દોહા
બન્દહુઁ વીણા વાદિની, ધરિ ગણપતિ કો ધ્યાન।
મહાશક્તિ રાધા, સહિત કૃષ્ણ કરૌ કલ્યાણ।
મહાશક્તિ રાધા, સહિત કૃષ્ણ કરૌ કલ્યાણ।
સુમિરન કરિ સબ દેવગણ, ગુરુ પિતુ બારમ્બાર।
બરનૌ શ્રીગિરિરાજ યશ, નિજ મતિ કે અનુસાર।
બરનૌ શ્રીગિરિરાજ યશ, નિજ મતિ કે અનુસાર।
ચૌપાઈ
જય હો જય બંદિત ગિરિરાજા, બ્રજ મણ્ડલ કે શ્રી મહારાજા।
વિષ્ણુ રૂપ તુમ હો અવતારી, સુન્દરતા પૈ જગ બલિહારી।
સ્વર્ણ શિખર અતિ શોભા પાવેં, સુર મુનિ ગણ દરશન કૂં આવેં।
શાંત કંદરા સ્વર્ગ સમાના, જહાઁ તપસ્વી ધરતે ધ્યાના।
દ્રોણગિરિ કે તુમ યુવરાજા, ભક્તન કે સાધૌ હૌ કાજા।
મુનિ પુલસ્ત્ય જી કે મન ભાયે, જોર વિનય કર તુમ કૂં લાયે।
મુનિવર સંઘ જબ બ્રજ મેં આયે, લખિ બ્રજભૂમિ યહાઁ ઠહરાયે।
વિષ્ણુ ધામ ગૌલોક સુહાવન, યમુના ગોવર્ધન વૃન્દાવન।
દેખ દેવ મન મેં લલચાયે, બાસ કરન બહુત રૂપ બનાયે।
કોઉ બાનર કોઉ મૃગ કે રૂપા, કોઉ વૃક્ષ કોઉ લતા સ્વરૂપા।
આનન્દ લેં ગોલોક ધામ કે, પરમ ઉપાસક રૂપ નામ કે।
દ્વાપર અંત ભયે અવતારી, કૃષ્ણચન્દ્ર આનન્દ મુરારી।
મહિમા તુમ્હરી કૃષ્ણ બખાની, પૂજા કરિબે કી મન ઠાની।
બ્રજવાસી સબ કે લિયે બુલાઈ, ગોવર્ધન પૂજા કરવાઈ।
પૂજન કૂં વ્યંજન બનવાયે, બ્રજવાસી ઘર ઘર તે લાયે।
ગ્વાલ બાલ મિલિ પૂજા કીની, સહસ ભુજા તુમને કર લીની।
સ્વયં પ્રકટ હો કૃષ્ણ પૂજા મેં, માંગ માંગ કે ભોજન પાવેં।
લખિ નર નારિ મન હરષાવેં, જૈ જૈ જૈ ગિરિવર ગુણ ગાવેં।
દેવરાજ મન મેં રિસિયાએ, નષ્ટ કરન બ્રજ મેઘ બુલાએ।
છાયા કર બ્રજ લિયૌ બચાઈ, એકઉ બૂંદ ન નીચે આઈ।
સાત દિવસ ભઈ બરસા ભારી, થકે મેઘ ભારી જલ ધારી।
કૃષ્ણચન્દ્ર ને નખ પૈ ધારે, નમો નમો બ્રજ કે રખવારે।
કરિ અભિમાન થકે સુરસાઈ, ક્ષમા માંગ પુનિ અસ્તુતિ ગાઈ।
ત્રાહિ મામ મૈં શરણ તિહારી, ક્ષમા કરો પ્રભુ ચૂક હમારી।
બાર બાર બિનતી અતિ કીની, સાત કોસ પરિકમ્મા દીની।
સંગ સુરભિ ઐરાવત લાયે, હાથ જોડ કર ભેંટ ગહાએ।
અભય દાન પા ઇન્દ્ર સિહાયે, કરિ પ્રણામ નિજ લોક સિધાયે।
જો યહ કથા સુનૈં ચિત લાવેં, અન્ત સમય સુરપતિ પદ પાવૈં।
ગોવર્ધન હૈ નામ તિહારૌ, કરતે ભક્તન કૌ નિસ્તારૌ।
જો નર તુમ્હરે દર્શન પાવેં, તિનકે દુખ દૂર હ્વૈ જાવે।
કુણ્ડન મેં જો કરેં આચમન, ધન્ય ધન્ય વહ માનવ જીવન।
માનસી ગંગા મેં જો નહાવે, સીધે સ્વર્ગ લોક કૂં જાવેં।
દૂધ ચઢા જો ભોગ લગાવેં, આધિ વ્યાધિ તેહિ પાસ ન આવેં।
જલ ફલ તુલસી પત્ર ચઢાવેં, મન વાંછિત ફલ નિશ્ચય પાવેં।
જો નર દેત દૂધ કી ધારા, ભરૌ રહે તાકૌ ભણ્ડારા।
કરેં જાગરણ જો નર કોઈ, દુખ દરિદ્ર ભય તાહિ ન હોઈ।
શ્યામ શિલામય નિજ જન ત્રાતા, ભક્તિ મુક્તિ સરબસ કે દાતા।
પુત્રહીન જો તુમ કૂં ધ્યાવેં, તાકૂં પુત્ર પ્રાપ્તિ હ્વૈ જાવેં।
દણ્ડૌતી પરિકમ્મા કરહીં, તે સહજહિં ભવસાગર તરહીં।
કલિ મેં તુમ સક દેવ ન દૂજા, સુર નર મુનિ સબ કરતે પૂજા।
દોહા
જો યહ ચાલીસા પઢૈ, સુનૈ શુદ્ધ ચિત્ત લાય।
સત્ય સત્ય યહ સત્ય હૈ, ગિરિવર કરૈ સહાય।
સત્ય સત્ય યહ સત્ય હૈ, ગિરિવર કરૈ સહાય।
ક્ષમા કરહુઁ અપરાધ મમ, ત્રાહિ મામ્ ગિરિરાજ।
શ્યામ બિહારી શરણ મેં, ગોવર્ધન મહારાજ।
શ્યામ બિહારી શરણ મેં, ગોવર્ધન મહારાજ।