6.2 - যদুভৌ ৱিমুচ্যাতিথ্যম্ - কৃষ্ণ যজুৰ্ৱেদ তৈত্তিৰীয সংহিতা পাঠঃ

কৃষ্ণ যজুৰ্ৱেদীয তৈত্তিৰীয সংহিতাযাং ষষ্ঠকাণ্ডে দ্ৱিতীযঃ প্ৰশ্নঃ - সোমমন্ত্ৰব্ৰাহ্মণনিৰূপণং
ও-ন্নমঃ পৰমাত্মনে, শ্ৰী মহাগণপতযে নমঃ,

শ্ৰী গুৰুভ্যো নমঃ । হৰিঃ ওম্ ॥
যদুভৌ ৱিমুচ্যা-ঽঽতিথ্য-ঙ্গৃহ্ণীযা-দ্যজ্ঞং-ৱিঁচ্ছিন্দ্যা-দ্যদুভাৱ-ৱিমুচ্য যথা-ঽনাগতাযা-ঽঽতিথ্য-ঙ্ক্ৰিযতে তাদৃগেৱ ত-দ্ৱিমুক্তো-ঽন্যো-ঽনড্ৱা-ন্ভৱত্য ৱিমুক্তো-ঽন্যো-ঽথা-ঽঽতিথ্য-ঙ্গৃহ্ণাতি যজ্ঞস্য সন্তত্যৈ পত্ন্যন্ৱাৰভতে পত্নী হি পাৰীণহ্যস্যেশে পত্নিযৈ ৱানুমত-ন্নিৰ্ৱপতি যদ্ৱৈ পত্নী যজ্ঞস্য কৰোতি মিথুন-ন্তদথো পত্নিযা এৱৈ- [পত্নিযা এৱ, এষ] 1
-ষ যজ্ঞস্যান্ৱাৰভোং ঽনৱচ্ছিত্ত্যৈ যাৱ-দ্ভিৰ্ৱৈ ৰাজা-ঽনুচৰৈৰাগচ্ছতি সৰ্ৱেভ্যো ৱৈ তেভ্য আতিথ্য-ঙ্ক্ৰিযতে ছন্দাগ্ংসি খলু ৱৈ সোমস্য ৰাজ্ঞো-ঽনুচৰাণ্যগ্নে-ৰাতিথ্যমসি ৱিষ্ণৱে ত্ৱেত্যাহ গাযত্ৰিযা এৱৈতেন কৰোতি সোমস্যা-ঽঽতিথ্যমসি ৱিষ্ণৱে ত্ৱেত্যাহ ত্ৰিষ্টুভ এৱৈতেন কৰোত্যতিথেৰাতিথ্যমসি ৱিষ্ণৱে ত্ৱেত্যাহ জগত্যা [জগত্যৈ, এৱৈতেন] 2
এৱৈতেন কৰোত্যগ্নযে ত্ৱা ৰাযস্পোষদাৱ্ন্নে ৱিষ্ণৱে ত্ৱেত্যাহানুষ্টুভ এৱৈতেন কৰোতি শ্যেনায ত্ৱা সোমভৃতে ৱিষ্ণৱে ত্ৱেত্যাহ গাযত্ৰিযা এৱৈতেন কৰোতি পঞ্চ কৃত্ৱো গৃহ্ণাতি পঞ্চাক্ষৰা পঙ্ক্তিঃ পাঙ্ক্তো যজ্ঞো যজ্ঞমেৱাৱ ৰুন্ধে ব্ৰহ্মৱাদিনো ৱদন্তি কস্মা-থ্সত্যা-দ্গাযত্ৰিযা উভযত আতিথ্যস্য ক্ৰিযত ইতি যদেৱা-ঽদ-স্সোমমা- [যদেৱা-ঽদ-স্সোমমা, আহৰ-ত্তস্মা-] 3
-ঽহৰ-ত্তস্মা-দ্গাযত্ৰিযা উভযত আতিথ্যস্য ক্ৰিযতে পুৰস্তাচ্চো পৰিষ্টাচ্চ শিৰো ৱা এত-দ্যজ্ঞস্য যদাতিথ্য-ন্নৱকপালঃ পুৰোডাশো ভৱতি তস্মান্নৱধা শিৰো ৱিষ্যূত-ন্নৱকপালঃ পুৰোডাশো ভৱতি তে ত্ৰযস্ত্ৰিকপালাস্ত্ৰিৱৃতা স্তোমেন সম্মিতাস্তেজস্ত্ৰিৱৃ-ত্তেজ এৱ যজ্ঞস্য শীৰ্ষ-ন্দধাতি নৱকপালঃ পুৰোডাশো ভৱতি তে ত্ৰযস্ত্ৰিকপালাস্ত্ৰিৱৃতা প্ৰাণেন সম্মিতাস্ত্ৰিৱৃদ্ৱৈ [ ] 4
প্ৰাণ-স্ত্ৰিৱৃতমেৱ প্ৰাণমভিপূৰ্ৱং-যঁজ্ঞস্য শীৰ্ষ-ন্দধাতি প্ৰজাপতেৰ্ৱা এতানি পক্ষ্মাণি যদশ্ৱৱালা ঐক্ষৱী তিৰশ্চী যদাশ্ৱৱালঃ প্ৰস্তৰো ভৱত্যৈক্ষৱী তিৰশ্চী প্ৰজাপতেৰেৱ তচ্চক্ষু-স্সম্ভৰতি দেৱা ৱৈ যা আহুতীৰজুহৱুস্তা অসুৰা নিষ্কাৱমাদ-ন্তে দেৱাঃ কাৰ্ষ্মৰ্যমপশ্যন্ কৰ্মণ্যো ৱৈ কৰ্মৈনেন কুৰ্ৱীতেতি তে কাৰ্ষ্মৰ্যমযা-ন্পৰিধী- [-ন্পৰিধীন্, অকুৰ্ৱত তৈৰ্ৱৈ] 5
-নকুৰ্ৱত তৈৰ্ৱৈ তে ৰক্ষাগ্স্যপাঘ্নত য-ত্কাৰ্ষ্মৰ্যমযাঃ পৰিধযো ভৱন্তি ৰক্ষসামপহত্যৈ সগ্গ্ স্পৰ্শযতি ৰক্ষসামনন্ৱ-ৱচাৰায ন পুৰস্তা-ত্পৰি দধাত্যাদিত্যো হ্যেৱোদ্য-ন্পুৰস্তা-দ্ৰক্ষাগ্স্যপহন্ত্যূৰ্ধ্ৱে সমিধাৱা দধাত্যুপৰিষ্টাদেৱ ৰক্ষাগ্স্যপ হন্তি যজুষা-ঽন্যা-ন্তূষ্ণীমন্যা-ম্মিথুনত্ৱায দ্ৱে আ দধাতি দ্ৱিপা-দ্যজমানঃ প্ৰতিষ্ঠিত্যৈ ব্ৰহ্মৱাদিনো ৱদ- [ৱদন্তি, অগ্নিশ্চ ৱা] 6
-ন্ত্যগ্নিশ্চ ৱা এতৌ সোমশ্চ কথা সোমাযা-ঽঽতিথ্য-ঙ্ক্ৰিযতে নাগ্নয ইতি যদগ্নাৱগ্নি-ম্মথিত্ৱা প্ৰহৰতি তেনৈৱাগ্নয আতিথ্য-ঙ্ক্ৰিযতে ঽথো খল্ৱাহুৰগ্নি-স্সৰ্ৱা দেৱতা ইতি যদ্ধৱিৰাসাদ্যাগ্নি-ম্মন্থতি হৱ্যাযৈৱা-ঽঽসন্নায সৰ্ৱা দেৱতা জনযতি ॥ 7 ॥

(পত্নিযা এৱ - জগত্যা - আ - ত্ৰিৱৃদ্ৱৈ - পৰিধীন্ - ৱদন্ত্যে - কচত্ৱাৰিগ্ংশচ্চ) (অ. 1)
দেৱাসুৰা-স্সংযঁত্তা আস-ন্তে দেৱা মিথো ৱিপ্ৰিযা আস-ন্তে-ঽ(1)ন্যো-ঽন্যস্মৈ জ্যৈষ্ঠ্যাযাতিষ্ঠমানাঃ পঞ্চধা ৱ্যক্ৰামন্নগ্নিৰ্ৱসুভি-স্সোমো ৰুদ্ৰৈৰিন্দ্ৰো মৰুদ্ভি-ৰ্ৱৰুণ আদিত্যৈ-ৰ্বৃহস্পতি-ৰ্ৱিশ্ৱৈৰ্দেৱৈস্তে ঽমন্যন্তাসুৰেভ্যো ৱা ইদ-ম্ভ্ৰাতৃৱ্যেভ্যো ৰদ্ধ্যামো যন্মিথো ৱিপ্ৰিযা-স্স্মো যা ন ইমাঃ প্ৰিযাস্তনুৱস্তা-স্সমৱদ্যামহৈ তাভ্য-স্স নিৰ্-ঋচ্ছাদ্যো [নিৰ্-ঋচ্ছাদ্যঃ, নঃ প্ৰথমো(1)-ঽন্যো] 8
নঃ প্ৰথমো(1)-ঽন্যো-ঽন্যস্মৈ দ্ৰুহ্যাদিতি তস্মাদ্য-স্সতানূনপ্ত্ৰিণা-ম্প্ৰথমো দ্ৰুহ্যতি স আৰ্তিমাৰ্চ্ছতি য-ত্তানূনপ্ত্ৰগ্ং সমৱদ্যতি ভ্ৰাতৃৱ্যাভিভূত্যৈ ভৱত্যাত্মনা পৰা-ঽস্য ভ্ৰাতৃৱ্যো ভৱতি পঞ্চ কৃত্ৱো-ঽৱদ্যতি পঞ্চধা হি তে ত-থ্সমৱাদ্যন্তাথো পঞ্চাক্ষৰা পঙ্ক্তিঃ পাঙ্ক্তো যজ্ঞো যজ্ঞমেৱাৱ ৰুন্ধ আপতযে ত্ৱা গৃহ্ণামীত্যাহ প্ৰাণো ৱা [প্ৰাণো ৱৈ, আপতিঃ] 9
আপতিঃ প্ৰাণমেৱ প্ৰীণাতি পৰিপতয ইত্যাহ মনো ৱৈ পৰিপতিৰ্মন এৱ প্ৰীণাতি তনূনপ্ত্ৰ ইত্যাহ তনুৱো হি তে তা-স্সমৱাদ্যন্ত শাক্ৱৰাযেত্যাহ শক্ত্যৈ হি তে তা-স্সমৱাদ্যন্ত শক্ম-ন্নোজিষ্ঠাযেত্যাহৌজিষ্ঠগ্ং হি তে ত দাত্মনঃ সমৱাদ্যন্তা--নাধৃষ্ট-মস্যনাধৃষ্য-মিত্যাহা-ঽনাধৃষ্টগ্গ্ হ্যেতদনাধৃষ্য-ন্দেৱানা-মোজ [দেৱানা-মোজঃ, ইত্যাহ] 10
ইত্যাহ দেৱানাগ্ হ্যেতদোজো-ঽভিশস্তিপা অনভিশস্তেন্যমিত্যাহা-ভিশস্তিপা হ্যেতদ -নভিশস্তেন্যমনু মে দীক্ষা-ন্দীক্ষাপতি-ৰ্মন্যতামিত্যাহ যথাযজুৰেৱৈত-দ্ঘৃতং-ৱৈঁ দেৱা ৱজ্ৰ-ঙ্কৃত্ৱা সোমমঘ্ন-ন্নন্তিকমিৱ খলু ৱা অস্যৈতচ্চৰন্তি য-ত্তানূনপ্ত্ৰেণ প্ৰচৰন্ত্যগ্ং শুৰগ্ং শুস্তে দেৱ সোমা-ঽঽ প্যাযতা-মিত্যাহ য- [-মিত্যাহ যত্, এৱাস্যা-] 11
-দেৱাস্যা-পুৱাযতে যন্মীযতে-তদেৱাস্যৈতেনা-ঽঽ প্যাযযত্যা তুভ্যমিন্দ্ৰঃ প্যাযতামা ত্ৱমিন্দ্ৰায প্যাযস্ৱেত্যা-হোভাৱেৱেন্দ্ৰ-ঞ্চ সোম-ঞ্চা-ঽঽপ্যাযযত্যা প্যাযয সখীন্-থ্সন্যা মেধযেত্যাহৰ্ত্ৱিজো ৱা অস্য সখাযস্তা-নেৱা-ঽঽপ্যাযযতি স্ৱস্তি তে দেৱ সোম সুত্যামশীযে- [সুত্যামশীয, ইত্যাহা ঽঽশিষ-] 12
-ত্যাহা ঽঽশিষ-মেৱৈতামা শাস্তে প্ৰ ৱা এতে-ঽস্মা-ল্লোকাচ্চ্যৱন্তে যে সোমমা-প্যাযযন্ত্য-ন্তৰিক্ষদেৱত্যো হি সোম আপ্যাযিত এষ্টা ৰাযঃ প্ৰেষে ভগাযেত্যাহ দ্যাৱাপৃথিৱীভ্যামেৱ নমস্কৃত্যাস্মিন্ ঁলোকে প্ৰতি তিষ্ঠন্তি দেৱাসুৰা-স্সংযঁত্তা আস-ন্তে দেৱা বিভ্যতো-ঽগ্নি-ম্প্ৰাৱিশ-ন্তস্মাদাহুৰগ্নি-স্সৰ্ৱা দেৱতা ইতি তে- [দেৱতা ইতি তে, অগ্নিমেৱ] 13
-ঽগ্নিমেৱ ৱৰূথ-ঙ্কৃত্ৱা ঽসুৰানভ্যভৱ-ন্নগ্নিমিৱ খলু ৱা এষ প্ৰৱিশতি যো-ঽৱান্তৰদীক্ষামুপৈতি ভ্ৰাতৃৱ্যাভিভূত্যৈ ভৱত্যাত্মনা পৰা-ঽস্য ভ্ৰাতৃৱ্যো ভৱত্যাত্মানমেৱ দীক্ষযা পাতি প্ৰজামৱান্তৰদীক্ষযা সন্তৰা-ম্মেখলাগ্ং সমাযচ্ছতে প্ৰজা হ্যাত্মনো-ঽন্তৰতৰা তপ্তৱ্ৰতো ভৱতি মদন্তীভিৰ্মাৰ্জযতে নিৰ্হ্যগ্নি-শ্শীতেন ৱাযতি সমিদ্ধ্যৈ যা তে অগ্নে ৰুদ্ৰিযা তনূৰিত্যাহ স্ৱযৈৱৈন-দ্দেৱতযা ৱ্ৰতযতি সযোনিত্ৱায শান্ত্যৈ ॥ 14 ॥

(যো - ৱা - ওজ - আহ য - দশীযে - তি তে - ঽগ্ন - একাদশ চ) (অ. 2)
তেষামসুৰাণা-ন্তিস্ৰঃ পুৰ আস-ন্নযস্ম-য্যৱমা-ঽথ ৰজতা-ঽথ হৰিণী তা দেৱা জেতু-ন্নাশক্নুৱ-ন্তা উপসদৈৱাজিগীষ-ন্তস্মাদাহুৰ্যশ্চৈৱং-ৱেঁদ যশ্চ নোপসদা ৱৈ মহাপুৰ-ঞ্জযন্তীতি ত ইষুগ্ং সমস্কুৰ্ৱতা- গ্নিমনীকগ্ং সোমগ্ং শল্যং-ৱিঁষ্ণু-ন্তেজন-ন্তে-ঽব্ৰুৱন্ ক ইমামসিষ্যতীতি [ ] 15
ৰুদ্ৰ ইত্যব্ৰুৱ-ন্ৰুদ্ৰো ৱৈ ক্ৰূৰ-স্সো-ঽস্যত্ৱিতি সো-ঽব্ৰৱী-দ্ৱৰং-ৱৃঁণা অহমেৱ পশূনা-মধিপতিৰসানীতি তস্মা-দ্ৰুদ্ৰঃ পশূনা-মধিপতিস্তাগ্ং ৰুদ্ৰো-ঽৱাসৃজ-থ্স তিস্ৰঃ পুৰো ভিত্ত্ৱৈভ্যো লোকেভ্যো- ঽসুৰা-ন্প্ৰাণুদত যদুপসদ উপসদ্যন্তে ভ্ৰাতৃৱ্যপৰাণুত্যৈ নান্যামাহুতি-ম্পুৰস্তা-জ্জুহুযা-দ্যদন্যামাহুতি-ম্পুৰস্তা-জ্জুহুযা- [-জ্জুহুযাত্, অন্যন্মুখ-ঙ্কুৰ্যা-] 16
-দন্যন্মুখ-ঙ্কুৰ্যা-থ্স্ৰুৱেণা-ঽঘাৰমা ঘাৰযতি যজ্ঞস্য প্ৰজ্ঞাত্যৈ পৰাংঅতিক্ৰম্য জুহোতি পৰাচ এৱৈভ্যো লোকেভ্যো যজমানো ভ্ৰাতৃৱ্যা-ন্প্ৰ ণুদতে পুনৰত্যাক্ৰম্যোপসদ-ঞ্জুহোতি প্ৰণুদ্যৈৱৈভ্যো লোকেভ্যো ভ্ৰাতৃৱ্যাঞ্জিত্ৱা ভ্ৰাতৃৱ্যলোক-মভ্যাৰোহতি দেৱা ৱৈ যাঃ প্ৰাতৰুপসদ উপাসীদ-ন্নহ্নস্তাভিৰসুৰা-ন্প্ৰাণুদন্ত যা-স্সাযগ্ং ৰাত্ৰিযৈ তাভিৰ্য-থ্সায-ম্প্ৰাত-ৰুপসদ- [-ৰুপসদঃ, উপসদ্যন্তে] 17
উপসদ্যন্তে ঽহোৰাত্ৰাভ্যামেৱ ত-দ্যজমানো ভ্ৰাতৃৱ্যা-ন্প্ৰ ণুদতে যাঃ প্ৰাতৰ্যাজ্যা-স্স্যুস্তা-স্সায-ম্পুৰো-ঽনুৱাক্যাঃ কুৰ্যাদযাতযামত্ৱায তিস্ৰ উপসদ উপৈতি ত্ৰয ইমে লোকা ইমানেৱ লোকা-ন্প্ৰীণাতি ষট্-থ্স-ম্পদ্যন্তে ষড্ৱা ঋতৱ ঋতূনেৱ প্ৰীণাতি দ্ৱাদশাহীনে সোম উপৈতি দ্ৱাদশ মাসা-স্সংৱঁথ্সৰ-স্সৱন্থ্সৰমেৱ প্ৰীণাতি চতুৰ্ৱিগ্ংশতি-স্স- [চতুৰ্ৱিগ্ংশতি-স্সম্, পদ্যন্তে চতুৰ্ৱিগ্ংশতি-] 18
-ম্পদ্যন্তে চতুৰ্ৱিগ্ংশতি-ৰৰ্ধমাসা অৰ্ধমাসানেৱ প্ৰীণাত্যাৰাগ্ৰা-মৱান্তৰদীক্ষা-মুপেযাদ্যঃ কামযেতা-ঽস্মি-ন্মে লোকে-ঽৰ্ধুকগ্গ্ স্যাদিত্যেকমগ্ৰে-ঽথ দ্ৱাৱথ ত্ৰীনথ চতুৰ এষা ৱা আৰাগ্ৰা ঽৱান্তৰদীক্ষা ঽস্মিন্নেৱাস্মৈ লোকে-ঽৰ্ধুক-ম্ভৱতি পৰোৱৰীযসী-মৱান্তৰদীক্ষা-মুপেযাদ্যঃ কামযেতামুষ্মি-ন্মে লোকে-ঽৰ্ধুকগ্গ্ স্যাদিতি চতুৰো-ঽগ্ৰে ঽথ ত্ৰীনথ দ্ৱাৱথৈকমেষা ৱৈ পৰোৱৰীযস্য-ৱান্তৰদীক্ষা ঽমুষ্মিন্নেৱাস্মৈ লোকে-ঽৰ্ধুক-ম্ভৱতি ॥ 19 ॥

(অসিষ্যতীতি - জুহুযাথ্ - সায-ম্প্ৰাতৰুপসদ - শ্চতুৰ্ৱিগ্ংশতি-স্সং - চতুৰো-ঽগ্ৰে - ষোডশ চ) (অ. 3)
সুৱৰ্গং-ৱাঁ এতে লোকং-যঁন্তি য উপসদ উপযন্তি তেষাং-যঁ উন্নযতে হীযত এৱ স নোদনেষীতি সূন্নীযমিৱ যো ৱৈ স্ৱাৰ্থেতাং-যঁতাগ্ শ্ৰান্তো হীযত উত স নিষ্ট্যায সহ ৱসতি তস্মা-থ্সকৃদুন্নীয নাপৰমুন্নযেত দদ্ধ্নোন্নযেতৈতদ্ৱৈ পশূনাগ্ং ৰূপগ্ং ৰূপেণৈৱ পশূনৱ ৰুন্ধে [ ] 20
যজ্ঞো দেৱেভ্যো নিলাযত ৱিষ্ণূ ৰূপ-ঙ্কৃত্ৱা স পৃথিৱী-ম্প্ৰাৱিশ-ত্ত-ন্দেৱা হস্তান্-থ্সগ্ং ৰভ্যৈচ্ছ-ন্তমিন্দ্ৰ উপৰ্যুপৰ্যত্যক্ৰাম-থ্সো-ঽব্ৰৱী-ত্কো মা-ঽযমুপৰ্যুপৰ্যত্যক্ৰমী-দিত্যহ-ন্দুৰ্গে হন্তেত্যথ কস্ত্ৱমিত্যহ-ন্দুৰ্গাদাহৰ্তেতি সো-ঽব্ৰৱী-দ্দুৰ্গে ৱৈ হন্তা-ঽৱোচথা ৱৰাহো-ঽযং-ৱাঁমমোষ- [-ঁৱামমোষঃ, সপ্তানা] 21
-স্সপ্তানা-ঙ্গিৰীণা-ম্পৰস্তাদ্ৱিত্তং-ৱেঁদ্যমসুৰাণা-ম্বিভৰ্তি ত-ঞ্জহি যদি দুৰ্গে হন্তা-ঽসীতি স দৰ্ভপুঞ্জীলমু-দ্ৱৃহ্য সপ্ত গিৰী-ন্ভিত্ত্ৱা তমহন্-থ্সো-ঽব্ৰৱী-দ্দুৰ্গাদ্ৱা আহৰ্তাৱোচথা এতমা হৰেতি তমেভ্যো যজ্ঞ এৱ যজ্ঞমা-ঽহৰদ্য-ত্তদ্ৱিত্তং-ৱেঁদ্যমসুৰাণা-মৱিন্দন্ত তদেকং-ৱেঁদ্যৈ ৱেদিত্ৱ-মসুৰাণাং- [-মসুৰাণাম্, ৱা ইযমগ্ৰ] 22
-ঁৱা ইযমগ্ৰ আসী-দ্যাৱদাসীনঃ পৰাপশ্যতি তাৱ-দ্দেৱানা-ন্তে দেৱা অব্ৰুৱন্নস্ত্ৱেৱ নো-ঽস্যামপীতি কিযদ্ৱো দাস্যাম ইতি যাৱদিযগ্ং সলাৱৃকী ত্ৰিঃ পৰিক্ৰামতি তাৱন্নো দত্তেতি স ইন্দ্ৰঃ সলাৱৃকী ৰূপ-ঙ্কৃত্ৱেমা-ন্ত্ৰি-স্সৰ্ৱতঃ পৰ্যক্ৰাম-ত্তদিমামৱিন্দন্ত যদিমামৱিন্দন্ত ত-দ্ৱেদ্যৈ ৱেদিত্ৱগ্ং [ৱেদিত্ৱম্, সা ৱা ইযগ্ং] 23
সা ৱা ইযগ্ং সৰ্ৱৈৱ ৱেদিৰিযতি শক্ষ্যামীতি ত্ৱা অৱমায যজন্তে ত্ৰিগ্ংশ-ত্পদানি পশ্চা-ত্তিৰশ্চী ভৱতি ষট্ত্ৰিগ্ংশ-ত্প্ৰাচী চতুৰ্ৱিগ্ংশতিঃ পুৰস্তা-ত্তিৰশ্চী দশদশ সম্পদ্যন্তে দশাক্ষৰা ৱিৰাডন্নং-ৱিঁৰা-ড্ৱিৰাজৈৱান্নাদ্যমৱ ৰুন্ধ উদ্ধন্তি যদেৱাস্যা অমেদ্ধ্য-ন্তদপ হন্ত্যুদ্ধন্তি তস্মাদোষধযঃ পৰা ভৱন্তি বৰ্হি-স্স্তৃণাতি তস্মাদোষধযঃ পুনৰা ভৱন্ত্যুত্তৰ-ম্বৰ্হিষ উত্তৰবৰ্হি-স্স্তৃণাতি প্ৰজা ৱৈ বৰ্হিৰ্যজমান উত্তৰ বৰ্হি ৰ্যজমান-মেৱা-যজমানাদুত্তৰ-ঙ্কৰোতি তস্মা-দ্যজমানো ঽযজমানাদুত্তৰঃ ॥ 24 ॥

(ৰুন্ধে - ৱামমোষো - ৱেদিত্ৱমসুৰাণাং - ঁৱেদিত্ৱং - ভৱন্তি - পঞ্চৱিগ্ংশতিশ্চ) (অ. 4)
যদ্ৱা অনীশানো ভাৰমাদত্তে ৱি ৱৈ স লিশতে য-দ্দ্ৱাদশ সাহ্নস্যোপসদ-স্স্যুস্ৰো-ঽহীনস্য যজ্ঞস্য ৱিলোম ক্ৰিযেত তিস্ৰ এৱ সাহ্নস্যোপসদো দ্ৱাদশাহীনস্য যজ্ঞস্য সৱীৰ্যত্ৱাযাথো সলোম ক্ৰিযতে ৱথ্সস্যৈক-স্স্তনো ভাগী হি সো-ঽথৈকগ্গ্ স্তনং-ৱ্ৰঁতমুপৈত্যথ দ্ৱাৱথ ত্ৰীনথ চতুৰ এতদ্ৱৈ [ ] 25
ক্ষুৰপৱি নাম ৱ্ৰতং-যেঁন প্ৰ জাতা-ন্ভ্ৰাতৃৱ্যা-ন্নুদতে প্ৰতি জনিষ্যমাণানথো কনীযসৈৱ ভূয উপৈতি চতুৰো-ঽগ্ৰে স্তনান্ ৱ্ৰতমুপৈত্যথ ত্ৰীনথ দ্ৱাৱথৈকমেতদ্ৱৈ সুজঘন-ন্নাম ৱ্ৰত-ন্তপস্যগ্ং সুৱৰ্গ্যমথো প্ৰৈৱ জাযতে প্ৰজযা পশুভিৰ্যৱাগূ ৰাজন্যস্য ৱ্ৰত-ঙ্ক্ৰূৰেৱ ৱৈ যৱাগূঃ ক্ৰূৰ ইৱ [ক্ৰূৰ ইৱ, ৰাজন্যো ৱজ্ৰস্য] 26
ৰাজন্যো ৱজ্ৰস্য ৰূপগ্ং সমৃদ্ধ্যা আমিক্ষা ৱৈশ্যস্য পাকযজ্ঞস্য ৰূপ-ম্পুষ্ট্যৈ পযো ব্ৰাহ্মণস্য তেজো ৱৈ ব্ৰাহ্মণস্তেজঃ পযস্তেজসৈৱ তেজঃ পয আত্ম-ন্ধত্তে ঽথো পযসা ৱৈ গৰ্ভা ৱৰ্ধন্তে গৰ্ভ ইৱ খলু ৱা এষ য-দ্দীক্ষিতো যদস্য পযো ৱ্ৰত-ম্ভৱত্যাত্মানমেৱ ত-দ্ৱৰ্ধযতি ত্ৰিৱ্ৰতো ৱৈ মনুৰাসী-দ্দ্ৱিৱ্ৰতা অসুৰা একৱ্ৰতা [একৱ্ৰতাঃ, দেৱাঃ প্ৰাতৰ্মদ্ধ্যন্দিনে] 27
দেৱাঃ প্ৰাতৰ্মদ্ধ্যন্দিনে সায-ন্ত-ন্মনোৰ্ৱ্ৰতমাসী-ত্পাকযজ্ঞস্য ৰূপ-ম্পুষ্ট্যৈ প্ৰাতশ্চ সায-ঞ্চাসুৰাণা-ন্নিৰ্মদ্ধ্য-ঙ্ক্ষুধো ৰূপ-ন্ততস্তে পৰা-ঽভৱ-ন্মদ্ধ্যন্দিনে মদ্ধ্যৰাত্ৰে দেৱানা-ন্ততস্তে-ঽভৱন্-থ্সুৱৰ্গং-লোঁকমাযন্. যদস্য মদ্ধ্যন্দিনে মদ্ধ্যৰাত্ৰে ৱ্ৰত-ম্ভৱতি মদ্ধ্যতো ৱা অন্নেন ভুঞ্জতে মদ্ধ্যত এৱ তদূৰ্জ-ন্ধত্তে ভ্ৰাতৃৱ্যাভিভূত্যৈ ভৱত্যাত্মনা [ভৱত্যাত্মনা, পৰা-ঽস্য ভ্ৰাতৃৱ্যো] 28
পৰা-ঽস্য ভ্ৰাতৃৱ্যো ভৱতি গৰ্ভো ৱা এষ য-দ্দীক্ষিতো যোনি ৰ্দীক্ষিতৱিমিতং-যঁ-দ্দীক্ষিতো দীক্ষিতৱিমিতা-ত্প্ৰৱসে-দ্যথা যোনেৰ্গৰ্ভ-স্স্কন্দতি তাদৃগেৱ তন্ন প্ৰৱস্তৱ্যমাত্মনো গোপীথাযৈষ ৱৈ ৱ্যাঘ্ৰঃ কুলগোপো যদগ্নিস্তস্মা-দ্য-দ্দীক্ষিতঃ প্ৰৱসে-থ্স এনমীশ্ৱৰো-ঽনূত্থায হন্তোৰ্ন প্ৰৱস্তৱ্যমাত্মনো গুপ্ত্যৈ দক্ষিণত-শ্শয এতদ্ৱৈ যজমানস্যা ঽঽযতনগ্গ্স্ৱ এৱা-ঽঽযতনে শযে ঽগ্নিমভ্যাৱৃত্য শযে দেৱতা এৱ যজ্ঞমভ্যাৱৃত্য শযে ॥ 29 ॥

(এতদ্ৱৈ-ক্ৰূৰ ইৱৈ-কৱ্ৰতা-আত্মনা-যজমানস্য-ত্ৰযোদশ চ) (অ. 5)
পুৰোহৱিষি দেৱযজনে যাজযেদ্য-ঙ্কামযেতোপৈনমুত্তৰো যজ্ঞো নমেদভি সুৱৰ্গং-লোঁক-ঞ্জযেদিত্যেতদ্ৱৈ পুৰোহৱিৰ্দেৱযজনং-যঁস্য হোতা প্ৰাতৰনুৱাক -মনুব্ৰুৱ-ন্নগ্নিমপ আদিত্যমভি ৱিপশ্যত্যুপৈনমুত্তৰো যজ্ঞো নমত্যভি সুৱৰ্গং-লোঁক-ঞ্জযত্যাপ্তে দেৱযজনে যাজযে--দ্ভ্ৰাতৃৱ্যৱন্ত-ম্পন্থাং-ৱাঁ-ঽধিস্পৰ্শযে-ত্কৰ্তং-ৱাঁ যাৱন্নানসে যাতৱৈ [ ] 30
ন ৰথাযৈতদ্ৱা আপ্ত-ন্দেৱযজনমাপ্নোত্যেৱ ভ্ৰাতৃৱ্য-ন্নৈন-ম্ভ্ৰাতৃৱ্য আপ্নোত্যেকোন্নতে দেৱযজনে যাজযে-ত্পশুকাম-মেকোন্নতাদ্ৱৈ দেৱযজনাদঙ্গিৰসঃ পশূনসৃজন্তান্তৰা সদোহৱিৰ্ধানে উন্নতগ্গ্ স্যাদেতদ্ৱা একোন্নত-ন্দেৱযজন-ম্পশুমানেৱ ভৱতি ত্ৰ্যুন্নতে দেৱযজনে যাজযে-থ্সুৱৰ্গকাম-ন্ত্ৰ্যুন্নতাদ্ৱৈ দেৱযজনাদঙ্গিৰস-স্সুৱৰ্গং-লোঁকমায-ন্নন্তৰা ঽঽহৱনীয-ঞ্চ হৱিৰ্ধান-ঞ্চো- [হৱিৰ্ধান-ঞ্চ, উন্নতগ্গ্ স্যাদন্তৰা] 31
-ন্নতগ্গ্ স্যাদন্তৰা হৱিৰ্ধান-ঞ্চ সদশ্চান্তৰা সদশ্চ গাৰ্হপত্য-ঞ্চৈতদ্ৱৈ ত্ৰ্যুন্নত-ন্দেৱযজনগ্ং সুৱৰ্গমেৱ লোকমেতি প্ৰতিষ্ঠিতে দেৱযজনে যাজযে-ত্প্ৰতিষ্ঠাকামমেতদ্ৱৈ প্ৰতিষ্ঠিত-ন্দেৱযজনং-যঁ-থ্সৰ্ৱতঃ সম-ম্প্ৰত্যেৱ তিষ্ঠতি যত্ৰান্যা অন্যা ওষধযো ৱ্যতিষক্তা-স্স্যুস্ত-দ্যাজযে-ত্পশুকামমেতদ্ৱৈ পশূনাগ্ং ৰূপগ্ং ৰূপেণৈৱাস্মৈ পশূ- [পশূন্, অৱ ৰুন্ধে] 32
-নৱ ৰুন্ধে পশুমানেৱ ভৱতি নিৰ্-ঋতিগৃহীতে দেৱযজনে যাজযেদ্য-ঙ্কামযেত নিৰ্-ঋত্যাস্য যজ্ঞ-ঙ্গ্ৰাহযেযমিত্যেতদ্ৱৈ নিৰ্-ঋতিগৃহীত-ন্দেৱযজনং-যঁ-থ্সদৃশ্যৈ সত্যা ঋক্ষ-ন্নিৰ্-ঋত্যৈৱাস্য যজ্ঞ-ঙ্গ্ৰাহযতি ৱ্যাৱৃত্তে দেৱযজনে যাজযে-দ্ৱ্যাৱৃত্কামং-যঁ-ম্পাত্ৰে ৱা তল্পে ৱা মীমাগ্ংসেৰ-ন্প্ৰাচীনমাহৱনীযা-ত্প্ৰৱণগ্গ্ স্যা-ত্প্ৰতীচীন-ঙ্গাৰ্হপত্যাদেতদ্ৱৈ ৱ্যাৱৃত্ত-ন্দেৱযজনং-ৱিঁ পাপ্মনা ভ্ৰাতৃৱ্যেণা- ঽঽৱৰ্ততে নৈন-ম্পাত্ৰে ন তল্পে মীমাগ্ং সন্তে কাৰ্যে দেৱযজনে যাজযে-দ্ভূতিকাম-ঙ্কাযা ৱৈ পুৰুষো ভৱত্যেৱ ॥ 33 ॥

(যাতৱৈ - হৱিৰ্ধান-ঞ্চ - পশূন্ - পাপ্মনা - ঽষ্টাদশ চ) (অ. 6)
তেভ্য উত্তৰৱেদি-স্সিগ্ংহী ৰূপ-ঙ্কৃত্ৱোভযা-নন্তৰা-ঽপক্ৰম্যাতিষ্ঠ-ত্তে দেৱা অমন্যন্ত যতৰান্. ৱা ইযমুপাৱৰ্থ্স্যতি ত ইদ-ম্ভৱিষ্যন্তীতি তামুপামন্ত্ৰযন্ত সা-ঽব্ৰৱী-দ্ৱৰং-ৱৃঁণৈ সৰ্ৱা-ন্মযা কামান্ ৱ্যশ্ঞৱথ পূৰ্ৱা-ন্তু মা-ঽগ্নেৰাহুতিৰশ্ঞৱতা ইতি তস্মাদুত্তৰৱেদি-ম্পূৰ্ৱামগ্নে- ৰ্ৱ্যাঘাৰযন্তি ৱাৰেৱৃতগ্গ্ হ্যস্যৈ শম্যযা পৰি মিমীতে [মিমীতে, মাত্ৰৈৱা-ঽস্যৈ] 34
মাত্ৰৈৱা-ঽস্যৈ সাথো যুক্তেনৈৱ যুক্তমৱ ৰুন্ধে ৱিত্তাযনী মে-ঽসীত্যাহ ৱিত্তা হ্যেনানাৱ-ত্তিক্তাযনী মে-ঽসীত্যাহ তিক্তান্. হ্যেনানাৱদৱতান্মা নাথিতমিত্যাহ নাথিতান্. হ্যেনানাৱদৱতান্মা ৱ্যথিতমিত্যাহ ৱ্যথিতান্. হ্যেনানাৱ-দ্ৱিদে-ৰগ্নি-ৰ্নভো নামা- [-ৰ্নভো নামা, অগ্নে অঙ্গিৰ ইতি] 35
-ঽগ্নে অঙ্গিৰ ইতি ত্ৰিৰ্হৰতি য এৱৈষু লোকেষ্ৱগ্নয-স্তানেৱাৱ ৰুন্ধে তূষ্ণী-ঞ্চতুৰ্থগ্ং হৰত্যনি-ৰুক্তমেৱাৱ ৰুন্ধে সিগ্ংহীৰসি মহিষীৰসীত্যাহ সিগ্ংহীৰ্হ্যেষা ৰূপ-ঙ্কৃত্ৱোভযা-নন্তৰা ঽপক্ৰম্যাতিষ্ঠদুৰু প্ৰথস্ৱোৰু তে যজ্ঞপতিঃ প্ৰথতামিত্যাহ যজমানমেৱ প্ৰজযা পশুভিঃ প্ৰথযতি ধ্ৰুৱা- [ধ্ৰুৱা, অসীতি সগ্ং হন্তি] 36
-ঽসীতি সগ্ং হন্তি ধৃত্যৈ দেৱেভ্যঃ শুন্ধস্ৱ দেৱেভ্যঃ শুম্ভস্ৱেত্যৱ চোক্ষতি প্ৰ চ কিৰতি শুদ্ধ্যা ইন্দ্ৰঘোষস্ত্ৱা ৱসুভিঃ পুৰস্তা-ত্পাত্ৱিত্যাহ দিগ্ভ্য এৱৈনা-ম্প্ৰোক্ষতি দেৱাগ্শ্চেদু-ত্তৰৱেদিৰুপাৱৱৰ্তীহৈৱ ৱি জযামহা ইত্যসুৰা ৱজ্ৰমুদ্যত্য দেৱানভ্যাযন্ত তানিন্দ্ৰঘোষো ৱসুভিঃ পুৰস্তাদপা- [পুৰস্তাদপা, অনুদত মনোজৱাঃ] 37
-নুদত মনোজৱাঃ পিতৃভি ৰ্দক্ষিণতঃ প্ৰচেতা ৰুদ্ৰৈঃ পশ্চা-দ্ৱিশ্ৱকৰ্মা-ঽঽদিত্যৈৰুত্তৰতো যদেৱমুত্তৰৱেদি-ম্প্ৰোক্ষতি দিগ্ভ্য এৱ ত-দ্যজমানো ভ্ৰাতৃৱ্যা-ন্প্ৰ ণুদত ইন্দ্ৰো যতীন্-থ্সালাৱৃকেভ্যঃ প্ৰাযচ্ছ-ত্তা-ন্দক্ষিণত উত্তৰৱেদ্যা আদন্ য-ত্প্ৰোক্ষণীনা-মুচ্ছিষ্যেত ত-দ্দক্ষিণত উত্তৰৱেদ্যৈ নি নযে-দ্যদেৱ তত্ৰ ক্ৰূৰ-ন্ত-ত্তেন শমযতি য-ন্দ্ৱিষ্যা-ত্ত-ন্ধ্যাযেচ্ছুচৈ ৱৈনমৰ্পযতি ॥ 38 ॥

(মিমীতে - নাম - ধ্ৰুৱা - ঽপ - শুচা - ত্ৰীণি চ) ( আ7)
সোত্তৰৱেদিৰব্ৰৱী-থ্সৰ্ৱা-ন্মযা কামান্ ৱ্যশ্ঞৱথেতি তে দেৱা অকামযন্তাসুৰা-ন্ভ্ৰাতৃৱ্যানভি ভৱেমেতি তে-ঽজুহৱু-স্সিগ্ংহীৰসি সপত্নসাহী স্ৱাহেতি তে-ঽসুৰা-ন্ভ্ৰাতৃৱ্যা-নভ্যভৱ-ন্তে-ঽসুৰা-ন্ভ্ৰাতৃৱ্যা-নভিভূযাকামযন্ত প্ৰজাং-ৱিঁন্দেমহীতি তে-ঽজুহৱু-স্সিগ্ংহীৰসি সুপ্ৰজাৱনি-স্স্ৱাহেতি তে প্ৰজামৱিন্দন্ত তে প্ৰজাং-ৱিঁত্ত্ৱা- [প্ৰজাং-ৱিঁত্ত্ৱা,অকামযন্ত পশূন্. ] 39
-ঽকামযন্ত পশূন্. ৱিন্দেমহীতি তে-ঽজুহৱু-স্সিগ্ংহীৰসি ৰাযস্পোষৱনি-স্স্ৱাহেতি তে পশূনৱিন্দন্ত তে পশূন্. ৱিত্ত্ৱা-ঽকামযন্ত প্ৰতিষ্ঠাং-ৱিঁন্দেমহীতি তে-ঽজুহৱু-স্সিগ্ংহী-ৰস্যাদিত্যৱনি-স্স্ৱাহেতি ত ইমা-ম্প্ৰতিষ্ঠামৱিন্দন্ত ত ইমা-ম্প্ৰতিষ্ঠাং-ৱিঁত্ত্ৱা-ঽকামযন্ত দেৱতা আশিষ উপেযামেতি তে-ঽজুহৱু-স্সিগ্ংহীৰস্যা ৱহ দেৱা-ন্দেৱযতে [ ] 40
যজমানায স্ৱাহেতি তে দেৱতা আশিষ উপায-ন্পঞ্চ কৃত্ৱো ৱ্যাঘাৰযতি পঞ্চাক্ষৰা পঙ্ক্তিঃ পাঙ্ক্তো যজ্ঞো যজ্ঞমেৱাৱ ৰুন্ধে ঽক্ষ্ণযা ৱ্যাঘাৰযতি তস্মাদক্ষ্ণযা পশৱো-ঽঙ্গানি প্ৰহৰন্তি প্ৰতিষ্ঠিত্যৈ ভূতেভ্যস্ত্ৱেতি স্ৰুচমুদ্গৃহ্ণাতি য এৱ দেৱা ভূতাস্তেষা-ন্ত-দ্ভাগধেয-ন্তানেৱ তেন প্ৰীণাতি পৌতুদ্ৰৱা-ন্পৰিধী-ন্পৰি দধাত্যেষাং- [দধাত্যেষাম্, লোকানাং-ৱিঁধৃত্যা] 41
-ঁলোকানাং-ৱিঁধৃত্যা অগ্নেস্ত্ৰযো জ্যাযাগ্ংসো ভ্ৰাতৰ আস-ন্তে দেৱেভ্যো হৱ্যং-ৱঁহন্তঃ প্ৰামীযন্ত সো-ঽগ্নিৰবিভেদিত্থং-ৱাঁৱ স্য আৰ্তিমা-ঽৰিষ্যতীতি স নিলাযত স যাং-ৱঁনস্পতিষ্ৱৱসত্তা-ম্পূতুদ্ৰৌ যামোষধীষু তাগ্ং সুগন্ধিতেজনে যা-ম্পশুষু তা-ম্পেত্ৱস্যান্তৰা শৃঙ্গে ত-ন্দেৱতাঃ প্ৰৈষমৈচ্ছ-ন্তমন্ৱৱিন্দ-ন্ত-মব্ৰুৱ- [-মব্ৰুৱন্ন্, উপ ন আ] 42
-ন্নুপ ন আ ৱৰ্তস্ৱ হৱ্য-ন্নো ৱহেতি সো-ঽব্ৰৱী-দ্ৱৰং-ৱৃঁণৈ যদেৱ গৃহীতস্যাহুতস্য বহিঃপৰিধি স্কন্দা-ত্তন্মে ভ্ৰাতৃণা-ম্ভাগধেয-মসদিতি তস্মা-দ্য-দ্গৃহীতস্যা-ঽহুতস্য বহিঃপৰিধি স্কন্দতি তেষা-ন্ত-দ্ভাগধেয-ন্তানেৱ তেন প্ৰীণাতি সো-ঽমন্যতা-ঽস্থন্ৱন্তো মে পূৰ্ৱে ভ্ৰাতৰঃ প্ৰামেষতা-ঽস্থানি শাতযা ইতি স যা- [স যানি, ] 43
-ন্যস্থান্যশাতযত ত-ত্পূতুদ্ৰ্ৱ-ভৱ-দ্যন্মাগ্ং সমুপমৃত-ন্ত-দ্গুল্গুলু যদেতান্-থ্সভাংৰান্-থ্স-ম্ভৰত্যগ্নিমেৱ ত-থ্সম্ভৰত্যগ্নেঃ পুৰীষ-মসীত্যাহা-ঽগ্নেৰ্হ্যেত-ত্পুৰীষং-যঁ-থ্সম্ভাৰা অথো খল্ৱাহুৰেতে ৱাৱৈন-ন্তে ভ্ৰাতৰঃ পৰি শেৰে য-ত্পৌতুদ্ৰৱাঃ পৰিধয ইতি ॥ 44 ॥

(ৱিত্ত্ৱা - দেৱযত - এষা - মব্ৰুৱন্ - যানি - চতুশ্চত্ৱাৰিগ্ংশচ্চ) (অ. 8)
বদ্ধমৱ স্যতি ৱৰুণপাশাদেৱৈনে মুঞ্চতি প্ৰণেনেক্তি মেদ্ধ্যে এৱৈনে কৰোতি সাৱিত্ৰিযৰ্চা হুত্ৱা হৱিৰ্ধানে প্ৰ ৱৰ্তযতি সৱিতৃপ্ৰসূত এৱৈনে প্ৰ ৱৰ্তযতি ৱৰুণো ৱা এষ দুৰ্ৱাগুভযতো বদ্ধো যদক্ষ-স্স যদু-থ্সৰ্জে-দ্যজমানস্য গৃহা-নভ্যুথ্সৰ্জে-থ্সুৱাগ্দেৱ দুৰ্যাগ্ং আ ৱদেত্যাহ গৃহা ৱৈ দুৰ্যা-শ্শান্ত্যৈ প- [দুৰ্যা-শ্শান্ত্যৈ পত্নী, উপানক্তি] 45
-ত্ন্যুপানক্তি পত্নী হি সৰ্ৱস্য মিত্ৰ-ম্মিত্ৰত্ৱায যদ্ৱৈ পত্নী যজ্ঞস্য কৰোতি মিথুন-ন্তদথো পত্নিযা এৱৈষ যজ্ঞস্যা-ন্ৱাৰভোং-ঽনৱচ্ছিত্ত্যৈ ৱৰ্ত্মনা ৱা অন্ৱিত্য যজ্ঞগ্ং ৰক্ষাগ্ংসি জিঘাগ্ংসন্তি ৱৈষ্ণৱীভ্যামৃগ্ভ্যাং-ৱঁৰ্ত্মনো ৰ্জুহোতি যজ্ঞো ৱৈ ৱিষ্ণুৰ্যজ্ঞাদেৱ ৰক্ষাগ্স্যপ হন্তি যদদ্ধ্ৱৰ্যু-ৰনগ্না-ৱাহুতি-ঞ্জুহুযা-দন্ধো-ঽদ্ধ্ৱৰ্যু-স্স্যা-দ্ৰক্ষাগ্ংসি যজ্ঞগ্ং হন্যুৰ্- [যজ্ঞগ্ং হন্যুঃ, হিৰণ্য-মুপাস্য] 46
-হিৰণ্য-মুপাস্য জুহোত্যগ্নিৱত্যেৱ জুহোতি নান্ধো-ঽদ্ধ্ৱৰ্যুৰ্ভৱতি ন যজ্ঞগ্ং ৰক্ষাগ্ংসি ঘ্নন্তি প্ৰাচী প্ৰেতমদ্ধ্ৱৰ-ঙ্কল্পযন্তী ইত্যাহ সুৱৰ্গমেৱৈনে লোক-ঙ্গমযত্যত্ৰ ৰমেথাং-ৱঁৰ্ষ্ম-ন্পৃথিৱ্যা ইত্যাহ ৱৰ্ষ্ম হ্যেত-ত্পৃথিৱ্যা য-দ্দেৱযজনগ্ং শিৰো ৱা এত-দ্যজ্ঞস্য যদ্ধৱিৰ্ধান-ন্দিৱো ৱা ৱিষ্ণৱুত ৱা পৃথিৱ্যা [পৃথিৱ্যাঃ, ইত্যাশীৰ্পদযৰ্চা] 47
ইত্যাশীৰ্পদযৰ্চা দক্ষিণস্য হৱিৰ্ধানস্য মেথী-ন্নি হন্তি শীৰ্ষত এৱ যজ্ঞস্য যজমান আশিষো-ঽৱ ৰুন্ধে দণ্ডো ৱা ঔপৰস্তৃতীযস্য হৱিৰ্ধানস্য ৱষট্কাৰে-ণাক্ষ-মচ্ছিন-দ্যত্-তৃতীয-ঞ্ছদিৰ্-হৱিৰ্ধানযো-ৰুদাহ্ৰিযতে তৃতীযস্য হৱিৰ্ধানস্যাৱৰুদ্ধ্যৈ শিৰো ৱা এত-দ্যজ্ঞস্য যদ্ধৱিৰ্ধানং-ৱিঁষ্ণো ৰৰাটমসি ৱিষ্ণোঃ পৃষ্ঠমসীত্যাহ তস্মাদেতাৱদ্ধা শিৰো ৱিষ্যূতং-ৱিঁষ্ণো-স্স্যূৰসি ৱিষ্ণোদ্ধ্ৰুৱমসীত্যাহ ৱৈষ্ণৱগ্ং হি দেৱতযা হৱিৰ্ধানং-যঁ-ম্প্ৰথম-ঙ্গ্ৰন্থি-ঙ্গ্ৰথ্নীযাদ্য-ত্ত-ন্ন ৱিস্ৰগ্ং সযেদমেহেনাদ্ধ্ৱৰ্যুঃ প্ৰমীযেত তস্মা-থ্স ৱিস্ৰস্যঃ ॥ 48 ॥

(পত্নী -হন্যু-ৰ্ৱা পৃথিৱ্যা-ৱিষ্যূতং-ৱিঁষ্ণোঃ-ষড্ৱিগ্ংশতিশ্চ) (অ. 9)
দেৱস্য ত্ৱা সৱিতুঃ প্ৰসৱ ইত্যভ্ৰিমা দত্তে প্ৰসূত্যা অশ্ৱিনো ৰ্বাহুভ্যামিত্যাহাশ্ৱিনৌ হি দেৱানামদ্ধ্ৱৰ্যূ আস্তা-ম্পূষ্ণো হস্তাভ্যামিত্যাহ যত্যৈ ৱজ্ৰ ইৱ ৱা এষা যদভ্ৰিৰভ্ৰিৰসি নাৰিৰসীত্যাহ শান্ত্যৈ কাণ্ডে কাণ্ডে ৱৈ ক্ৰিযমাণে যজ্ঞগ্ং ৰক্ষাগ্ংসি জিঘাগ্ংসন্তি পৰিলিখিতগ্ং ৰক্ষঃ পৰিলিখিতা অৰাতয ইত্যাহ ৰক্ষসা-মপহত্যা [ৰক্ষসা-মপহত্যৈ, ইদমহগ্ং] 49
ইদমহগ্ং ৰক্ষসো গ্ৰীৱা অপি কৃন্তামি যো-ঽস্মা-ন্দ্ৱেষ্টি য-ঞ্চ ৱয-ন্দ্ৱিষ্ম ইত্যাহ দ্ৱৌ ৱাৱ পুৰুষৌ য-ঞ্চৈৱ দ্ৱেষ্টি যশ্চৈন-ন্দ্ৱেষ্টি তযো-ৰেৱা-ঽনন্তৰায-ঙ্গ্ৰীৱাঃ কৃন্ততি দিৱে ত্ৱা-ঽন্তৰিক্ষায ত্ৱা পৃথিৱ্যৈ ত্ৱেত্যাহৈভ্য এৱৈনাং-লোঁকেভ্যঃ প্ৰোক্ষতি পৰস্তা-দৰ্ৱাচী-ম্প্ৰোক্ষতি তস্মা- [তস্মাত্, পৰস্তা-] 50
-ত্পৰস্তা-দৰ্ৱাচী-ম্মনুষ্যা ঊৰ্জমুপ জীৱন্তি ক্ৰূৰমিৱ ৱা এত-ত্কৰোতি য-ত্খনত্যপো-ঽৱ নযতি শান্ত্যৈ যৱমতীৰৱ নযত্যূৰ্গ্ৱৈ যৱ ঊৰ্গুদুবংৰ ঊৰ্জৈৱোৰ্জগ্ং সমৰ্ধযতি যজমানেন সম্মিতৌদুবংৰী ভৱতি যাৱানেৱ যজমানস্তাৱতী-মেৱাস্মি-ন্নূৰ্জ-ন্দধাতি পিতৃণাগ্ং সদনমসীতি বৰ্হিৰৱ স্তৃণাতি পিতৃদেৱত্যা(1)গ্গ্- [পিতৃদেৱত্যাম্, হ্যেত-দ্যন্নিখাতং-] 51
-হ্যেত-দ্যন্নিখাতং-যঁ-দ্বৰ্হি-ৰনৱস্তীৰ্য মিনুযা-ত্পিতৃদেৱত্যা নিখাতা স্যা-দ্বৰ্হি-ৰৱস্তীৰ্য মিনোত্যস্যা-মেৱৈনা-ম্মিনোত্যথো স্ৱাৰুহ-মেৱৈনা-ঙ্কৰোত্যু-দ্দিৱগ্গ্ স্তভানা-ঽঽন্তৰিক্ষ-ম্পৃণেত্যাহৈষাং-লোঁকানাং-ৱিঁধৃত্যৈ দ্যুতানস্ত্ৱা মাৰুতো মিনোত্ৱিত্যাহ দ্যুতানো হ স্ম ৱৈ মাৰুতো দেৱানা-মৌদুবংৰী-ম্মিনোতি তেনৈৱৈ- [তেনৈৱ, এনা-ম্মিনোতি ব্ৰহ্মৱনি-ন্ত্ৱা] 52
-না-ম্মিনোতি ব্ৰহ্মৱনি-ন্ত্ৱা ক্ষত্ৰৱনিমিত্যাহ যথাযজুৰেৱৈত-দ্ঘৃতেন দ্যাৱাপৃথিৱী আ পৃণেথামিত্যৌদুবংৰ্যা-ঞ্জুহোতি দ্যাৱাপৃথিৱী এৱ ৰসেনানক্ত্যা-ন্তমন্ৱ-ৱস্ৰাৱযত্যান্তমেৱ যজমান-ন্তেজসা-নক্ত্যৈন্দ্ৰমসীতি ছদিৰধি নি দধাত্যৈন্দ্ৰগ্ং হি দেৱতযা সদো ৱিশ্ৱজনস্য ছাযেত্যাহ ৱিশ্ৱজনস্য হ্যেষা ছাযা য-থ্সদো নৱছদি [নৱছদি, তেজস্কামস্য] 53
তেজস্কামস্য মিনুযা-ত্ত্ৰিৱৃতা স্তোমেন সম্মিত-ন্তেজস্ত্ৰিৱৃ-ত্তেজস্ৱ্যেৱ ভৱ-ত্যেকাদশ-ছদীন্দ্ৰিযকাম-স্যৈকাদশাক্ষৰা ত্ৰিষ্টুগিন্দ্ৰিয-ন্ত্ৰিষ্টুগিন্দ্ৰিযাৱ্যেৱ ভৱতি পঞ্চদশছদি ভ্ৰাতৃৱ্যৱতঃ পঞ্চদশো ৱজ্ৰো ভ্ৰাতৃৱ্যাভিভূত্যৈ সপ্তদশছদি প্ৰজাকামস্য সপ্তদশঃ প্ৰজাপতিঃ প্ৰজাপতেৰাপ্ত্যা একৱিগ্ংশতিছদি প্ৰতিষ্ঠাকাম-স্যৈকৱিগ্ংশ-স্স্তোমানা-ম্প্ৰতিষ্ঠা প্ৰতিষ্ঠিত্যা উদৰং-ৱৈঁ সদ ঊৰ্গুদুবংৰো মদ্ধ্যত ঔদুবংৰী-ম্মিনোতি মদ্ধ্যত এৱ প্ৰজানামূৰ্জ-ন্দধাতি তস্মা- [তস্মাত্, মদ্ধ্যত ঊৰ্জা] 54
-ন্মদ্ধ্যত ঊৰ্জা ভুঞ্জতে যজমানলোকে ৱৈ দক্ষিণানি ছদীগ্ংষি ভ্ৰাতৃৱ্যলোক উত্তৰাণি দক্ষিণান্যুত্তৰাণি কৰোতি যজমান-মেৱা-যজমানাদুত্তৰ-ঙ্কৰোতি তস্মা-দ্যজমানো-ঽযজমানাদুত্তৰো ঽন্তৰ্ৱৰ্তান্ কৰোতি ৱ্যাৱৃত্ত্যৈ তস্মাদৰণ্য-ম্প্ৰজা উপ জীৱন্তি পৰি ত্ৱা গিৰ্ৱণো গিৰ ইত্যাহ যথাযজুৰেৱৈতদিন্দ্ৰস্য স্যূৰসীন্দ্ৰস্য ধ্ৰুৱমসীত্যাহৈন্দ্ৰগ্ং হি দেৱতযা সদো য-ম্প্ৰথম-ঙ্গ্ৰন্থি-ঙ্গ্ৰথ্নীযাদ্য-ত্ত-ন্ন ৱিস্ৰগ্ং সযেদমেহেনাদ্ধ্ৱৰ্যুঃ প্ৰমীযেত তস্মা-থ্স ৱিস্ৰস্যঃ ॥ 55 ॥

(অপহত্যৈ - তস্মাত্ - পিতৃদেৱত্যং - তেনৈৱ - নৱছদি - তস্মাথ্ - সদঃ - পঞ্চদশ চ) (অ. 10)
শিৰো ৱা এত-দ্যজ্ঞস্য যদ্ধৱিৰ্ধান-ম্প্ৰাণা উপৰৱা হৱিৰ্ধানে খাযন্তে তস্মা-চ্ছীৰ্ষ-ন্প্ৰাণা অধস্তা-ত্খাযন্তে তস্মা-দধস্তা-চ্ছীৰ্ষ্ণঃ প্ৰাণা ৰক্ষোহণো ৱলগহনো ৱৈষ্ণৱা-ন্খনামীত্যাহ ৱৈষ্ণৱা হি দেৱতযোপৰৱা অসুৰা ৱৈ নিৰ্যন্তো দেৱানা-ম্প্ৰাণেষু ৱলগা-ন্ন্যখন-ন্তা-ন্বাহুমাত্ৰে-ঽন্ৱৱিন্দ-ন্তস্মা-দ্বাহুমাত্ৰাঃ খাযন্ত ইদমহ-ন্তং-ৱঁলগ-মুদ্ৱপামি [ ] 56
য-ন্নঃ সমানো যমসমানো নিচখানেত্যাহ দ্ৱৌ ৱাৱ পুৰুষৌ যশ্চৈৱ সমানো যশ্চাসমানো যমেৱাস্মৈ তৌ ৱলগ-ন্নিখনতস্ত-মেৱোদ্ৱপতি সন্তৃণত্তি তস্মা-থ্সন্তৃণ্ণা অন্তৰতঃ প্ৰাণা ন স-ম্ভিনত্তি তস্মা-দসভিন্ন্নাঃ প্ৰাণা অপো-ঽৱ নযতি তস্মা-দাৰ্দ্ৰা অন্তৰতঃ প্ৰাণা যৱমতী-ৰৱ নয- [-ৰৱ নযতি, ঊৰ্গ্ৱৈ] 57
-ত্যূৰ্গ্ৱৈ যৱঃ প্ৰাণা উপৰৱাঃ প্ৰাণেষ্ৱেৱোৰ্জ-ন্দধাতি বৰ্হিৰৱ স্তৃণাতি তস্মাল্লোমশা অন্তৰতঃ প্ৰাণা আজ্যেন ৱ্যাঘাৰযতি তেজো ৱা আজ্য-ম্প্ৰাণা উপৰৱাঃ প্ৰাণেষ্ৱেৱ তেজো দধাতি হনূ ৱা এতে যজ্ঞস্য যদধিষৱণে ন স-ন্তৃণত্ত্য সতৃংণ্ণে হি হনূ অথো খলু দীৰ্ঘসোমে সতৃন্দ্যে ধৃত্যৈ শিৰো ৱা এত-দ্যজ্ঞস্য যদ্ধৱিৰ্ধান- [যদ্ধৱিৰ্ধানম্, প্ৰাণা উপৰৱা হনূ] 58
-ম্প্ৰাণা উপৰৱা হনূ অধিষৱণে জিহ্ৱা চৰ্ম গ্ৰাৱাণো দন্তা মুখমাহৱনীযো নাসিকো-ত্তৰৱেদি-ৰুদৰগ্ং সদো যদা খলু ৱৈ জিহ্ৱযা দথ্স্ৱধি খাদত্যথ মুখ-ঙ্গচ্ছতি যদা মুখ-ঙ্গচ্ছত্যথোদৰ-ঙ্গচ্ছতি তস্মাদ্ধৱিৰ্ধানে চৰ্মন্নধি গ্ৰাৱভিৰভিষুত্যা-ঽঽহৱনীযে হুত্ৱা প্ৰত্যঞ্চঃ পৰেত্য সদসি ভক্ষযন্তি যো ৱৈ ৱিৰাজো যজ্ঞমুখে দোহং-ৱেঁদ দুহ এৱৈ নামিযং-ৱৈঁ ৱিৰা-ট্তস্যৈ ত্ৱক্চৰ্মোধো-ঽধিষৱণে স্তনা উপৰৱা গ্ৰাৱাণো ৱথ্সা ঋত্ৱিজো দুহন্তি সোমঃ পযো য এৱং-ৱেঁদ দুহ এৱৈনাম্ ॥ 59 ॥

(ৱপামি-যৱমতীৰৱ নযতি-হৱিৰ্ধান-মেৱ-ত্ৰযোৱিগ্ংশতিশ্চ) (অ. 11)
(যদুভৌ - দেৱাসুৰাঃ মিথ - স্তেষাগ্ং - সুৱৰ্গং - ঁযদ্ৱা অনীশানঃ - পুৰোহৱিষি - তেভ্যঃ - সোত্তৰৱেদি - ৰ্বদ্ধন্ - দেৱস্যা-ঽভ্ৰিং-ৱঁজ্ৰঃ - শিৰো ৱা - একাদশ )
(যদুভা - ৱিত্যাহ দেৱানাং - ঁযজ্ঞো দেৱেভ্যো - ন ৰথায - যজমানায - পৰস্তাদৰ্ৱাচী - ন্নৱ পঞ্চাশত্)
(যদুভৌ, দুহ এৱৈনাম্)
॥ হৰিঃ ওম্ ॥