4 - ప్రవర్గ్య మన్త్రాః - కృష్ణ యజుర్వేద తైత్తిరీయ ఆరణ్యక పాఠః - యుఞ్జతే మనః

కృష్ణ యజుర్వేదీయ తైత్తిరీయ ఆరణ్యకే చతుర్థః ప్రపాఠకః - ప్రవర్గ్య మన్త్రాః
ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హరిః ఓమ్ ॥
అనువాకం 1
నమో వాచే యా చోదితా యా చానుదితా తస్యై వాచే నమో నమో వాచే నమో వాచస్పతయే నమ ఋషిభ్యో మన్త్రకృద్భ్యో మన్త్రపతిభ్యో మా మామృషయో మన్త్రకృతో మన్త్రపతయః పరాదుర్మా-ఽహమృషీ-న్మన్త్రకృతో మన్త్రపతీ-న్పరాదాం-వైఁశ్వదేవీం-వాఁచముద్యాసగ్ం శివామదస్తా-ఞ్జుష్టా-న్దేవేభ్య-శ్శర్మ మే ద్యౌ-శ్శర్మ పృథివీ శర్మ విశ్వమిద-ఞ్జగత్ ।
శర్మ చన్ద్రశ్చ సూర్యశ్చ శర్మ బ్రహ్మప్రజాపతీ ॥
భూతం-వఁదిష్యే భువనం-వఁదిష్యే తేజో వదిష్యే యశో వదిష్యే తపో వదిష్యే బ్రహ్మ వదిష్యే సత్యం-వఁదిష్యే తస్మా అహమిద-ముపస్తరణ-ముపస్తృణ ఉపస్తరణ-మ్మే ప్రజాయై పశూనా-మ్భూయా-దుపస్తరణమహ-మ్ప్రజాయై పశూనా-మ్భూయాస-మ్ప్రాణాపానౌ మృత్యోర్మా పాత-మ్ప్రాణాపానౌ మా మా హాసిష్ట-మ్మధు మనిష్యే మధు జనిష్యే మధు వక్ష్యామి మధు వదిష్యామి మధుమతీ-న్దేవేభ్యో వాచముద్యాసగ్ం శుశ్రూషేణ్యా-మ్మనుష్యేభ్యస్త-మ్మా దేవా అవన్తు శోభాయై పితరో-ఽనుమదన్తు ॥
ఓం శాన్తి-శ్శాన్తి-శ్శాన్తిః ॥ 1 ॥

(అ. 1)
అనువాకం 2
యుఞ్జతే మన ఉత యుఞ్జతే ధియః । విప్రా విప్రస్య బృహతో విపశ్చితః । వి హోత్రా దధే వయునావిదేక ఇత్ । మహీ దేవస్య సవితుః పరిష్టుతిః ॥ దేవస్య త్వా సవితుః ప్రసవే । అశ్వినో-ర్బాహుభ్యామ్ ।
పూష్ణో హస్తాభ్యామాదదే ॥ అభ్రిరసి నారిరసి ।
అద్ధ్వరకృ-ద్దేవేభ్యః । ఉత్తిష్ఠ బ్రహ్మణస్పతే ॥ 2 ॥

దేవయన్తస్త్వేమహే । ఉప ప్రయన్తు మరుతః సుదానవః । ఇన్ద్ర ప్రాశూర్భవా సచా ॥ ప్రైతు బ్రహ్మణస్పతిః । ప్ర దేవ్యేతు సూనృతా ।
అచ్ఛా వీరన్నర్య-మ్పఙ్క్తిరాధసమ్ । దేవా యజ్ఞన్నయన్తు నః ॥ దేవీ ద్యావాపృథివీ అను మే మగ్ంసాథామ్ । ఋద్ధ్యాసమద్య । మఖస్య శిరః ॥ 3 ॥

మఖాయ త్వా । మఖస్య త్వా శీర్ష్ణే ॥ ఇయత్యగ్ర ఆసీః ।
ఋద్ధ్యాసమద్య । మఖస్య శిరః । మఖాయ త్వా । మఖస్య త్వా శీర్ష్ణే ॥ దేవీ-ర్వమ్రీరస్య భూతస్య ప్రథమజా ఋతావరీః ॥ ఋద్ధ్యాసమద్య । మఖస్య శిరః ॥ 4 ॥

మఖాయ త్వా । మఖస్య త్వా శీర్ష్ణే ॥ ఇన్ద్రస్యౌజో-ఽసి ।
ఋద్ధ్యాసమద్య । మఖస్య శిరః । మఖాయ త్వా । మఖస్య త్వా శీర్ష్ణే ॥ అగ్నిజా అసి ప్రజాపతే రేతః । ఋద్ధ్యాసమద్య । మఖస్య శిరః ॥ 5 ॥

మఖాయ త్వా । మఖస్య త్వా శీర్ష్ణే ॥ ఆయు-ర్ధేహి ప్రాణ-న్ధేహి । అపాన-న్ధేహి వ్యాన-న్ధేహి । చక్షు-ర్ధేహి శ్రోత్ర-న్ధేహి । మనో ధేహి వాచ-న్ధేహి । ఆత్మాన-న్ధేహి ప్రతిష్ఠా-న్ధేహి ।
మా-న్ధేహి మయి ధేహి ॥ మధు త్వా మధులా కరోతు ।
మఖస్య శిరో-ఽసి ॥ 6 ॥

యజ్ఞస్య పదే స్థః । గాయత్రేణ త్వా ఛన్దసా కరోమి । త్రైష్టుభేన త్వా ఛన్దసా కరోమి । జాగతేన త్వా ఛన్దసా కరోమి ॥ మఖస్య రాస్నా-ఽసి । అదితిస్తే బిలఙ్గృహ్ణాతు । పాఙ్క్తేన ఛన్దసా ।
సూర్యస్య హరసా శ్రాయ । మఖో-ఽసి ॥ 7 ॥

(పతే - శిర - ఋతావరీర్-ఋద్ధ్యాసమద్య మఖస్య శిరః - శిరః - శిరో-ఽసి - +నవ చ) (అ. 2)
(ఇయతి దేవీరిన్ద్రస్యౌజో-ఽస్యగ్నిజా అస్యాయుర్ధేహి ప్రాణ-మ్పఞ్చ)
అనువాకం 3
వృష్ణో అశ్వస్య నిష్పదసి । వరుణస్త్వా ధృతవ్రత ఆధూపయతు । మిత్రావరుణయోర్
ధ్రువేణ ధర్మణా ॥ అర్చిషే త్వా । శోచిషే త్వా ।
జ్యోతిషే త్వా । తపసే త్వా ॥ అభీమ-మ్మహినా దివమ్ ।
మిత్రో బభూవ సప్రథాః । ఉత శ్రవసా పృథివీమ్ ॥ 8 ॥

మిత్రస్య చర్షణీధృతః ।
శ్రవో దేవస్య సానసిమ్ । ద్యుమ్నఞ్చిత్రశ్రవస్తమమ్ ॥ సిద్ధ్యై త్వా । దేవస్త్వా సవితోద్వపతు ।
సుపాణి-స్స్వఙ్గురిః । సుబాహురుత శక్త్యా ॥ అపద్యమానః పృథివ్యామ్ । ఆశా దిశ ఆ పృణ । ఉత్తిష్ఠ బృహ-న్భవ ॥ 9 ॥

ఊర్ధ్వస్తిష్ఠ ధ్రువస్త్వమ్ ॥ సూర్యస్య త్వా చక్షుషా-ఽన్వీక్షే । ఋజవే త్వా । సాధవే త్వా । సుక్షిత్యై త్వా భూత్యై త్వా ॥
ఇదమహమముమాముష్యాయణం-విఁశా పశుభి-ర్బ్రహ్మవర్చసేన పర్యూహామి ।
గాయత్రేణ త్వా ఛన్దసా ఽఽచ్ఛృణద్మి । త్రైష్టుభేన త్వా ఛన్దసా ఽఽచ్ఛృణద్మి ।
జాగతేన త్వా ఛన్దసా ఽఽచ్ఛృణద్మి । ఛృణత్తు త్వా వాక్ । ఛృణత్తు త్వోర్క్ । ఛృణత్తు త్వా హవిః ।
ఛృన్ధి వాచమ్ । ఛృన్ధ్యూర్జమ్ । ఛృన్ధి హవిః ॥
దేవ పురశ్చర సఘ్యాసన్త్వా ॥ 10 ॥

(పృథివీమ్ - భవ - వా-ఖ్షట్చ) (అ. 3)
అనువాకం 4
బ్రహ్మ-న్ప్రవర్గ్యేణ ప్రచరిష్యామః ।
హోత-ర్ఘర్మమభిష్టుహి । అగ్నీద్రౌహిణౌ పురోడాశావధిశ్రయ । ప్రతిప్రస్థాతర్విహర ।
ప్రస్తోత-స్సామాని గాయ ॥ యజుర్యుక్తగ్ం సామభిరాక్తఖన్త్వా । విశ్వై-ర్దేవైరనుమత-మ్మరుద్భిః । దక్షిణాభిః ప్రతత-మ్పారయిష్ణుమ్ ।
స్తుభో వహన్తు సుమనస్యమానమ్ । స నో రుచన్ధేహ్యహృణీయమానః । భూర్భువస్సువః ।
ఓమిన్ద్రవన్తః ప్రచరత ॥ 11 ॥

(అహృణీయమానో ద్వే చ) (అ. 4)
అనువాకం 5
బ్రహ్మ-న్ప్రచరిష్యామః । హోత-ర్ఘర్మమభిష్టుహి ॥ యమాయ త్వా మఖాయ త్వా । సూర్యస్య హరసే త్వా ॥ ప్రాణాయ స్వాహా వ్యానాయ స్వాహా ఽపానాయ స్వాహా ।
చక్షుషే స్వాహా శ్రోత్రాయ స్వాహా । మనసే స్వాహా వాచే సరస్వత్యై స్వాహా । దక్షాయ స్వాహా క్రతవే స్వాహా । ఓజసే స్వాహా బలాయ స్వాహా ॥
దేవస్త్వా సవితా మద్ధ్వా-ఽనక్తు ॥ 12 ॥

పృథివీ-న్తపసస్త్రాయస్వ । అర్చిరసి శోచిరసి జ్యోతిరసి తపో-ఽసి । సగ్ంసీదస్వ మహాగ్ం అసి । శోచస్వ దేవవీతమః । వి ధూమమగ్నే అరుష-మ్మియేద్ధ్య । సృజ ప్రశస్త దర్శతమ్ ॥
అఞ్జన్తి య-మ్ప్రథయన్తో న విప్రాః । వపావన్తన్నాగ్నినా తపన్తః ।
పితుర్న పుత్ర ఉపసి ప్రేష్ఠః । ఆ ఘర్మో అగ్నిమృతయన్నసాదీత్ ॥ 13 ॥

అనాధృష్యా పురస్తాత్ । అగ్నేరాధిపత్యే ।
ఆయుర్మే దాః । పుత్రవతీ దక్షిణతః । ఇన్ద్రస్యాధిపత్యే । ప్రజా-మ్మే దాః । సుషదా పశ్చాత్ । దేవస్య సవితురాధిపత్యే । ప్రాణ-మ్మే దాః । ఆశ్రుతిరుత్తరతః ॥ 14 ॥

మిత్రావరుణయోరాధిపత్యే । శ్రోత్ర-మ్మే దాః । విధృతిరుపరిష్టాత్ । బృహస్పతేరాధిపత్యే ।
బ్రహ్మ మే దాః, క్షత్ర-మ్మే దాః । తేజో మే ధా వర్చో మే ధాః । యశో మే ధా స్తపో మే ధాః ।
మనో మే ధాః ॥ మనోరశ్వా-ఽసి భూరిపుత్రా ।
విశ్వాభ్యో మా నాష్ట్రాభ్యః పాహి ॥ 15 ॥

సూపసదా మే భూయా మా మా హిగ్ంసీః ॥ తపో ష్వగ్నే అన్తరాగ్ం అమిత్రాన్ ।
తపాశగ్ంసమరరుషః పరస్య । తపా వసో చికితానో అచిత్తాన్ । వి తే తిష్ఠన్తామజరా అయాసః ॥ చితః స్థ పరిచితః । స్వాహా మరుద్భిః పరిశ్రయస్వ । మా అసి । ప్రమా అసి । ప్రతిమా అసి ॥ 16 ॥

సమ్మా అసి । విమా అసి । ఉన్మా అసి । అన్తరిక్షస్యాన్తర్ధిరసి ॥
దివన్తపసస్త్రాయస్వ । ఆభి-ర్గీర్భి-ర్యదతో న ఊనమ్ ।
ఆప్యాయయ హరివో వర్ధమానః । యదా స్తోతృభ్యో మహి గోత్రా రుజాసి । భూయిష్ఠభాజో అధ తే స్యామ ॥ శుక్రన్తే అన్య-ద్యజతన్తే అన్యత్ ॥ 17 ॥

విషురూపే అహనీ ద్యౌరివాసి । విశ్వా హి మాయా అవసి స్వధావః । భద్రా తే పూషన్నిహ రాతిరస్తు ॥ అర్హ-న్బిభర్షి సాయకాని ధన్వ । అర్హన్నిష్కం-యఁజతం-విఁశ్వరూపమ్ । అర్హన్నిద-న్దయసే విశ్వ-మబ్భువమ్ । న వా ఓజీయో రుద్ర త్వదస్తి ॥ గాయత్రమసి । త్రైష్టుభమసి । జాగతమసి । మధు మధు మధు ॥ 18 ॥

(అన - క్త్వసాదీ - దుత్తరతః - పాహి - ప్రతిమా అసి - యజతన్తే అన్యజ్ - జాగతమస్యేక-ఞ్చ) (అ. 5)
అనువాకం 6
దశ ప్రాచీర్దశ భాసి దక్షిణా । దశ ప్రతీచీర్దశ భాస్యుదీచీః । దశోర్ధ్వా భాసి సుమనస్యమానః । స నో రుచన్ధేహ్యహృణీయమానః ॥
అగ్నిష్ట్వా వసుభిః పురస్తా-ద్రోచయతు గాయత్రేణ ఛన్దసా । స మా రుచితో రోచయ ॥ ఇన్ద్రస్త్వా రుద్రై-ర్దక్షిణతో రోచయతు త్రైష్టుభేన ఛన్దసా ।
స మా రుచితో రోచయ । వరుణస్త్వా-ఽఽదిత్యైః పశ్చా-ద్రోచయతు జాగతేన ఛన్దసా ।
స మా రుచితో రోచయ ॥ 19 ॥

ద్యుతానస్త్వా మారుతో మరుద్భిరుత్తరతో రోచయత్వానుష్టుభేన ఛన్దసా । స మా రుచితో రోచయ । బృహస్పతిస్త్వా విశ్వై-ర్దేవైరుపరిష్టా-ద్రోచయతు పాఙ్క్తేన ఛన్దసా । స మా రుచితో రోచయ ॥ రోచితస్త్వ-న్దేవ ఘర్మ దేవేష్వసి ।
రోచిషీయాహ-మ్మనుష్యేషు ॥
సమ్రాడ్ ఘర్మ రుచితస్త్వం ఏవేష్వాయుష్మాగ్స్తేజస్వీ బ్రహ్మవర్చస్యసి । రుచితో-ఽహ-మ్మనుష్యేష్వాయుష్మాగ్-స్తేజస్వీ బ్రహ్మవర్చసీ భూయాసమ్ ॥ రుగసి । రుచ-మ్మయి ధేహి ॥ 20 ॥

మయి రుక్ ॥ దశ పురస్తా-ద్రోచసే । దశ దక్షిణా । దశ ప్రత్యమ్మ్ । దశోదఙ్ఙ్ । దశోర్ధ్వో భాసి సుమనస్యమానః । స నః సమ్రాడిషమూర్జ-న్ధేహి । వాజీ వాజినే పవస్వ । రోచితో ఘర్మో రుచీయ ॥ 21 ॥

(రోచయ - ధేహి - +నవ చ) (అ. 6)
అనువాకం 7
అపశ్యఙ్గోపామనిపద్యమానమ్ । ఆ చ పరా చ పథిభిశ్చరన్తమ్ । స సద్ధ్రీచీ-స్స విషూచీర్వసానః । ఆ వరీవర్తి భువనేష్వన్తః ॥ అత్ర ప్రావీః । మధు మాద్ధ్వీభ్యా-మ్మధు మాధూచీభ్యామ్ । అను వా-న్దేవవీతయే ॥ సమగ్నిరగ్నినా గత । స-న్దేవేన సవిత్రా । సగ్ం సూర్యేణ రోచతే ॥ 22 ॥

స్వాహా సమగ్నిస్తపసా గత । స-న్దేవేన సవిత్రా ।
సగ్ం సూర్యేణారోచిష్ట ॥ ధర్తా దివో విభాసి రజసః । పృథివ్యా ధర్తా । ఉరోరన్తరిక్షస్య ధర్తా । ధర్తా దేవో దేవానామ్ । అమర్త్యస్తపోజాః ॥ హృదే త్వా మనసే త్వా । దివే త్వా సూర్యాయ త్వా ॥ 23 ॥

ఊర్ధ్వమిమ-మద్ధ్వరఙ్కృధి । దివి దేవేషు హోత్రా యచ్ఛ ॥ విశ్వాసా-మ్భువా-మ్పతే । విశ్వస్య భువనస్పతే । విశ్వస్య మనసస్పతే । విశ్వస్య వచసస్పతే । విశ్వస్య తపసస్పతే । విశ్వస్య బ్రహ్మణస్పతే । దేవశ్రూస్త్వన్దేవ ఘర్మ దేవా-న్పాహి ॥ తపోజాం-వాఁచమస్మే నియచ్ఛ దేవాయువమ్ ॥ 24 ॥

గర్భో దేవానామ్ ॥ పితా మతీనామ్ ॥
పతిః ప్రజానామ్ ॥ మతిః కవీనామ్ ॥
సన్దేవో దేవేన సవిత్రా-ఽయతిష్ట । సగ్ం సూర్యేణారుక్త ॥ ఆయుర్దాస్త్వమస్మభ్య-ఙ్ఘర్మ వర్చోదా అసి ॥ పితా నో-ఽసి పితా నో బోధ ॥ ఆయుర్ధాస్తనూధాః పయోధాః ।
వర్చోదా వరివోదా ద్రవిణోదాః ॥ 25 ॥

అన్తరిక్షప్ర ఉరోర్వరీయాన్ । అశీమహి త్వా మా మా హిగ్ంసీః ॥ త్వమగ్నే గృహపతి-ర్విశామసి । విశ్వాసా-మ్మానుషీణామ్ । శత-మ్పూర్భిర్యవిష్ఠ పాహ్యగ్ంహసః । సమేద్ధారగ్ం శతగ్ం హిమాః ।
త-న్ద్రావిణగ్ం హార్దివానమ్ । ఇహైవ రాతయః సన్తు ॥ త్వష్టీమతీ తే సపేయ । సురేతా రేతో దధానా ।
వీరం-విఁదేయ తవ సన్దృశి ।
మా-ఽహగ్ం రాయస్పోషేణ వి యోషమ్ ॥ 26 ॥

(రోచతే-సూర్యయ త్వా - దేవాయువం - ద్రవిణోదా - దధానా ద్వే చ) (అ. 7)
అనువాకం 8
దేవస్య త్వా సవితుః ప్రసవే । అశ్వినో-ర్బాహుభ్యామ్ ।
పూష్ణో హస్తాభ్యామా దదే ॥ అదిత్యై రాస్నా-ఽసి । ఇడ ఏహి । అదిత ఏహి । సరస్వత్యేహి । అసావేహి ।
అసావేహి । అసావేహి ॥ 27 ॥

అదిత్యా ఉష్ణీషమసి । వాయురస్యైడః । పూషా త్వోపావసృజతు । అశ్విభ్యా-మ్ప్ర దాపయ । యస్తే స్తనః శశయో యో మయోభూః । యేన విశ్వా పుష్యసి వార్యాణి । యో రత్నధా వసువిద్య-స్సుదత్రః ।
సరస్వతి తమిహ ధాతవే-ఽకః ॥ ఉస్ర ఘర్మగ్ం శిగ్ంష । ఉస్ర ఘర్మ-మ్పాహి ॥ 28 ॥

ఘర్మాయ శిగ్ంష । బృహస్పతిస్త్వోపసీదతు । దానవ-స్స్థ పేరవః । విష్వగ్వృతో లోహితేన । అశ్విభ్యా-మ్పిన్వస్వ । సరస్వత్యై పిన్వస్వ ।
పూష్ణే పిన్వస్వ । బృహస్పతయే పిన్వస్వ । ఇన్ద్రాయ పిన్వస్వ । ఇన్ద్రాయ పిన్వస్వ ॥ 29 ॥

గాయత్రో-ఽసి । త్రైష్టుభో-ఽసి । జాగతమసి । సహోర్జో భాగేనోప మేహి । ఇన్ద్రాశ్వినా మధున-స్సారఘస్య । ఘర్మ-మ్పాత వసవో యజతా వట్ । స్వాహా త్వా సూర్యస్య రశ్మయే వృష్టివనయే జుహోమి । మధు హవిరసి । సూర్యస్య తపస్తప । ద్యావాపృథివీభ్యా-న్త్వా పరిగృహ్ణామి ॥ 30 ॥

అన్తరిక్షేణ త్వోపయచ్ఛామి । దేవానా-న్త్వా పితృణామనుమతో భర్తుగ్ం శకేయమ్ । తేజో-ఽసి ।
తేజో-ఽనుప్రేహి । దివిస్పృమ్మా మా హిగ్ంసీః ।
అన్తరిక్షస్పృమ్మా మా హిగ్ంసీః । పృథివిస్పృమ్మా మా హిగ్ంసీః ।
సువరసి సువర్మే యచ్ఛ ।
దివం-యఁచ్ఛ దివో మా పాహి ॥ 31 ॥

(ఏహి - పాహి - పిన్వస్వ - గృహ్ణామి - +నవ చ) (అ. 8)
అనువాకం 9
సముద్రాయ త్వా వాతాయ స్వాహా । సలిలాయ త్వా వాతాయ స్వాహా । అనాధృష్యాయ త్వా వాతాయ స్వాహా । అప్రతిధృష్యాయ త్వా వాతాయ స్వాహా ।
అవస్యవే త్వా వాతాయ స్వాహా । దువస్వతే త్వా వాతాయ స్వాహా । శిమిద్వతే త్వా వాతాయ స్వాహా । అగ్నయే త్వా వసుమతే స్వాహా ।
సోమాయ త్వా రుద్రవతే స్వాహా ।
వరుణాయ త్వా-ఽఽదిత్యవతే స్వాహా ॥ 32 ॥

బృహస్పతయే త్వా విశ్వదేవ్యావతే స్వాహా ।
సవిత్రే త్వర్భుమతే విభుమతే ప్రభుమతే వాజవతే స్వాహా । యమాయ త్వా-ఽఙ్గిరస్వతే పితృమతే స్వాహా ॥ విశ్వా ఆశా దక్షిణసత్ । విశ్వా-న్దేవానయాడిహ । స్వాహాకృతస్య ఘర్మస్య । మధోః పిబతమశ్వినా ।
స్వాహా-ఽగ్నయే యజ్ఞియాయ । శం-యఁజుర్భిః ॥
అశ్వినా ఘర్మ-మ్పాతగ్ం హార్దివానమ్ ॥ 33 ॥

అహ-ర్దివాభి-రూతిభిః । అను వా-న్ద్యావాపృథివీ మగ్ంసాతామ్ । స్వాహేన్ద్రాయ ॥ స్వాహేన్ద్రావట్ । ఘర్మమపాతమశ్వినా హార్దివానమ్ ।
అహ-ర్దివాభిరూతిభిః । అను వా-న్ద్యావాపృథివీ అమగ్ంసాతామ్ । త-మ్ప్రావ్యం-యఁథా వట్ । నమో దివే । నమః పృథివ్యై ॥ 34 ॥

దివి ధా ఇమం-యఁజ్ఞమ్ । యజ్ఞమిమ-న్దివి ధాః । దివఙ్గచ్ఛ । అన్తరిక్షఙ్గచ్ఛ । పృథివీఙ్గచ్ఛ । పఞ్చ ప్రదిశో గచ్ఛ । దేవా-న్ఘర్మపా-న్గచ్ఛ । పితౄ-న్ఘర్మపా-న్గచ్ఛ ॥ 35 ॥

(ఆదిత్యవతే స్వాహా-హార్దివానమ్-పృథివ్యా-+అష్టౌ చ) (అ. 9)
అనువాకం 10
ఇషే పీపిహి । ఊర్జే పీపిహి । బ్రహ్మణే పీపిహి । క్షత్రాయ పీపిహి । అద్భ్యః పీపిహి । ఓషధీభ్యః పీపిహి । వనస్పతిభ్యః పీపిహి । ద్యావాపృథివీభ్యా-మ్పీపిహి । సుభూతాయ పీపిహి । బ్రహ్మవర్చసాయ పీపిహి ॥ 36 ॥

యజమానాయ పీపిహి । మహ్యఞ్జ్యైష్ఠ్యాయ పీపిహి ॥ త్విష్యై త్వా । ద్యుమ్నాయ త్వా । ఇన్ద్రియాయ త్వా భూత్యై త్వా । ధర్మా-ఽసి సుధర్మా మే న్యస్మే । బ్రహ్మాణి ధారయ । క్షత్రాణి ధారయ । విశన్ధారయ ।
నేత్త్వా వాతః స్కన్దయాత్ ॥ 37 ॥

అముష్య త్వా ప్రాణే సాదయామి । అమునా సహ నిరర్థఙ్గచ్ఛ । యో-ఽస్మా-న్ద్వేష్టి ।
యఞ్చ వయ-న్ద్విష్మః ॥ పూష్ణే శరసే స్వాహా ।
గ్రావభ్య-స్స్వాహా । ప్రతిరేభ్య-స్స్వాహా । ద్యావాపృథివీభ్యాగ్ స్వాహా ।
పితృభ్యో ఘర్మపేభ్య-స్స్వాహా ॥
రుద్రాయ రుద్రహోత్రే స్వాహా ॥ 38 ॥

అహ-ర్జ్యోతిః కేతునా జుషతామ్ । సుజ్యోతి-ర్జ్యోతిషాగ్ స్వాహా । రాత్రిర్జ్యోతిః కేతునా జుషతామ్ । సుజ్యోతి-ర్జ్యోతిషాగ్ స్వాహా । అపీపరో మా-ఽహ్నో రాత్రియై మా పాహి । ఏషా తే అగ్నే సమిత్ । తయా సమిద్ధ్యస్వ । ఆయుర్మే దాః । వర్చసా మా-ఽఞ్జీః । అపీపరో మా రాత్రియా అహ్నో మా పాహి ॥ 39 ॥

ఏషా తే అగ్నే సమిత్ । తయా సమిద్ధ్యస్వ । ఆయుర్మే దాః । వర్చసా మా-ఽఞ్జీః । అగ్ని-ర్జ్యోతి-ర్జ్యోతిరగ్ని-స్స్వాహా ।
సూర్యో జ్యోతి-ర్జ్యోతి-స్సూర్య-స్స్వాహా । భూ-స్స్వాహా । హుతగ్ం హవిః । మధు హవిః । ఇన్ద్రతమే-ఽగ్నౌ ॥ 40 ॥

పితా నో-ఽసి మా మా హిగ్ంసీః । అశ్యామ తే దేవఘర్మ ।
మధుమతో వాజవతః పితుమతః । అఙ్గిరస్వత-స్స్వధావినః । అశీమహి త్వా మా మా హిగ్ంసీః ॥ స్వాహా త్వా సూర్యస్య రశ్మిభ్యః । స్వాహా త్వా నక్షత్రేభ్యః ॥ 41 ॥

(బ్రహ్మవర్చసాయ పీపిహి - స్కన్దయా-ద్- రుద్రాయ రుద్రహోత్రే స్వాహా - ఽహ్నో మా పాహ్ - యగ్నౌ - +సప్త చ) (అ. 10)
అనువాకం 11
ఘర్మ యా తే దివి శుక్ । యా గాయత్రే ఛన్దసి । యా బ్రాహ్మణే । యా హవిర్ధానే । తాన్త ఏతేనావయజే స్వాహా ॥ ఘర్మ యా తే-ఽన్తరిక్షే శుక్ ।
యా త్రైష్టుభే ఛన్దసి । యా రాజన్యే । యా-ఽఽగ్నీద్ధ్రే ।
తాన్త ఏతేనావయజే స్వాహా ॥ 42 ॥

ఘర్మ యా తే పృథివ్యాగ్ం శుక్ । యా జాగతే ఛన్దసి । యా వైశ్యే । యా సదసి । తాన్త ఏతేనావయజే స్వాహా ॥ అగ్నిశ్చ హవ్యవాహనో భవతా-న్దాశుషే మయః ॥ అన్విదనుమతే త్వ-మ్మన్యాసై శఞ్చనః కృధి । క్రత్వే దక్షాయ నో హిను ప్రణ ఆయూగ్ంషి తారిషః ॥ దివస్త్వా పరస్పాయాః । అన్తరిక్షస్య తనువః పాహి । పృథివ్యాస్త్వా ధర్మణా ॥ 43 ॥

వయమనుక్రామామ సువితాయ నవ్యసే ॥ బ్రహ్మణస్త్వా పరస్పాయాః । క్షత్రస్య తనువః పాహి । విశస్త్వా ధర్మణా । వయమనుక్రామామ సువితాయ నవ్యసే ॥ ప్రాణస్య త్వా పరస్పాయై । చక్షుషస్తనువః పాహి । శ్రోత్రస్య త్వా ధర్మణా । వయమనుక్రామామ సువితాయ నవ్యసే ॥ వల్గురసి శం-యుఁధాయాః ॥ 44 ॥

శిశు-ర్జనధాయాః ॥ శఞ్చ వక్షి పరి చ వక్షి ।
చతుః స్రక్తిర్నాభిర్-ఋతస్య । సదో విశ్వాయు-శ్శర్మ సప్రథాః । అప ద్వేషో అప హ్వరః । అన్యద్వ్రతస్య సశ్చిమ । ఘర్మైత-త్తే-ఽన్నమేత-త్పురీషమ్ । తేన వర్ధస్వ చా చ ప్యాయస్వ । వర్ధిషీమహి చ వయమ్ । ఆ చ ప్యాసిషీమహి ॥ 45 ॥

రన్తి-ర్నామాసి దివ్యో గన్ధర్వః । తస్య తే పద్వద్ధవిర్ధానమ్ । అగ్నిరద్ధ్యక్షాః । రుద్రో-ఽధిపతిః ॥ సమహమాయుషా । స-మ్ప్రాణేన ।
సం-వఁర్చసా । స-మ్పయసా । సఙ్గౌపత్యేన । సగ్ం రాయస్పోషేణ ॥ 46 ॥

వ్యసౌ । యో-ఽస్మా-న్ద్వేష్టి । యఞ్చ వయ-న్ద్విష్మః ॥
అచిక్రదద్వృషా హరిః । మహా-న్మిత్రో న దర్శతః । సగ్ం సూర్యేణ రోచతే ॥ చిదసి సముద్రయోనిః । ఇన్దు-ర్దక్షః శ్యేన ఋతావా । హిరణ్యపక్ష-శ్శకునో భురణ్యుః । మహాన్-థ్సధస్థే ధ్రువ ఆనిషత్తః ॥ 47 ॥

నమస్తే అస్తు మా మా హిగ్ంసీః ॥ విశ్వావసుగ్ం సోమ గన్ధర్వమ్ । ఆపో దదృశుషీః । తదృతేనా వ్యాయన్న్ । తదన్వవైత్ । ఇన్ద్రో రారహాణ ఆసామ్ । పరి సూర్యస్య పరిధీగ్ం రపశ్యత్ ॥ విశ్వావసురభి తన్నో గృణాతు । దివ్యో గన్ధర్వో రజసో విమానః ।
యద్వా ఘా సత్యముత యన్న విద్మ ॥ 48 ॥

ధియో హిన్వానో ధియ ఇన్నో అవ్యాత్ ॥ సస్నిమవిన్దచ్చరణే నదీనామ్ ।
అపావృణో-ద్దురో అశ్మవ్రజానామ్ । ప్రాసా-న్గన్ధర్వో అమృతాని వోచత్ । ఇన్ద్రో దక్ష-మ్పరిజానాదహీనమ్ ॥ ఏతత్త్వ-న్దేవ ఘర్మ దేవో దేవానుపాగాః ।
ఇదమహ-మ్మనుష్యో మనుష్యాన్ । సోమపీథాను మేహి । సహ ప్రజయా సహ రాయస్పోషేణ ॥
సుమిత్రా న ఆప ఓషధయ-స్సన్తు ॥ 49 ॥

దుర్మిత్రాస్తస్మై భూయాసుః । యో-ఽస్మా-న్ద్వేష్టి ।
యఞ్చ వయ-న్ద్విష్మః ॥ ఉద్వయ-న్తమసస్పరి పశ్యన్తో జ్యోతిరుత్తరమ్ । దేవ-న్దేవత్రా సూర్యమగన్మ జ్యోతిరుత్తమమ్ ॥ ఉదు త్య-ఞ్జాతవేదస-న్దేవం-వఁహన్తి కేతవః । దృశే విశ్వాయ సూర్యమ్ । చిత్ర-న్దేవానా-ముదగాదనీక-ఞ్చక్షు ర్మిత్రస్య వరుణస్యా-ఽగ్నేః ॥ ఇమమూ షు త్యమస్మభ్యగ్ం సనిమ్ । గాయత్రన్నవీయాగ్ంసమ్ ।
అగ్నే దేవేషు ప్రవోచః ॥ 50 ॥

(యా-ఽఽగ్నీద్ధ్రే తాన్తా ఏతేనావయజే స్వాహా - ధర్మణా - శం-యుఁధాయాః - ప్యాసిషీమహి-పోషేణ-నిషత్తో-విద్మ-సన్-+త్వష్టౌ చ) (అ. 11)
అనువాకం 12
మహీనా-మ్పయో-ఽసి విహిత-న్దేవత్రా ।
జ్యోతిర్భా అసి వనస్పతీనామోషధీనాగ్ం రసః ।
వాజిన-న్త్వా వాజినో-ఽవ నయామః ।
ఊర్ధ్వ-మ్మనః సువర్గమ్ ॥ 51 ॥

(అ. 12)
అనువాకం 13
అస్కా-న్ద్యౌః పృథివీమ్ । అస్కానృషభో యువా గాః ।
స్కన్నేమా విశ్వా భువనా । స్కన్నో యజ్ఞః ప్రజనయతు ॥ అస్కానజని ప్రాజని । ఆ స్కన్నాజ్జాయతే వృషా ।
స్కన్నా-త్ప్రజనిషీమహి ॥ 52 ॥

(అ. 13)
అనువాకం 14
యా పురస్తా-ద్విద్యుదాపతత్ । తాన్త ఏతేనావ యజే స్వాహా । యా దక్షిణతః । యా పశ్చాత్ । యోత్తరతః । యోపరిష్టా-ద్విద్యుదాపతత్ । తాన్త ఏతేనావ యజే స్వాహా ॥ 53 ॥

(అ. 14)
అనువాకం 15
ప్రాణాయ స్వాహా వ్యానాయ స్వాహా ఽపానాయ స్వాహా ।
చక్షుషే స్వాహా శ్రోత్రాయ స్వాహా ।
మనసే స్వాహా వాచే సరస్వత్యై స్వాహా ॥ 54 ॥

(అ. 15)
అనువాకం 16
పూష్ణే స్వాహా పూష్ణే శరసే స్వాహా ।
పూష్ణే ప్రపత్థ్యాయ స్వాహా పూష్ణే నరన్ధిషాయ స్వాహా । పూష్ణే-ఽఙ్ఘృణయే స్వాహా పూష్ణే నరుణాయ స్వాహా ।
పూష్ణే సాకేతాయ స్వాహా ॥ 55 ॥

(అ. 16)
అనువాకం 17
ఉదస్య శుష్మా-ద్భానుర్నార్త బిభర్తి । భార-మ్పృథివీ న భూమ । ప్ర శుక్రైతు దేవీ మనీషా । అస్మ-థ్సుతష్టో రథో న వాజీ । అర్చన్త ఏకే మహి సామ మన్వత । తేన సూర్యమధారయన్న్ ।
తేన సూర్యమరోచయన్న్ । ఘర్మ-శ్శిరస్తదయమగ్నిః ।
పురీషమసి సమ్ప్రియ-మ్ప్రజయా పశుభిర్భువత్ । ప్రజాపతిస్త్వా సాదయతు । తయా దేవతయా ఽఙ్గిరస్వ-ద్ధ్రువా సీద ॥ 56 ॥

(అ. 17)
అనువాకం 18
యాస్తే అగ్న ఆర్ద్రా యోనయో యాః కులాయినీః ।
యే తే అగ్న ఇన్దవో యా ఉ నాభయః । యాస్తే అగ్నే తనువ ఊర్జో నామ । తాభిస్త్వముభయీభి-స్సంవిఁదానః । ప్రజాభిరగ్నే ద్రవిణేహ సీద ।
ప్రజాపతిస్త్వా సాదయతు । తయా దేవతయా-ఽఙ్గిరస్వ-ద్ధ్రువా సీద ॥ 57 ॥

(అ. 18)
అనువాకం 19
అగ్నిరసి వైశ్వానరో-ఽసి । సంవఁథ్సరో-ఽసి పరివథ్సరో-ఽసి । ఇదావథ్సరో-ఽసీదువథ్సరో-ఽసి । ఇద్వథ్సరో-ఽసి వథ్సరో-ఽసి । తస్య తే వసన్త-శ్శిరః । గ్రీష్మో దక్షిణః పక్షః । వర్షాః పుచ్ఛమ్ ।
శరదుత్తరః పక్షః । హేమన్తో మద్ధ్యమ్ । పూర్వపక్షాశ్చితయః । అపరపక్షాః పురీషమ్ । అహోరాత్రాణీష్టకాః । తస్య తే మాసాశ్చార్ధమాసాశ్చ కల్పన్తామ్ ।
ఋతవస్తే కల్పన్తామ్ । సంవఁథ్సరస్తే కల్పతామ్ ।
అహోరాత్రాణి తే కల్పన్తామ్ । ఏతి ప్రేతి వీతి సమిత్యుదితి ।
ప్రజాపతిస్త్వా సాదయతు । తయా దేవతయా-ఽఙ్గిరస్వ-ద్ధ్రువా సీద ॥ 58 ॥

(చితయో నవ చ) (అ. 19)
అనువాకం 20
భూర్భువస్సువః । ఊర్ధ్వ ఊ షుణ ఊతయే । ఊర్ధ్వో నః పాహ్యగ్ంహసః ॥
విధున్దద్రాణగ్ం సమనే బహూనామ్ । యువానగ్ం సన్త-మ్పలితో జగార । దేవస్య పశ్య కావ్య-మ్మహిత్వా-ఽద్యా మమార । స హ్య-స్సమాన ॥
యదృతే చిదభిశ్రిషః । పురా జర్తృభ్య ఆతృదః ।
సన్ధాతా సన్ధి-మ్మఘవా పురోవసుః ॥ 59 ॥

నిష్కర్తా విహ్రుత-మ్పునః ॥ పునరూర్జా ని వర్తస్వ పునరగ్న ఇషా-ఽఽయుషా । పునర్నః పాహి విశ్వతః ॥ సహ రయ్యా ని వర్తస్వాగ్నే పిన్వస్వ ధారయా । విశ్వఫ్స్నియా విశ్వతస్పరి ॥ మా నో ఘర్మ వ్యథితో వివ్యథో నః । మా నః పరమధరమ్మా రజో-ఽనైః । మోష్వస్మాగ్ స్తమస్యన్తరా ధాః । మా రుద్రియాసో అభిగుర్వృధానః ॥ మా నః క్రతుభిర్-హీడితేభిరస్మాన్ । ద్విషా సునీతే మా పరాదాః ।
మా నో రుద్రో నిర్-ఋతిర్మా నో అస్తా ।
మా ద్యావాపృథివీ హీడిషాతామ్ ॥ 60 ॥

ఉప నో మిత్రావరుణావిహావతమ్ । అన్వాదీద్ధ్యాథామిహ నః సఖాయా । ఆదిత్యానా-మ్ప్రసితిర్హేతిః । ఉగ్రా శతాపాష్ఠా ఘ విషా పరిణో వృణక్తు ॥
ఇమ-మ్మే వరుణ శ్రుధీ హవమద్యా చ మృడయ । త్వామవస్యురా చకే ॥ తత్త్వా యామి బ్రహ్మణా వన్దమాన-స్తదా శాస్తే యజమానో హవిర్భిః । అహేడమానో వరుణేహ బోద్ధ్యురుశగ్ంస మా న ఆయుః ప్రమోషీః ॥ త్వ-న్నో అగ్నే వరుణస్య విద్వా-న్దేవస్య హేడో-ఽవ యాసి సీష్ఠాః । యజిష్ఠో వహ్ని తమ-శ్శోశుచానో విశ్వా ద్వేషాగ్ంసి ప్రముముగ్ధ్యస్మత్ ॥
స త్వన్నో అన్గే-ఽవమో భవోతీ నేదిష్ఠో అస్యా ఉషసో వ్యుష్టౌ । అవ యక్ష్వ నో వరుణగ్ం రరాణో వీహి మృడీకగ్ం సుహవో న ఏధి ॥ త్వమగ్నే అయా-ఽసి । అయా సన్మనసా హితః । అయా సనఃఅవ్యమూహిషే । అయా నో ధేహి భేషజమ్ । ఇష్టో అగ్నిరాహుతః । స్వాహాకృతః పిపర్తు నః । స్వగా దేవేభ్య ఇద-న్నమః ॥
ఉద్వయ-న్తమసస్పరి పశ్యన్తో జ్యోతిరుత్తరమ్ । దేవ-న్దేవత్రా సూర్యమగన్మ జ్యోతిరుత్తమమ్ ॥ ఉదు త్య-ఞ్జాతవేదస-న్దేవం-వఁహన్తి కేతవః । దృశే విశ్వాయ సూర్యమ్ । చిత్ర-న్దేవానా-ముదగాదనీక-ఞ్చక్షు ర్మిత్రస్య వరుణస్యా-ఽగ్నేః ॥
వయః సుపర్ణా ఉపసేదురిన్ద్రమ్ । ప్రియమేధా ఋషయో నాధమానాః । అప ధ్వాన్తమూర్ణుహి పూర్ధి చక్షుః । ముముగ్ధ్యస్మా-న్నిధయేవ బద్ధాన్ ॥ 61 ॥

(పురోవసుర్హీడిషాతాగ్ం సుపర్ణాః) (అ. 20)
అనువాకం 21
భూర్భువస్సువః । మయి త్యదిన్ద్రియ-మ్మహత్ । మయి దక్షో మయి క్రతుః । మయి ధాయి సువీర్యమ్ । త్రిశుగ్ఘర్మో విభాతు మే । ఆకూత్యా మనసా సహ ।
విరాజా జ్యోతిషా సహ । యజ్ఞేన పయసా సహ । బ్రహ్మణా తేజసా సహ । క్షత్రేణ యశసా సహ । సత్యేన తపసా సహ । తస్య దోహమశీమహి ।
తస్య సుమ్నమశీమహి । తస్య భక్షమశీమహి ।
తస్య త ఇన్ద్రేణ పీతస్య మధుమతః ।
ఉపహూతస్యోపహూతో భక్షయామి ॥ 62 ॥

(యశసా సహ షట్చ) (అ. 21)
అనువాకం 22
యాస్తే అగ్నే ఘోరాస్తనువః । క్షుచ్చ తృష్ణా చ । అస్నుక్చానాహుతిశ్చ । అశనయా చ పిపాసా చ । సేదిశ్చామతిశ్చ । ఏతాస్తే అగ్నే ఘోరాస్తనువః ।
తాభిరముఙ్గచ్ఛ । యో-ఽస్మా-న్ద్వేష్టి ।
యఞ్చ వయ-న్ద్విష్మః ॥ 63 ॥

(అ. 22)
అనువాకం 23
స్నిక్చ స్నీహితిశ్చ స్నిహితిశ్చ । ఉష్ణా చ శీతా చ ।
ఉగ్రా చ భీమా చ । సదామ్నీ సేదిరనిరా । ఏతాస్తే అగ్నే ఘోరాస్తనువః । తాభిరముఙ్గచ్ఛ । యో-ఽస్మా-న్ద్వేష్టి । యఞ్చ వయ-న్ద్విష్మః ॥ 64 ॥

(అ. 23)
అనువాకం 24
ధునిశ్చ ధ్వాన్తశ్చ ధ్వనశ్చ ధ్వనయగ్గ్శ్చ ।
నిలిమ్పశ్చ విలిమ్పశ్చ విక్షిపః ॥ 65 ॥

(అ. 24)
అనువాకం 25
ఉగ్రశ్చ ధునిశ్చ ధ్వాన్తశ్చ ధ్వనశ్చ ధ్వనయగ్గ్శ్చ । సహసహ్వాగ్శ్చ సహమానశ్చ సహస్వాగ్శ్చ సహీయాగ్శ్చ ।
ఏత్య ప్రేత్య విక్షిపః ॥ 66 ॥

(అ. 25)
అనువాకం 26
అహోరాత్రే త్వోదీరయతామ్ । అర్ధమాసాస్త్వోదీ-ఞ్జయన్తు । మాసాస్త్వా శ్రపయన్తు । ఋతవస్త్వా పచన్తు ।
సంవఁథ్సరస్త్వా హన్త్వసౌ ॥ 67 ॥

(అ. 26)
అనువాకం 27
ఖట్ ఫ-డ్జహి । ఛిన్ధీ భిన్ధీ హన్ధీ కట్ ।
ఇతి వాచః క్రూరాణి ॥ 68 ॥

(అ. 27)
అనువాకం 28
విగా ఇన్ద్ర విచరన్-థ్స్పాశయస్వ । స్వపన్తమిన్ద్ర పశుమన్తమిచ్ఛ । వజ్రేణాము-మ్బోధయ దుర్విదత్రమ్ । స్వపతో-ఽస్య ప్రహర భోజనేభ్యః ॥
అగ్నే అగ్నినా సంవఁదస్వ । మృత్యో మృత్యునా సంవఁదస్వ । నమస్తే అస్తు భగవః ॥ సకృత్తే అగ్నే నమః । ద్విస్తే నమః । త్రిస్తే నమః । చతుస్తే నమః । పఞ్చకృత్వస్తే నమః ।
దశకృత్వస్తే నమః । శతకృత్వస్తే నమః । ఆసహస్రకృత్వస్తే నమః । అపరిమితకృత్వస్తే నమః । నమస్తే అస్తు మా మా హిగ్ంసీః ॥ 69 ॥

(త్రిస్తే నమః సప్త చ) (అ. 28)
అనువాకం 29
అసృ-న్ముఖో రుధిరేణావ్యక్తః । యమస్య దూత-శ్శ్వపా-ద్విధావసి । గృద్ధ్రః సుపర్ణః కుణపన్నిషేవసే ।
యమస్య దూతః ప్రహితో భవస్య చోభయోః ॥ 70 ॥

(అ. 29)
అనువాకం 30
యదేత-ద్వృకసో భూత్వా । వాగ్ దేవ్యభిరాయసి । ద్విషన్త-మ్మే-ఽభిరాయ । త-మ్మృత్యో మృత్యవే నయ । స ఆర్త్యా-ఽఽర్తిమార్చ్ఛతు ॥ 71 ॥

(అ. 30)
అనువాకం 31
యదీషితో యది వా స్వకామీ । భయేడకో వదతి వాచమేతామ్ । తామిన్ద్రాగ్నీ బ్రహ్మణా సంవిఁదానౌ ।
శివామస్మభ్య-ఙ్కృణుతఙ్గృహేషు ॥ 72 ॥

(అ. 31)
అనువాకం 32
దీర్ఘముఖి దుర్హణు । మా స్మ దక్షిణతో వదః ।
యది దక్షిణతో వదా-ద్ద్విషన్త-మ్మే-ఽవ బాధాసై ॥ 73 ॥

(అ. 32)
అనువాకం 33
ఇత్థాదులూక ఆపప్తత్ । హిరణ్యాక్షో అయోముఖః ।
రక్షసాన్దూత ఆగతః । తమితో నాశయాగ్నే ॥ 74 ॥

(అ. 33)
అనువాకం 34
యదేత-ద్భూతాన్యన్వావిశ్య । దైవీం-వాఁచం-వఁదసి । ద్విషతో నః పరావద । తా-న్మృత్యో మృత్యవే నయ । త ఆర్త్యా-ఽఽర్తిమార్చ్ఛన్తు ।
అగ్నినా-ఽగ్ని-స్సంవఁదతామ్ ॥ 75 ॥

(అ. 34)
అనువాకం 35
ప్రసార్య సక్థ్యౌ పతసి । సవ్యమక్షి నిపేపి చ ।
మేహ కస్యచనామమత్ ॥ 76 ॥

(అ. 35)
అనువాకం 36
అత్రిణా త్వా క్రిమే హన్మి । కణ్వేన జమదగ్నినా ।
విశ్వావసో-ర్బ్రహ్మణా హతః । క్రిమీణాగ్ం రాజా ।
అప్యేషాగ్ స్థపతిర్హతః । అథో మాతా-ఽథో పితా ।
అథో స్థూరా అథో క్షుద్రాః । అథో కృష్ణా అథో శ్వేతాః । అథో ఆశాతికా హతాః ।
శ్వేతాభిః సహ సర్వే హతాః ॥ 77 ॥

(అ. 36)
అనువాకం 37
ఆహరావద్య । శృతస్య హవిషో యథా । త-థ్సత్యమ్ ।
యదముం-యఁమస్య జమ్భయోః । ఆదధామి తథా హి తత్ । ఖణ్ఫణ్మ్రసి ॥ 78 ॥

(అ. 37)
అనువాకం 38
బ్రహ్మణా త్వా శపామి । బ్రహ్మణస్త్వా శపథేన శపామి । ఘోరేణ త్వా భృగూణాఞ్చక్షుషా ప్రేక్షే । రౌద్రేణ త్వాఙ్గిరసా-మ్మనసా ధ్యాయామి ।
అఘస్య త్వా ధారయా విద్ధ్యామి ।
అధరో మ-త్పద్యస్వాసౌ ॥ 79 ॥

(అ. 38)
అనువాకం 39
ఉత్తుద శిమిజావరి । తల్పేజే తల్ప ఉత్తుద । గిరీగ్ం రను ప్రవేశయ । మరీచీరుప సన్నుద ।
యావదితః పురస్తాదుదయాతి సూర్యః ।
తావదితో-ఽమున్నాశయ । యో-ఽస్మా-న్ద్వేష్టి ।
యఞ్చ వయ-న్ద్విష్మః ॥ 80 ॥

(అ. 39)
అనువాకం 40
భూర్భువస్సువో భూర్భువస్సువో భూర్భువస్సువః ।
భువో-ఽద్ధాయి భువో-ఽద్ధాయి భువో-ఽద్ధాయి ।
నృమ్ణాయి నృమ్ణ-న్నృమ్ణాయి నృమ్ణ-న్నృమ్ణాయి నృమ్ణమ్ । నిధా య్యో-ఽవాయి నిధా య్యో-ఽవాయి నిధా య్యో-ఽవాయి । ఏ అస్మే అస్మే । సువర్న జ్యోతీః ॥ 81 ॥

(అ. 40)
అనువాకం 41
పృథివీ సమిత్ । తామగ్ని-స్సమిన్ధే । సా-ఽగ్నిగ్ం సమిన్ధే । తామహగ్ం సమిన్ధే । సా మా సమిద్ధా । ఆయుషా తేజసా । వర్చసా శ్రియా । యశసా బ్రహ్మవర్చసేన । అన్నాద్యేన సమిన్తాగ్ స్వాహా ॥
అన్తరిక్షగ్ం సమిత్ ॥ 82 ॥

తాం-వాఁయు-స్సమిన్ధే । సా వాయుగ్ం సమిన్ధే । తామహగ్ం సమిన్ధే । సా మా సమిద్ధా । ఆయుషా తేజసా । వర్చసా శ్రియా । యశసా బ్రహ్మవర్చసేన । అన్నాద్యేన సమిన్తాగ్ స్వాహా ।
ద్యౌ-స్సమిత్ । తామాదిత్య-స్సమిన్ధే ॥ 83 ॥

సా-ఽఽదిత్యగ్ం సమిన్ధే । తామహగ్ం సమిన్ధే । సా మా సమిద్ధా । ఆయుషా తేజసా । వర్చసా శ్రియా । యశసా బ్రహ్మవర్చసేన । అన్నాద్యేన సమిన్తాగ్ స్వాహా ॥ ప్రాజాపత్యా మే సమిదసి సపత్నక్షయణీ ।
భ్రాతృవ్యహా మే-ఽసి స్వాహా ॥ అగ్నే వ్రతపతే వ్రతఞ్చరిష్యామి ॥ 84 ॥

తచ్ఛకేయ-న్తన్మే రాద్ధ్యతామ్ । వాయో వ్రతపత ఆదిత్య వ్రతపతే । వ్రతానాం-వ్రఁతపతే వ్రతఞ్చరిష్యామి । తచ్ఛకేయ-న్తన్మే రాద్ధ్యతామ్ ॥ ద్యౌ-స్సమిత్ । తామాదిత్య-స్సమిన్ధే । సా-ఽఽదిత్యగ్ం సమిన్ధే ।
తామహగ్ం సమిన్ధే । సా మా సమిద్ధా । ఆయుషా తేజసా ॥ 85 ॥

వర్చసా శ్రియా । యశసా బ్రహ్మవర్చసేన । అన్నాద్యేన సమిన్తాగ్ స్వాహా ।
అన్తరిక్షగ్ం సమిత్ । తాం-వాఁయు-స్సమిన్ధే । సా వాయుగ్ం సమిన్ధే । తామహగ్ం సమిన్ధే । సా మా సమిద్ధా । ఆయుషా తేజసా । వర్చసా శ్రియా ॥ 86 ॥

యశసా బ్రహ్మవర్చసేన । అన్నాద్యేన సమిన్తాగ్ స్వాహా । పృథివీ సమిత్ । తామగ్ని-స్సమిన్ధే । సా-ఽగ్నిగ్ం సమిన్ధే । తామహగ్ం సమిన్ధే ।
సా మా సమిద్ధా । ఆయుషా తేజసా । వర్చసా శ్రియా ।
యశసా బ్రహ్మవర్చసేన ॥ 87 ॥

అన్నాద్యేన సమిన్తాగ్ స్వాహా । ప్రాజాపత్యా మే సమిదసి సపత్నక్షయణీ । భ్రాతృవ్యహా మే-ఽసి స్వాహా । ఆదిత్య వ్రతపతే వ్రతమచారిషమ్ ।
తదశక-న్తన్మే-ఽరాధి । వాయో వ్రతపతే-ఽగ్నే వ్రతపతే । వ్రతానాం-వ్రఁతపతే వ్రతమచారిషమ్ । తదశక-న్తన్మే-ఽరాధి ॥ 88 ॥

(సమిథ్ - సమిన్ధే - వ్రతఞ్చరిష్యా - మ్యాయుషా తేజసా - వర్చసా శ్రియా - యశసా బ్రహ్మవర్చసేనా - +ష్టౌ చ) (అ. 41)
అనువాకం 42
శన్నో వాతః పవతా-మ్మాతరిశ్వా శన్నస్తపతు సూర్యః । అహాని శ-మ్భవన్తు న-శ్శగ్ం రాత్రిః ప్రతిధీయతామ్ ॥ శముషా నో వ్యుచ్ఛతు శమాదిత్య ఉదేతు నః । శివా న-శ్శన్తమా భవ సుమృడీకా సరస్వతి । మా తే వ్యోమ సన్దృశి ॥
ఇడాయై వాస్త్వసి వాస్తుమ-ద్వాస్తుమన్తో భూయాస్మ మా వాస్తో-శ్ఛిథ్స్మహ్య వాస్తు-స్స భూయా-ద్యో-ఽస్మా-న్ద్వేష్టి యఞ్చ వయ-న్ద్విష్మః ॥
ప్రతిష్ఠా-ఽసి ప్రతిష్ఠావన్తో భూయాస్మ మా ప్రతిష్ఠాయా- శ్ఛిథ్స్మహ్య ప్రతిష్ఠః
స భూయా-ద్యో-ఽస్మా-న్ద్వేష్టి యఞ్చ వయ-న్ద్విష్మః ॥ ఆ వాత వాహి భేషజమ్ ఁవి వాత వాహి యద్రపః ।
త్వగ్ం హి విశ్వభేషజో దేవానా-న్దూత ఈయసే ॥
ద్వావిమౌ వాతౌ వాత ఆ సిన్ధారా పరావతః ॥ 89 ॥

దక్ష-మ్మే అన్య ఆవాతు పరా-ఽన్యో వాతు య-ద్రపః ॥
యదదో వాత తే గృహే-ఽమృతస్య నిధిర్హితః ।
తతో నో దేహి జీవసే తతో నో ధేహి భేషజమ్ ॥
తతో నో మహ ఆవహ వాత ఆవాతు భేషజమ్ ।
శమ్భూ-ర్మయోభూర్నో హృదే ప్ర ణ ఆయూగ్ంషి తారిషత్ ॥ ఇన్ద్రస్య గృహో-ఽసి త-న్త్వా ప్రపద్యే సగుస్సాశ్వః । సహ యన్మే అస్తి తేన ॥
భూః ప్రపద్యే భువః ప్రపద్యే సువః ప్రపద్యే భూర్భువస్సువః ప్రపద్యే వాయుమ్
ప్రపద్యే-ఽనార్తా-న్దేవతా-మ్ప్రపద్యే ఽశ్మానమాఖణ-మ్ప్రపద్యే ప్రజాపతేర్
బ్రహ్మకోశ-మ్బ్రహ్మ ప్రపద్య ఓ-మ్ప్రపద్యే ॥
అన్తరిక్ష-మ్మ ఉర్వన్తర-మ్బృహదగ్నయః పర్వతాశ్చ యయా వాతః స్వస్త్యా స్వస్తిమాన్తయా స్వస్త్యా స్వస్తి మానసాని ॥
ప్రాణాపానౌ మృత్యోర్మా పాత-మ్ప్రాణాపానౌ మా మా హాసిష్ట-మ్మయి మేధా-మ్మయి ప్రజా-మ్మయ్యగ్ని స్తేజో దధాతు మయి మేధా-మ్మయి ప్రజా-మ్మయీన్ద్ర ఇన్ద్రియ-న్దధాతు మయి మేధా-మ్మయి ప్రజా-మ్మయి సూర్యో
భ్రాజో దధాతు ॥ 90 ॥

ద్యుభిరక్తుభిః పరిపాత-మస్మానరిష్టేభి-రశ్వినా సౌభగేభిః । తన్నో మిత్రో వరుణో మామహన్తా మదితి-స్సిన్ధుః పృథివీ ఉత ద్యౌః ॥
కయా నశ్చిత్ర ఆభువదూతీ సదావృధ-స్సఖా । కయా శచిష్ఠయా వృతా ॥ కస్త్వా సత్యో మదానా-మ్మగ్ంహిష్ఠో మథ్సదన్ధసః ।
దృఢా చిదారుజే వసు ॥ అభీ షు ణ-స్సఖీనామవితా జరితౄణామ్ । శత-మ్భవాస్యూతిభిః ॥
వయః సుపర్ణా ఉపసేదురిన్ద్ర-మ్ప్రియమేధా ఋషయో నాధమానాః ।
అప ధ్వాన్తమూర్ణుహి పూర్ధి చక్షు-ర్ముముగ్ధ్యస్మా-న్నిధయేవ బద్ధాన్ ॥ 91 ॥

శన్నో దేవీరభిష్టయ ఆపో భవన్తు పీతయే । శం-యోఁరభిస్రవన్తు నః ॥ ఈశానా వార్యాణా-ఙ్క్షయన్తీశ్చర్షణీనామ్ । అపో యాచామి భేషజమ్ ॥
సుమిత్రా న ఆప ఓషధయ-స్సన్తు దుర్మిత్రాస్తస్మై భూయాసు-ర్యో-ఽస్మాన్-ద్వేష్టి యఞ్చ వయ-న్ద్విష్మః ॥
ఆపో హి ష్ఠా మయోభువస్తా న ఊర్జే దధాతన । మహే రణాయ చక్షసే ॥ యో వః శివతమో రసస్తస్య భాజయతేహ నః । ఉశతీరివ మాతరః ॥
తస్మా అర-ఙ్గమామ వో యస్య క్షయాయ జిన్వథ ॥ 92 ॥

ఆపో జనయథా చ నః ॥
పృథివీ శాన్తా సా-ఽగ్నినా శాన్తా సా మే శాన్తా శుచగ్ం శమయతు ॥ అన్తరిక్షగ్ం శాన్త-న్త-ద్వాయునా శాన్త-న్తన్మే శాన్తగ్ం శుచగ్ం శమయతు ।
ద్యౌ-శ్శాన్తా సా-ఽఽదిత్యేన శాన్తా సా మే శాన్తా శుచగ్ం శమయతు ॥ పృథివీ శాన్తిరన్తరిక్షగ్ం శాన్తి-ర్ద్యౌ-శ్శాన్తి-ర్దిశ-శ్శాన్తి రవాన్తరదిశా-శ్శాన్తి రగ్ని-శ్శాన్తి-ర్వాయు-శ్శాన్తి రాదిత్య-శ్శాన్తి
శ్చన్ద్రమా-శ్శాన్తి-ర్నక్షత్రాణి శాన్తి రాప-శ్శాన్తి రోషధయ-శ్శాన్తి-ర్వనస్పతయ-శ్శాన్తి-ర్గౌ-శ్శాన్తి రజా శాన్తి రశ్వ-శ్శాన్తిః పురుష-శ్శాన్తి-ర్బ్రహ్మ శాన్తి-ర్బ్రాహ్మణ-శ్శాన్తి-శ్శాన్తిరేవ శాన్తి-శ్శాన్తిర్మే అస్తు శాన్తిః ॥
తయా-ఽహగ్ం శాన్త్యా సర్వశాన్త్యా మహ్య-న్ద్విపదే చతుష్పదే చ శాన్తి-ఙ్కరోమి శాన్తిర్మే అస్తు శాన్తిః ॥
ఏహ శ్రీశ్చ హ్రీశ్చ ధృతిశ్చ తపో మేధా ప్రతిష్ఠా శ్రద్ధా సత్య-న్ధర్మశ్చైతాని మోత్తిష్ఠన్త-మనూత్తిష్ఠన్తు మా మాగ్ శ్రీశ్చ హ్రీశ్చ ధృతిశ్చ తపో మేధా ప్రతిష్ఠా శ్రద్ధా సత్య-న్ధర్మశ్చైతాని మా మా హాసిషుః ॥
ఉదాయుషా స్వాయుషోదోషధీనాగ్ం రసేనో-త్పర్జన్యస్య శుష్మేణోదస్థా-మమృతాగ్ం అను ॥ తచ్చక్షు-ర్దేవహిత-మ్పురస్తా చ్ఛుక్రముచ్చరత్ ।
పశ్యేమ శరదః శత-ఞ్జీవేమ శరదః శత-న్నన్దామ శరదః శత-మ్మోదామ శరదః శత-మ్భవామ శరదః శతగ్ం శృణవామ శరదః శత-మ్ప్రబ్రవామ శరదః శత మజీతా-స్స్యామ శరదః శత-ఞ్జ్యోక్చ సూర్య-న్దృశే ॥ 93 ॥

య ఉదగా-న్మహతో-ఽర్ణవా-ద్విభ్రాజమాన-స్సరిరస్య మద్ధ్యాథ్స మా వృషభో లోహితాక్ష-స్సూర్యో విపశ్చి-న్మనసా పునాతు ॥ బ్రహ్మణ-శ్శ్చోతన్యసి బ్రహ్మణ ఆణీ స్థో బ్రహ్మణ ఆవపనమసి ధారితేయ-మ్పృథివీ బ్రహ్మణా మహీ ధారితమేనేన మహదన్తరిక్ష-న్దివ-న్దాధార పృథివీగ్ం సదేవాం-యఁదహం-వేఁద తదహ-న్ధారయాణి మా మద్వేదో-ఽధి విస్రసత్ ॥ మేధామనీషే మా-ఽఽవిశతాగ్ం సమీచీ భూతస్య భవ్యస్యావరుద్ధ్యై సర్వమాయురయాణి
సర్వమాయురయాణి ॥ ఆభి-ర్గీర్భి-ర్యదతో న ఊనమాప్యాయయ హరివో వర్ధమానః ।
యదా స్తోతృభ్యో మహి గోత్రా రుజాసి భూయిష్ఠభాజో అధ తే స్యామ ॥ బ్రహ్మ ప్రావాదిష్మ తన్నో మా హాసీత్ ॥ ఓం శాన్తి-శ్శాన్తి-శ్శాన్తిః ॥ 94 ॥
(పరావతో-దధాతు-బద్ధాన్-జిన్వథ-దృశే-+సప్త చ) (అ. 42)
(నమో - యుఞ్జతే - వృష్ణో అశ్వస్య - బ్రహ్మ-న్ప్రవర్గ్యేణ - బ్రహ్మ-న్ప్రచరిష్యామో - దశ ప్రాచీ - రపశ్యఙ్గోపామ్ - దేవస్య - సముద్రా - యేషే పీపిహి - ఘర్మ యా తే - మహీనా-ఞ్చత్వా - ర్యస్కాన్. - యా పురస్తా-థ్సప్త సప్త - ప్రాణాయ త్రీణి - పూష్ణే చత్వా-ర్యు - దస్యైకాదశ - యాస్తే సప్తా - గ్ని-ర్ధ్రువసీః దైకాన్న విగ్ంశతి--ర్ భూరూర్ధ్వ స్త్రిగ్ంశత-ద్- భూ-ర్మయి షోడశ - యాస్తే ఘోరా నవ - స్నిక్చాష్టౌ - ధునిశ్చ ద్వే - ఉగ్రశ్చ త్రీణ్య - హోరాత్రే పఞ్చ - ఖ-ట్త్రీణి - విగా-స్సప్తదశా - సృ-న్ముఖ-శ్చత్వారి - యదేత-ద్వృకసః పఞ్చ - యదీషిత శ్చత్వారి - దీర్ఘముఖి త్రీణీ - త్థా చ్చత్వారి - యదేత-ద్భూతాని షట్ - ప్రసార్య త్రీణ్య - త్రిణా దశా- హరావద్య - బ్రహ్మణా షట్-థ్షడ్ - ఉత్తుదాష్టౌ - భూ-ష్షట్ - పృథివ్యష్ట షష్టిః - శన్నః సప్తపఞ్చాశ-ద్ద్విచత్వారిగ్ంశత్ )
(నమో వాచే - బ్రహ్మ-న్ప్రవర్గ్యేణ - మయి రు - గన్తరిక్షేణ - పితా నో-ఽసి - మహీనా - ముప నో - యదేత-ద్- భూ--ర్ ద్యూభి శ్చతు-ర్నవతిః)
॥ హరిః ఓమ్ ॥
॥ కృష్ణ యజుర్వేదీయ తైత్తిరీయ ఆరణ్యకే చతుర్థః ప్రపాఠక-స్సమాప్తః ॥