6.1 - ପ୍ରାଚୀନଵଗଂ ଶଙ୍କରୋତି - କୃଷ୍ଣ ଯଜୁର୍ଵେଦ ତୈତ୍ତିରୀଯ ସଂହିତା ପାଠଃ

କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯାଂ ଷଷ୍ଠକାଣ୍ଡେ ପ୍ରଥମଃ ପ୍ରଶ୍ନଃ - ସୋମମନ୍ତ୍ରବ୍ରାହ୍ମଣନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,

ଶ୍ରୀ ଗୁରୁଭ୍ଯୋ ନମଃ । ହରିଃ ଓମ୍ ॥
ପ୍ରାଚୀନଵଗ୍ଂଶ-ଙ୍କରୋତି ଦେଵମନୁଷ୍ଯା ଦିଶୋ ଵ୍ଯଭଜନ୍ତ ପ୍ରାଚୀ-ନ୍ଦେଵା ଦକ୍ଷିଣା ପିତରଃ ପ୍ରତୀଚୀ-ମ୍ମନୁଷ୍ଯା ଉଦୀଚୀଗ୍ଂ ରୁଦ୍ରା ଯ-ତ୍ପ୍ରାଚୀନଵଗ୍ଂଶ-ଙ୍କରୋତି ଦେଵଲୋକମେଵ ତ-ଦ୍ଯଜମାନ ଉପାଵର୍ତତେ ପରି ଶ୍ରଯତ୍ଯନ୍ତର୍ହିତୋହି ଦେଵଲୋକୋ ମନୁଷ୍ଯଲୋକା-ନ୍ନାସ୍ମାଲ୍ଲୋକା-ଥ୍ସ୍ଵେତଵ୍ଯମିଵେତ୍ଯାହୁଃ କୋ ହି ତ-ଦ୍ଵେଦ ଯ-ଦ୍ଯମୁଷ୍ମିଁଲ୍ଲୋକେ-ଽସ୍ତି ଵା ନ ଵେତି ଦିକ୍ଷ୍ଵତୀ କାଶାନ୍ କରୋ- [ଦିକ୍ଷ୍ଵତୀ କାଶାନ୍ କରୋତି, ଉଭଯୋ] 1
-ତ୍ଯୁଭଯୋ-ର୍ଲୋକଯୋ-ରଭିଜିତ୍ଯୈ କେଶଶ୍ମଶ୍ରୁ ଵପତେ ନଖାନି ନି କୃନ୍ତତେ ମୃତା ଵା ଏଷା ତ୍ଵଗମେଦ୍ଧ୍ଯା ଯ-ତ୍କେଶଶ୍ମଶ୍ରୁ ମୃତାମେଵ ତ୍ଵଚମ-ମେଦ୍ଧ୍ଯାମପହତ୍ଯ ଯଜ୍ଞିଯୋ ଭୂତ୍ଵା ମେଧମୁପୈତ୍ଯଙ୍ଗିରସ-ସ୍ସୁଵର୍ଗଂ-ଲୋଁକଂ-ଯଁନ୍ତୋ-ଽଫ୍ସୁ ଦୀକ୍ଷାତପସୀ ପ୍ରାଵେଶଯନ୍ନଫ୍ସୁ ସ୍ନାତି ସାକ୍ଷାଦେଵ ଦୀକ୍ଷାତପସୀ ଅଵ ରୁନ୍ଧେ ତୀର୍ଥେ ସ୍ନାତି ତୀର୍ଥେ ହି ତେ ତା-ମ୍ପ୍ରାଵେଶଯ-ନ୍ତୀର୍ଥେ ସ୍ନାତି [ ] 2
ତୀର୍ଥମେଵ ସମାନାନା-ମ୍ଭଵତ୍ଯପୋ-ଽଶ୍ଞାତ୍ଯନ୍ତରତ ଏଵ ମେଦ୍ଧ୍ଯୋ ଭଵତି ଵାସସା ଦୀକ୍ଷଯତି ସୌମ୍ଯଂ-ଵୈଁ କ୍ଷୌମ-ନ୍ଦେଵତଯା ସୋମମେଷ ଦେଵତାମୁପୈତି ଯୋ ଦୀକ୍ଷତେ ସୋମସ୍ଯ ତନୂରସି ତନୁଵ-ମ୍ମେ ପାହୀତ୍ଯାହ ସ୍ଵାମେଵ ଦେଵତାମୁପୈତ୍ଯଥୋ ଆଶିଷମେଵୈତାମା ଶାସ୍ତେ ଽଗ୍ନେସ୍ତୂଷାଧାନଂ-ଵାଁଯୋର୍ଵାତପାନ-ମ୍ପିତୃଣା-ନ୍ନୀଵି-ରୋଷଧୀନା-ମ୍ପ୍ରଘାତ [-ରୋଷଧୀନା-ମ୍ପ୍ରଘାତଃ, ଆଦିତ୍ଯାନା-ମ୍ପ୍ରାଚୀନତାନୋ] 3
ଆଦିତ୍ଯାନା-ମ୍ପ୍ରାଚୀନତାନୋ ଵିଶ୍ଵେଷା-ନ୍ଦେଵାନାମୋତୁ ର୍ନକ୍ଷତ୍ରାଣା-ମତୀକାଶାସ୍ତଦ୍ଵା ଏତ-ଥ୍ସର୍ଵ ଦେଵତ୍ଯଂ-ଯଁ-ଦ୍ଵାସୋ ଯ-ଦ୍ଵାସସା ଦୀକ୍ଷଯତି ସର୍ଵାଭିରେଵୈନ-ନ୍ଦେଵତାଭି-ର୍ଦୀକ୍ଷଯତି ବହିଃପ୍ରାଣୋ ଵୈ ମନୁଷ୍ଯସ୍ତ-ସ୍ଯାଶନ-ମ୍ପ୍ରାଣୋ-ଽଶ୍ଞାତି ସପ୍ରାଣ ଏଵ ଦୀକ୍ଷତ ଆଶିତୋ ଭଵତି ଯାଵାନେଵାସ୍ଯ ପ୍ରାଣସ୍ତେନ ସହ ମେଧମୁପୈତି ଘୃତ-ନ୍ଦେଵାନା-ମ୍ମସ୍ତୁ ପିତୃଣା-ନ୍ନିଷ୍ପକ୍ଵ-ମ୍ମନୁଷ୍ଯାଣା-ନ୍ତଦ୍ଵା [-ମ୍ମନୁଷ୍ଯାଣା-ନ୍ତଦ୍ଵୈ, ଏତ-ଥ୍ସର୍ଵଦେଵତ୍ଯଂ] 4
ଏତ-ଥ୍ସର୍ଵଦେଵତ୍ଯଂ-ଯଁନ୍ନଵନୀତଂ-ଯଁନ୍ନଵନୀତେନାଭ୍ଯଙ୍କ୍ତେ ସର୍ଵା ଏଵ ଦେଵତାଃ ପ୍ରୀଣାତି ପ୍ରଚ୍ଯୁତୋ ଵା ଏଷୋ-ଽସ୍ମାଲ୍ଲୋକାଦଗତୋ ଦେଵଲୋକଂ-ଯୋଁ ଦୀକ୍ଷିତୋ ଽନ୍ତରେଵ ନଵନୀତ-ନ୍ତସ୍ମା-ନ୍ନଵନୀତେନାଭ୍ଯଙ୍କ୍ତେ ଽନୁଲୋମଂ-ଯଁଜୁଷା ଵ୍ଯାଵୃତ୍ତ୍ଯା ଇନ୍ଦ୍ରୋ ଵୃତ୍ରମହ-ନ୍ତସ୍ଯ କନୀନିକା ପରା-ଽପତ-ତ୍ତଦାଞ୍ଜନମ-ଭଵଦ୍ଯଦାଙ୍କ୍ତେ ଚକ୍ଷୁରେଵ ଭ୍ରାତୃଵ୍ଯସ୍ଯ ଵୃଙ୍କ୍ତେ ଦକ୍ଷିଣ-ମ୍ପୂର୍ଵମା-ଽଙ୍କ୍ତେ [ଦକ୍ଷିଣ-ମ୍ପୂର୍ଵମା-ଽଙ୍କ୍ତେ, ସଵ୍ଯଗ୍ଂ ହି] 5
ସଵ୍ଯଗ୍ଂ ହି ପୂର୍ଵ-ମ୍ମନୁଷ୍ଯା ଆଞ୍ଜତେ ନ ନି ଧାଵତେ ନୀଵ ହି ମନୁଷ୍ଯା ଧାଵନ୍ତେ ପଞ୍ଚ କୃତ୍ଵ ଆ-ଽଙ୍କ୍ତେ ପଞ୍ଚାକ୍ଷରା ପଙ୍କ୍ତିଃ ପାଙ୍କ୍ତୋ ଯଜ୍ଞୋ ଯଜ୍ଞମେଵାଵ ରୁନ୍ଧେ ପରିମିତମାଙ୍କ୍ତେ ଽପରିମିତଗ୍ଂ ହି ମନୁଷ୍ଯା ଆଞ୍ଜତେ ସତୂଲଯା-ଽଽଙ୍କ୍ତେ- ଽପତୂଲଯା ହି ମନୁଷ୍ଯା ଆଞ୍ଜତେ ଵ୍ଯାଵୃତ୍ତ୍ଯୈ ଯଦପତୂଲଯାଞ୍ଜୀତ ଵଜ୍ର ଇଵ ସ୍ଯା-ଥ୍ସତୂଲଯା-ଽଽଙ୍କ୍ତେ ମିତ୍ରତ୍ଵାଯେ- [ମିତ୍ରତ୍ଵାଯ, ଇନ୍ଦ୍ରୋ] 6
-ନ୍ଦ୍ରୋ ଵୃତ୍ରମହନ୍ଥ୍ସୋ-ଽ(1)ପୋ-ଽ(1)ଭ୍ଯ-ମ୍ରିଯତ ତାସାଂ-ଯଁନ୍ମେଦ୍ଧ୍ଯଂ-ଯଁଜ୍ଞିଯଗ୍ଂ ସଦେଵମାସୀ-ତ୍ତଦପୋଦକ୍ରାମ-ତ୍ତେ ଦର୍ଭା ଅଭଵନ୍. ଯଦ୍ଦର୍ଭପୁଞ୍ଜୀଲୈଃ ପଵଯତି ଯା ଏଵ ମେଦ୍ଧ୍ଯା ଯଜ୍ଞିଯା-ସ୍ସଦେଵା ଆପସ୍ତାଭିରେଵୈନ-ମ୍ପଵଯତି ଦ୍ଵାଭ୍ଯା-ମ୍ପଵଯତ୍ଯ-ହୋରାତ୍ରାଭ୍ଯାମେଵୈନ-ମ୍ପଵଯତି ତ୍ରିଭିଃ ପଵଯତି ତ୍ରଯ ଇମେ ଲୋକା ଏଭିରେଵୈନଂ-ଲୋଁକୈଃ ପଵଯତି ପଞ୍ଚଭିଃ [ପଞ୍ଚଭିଃ, ପଵଯତି ପଞ୍ଚାକ୍ଷରା] 7
ପଵଯତି ପଞ୍ଚାକ୍ଷରା ପଙ୍କ୍ତିଃ ପାଙ୍କ୍ତୋ ଯଜ୍ଞୋ ଯଜ୍ଞାଯୈଵୈନ-ମ୍ପଵଯତି ଷଡ୍ଭିଃ ପଵଯତି ଷଡ୍ଵା ଋତଵ ଋତୁଭିରେଵୈନ-ମ୍ପଵଯତି ସପ୍ତଭିଃ ପଵଯତି ସପ୍ତ ଛନ୍ଦାଗ୍ଂସି ଛନ୍ଦୋଭିରେଵୈନ-ମ୍ପଵଯତି ନଵଭିଃ ପଵଯତି ନଵ ଵୈ ପୁରୁଷେ ପ୍ରାଣା-ସ୍ସପ୍ରାଣମେଵୈନ-ମ୍ପଵଯତ୍ଯେକଵିଗ୍ଂଶତ୍ଯା ପଵଯତି ଦଶ ହସ୍ତ୍ଯା ଅଙ୍ଗୁଲଯୋ ଦଶ ପଦ୍ଯା ଆତ୍ମୈକଵିଗ୍ଂଶୋ ଯାଵାନେଵ ପୁରୁଷସ୍ତ-ମପରିଵର୍ଗ- [ପୁରୁଷସ୍ତ-ମପରିଵର୍ଗମ୍, ପଵଯତି ଚିତ୍ପତିସ୍ତ୍ଵା] 8
-ମ୍ପଵଯତି ଚିତ୍ପତିସ୍ତ୍ଵା ପୁନାତ୍ଵିତ୍ଯାହ ମନୋ ଵୈ ଚିତ୍ପତିର୍ମନସୈଵୈନ-ମ୍ପଵଯତି ଵାକ୍ପତିସ୍ତ୍ଵା ପୁନାତ୍ଵିତ୍ଯାହ ଵାଚୈଵୈନ-ମ୍ପଵଯତି ଦେଵସ୍ତ୍ଵା ସଵିତା ପୁନାତ୍ଵିତ୍ଯାହ ସଵିତୃପ୍ରସୂତ ଏଵୈନ-ମ୍ପଵଯତି ତସ୍ଯ ତେ ପଵିତ୍ରପତେ ପଵିତ୍ରେଣ ଯସ୍ମୈ କ-ମ୍ପୁନେ ତଚ୍ଛକେଯମିତ୍ଯା-ହା-ଽଽଶିଷମେଵୈତାମା ଶାସ୍ତେ ॥ 9 ॥

(ଅତୀକାଶାନ୍ କରୋତ୍ଯ - ଵେଶଯ-ନ୍ତିର୍ଥ ସ୍ନାତି - ପ୍ରଘାତୋ - ମନୁଷ୍ଯାଣା-ନ୍ତଦ୍ଵା - ଆ-ଽଙ୍କ୍ତେ - ମିତ୍ରତ୍ଵାଯ - ପଞ୍ଚଭି - ରପରିଵର୍ଗ - ମଷ୍ଟାଚତ୍ଵାରିଗ୍ଂଶଚ୍ଚ) (ଅ. 1)
ଯାଵନ୍ତୋ ଵୈ ଦେଵା ଯଜ୍ଞାଯାପୁନତ ତ ଏଵାଭଵନ୍. ଯ ଏଵଂ-ଵିଁଦ୍ଵାନ୍. ଯଜ୍ଞାଯ ପୁନୀତେ ଭଵତ୍ଯେଵ ବହିଃ ପଵଯିତ୍ଵା-ଽନ୍ତଃ ପ୍ର ପାଦଯତି ମନୁଷ୍ଯଲୋକ ଏଵୈନ-ମ୍ପଵଯିତ୍ଵା ପୂତ-ନ୍ଦେଵଲୋକ-ମ୍ପ୍ର ଣଯତ୍ଯଦୀକ୍ଷିତ ଏକଯା-ଽଽହୁତ୍ଯେତ୍ଯାହୁ-ସ୍ସ୍ରୁଵେଣ ଚତସ୍ରୋ ଜୁହୋତି ଦୀକ୍ଷିତତ୍ଵାଯ ସ୍ରୁଚା ପଞ୍ଚମୀ-ମ୍ପଞ୍ଚାକ୍ଷରା ପଙ୍କ୍ତିଃ ପାଙ୍କ୍ତୋ ଯଜ୍ଞୋ ଯଜ୍ଞମେଵାଵ ରୁନ୍ଧ ଆକୂତ୍ଯୈ ପ୍ରଯୁଜେ-ଽଗ୍ନଯେ [ପ୍ରଯୁଜେ-ଽଗ୍ନଯେ, ସ୍ଵାହେତ୍ଯାହା] 10
ସ୍ଵାହେତ୍ଯାହା-ଽଽକୂତ୍ଯା ହି ପୁରୁଷୋ ଯଜ୍ଞମଭି ପ୍ରଯୁଙ୍କ୍ତେ ଯଜେଯେତି ମେଧାଯୈ ମନସେ-ଽଗ୍ନଯେ ସ୍ଵାହେତ୍ଯାହ ମେଧଯା ହି ମନସା ପୁରୁଷୋ ଯଜ୍ଞମଭିଗଚ୍ଛତି ସରସ୍ଵତ୍ଯୈ ପୂଷ୍ଣେ-ଽଗ୍ନଯେ ସ୍ଵାହେତ୍ଯାହ ଵାଗ୍ଵୈ ସରସ୍ଵତୀ ପୃଥିଵୀ ପୂଷା ଵାଚୈଵ ପୃଥିଵ୍ଯା ଯଜ୍ଞ-ମ୍ପ୍ରଯୁଙ୍କ୍ତ ଆପୋ ଦେଵୀ-ର୍ବୃହତୀ-ର୍ଵିଶ୍ଵଶମ୍ଭୁଵ ଇତ୍ଯାହ ଯା ଵୈ ଵର୍ଷ୍ଯାସ୍ତା [ଯା ଵୈ ଵର୍ଷ୍ଯାସ୍ତାଃ, ଆପୋ ଦେଵୀ-ର୍ବୃହତୀ-] 11
ଆପୋ ଦେଵୀ-ର୍ବୃହତୀ-ର୍ଵିଶ୍ଵଶଭୁଂଵୋଁ ଯଦେତ-ଦ୍ଯଜୁର୍ନ ବ୍ରୂଯା-ଦ୍ଦିଵ୍ଯା ଆପୋ-ଽଶାନ୍ତା ଇମଂ-ଲୋଁକମା ଗଚ୍ଛେଯୁରାପୋ ଦେଵୀ-ର୍ବୃହତୀ-ର୍ଵିଶ୍ଵଶମ୍ଭୁଵ ଇତ୍ଯାହାସ୍ମା ଏଵୈନା ଲୋକାଯ ଶମଯତି ତସ୍ମାଚ୍ଛାନ୍ତା ଇମଂ-ଲୋଁକମା ଗଚ୍ଛନ୍ତି ଦ୍ଯାଵାପୃଥିଵୀ ଇତ୍ଯାହ ଦ୍ଯାଵାପୃଥିଵ୍ଯୋର୍ହି ଯଜ୍ଞ ଉର୍ଵନ୍ତରିକ୍ଷ-ମିତ୍ଯାହାନ୍ତରିକ୍ଷେ ହି ଯଜ୍ଞୋ ବୃହସ୍ପତିର୍ନୋ ହଵିଷା ଵୃଧା- [ହଵିଷା ଵୃଧାତୁ, ଇତ୍ଯାହ ବ୍ରହ୍ମ ଵୈ] 12
-ତ୍ଵିତ୍ଯାହ ବ୍ରହ୍ମ ଵୈ ଦେଵାନା-ମ୍ବୃହସ୍ପତି-ର୍ବ୍ରହ୍ମଣୈଵାସ୍ମୈ ଯଜ୍ଞମଵ ରୁନ୍ଧେ ଯଦ୍- ବ୍ରୂଯା-ଦ୍ଵିଧେରିତି ଯଜ୍ଞସ୍ଥାଣୁମୃଚ୍ଛେ-ଦ୍ଵୃଧାତ୍ଵିତ୍ଯାହ ଯଜ୍ଞସ୍ଥାଣୁମେଵ ପରି ଵୃଣକ୍ତି ପ୍ରଜାପତି-ର୍ଯଜ୍ଞମସୃଜତ ସୋ-ଽସ୍ମା-ଥ୍ସୃଷ୍ଟଃ ପରାଂଐ-ଥ୍ସ ପ୍ର ଯଜୁରଵ୍ଲୀନା-ତ୍ପ୍ର ସାମ ତମୃଗୁଦଯଚ୍ଛ-ଦ୍ଯଦୃଗୁଦଯଚ୍ଛ-ତ୍ତଦୌ-ଦ୍ଗ୍ରହଣସ୍ଯୌ-ଦ୍ଗ୍ରହଣତ୍ଵ ମୃଚା [ମୃଚା, ଜୁହୋତି ଯଜ୍ଞସ୍ଯୋଦ୍ଯତ୍ଯା] 13
ଜୁହୋତି ଯଜ୍ଞସ୍ଯୋଦ୍ଯତ୍ଯା ଅନୁଷ୍ଟୁପ୍-ଛନ୍ଦସା-ମୁଦଯଚ୍ଛଦିତ୍ଯା-ହୁସ୍ତସ୍ମାଦନୁଷ୍ଟୁଭା ଜୁହୋତି ଯଜ୍ଞସ୍ଯୋଦ୍ଯତ୍ଯୈ ଦ୍ଵାଦଶ ଵାଥ୍ସବନ୍ଧାନ୍ଯୁଦଯଚ୍ଛ-ନ୍ନିତ୍ଯାହୁ-ସ୍ତସ୍ମାଦ୍- ଦ୍ଵାଦଶଭି-ର୍ଵାଥ୍ସବନ୍ଧଵିଦୋ ଦୀକ୍ଷଯନ୍ତି ସା ଵା ଏଷର୍ଗନୁଷ୍ଟୁଗ୍-ଵାଗନୁଷ୍ଟୁଗ୍-ଯଦେତଯର୍ଚା ଦୀକ୍ଷଯତି ଵାଚୈଵୈନଗ୍ଂ ସର୍ଵଯା ଦୀକ୍ଷଯତି ଵିଶ୍ଵେ ଦେଵସ୍ଯ ନେତୁରିତ୍ଯାହ ସାଵିତ୍ର୍ଯେତେନ ମର୍ତୋ ଵୃଣୀତ ସଖ୍ଯ- [ସଖ୍ଯମ୍, ଇତ୍ଯାହ] 14
-ମିତ୍ଯାହ ପିତୃଦେଵତ୍ଯୈତେନ ଵିଶ୍ଵେ ରାଯ ଇଷୁଦ୍ଧ୍ଯସୀତ୍ଯାହ ଵୈଶ୍ଵଦେଵ୍ଯେତେନ ଦ୍ଯୁମ୍ନଂ-ଵୃଁଣୀତ ପୁଷ୍ଯସ ଇତ୍ଯାହ ପୌଷ୍ଣ୍ଯେତେନ ସା ଵା ଏଷର୍ଖ୍ସର୍ଵଦେଵତ୍ଯା ଯଦେତଯର୍ଚା ଦୀକ୍ଷଯତି ସର୍ଵାଭିରେଵୈନ-ନ୍ଦେଵତାଭିର୍ଦୀକ୍ଷଯତି ସପ୍ତାକ୍ଷର-ମ୍ପ୍ରଥମ-ମ୍ପଦମଷ୍ଟାକ୍ଷରାଣି ତ୍ରୀଣି ଯାନି ତ୍ରୀଣି ତାନ୍ଯଷ୍ଟାଵୁପ ଯନ୍ତି ଯାନି ଚତ୍ଵାରି ତାନ୍ଯଷ୍ଟୌ ଯଦଷ୍ଟାକ୍ଷରା ତେନ [ତେନ, ଗାଯତ୍ରୀ ଯଦେକାଦଶାକ୍ଷରା] 15
ଗାଯତ୍ରୀ ଯଦେକାଦଶାକ୍ଷରା ତେନ ତ୍ରିଷ୍ଟୁଗ୍ଯ-ଦ୍ଦ୍ଵାଦଶାକ୍ଷରା ତେନ ଜଗତୀ ସା ଵା ଏଷର୍ଖ୍ସର୍ଵାଣି ଛନ୍ଦାଗ୍ଂସି ଯଦେତଯର୍ଚା ଦୀକ୍ଷଯତି ସର୍ଵେଭିରେଵୈନ-ଞ୍ଛନ୍ଦୋଭିର୍ଦୀକ୍ଷଯତି ସପ୍ତାକ୍ଷର-ମ୍ପ୍ରଥମ-ମ୍ପଦଗ୍ଂ ସପ୍ତପଦା ଶକ୍ଵରୀ ପଶଵ-ଶ୍ଶକ୍ଵରୀ ପଶୂନେଵାଵ ରୁନ୍ଧ ଏକସ୍ମାଦକ୍ଷରାଦନାପ୍ତ-ମ୍ପ୍ରଥମ-ମ୍ପଦ-ନ୍ତସ୍ମା-ଦ୍ଯ-ଦ୍ଵାଚୋ-ଽନାପ୍ତ-ନ୍ତନ୍ମନୁଷ୍ଯା ଉପ ଜୀଵନ୍ତି ପୂର୍ଣଯା ଜୁହୋତି ପୂର୍ଣ ଇଵ ହି ପ୍ରଜାପତିଃ ପ୍ରଜାପତେରାପ୍ତ୍ଯୈ ନ୍ଯୂନଯା ଜୁହୋତି ନ୍ଯୂନାଦ୍ଧି ପ୍ରଜାପତିଃ ପ୍ରଜା ଅସୃଜତ ପ୍ରଜାନାଗ୍ଂ ସୃଷ୍ଟ୍ଯୈ ॥ 16 ॥

(ଅଗ୍ନଯେ - ତା - ଵୃଧାତ୍ଵୃ - ଚା - ସଖ୍ଯଂ - ତେନ - ଜୁହୋତି - ପଞ୍ଚଦଶ ଚ) (ଅ. 2)
ଋ-ଖ୍ସାମେ ଵୈ ଦେଵେଭ୍ଯୋ ଯଜ୍ଞାଯା-ଽତିଷ୍ଠମାନେ କୃଷ୍ଣୋ ରୂପ-ଙ୍କୃତ୍ଵା- ଽପକ୍ରମ୍ଯାତିଷ୍ଠତା-ନ୍ତେ-ଽମନ୍ଯନ୍ତ ଯଂ-ଵାଁ ଇମେ ଉପାଵର୍ଥ୍ସ୍ଯତ-ସ୍ସ ଇଦ-ମ୍ଭଵିଷ୍ଯତୀତି ତେ ଉପାମନ୍ତ୍ରଯନ୍ତ ତେ ଅହୋରାତ୍ରଯୋ-ର୍ମହିମାନ-ମପନିଧାଯ ଦେଵାନୁପାଵର୍ତେତାମେଷ ଵା ଋଚୋ ଵର୍ଣୋ ଯଚ୍ଛୁକ୍ଲ-ଙ୍କୃଷ୍ଣାଜିନସ୍ଯୈଷ ସାମ୍ନୋ ଯ-ତ୍କୃଷ୍ଣମୃଖ୍ସାମଯୋ-ଶ୍ଶିଲ୍ପେ ସ୍ଥ ଇତ୍ଯାହର୍ଖ୍ସାମେ ଏଵା-ଽଵ ରୁନ୍ଧ ଏଷ [ଏଵା-ଽଵ ରୁନ୍ଧ ଏଷଃ, ଵା ଅହ୍ନୋ] 17
ଵା ଅହ୍ନୋ ଵର୍ଣୋ ଯଚ୍ଛୁକ୍ଲ-ଙ୍କୃଷ୍ଣାଜିନସ୍ଯୈଷ ରାତ୍ରିଯା ଯ-ତ୍କୃଷ୍ଣଂ-ଯଁଦେଵୈନଯୋସ୍ତତ୍ର ନ୍ଯକ୍ତ-ନ୍ତଦେଵାଵ ରୁନ୍ଧେ କୃଷ୍ଣାଜିନେନ ଦୀକ୍ଷଯତି ବ୍ରହ୍ମଣୋ ଵା ଏତ-ଦ୍ରୂପଂ-ଯଁ-ତ୍କୃଷ୍ଣାଜିନ-ମ୍ବ୍ରହ୍ମଣୈଵୈନ-ନ୍ଦୀକ୍ଷଯତୀମା-ନ୍ଧିଯଗ୍ଂ ଶିକ୍ଷମାଣସ୍ଯ ଦେଵେତ୍ଯାହ ଯଥାଯଜୁରେଵୈତ-ଦ୍ଗର୍ଭୋ ଵା ଏଷ ଯ-ଦ୍ଦୀକ୍ଷିତ ଉଲ୍ବଂ-ଵାଁସଃ ପ୍ରୋର୍ଣୁତେ ତସ୍ମା- [ତସ୍ମାତ୍, ଗର୍ଭାଃ ପ୍ରାଵୃତା] 18
-ଦ୍ଗର୍ଭାଃ ପ୍ରାଵୃତା ଜାଯନ୍ତେ ନ ପୁରା ସୋମସ୍ଯ କ୍ରଯାଦପୋର୍ଣ୍ଵୀତ ଯ-ତ୍ପୁରା ସୋମସ୍ଯ କ୍ରଯାଦପୋର୍ଣ୍ଵୀତ ଗର୍ଭାଃ ପ୍ରଜାନା-ମ୍ପରାପାତୁକା-ସ୍ସ୍ଯୁଃ କ୍ରୀତେ ସୋମେ-ଽପୋର୍ଣୁତେ ଜାଯତ ଏଵ ତଦଥୋ ଯଥା ଵସୀଯାଗ୍ଂ ସ-ମ୍ପ୍ରତ୍ଯପୋର୍ଣୁତେ ତାଦୃଗେଵ ତଦଙ୍ଗିରସ-ସ୍ସୁଵର୍ଗଂ-ଲୋଁକଂ-ଯଁନ୍ତ ଊର୍ଜଂ-ଵ୍ଯଁଭଜନ୍ତ ତତୋ ଯଦତ୍ଯଶିଷ୍ଯତ ତେ ଶରା ଅଭଵନ୍ନୂର୍ଗ୍ଵୈ ଶରା ଯଚ୍ଛରମଯୀ [ଯଚ୍ଛରମଯୀ, ମେଖଲା] 19
ମେଖଲା ଭଵତ୍ଯୂର୍ଜମେଵାଵ ରୁନ୍ଧେ ମଦ୍ଧ୍ଯତ-ସ୍ସନ୍ନହ୍ଯତି ମଦ୍ଧ୍ଯତ ଏଵାସ୍ମା ଊର୍ଜ-ନ୍ଦଧାତି ତସ୍ମାନ୍ମଦ୍ଧ୍ଯତ ଊର୍ଜା ଭୁଞ୍ଜତ ଊର୍ଧ୍ଵଂ-ଵୈଁ ପୁରୁଷସ୍ଯ ନାଭ୍ଯୈ ମେଦ୍ଧ୍ଯ-ମଵାଚୀନ-ମମେଦ୍ଧ୍ଯଂ-ଯଁନ୍ମଦ୍ଧ୍ଯତ-ସ୍ସନଂହ୍ଯତି ମେଦ୍ଧ୍ଯ-ଞ୍ଚୈଵାସ୍ଯାମେଦ୍ଧ୍ଯ-ଞ୍ଚ ଵ୍ଯାଵର୍ତଯତୀନ୍ଦ୍ରୋ ଵୃତ୍ରାଯ ଵଜ୍ର-ମ୍ପ୍ରାହର-ଥ୍ସ ତ୍ରେଧା ଵ୍ଯଭଵ-ଥ୍ସ୍ଫ୍ଯସ୍ତୃତୀଯଗ୍ଂ ରଥସ୍ତୃତୀଯଂ-ଯୂଁପସ୍ତୃତୀଯଂ- [-ଯୂପସ୍ତୃତୀଯମ୍, ଯେ-ଽନ୍ତ-ଶ୍ଶରା] 20
-ଁଯେ-ଽନ୍ତ-ଶ୍ଶରା ଅଶୀର୍ଯନ୍ତ ତେ ଶରା ଅଭଵ-ନ୍ତଚ୍ଛରାଣାଗ୍ଂ ଶରତ୍ଵଂ-ଵଁଜ୍ରୋ ଵୈ ଶରାଃ, କ୍ଷୁ-ତ୍ଖଲୁ ଵୈ ମନୁଷ୍ଯସ୍ଯ ଭ୍ରାତୃଵ୍ଯୋ ଯଚ୍ଛରମଯୀ ମେଖଲା ଭଵତି ଵଜ୍ରେଣୈଵ ସାକ୍ଷା-ତ୍କ୍ଷୁଧ-ମ୍ଭ୍ରାତୃଵ୍ଯ-ମ୍ମଦ୍ଧ୍ଯତୋ-ଽପ ହତେ ତ୍ରିଵୃ-ଦ୍ଭଵତି ତ୍ରିଵୃଦ୍ଵୈ ପ୍ରାଣସ୍ତ୍ରିଵୃତମେଵ ପ୍ରାଣ-ମ୍ମଦ୍ଧ୍ଯତୋ ଯଜମାନେ ଦଧାତି ପୃଥ୍ଵୀ ଭଵତି ରଜ୍ଜୂନାଂ-ଵ୍ଯାଁଵୃତ୍ଯୈ ମେଖଲଯା ଯଜମାନ-ନ୍ଦୀକ୍ଷଯତି ଯୋକ୍ତ୍ରେଣ ପତ୍ନୀ-ମ୍ମିଥୁନତ୍ଵାଯ [ ] 21
ଯଜ୍ଞୋ ଦକ୍ଷିଣାମଭ୍ଯଦ୍ଧ୍ଯାଯ-ତ୍ତାଗ୍ଂ ସମଭଵ-ତ୍ତଦିନ୍ଦ୍ରୋ-ଽଚାଯ-ଥ୍ସୋ-ଽମନ୍ଯତ ଯୋ ଵା ଇତୋ ଜନିଷ୍ଯତେ ସ ଇଦ-ମ୍ଭଵିଷ୍ଯତୀତି ତା-ମ୍ପ୍ରାଵିଶ-ତ୍ତସ୍ଯା ଇନ୍ଦ୍ର ଏଵାଜାଯତ ସୋ-ଽମନ୍ଯତ ଯୋ ଵୈ ମଦିତୋ ଽପରୋ ଜନିଷ୍ଯତେ ସ ଇଦ-ମ୍ଭଵିଷ୍ଯତୀତି ତସ୍ଯା ଅନୁମୃଶ୍ଯ ଯୋନିମା-ଽଚ୍ଛିନ-ଥ୍ସା ସୂତଵଶା-ଽଭଵ-ତ୍ତ-ଥ୍ସୂତଵଶାଯୈ ଜନ୍ମ [ଜନ୍ମ, ତାଗ୍ଂ ହସ୍ତେ ନ୍ଯଵେଷ୍ଟଯତ] 22
ତାଗ୍ଂ ହସ୍ତେ ନ୍ଯଵେଷ୍ଟଯତ ତା-ମ୍ମୃଗେଷୁ ନ୍ଯଦଧା-ଥ୍ସା କୃଷ୍ଣଵିଷାଣା- ଽଭଵଦିନ୍ଦ୍ରସ୍ଯ ଯୋନିରସି ମା ମା ହିଗ୍ଂସୀରିତି କୃଷ୍ଣଵିଷାଣା-ମ୍ପ୍ର ଯଚ୍ଛତି ସଯୋନିମେଵ ଯଜ୍ଞ-ଙ୍କରୋତି ସଯୋନି-ନ୍ଦକ୍ଷିଣାଗ୍ଂ ସଯୋନିମିନ୍ଦ୍ରଗ୍ଂ ସଯୋନିତ୍ଵାଯ କୃଷ୍ଯୈ ତ୍ଵା ସୁସସ୍ଯାଯା ଇତ୍ଯାହ ତସ୍ମାଦକୃଷ୍ଟପଚ୍ଯା ଓଷଧଯଃ ପଚ୍ଯନ୍ତେ ସୁପିପ୍ପଲାଭ୍ଯ-ସ୍ତ୍ଵୌଷଧୀଭ୍ଯ ଇତ୍ଯାହ ତସ୍ମାଦୋଷଧଯଃ ଫଲ-ଙ୍ଗୃହ୍ଣନ୍ତି ଯଦ୍ଧସ୍ତେନ [ଯଦ୍ଧସ୍ତେନ, କଣ୍ଡୂଯେତ] 23
କଣ୍ଡୂଯେତ ପାମନ-ମ୍ଭାଵୁକାଃ ପ୍ରଜା-ସ୍ସ୍ଯୁର୍ଯ-ଥ୍ସ୍ମଯେତ ନଗ୍ନ-ମ୍ଭାଵୁକାଃ କୃଷ୍ଣଵିଷାଣଯା କଣ୍ଡୂଯତେ-ଽପିଗୃହ୍ଯ ସ୍ମଯତେ ପ୍ରଜାନା-ଙ୍ଗୋପୀଥାଯ ନ ପୁରା ଦକ୍ଷିଣାଭ୍ଯୋ ନେତୋଃ କୃଷ୍ଣଵିଷାଣାମଵ ଚୃତେଦ୍ଯ-ତ୍ପୁରା ଦକ୍ଷିଣାଭ୍ଯୋ ନେତୋଃ କୃଷ୍ଣଵିଷାଣା-ମଵଚୃତେ-ଦ୍ଯୋନିଃ ପ୍ରଜାନା-ମ୍ପରାପାତୁକା ସ୍ଯାନ୍ନୀତାସୁ ଦକ୍ଷିଣାସୁ ଚାତ୍ଵାଲେ କୃଷ୍ଣଵିଷାଣା-ମ୍ପ୍ରାସ୍ଯତି ଯୋନିର୍ଵୈ ଯଜ୍ଞସ୍ଯ ଚାତ୍ଵାଲଂ-ଯୋଁନିଃ କୃଷ୍ଣଵିଷାଣା ଯୋନାଵେଵ ଯୋନି-ନ୍ଦଧାତି ଯଜ୍ଞସ୍ଯ ସଯୋନିତ୍ଵାଯ ॥ 24 ॥

(ରୁନ୍ଧ ଏଷ - ତସ୍ମା - ଚ୍ଛରମଯୀ - ଯୂପସ୍ତୃତୀଯଂ - ମିଥୁନତ୍ଵାଯ - ଜନ୍ମ - ହସ୍ତେନା - ଽଷ୍ଟାଚତ୍ଵାରିଗ୍ଂଶଚ୍ଚ) (ଅ. 3)
ଵାଗ୍ଵୈ ଦେଵେଭ୍ଯୋ ଽପାକ୍ରାମ-ଦ୍ଯଜ୍ଞାଯାତିଷ୍ଠମାନା ସା ଵନସ୍ପତୀ-ନ୍ପ୍ରାଵିଶ-ଥ୍ସୈଷା ଵାଗ୍ଵନସ୍ପତିଷୁ ଵଦତି ଯା ଦୁନ୍ଦୁଭୌ ଯା ତୂଣଵେ ଯା ଵୀଣାଯାଂ-ଯଁ-ଦ୍ଦୀକ୍ଷିତଦଣ୍ଡ-ମ୍ପ୍ରଯଚ୍ଛତି ଵାଚମେଵାଵ ରୁନ୍ଧ ଔଦୁବଂରୋ ଭଵତ୍ଯୂର୍ଗ୍ଵା ଉଦୁବଂର ଊର୍ଜମେଵାଵ ରୁନ୍ଧେ ମୁଖେନ ସମ୍ମିତୋ ଭଵତି ମୁଖତ ଏଵାସ୍ମା ଊର୍ଜ-ନ୍ଦଧାତି ତସ୍ମା-ନ୍ମୁଖତ ଊର୍ଜା ଭୁଞ୍ଜତେ [ ] 25
କ୍ରୀତେ ସୋମେ ମୈତ୍ରାଵରୁଣାଯ ଦଣ୍ଡ-ମ୍ପ୍ର ଯଚ୍ଛତି ମୈତ୍ରାଵରୁଣୋ ହି ପୁରସ୍ତା-ଦୃତ୍ଵିଗ୍ଭ୍ଯୋ ଵାଚଂ-ଵିଁଭଜତି ତାମୃତ୍ଵିଜୋ ଯଜମାନେ ପ୍ରତି ଷ୍ଠାପଯନ୍ତି ସ୍ଵାହା ଯଜ୍ଞ-ମ୍ମନସେତ୍ଯାହ ମନସା ହି ପୁରୁଷୋ ଯଜ୍ଞମଭିଗଚ୍ଛତି ସ୍ଵାହା ଦ୍ଯାଵାପୃଥିଵୀଭ୍ଯା -ମିତ୍ଯାହ ଦ୍ଯାଵାପୃଥିଵ୍ଯୋର୍ହି ଯଜ୍ଞ-ସ୍ସ୍ଵାହୋରୋର-ନ୍ତରିକ୍ଷା -ଦିତ୍ଯାହାନ୍ତରିକ୍ଷେ ହି ଯଜ୍ଞ-ସ୍ସ୍ଵାହା ଯଜ୍ଞଂ-ଵାଁତାଦା ରଭ ଇତ୍ଯାହା-ଽଯଂ- [ଇତ୍ଯାହା-ଽଯମ୍, ଵାଵ ଯଃ ପଵତେ] 26
-ଁଵାଵ ଯଃ ପଵତେ ସ ଯଜ୍ଞସ୍ତମେଵ ସାକ୍ଷାଦା ରଭତେ ମୁଷ୍ଟୀ କରୋତି ଵାଚଂ-ଯଁଚ୍ଛତି ଯଜ୍ଞସ୍ଯ ଧୃତ୍ଯା ଅଦୀକ୍ଷିଷ୍ଟାଯ-ମ୍ବ୍ରାହ୍ମଣ ଇତି ତ୍ରିରୁପାଗ୍ଶ୍ଵାହ ଦେଵେଭ୍ଯ ଏଵୈନ-ମ୍ପ୍ରା-ଽଽହ ତ୍ରିରୁଚ୍ଚୈରୁଭଯେଭ୍ଯ ଏଵୈନ-ନ୍ଦେଵମନୁଷ୍ଯେଭ୍ଯଃ ପ୍ରା-ଽଽହ ନ ପୁରା ନକ୍ଷତ୍ରେଭ୍ଯୋ ଵାଚଂ-ଵିଁ ସୃଜେ-ଦ୍ଯତ୍ପୁରା ନକ୍ଷତ୍ରେଭ୍ଯୋ ଵାଚଂ-ଵିଁସୃଜେ-ଦ୍ଯଜ୍ଞଂ-ଵିଁଚ୍ଛିନ୍ଦ୍ଯା- [-ଁଵିଚ୍ଛିନ୍ଦ୍ଯାତ୍, ଉଦିତେଷୁ] 27
-ଦୁଦିତେଷୁ ନକ୍ଷତ୍ରେଷୁ ଵ୍ରତ-ଙ୍କୃଣୁତେତି ଵାଚଂ-ଵିଁ ସୃଜତି ଯଜ୍ଞଵ୍ରତୋ ଵୈ ଦୀକ୍ଷିତୋ ଯଜ୍ଞମେଵାଭି ଵାଚଂ-ଵିଁ ସୃଜତି ଯଦି ଵିସୃଜେ-ଦ୍ଵୈଷ୍ଣଵୀମୃଚମନୁ ବ୍ରୂଯା-ଦ୍ଯଜ୍ଞୋ ଵୈ ଵିଷ୍ଣୁର୍ଯଜ୍ଞେନୈଵ ଯଜ୍ଞଗ୍ଂ ସ-ନ୍ତନୋତି ଦୈଵୀ-ନ୍ଧିଯ-ମ୍ମନାମହ ଇତ୍ଯାହ ଯଜ୍ଞମେଵ ତନ୍ମ୍ରଦଯତି ସୁପାରା ନୋ ଅସଦ୍ଵଶ ଇତ୍ଯାହ ଵ୍ଯୁଷ୍ଟିମେଵାଵ ରୁନ୍ଧେ [ରୁନ୍ଧେ, ବ୍ରହ୍ମଵାଦିନୋ ଵଦନ୍ତି] 28
ବ୍ରହ୍ମଵାଦିନୋ ଵଦନ୍ତି ହୋତଵ୍ଯ-ନ୍ଦୀକ୍ଷିତସ୍ଯ ଗୃହା(3) ଇ ନ ହୋତଵ୍ଯା(3)ମିତି ହଵିର୍ଵୈ ଦୀକ୍ଷିତୋ ଯଜ୍ଜୁହୁଯା-ଦ୍ଯଜମାନସ୍ଯାଵଦାଯ ଜୁହୁଯା-ଦ୍ଯନ୍ନ ଜୁହୁଯା-ଦ୍ଯଜ୍ଞପରୁରନ୍ତରିଯାଦ୍ଯେ ଦେଵା ମନୋଜାତା ମନୋଯୁଜ ଇତ୍ଯାହ ପ୍ରାଣା ଵୈ ଦେଵା ମନୋଜାତା ମନୋଯୁଜସ୍ତେଷ୍ଵେଵ ପରୋକ୍ଷ-ଞ୍ଜୁହୋତି ତନ୍ନେଵ ହୁତ-ନ୍ନେଵାହୁତଗ୍ଗ୍ ସ୍ଵପନ୍ତଂ-ଵୈଁ ଦୀକ୍ଷିତଗ୍ଂ ରକ୍ଷାଗ୍ଂସି ଜିଘାଗ୍ଂସନ୍ତ୍ଯଗ୍ନିଃ - [ଜିଘାଗ୍ଂସନ୍ତ୍ଯଗ୍ନିଃ, ଖଲୁ ଵୈ] 29
ଖଲୁ ଵୈ ରକ୍ଷୋହା-ଽଗ୍ନେ ତ୍ଵଗ୍ଂ ସୁ ଜାଗୃହି ଵଯଗ୍ଂ ସୁ ମନ୍ଦିଷୀମହୀତ୍ଯାହାଗ୍ନି-ମେଵାଧିପା-ଙ୍କୃତ୍ଵା ସ୍ଵପିତି ରକ୍ଷସାମପହତ୍ଯା ଅଵ୍ରତ୍ଯମିଵ ଵା ଏଷ କରୋତି ଯୋ ଦୀକ୍ଷିତ-ସ୍ସ୍ଵପିତି ତ୍ଵମଗ୍ନେ ଵ୍ରତପା ଅସୀତ୍ଯାହାଗ୍ନିର୍ଵୈ ଦେଵାନାଂ-ଵ୍ରଁତପତି-ସ୍ସ ଏଵୈନଂ-ଵ୍ରଁତମା ଲଭଂଯଁତି ଦେଵ ଆ ମର୍ତ୍ଯେଷ୍ଵେତ୍ଯାହ ଦେଵୋ [ଦେଵଃ, ହ୍ଯେଷ ସ-ନ୍ମର୍ତ୍ଯେଷୁ] 30
ହ୍ଯେଷ ସ-ନ୍ମର୍ତ୍ଯେଷୁ ତ୍ଵଂ-ଯଁଜ୍ଞେଷ୍ଵୀଡ୍ଯ ଇତ୍ଯାହୈତଗ୍ଂ ହି ଯଜ୍ଞେଷ୍ଵୀଡତେ-ଽପ ଵୈ ଦୀକ୍ଷିତା-ଥ୍ସୁଷୁପୁଷ ଇନ୍ଦ୍ରିଯ-ନ୍ଦେଵତାଃ କ୍ରାମନ୍ତି ଵିଶ୍ଵେ ଦେଵା ଅଭି ମାମା-ଽଵଵୃତ୍ର-ନ୍ନିତ୍ଯା-ହେନ୍ଦ୍ରିଯେଣୈଵୈନ-ନ୍ଦେଵତାଭି-ସ୍ସ-ନ୍ନଯତି ଯଦେତ-ଦ୍ଯଜୁର୍ନ ବ୍ରୂଯା-ଦ୍ଯାଵତ ଏଵ ପଶୂନଭି ଦୀକ୍ଷେତ ତାଵନ୍ତୋ-ଽସ୍ଯ ପଶଵଃ ସ୍ଯୂ ରାସ୍ଵେଯ- [ପଶଵଃ ସ୍ଯୂ ରାସ୍ଵେଯତ୍, ସୋମା-ଽଽ ଭୂଯୋ] 31
-ଥ୍ସୋମା-ଽଽ ଭୂଯୋ ଭରେତ୍ଯାହା-ପରିମିତାନେଵ ପଶୂନଵ ରୁନ୍ଧେ ଚନ୍ଦ୍ରମସି ମମ ଭୋଗାଯ ଭଵେତ୍ଯାହ ଯଥାଦେଵତମେଵୈନାଃ ପ୍ରତି ଗୃହ୍ଣାତି ଵାଯଵେ ତ୍ଵା ଵରୁଣାଯ ତ୍ଵେତି ଯଦେଵମେତା ନାନୁଦିଶେଦଯଥାଦେଵତ-ନ୍ଦକ୍ଷିଣା ଗମଯେଦା ଦେଵତାଭ୍ଯୋ ଵୃଶ୍ଚ୍ଯେତ ଯଦେଵମେତା ଅନୁଦିଶତି ଯଥାଦେଵତମେଵ ଦକ୍ଷିଣା ଗମଯତି ନ ଦେଵତାଭ୍ଯ ଆ [ନ ଦେଵତାଭ୍ଯ ଆ, ଵୃଶ୍ଚ୍ଯତେ ଦେଵୀରାପୋ] 32
ଵୃଶ୍ଚ୍ଯତେ ଦେଵୀରାପୋ ଅପା-ନ୍ନପାଦିତ୍ଯାହ ଯଦ୍ଵୋ ମେଦ୍ଧ୍ଯଂ-ଯଁଜ୍ଞିଯଗ୍ଂ ସଦେଵ-ନ୍ତଦ୍ଵୋ ମା-ଽଵ କ୍ରମିଷମିତି ଵାଵୈତଦାହାଚ୍ଛିନ୍ନ-ନ୍ତନ୍ତୁ-ମ୍ପୃଥିଵ୍ଯା ଅନୁ ଗେଷମିତ୍ଯାହ ସେତୁମେଵ କୃତ୍ଵା-ଽତ୍ଯେତି ॥ 33 ॥

(ଭୁଞ୍ଜତେ - ଽଯଂ - ଛିନ୍ଦ୍ଯା-ଦ୍- ରୁନ୍ଧେ - ଽଗ୍ନି - ରାହ ଦେଵ - ଇଯ-ଦ୍- ଦେଵତାଭ୍ଯ ଆ - ତ୍ରଯସ୍ତ୍ରିଗ୍ଂଶଚ୍ଚ) (ଅ. 4)
ଦେଵା ଵୈ ଦେଵଯଜନ-ମଦ୍ଧ୍ଯଵସାଯ ଦିଶୋ ନ ପ୍ରାଜାନ-ନ୍ତେ(1)-ଽନ୍ଯୋ-ଽନ୍ଯମୁପାଧାଵ-ନ୍ତ୍ଵଯା ପ୍ର ଜାନାମ ତ୍ଵଯେତି ତେ-ଽଦିତ୍ଯାଗ୍ଂ ସମଦ୍ଧ୍ରଯନ୍ତ ତ୍ଵଯା ପ୍ର ଜାନାମେତି ସା-ଽବ୍ରଵୀ-ଦ୍ଵରଂ-ଵୃଁଣୈ ମତ୍ପ୍ରାଯଣା ଏଵ ଵୋ ଯଜ୍ଞା ମଦୁଦଯନା ଅସନ୍ନିତି ତସ୍ମାଦାଦିତ୍ଯଃ ପ୍ରାଯଣୀଯୋ ଯଜ୍ଞାନାମାଦିତ୍ଯ ଉଦଯନୀଯଃ ପଞ୍ଚ ଦେଵତା ଯଜତି ପଞ୍ଚ ଦିଶୋ ଦିଶା-ମ୍ପ୍ରଜ୍ଞାତ୍ଯା [ଦିଶା-ମ୍ପ୍ରଜ୍ଞାତ୍ଯୈ, ଅଥୋ ପଞ୍ଚାକ୍ଷରା] 34
ଅଥୋ ପଞ୍ଚାକ୍ଷରା ପଙ୍କ୍ତିଃ ପାଙ୍କ୍ତୋ ଯଜ୍ଞୋ ଯଜ୍ଞମେଵାଵ ରୁନ୍ଧେ ପଥ୍ଯାଗ୍ ସ୍ଵସ୍ତିମଯଜ-ନ୍ପ୍ରାଚୀମେଵ ତଯା ଦିଶ-ମ୍ପ୍ରାଜାନନ୍ନଗ୍ନିନା ଦକ୍ଷିଣା ସୋମେନ ପ୍ରତୀଚୀଗ୍ଂ ସଵିତ୍ରୋଦୀଚୀ-ମଦିତ୍ଯୋର୍ଧ୍ଵା-ମ୍ପଥ୍ଯାଗ୍ ସ୍ଵସ୍ତିଂ ଁଯଜତି ପ୍ରାଚୀମେଵ ତଯା ଦିଶ-ମ୍ପ୍ର ଜାନାତି ପଥ୍ଯାଗ୍ ସ୍ଵସ୍ତିମିଷ୍ଟ୍ଵା-ଽଗ୍ନୀଷୋମୌ ଯଜତି ଚକ୍ଷୁଷୀ ଵା ଏତେ ଯଜ୍ଞସ୍ଯ ଯଦଗ୍ନୀଷୋମୌ ତାଭ୍ଯାମେଵାନୁ ପଶ୍ଯ- [ପଶ୍ଯତି, ଅଗ୍ନୀଷୋମା-ଵିଷ୍ଟ୍ଵା] 35
-ତ୍ଯଗ୍ନୀଷୋମା-ଵିଷ୍ଟ୍ଵା ସଵିତାରଂ-ଯଁଜତି ସଵିତୃପ୍ରସୂତ ଏଵାନୁ ପଶ୍ଯତି ସଵିତାରମିଷ୍ଟ୍ଵା-ଽଦିତିଂ-ଯଁଜତୀଯଂ-ଵାଁ ଅଦିତିରସ୍ଯାମେଵ ପ୍ରତିଷ୍ଠାଯାନୁ ପଶ୍ଯତ୍ଯଦିତିମିଷ୍ଟ୍ଵା ମାରୁତୀମୃଚମନ୍ଵାହ ମରୁତୋ ଵୈ ଦେଵାନାଂ-ଵିଁଶୋ ଦେଵଵିଶ-ଙ୍ଖଲୁ ଵୈ କଲ୍ପମାନ-ମ୍ମନୁଷ୍ଯଵିଶମନୁ କଲ୍ପତେ ଯ-ନ୍ମାରୁତୀମୃଚମନ୍ଵାହ ଵିଶା-ଙ୍କୢପ୍ତ୍ଯୈ ବ୍ରହ୍ମଵାଦିନୋ ଵଦନ୍ତି ପ୍ରଯାଜଵଦନନୂଯାଜ-ମ୍ପ୍ରାଯଣୀଯ-ଙ୍କାର୍ଯ-ମନୂଯାଜଵ- [-ମନୂଯାଜଵତ୍, ଅପ୍ରଯାଜ-ମୁଦଯନୀଯ] 36
-ଦପ୍ରଯାଜ-ମୁଦଯନୀଯ-ମିତୀମେ ଵୈ ପ୍ରଯାଜା ଅମୀ ଅନୂଯାଜା-ସ୍ସୈଵ ସା ଯଜ୍ଞସ୍ଯ ସନ୍ତତିସ୍ତ-ତ୍ତଥା ନ କାର୍ଯମାତ୍ମା ଵୈ ପ୍ରଯାଜାଃ ପ୍ରଜା-ଽନୂଯାଜା ଯ-ତ୍ପ୍ରଯାଜା-ନନ୍ତରିଯାଦାତ୍ମାନମ-ନ୍ତରିଯା-ଦ୍ଯଦନୂଯାଜା-ନନ୍ତରିଯା-ତ୍ପ୍ରଜାମନ୍ତରିଯାଦ୍ଯତଃ ଖଲୁ ଵୈ ଯଜ୍ଞସ୍ଯ ଵିତତସ୍ଯ ନ କ୍ରିଯତେ ତଦନୁ ଯଜ୍ଞଃ ପରା ଭଵତି ଯଜ୍ଞ-ମ୍ପରାଭଵନ୍ତଂ-ଯଁଜମାନୋ-ଽନୁ [-ଁଯଜମାନୋ-ଽନୁ, ପରା ଭଵତି] 37
ପରା ଭଵତି ପ୍ରଯାଜଵଦେଵା-ନୂଯାଜଵ-ତ୍ପ୍ରାଯଣୀଯ-ଙ୍କାର୍ଯ-ମ୍ପ୍ରଯାଜଵଦନୂଯାଜଵ-ଦୁଦଯନୀଯ-ନ୍ନା-ଽଽତ୍ମାନମନ୍ତରେତି ନ ପ୍ରଜା-ନ୍ନ ଯଜ୍ଞଃ ପରାଭଵତି ନ ଯଜମାନଃ ପ୍ରାଯଣୀଯସ୍ଯ ନିଷ୍କାସ ଉଦଯନୀଯମଭି ନିର୍ଵପତି ସୈଵ ସା ଯଜ୍ଞସ୍ଯ ସନ୍ତତିର୍ଯାଃ ପ୍ରାଯଣୀଯସ୍ଯ ଯାଜ୍ଯା ଯ-ତ୍ତା ଉଦଯନୀଯସ୍ଯ ଯାଜ୍ଯାଃ କୁର୍ଯା-ତ୍ପରାଂଅମୁଂ-ଲୋଁକମା ରୋହେ-ତ୍ପ୍ରମାଯୁକ-ସ୍ସ୍ଯାଦ୍ଯାଃ ପ୍ରାଯଣୀଯସ୍ଯ ପୁରୋ-ଽନୁଵାକ୍ଯାସ୍ତା ଉଦଯନୀଯସ୍ଯ ଯାଜ୍ଯାଃ କରୋତ୍ଯସ୍ମିନ୍ନେଵ ଲୋକେ ପ୍ରତି ତିଷ୍ଠତି ॥ 38 ॥

(ପ୍ରଜ୍ଞାତ୍ଯୈ - ପଶ୍ଯତ୍ଯ - ନୂଯାଜଵ - ଦ୍ଯଜମାନୋ-ଽନୁ - ପୁରୋନୁଵାକ୍ଯାସ୍ତା - ଅଷ୍ଟୌ ଚ) (ଅ. 5)
କଦ୍ରୂଶ୍ଚ ଵୈ ସୁପର୍ଣୀ ଚା-ଽଽତ୍ମରୂପଯୋରସ୍ପର୍ଧେତାଗ୍ଂ ସା କଦ୍ରୂ-ସ୍ସୁପର୍ଣୀମଜଯ-ଥ୍ସା-ଽବ୍ରଵୀ-ତ୍ତୃତୀଯସ୍ଯାମିତୋ ଦିଵି ସୋମସ୍ତମା ହର ତେନା-ଽଽତ୍ମାନ-ନ୍ନିଷ୍କ୍ରୀଣୀଷ୍ଵେତୀଯଂ-ଵୈଁ କଦ୍ରୂରସୌ ସୁପର୍ଣୀ ଛନ୍ଦାଗ୍ଂସି ସୌପର୍ଣେଯା-ସ୍ସାବ୍ରଵୀଦସ୍ମୈ ଵୈ ପିତରୌ ପୁତ୍ରା-ନ୍ବିଭୃତ-ସ୍ତୃତୀଯସ୍ଯାମିତୋ ଦିଵି ସୋମସ୍ତମା ହର ତେନା-ଽଽତ୍ମାନ-ନ୍ନିଷ୍କ୍ରୀଣୀଷ୍ଵେ- [ନିଷ୍କ୍ରୀଣୀଷ୍ଵ, ଇତି ମା] 39
-ତି ମା କଦ୍ରୂରଵୋଚଦିତି ଜଗତ୍ଯୁଦପତ-ଚ୍ଚତୁର୍ଦଶାକ୍ଷରା ସତୀ ସା ଽପ୍ରାପ୍ଯ ନ୍ଯଵର୍ତତ ତସ୍ଯୈ ଦ୍ଵେ ଅକ୍ଷରେ ଅମୀଯେତାଗ୍ଂ ସା ପଶୁଭିଶ୍ଚ ଦୀକ୍ଷଯା ଚା-ଽଗଚ୍ଛ-ତ୍ତସ୍ମାଜ୍ଜଗତୀ ଛନ୍ଦସା-ମ୍ପଶଵ୍ଯତମା ତସ୍ମା-ତ୍ପଶୁମନ୍ତ-ନ୍ଦୀକ୍ଷୋପ ନମତି ତ୍ରିଷ୍ଟୁଗୁଦପତ-ତ୍ତ୍ରଯୋଦଶାକ୍ଷରା ସତୀ ସା ଽପ୍ରାପ୍ଯ ନ୍ଯଵର୍ତତ ତସ୍ଯୈ ଦ୍ଵେ ଅକ୍ଷରେ ଅମୀଯେତାଗ୍ଂ ସା ଦକ୍ଷିଣାଭିଶ୍ଚ [ଦକ୍ଷିଣାଭିଶ୍ଚ, ତପସା] 40
ତପସା ଚା-ଽଗଚ୍ଛ-ତ୍ତସ୍ମା-ତ୍ତ୍ରିଷ୍ଟୁଭୋ ଲୋକେ ମାଦ୍ଧ୍ଯନ୍ଦିନେ ସଵନେ ଦକ୍ଷିଣା ନୀଯନ୍ତ ଏତ-ତ୍ଖଲୁ ଵାଵ ତପ ଇତ୍ଯାହୁର୍ଯ-ସ୍ସ୍ଵ-ନ୍ଦଦାତୀତି ଗାଯତ୍ର୍ଯୁଦପତଚ୍ଚତୁରକ୍ଷରା ସତ୍ଯଜଯା ଜ୍ଯୋତିଷା ତମସ୍ଯା ଅଜା-ଽଭ୍ଯରୁନ୍ଧ ତଦଜାଯା ଅଜତ୍ଵଗ୍ଂ ସା ସୋମ-ଞ୍ଚା-ଽଽହରଚ୍ଚତ୍ଵାରି ଚାକ୍ଷରାଣି ସା-ଽଷ୍ଟାକ୍ଷରା ସମପଦ୍ଯତ ବ୍ରହ୍ମଵାଦିନୋ ଵଦନ୍ତି [ବ୍ରହ୍ମଵାଦିନୋ ଵଦନ୍ତି, କସ୍ମା-ଥ୍ସତ୍ଯା-] 41
କସ୍ମା-ଥ୍ସତ୍ଯା-ଦ୍ଗାଯତ୍ରୀ କନିଷ୍ଠା ଛନ୍ଦସାଗ୍ଂ ସତୀ ଯଜ୍ଞମୁଖ-ମ୍ପରୀଯାଯେତି ଯଦେଵାଦ-ସ୍ସୋମମା-ଽହର-ତ୍ତସ୍ମା-ଦ୍ଯଜ୍ଞମୁଖ-ମ୍ପର୍ଯୈ-ତ୍ତସ୍ମା-ତ୍ତେଜସ୍ଵିନୀତମା ପଦ୍ଭ୍ଯା-ନ୍ଦ୍ଵେ ସଵନେ ସମଗୃହ୍ଣା-ନ୍ମୁଖେନୈକଂ-ଯଁନ୍ମୁଖେନ ସମଗୃହ୍ଣା-ତ୍ତଦଧଯ-ତ୍ତସ୍ମା-ଦ୍ଦ୍ଵେ ସଵନେ ଶୁକ୍ରଵତୀ ପ୍ରାତସ୍ସଵନ-ଞ୍ଚ ମାଦ୍ଧ୍ଯନ୍ଦିନ-ଞ୍ଚ ତସ୍ମା-ତ୍ତୃତୀଯ ସଵନ ଋଜୀଷମଭି ଷୁଣ୍ଵନ୍ତି ଧୀତମିଵ ହି ମନ୍ଯନ୍ତ [ହି ମନ୍ଯନ୍ତେ, ଆଶିରମଵ ନଯତି] 42
ଆଶିରମଵ ନଯତି ସଶୁକ୍ରତ୍ଵାଯାଥୋ ସ-ମ୍ଭରତ୍ଯେଵୈନ-ତ୍ତଗ୍ଂ ସୋମ-ମାହ୍ରିଯମାଣ-ଙ୍ଗନ୍ଧର୍ଵୋ ଵିଶ୍ଵାଵସଃ ପର୍ଯମୁଷ୍ଣା-ଥ୍ସ ତିସ୍ରୋ ରାତ୍ରୀଃ ପରିମୁଷିତୋ-ଽଵସ-ତ୍ତସ୍ମା-ତ୍ତିସ୍ରୋ ରାତ୍ରୀଃ କ୍ରୀତ-ସ୍ସୋମୋ ଵସତି ତେ ଦେଵା ଅବ୍ରୁଵନ୍-ଥ୍ସ୍ତ୍ରୀକାମା ଵୈ ଗନ୍ଧର୍ଵା ସ୍ସ୍ତ୍ରିଯା ନିଷ୍କ୍ରୀଣାମେତି ତେ ଵାଚଗ୍ଗ୍ ସ୍ତ୍ରିଯମେକହାଯନୀ-ଙ୍କୃତ୍ଵା ତଯା ନିରକ୍ରୀଣନ୍-ଥ୍ସା ରୋହି-ଦ୍ରୂପ-ଙ୍କୃତ୍ଵା ଗନ୍ଧର୍ଵେଭ୍ଯୋ- [ଗନ୍ଧର୍ଵେଭ୍ଯଃ, ଅପକ୍ରମ୍ଯାତିଷ୍ଠ-ତ୍ତ-ଦ୍ରୋହିତୋ] 43
-ଽପକ୍ରମ୍ଯାତିଷ୍ଠ-ତ୍ତ-ଦ୍ରୋହିତୋ ଜନ୍ମ ତେ ଦେଵା ଅବ୍ରୁଵନ୍ନପ ଯୁଷ୍ମଦକ୍ରମୀ-ନ୍ନାସ୍ମାନୁ-ପାଵର୍ତତେ ଵି ହ୍ଵଯାମହା ଇତି ବ୍ରହ୍ମ ଗନ୍ଧର୍ଵା ଅଵଦନ୍ନଗାଯ-ନ୍ଦେଵା-ସ୍ସା ଦେଵା-ନ୍ଗାଯତ ଉପାଵର୍ତତ ତସ୍ମା-ଦ୍ଗାଯନ୍ତଗ୍ଗ୍ ସ୍ତ୍ରିଯଃ କାମଯନ୍ତେ କାମୁକା ଏନଗ୍ଗ୍ ସ୍ତ୍ରିଯୋ ଭଵନ୍ତି ଯ ଏଵଂ-ଵେଁଦାଥୋ ଯ ଏଵଂ-ଵିଁଦ୍ଵାନପି ଜନ୍ଯେଷୁ ଭଵତି ତେଭ୍ଯ ଏଵ ଦଦତ୍ଯୁତ ଯ-ଦ୍ବହୁତଯା [ଯ-ଦ୍ବହୁତଯାଃ, ଭଵନ୍ତ୍ଯେକହାଯନ୍ଯା] 44
ଭଵନ୍ତ୍ଯେକହାଯନ୍ଯା କ୍ରୀଣାତି ଵାଚୈଵୈନଗ୍ଂ ସର୍ଵଯା କ୍ରୀଣାତି ତସ୍ମାଦେକହାଯନା ମନୁଷ୍ଯା ଵାଚଂ-ଵଁଦନ୍ତ୍ଯକୂଟଯା ଽକର୍ଣଯା-ଽ କାଣଯାଶ୍ଲୋଣଯା ଽସପ୍ତଶଫଯା କ୍ରୀଣାତି ସର୍ଵଯୈଵୈନ-ଙ୍କ୍ରୀଣାତି ଯଚ୍ଛ୍ଵେତଯା କ୍ରୀଣୀଯା-ଦ୍ଦୁଶ୍ଚର୍ମା ଯଜମାନ-ସ୍ସ୍ଯାଦ୍ଯ-ତ୍କୃଷ୍ଣଯା-ଽନୁସ୍ତରଣୀ ସ୍ଯା-ତ୍ପ୍ରମାଯୁକୋ ଯଜମାନ-ସ୍ସ୍ଯାଦ୍ଯ-ଦ୍ଦ୍ଵିରୂପଯା ଵାର୍ତ୍ରଘ୍ନୀ ସ୍ଯା-ଥ୍ସ ଵା-ଽନ୍ଯ-ଞ୍ଜିନୀଯା-ତ୍ତଂ-ଵାଁ-ଽନ୍ଯୋ ଜିନୀଯାଦରୁଣଯା ପିଙ୍ଗାକ୍ଷ୍ଯା କ୍ରୀଣାତ୍ଯେତଦ୍ଵୈ ସୋମସ୍ଯ ରୂପଗ୍ଗ୍ ସ୍ଵଯୈଵୈନ-ନ୍ଦେଵତଯା କ୍ରୀଣାତି ॥ 45 ॥

(ନିଷ୍କ୍ରୀଣୀଷ୍ଵ - ଦକ୍ଷିଣାଭିଶ୍ଚ - ଵଦନ୍ତି - ମନ୍ଯନ୍ତେ-ଗନ୍ଧର୍ଵେଭ୍ଯୋ-ବହୁତଯାଃ-ପିଙ୍ଗାକ୍ଷ୍ଯା-ଦଶ ଚ ) (ଅ. 6)
ତଦ୍ଧିରଣ୍ଯମଭଵ-ତ୍ତସ୍ମାଦଦ୍ଭ୍ଯୋ ହିରଣ୍ଯ-ମ୍ପୁନନ୍ତି ବ୍ରହ୍ମଵାଦିନୋ ଵଦନ୍ତି କସ୍ମା-ଥ୍ସତ୍ଯାଦନସ୍ଥିକେନ ପ୍ରଜାଃ ପ୍ରଵୀଯନ୍ତେ ଽସ୍ଥନ୍ଵତୀର୍ଜାଯନ୍ତ ଇତି ଯଦ୍ଧିରଣ୍ଯ-ଙ୍ଘୃତେ-ଽଵଧାଯ ଜୁହୋତି ତସ୍ମାଦନସ୍ଥିକେନ ପ୍ରଜାଃ ପ୍ର ଵୀଯନ୍ତେ ଽସ୍ଥନ୍ଵତୀର୍ଜାଯନ୍ତ ଏତଦ୍ଵା ଅଗ୍ନେଃ ପ୍ରିଯ-ନ୍ଧାମ ଯ-ଦ୍ଘୃତ-ନ୍ତେଜୋ ହିରଣ୍ଯମିଯନ୍ତେ ଶୁକ୍ର ତନୂରିଦଂ-ଵଁର୍ଚ ଇତ୍ଯାହ ସତେଜସମେଵୈନଗ୍ଂ ସତନୁ- [ସତନୁମ୍, କରୋତ୍ଯଥୋ] 46
-ଙ୍କରୋତ୍ଯଥୋ ସ-ମ୍ଭରତ୍ଯେଵୈନଂ-ଯଁଦବଦ୍ଧମ-ଵଦଦ୍ଧ୍ଯା-ଦ୍ଗର୍ଭାଃ ପ୍ରଜାନା-ମ୍ପରାପାତୁକା-ସ୍ସ୍ଯୁର୍ବଦ୍ଧମଵ ଦଧାତି ଗର୍ଭାଣା-ନ୍ଧୃତ୍ଯୈ ନିଷ୍ଟର୍କ୍ଯ-ମ୍ବଦ୍ଧ୍ନାତି ପ୍ରଜାନା-ମ୍ପ୍ରଜନନାଯ ଵାଗ୍ଵା ଏଷା ଯ-ଥ୍ସୋମକ୍ରଯଣୀ ଜୂରସୀତ୍ଯାହ ଯଦ୍ଧି ମନସା ଜଵତେ ତ-ଦ୍ଵାଚା ଵଦତି ଧୃତା ମନସେତ୍ଯାହ ମନସା ହି ଵାଗ୍ଧୃତା ଜୁଷ୍ଟା ଵିଷ୍ଣଵ ଇତ୍ଯାହ [ ] 47
ଯଜ୍ଞୋ ଵୈ ଵିଷ୍ଣୁ ର୍ଯଜ୍ଞାଯୈଵୈନା-ଞ୍ଜୁଷ୍ଟା-ଙ୍କରୋତି ତସ୍ଯାସ୍ତେ ସତ୍ଯସଵସଃ ପ୍ରସଵ ଇତ୍ଯାହ ସଵିତୃ-ପ୍ରସୂତାମେଵ ଵାଚମଵ ରୁନ୍ଧେ କାଣ୍ଡେକାଣ୍ଡେ ଵୈ କ୍ରିଯମାଣେ ଯଜ୍ଞଗ୍ଂ ରକ୍ଷାଗ୍ଂସି ଜିଘାଗ୍ଂସନ୍ତ୍ଯେଷ ଖଲୁ ଵା ଅରକ୍ଷୋହତଃ ପନ୍ଥା ଯୋ-ଽଗ୍ନେଶ୍ଚ ସୂର୍ଯସ୍ଯ ଚ ସୂର୍ଯସ୍ଯ ଚକ୍ଷୁରା-ଽରୁହମଗ୍ନେରକ୍ଷ୍ଣଃ କନୀନିକାମିତ୍ଯାହ ଯ ଏଵାରକ୍ଷୋହତଃ ପନ୍ଥାସ୍ତଗ୍ଂ ସମାରୋହତି [ସମାରୋହତି, ଵାଗ୍ଵା ଏଷା] 48
ଵାଗ୍ଵା ଏଷା ଯ-ଥ୍ସୋମକ୍ରଯଣୀ ଚିଦସି ମନା-ଽସୀତ୍ଯାହ ଶାସ୍ତ୍ଯେଵୈନାମେତ-ତ୍ତସ୍ମାଚ୍ଛିଷ୍ଟାଃ ପ୍ରଜା ଜାଯନ୍ତେ ଚିଦସୀତ୍ଯାହ ଯଦ୍ଧି ମନସା ଚେତଯତେ ତ-ଦ୍ଵାଚା ଵଦତି ମନା-ଽସୀତ୍ଯାହ ଯଦ୍ଧି ମନସା-ଽଭିଗଚ୍ଛତି ତ-ତ୍କରୋତି ଧୀରସୀତ୍ଯାହ ଯଦ୍ଧି ମନସା ଧ୍ଯାଯତି ତ-ଦ୍ଵାଚା [ ] 49
ଵଦତି ଦକ୍ଷିଣା-ଽସୀତ୍ଯାହ ଦକ୍ଷିଣା ହ୍ଯେଷା ଯଜ୍ଞିଯା-ଽସୀତ୍ଯାହ ଯଜ୍ଞିଯାମେଵୈନା-ଙ୍କରୋତି କ୍ଷତ୍ରିଯାସୀତ୍ଯାହ କ୍ଷତ୍ରିଯା ହ୍ଯେଷା ଽଦିତିରସ୍ଯୁଭଯତଶ୍ଶୀର୍ଷ୍ଣୀତ୍ଯାହ ଯଦେଵା-ଽଽଦିତ୍ଯଃ ପ୍ରାଯଣୀଯୋ ଯଜ୍ଞାନାମାଦିତ୍ଯ ଉଦଯନୀଯ-ସ୍ତସ୍ମାଦେଵମାହ ଯଦବଦ୍ଧା ସ୍ଯାଦଯତା ସ୍ଯାଦ୍ଯ-ତ୍ପଦିବଦ୍ଧା-ଽନୁସ୍ତରଣୀ ସ୍ଯା-ତ୍ପ୍ରମାଯୁକୋ ଯଜମାନ-ସ୍ସ୍ଯା- [ଯଜମାନ-ସ୍ସ୍ଯାତ୍, ଯ-ତ୍କର୍ଣଗୃହୀତା] 50
-ଦ୍ଯ-ତ୍କର୍ଣଗୃହୀତା ଵାର୍ତ୍ରଘ୍ନୀ ସ୍ଯା-ଥ୍ସ ଵା-ଽନ୍ଯ-ଞ୍ଜିନୀଯା-ତ୍ତଂ-ଵାଁ-ଽନ୍ଯୋ ଜିନୀଯାନ୍ମିତ୍ରସ୍ତ୍ଵା ପଦି ବଦ୍ଧ୍ନାତ୍ଵିତ୍ଯାହ ମିତ୍ରୋ ଵୈ ଶିଵୋ ଦେଵାନା-ନ୍ତେନୈଵୈନା-ମ୍ପଦି ବଦ୍ଧ୍ନାତି ପୂଷା-ଽଦ୍ଧ୍ଵନଃ ପାତ୍ଵିତ୍ଯାହେଯଂ-ଵୈଁ ପୂଷେମାମେଵାସ୍ଯା ଅଧିପାମକ-ସ୍ସମଷ୍ଟ୍ଯା ଇନ୍ଦ୍ରାଯା-ଦ୍ଧ୍ଯକ୍ଷାଯେତ୍ଯାହେନ୍ଦ୍ରମେଵାସ୍ଯା ଅଦ୍ଧ୍ଯକ୍ଷ-ଙ୍କରୋ- [ଅଦ୍ଧ୍ଯକ୍ଷ-ଙ୍କରୋତି, ଅନୁ ତ୍ଵା ମାତା] 51
-ତ୍ଯନୁ ତ୍ଵା ମାତା ମନ୍ଯତାମନୁ ପିତେତ୍ଯାହା-ନୁମତଯୈଵୈନଯା କ୍ରୀଣାତି ସା ଦେଵି ଦେଵମଚ୍ଛେହୀତ୍ଯାହ ଦେଵୀ ହ୍ଯେଷା ଦେଵ-ସ୍ସୋମ ଇନ୍ଦ୍ରାଯ ସୋମମିତ୍ଯାହେନ୍ଦ୍ରାଯ ହି ସୋମ ଆହ୍ରିଯତେ ଯଦେତ-ଦ୍ଯଜୁର୍ନ ବ୍ରୂଯା-ତ୍ପରାଚ୍ଯେଵ ସୋମକ୍ରଯଣୀଯା-ଦ୍ରୁଦ୍ରସ୍ତ୍ଵା-ଽଽ ଵର୍ତଯତ୍ଵିତ୍ଯାହ ରୁଦ୍ରୋ ଵୈ କ୍ରୂରୋ [ରୁଦ୍ରୋ ଵୈ କ୍ରୂରଃ, ଦେଵାନା-ନ୍ତମେଵାସ୍ଯୈ] 52
ଦେଵାନା-ନ୍ତମେଵାସ୍ଯୈ ପରସ୍ତା-ଦ୍ଦଧାତ୍ଯାଵୃତ୍ତ୍ଯୈ କ୍ରୂରମିଵ ଵା ଏତ-ତ୍କରୋତି ଯ-ଦ୍ରୁଦ୍ରସ୍ଯ କୀର୍ତଯତି ମିତ୍ରସ୍ଯ ପଥେତ୍ଯାହ ଶାନ୍ତ୍ଯୈ ଵାଚା ଵା ଏଷ ଵି କ୍ରୀଣୀତେ ଯ-ସ୍ସୋମକ୍ରଯଣ୍ଯା ସ୍ଵସ୍ତି ସୋମସଖା ପୁନରେହି ସହ ରଯ୍ଯେତ୍ଯାହ ଵାଚୈଵ ଵିକ୍ରୀଯ ପୁନରାତ୍ମନ୍ ଵାଚ-ନ୍ଧତ୍ତେ-ଽନୁପଦାସୁକା-ଽସ୍ଯ ଵାଗ୍ଭଵତି ଯ ଏଵଂ-ଵେଁଦ ॥ 53 ॥

(ସତନୁଂ - ଁଵିଷ୍ଣଵ ଇତ୍ଯାହ - ସମାରୋହତି - ଧ୍ଯାଯତି ତ-ଦ୍ଵାଚା - ଯଜମାନ-ସ୍ସ୍ଯାତ୍ - କରୋତି - କ୍ରୂରୋ - ଵେଦ) (ଅ. 7)
ଷଟ୍ ପଦାନ୍ଯନୁ ନି କ୍ରାମତି ଷଡହଂ-ଵାଁନ୍ନାତି ଵଦତ୍ଯୁତ ସଂଵଁଥ୍ସରସ୍ଯାଯନେ ଯାଵତ୍ଯେଵ ଵାକ୍ତାମଵ ରୁନ୍ଧେ ସପ୍ତମେ ପଦେ ଜୁହୋତି ସପ୍ତପଦା ଶକ୍ଵରୀ ପଶଵ-ଶ୍ଶକ୍ଵରୀ ପଶୂନେଵାଵ ରୁନ୍ଧେ ସପ୍ତ ଗ୍ରାମ୍ଯାଃ ପଶଵଃ ସପ୍ତା-ଽଽରଣ୍ଯା-ସ୍ସପ୍ତ ଛନ୍ଦାଗ୍-ସ୍ଯୁଭଯସ୍ଯା-ଵରୁଦ୍ଧ୍ଯୈ ଵସ୍ଵ୍ଯସି ରୁଦ୍ରା-ଽସୀତ୍ଯାହ ରୂପମେଵାସ୍ଯା ଏତ-ନ୍ମହିମାନଂ- [ଏତ-ନ୍ମହିମାନମ୍, ଵ୍ଯାଚଷ୍ଟେ ବୃହସ୍ପତିସ୍ତ୍ଵା] 54
-ଁଵ୍ଯାଚଷ୍ଟେ ବୃହସ୍ପତିସ୍ତ୍ଵା ସୁମ୍ନେ ରଣ୍ଵତ୍ଵିତ୍ଯାହ ବ୍ରହ୍ମ ଵୈ ଦେଵାନା-ମ୍ବୃହସ୍ପତି-ର୍ବ୍ରହ୍ମଣୈଵାସ୍ମୈ ପଶୂନଵ ରୁନ୍ଧେ ରୁଦ୍ରୋ ଵସୁଭିରା ଚିକେତ୍ଵିତ୍ଯାହା-ଽଽଵୃତ୍ତ୍ଯୈ ପୃଥିଵ୍ଯାସ୍ତ୍ଵା ମୂର୍ଧନ୍ନା ଜିଘର୍ମି ଦେଵଯଜନ ଇତ୍ଯାହ ପୃଥିଵ୍ଯା ହ୍ଯେଷ ମୂର୍ଧା ଯ-ଦ୍ଦେଵଯଜନମିଡାଯାଃ ପଦ ଇତ୍ଯାହେଡାଯୈ ହ୍ଯେତ-ତ୍ପଦଂ-ଯଁ-ଥ୍ସୋମକ୍ରଯଣ୍ଯୈ ଘୃତଵତି ସ୍ଵାହେ- [ସ୍ଵାହା, ଇତ୍ଯାହ] 55
-ତ୍ଯାହ ଯଦେଵାସ୍ଯୈ ପଦା-ଦ୍ଘୃତମପୀଡ୍ଯତ ତସ୍ମାଦେଵମାହ ଯଦଦ୍ଧ୍ଵର୍ଯୁରନଗ୍ନାଵାହୁତି-ଞ୍ଜୁହୁଯାଦନ୍ଧୋ-ଽଦ୍ଧ୍ଵର୍ଯୁ-ସ୍ସ୍ଯା-ଦ୍ରକ୍ଷାଗ୍ଂସି ଯଜ୍ଞଗ୍ଂ ହନ୍ଯୁର୍ହିରଣ୍ଯମୁପାସ୍ଯ ଜୁହୋତ୍ଯଗ୍ନିଵତ୍ଯେଵ ଜୁହୋତି ନାନ୍ଧୋ-ଽଦ୍ଧ୍ଵର୍ଯୁ ର୍ଭଵତି ନ ଯଜ୍ଞଗ୍ଂ ରକ୍ଷାଗ୍ଂସି ଘ୍ନନ୍ତି କାଣ୍ଡେକାଣ୍ଡେ ଵୈ କ୍ରିଯମାଣେ ଯଜ୍ଞଗ୍ଂ ରକ୍ଷାଗ୍ଂସି ଜିଘାଗ୍ଂସନ୍ତି ପରିଲିଖିତଗ୍ଂ ରକ୍ଷଃ ପରିଲିଖିତା ଅରାତଯ ଇତ୍ଯାହ ରକ୍ଷସା-ମପହତ୍ଯା [ରକ୍ଷସା-ମପହତ୍ଯୈ, ଇଦମହଗ୍ଂ] 56
ଇଦମହଗ୍ଂ ରକ୍ଷସୋ ଗ୍ରୀଵା ଅପି କୃନ୍ତାମି ଯୋ-ଽସ୍ମା-ନ୍ଦ୍ଵେଷ୍ଟି ଯ-ଞ୍ଚ ଵଯ-ନ୍ଦ୍ଵିଷ୍ମ ଇତ୍ଯାହ ଦ୍ଵୌ ଵାଵ ପୁରୁଷୌ ଯ-ଞ୍ଚୈଵ ଦ୍ଵେଷ୍ଟି ଯଶ୍ଚୈନ-ନ୍ଦ୍ଵେଷ୍ଟି ତଯୋ-ରେଵା-ଽନନ୍ତରାଯ-ଙ୍ଗ୍ରୀଵାଃ କୃନ୍ତତି ପଶଵୋ ଵୈ ସୋମକ୍ରଯଣ୍ଯୈ ପଦଂ-ଯାଁଵତ୍ତ୍ମୂତଗ୍ଂ ସଂ-ଵଁପତି ପଶୂନେଵାଵ ରୁନ୍ଧେ-ଽସ୍ମେ ରାଯ ଇତି ସଂ ଁଵପତ୍ଯାତ୍ମାନ-ମେଵାଦ୍ଧ୍ଵର୍ଯୁଃ -[-ମେଵାଦ୍ଧ୍ଵର୍ଯୁଃ, ପଶୁଭ୍ଯୋ] 57
ପଶୁଭ୍ଯୋ ନାନ୍ତରେତି ତ୍ଵେ ରାଯ ଇତି ଯଜମାନାଯ ପ୍ର ଯଚ୍ଛତି ଯଜମାନ ଏଵ ରଯି-ନ୍ଦଧାତି ତୋତେ ରାଯ ଇତି ପତ୍ନିଯା ଅର୍ଧୋ ଵା ଏଷ ଆତ୍ମନୋ ଯ-ତ୍ପତ୍ନୀ ଯଥା ଗୃହେଷୁ ନିଧତ୍ତେ ତାଦୃଗେଵ ତ-ତ୍ତ୍ଵଷ୍ଟୀମତୀ ତେ ସପେଯେତ୍ଯାହ ତ୍ଵଷ୍ଟା ଵୈ ପଶୂନା-ମ୍ମିଥୁନାନାଗ୍ଂ ରୂପକୃ-ଦ୍ରୂପମେଵ ପଶୁଷୁ ଦଧାତ୍ଯସ୍ମୈ ଵୈ ଲୋକାଯ ଗାର୍ହପତ୍ଯ ଆ ଧୀଯତେ ଽମୁଷ୍ମା ଆହଵନୀଯୋ ଯ-ଦ୍ଗାର୍ହପତ୍ଯ ଉପଵପେଦସ୍ମିନ୍ ଁଲୋକେ ପଶମାନ୍-ଥ୍ସ୍ଯା-ଦ୍ଯଦାହଵନୀଯେ ଽମୁଷ୍ମିନ୍ ଁଲୋକେ ପଶୁମାନ୍-ଥ୍ସ୍ଯାଦୁଭଯୋରୁପ ଵପତ୍ଯୁଭଯୋରେଵୈନଂ-ଲୋଁକଯୋଃ ପଶୁମନ୍ତ-ଙ୍କରୋତି ॥ 58 ॥

(ମହିମାନଗ୍ଗ୍ - ସ୍ଵାହା - ଽପହତ୍ଯା - ଅଧ୍ଵର୍ଯୁ - ଧୀଯତେ - ଚତୁର୍ଵିଗ୍ଂଶତିଶ୍ଚ) (ଅ. 8)
ବ୍ରହ୍ମଵାଦିନୋ ଵଦନ୍ତି ଵିଚିତ୍ଯ-ସ୍ସୋମା(3) ନ ଵିଚିତ୍ଯା(3) ଇତି ସୋମୋ ଵା ଓଷଧୀନାଗ୍ଂ ରାଜା ତସ୍ମିନ୍. ଯଦାପନ୍ନ-ଙ୍ଗ୍ରସିତମେଵାସ୍ଯ ତ-ଦ୍ଯ-ଦ୍ଵିଚିନୁଯା-ଦ୍ଯଥା ଽଽସ୍ଯାଦ୍ଗ୍ରସିତ-ନ୍ନିଷ୍ଖିଦତି ତାଦୃଗେଵ ତଦ୍ଯନ୍ନ ଵିଚିନୁଯା-ଦ୍ଯଥା ଽକ୍ଷନ୍ନାପନ୍ନଂ-ଵିଁଧାଵତି ତାଦୃଗେଵ ତ-ତ୍କ୍ଷୋଧୁକୋ ଽଦ୍ଧ୍ଵର୍ଯୁ-ସ୍ସ୍ଯା-ତ୍କ୍ଷୋଧୁକୋ ଯଜମାନ-ସ୍ସୋମଵିକ୍ରଯିନ୍-ଥ୍ସୋମଗ୍ଂ ଶୋଧଯେତ୍ଯେଵ ବ୍ରୂଯା-ଦ୍ଯଦୀତରଂ- [ବ୍ରୂଯା-ଦ୍ଯଦୀତରମ୍, ଯଦୀତର-] 59
-ଁଯଦୀତର-ମୁଭଯେନୈଵ ସୋମଵିକ୍ରଯିଣ-ମର୍ପଯତି ତସ୍ମା-ଥ୍ସୋମଵିକ୍ରଯୀ କ୍ଷୋଧୁକୋ ଽରୁଣୋ ହ ସ୍ମା-ଽଽହୌପଵେଶି-ସ୍ସୋମକ୍ରଯଣ ଏଵାହ-ନ୍ତୃତୀଯ ସଵନମଵ ରୁନ୍ଧ ଇତି ପଶୂନା-ଞ୍ଚର୍ମ-ନ୍ମିମୀତେ ପଶୂନେଵାଵ ରୁନ୍ଧେ ପଶଵୋ ହି ତୃତୀଯଗ୍ଂ ସଵନଂ-ଯଁ-ଙ୍କାମଯେତାପଶୁ-ସ୍ସ୍ଯା-ଦିତ୍ଯୃକ୍ଷତ-ସ୍ତସ୍ଯ ମିମୀତର୍କ୍ଷଂ-ଵାଁ ଅପଶଵ୍ଯ-ମପଶୁରେଵ ଭଵତି ଯ-ଙ୍କାମଯେତ ପଶୁମାନ୍-ଥ୍ସ୍ଯା - [ ] 60
-ଦିତି ଲୋମତସ୍ତସ୍ଯ ମିମୀତୈତଦ୍ଵୈ ପଶୂନାଗ୍ଂ ରୂପଗ୍ଂ ରୂପେଣୈଵା-ଽସ୍ମୈ ପଶୂନଵ ରୁନ୍ଧେ ପଶୁମାନେଵ ଭଵତ୍ଯପାମନ୍ତେ କ୍ରୀଣାତି ସରସମେଵୈନ-ଙ୍କ୍ରୀଣାତ୍ଯ-ମାତ୍ଯୋ-ଽସୀତ୍ଯାହା-ଽମୈଵୈନ-ଙ୍କୁରୁତେ ଶୁକ୍ରସ୍ତେ ଗ୍ରହ ଇତ୍ଯାହ ଶୁକ୍ରୋ ହ୍ଯସ୍ଯ ଗ୍ରହୋ ଽନସା-ଽଚ୍ଛ ଯାତି ମହିମାନ-ମେଵାସ୍ଯାଚ୍ଛ ଯାତ୍ଯନସା- [ଯାତ୍ଯନସା, ଅଚ୍ଛ] 61
-ଽଚ୍ଛ ଯାତି ତସ୍ମା-ଦନୋଵାହ୍ଯଗ୍ଂ ସମେ ଜୀଵନଂ-ଯଁତ୍ର ଖଲୁ ଵା ଏତଗ୍ଂ ଶୀର୍ଷ୍ଣା ହରନ୍ତି ତସ୍ମାଚ୍ଛୀର୍ଷହାର୍ଯ-ଙ୍ଗିରୌ ଜୀଵନମଭି ତ୍ଯ-ନ୍ଦେଵଗ୍ଂ ସଵିତାରମିତ୍ଯତି-ଚ୍ଛନ୍ଦସର୍ଚା ମିମୀତେ ଽତିଚ୍ଛନ୍ଦା ଵୈ ସର୍ଵାଣି ଛନ୍ଦାଗ୍ଂସି ସର୍ଵେଭିରେଵୈନ-ଞ୍ଛନ୍ଦୋଭିର୍ମିମୀତେ ଵର୍ଷ୍ମ ଵା ଏଷା ଛନ୍ଦସାଂ-ଯଁଦତିଚ୍ଛନ୍ଦା ଯଦତିଚ୍ଛନ୍ଦସର୍ଚା ମିମୀତେ ଵର୍ଷ୍ମୈଵୈନଗ୍ଂ ସମାନାନା-ଙ୍କରୋତ୍ଯେକଯୈକଯୋ-ଥ୍ସର୍ଗ- [-ଙ୍କରୋତ୍ଯେକଯୈକଯୋ-ଥ୍ସର୍ଗମ୍, ମିମୀତେ] 62
-ମ୍ମିମୀତେ ଽଯାତଯାମ୍ନିଯାଯାତଯାମ୍ନିଯୈଵୈନ-ମ୍ମିମୀତେ ତସ୍ମାନ୍ନାନାଵୀର୍ଯା ଅଙ୍ଗୁଲଯ-ସ୍ସର୍ଵାସ୍ଵଙ୍ଗୁଷ୍ଠମୁପ ନି ଗୃହ୍ଣାତି ତସ୍ମା-ଥ୍ସମାଵଦ୍ଵୀର୍ଯୋ-ଽନ୍ଯାଭି-ରଙ୍ଗୁଲିଭିସ୍ତସ୍ମା-ଥ୍ସର୍ଵା ଅନୁ ସ-ଞ୍ଚରତି ଯ-ଥ୍ସହ ସର୍ଵାଭିର୍ମିମୀତ ସଗ୍ଗ୍ଶ୍ଲିଷ୍ଟା ଅଙ୍ଗୁଲଯୋ ଜାଯେର-ନ୍ନେକଯୈକଯୋ-ଥ୍ସର୍ଗ-ମ୍ମିମୀତେ ତସ୍ମା-ଦ୍ଵିଭକ୍ତା ଜାଯନ୍ତେ ପଞ୍ଚ କୃତ୍ଵୋ ଯଜୁଷା ମିମୀତେ ପଞ୍ଚାକ୍ଷରା ପଙ୍କ୍ତିଃ ପାଙ୍କ୍ତୋ ଯଜ୍ଞୋ ଯଜ୍ଞମେଵାଵ ରୁନ୍ଧେ ପଞ୍ଚ କୃତ୍ଵ-ସ୍ତୂଷ୍ଣୀ- [କୃତ୍ଵ-ସ୍ତୂଷ୍ଣୀମ୍, ଦଶ ସ-ମ୍ପଦ୍ଯନ୍ତେ] 63
-ନ୍ଦଶ ସ-ମ୍ପଦ୍ଯନ୍ତେ ଦଶାକ୍ଷରା ଵିରାଡନ୍ନଂ-ଵିଁରା-ଡ୍ଵିରାଜୈଵାନ୍ନାଦ୍ଯମଵ ରୁନ୍ଧେ ଯ-ଦ୍ଯଜୁଷା ମିମୀତେ ଭୂତମେଵାଵ ରୁନ୍ଧେ ଯ-ତ୍ତୂଷ୍ଣୀ-ମ୍ଭଵିଷ୍ଯ-ଦ୍ଯ-ଦ୍ଵୈ ତାଵାନେଵ ସୋମ-ସ୍ସ୍ଯା-ଦ୍ଯାଵନ୍ତ-ମ୍ମିମୀତେ ଯଜମାନସ୍ଯୈଵ ସ୍ଯାନ୍ନାପି ସଦସ୍ଯାନା-ମ୍ପ୍ରଜାଭ୍ଯସ୍ତ୍ଵେତ୍ଯୁପ ସମୂହତି ସଦସ୍ଯାନେଵାନ୍ଵା ଭଜତି ଵାସସୋପ ନହ୍ଯତି ସର୍ଵଦେଵତ୍ଯଂ-ଵୈଁ [ ] 64
ଵାସ-ସ୍ସର୍ଵାଭିରେଵୈନ-ନ୍ଦେଵତାଭି-ସ୍ସମର୍ଧଯତି ପଶଵୋ ଵୈ ସୋମଃ ପ୍ରାଣାଯ ତ୍ଵେତ୍ଯୁପ ନହ୍ଯତି ପ୍ରାଣମେଵ ପଶୁଷୁ ଦଧାତି ଵ୍ଯାନାଯ ତ୍ଵେତ୍ଯନୁ ଶୃନ୍ଥତି ଵ୍ଯାନମେଵ ପଶୁଷୁ ଦଧାତି ତସ୍ମା-ଥ୍ସ୍ଵପନ୍ତ-ମ୍ପ୍ରାଣା ନ ଜହତି ॥ 65 ॥

(ଇତରଂ - ପଶୁମାନ୍-ଥ୍ସ୍ଯା--ଦ୍ଯାତ୍ଯନସୋ - ଥ୍ସର୍ଗଂ - ତୂଷ୍ଣୀଗ୍ଂ - ସର୍ଵଦେଵତ୍ଯଂ-ଵୈଁ - ତ୍ରଯସ୍ତ୍ରିଗ୍ଂଶଚ୍ଚ) (ଅ. 9)
ଯ-ତ୍କଲଯା ତେ ଶଫେନ ତେ କ୍ରୀଣାନୀତି ପଣେତାଗୋଅର୍ଘଗ୍ଂ ସୋମ-ଙ୍କୁର୍ଯାଦଗୋଅର୍ଘଂ-ଯଁଜମାନ-ମଗୋଅର୍ଘମଦ୍ଧ୍ଵର୍ଯୁ-ଙ୍ଗୋସ୍ତୁ ମହିମାନ-ନ୍ନାଵ ତିରେ-ଦ୍ଗଵା ତେ କ୍ରୀଣାନୀତ୍ଯେଵ ବ୍ରୂଯା-ଦ୍ଗୋଅର୍ଘମେଵ ସୋମ-ଙ୍କରୋତି ଗୋଅର୍ଘଂ-ଯଁଜମାନ-ଙ୍ଗୋଅର୍ଘମଦ୍ଧ୍ଵର୍ଯୁ-ନ୍ନ ଗୋର୍ମହିମାନମଵ ତିରତ୍ଯଜଯା କ୍ରୀଣାତି ସତପସମେଵୈନ-ଙ୍କ୍ରୀଣାତି ହିରଣ୍ଯେନ କ୍ରୀଣାତି ସଶୁକ୍ରମେଵୈ- [ସଶୁକ୍ରମେଵ, ଏନ-ଙ୍କ୍ରୀଣାତି ଧେନ୍ଵା କ୍ରୀଣାତି] 66
-ନ-ଙ୍କ୍ରୀଣାତି ଧେନ୍ଵା କ୍ରୀଣାତି ସାଶିରମେଵୈନ-ଙ୍କ୍ରୀଣାତ୍ଯୃଷଭେଣ କ୍ରୀଣାତି ସେନ୍ଦ୍ରମେଵୈନ-ଙ୍କ୍ରୀଣାତ୍ଯନଡୁହା କ୍ରୀଣାତି ଵହ୍ନିର୍ଵା ଅନଡ୍ଵାନ୍. ଵହ୍ନିନୈଵ ଵହ୍ନି ଯଜ୍ଞସ୍ଯ କ୍ରୀଣାତି ମିଥୁନାଭ୍ଯା-ଙ୍କ୍ରୀଣାତି ମିଥୁନସ୍ଯାଵ-ରୁଦ୍ଧ୍ଯୈ ଵାସସା କ୍ରୀଣାତି ସର୍ଵଦେଵତ୍ଯଂ-ଵୈଁ ଵାସ-ସ୍ସର୍ଵାଭ୍ଯ ଏଵୈନ-ନ୍ଦେଵତାଭ୍ଯଃ କ୍ରୀଣାତି ଦଶ ସ-ମ୍ପଦ୍ଯନ୍ତେ ଦଶାକ୍ଷରା ଵିରାଡନ୍ନଂ-ଵିଁରା-ଡ୍ଵିରାଜୈଵାନ୍ନାଦ୍ଯମଵ ରୁନ୍ଧେ [ରୁନ୍ଧେ, ତପସ-ସ୍ତନୂରସି] 67
ତପସ-ସ୍ତନୂରସି ପ୍ରଜାପତେ-ର୍ଵର୍ଣ ଇତ୍ଯାହ ପଶୁଭ୍ଯ ଏଵ ତଦଦ୍ଧ୍ଵ-ର୍ଯୁର୍ନି ହ୍ନୁତ ଆତ୍ମନୋ-ଽନାଵ୍ରସ୍କାଯ ଗଚ୍ଛତି ଶ୍ରିଯ-ମ୍ପ୍ର ପଶୂନାପ୍ନୋତି ଯ ଏଵଂ-ଵେଁଦ ଶୁକ୍ର-ନ୍ତେ ଶୁକ୍ରେଣ କ୍ରୀଣାମୀତ୍ଯାହ ଯଥା ଯଜୁରେଵୈତ-ଦ୍ଦେଵା ଵୈ ଯେନ ହିରଣ୍ଯେନ ସୋମମକ୍ରୀଣ-ନ୍ତଦଭୀଷହା ପୁନରା-ଽଦଦତ କୋ ହି ତେଜସା ଵିକ୍ରେଷ୍ଯତ ଇତି ଯେନ ହିରଣ୍ଯେନ [ହିରଣ୍ଯେନ, ସୋମ-] 68
ସୋମ-ଙ୍କ୍ରୀଣୀଯା-ତ୍ତଦଭୀଷହା ପୁନରା ଦଦୀତ ତେଜ ଏଵା-ଽଽତ୍ମ-ନ୍ଧତ୍ତେ-ଽସ୍ମେ ଜ୍ଯୋତିଃ ସୋମଵିକ୍ରଯିଣି ତମ ଇତ୍ଯାହ ଜ୍ଯୋତିରେଵ ଯଜମାନେ ଦଧାତି ତମସା ସୋମଵିକ୍ରଯିଣମର୍ପଯତି ଯଦନୁପଗ୍ରଥ୍ଯ ହନ୍ଯା-ଦ୍ଦନ୍ଦଶୂକାସ୍ତାଗ୍ଂ ସମାଗ୍ଂ ସର୍ପା-ସ୍ସ୍ଯୁରିଦମହଗ୍ଂ ସର୍ପାଣା-ନ୍ଦନ୍ଦଶୂକାନା-ଙ୍ଗ୍ରୀଵା ଉପ ଗ୍ରଥ୍ନାମୀତ୍ଯାହା-ଦନ୍ଦଶୂକାସ୍ତାଗ୍ଂ ସମାଗ୍ଂ ସର୍ପା ଭଵନ୍ତି ତମସା ସୋମଵିକ୍ରଯିଣଂ-ଵିଁଦ୍ଧ୍ଯତି ସ୍ଵାନ [ସ୍ଵାନ, ଭ୍ରାଜେତ୍ଯାହୈତେ] 69
ଭ୍ରାଜେତ୍ଯାହୈତେ ଵା ଅମୁଷ୍ମିନ୍ ଁଲୋକେ ସୋମମରକ୍ଷ-ନ୍ତେଭ୍ଯୋ-ଽଧି ସୋମମା-ଽହରନ୍. ଯଦେତେଭ୍ଯଃ ସୋମକ୍ରଯଣା-ନ୍ନାନୁଦିଶେଦକ୍ରୀତୋ-ଽସ୍ଯ ସୋମଃ ସ୍ଯାନ୍ନାସ୍ଯୈତେ ଽମୁଷ୍ମିନ୍ ଁଲୋକେ ସୋମଗ୍ଂ ରକ୍ଷେଯୁର୍ଯଦେତେଭ୍ଯଃ ସୋମକ୍ରଯଣାନନୁଦିଶତି କ୍ରୀତୋ-ଽସ୍ଯ ସୋମୋ ଭଵତ୍ଯେତେ-ଽସ୍ଯାମୁଷ୍ମିନ୍ ଁଲୋକେ ସୋମଗ୍ଂ ରକ୍ଷନ୍ତି ॥ 70 ॥

(ସଶୁକ୍ରମେଵ - ରୁନ୍ଧ - ଇତି ଯେନ ହିରଣ୍ଯେନ - ସ୍ଵାନ - ଚତୁଶ୍ଚତ୍ଵାରିଗ୍ଂଶଚ୍ଚ) (ଅ. 10)
ଵାରୁଣୋ ଵୈ କ୍ରୀତ-ସ୍ସୋମ ଉପନଦ୍ଧୋ ମିତ୍ରୋ ନ ଏହି ସୁମିତ୍ରଧା ଇତ୍ଯାହ ଶାନ୍ତ୍ଯା ଇନ୍ଦ୍ରସ୍ଯୋରୁମା ଵିଶ ଦକ୍ଷିଣମିତ୍ଯାହ ଦେଵା ଵୈ ଯଗ୍ଂ ସୋମମକ୍ରୀଣ-ନ୍ତମିନ୍ଦ୍ରସ୍ଯୋରୌ ଦକ୍ଷିଣ ଆ ଽସାଦଯନ୍ନେଷ ଖଲୁ ଵା ଏତର୍ହୀନ୍ଦ୍ରୋ ଯୋ ଯଜତେ ତସ୍ମାଦେଵମାହୋଦାଯୁଷା ସ୍ଵାଯୁଷେତ୍ଯାହ ଦେଵତା ଏଵା-ନ୍ଵାରଭ୍ଯୋ- [ଏଵା-ନ୍ଵାରଭ୍ଯୋତ୍, ତିଷ୍ଠତ୍ଯୁ-ର୍ଵନ୍ତରିକ୍ଷ-] 71
-ତ୍ତିଷ୍ଠତ୍ଯୁ-ର୍ଵନ୍ତରିକ୍ଷ-ମନ୍ଵିହୀତ୍ଯାହା-ନ୍ତରିକ୍ଷଦେଵତ୍ଯୋ(1) ହ୍ଯେତର୍ହି ସୋମୋ-ଽଦିତ୍ଯା-ସ୍ସଦୋ-ଽସ୍ଯଦିତ୍ଯା-ସ୍ସଦ ଆ ସୀଦେତ୍ଯାହ ଯଥାଯଜୁରେଵୈତ-ଦ୍ଵି ଵା ଏନମେତଦର୍ଧଯତି ଯ-ଦ୍ଵାରୁଣଗ୍ଂ ସନ୍ତ-ମ୍ମୈତ୍ର-ଙ୍କରୋତି ଵାରୁଣ୍ଯର୍ଚା-ଽଽ ସାଦଯତି ସ୍ଵଯୈଵୈନ-ନ୍ଦେଵତଯା ସମର୍ଧଯତି ଵାସସା ପର୍ଯାନହ୍ଯତି ସର୍ଵଦେଵତ୍ଯଂ-ଵୈଁ ଵାସ-ସ୍ସର୍ଵାଭିରେଵୈ- [ଵାସ-ସ୍ସର୍ଵାଭିରେଵ, ଏନ-ନ୍ଦେଵତାଭି-] 72
-ନ-ନ୍ଦେଵତାଭି-ସ୍ସମର୍ଧଯତ୍ଯଥୋ ରକ୍ଷସାମପହତ୍ଯୈ ଵନେଷୁ ଵ୍ଯନ୍ତରିକ୍ଷ-ନ୍ତତାନେତ୍ଯାହ ଵନେଷୁ ହି ଵ୍ଯନ୍ତରିକ୍ଷ-ନ୍ତତାନ ଵାଜମର୍ଵଥ୍ସ୍ଵିତ୍ଯାହ ଵାଜଗ୍ଗ୍ ହ୍ଯର୍ଵଥ୍ସୁ ପଯୋ ଅଘ୍ନିଯାସ୍ଵିତ୍ଯାହ ପଯୋ ହ୍ଯଘ୍ନିଯାସୁ ହୃଥ୍ସୁ କ୍ରତୁମିତ୍ଯାହ ହୃଥ୍ସୁ ହି କ୍ରତୁଂ-ଵଁରୁଣୋ ଵିକ୍ଷ୍ଵଗ୍ନିମିତ୍ଯାହ ଵରୁଣୋ ହି ଵିକ୍ଷ୍ଵଗ୍ନି-ନ୍ଦିଵି ସୂର୍ଯ- [ସୂର୍ଯମ୍, ଇତ୍ଯାହ ଦିଵି ହି] 73
-ମିତ୍ଯାହ ଦିଵି ହି ସୂର୍ଯଗ୍ଂ ସୋମମଦ୍ରାଵିତ୍ଯାହ ଗ୍ରାଵାଣୋ ଵା ଅଦ୍ରଯସ୍ତେଷୁ ଵା ଏଷ ସୋମ-ନ୍ଦଧାତି ଯୋ ଯଜତେ ତସ୍ମାଦେଵମାହୋଦୁ ତ୍ଯ-ଞ୍ଜାତଵେଦସମିତି ସୌର୍ଯର୍ଚା କୃଷ୍ଣାଜିନ-ମ୍ପ୍ରତ୍ଯାନହ୍ଯତି ରକ୍ଷସାମପହତ୍ଯା ଉସ୍ରାଵେତ-ନ୍ଧୂର୍ଷାହାଵିତ୍ଯାହ ଯଥାଯଜୁରେଵୈତ-ତ୍ପ୍ର ଚ୍ଯଵସ୍ଵ ଭୁଵସ୍ପତ ଇତ୍ଯାହ ଭୂତାନାଗ୍ ହ୍ଯେ [ଭୂତାନାଗ୍ଂ ହି, ଏଷ ପତି-ର୍ଵିଶ୍ଵାନ୍ଯଭି] 74
-ଷ ପତି-ର୍ଵିଶ୍ଵାନ୍ଯଭି ଧାମାନୀତ୍ଯାହ ଵିଶ୍ଵାନି ହ୍ଯେ(1) ଷୋ-ଽଭି ଧାମାନି ପ୍ରଚ୍ଯଵତେ ମା ତ୍ଵା ପରିପରୀ ଵିଦଦିତ୍ଯାହ ଯଦେଵାଦ-ସ୍ସୋମମାହ୍ରିଯମାଣ-ଙ୍ଗନ୍ଧର୍ଵୋ ଵିଶ୍ଵାଵସୁଃ ପର୍ଯମୁଷ୍ଣା-ତ୍ତସ୍ମା-ଦେଵମାହାପରିମୋଷାଯ ଯଜମାନସ୍ଯ ସ୍ଵସ୍ତ୍ଯଯନ୍ଯସୀତ୍ଯାହ ଯଜମାନସ୍ଯୈଵୈଷ ଯଜ୍ଞସ୍ଯାନ୍ଵାରଭୋଂ ଽନଵଚ୍ଛିତ୍ତ୍ଯୈ ଵରୁଣୋ ଵା ଏଷ ଯଜମାନମଭ୍ଯୈତି ଯ- [ଯତ୍, କ୍ରୀତ-ସ୍ସୋମ ଉପନଦ୍ଧୋ ନମୋ] 75
-ତ୍କ୍ରୀତ-ସ୍ସୋମ ଉପନଦ୍ଧୋ ନମୋ ମିତ୍ରସ୍ଯ ଵରୁଣସ୍ଯ ଚକ୍ଷସ ଇତ୍ଯାହ ଶାନ୍ତ୍ଯା ଆ ସୋମଂ-ଵଁହନ୍ତ୍ଯଗ୍ନିନା ପ୍ରତି ତିଷ୍ଠତେ ତୌ ସଭଂଵଁନ୍ତୌ ଯଜମାନମଭି ସ-ମ୍ଭଵତଃ ପୁରା ଖଲୁ ଵାଵୈଷ ମେଧାଯା-ଽଽତ୍ମାନମାରଭ୍ଯ ଚରତି ଯୋ ଦୀକ୍ଷିତୋ ଯଦଗ୍ନୀଷୋମୀଯ-ମ୍ପଶୁମାଲଭତ ଆତ୍ମନିଷ୍କ୍ରଯଣ ଏଵାସ୍ଯ ସ ତସ୍ମା-ତ୍ତସ୍ଯ ନା-ଽଽଶ୍ଯ-ମ୍ପୁରୁଷନିଷ୍କ୍ରଯଣ ଇଵ ହ୍ଯଥୋ ଖଲ୍ଵାହୁ ରଗ୍ନୀଷୋମାଭ୍ଯାଂ-ଵାଁ ଇନ୍ଦ୍ରୋ ଵୃତ୍ରମହନ୍ନିତି ଯଦଗ୍ନୀଷୋମୀଯ-ମ୍ପଶୁମାଲଭତ ଵାର୍ତ୍ରଘ୍ନ ଏଵାସ୍ଯ ସ ତସ୍ମା-ଦ୍ଵାଶ୍ଯଂ-ଵାଁରୁଣ୍ଯର୍ଚା ପରି ଚରତି ସ୍ଵଯୈଵୈନ-ନ୍ଦେଵତଯା ପରି ଚରତି ॥ 76 ॥