6.2 - ಯದುಭೌ ವಿಮುಚ್ಯಾತಿಥ್ಯಮ್ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾಂ ಷಷ್ಠಕಾಣ್ಡೇ ದ್ವಿತೀಯಃ ಪ್ರಶ್ನಃ - ಸೋಮಮನ್ತ್ರಬ್ರಾಹ್ಮಣನಿರೂಪಣಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,

ಶ್ರೀ ಗುರುಭ್ಯೋ ನಮಃ । ಹರಿಃ ಓಮ್ ॥
ಯದುಭೌ ವಿಮುಚ್ಯಾ-ಽಽತಿಥ್ಯ-ಙ್ಗೃಹ್ಣೀಯಾ-ದ್ಯಜ್ಞಂ-ವಿಁಚ್ಛಿನ್ದ್ಯಾ-ದ್ಯದುಭಾವ-ವಿಮುಚ್ಯ ಯಥಾ-ಽನಾಗತಾಯಾ-ಽಽತಿಥ್ಯ-ಙ್ಕ್ರಿಯತೇ ತಾದೃಗೇವ ತ-ದ್ವಿಮುಕ್ತೋ-ಽನ್ಯೋ-ಽನಡ್ವಾ-ನ್ಭವತ್ಯ ವಿಮುಕ್ತೋ-ಽನ್ಯೋ-ಽಥಾ-ಽಽತಿಥ್ಯ-ಙ್ಗೃಹ್ಣಾತಿ ಯಜ್ಞಸ್ಯ ಸನ್ತತ್ಯೈ ಪತ್ನ್ಯನ್ವಾರಭತೇ ಪತ್ನೀ ಹಿ ಪಾರೀಣಹ್ಯಸ್ಯೇಶೇ ಪತ್ನಿಯೈ ವಾನುಮತ-ನ್ನಿರ್ವಪತಿ ಯದ್ವೈ ಪತ್ನೀ ಯಜ್ಞಸ್ಯ ಕರೋತಿ ಮಿಥುನ-ನ್ತದಥೋ ಪತ್ನಿಯಾ ಏವೈ- [ಪತ್ನಿಯಾ ಏವ, ಏಷ] 1
-ಷ ಯಜ್ಞಸ್ಯಾನ್ವಾರಭೋಂ ಽನವಚ್ಛಿತ್ತ್ಯೈ ಯಾವ-ದ್ಭಿರ್ವೈ ರಾಜಾ-ಽನುಚರೈರಾಗಚ್ಛತಿ ಸರ್ವೇಭ್ಯೋ ವೈ ತೇಭ್ಯ ಆತಿಥ್ಯ-ಙ್ಕ್ರಿಯತೇ ಛನ್ದಾಗ್ಂಸಿ ಖಲು ವೈ ಸೋಮಸ್ಯ ರಾಜ್ಞೋ-ಽನುಚರಾಣ್ಯಗ್ನೇ-ರಾತಿಥ್ಯಮಸಿ ವಿಷ್ಣವೇ ತ್ವೇತ್ಯಾಹ ಗಾಯತ್ರಿಯಾ ಏವೈತೇನ ಕರೋತಿ ಸೋಮಸ್ಯಾ-ಽಽತಿಥ್ಯಮಸಿ ವಿಷ್ಣವೇ ತ್ವೇತ್ಯಾಹ ತ್ರಿಷ್ಟುಭ ಏವೈತೇನ ಕರೋತ್ಯತಿಥೇರಾತಿಥ್ಯಮಸಿ ವಿಷ್ಣವೇ ತ್ವೇತ್ಯಾಹ ಜಗತ್ಯಾ [ಜಗತ್ಯೈ, ಏವೈತೇನ] 2
ಏವೈತೇನ ಕರೋತ್ಯಗ್ನಯೇ ತ್ವಾ ರಾಯಸ್ಪೋಷದಾವ್ನ್ನೇ ವಿಷ್ಣವೇ ತ್ವೇತ್ಯಾಹಾನುಷ್ಟುಭ ಏವೈತೇನ ಕರೋತಿ ಶ್ಯೇನಾಯ ತ್ವಾ ಸೋಮಭೃತೇ ವಿಷ್ಣವೇ ತ್ವೇತ್ಯಾಹ ಗಾಯತ್ರಿಯಾ ಏವೈತೇನ ಕರೋತಿ ಪಞ್ಚ ಕೃತ್ವೋ ಗೃಹ್ಣಾತಿ ಪಞ್ಚಾಕ್ಷರಾ ಪಙ್ಕ್ತಿಃ ಪಾಙ್ಕ್ತೋ ಯಜ್ಞೋ ಯಜ್ಞಮೇವಾವ ರುನ್ಧೇ ಬ್ರಹ್ಮವಾದಿನೋ ವದನ್ತಿ ಕಸ್ಮಾ-ಥ್ಸತ್ಯಾ-ದ್ಗಾಯತ್ರಿಯಾ ಉಭಯತ ಆತಿಥ್ಯಸ್ಯ ಕ್ರಿಯತ ಇತಿ ಯದೇವಾ-ಽದ-ಸ್ಸೋಮಮಾ- [ಯದೇವಾ-ಽದ-ಸ್ಸೋಮಮಾ, ಆಹರ-ತ್ತಸ್ಮಾ-] 3
-ಽಹರ-ತ್ತಸ್ಮಾ-ದ್ಗಾಯತ್ರಿಯಾ ಉಭಯತ ಆತಿಥ್ಯಸ್ಯ ಕ್ರಿಯತೇ ಪುರಸ್ತಾಚ್ಚೋ ಪರಿಷ್ಟಾಚ್ಚ ಶಿರೋ ವಾ ಏತ-ದ್ಯಜ್ಞಸ್ಯ ಯದಾತಿಥ್ಯ-ನ್ನವಕಪಾಲಃ ಪುರೋಡಾಶೋ ಭವತಿ ತಸ್ಮಾನ್ನವಧಾ ಶಿರೋ ವಿಷ್ಯೂತ-ನ್ನವಕಪಾಲಃ ಪುರೋಡಾಶೋ ಭವತಿ ತೇ ತ್ರಯಸ್ತ್ರಿಕಪಾಲಾಸ್ತ್ರಿವೃತಾ ಸ್ತೋಮೇನ ಸಮ್ಮಿತಾಸ್ತೇಜಸ್ತ್ರಿವೃ-ತ್ತೇಜ ಏವ ಯಜ್ಞಸ್ಯ ಶೀರ್ಷ-ನ್ದಧಾತಿ ನವಕಪಾಲಃ ಪುರೋಡಾಶೋ ಭವತಿ ತೇ ತ್ರಯಸ್ತ್ರಿಕಪಾಲಾಸ್ತ್ರಿವೃತಾ ಪ್ರಾಣೇನ ಸಮ್ಮಿತಾಸ್ತ್ರಿವೃದ್ವೈ [ ] 4
ಪ್ರಾಣ-ಸ್ತ್ರಿವೃತಮೇವ ಪ್ರಾಣಮಭಿಪೂರ್ವಂ-ಯಁಜ್ಞಸ್ಯ ಶೀರ್ಷ-ನ್ದಧಾತಿ ಪ್ರಜಾಪತೇರ್ವಾ ಏತಾನಿ ಪಕ್ಷ್ಮಾಣಿ ಯದಶ್ವವಾಲಾ ಐಕ್ಷವೀ ತಿರಶ್ಚೀ ಯದಾಶ್ವವಾಲಃ ಪ್ರಸ್ತರೋ ಭವತ್ಯೈಕ್ಷವೀ ತಿರಶ್ಚೀ ಪ್ರಜಾಪತೇರೇವ ತಚ್ಚಕ್ಷು-ಸ್ಸಮ್ಭರತಿ ದೇವಾ ವೈ ಯಾ ಆಹುತೀರಜುಹವುಸ್ತಾ ಅಸುರಾ ನಿಷ್ಕಾವಮಾದ-ನ್ತೇ ದೇವಾಃ ಕಾರ್ಷ್ಮರ್ಯಮಪಶ್ಯನ್ ಕರ್ಮಣ್ಯೋ ವೈ ಕರ್ಮೈನೇನ ಕುರ್ವೀತೇತಿ ತೇ ಕಾರ್ಷ್ಮರ್ಯಮಯಾ-ನ್ಪರಿಧೀ- [-ನ್ಪರಿಧೀನ್, ಅಕುರ್ವತ ತೈರ್ವೈ] 5
-ನಕುರ್ವತ ತೈರ್ವೈ ತೇ ರಕ್ಷಾಗ್ಸ್ಯಪಾಘ್ನತ ಯ-ತ್ಕಾರ್ಷ್ಮರ್ಯಮಯಾಃ ಪರಿಧಯೋ ಭವನ್ತಿ ರಕ್ಷಸಾಮಪಹತ್ಯೈ ಸಗ್ಗ್ ಸ್ಪರ್ಶಯತಿ ರಕ್ಷಸಾಮನನ್ವ-ವಚಾರಾಯ ನ ಪುರಸ್ತಾ-ತ್ಪರಿ ದಧಾತ್ಯಾದಿತ್ಯೋ ಹ್ಯೇವೋದ್ಯ-ನ್ಪುರಸ್ತಾ-ದ್ರಕ್ಷಾಗ್ಸ್ಯಪಹನ್ತ್ಯೂರ್ಧ್ವೇ ಸಮಿಧಾವಾ ದಧಾತ್ಯುಪರಿಷ್ಟಾದೇವ ರಕ್ಷಾಗ್ಸ್ಯಪ ಹನ್ತಿ ಯಜುಷಾ-ಽನ್ಯಾ-ನ್ತೂಷ್ಣೀಮನ್ಯಾ-ಮ್ಮಿಥುನತ್ವಾಯ ದ್ವೇ ಆ ದಧಾತಿ ದ್ವಿಪಾ-ದ್ಯಜಮಾನಃ ಪ್ರತಿಷ್ಠಿತ್ಯೈ ಬ್ರಹ್ಮವಾದಿನೋ ವದ- [ವದನ್ತಿ, ಅಗ್ನಿಶ್ಚ ವಾ] 6
-ನ್ತ್ಯಗ್ನಿಶ್ಚ ವಾ ಏತೌ ಸೋಮಶ್ಚ ಕಥಾ ಸೋಮಾಯಾ-ಽಽತಿಥ್ಯ-ಙ್ಕ್ರಿಯತೇ ನಾಗ್ನಯ ಇತಿ ಯದಗ್ನಾವಗ್ನಿ-ಮ್ಮಥಿತ್ವಾ ಪ್ರಹರತಿ ತೇನೈವಾಗ್ನಯ ಆತಿಥ್ಯ-ಙ್ಕ್ರಿಯತೇ ಽಥೋ ಖಲ್ವಾಹುರಗ್ನಿ-ಸ್ಸರ್ವಾ ದೇವತಾ ಇತಿ ಯದ್ಧವಿರಾಸಾದ್ಯಾಗ್ನಿ-ಮ್ಮನ್ಥತಿ ಹವ್ಯಾಯೈವಾ-ಽಽಸನ್ನಾಯ ಸರ್ವಾ ದೇವತಾ ಜನಯತಿ ॥ 7 ॥

(ಪತ್ನಿಯಾ ಏವ - ಜಗತ್ಯಾ - ಆ - ತ್ರಿವೃದ್ವೈ - ಪರಿಧೀನ್ - ವದನ್ತ್ಯೇ - ಕಚತ್ವಾರಿಗ್ಂಶಚ್ಚ) (ಅ. 1)
ದೇವಾಸುರಾ-ಸ್ಸಂಯಁತ್ತಾ ಆಸ-ನ್ತೇ ದೇವಾ ಮಿಥೋ ವಿಪ್ರಿಯಾ ಆಸ-ನ್ತೇ-ಽ(1)ನ್ಯೋ-ಽನ್ಯಸ್ಮೈ ಜ್ಯೈಷ್ಠ್ಯಾಯಾತಿಷ್ಠಮಾನಾಃ ಪಞ್ಚಧಾ ವ್ಯಕ್ರಾಮನ್ನಗ್ನಿರ್ವಸುಭಿ-ಸ್ಸೋಮೋ ರುದ್ರೈರಿನ್ದ್ರೋ ಮರುದ್ಭಿ-ರ್ವರುಣ ಆದಿತ್ಯೈ-ರ್ಬೃಹಸ್ಪತಿ-ರ್ವಿಶ್ವೈರ್ದೇವೈಸ್ತೇ ಽಮನ್ಯನ್ತಾಸುರೇಭ್ಯೋ ವಾ ಇದ-ಮ್ಭ್ರಾತೃವ್ಯೇಭ್ಯೋ ರದ್ಧ್ಯಾಮೋ ಯನ್ಮಿಥೋ ವಿಪ್ರಿಯಾ-ಸ್ಸ್ಮೋ ಯಾ ನ ಇಮಾಃ ಪ್ರಿಯಾಸ್ತನುವಸ್ತಾ-ಸ್ಸಮವದ್ಯಾಮಹೈ ತಾಭ್ಯ-ಸ್ಸ ನಿರ್-ಋಚ್ಛಾದ್ಯೋ [ನಿರ್-ಋಚ್ಛಾದ್ಯಃ, ನಃ ಪ್ರಥಮೋ(1)-ಽನ್ಯೋ] 8
ನಃ ಪ್ರಥಮೋ(1)-ಽನ್ಯೋ-ಽನ್ಯಸ್ಮೈ ದ್ರುಹ್ಯಾದಿತಿ ತಸ್ಮಾದ್ಯ-ಸ್ಸತಾನೂನಪ್ತ್ರಿಣಾ-ಮ್ಪ್ರಥಮೋ ದ್ರುಹ್ಯತಿ ಸ ಆರ್ತಿಮಾರ್ಚ್ಛತಿ ಯ-ತ್ತಾನೂನಪ್ತ್ರಗ್ಂ ಸಮವದ್ಯತಿ ಭ್ರಾತೃವ್ಯಾಭಿಭೂತ್ಯೈ ಭವತ್ಯಾತ್ಮನಾ ಪರಾ-ಽಸ್ಯ ಭ್ರಾತೃವ್ಯೋ ಭವತಿ ಪಞ್ಚ ಕೃತ್ವೋ-ಽವದ್ಯತಿ ಪಞ್ಚಧಾ ಹಿ ತೇ ತ-ಥ್ಸಮವಾದ್ಯನ್ತಾಥೋ ಪಞ್ಚಾಕ್ಷರಾ ಪಙ್ಕ್ತಿಃ ಪಾಙ್ಕ್ತೋ ಯಜ್ಞೋ ಯಜ್ಞಮೇವಾವ ರುನ್ಧ ಆಪತಯೇ ತ್ವಾ ಗೃಹ್ಣಾಮೀತ್ಯಾಹ ಪ್ರಾಣೋ ವಾ [ಪ್ರಾಣೋ ವೈ, ಆಪತಿಃ] 9
ಆಪತಿಃ ಪ್ರಾಣಮೇವ ಪ್ರೀಣಾತಿ ಪರಿಪತಯ ಇತ್ಯಾಹ ಮನೋ ವೈ ಪರಿಪತಿರ್ಮನ ಏವ ಪ್ರೀಣಾತಿ ತನೂನಪ್ತ್ರ ಇತ್ಯಾಹ ತನುವೋ ಹಿ ತೇ ತಾ-ಸ್ಸಮವಾದ್ಯನ್ತ ಶಾಕ್ವರಾಯೇತ್ಯಾಹ ಶಕ್ತ್ಯೈ ಹಿ ತೇ ತಾ-ಸ್ಸಮವಾದ್ಯನ್ತ ಶಕ್ಮ-ನ್ನೋಜಿಷ್ಠಾಯೇತ್ಯಾಹೌಜಿಷ್ಠಗ್ಂ ಹಿ ತೇ ತ ದಾತ್ಮನಃ ಸಮವಾದ್ಯನ್ತಾ--ನಾಧೃಷ್ಟ-ಮಸ್ಯನಾಧೃಷ್ಯ-ಮಿತ್ಯಾಹಾ-ಽನಾಧೃಷ್ಟಗ್ಗ್ ಹ್ಯೇತದನಾಧೃಷ್ಯ-ನ್ದೇವಾನಾ-ಮೋಜ [ದೇವಾನಾ-ಮೋಜಃ, ಇತ್ಯಾಹ] 10
ಇತ್ಯಾಹ ದೇವಾನಾಗ್ ಹ್ಯೇತದೋಜೋ-ಽಭಿಶಸ್ತಿಪಾ ಅನಭಿಶಸ್ತೇನ್ಯಮಿತ್ಯಾಹಾ-ಭಿಶಸ್ತಿಪಾ ಹ್ಯೇತದ -ನಭಿಶಸ್ತೇನ್ಯಮನು ಮೇ ದೀಕ್ಷಾ-ನ್ದೀಕ್ಷಾಪತಿ-ರ್ಮನ್ಯತಾಮಿತ್ಯಾಹ ಯಥಾಯಜುರೇವೈತ-ದ್ಘೃತಂ-ವೈಁ ದೇವಾ ವಜ್ರ-ಙ್ಕೃತ್ವಾ ಸೋಮಮಘ್ನ-ನ್ನನ್ತಿಕಮಿವ ಖಲು ವಾ ಅಸ್ಯೈತಚ್ಚರನ್ತಿ ಯ-ತ್ತಾನೂನಪ್ತ್ರೇಣ ಪ್ರಚರನ್ತ್ಯಗ್ಂ ಶುರಗ್ಂ ಶುಸ್ತೇ ದೇವ ಸೋಮಾ-ಽಽ ಪ್ಯಾಯತಾ-ಮಿತ್ಯಾಹ ಯ- [-ಮಿತ್ಯಾಹ ಯತ್, ಏವಾಸ್ಯಾ-] 11
-ದೇವಾಸ್ಯಾ-ಪುವಾಯತೇ ಯನ್ಮೀಯತೇ-ತದೇವಾಸ್ಯೈತೇನಾ-ಽಽ ಪ್ಯಾಯಯತ್ಯಾ ತುಭ್ಯಮಿನ್ದ್ರಃ ಪ್ಯಾಯತಾಮಾ ತ್ವಮಿನ್ದ್ರಾಯ ಪ್ಯಾಯಸ್ವೇತ್ಯಾ-ಹೋಭಾವೇವೇನ್ದ್ರ-ಞ್ಚ ಸೋಮ-ಞ್ಚಾ-ಽಽಪ್ಯಾಯಯತ್ಯಾ ಪ್ಯಾಯಯ ಸಖೀನ್-ಥ್ಸನ್ಯಾ ಮೇಧಯೇತ್ಯಾಹರ್ತ್ವಿಜೋ ವಾ ಅಸ್ಯ ಸಖಾಯಸ್ತಾ-ನೇವಾ-ಽಽಪ್ಯಾಯಯತಿ ಸ್ವಸ್ತಿ ತೇ ದೇವ ಸೋಮ ಸುತ್ಯಾಮಶೀಯೇ- [ಸುತ್ಯಾಮಶೀಯ, ಇತ್ಯಾಹಾ ಽಽಶಿಷ-] 12
-ತ್ಯಾಹಾ ಽಽಶಿಷ-ಮೇವೈತಾಮಾ ಶಾಸ್ತೇ ಪ್ರ ವಾ ಏತೇ-ಽಸ್ಮಾ-ಲ್ಲೋಕಾಚ್ಚ್ಯವನ್ತೇ ಯೇ ಸೋಮಮಾ-ಪ್ಯಾಯಯನ್ತ್ಯ-ನ್ತರಿಕ್ಷದೇವತ್ಯೋ ಹಿ ಸೋಮ ಆಪ್ಯಾಯಿತ ಏಷ್ಟಾ ರಾಯಃ ಪ್ರೇಷೇ ಭಗಾಯೇತ್ಯಾಹ ದ್ಯಾವಾಪೃಥಿವೀಭ್ಯಾಮೇವ ನಮಸ್ಕೃತ್ಯಾಸ್ಮಿನ್ ಁಲೋಕೇ ಪ್ರತಿ ತಿಷ್ಠನ್ತಿ ದೇವಾಸುರಾ-ಸ್ಸಂಯಁತ್ತಾ ಆಸ-ನ್ತೇ ದೇವಾ ಬಿಭ್ಯತೋ-ಽಗ್ನಿ-ಮ್ಪ್ರಾವಿಶ-ನ್ತಸ್ಮಾದಾಹುರಗ್ನಿ-ಸ್ಸರ್ವಾ ದೇವತಾ ಇತಿ ತೇ- [ದೇವತಾ ಇತಿ ತೇ, ಅಗ್ನಿಮೇವ] 13
-ಽಗ್ನಿಮೇವ ವರೂಥ-ಙ್ಕೃತ್ವಾ ಽಸುರಾನಭ್ಯಭವ-ನ್ನಗ್ನಿಮಿವ ಖಲು ವಾ ಏಷ ಪ್ರವಿಶತಿ ಯೋ-ಽವಾನ್ತರದೀಕ್ಷಾಮುಪೈತಿ ಭ್ರಾತೃವ್ಯಾಭಿಭೂತ್ಯೈ ಭವತ್ಯಾತ್ಮನಾ ಪರಾ-ಽಸ್ಯ ಭ್ರಾತೃವ್ಯೋ ಭವತ್ಯಾತ್ಮಾನಮೇವ ದೀಕ್ಷಯಾ ಪಾತಿ ಪ್ರಜಾಮವಾನ್ತರದೀಕ್ಷಯಾ ಸನ್ತರಾ-ಮ್ಮೇಖಲಾಗ್ಂ ಸಮಾಯಚ್ಛತೇ ಪ್ರಜಾ ಹ್ಯಾತ್ಮನೋ-ಽನ್ತರತರಾ ತಪ್ತವ್ರತೋ ಭವತಿ ಮದನ್ತೀಭಿರ್ಮಾರ್ಜಯತೇ ನಿರ್ಹ್ಯಗ್ನಿ-ಶ್ಶೀತೇನ ವಾಯತಿ ಸಮಿದ್ಧ್ಯೈ ಯಾ ತೇ ಅಗ್ನೇ ರುದ್ರಿಯಾ ತನೂರಿತ್ಯಾಹ ಸ್ವಯೈವೈನ-ದ್ದೇವತಯಾ ವ್ರತಯತಿ ಸಯೋನಿತ್ವಾಯ ಶಾನ್ತ್ಯೈ ॥ 14 ॥

(ಯೋ - ವಾ - ಓಜ - ಆಹ ಯ - ದಶೀಯೇ - ತಿ ತೇ - ಽಗ್ನ - ಏಕಾದಶ ಚ) (ಅ. 2)
ತೇಷಾಮಸುರಾಣಾ-ನ್ತಿಸ್ರಃ ಪುರ ಆಸ-ನ್ನಯಸ್ಮ-ಯ್ಯವಮಾ-ಽಥ ರಜತಾ-ಽಥ ಹರಿಣೀ ತಾ ದೇವಾ ಜೇತು-ನ್ನಾಶಕ್ನುವ-ನ್ತಾ ಉಪಸದೈವಾಜಿಗೀಷ-ನ್ತಸ್ಮಾದಾಹುರ್ಯಶ್ಚೈವಂ-ವೇಁದ ಯಶ್ಚ ನೋಪಸದಾ ವೈ ಮಹಾಪುರ-ಞ್ಜಯನ್ತೀತಿ ತ ಇಷುಗ್ಂ ಸಮಸ್ಕುರ್ವತಾ- ಗ್ನಿಮನೀಕಗ್ಂ ಸೋಮಗ್ಂ ಶಲ್ಯಂ-ವಿಁಷ್ಣು-ನ್ತೇಜನ-ನ್ತೇ-ಽಬ್ರುವನ್ ಕ ಇಮಾಮಸಿಷ್ಯತೀತಿ [ ] 15
ರುದ್ರ ಇತ್ಯಬ್ರುವ-ನ್ರುದ್ರೋ ವೈ ಕ್ರೂರ-ಸ್ಸೋ-ಽಸ್ಯತ್ವಿತಿ ಸೋ-ಽಬ್ರವೀ-ದ್ವರಂ-ವೃಁಣಾ ಅಹಮೇವ ಪಶೂನಾ-ಮಧಿಪತಿರಸಾನೀತಿ ತಸ್ಮಾ-ದ್ರುದ್ರಃ ಪಶೂನಾ-ಮಧಿಪತಿಸ್ತಾಗ್ಂ ರುದ್ರೋ-ಽವಾಸೃಜ-ಥ್ಸ ತಿಸ್ರಃ ಪುರೋ ಭಿತ್ತ್ವೈಭ್ಯೋ ಲೋಕೇಭ್ಯೋ- ಽಸುರಾ-ನ್ಪ್ರಾಣುದತ ಯದುಪಸದ ಉಪಸದ್ಯನ್ತೇ ಭ್ರಾತೃವ್ಯಪರಾಣುತ್ಯೈ ನಾನ್ಯಾಮಾಹುತಿ-ಮ್ಪುರಸ್ತಾ-ಜ್ಜುಹುಯಾ-ದ್ಯದನ್ಯಾಮಾಹುತಿ-ಮ್ಪುರಸ್ತಾ-ಜ್ಜುಹುಯಾ- [-ಜ್ಜುಹುಯಾತ್, ಅನ್ಯನ್ಮುಖ-ಙ್ಕುರ್ಯಾ-] 16
-ದನ್ಯನ್ಮುಖ-ಙ್ಕುರ್ಯಾ-ಥ್ಸ್ರುವೇಣಾ-ಽಘಾರಮಾ ಘಾರಯತಿ ಯಜ್ಞಸ್ಯ ಪ್ರಜ್ಞಾತ್ಯೈ ಪರಾಂಅತಿಕ್ರಮ್ಯ ಜುಹೋತಿ ಪರಾಚ ಏವೈಭ್ಯೋ ಲೋಕೇಭ್ಯೋ ಯಜಮಾನೋ ಭ್ರಾತೃವ್ಯಾ-ನ್ಪ್ರ ಣುದತೇ ಪುನರತ್ಯಾಕ್ರಮ್ಯೋಪಸದ-ಞ್ಜುಹೋತಿ ಪ್ರಣುದ್ಯೈವೈಭ್ಯೋ ಲೋಕೇಭ್ಯೋ ಭ್ರಾತೃವ್ಯಾಞ್ಜಿತ್ವಾ ಭ್ರಾತೃವ್ಯಲೋಕ-ಮಭ್ಯಾರೋಹತಿ ದೇವಾ ವೈ ಯಾಃ ಪ್ರಾತರುಪಸದ ಉಪಾಸೀದ-ನ್ನಹ್ನಸ್ತಾಭಿರಸುರಾ-ನ್ಪ್ರಾಣುದನ್ತ ಯಾ-ಸ್ಸಾಯಗ್ಂ ರಾತ್ರಿಯೈ ತಾಭಿರ್ಯ-ಥ್ಸಾಯ-ಮ್ಪ್ರಾತ-ರುಪಸದ- [-ರುಪಸದಃ, ಉಪಸದ್ಯನ್ತೇ] 17
ಉಪಸದ್ಯನ್ತೇ ಽಹೋರಾತ್ರಾಭ್ಯಾಮೇವ ತ-ದ್ಯಜಮಾನೋ ಭ್ರಾತೃವ್ಯಾ-ನ್ಪ್ರ ಣುದತೇ ಯಾಃ ಪ್ರಾತರ್ಯಾಜ್ಯಾ-ಸ್ಸ್ಯುಸ್ತಾ-ಸ್ಸಾಯ-ಮ್ಪುರೋ-ಽನುವಾಕ್ಯಾಃ ಕುರ್ಯಾದಯಾತಯಾಮತ್ವಾಯ ತಿಸ್ರ ಉಪಸದ ಉಪೈತಿ ತ್ರಯ ಇಮೇ ಲೋಕಾ ಇಮಾನೇವ ಲೋಕಾ-ನ್ಪ್ರೀಣಾತಿ ಷಟ್-ಥ್ಸ-ಮ್ಪದ್ಯನ್ತೇ ಷಡ್ವಾ ಋತವ ಋತೂನೇವ ಪ್ರೀಣಾತಿ ದ್ವಾದಶಾಹೀನೇ ಸೋಮ ಉಪೈತಿ ದ್ವಾದಶ ಮಾಸಾ-ಸ್ಸಂವಁಥ್ಸರ-ಸ್ಸವನ್ಥ್ಸರಮೇವ ಪ್ರೀಣಾತಿ ಚತುರ್ವಿಗ್ಂಶತಿ-ಸ್ಸ- [ಚತುರ್ವಿಗ್ಂಶತಿ-ಸ್ಸಮ್, ಪದ್ಯನ್ತೇ ಚತುರ್ವಿಗ್ಂಶತಿ-] 18
-ಮ್ಪದ್ಯನ್ತೇ ಚತುರ್ವಿಗ್ಂಶತಿ-ರರ್ಧಮಾಸಾ ಅರ್ಧಮಾಸಾನೇವ ಪ್ರೀಣಾತ್ಯಾರಾಗ್ರಾ-ಮವಾನ್ತರದೀಕ್ಷಾ-ಮುಪೇಯಾದ್ಯಃ ಕಾಮಯೇತಾ-ಽಸ್ಮಿ-ನ್ಮೇ ಲೋಕೇ-ಽರ್ಧುಕಗ್ಗ್ ಸ್ಯಾದಿತ್ಯೇಕಮಗ್ರೇ-ಽಥ ದ್ವಾವಥ ತ್ರೀನಥ ಚತುರ ಏಷಾ ವಾ ಆರಾಗ್ರಾ ಽವಾನ್ತರದೀಕ್ಷಾ ಽಸ್ಮಿನ್ನೇವಾಸ್ಮೈ ಲೋಕೇ-ಽರ್ಧುಕ-ಮ್ಭವತಿ ಪರೋವರೀಯಸೀ-ಮವಾನ್ತರದೀಕ್ಷಾ-ಮುಪೇಯಾದ್ಯಃ ಕಾಮಯೇತಾಮುಷ್ಮಿ-ನ್ಮೇ ಲೋಕೇ-ಽರ್ಧುಕಗ್ಗ್ ಸ್ಯಾದಿತಿ ಚತುರೋ-ಽಗ್ರೇ ಽಥ ತ್ರೀನಥ ದ್ವಾವಥೈಕಮೇಷಾ ವೈ ಪರೋವರೀಯಸ್ಯ-ವಾನ್ತರದೀಕ್ಷಾ ಽಮುಷ್ಮಿನ್ನೇವಾಸ್ಮೈ ಲೋಕೇ-ಽರ್ಧುಕ-ಮ್ಭವತಿ ॥ 19 ॥

(ಅಸಿಷ್ಯತೀತಿ - ಜುಹುಯಾಥ್ - ಸಾಯ-ಮ್ಪ್ರಾತರುಪಸದ - ಶ್ಚತುರ್ವಿಗ್ಂಶತಿ-ಸ್ಸಂ - ಚತುರೋ-ಽಗ್ರೇ - ಷೋಡಶ ಚ) (ಅ. 3)
ಸುವರ್ಗಂ-ವಾಁ ಏತೇ ಲೋಕಂ-ಯಁನ್ತಿ ಯ ಉಪಸದ ಉಪಯನ್ತಿ ತೇಷಾಂ-ಯಁ ಉನ್ನಯತೇ ಹೀಯತ ಏವ ಸ ನೋದನೇಷೀತಿ ಸೂನ್ನೀಯಮಿವ ಯೋ ವೈ ಸ್ವಾರ್ಥೇತಾಂ-ಯಁತಾಗ್ ಶ್ರಾನ್ತೋ ಹೀಯತ ಉತ ಸ ನಿಷ್ಟ್ಯಾಯ ಸಹ ವಸತಿ ತಸ್ಮಾ-ಥ್ಸಕೃದುನ್ನೀಯ ನಾಪರಮುನ್ನಯೇತ ದದ್ಧ್ನೋನ್ನಯೇತೈತದ್ವೈ ಪಶೂನಾಗ್ಂ ರೂಪಗ್ಂ ರೂಪೇಣೈವ ಪಶೂನವ ರುನ್ಧೇ [ ] 20
ಯಜ್ಞೋ ದೇವೇಭ್ಯೋ ನಿಲಾಯತ ವಿಷ್ಣೂ ರೂಪ-ಙ್ಕೃತ್ವಾ ಸ ಪೃಥಿವೀ-ಮ್ಪ್ರಾವಿಶ-ತ್ತ-ನ್ದೇವಾ ಹಸ್ತಾನ್-ಥ್ಸಗ್ಂ ರಭ್ಯೈಚ್ಛ-ನ್ತಮಿನ್ದ್ರ ಉಪರ್ಯುಪರ್ಯತ್ಯಕ್ರಾಮ-ಥ್ಸೋ-ಽಬ್ರವೀ-ತ್ಕೋ ಮಾ-ಽಯಮುಪರ್ಯುಪರ್ಯತ್ಯಕ್ರಮೀ-ದಿತ್ಯಹ-ನ್ದುರ್ಗೇ ಹನ್ತೇತ್ಯಥ ಕಸ್ತ್ವಮಿತ್ಯಹ-ನ್ದುರ್ಗಾದಾಹರ್ತೇತಿ ಸೋ-ಽಬ್ರವೀ-ದ್ದುರ್ಗೇ ವೈ ಹನ್ತಾ-ಽವೋಚಥಾ ವರಾಹೋ-ಽಯಂ-ವಾಁಮಮೋಷ- [-ಁವಾಮಮೋಷಃ, ಸಪ್ತಾನಾ] 21
-ಸ್ಸಪ್ತಾನಾ-ಙ್ಗಿರೀಣಾ-ಮ್ಪರಸ್ತಾದ್ವಿತ್ತಂ-ವೇಁದ್ಯಮಸುರಾಣಾ-ಮ್ಬಿಭರ್ತಿ ತ-ಞ್ಜಹಿ ಯದಿ ದುರ್ಗೇ ಹನ್ತಾ-ಽಸೀತಿ ಸ ದರ್ಭಪುಞ್ಜೀಲಮು-ದ್ವೃಹ್ಯ ಸಪ್ತ ಗಿರೀ-ನ್ಭಿತ್ತ್ವಾ ತಮಹನ್-ಥ್ಸೋ-ಽಬ್ರವೀ-ದ್ದುರ್ಗಾದ್ವಾ ಆಹರ್ತಾವೋಚಥಾ ಏತಮಾ ಹರೇತಿ ತಮೇಭ್ಯೋ ಯಜ್ಞ ಏವ ಯಜ್ಞಮಾ-ಽಹರದ್ಯ-ತ್ತದ್ವಿತ್ತಂ-ವೇಁದ್ಯಮಸುರಾಣಾ-ಮವಿನ್ದನ್ತ ತದೇಕಂ-ವೇಁದ್ಯೈ ವೇದಿತ್ವ-ಮಸುರಾಣಾಂ- [-ಮಸುರಾಣಾಮ್, ವಾ ಇಯಮಗ್ರ] 22
-ಁವಾ ಇಯಮಗ್ರ ಆಸೀ-ದ್ಯಾವದಾಸೀನಃ ಪರಾಪಶ್ಯತಿ ತಾವ-ದ್ದೇವಾನಾ-ನ್ತೇ ದೇವಾ ಅಬ್ರುವನ್ನಸ್ತ್ವೇವ ನೋ-ಽಸ್ಯಾಮಪೀತಿ ಕಿಯದ್ವೋ ದಾಸ್ಯಾಮ ಇತಿ ಯಾವದಿಯಗ್ಂ ಸಲಾವೃಕೀ ತ್ರಿಃ ಪರಿಕ್ರಾಮತಿ ತಾವನ್ನೋ ದತ್ತೇತಿ ಸ ಇನ್ದ್ರಃ ಸಲಾವೃಕೀ ರೂಪ-ಙ್ಕೃತ್ವೇಮಾ-ನ್ತ್ರಿ-ಸ್ಸರ್ವತಃ ಪರ್ಯಕ್ರಾಮ-ತ್ತದಿಮಾಮವಿನ್ದನ್ತ ಯದಿಮಾಮವಿನ್ದನ್ತ ತ-ದ್ವೇದ್ಯೈ ವೇದಿತ್ವಗ್ಂ [ವೇದಿತ್ವಮ್, ಸಾ ವಾ ಇಯಗ್ಂ] 23
ಸಾ ವಾ ಇಯಗ್ಂ ಸರ್ವೈವ ವೇದಿರಿಯತಿ ಶಕ್ಷ್ಯಾಮೀತಿ ತ್ವಾ ಅವಮಾಯ ಯಜನ್ತೇ ತ್ರಿಗ್ಂಶ-ತ್ಪದಾನಿ ಪಶ್ಚಾ-ತ್ತಿರಶ್ಚೀ ಭವತಿ ಷಟ್ತ್ರಿಗ್ಂಶ-ತ್ಪ್ರಾಚೀ ಚತುರ್ವಿಗ್ಂಶತಿಃ ಪುರಸ್ತಾ-ತ್ತಿರಶ್ಚೀ ದಶದಶ ಸಮ್ಪದ್ಯನ್ತೇ ದಶಾಕ್ಷರಾ ವಿರಾಡನ್ನಂ-ವಿಁರಾ-ಡ್ವಿರಾಜೈವಾನ್ನಾದ್ಯಮವ ರುನ್ಧ ಉದ್ಧನ್ತಿ ಯದೇವಾಸ್ಯಾ ಅಮೇದ್ಧ್ಯ-ನ್ತದಪ ಹನ್ತ್ಯುದ್ಧನ್ತಿ ತಸ್ಮಾದೋಷಧಯಃ ಪರಾ ಭವನ್ತಿ ಬರ್ಹಿ-ಸ್ಸ್ತೃಣಾತಿ ತಸ್ಮಾದೋಷಧಯಃ ಪುನರಾ ಭವನ್ತ್ಯುತ್ತರ-ಮ್ಬರ್ಹಿಷ ಉತ್ತರಬರ್ಹಿ-ಸ್ಸ್ತೃಣಾತಿ ಪ್ರಜಾ ವೈ ಬರ್ಹಿರ್ಯಜಮಾನ ಉತ್ತರ ಬರ್ಹಿ ರ್ಯಜಮಾನ-ಮೇವಾ-ಯಜಮಾನಾದುತ್ತರ-ಙ್ಕರೋತಿ ತಸ್ಮಾ-ದ್ಯಜಮಾನೋ ಽಯಜಮಾನಾದುತ್ತರಃ ॥ 24 ॥

(ರುನ್ಧೇ - ವಾಮಮೋಷೋ - ವೇದಿತ್ವಮಸುರಾಣಾಂ - ಁವೇದಿತ್ವಂ - ಭವನ್ತಿ - ಪಞ್ಚವಿಗ್ಂಶತಿಶ್ಚ) (ಅ. 4)
ಯದ್ವಾ ಅನೀಶಾನೋ ಭಾರಮಾದತ್ತೇ ವಿ ವೈ ಸ ಲಿಶತೇ ಯ-ದ್ದ್ವಾದಶ ಸಾಹ್ನಸ್ಯೋಪಸದ-ಸ್ಸ್ಯುಸ್ರೋ-ಽಹೀನಸ್ಯ ಯಜ್ಞಸ್ಯ ವಿಲೋಮ ಕ್ರಿಯೇತ ತಿಸ್ರ ಏವ ಸಾಹ್ನಸ್ಯೋಪಸದೋ ದ್ವಾದಶಾಹೀನಸ್ಯ ಯಜ್ಞಸ್ಯ ಸವೀರ್ಯತ್ವಾಯಾಥೋ ಸಲೋಮ ಕ್ರಿಯತೇ ವಥ್ಸಸ್ಯೈಕ-ಸ್ಸ್ತನೋ ಭಾಗೀ ಹಿ ಸೋ-ಽಥೈಕಗ್ಗ್ ಸ್ತನಂ-ವ್ರಁತಮುಪೈತ್ಯಥ ದ್ವಾವಥ ತ್ರೀನಥ ಚತುರ ಏತದ್ವೈ [ ] 25
ಕ್ಷುರಪವಿ ನಾಮ ವ್ರತಂ-ಯೇಁನ ಪ್ರ ಜಾತಾ-ನ್ಭ್ರಾತೃವ್ಯಾ-ನ್ನುದತೇ ಪ್ರತಿ ಜನಿಷ್ಯಮಾಣಾನಥೋ ಕನೀಯಸೈವ ಭೂಯ ಉಪೈತಿ ಚತುರೋ-ಽಗ್ರೇ ಸ್ತನಾನ್ ವ್ರತಮುಪೈತ್ಯಥ ತ್ರೀನಥ ದ್ವಾವಥೈಕಮೇತದ್ವೈ ಸುಜಘನ-ನ್ನಾಮ ವ್ರತ-ನ್ತಪಸ್ಯಗ್ಂ ಸುವರ್ಗ್ಯಮಥೋ ಪ್ರೈವ ಜಾಯತೇ ಪ್ರಜಯಾ ಪಶುಭಿರ್ಯವಾಗೂ ರಾಜನ್ಯಸ್ಯ ವ್ರತ-ಙ್ಕ್ರೂರೇವ ವೈ ಯವಾಗೂಃ ಕ್ರೂರ ಇವ [ಕ್ರೂರ ಇವ, ರಾಜನ್ಯೋ ವಜ್ರಸ್ಯ] 26
ರಾಜನ್ಯೋ ವಜ್ರಸ್ಯ ರೂಪಗ್ಂ ಸಮೃದ್ಧ್ಯಾ ಆಮಿಕ್ಷಾ ವೈಶ್ಯಸ್ಯ ಪಾಕಯಜ್ಞಸ್ಯ ರೂಪ-ಮ್ಪುಷ್ಟ್ಯೈ ಪಯೋ ಬ್ರಾಹ್ಮಣಸ್ಯ ತೇಜೋ ವೈ ಬ್ರಾಹ್ಮಣಸ್ತೇಜಃ ಪಯಸ್ತೇಜಸೈವ ತೇಜಃ ಪಯ ಆತ್ಮ-ನ್ಧತ್ತೇ ಽಥೋ ಪಯಸಾ ವೈ ಗರ್ಭಾ ವರ್ಧನ್ತೇ ಗರ್ಭ ಇವ ಖಲು ವಾ ಏಷ ಯ-ದ್ದೀಕ್ಷಿತೋ ಯದಸ್ಯ ಪಯೋ ವ್ರತ-ಮ್ಭವತ್ಯಾತ್ಮಾನಮೇವ ತ-ದ್ವರ್ಧಯತಿ ತ್ರಿವ್ರತೋ ವೈ ಮನುರಾಸೀ-ದ್ದ್ವಿವ್ರತಾ ಅಸುರಾ ಏಕವ್ರತಾ [ಏಕವ್ರತಾಃ, ದೇವಾಃ ಪ್ರಾತರ್ಮದ್ಧ್ಯನ್ದಿನೇ] 27
ದೇವಾಃ ಪ್ರಾತರ್ಮದ್ಧ್ಯನ್ದಿನೇ ಸಾಯ-ನ್ತ-ನ್ಮನೋರ್ವ್ರತಮಾಸೀ-ತ್ಪಾಕಯಜ್ಞಸ್ಯ ರೂಪ-ಮ್ಪುಷ್ಟ್ಯೈ ಪ್ರಾತಶ್ಚ ಸಾಯ-ಞ್ಚಾಸುರಾಣಾ-ನ್ನಿರ್ಮದ್ಧ್ಯ-ಙ್ಕ್ಷುಧೋ ರೂಪ-ನ್ತತಸ್ತೇ ಪರಾ-ಽಭವ-ನ್ಮದ್ಧ್ಯನ್ದಿನೇ ಮದ್ಧ್ಯರಾತ್ರೇ ದೇವಾನಾ-ನ್ತತಸ್ತೇ-ಽಭವನ್-ಥ್ಸುವರ್ಗಂ-ಲೋಁಕಮಾಯನ್. ಯದಸ್ಯ ಮದ್ಧ್ಯನ್ದಿನೇ ಮದ್ಧ್ಯರಾತ್ರೇ ವ್ರತ-ಮ್ಭವತಿ ಮದ್ಧ್ಯತೋ ವಾ ಅನ್ನೇನ ಭುಞ್ಜತೇ ಮದ್ಧ್ಯತ ಏವ ತದೂರ್ಜ-ನ್ಧತ್ತೇ ಭ್ರಾತೃವ್ಯಾಭಿಭೂತ್ಯೈ ಭವತ್ಯಾತ್ಮನಾ [ಭವತ್ಯಾತ್ಮನಾ, ಪರಾ-ಽಸ್ಯ ಭ್ರಾತೃವ್ಯೋ] 28
ಪರಾ-ಽಸ್ಯ ಭ್ರಾತೃವ್ಯೋ ಭವತಿ ಗರ್ಭೋ ವಾ ಏಷ ಯ-ದ್ದೀಕ್ಷಿತೋ ಯೋನಿ ರ್ದೀಕ್ಷಿತವಿಮಿತಂ-ಯಁ-ದ್ದೀಕ್ಷಿತೋ ದೀಕ್ಷಿತವಿಮಿತಾ-ತ್ಪ್ರವಸೇ-ದ್ಯಥಾ ಯೋನೇರ್ಗರ್ಭ-ಸ್ಸ್ಕನ್ದತಿ ತಾದೃಗೇವ ತನ್ನ ಪ್ರವಸ್ತವ್ಯಮಾತ್ಮನೋ ಗೋಪೀಥಾಯೈಷ ವೈ ವ್ಯಾಘ್ರಃ ಕುಲಗೋಪೋ ಯದಗ್ನಿಸ್ತಸ್ಮಾ-ದ್ಯ-ದ್ದೀಕ್ಷಿತಃ ಪ್ರವಸೇ-ಥ್ಸ ಏನಮೀಶ್ವರೋ-ಽನೂತ್ಥಾಯ ಹನ್ತೋರ್ನ ಪ್ರವಸ್ತವ್ಯಮಾತ್ಮನೋ ಗುಪ್ತ್ಯೈ ದಕ್ಷಿಣತ-ಶ್ಶಯ ಏತದ್ವೈ ಯಜಮಾನಸ್ಯಾ ಽಽಯತನಗ್ಗ್ಸ್ವ ಏವಾ-ಽಽಯತನೇ ಶಯೇ ಽಗ್ನಿಮಭ್ಯಾವೃತ್ಯ ಶಯೇ ದೇವತಾ ಏವ ಯಜ್ಞಮಭ್ಯಾವೃತ್ಯ ಶಯೇ ॥ 29 ॥

(ಏತದ್ವೈ-ಕ್ರೂರ ಇವೈ-ಕವ್ರತಾ-ಆತ್ಮನಾ-ಯಜಮಾನಸ್ಯ-ತ್ರಯೋದಶ ಚ) (ಅ. 5)
ಪುರೋಹವಿಷಿ ದೇವಯಜನೇ ಯಾಜಯೇದ್ಯ-ಙ್ಕಾಮಯೇತೋಪೈನಮುತ್ತರೋ ಯಜ್ಞೋ ನಮೇದಭಿ ಸುವರ್ಗಂ-ಲೋಁಕ-ಞ್ಜಯೇದಿತ್ಯೇತದ್ವೈ ಪುರೋಹವಿರ್ದೇವಯಜನಂ-ಯಁಸ್ಯ ಹೋತಾ ಪ್ರಾತರನುವಾಕ -ಮನುಬ್ರುವ-ನ್ನಗ್ನಿಮಪ ಆದಿತ್ಯಮಭಿ ವಿಪಶ್ಯತ್ಯುಪೈನಮುತ್ತರೋ ಯಜ್ಞೋ ನಮತ್ಯಭಿ ಸುವರ್ಗಂ-ಲೋಁಕ-ಞ್ಜಯತ್ಯಾಪ್ತೇ ದೇವಯಜನೇ ಯಾಜಯೇ--ದ್ಭ್ರಾತೃವ್ಯವನ್ತ-ಮ್ಪನ್ಥಾಂ-ವಾಁ-ಽಧಿಸ್ಪರ್ಶಯೇ-ತ್ಕರ್ತಂ-ವಾಁ ಯಾವನ್ನಾನಸೇ ಯಾತವೈ [ ] 30
ನ ರಥಾಯೈತದ್ವಾ ಆಪ್ತ-ನ್ದೇವಯಜನಮಾಪ್ನೋತ್ಯೇವ ಭ್ರಾತೃವ್ಯ-ನ್ನೈನ-ಮ್ಭ್ರಾತೃವ್ಯ ಆಪ್ನೋತ್ಯೇಕೋನ್ನತೇ ದೇವಯಜನೇ ಯಾಜಯೇ-ತ್ಪಶುಕಾಮ-ಮೇಕೋನ್ನತಾದ್ವೈ ದೇವಯಜನಾದಙ್ಗಿರಸಃ ಪಶೂನಸೃಜನ್ತಾನ್ತರಾ ಸದೋಹವಿರ್ಧಾನೇ ಉನ್ನತಗ್ಗ್ ಸ್ಯಾದೇತದ್ವಾ ಏಕೋನ್ನತ-ನ್ದೇವಯಜನ-ಮ್ಪಶುಮಾನೇವ ಭವತಿ ತ್ರ್ಯುನ್ನತೇ ದೇವಯಜನೇ ಯಾಜಯೇ-ಥ್ಸುವರ್ಗಕಾಮ-ನ್ತ್ರ್ಯುನ್ನತಾದ್ವೈ ದೇವಯಜನಾದಙ್ಗಿರಸ-ಸ್ಸುವರ್ಗಂ-ಲೋಁಕಮಾಯ-ನ್ನನ್ತರಾ ಽಽಹವನೀಯ-ಞ್ಚ ಹವಿರ್ಧಾನ-ಞ್ಚೋ- [ಹವಿರ್ಧಾನ-ಞ್ಚ, ಉನ್ನತಗ್ಗ್ ಸ್ಯಾದನ್ತರಾ] 31
-ನ್ನತಗ್ಗ್ ಸ್ಯಾದನ್ತರಾ ಹವಿರ್ಧಾನ-ಞ್ಚ ಸದಶ್ಚಾನ್ತರಾ ಸದಶ್ಚ ಗಾರ್ಹಪತ್ಯ-ಞ್ಚೈತದ್ವೈ ತ್ರ್ಯುನ್ನತ-ನ್ದೇವಯಜನಗ್ಂ ಸುವರ್ಗಮೇವ ಲೋಕಮೇತಿ ಪ್ರತಿಷ್ಠಿತೇ ದೇವಯಜನೇ ಯಾಜಯೇ-ತ್ಪ್ರತಿಷ್ಠಾಕಾಮಮೇತದ್ವೈ ಪ್ರತಿಷ್ಠಿತ-ನ್ದೇವಯಜನಂ-ಯಁ-ಥ್ಸರ್ವತಃ ಸಮ-ಮ್ಪ್ರತ್ಯೇವ ತಿಷ್ಠತಿ ಯತ್ರಾನ್ಯಾ ಅನ್ಯಾ ಓಷಧಯೋ ವ್ಯತಿಷಕ್ತಾ-ಸ್ಸ್ಯುಸ್ತ-ದ್ಯಾಜಯೇ-ತ್ಪಶುಕಾಮಮೇತದ್ವೈ ಪಶೂನಾಗ್ಂ ರೂಪಗ್ಂ ರೂಪೇಣೈವಾಸ್ಮೈ ಪಶೂ- [ಪಶೂನ್, ಅವ ರುನ್ಧೇ] 32
-ನವ ರುನ್ಧೇ ಪಶುಮಾನೇವ ಭವತಿ ನಿರ್-ಋತಿಗೃಹೀತೇ ದೇವಯಜನೇ ಯಾಜಯೇದ್ಯ-ಙ್ಕಾಮಯೇತ ನಿರ್-ಋತ್ಯಾಸ್ಯ ಯಜ್ಞ-ಙ್ಗ್ರಾಹಯೇಯಮಿತ್ಯೇತದ್ವೈ ನಿರ್-ಋತಿಗೃಹೀತ-ನ್ದೇವಯಜನಂ-ಯಁ-ಥ್ಸದೃಶ್ಯೈ ಸತ್ಯಾ ಋಕ್ಷ-ನ್ನಿರ್-ಋತ್ಯೈವಾಸ್ಯ ಯಜ್ಞ-ಙ್ಗ್ರಾಹಯತಿ ವ್ಯಾವೃತ್ತೇ ದೇವಯಜನೇ ಯಾಜಯೇ-ದ್ವ್ಯಾವೃತ್ಕಾಮಂ-ಯಁ-ಮ್ಪಾತ್ರೇ ವಾ ತಲ್ಪೇ ವಾ ಮೀಮಾಗ್ಂಸೇರ-ನ್ಪ್ರಾಚೀನಮಾಹವನೀಯಾ-ತ್ಪ್ರವಣಗ್ಗ್ ಸ್ಯಾ-ತ್ಪ್ರತೀಚೀನ-ಙ್ಗಾರ್ಹಪತ್ಯಾದೇತದ್ವೈ ವ್ಯಾವೃತ್ತ-ನ್ದೇವಯಜನಂ-ವಿಁ ಪಾಪ್ಮನಾ ಭ್ರಾತೃವ್ಯೇಣಾ- ಽಽವರ್ತತೇ ನೈನ-ಮ್ಪಾತ್ರೇ ನ ತಲ್ಪೇ ಮೀಮಾಗ್ಂ ಸನ್ತೇ ಕಾರ್ಯೇ ದೇವಯಜನೇ ಯಾಜಯೇ-ದ್ಭೂತಿಕಾಮ-ಙ್ಕಾಯಾ ವೈ ಪುರುಷೋ ಭವತ್ಯೇವ ॥ 33 ॥

(ಯಾತವೈ - ಹವಿರ್ಧಾನ-ಞ್ಚ - ಪಶೂನ್ - ಪಾಪ್ಮನಾ - ಽಷ್ಟಾದಶ ಚ) (ಅ. 6)
ತೇಭ್ಯ ಉತ್ತರವೇದಿ-ಸ್ಸಿಗ್ಂಹೀ ರೂಪ-ಙ್ಕೃತ್ವೋಭಯಾ-ನನ್ತರಾ-ಽಪಕ್ರಮ್ಯಾತಿಷ್ಠ-ತ್ತೇ ದೇವಾ ಅಮನ್ಯನ್ತ ಯತರಾನ್. ವಾ ಇಯಮುಪಾವರ್ಥ್ಸ್ಯತಿ ತ ಇದ-ಮ್ಭವಿಷ್ಯನ್ತೀತಿ ತಾಮುಪಾಮನ್ತ್ರಯನ್ತ ಸಾ-ಽಬ್ರವೀ-ದ್ವರಂ-ವೃಁಣೈ ಸರ್ವಾ-ನ್ಮಯಾ ಕಾಮಾನ್ ವ್ಯಶ್ಞವಥ ಪೂರ್ವಾ-ನ್ತು ಮಾ-ಽಗ್ನೇರಾಹುತಿರಶ್ಞವತಾ ಇತಿ ತಸ್ಮಾದುತ್ತರವೇದಿ-ಮ್ಪೂರ್ವಾಮಗ್ನೇ- ರ್ವ್ಯಾಘಾರಯನ್ತಿ ವಾರೇವೃತಗ್ಗ್ ಹ್ಯಸ್ಯೈ ಶಮ್ಯಯಾ ಪರಿ ಮಿಮೀತೇ [ಮಿಮೀತೇ, ಮಾತ್ರೈವಾ-ಽಸ್ಯೈ] 34
ಮಾತ್ರೈವಾ-ಽಸ್ಯೈ ಸಾಥೋ ಯುಕ್ತೇನೈವ ಯುಕ್ತಮವ ರುನ್ಧೇ ವಿತ್ತಾಯನೀ ಮೇ-ಽಸೀತ್ಯಾಹ ವಿತ್ತಾ ಹ್ಯೇನಾನಾವ-ತ್ತಿಕ್ತಾಯನೀ ಮೇ-ಽಸೀತ್ಯಾಹ ತಿಕ್ತಾನ್. ಹ್ಯೇನಾನಾವದವತಾನ್ಮಾ ನಾಥಿತಮಿತ್ಯಾಹ ನಾಥಿತಾನ್. ಹ್ಯೇನಾನಾವದವತಾನ್ಮಾ ವ್ಯಥಿತಮಿತ್ಯಾಹ ವ್ಯಥಿತಾನ್. ಹ್ಯೇನಾನಾವ-ದ್ವಿದೇ-ರಗ್ನಿ-ರ್ನಭೋ ನಾಮಾ- [-ರ್ನಭೋ ನಾಮಾ, ಅಗ್ನೇ ಅಙ್ಗಿರ ಇತಿ] 35
-ಽಗ್ನೇ ಅಙ್ಗಿರ ಇತಿ ತ್ರಿರ್ಹರತಿ ಯ ಏವೈಷು ಲೋಕೇಷ್ವಗ್ನಯ-ಸ್ತಾನೇವಾವ ರುನ್ಧೇ ತೂಷ್ಣೀ-ಞ್ಚತುರ್ಥಗ್ಂ ಹರತ್ಯನಿ-ರುಕ್ತಮೇವಾವ ರುನ್ಧೇ ಸಿಗ್ಂಹೀರಸಿ ಮಹಿಷೀರಸೀತ್ಯಾಹ ಸಿಗ್ಂಹೀರ್ಹ್ಯೇಷಾ ರೂಪ-ಙ್ಕೃತ್ವೋಭಯಾ-ನನ್ತರಾ ಽಪಕ್ರಮ್ಯಾತಿಷ್ಠದುರು ಪ್ರಥಸ್ವೋರು ತೇ ಯಜ್ಞಪತಿಃ ಪ್ರಥತಾಮಿತ್ಯಾಹ ಯಜಮಾನಮೇವ ಪ್ರಜಯಾ ಪಶುಭಿಃ ಪ್ರಥಯತಿ ಧ್ರುವಾ- [ಧ್ರುವಾ, ಅಸೀತಿ ಸಗ್ಂ ಹನ್ತಿ] 36
-ಽಸೀತಿ ಸಗ್ಂ ಹನ್ತಿ ಧೃತ್ಯೈ ದೇವೇಭ್ಯಃ ಶುನ್ಧಸ್ವ ದೇವೇಭ್ಯಃ ಶುಮ್ಭಸ್ವೇತ್ಯವ ಚೋಕ್ಷತಿ ಪ್ರ ಚ ಕಿರತಿ ಶುದ್ಧ್ಯಾ ಇನ್ದ್ರಘೋಷಸ್ತ್ವಾ ವಸುಭಿಃ ಪುರಸ್ತಾ-ತ್ಪಾತ್ವಿತ್ಯಾಹ ದಿಗ್ಭ್ಯ ಏವೈನಾ-ಮ್ಪ್ರೋಕ್ಷತಿ ದೇವಾಗ್ಶ್ಚೇದು-ತ್ತರವೇದಿರುಪಾವವರ್ತೀಹೈವ ವಿ ಜಯಾಮಹಾ ಇತ್ಯಸುರಾ ವಜ್ರಮುದ್ಯತ್ಯ ದೇವಾನಭ್ಯಾಯನ್ತ ತಾನಿನ್ದ್ರಘೋಷೋ ವಸುಭಿಃ ಪುರಸ್ತಾದಪಾ- [ಪುರಸ್ತಾದಪಾ, ಅನುದತ ಮನೋಜವಾಃ] 37
-ನುದತ ಮನೋಜವಾಃ ಪಿತೃಭಿ ರ್ದಕ್ಷಿಣತಃ ಪ್ರಚೇತಾ ರುದ್ರೈಃ ಪಶ್ಚಾ-ದ್ವಿಶ್ವಕರ್ಮಾ-ಽಽದಿತ್ಯೈರುತ್ತರತೋ ಯದೇವಮುತ್ತರವೇದಿ-ಮ್ಪ್ರೋಕ್ಷತಿ ದಿಗ್ಭ್ಯ ಏವ ತ-ದ್ಯಜಮಾನೋ ಭ್ರಾತೃವ್ಯಾ-ನ್ಪ್ರ ಣುದತ ಇನ್ದ್ರೋ ಯತೀನ್-ಥ್ಸಾಲಾವೃಕೇಭ್ಯಃ ಪ್ರಾಯಚ್ಛ-ತ್ತಾ-ನ್ದಕ್ಷಿಣತ ಉತ್ತರವೇದ್ಯಾ ಆದನ್ ಯ-ತ್ಪ್ರೋಕ್ಷಣೀನಾ-ಮುಚ್ಛಿಷ್ಯೇತ ತ-ದ್ದಕ್ಷಿಣತ ಉತ್ತರವೇದ್ಯೈ ನಿ ನಯೇ-ದ್ಯದೇವ ತತ್ರ ಕ್ರೂರ-ನ್ತ-ತ್ತೇನ ಶಮಯತಿ ಯ-ನ್ದ್ವಿಷ್ಯಾ-ತ್ತ-ನ್ಧ್ಯಾಯೇಚ್ಛುಚೈ ವೈನಮರ್ಪಯತಿ ॥ 38 ॥

(ಮಿಮೀತೇ - ನಾಮ - ಧ್ರುವಾ - ಽಪ - ಶುಚಾ - ತ್ರೀಣಿ ಚ) ( ಆ7)
ಸೋತ್ತರವೇದಿರಬ್ರವೀ-ಥ್ಸರ್ವಾ-ನ್ಮಯಾ ಕಾಮಾನ್ ವ್ಯಶ್ಞವಥೇತಿ ತೇ ದೇವಾ ಅಕಾಮಯನ್ತಾಸುರಾ-ನ್ಭ್ರಾತೃವ್ಯಾನಭಿ ಭವೇಮೇತಿ ತೇ-ಽಜುಹವು-ಸ್ಸಿಗ್ಂಹೀರಸಿ ಸಪತ್ನಸಾಹೀ ಸ್ವಾಹೇತಿ ತೇ-ಽಸುರಾ-ನ್ಭ್ರಾತೃವ್ಯಾ-ನಭ್ಯಭವ-ನ್ತೇ-ಽಸುರಾ-ನ್ಭ್ರಾತೃವ್ಯಾ-ನಭಿಭೂಯಾಕಾಮಯನ್ತ ಪ್ರಜಾಂ-ವಿಁನ್ದೇಮಹೀತಿ ತೇ-ಽಜುಹವು-ಸ್ಸಿಗ್ಂಹೀರಸಿ ಸುಪ್ರಜಾವನಿ-ಸ್ಸ್ವಾಹೇತಿ ತೇ ಪ್ರಜಾಮವಿನ್ದನ್ತ ತೇ ಪ್ರಜಾಂ-ವಿಁತ್ತ್ವಾ- [ಪ್ರಜಾಂ-ವಿಁತ್ತ್ವಾ,ಅಕಾಮಯನ್ತ ಪಶೂನ್. ] 39
-ಽಕಾಮಯನ್ತ ಪಶೂನ್. ವಿನ್ದೇಮಹೀತಿ ತೇ-ಽಜುಹವು-ಸ್ಸಿಗ್ಂಹೀರಸಿ ರಾಯಸ್ಪೋಷವನಿ-ಸ್ಸ್ವಾಹೇತಿ ತೇ ಪಶೂನವಿನ್ದನ್ತ ತೇ ಪಶೂನ್. ವಿತ್ತ್ವಾ-ಽಕಾಮಯನ್ತ ಪ್ರತಿಷ್ಠಾಂ-ವಿಁನ್ದೇಮಹೀತಿ ತೇ-ಽಜುಹವು-ಸ್ಸಿಗ್ಂಹೀ-ರಸ್ಯಾದಿತ್ಯವನಿ-ಸ್ಸ್ವಾಹೇತಿ ತ ಇಮಾ-ಮ್ಪ್ರತಿಷ್ಠಾಮವಿನ್ದನ್ತ ತ ಇಮಾ-ಮ್ಪ್ರತಿಷ್ಠಾಂ-ವಿಁತ್ತ್ವಾ-ಽಕಾಮಯನ್ತ ದೇವತಾ ಆಶಿಷ ಉಪೇಯಾಮೇತಿ ತೇ-ಽಜುಹವು-ಸ್ಸಿಗ್ಂಹೀರಸ್ಯಾ ವಹ ದೇವಾ-ನ್ದೇವಯತೇ [ ] 40
ಯಜಮಾನಾಯ ಸ್ವಾಹೇತಿ ತೇ ದೇವತಾ ಆಶಿಷ ಉಪಾಯ-ನ್ಪಞ್ಚ ಕೃತ್ವೋ ವ್ಯಾಘಾರಯತಿ ಪಞ್ಚಾಕ್ಷರಾ ಪಙ್ಕ್ತಿಃ ಪಾಙ್ಕ್ತೋ ಯಜ್ಞೋ ಯಜ್ಞಮೇವಾವ ರುನ್ಧೇ ಽಕ್ಷ್ಣಯಾ ವ್ಯಾಘಾರಯತಿ ತಸ್ಮಾದಕ್ಷ್ಣಯಾ ಪಶವೋ-ಽಙ್ಗಾನಿ ಪ್ರಹರನ್ತಿ ಪ್ರತಿಷ್ಠಿತ್ಯೈ ಭೂತೇಭ್ಯಸ್ತ್ವೇತಿ ಸ್ರುಚಮುದ್ಗೃಹ್ಣಾತಿ ಯ ಏವ ದೇವಾ ಭೂತಾಸ್ತೇಷಾ-ನ್ತ-ದ್ಭಾಗಧೇಯ-ನ್ತಾನೇವ ತೇನ ಪ್ರೀಣಾತಿ ಪೌತುದ್ರವಾ-ನ್ಪರಿಧೀ-ನ್ಪರಿ ದಧಾತ್ಯೇಷಾಂ- [ದಧಾತ್ಯೇಷಾಮ್, ಲೋಕಾನಾಂ-ವಿಁಧೃತ್ಯಾ] 41
-ಁಲೋಕಾನಾಂ-ವಿಁಧೃತ್ಯಾ ಅಗ್ನೇಸ್ತ್ರಯೋ ಜ್ಯಾಯಾಗ್ಂಸೋ ಭ್ರಾತರ ಆಸ-ನ್ತೇ ದೇವೇಭ್ಯೋ ಹವ್ಯಂ-ವಁಹನ್ತಃ ಪ್ರಾಮೀಯನ್ತ ಸೋ-ಽಗ್ನಿರಬಿಭೇದಿತ್ಥಂ-ವಾಁವ ಸ್ಯ ಆರ್ತಿಮಾ-ಽರಿಷ್ಯತೀತಿ ಸ ನಿಲಾಯತ ಸ ಯಾಂ-ವಁನಸ್ಪತಿಷ್ವವಸತ್ತಾ-ಮ್ಪೂತುದ್ರೌ ಯಾಮೋಷಧೀಷು ತಾಗ್ಂ ಸುಗನ್ಧಿತೇಜನೇ ಯಾ-ಮ್ಪಶುಷು ತಾ-ಮ್ಪೇತ್ವಸ್ಯಾನ್ತರಾ ಶೃಙ್ಗೇ ತ-ನ್ದೇವತಾಃ ಪ್ರೈಷಮೈಚ್ಛ-ನ್ತಮನ್ವವಿನ್ದ-ನ್ತ-ಮಬ್ರುವ- [-ಮಬ್ರುವನ್ನ್, ಉಪ ನ ಆ] 42
-ನ್ನುಪ ನ ಆ ವರ್ತಸ್ವ ಹವ್ಯ-ನ್ನೋ ವಹೇತಿ ಸೋ-ಽಬ್ರವೀ-ದ್ವರಂ-ವೃಁಣೈ ಯದೇವ ಗೃಹೀತಸ್ಯಾಹುತಸ್ಯ ಬಹಿಃಪರಿಧಿ ಸ್ಕನ್ದಾ-ತ್ತನ್ಮೇ ಭ್ರಾತೃಣಾ-ಮ್ಭಾಗಧೇಯ-ಮಸದಿತಿ ತಸ್ಮಾ-ದ್ಯ-ದ್ಗೃಹೀತಸ್ಯಾ-ಽಹುತಸ್ಯ ಬಹಿಃಪರಿಧಿ ಸ್ಕನ್ದತಿ ತೇಷಾ-ನ್ತ-ದ್ಭಾಗಧೇಯ-ನ್ತಾನೇವ ತೇನ ಪ್ರೀಣಾತಿ ಸೋ-ಽಮನ್ಯತಾ-ಽಸ್ಥನ್ವನ್ತೋ ಮೇ ಪೂರ್ವೇ ಭ್ರಾತರಃ ಪ್ರಾಮೇಷತಾ-ಽಸ್ಥಾನಿ ಶಾತಯಾ ಇತಿ ಸ ಯಾ- [ಸ ಯಾನಿ, ] 43
-ನ್ಯಸ್ಥಾನ್ಯಶಾತಯತ ತ-ತ್ಪೂತುದ್ರ್ವ-ಭವ-ದ್ಯನ್ಮಾಗ್ಂ ಸಮುಪಮೃತ-ನ್ತ-ದ್ಗುಲ್ಗುಲು ಯದೇತಾನ್-ಥ್ಸಭಾಂರಾನ್-ಥ್ಸ-ಮ್ಭರತ್ಯಗ್ನಿಮೇವ ತ-ಥ್ಸಮ್ಭರತ್ಯಗ್ನೇಃ ಪುರೀಷ-ಮಸೀತ್ಯಾಹಾ-ಽಗ್ನೇರ್ಹ್ಯೇತ-ತ್ಪುರೀಷಂ-ಯಁ-ಥ್ಸಮ್ಭಾರಾ ಅಥೋ ಖಲ್ವಾಹುರೇತೇ ವಾವೈನ-ನ್ತೇ ಭ್ರಾತರಃ ಪರಿ ಶೇರೇ ಯ-ತ್ಪೌತುದ್ರವಾಃ ಪರಿಧಯ ಇತಿ ॥ 44 ॥

(ವಿತ್ತ್ವಾ - ದೇವಯತ - ಏಷಾ - ಮಬ್ರುವನ್ - ಯಾನಿ - ಚತುಶ್ಚತ್ವಾರಿಗ್ಂಶಚ್ಚ) (ಅ. 8)
ಬದ್ಧಮವ ಸ್ಯತಿ ವರುಣಪಾಶಾದೇವೈನೇ ಮುಞ್ಚತಿ ಪ್ರಣೇನೇಕ್ತಿ ಮೇದ್ಧ್ಯೇ ಏವೈನೇ ಕರೋತಿ ಸಾವಿತ್ರಿಯರ್ಚಾ ಹುತ್ವಾ ಹವಿರ್ಧಾನೇ ಪ್ರ ವರ್ತಯತಿ ಸವಿತೃಪ್ರಸೂತ ಏವೈನೇ ಪ್ರ ವರ್ತಯತಿ ವರುಣೋ ವಾ ಏಷ ದುರ್ವಾಗುಭಯತೋ ಬದ್ಧೋ ಯದಕ್ಷ-ಸ್ಸ ಯದು-ಥ್ಸರ್ಜೇ-ದ್ಯಜಮಾನಸ್ಯ ಗೃಹಾ-ನಭ್ಯುಥ್ಸರ್ಜೇ-ಥ್ಸುವಾಗ್ದೇವ ದುರ್ಯಾಗ್ಂ ಆ ವದೇತ್ಯಾಹ ಗೃಹಾ ವೈ ದುರ್ಯಾ-ಶ್ಶಾನ್ತ್ಯೈ ಪ- [ದುರ್ಯಾ-ಶ್ಶಾನ್ತ್ಯೈ ಪತ್ನೀ, ಉಪಾನಕ್ತಿ] 45
-ತ್ನ್ಯುಪಾನಕ್ತಿ ಪತ್ನೀ ಹಿ ಸರ್ವಸ್ಯ ಮಿತ್ರ-ಮ್ಮಿತ್ರತ್ವಾಯ ಯದ್ವೈ ಪತ್ನೀ ಯಜ್ಞಸ್ಯ ಕರೋತಿ ಮಿಥುನ-ನ್ತದಥೋ ಪತ್ನಿಯಾ ಏವೈಷ ಯಜ್ಞಸ್ಯಾ-ನ್ವಾರಭೋಂ-ಽನವಚ್ಛಿತ್ತ್ಯೈ ವರ್ತ್ಮನಾ ವಾ ಅನ್ವಿತ್ಯ ಯಜ್ಞಗ್ಂ ರಕ್ಷಾಗ್ಂಸಿ ಜಿಘಾಗ್ಂಸನ್ತಿ ವೈಷ್ಣವೀಭ್ಯಾಮೃಗ್ಭ್ಯಾಂ-ವಁರ್ತ್ಮನೋ ರ್ಜುಹೋತಿ ಯಜ್ಞೋ ವೈ ವಿಷ್ಣುರ್ಯಜ್ಞಾದೇವ ರಕ್ಷಾಗ್ಸ್ಯಪ ಹನ್ತಿ ಯದದ್ಧ್ವರ್ಯು-ರನಗ್ನಾ-ವಾಹುತಿ-ಞ್ಜುಹುಯಾ-ದನ್ಧೋ-ಽದ್ಧ್ವರ್ಯು-ಸ್ಸ್ಯಾ-ದ್ರಕ್ಷಾಗ್ಂಸಿ ಯಜ್ಞಗ್ಂ ಹನ್ಯುರ್- [ಯಜ್ಞಗ್ಂ ಹನ್ಯುಃ, ಹಿರಣ್ಯ-ಮುಪಾಸ್ಯ] 46
-ಹಿರಣ್ಯ-ಮುಪಾಸ್ಯ ಜುಹೋತ್ಯಗ್ನಿವತ್ಯೇವ ಜುಹೋತಿ ನಾನ್ಧೋ-ಽದ್ಧ್ವರ್ಯುರ್ಭವತಿ ನ ಯಜ್ಞಗ್ಂ ರಕ್ಷಾಗ್ಂಸಿ ಘ್ನನ್ತಿ ಪ್ರಾಚೀ ಪ್ರೇತಮದ್ಧ್ವರ-ಙ್ಕಲ್ಪಯನ್ತೀ ಇತ್ಯಾಹ ಸುವರ್ಗಮೇವೈನೇ ಲೋಕ-ಙ್ಗಮಯತ್ಯತ್ರ ರಮೇಥಾಂ-ವಁರ್ಷ್ಮ-ನ್ಪೃಥಿವ್ಯಾ ಇತ್ಯಾಹ ವರ್ಷ್ಮ ಹ್ಯೇತ-ತ್ಪೃಥಿವ್ಯಾ ಯ-ದ್ದೇವಯಜನಗ್ಂ ಶಿರೋ ವಾ ಏತ-ದ್ಯಜ್ಞಸ್ಯ ಯದ್ಧವಿರ್ಧಾನ-ನ್ದಿವೋ ವಾ ವಿಷ್ಣವುತ ವಾ ಪೃಥಿವ್ಯಾ [ಪೃಥಿವ್ಯಾಃ, ಇತ್ಯಾಶೀರ್ಪದಯರ್ಚಾ] 47
ಇತ್ಯಾಶೀರ್ಪದಯರ್ಚಾ ದಕ್ಷಿಣಸ್ಯ ಹವಿರ್ಧಾನಸ್ಯ ಮೇಥೀ-ನ್ನಿ ಹನ್ತಿ ಶೀರ್ಷತ ಏವ ಯಜ್ಞಸ್ಯ ಯಜಮಾನ ಆಶಿಷೋ-ಽವ ರುನ್ಧೇ ದಣ್ಡೋ ವಾ ಔಪರಸ್ತೃತೀಯಸ್ಯ ಹವಿರ್ಧಾನಸ್ಯ ವಷಟ್ಕಾರೇ-ಣಾಕ್ಷ-ಮಚ್ಛಿನ-ದ್ಯತ್-ತೃತೀಯ-ಞ್ಛದಿರ್-ಹವಿರ್ಧಾನಯೋ-ರುದಾಹ್ರಿಯತೇ ತೃತೀಯಸ್ಯ ಹವಿರ್ಧಾನಸ್ಯಾವರುದ್ಧ್ಯೈ ಶಿರೋ ವಾ ಏತ-ದ್ಯಜ್ಞಸ್ಯ ಯದ್ಧವಿರ್ಧಾನಂ-ವಿಁಷ್ಣೋ ರರಾಟಮಸಿ ವಿಷ್ಣೋಃ ಪೃಷ್ಠಮಸೀತ್ಯಾಹ ತಸ್ಮಾದೇತಾವದ್ಧಾ ಶಿರೋ ವಿಷ್ಯೂತಂ-ವಿಁಷ್ಣೋ-ಸ್ಸ್ಯೂರಸಿ ವಿಷ್ಣೋದ್ಧ್ರುವಮಸೀತ್ಯಾಹ ವೈಷ್ಣವಗ್ಂ ಹಿ ದೇವತಯಾ ಹವಿರ್ಧಾನಂ-ಯಁ-ಮ್ಪ್ರಥಮ-ಙ್ಗ್ರನ್ಥಿ-ಙ್ಗ್ರಥ್ನೀಯಾದ್ಯ-ತ್ತ-ನ್ನ ವಿಸ್ರಗ್ಂ ಸಯೇದಮೇಹೇನಾದ್ಧ್ವರ್ಯುಃ ಪ್ರಮೀಯೇತ ತಸ್ಮಾ-ಥ್ಸ ವಿಸ್ರಸ್ಯಃ ॥ 48 ॥

(ಪತ್ನೀ -ಹನ್ಯು-ರ್ವಾ ಪೃಥಿವ್ಯಾ-ವಿಷ್ಯೂತಂ-ವಿಁಷ್ಣೋಃ-ಷಡ್ವಿಗ್ಂಶತಿಶ್ಚ) (ಅ. 9)
ದೇವಸ್ಯ ತ್ವಾ ಸವಿತುಃ ಪ್ರಸವ ಇತ್ಯಭ್ರಿಮಾ ದತ್ತೇ ಪ್ರಸೂತ್ಯಾ ಅಶ್ವಿನೋ ರ್ಬಾಹುಭ್ಯಾಮಿತ್ಯಾಹಾಶ್ವಿನೌ ಹಿ ದೇವಾನಾಮದ್ಧ್ವರ್ಯೂ ಆಸ್ತಾ-ಮ್ಪೂಷ್ಣೋ ಹಸ್ತಾಭ್ಯಾಮಿತ್ಯಾಹ ಯತ್ಯೈ ವಜ್ರ ಇವ ವಾ ಏಷಾ ಯದಭ್ರಿರಭ್ರಿರಸಿ ನಾರಿರಸೀತ್ಯಾಹ ಶಾನ್ತ್ಯೈ ಕಾಣ್ಡೇ ಕಾಣ್ಡೇ ವೈ ಕ್ರಿಯಮಾಣೇ ಯಜ್ಞಗ್ಂ ರಕ್ಷಾಗ್ಂಸಿ ಜಿಘಾಗ್ಂಸನ್ತಿ ಪರಿಲಿಖಿತಗ್ಂ ರಕ್ಷಃ ಪರಿಲಿಖಿತಾ ಅರಾತಯ ಇತ್ಯಾಹ ರಕ್ಷಸಾ-ಮಪಹತ್ಯಾ [ರಕ್ಷಸಾ-ಮಪಹತ್ಯೈ, ಇದಮಹಗ್ಂ] 49
ಇದಮಹಗ್ಂ ರಕ್ಷಸೋ ಗ್ರೀವಾ ಅಪಿ ಕೃನ್ತಾಮಿ ಯೋ-ಽಸ್ಮಾ-ನ್ದ್ವೇಷ್ಟಿ ಯ-ಞ್ಚ ವಯ-ನ್ದ್ವಿಷ್ಮ ಇತ್ಯಾಹ ದ್ವೌ ವಾವ ಪುರುಷೌ ಯ-ಞ್ಚೈವ ದ್ವೇಷ್ಟಿ ಯಶ್ಚೈನ-ನ್ದ್ವೇಷ್ಟಿ ತಯೋ-ರೇವಾ-ಽನನ್ತರಾಯ-ಙ್ಗ್ರೀವಾಃ ಕೃನ್ತತಿ ದಿವೇ ತ್ವಾ-ಽನ್ತರಿಕ್ಷಾಯ ತ್ವಾ ಪೃಥಿವ್ಯೈ ತ್ವೇತ್ಯಾಹೈಭ್ಯ ಏವೈನಾಂ-ಲೋಁಕೇಭ್ಯಃ ಪ್ರೋಕ್ಷತಿ ಪರಸ್ತಾ-ದರ್ವಾಚೀ-ಮ್ಪ್ರೋಕ್ಷತಿ ತಸ್ಮಾ- [ತಸ್ಮಾತ್, ಪರಸ್ತಾ-] 50
-ತ್ಪರಸ್ತಾ-ದರ್ವಾಚೀ-ಮ್ಮನುಷ್ಯಾ ಊರ್ಜಮುಪ ಜೀವನ್ತಿ ಕ್ರೂರಮಿವ ವಾ ಏತ-ತ್ಕರೋತಿ ಯ-ತ್ಖನತ್ಯಪೋ-ಽವ ನಯತಿ ಶಾನ್ತ್ಯೈ ಯವಮತೀರವ ನಯತ್ಯೂರ್ಗ್ವೈ ಯವ ಊರ್ಗುದುಬಂರ ಊರ್ಜೈವೋರ್ಜಗ್ಂ ಸಮರ್ಧಯತಿ ಯಜಮಾನೇನ ಸಮ್ಮಿತೌದುಬಂರೀ ಭವತಿ ಯಾವಾನೇವ ಯಜಮಾನಸ್ತಾವತೀ-ಮೇವಾಸ್ಮಿ-ನ್ನೂರ್ಜ-ನ್ದಧಾತಿ ಪಿತೃಣಾಗ್ಂ ಸದನಮಸೀತಿ ಬರ್ಹಿರವ ಸ್ತೃಣಾತಿ ಪಿತೃದೇವತ್ಯಾ(1)ಗ್ಗ್- [ಪಿತೃದೇವತ್ಯಾಮ್, ಹ್ಯೇತ-ದ್ಯನ್ನಿಖಾತಂ-] 51
-ಹ್ಯೇತ-ದ್ಯನ್ನಿಖಾತಂ-ಯಁ-ದ್ಬರ್ಹಿ-ರನವಸ್ತೀರ್ಯ ಮಿನುಯಾ-ತ್ಪಿತೃದೇವತ್ಯಾ ನಿಖಾತಾ ಸ್ಯಾ-ದ್ಬರ್ಹಿ-ರವಸ್ತೀರ್ಯ ಮಿನೋತ್ಯಸ್ಯಾ-ಮೇವೈನಾ-ಮ್ಮಿನೋತ್ಯಥೋ ಸ್ವಾರುಹ-ಮೇವೈನಾ-ಙ್ಕರೋತ್ಯು-ದ್ದಿವಗ್ಗ್ ಸ್ತಭಾನಾ-ಽಽನ್ತರಿಕ್ಷ-ಮ್ಪೃಣೇತ್ಯಾಹೈಷಾಂ-ಲೋಁಕಾನಾಂ-ವಿಁಧೃತ್ಯೈ ದ್ಯುತಾನಸ್ತ್ವಾ ಮಾರುತೋ ಮಿನೋತ್ವಿತ್ಯಾಹ ದ್ಯುತಾನೋ ಹ ಸ್ಮ ವೈ ಮಾರುತೋ ದೇವಾನಾ-ಮೌದುಬಂರೀ-ಮ್ಮಿನೋತಿ ತೇನೈವೈ- [ತೇನೈವ, ಏನಾ-ಮ್ಮಿನೋತಿ ಬ್ರಹ್ಮವನಿ-ನ್ತ್ವಾ] 52
-ನಾ-ಮ್ಮಿನೋತಿ ಬ್ರಹ್ಮವನಿ-ನ್ತ್ವಾ ಕ್ಷತ್ರವನಿಮಿತ್ಯಾಹ ಯಥಾಯಜುರೇವೈತ-ದ್ಘೃತೇನ ದ್ಯಾವಾಪೃಥಿವೀ ಆ ಪೃಣೇಥಾಮಿತ್ಯೌದುಬಂರ್ಯಾ-ಞ್ಜುಹೋತಿ ದ್ಯಾವಾಪೃಥಿವೀ ಏವ ರಸೇನಾನಕ್ತ್ಯಾ-ನ್ತಮನ್ವ-ವಸ್ರಾವಯತ್ಯಾನ್ತಮೇವ ಯಜಮಾನ-ನ್ತೇಜಸಾ-ನಕ್ತ್ಯೈನ್ದ್ರಮಸೀತಿ ಛದಿರಧಿ ನಿ ದಧಾತ್ಯೈನ್ದ್ರಗ್ಂ ಹಿ ದೇವತಯಾ ಸದೋ ವಿಶ್ವಜನಸ್ಯ ಛಾಯೇತ್ಯಾಹ ವಿಶ್ವಜನಸ್ಯ ಹ್ಯೇಷಾ ಛಾಯಾ ಯ-ಥ್ಸದೋ ನವಛದಿ [ನವಛದಿ, ತೇಜಸ್ಕಾಮಸ್ಯ] 53
ತೇಜಸ್ಕಾಮಸ್ಯ ಮಿನುಯಾ-ತ್ತ್ರಿವೃತಾ ಸ್ತೋಮೇನ ಸಮ್ಮಿತ-ನ್ತೇಜಸ್ತ್ರಿವೃ-ತ್ತೇಜಸ್ವ್ಯೇವ ಭವ-ತ್ಯೇಕಾದಶ-ಛದೀನ್ದ್ರಿಯಕಾಮ-ಸ್ಯೈಕಾದಶಾಕ್ಷರಾ ತ್ರಿಷ್ಟುಗಿನ್ದ್ರಿಯ-ನ್ತ್ರಿಷ್ಟುಗಿನ್ದ್ರಿಯಾವ್ಯೇವ ಭವತಿ ಪಞ್ಚದಶಛದಿ ಭ್ರಾತೃವ್ಯವತಃ ಪಞ್ಚದಶೋ ವಜ್ರೋ ಭ್ರಾತೃವ್ಯಾಭಿಭೂತ್ಯೈ ಸಪ್ತದಶಛದಿ ಪ್ರಜಾಕಾಮಸ್ಯ ಸಪ್ತದಶಃ ಪ್ರಜಾಪತಿಃ ಪ್ರಜಾಪತೇರಾಪ್ತ್ಯಾ ಏಕವಿಗ್ಂಶತಿಛದಿ ಪ್ರತಿಷ್ಠಾಕಾಮ-ಸ್ಯೈಕವಿಗ್ಂಶ-ಸ್ಸ್ತೋಮಾನಾ-ಮ್ಪ್ರತಿಷ್ಠಾ ಪ್ರತಿಷ್ಠಿತ್ಯಾ ಉದರಂ-ವೈಁ ಸದ ಊರ್ಗುದುಬಂರೋ ಮದ್ಧ್ಯತ ಔದುಬಂರೀ-ಮ್ಮಿನೋತಿ ಮದ್ಧ್ಯತ ಏವ ಪ್ರಜಾನಾಮೂರ್ಜ-ನ್ದಧಾತಿ ತಸ್ಮಾ- [ತಸ್ಮಾತ್, ಮದ್ಧ್ಯತ ಊರ್ಜಾ] 54
-ನ್ಮದ್ಧ್ಯತ ಊರ್ಜಾ ಭುಞ್ಜತೇ ಯಜಮಾನಲೋಕೇ ವೈ ದಕ್ಷಿಣಾನಿ ಛದೀಗ್ಂಷಿ ಭ್ರಾತೃವ್ಯಲೋಕ ಉತ್ತರಾಣಿ ದಕ್ಷಿಣಾನ್ಯುತ್ತರಾಣಿ ಕರೋತಿ ಯಜಮಾನ-ಮೇವಾ-ಯಜಮಾನಾದುತ್ತರ-ಙ್ಕರೋತಿ ತಸ್ಮಾ-ದ್ಯಜಮಾನೋ-ಽಯಜಮಾನಾದುತ್ತರೋ ಽನ್ತರ್ವರ್ತಾನ್ ಕರೋತಿ ವ್ಯಾವೃತ್ತ್ಯೈ ತಸ್ಮಾದರಣ್ಯ-ಮ್ಪ್ರಜಾ ಉಪ ಜೀವನ್ತಿ ಪರಿ ತ್ವಾ ಗಿರ್ವಣೋ ಗಿರ ಇತ್ಯಾಹ ಯಥಾಯಜುರೇವೈತದಿನ್ದ್ರಸ್ಯ ಸ್ಯೂರಸೀನ್ದ್ರಸ್ಯ ಧ್ರುವಮಸೀತ್ಯಾಹೈನ್ದ್ರಗ್ಂ ಹಿ ದೇವತಯಾ ಸದೋ ಯ-ಮ್ಪ್ರಥಮ-ಙ್ಗ್ರನ್ಥಿ-ಙ್ಗ್ರಥ್ನೀಯಾದ್ಯ-ತ್ತ-ನ್ನ ವಿಸ್ರಗ್ಂ ಸಯೇದಮೇಹೇನಾದ್ಧ್ವರ್ಯುಃ ಪ್ರಮೀಯೇತ ತಸ್ಮಾ-ಥ್ಸ ವಿಸ್ರಸ್ಯಃ ॥ 55 ॥

(ಅಪಹತ್ಯೈ - ತಸ್ಮಾತ್ - ಪಿತೃದೇವತ್ಯಂ - ತೇನೈವ - ನವಛದಿ - ತಸ್ಮಾಥ್ - ಸದಃ - ಪಞ್ಚದಶ ಚ) (ಅ. 10)
ಶಿರೋ ವಾ ಏತ-ದ್ಯಜ್ಞಸ್ಯ ಯದ್ಧವಿರ್ಧಾನ-ಮ್ಪ್ರಾಣಾ ಉಪರವಾ ಹವಿರ್ಧಾನೇ ಖಾಯನ್ತೇ ತಸ್ಮಾ-ಚ್ಛೀರ್ಷ-ನ್ಪ್ರಾಣಾ ಅಧಸ್ತಾ-ತ್ಖಾಯನ್ತೇ ತಸ್ಮಾ-ದಧಸ್ತಾ-ಚ್ಛೀರ್ಷ್ಣಃ ಪ್ರಾಣಾ ರಕ್ಷೋಹಣೋ ವಲಗಹನೋ ವೈಷ್ಣವಾ-ನ್ಖನಾಮೀತ್ಯಾಹ ವೈಷ್ಣವಾ ಹಿ ದೇವತಯೋಪರವಾ ಅಸುರಾ ವೈ ನಿರ್ಯನ್ತೋ ದೇವಾನಾ-ಮ್ಪ್ರಾಣೇಷು ವಲಗಾ-ನ್ನ್ಯಖನ-ನ್ತಾ-ನ್ಬಾಹುಮಾತ್ರೇ-ಽನ್ವವಿನ್ದ-ನ್ತಸ್ಮಾ-ದ್ಬಾಹುಮಾತ್ರಾಃ ಖಾಯನ್ತ ಇದಮಹ-ನ್ತಂ-ವಁಲಗ-ಮುದ್ವಪಾಮಿ [ ] 56
ಯ-ನ್ನಃ ಸಮಾನೋ ಯಮಸಮಾನೋ ನಿಚಖಾನೇತ್ಯಾಹ ದ್ವೌ ವಾವ ಪುರುಷೌ ಯಶ್ಚೈವ ಸಮಾನೋ ಯಶ್ಚಾಸಮಾನೋ ಯಮೇವಾಸ್ಮೈ ತೌ ವಲಗ-ನ್ನಿಖನತಸ್ತ-ಮೇವೋದ್ವಪತಿ ಸನ್ತೃಣತ್ತಿ ತಸ್ಮಾ-ಥ್ಸನ್ತೃಣ್ಣಾ ಅನ್ತರತಃ ಪ್ರಾಣಾ ನ ಸ-ಮ್ಭಿನತ್ತಿ ತಸ್ಮಾ-ದಸಭಿನ್ನ್ನಾಃ ಪ್ರಾಣಾ ಅಪೋ-ಽವ ನಯತಿ ತಸ್ಮಾ-ದಾರ್ದ್ರಾ ಅನ್ತರತಃ ಪ್ರಾಣಾ ಯವಮತೀ-ರವ ನಯ- [-ರವ ನಯತಿ, ಊರ್ಗ್ವೈ] 57
-ತ್ಯೂರ್ಗ್ವೈ ಯವಃ ಪ್ರಾಣಾ ಉಪರವಾಃ ಪ್ರಾಣೇಷ್ವೇವೋರ್ಜ-ನ್ದಧಾತಿ ಬರ್ಹಿರವ ಸ್ತೃಣಾತಿ ತಸ್ಮಾಲ್ಲೋಮಶಾ ಅನ್ತರತಃ ಪ್ರಾಣಾ ಆಜ್ಯೇನ ವ್ಯಾಘಾರಯತಿ ತೇಜೋ ವಾ ಆಜ್ಯ-ಮ್ಪ್ರಾಣಾ ಉಪರವಾಃ ಪ್ರಾಣೇಷ್ವೇವ ತೇಜೋ ದಧಾತಿ ಹನೂ ವಾ ಏತೇ ಯಜ್ಞಸ್ಯ ಯದಧಿಷವಣೇ ನ ಸ-ನ್ತೃಣತ್ತ್ಯ ಸತೃಂಣ್ಣೇ ಹಿ ಹನೂ ಅಥೋ ಖಲು ದೀರ್ಘಸೋಮೇ ಸತೃನ್ದ್ಯೇ ಧೃತ್ಯೈ ಶಿರೋ ವಾ ಏತ-ದ್ಯಜ್ಞಸ್ಯ ಯದ್ಧವಿರ್ಧಾನ- [ಯದ್ಧವಿರ್ಧಾನಮ್, ಪ್ರಾಣಾ ಉಪರವಾ ಹನೂ] 58
-ಮ್ಪ್ರಾಣಾ ಉಪರವಾ ಹನೂ ಅಧಿಷವಣೇ ಜಿಹ್ವಾ ಚರ್ಮ ಗ್ರಾವಾಣೋ ದನ್ತಾ ಮುಖಮಾಹವನೀಯೋ ನಾಸಿಕೋ-ತ್ತರವೇದಿ-ರುದರಗ್ಂ ಸದೋ ಯದಾ ಖಲು ವೈ ಜಿಹ್ವಯಾ ದಥ್ಸ್ವಧಿ ಖಾದತ್ಯಥ ಮುಖ-ಙ್ಗಚ್ಛತಿ ಯದಾ ಮುಖ-ಙ್ಗಚ್ಛತ್ಯಥೋದರ-ಙ್ಗಚ್ಛತಿ ತಸ್ಮಾದ್ಧವಿರ್ಧಾನೇ ಚರ್ಮನ್ನಧಿ ಗ್ರಾವಭಿರಭಿಷುತ್ಯಾ-ಽಽಹವನೀಯೇ ಹುತ್ವಾ ಪ್ರತ್ಯಞ್ಚಃ ಪರೇತ್ಯ ಸದಸಿ ಭಕ್ಷಯನ್ತಿ ಯೋ ವೈ ವಿರಾಜೋ ಯಜ್ಞಮುಖೇ ದೋಹಂ-ವೇಁದ ದುಹ ಏವೈ ನಾಮಿಯಂ-ವೈಁ ವಿರಾ-ಟ್ತಸ್ಯೈ ತ್ವಕ್ಚರ್ಮೋಧೋ-ಽಧಿಷವಣೇ ಸ್ತನಾ ಉಪರವಾ ಗ್ರಾವಾಣೋ ವಥ್ಸಾ ಋತ್ವಿಜೋ ದುಹನ್ತಿ ಸೋಮಃ ಪಯೋ ಯ ಏವಂ-ವೇಁದ ದುಹ ಏವೈನಾಮ್ ॥ 59 ॥

(ವಪಾಮಿ-ಯವಮತೀರವ ನಯತಿ-ಹವಿರ್ಧಾನ-ಮೇವ-ತ್ರಯೋವಿಗ್ಂಶತಿಶ್ಚ) (ಅ. 11)
(ಯದುಭೌ - ದೇವಾಸುರಾಃ ಮಿಥ - ಸ್ತೇಷಾಗ್ಂ - ಸುವರ್ಗಂ - ಁಯದ್ವಾ ಅನೀಶಾನಃ - ಪುರೋಹವಿಷಿ - ತೇಭ್ಯಃ - ಸೋತ್ತರವೇದಿ - ರ್ಬದ್ಧನ್ - ದೇವಸ್ಯಾ-ಽಭ್ರಿಂ-ವಁಜ್ರಃ - ಶಿರೋ ವಾ - ಏಕಾದಶ )
(ಯದುಭಾ - ವಿತ್ಯಾಹ ದೇವಾನಾಂ - ಁಯಜ್ಞೋ ದೇವೇಭ್ಯೋ - ನ ರಥಾಯ - ಯಜಮಾನಾಯ - ಪರಸ್ತಾದರ್ವಾಚೀ - ನ್ನವ ಪಞ್ಚಾಶತ್)
(ಯದುಭೌ, ದುಹ ಏವೈನಾಮ್)
॥ ಹರಿಃ ಓಮ್ ॥