષીમહમીડે ॥ 3 ॥
આદિક્ષાન્તામક્ષરમૂર્ત્યા વિલસન્તીં
ભૂતે ભૂતે ભૂતકદમ્બપ્રસવિત્રીમ્ ।
શબ્દબ્રહ્માનન્દમયીં તાં તટિદાભાં
ગૌરીમમ્બામમ્બુરુહાક્ષીમહમીડે ॥ 4 ॥
ભૂતે ભૂતે ભૂતકદમ્બપ્રસવિત્રીમ્ ।
શબ્દબ્રહ્માનન્દમયીં તાં તટિદાભાં
ગૌરીમમ્બામમ્બુરુહાક્ષીમહમીડે ॥ 4 ॥
મૂલાધારાદુત્થિતવીથ્યા વિધિરન્ધ્રં
સૌરં ચાન્દ્રં વ્યાપ્ય વિહારજ્વલિતાઙ્ગીમ્ ।
યેયં સૂક્ષ્માત્સૂક્ષ્મતનુસ્તાં સુખરૂપાં
ગૌરીમમ્બામમ્બુરુહાક્ષીમહમીડે ॥ 5 ॥
સૌરં ચાન્દ્રં વ્યાપ્ય વિહારજ્વલિતાઙ્ગીમ્ ।
યેયં સૂક્ષ્માત્સૂક્ષ્મતનુસ્તાં સુખરૂપાં
ગૌરીમમ્બામમ્બુરુહાક્ષીમહમીડે ॥ 5 ॥
નિત્યઃ શુદ્ધો નિષ્કલ એકો જગદીશઃ
સાક્ષી યસ્યાઃ સર્ગવિધૌ સંહરણે ચ ।
વિશ્વત્રાણક્રીડનલોલાં શિવપત્નીં
ગૌરીમમ્બામમ્બુરુહાક્ષીમહમીડે ॥ 6 ॥
સાક્ષી યસ્યાઃ સર્ગવિધૌ સંહરણે ચ ।
વિશ્વત્રાણક્રીડનલોલાં શિવપત્નીં
ગૌરીમમ્બામમ્બુરુહાક્ષીમહમીડે ॥ 6 ॥
યસ્યાઃ કુક્ષૌ લીનમખણ્ડં જગદણ્ડં
ભૂયો ભૂયઃ પ્રાદુરભૂદુત્થિતમેવ ।
પત્યા સાર્ધં તાં રજતાદ્રૌ વિહરન્તીં
ગૌરીમમ્બામમ્બુરુહાક્ષીમહમીડે ॥ 7 ॥
ભૂયો ભૂયઃ પ્રાદુરભૂદુત્થિતમેવ ।
પત્યા સાર્ધં તાં રજતાદ્રૌ વિહરન્તીં
ગૌરીમમ્બામમ્બુરુહાક્ષીમહમીડે ॥ 7 ॥
યસ્યામોતં પ્રોતમશેષં મણિમાલા-
-સૂત્રે યદ્વત્કાપિ ચરં ચાપ્યચરં ચ ।
તામધ્યાત્મજ્ઞાનપદવ્યા ગમનીયાં
ગૌરીમમ્બામમ્બુરુહાક્ષીમહમીડે ॥ 8 ॥
-સૂત્રે યદ્વત્કાપિ ચરં ચાપ્યચરં ચ ।
તામધ્યાત્મજ્ઞાનપદવ્યા ગમનીયાં
ગૌરીમમ્બામમ્બુરુહાક્ષીમહમીડે ॥ 8 ॥
નાનાકારૈઃ શક્તિકદમ્બૈર્ભુવનાનિ
વ્યાપ્ય સ્વૈરં ક્રીડતિ યેયં સ્વયમેકા ।
કલ્યાણીં તાં કલ્પલતામાનતિભાજાં
ગૌરીમમ્બામમ્બુરુહાક્ષીમહમીડે ॥ 9 ॥
વ્યાપ્ય સ્વૈરં ક્રીડતિ યેયં સ્વયમેકા ।
કલ્યાણીં તાં કલ્પલતામાનતિભાજાં
ગૌરીમમ્બામમ્બુરુહાક્ષીમહમીડે ॥ 9 ॥
આશાપાશક્લેશવિનાશં વિદધાનાં
પાદામ્ભોજધ્યાનપરાણાં પુરુષાણામ્ ।
ઈશામીશાર્ધાઙ્ગહરાં તામભિરામાં
ગૌરીમમ્બામમ્બુરુહાક્ષીમહમીડે ॥ 10 ॥
પાદામ્ભોજધ્યાનપરાણાં પુરુષાણામ્ ।
ઈશામીશાર્ધાઙ્ગહરાં તામભિરામાં
ગૌરીમમ્બામમ્બુરુહાક્ષીમહમીડે ॥ 10 ॥
પ્રાતઃકાલે ભાવવિશુદ્ધઃ પ્રણિધાના-
-દ્ભક્ત્યા નિત્યં જલ્પતિ ગૌરીદશકં યઃ ।
વાચાં સિદ્ધિં સમ્પદમગ્ર્યાં શિવભક્તિં
તસ્યાવશ્યં પર્વતપુત્રી વિદધાતિ ॥ 11 ॥
-દ્ભક્ત્યા નિત્યં જલ્પતિ ગૌરીદશકં યઃ ।
વાચાં સિદ્ધિં સમ્પદમગ્ર્યાં શિવભક્તિં
તસ્યાવશ્યં પર્વતપુત્રી વિદધાતિ ॥ 11 ॥
ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતૌ ગૌરી દશકમ્ ।