6.2 - yadubhau vimucyātithyam - kṛṣṇa yajurveda taittirīya saṃhitā pāṭhaḥ

kṛṣṇa yajurvedīya taittirīya saṃhitāyāṃ ṣaṣṭhakāṇḍe dvitīyaḥ praśnaḥ - somamantrabrāhmaṇanirūpaṇaṃ
o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | hariḥ om ||
yadubhau vimucyā̭-''tithya-ṅgṛ̭hṇīyā-dyajñaṃ-vi~cchi̭ndyā-dyadubhāva-vi̭mucya yathā-'nā̭gatāyā-''tithya-ṅkriyatḙ tādṛgeva ta-dvimṷkto-'nyo̭-'naḍvā-nbhavatya vi̭mukto-'nyo-'thā̭-''tithya-ṅgṛ̭hṇāti yajñasya santa̭tyai patnyanvāra̭bhate patnī hi pārī̭ṇahyasyeśe patni̭yai vānṷmata-nnirva̭pati yadvai patnī̭ yajñasya̭ karoti̭ mithuna-ntadatho patni̭yā evai- [patni̭yā eva, eṣa] 1
-ṣa yajñasyānvārabhoṃ 'na̭vacchittyai yāva̭-dbhirvai rājā̭-'nucarairāgaccha̭ti sarvebhyo vai tebhya̭ ātithya-ṅkri̭yate chandāgṃ̭si khalu vai soma̭sya rājño̭-'nucarāṇyagne-rā̭tithyama̭si viṣṇa̭ve tvetyā̭ha gāyatriyā evaitena̭ karoti soma̭syā-''tithyama̭si viṣṇa̭ve tvetyā̭ha triṣṭubha̭ evaitena̭ karotyati̭therātithyama̭si viṣṇa̭ve tvetyā̭ha jaga̭tyā [jaga̭tyai, evaitena̭] 2
evaitena̭ karotyagnaye tvā rāyaspoṣadāvnne viṣṇa̭ve tvetyā̭hānuṣṭubha̭ evaitena̭ karoti śyenāya̭ tvā somabhṛte viṣṇa̭ve tvetyā̭ha gāyatriyā evaitena̭ karoti pañca kṛtvo̭ gṛhṇāti pañcākṣarā paṅktiḥ pāṅkto̭ yajño yajñamevāva̭ rundhe brahmavādino̭ vadanti kasmā-thsatyā-dgā̭yatriyā ṷbhayata̭ ātithyasya̭ kriyata iti yadevā-'da-ssomamā- [yadevā-'da-ssomamā, āha̭ra-ttasmā-] 3
-'ha̭ra-ttasmā-dgāyatriyā ṷbhayata̭ ātithyasya̭ kriyate purastācco pari̭ṣṭācca śiro vā eta-dyajñasya yadā̭tithya-nnava̭kapālaḥ puroḍāśo̭ bhavati tasmānnavadhā śiro viṣyṷ̄ta-nnava̭kapālaḥ puroḍāśo̭ bhavati te traya̭strikapālāstrivṛtā stomḙna sammi̭tāsteja̭strivṛ-tteja̭ eva yajñasya̭ śīrṣa-nda̭dhāti nava̭kapālaḥ puroḍāśo̭ bhavati te traya̭strikapālāstrivṛtā prāṇena sammi̭tāstrivṛdvai [ ] 4
prāṇa-strivṛta̭meva prāṇama̭bhipūrvaṃ-ya~jñasya̭ śīrṣa-nda̭dhāti prajāpa̭tervā etāni pakṣmā̭ṇi yada̭śvavālā aikṣavī tiraścī yadāśva̭vālaḥ prastaro bhava̭tyaikṣavī tiraścī prajāpa̭tereva taccakṣu-ssambha̭rati devā vai yā āhṷtīrajṷhavustā asṷrā niṣkāva̭māda-nte devāḥ kārṣmarya̭mapaśyan karmaṇyo̭ vai karmai̭nena kurvīteti te kārṣmaryamayā-nparidhī- [-nparidhīn, akurvata tairvai] 5
-na̭kurvata tairvai te rakṣāgsyapāghnata ya-tkārṣmaryamayāḥ paridhayo bhava̭nti rakṣa̭sāmapa̭hatyai sagg spa̭rśayati rakṣa̭sāmana̭nva-vacārāya na purastā-tpari̭ dadhātyādityo hyḙvodya-npurastā-drakṣāg̭syapahantyūrdhve samidhāvā da̭dhātyupari̭ṣṭādeva rakṣāgsyapa̭ hanti yajṷṣā-'nyā-ntūṣṇīmanyā-mmi̭thunatvāya dve ā da̭dhāti dvipā-dyaja̭mānaḥ prati̭ṣṭhityai brahmavādino̭ vada- [vadanti, agniśca vā] 6
-ntyagniśca vā etau soma̭śca kathā somā̭yā-''tithya-ṅkriyate nāgnaya iti yadagnāvagni-mma̭thitvā prahara̭ti tenaivāgnaya̭ ātithya-ṅkri̭yate 'tho khalvā̭huragni-ssarvā̭ devatā iti yaddhavirāsādyāgni-mmantha̭ti havyāyaivā-''sa̭nnāya sarvā̭ devatā̭ janayati || 7 ||

(patni̭yā eva - jaga̭tyā - ā - trivṛdvai - pa̭ridhīn - va̭dantye - ka̭catvārigṃśacca) (a. 1)
devāsurā-ssaṃya~̭ttā āsa-nte devā mitho vipri̭yā āsa-nte-'(1)nyo-'nyasmai jyaiṣṭhyāyāti̭ṣṭhamānāḥ pañcadhā vya̭krāmannagnirvasṷbhi-ssomo̭ rudrairindro̭ marudbhi-rvarṷṇa ādityai-rbṛhaspati-rviśvairdevaistḙ 'manyantāsṷrebhyo vā ida-mbhrātṛ̭vyebhyo raddhyāmo yanmitho vipri̭yā-ssmo yā na̭ imāḥ priyāstanuvastā-ssamava̭dyāmahai tābhya-ssa nir-ṛ̭cchādyo [nir-ṛ̭cchādyaḥ, naḥ prathamo(1)-'nyo] 8
naḥ̭ prathamo(1)-'nyo-'nyasmai druhyāditi tasmādya-ssatā̭nūnaptriṇā-mprathamo druhya̭ti sa ārtimārccha̭ti ya-ttā̭nūnaptragṃ sa̭mavadyati bhrātṛ̭vyābhibhūtyai bhava̭tyātmanā parā-'sya bhrātṛ̭vyo bhavati pañca kṛtvo-'va̭dyati pañcadhā hi te ta-thsa̭mavādyantātho pañcākṣarā paṅktiḥ pāṅkto̭ yajño yajñamevāva̭ rundha āpa̭taye tvā gṛhṇāmītyā̭ha prāṇo vā [prāṇo vai, āpa̭tiḥ] 9
āpa̭tiḥ prāṇameva prī̭ṇāti pari̭pataya ityā̭ha mano vai pari̭patirmana̭ eva prī̭ṇāti tanūnaptra ityā̭ha tanuvo hi te tā-ssa̭mavādya̭nta śākvarāyetyā̭ha śaktyai hi te tā-ssa̭mavādya̭nta śakma-nnoji̭ṣṭhāyetyāhauji̭ṣṭhagṃ hi te ta dātmanaḥ̭ samavādyantā--nā̭dhṛṣṭa-masyanādhṛṣya-mityāhā-'nā̭dhṛṣṭagg hyḙtada̭nādhṛṣya-ndevānā-moja [devānā-mojaḥ̭, ityā̭ha] 10
ityā̭ha devānāg hyḙtadojo̭-'bhiśastipā a̭nabhiśastenyamityā̭hā-bhiśastipā hyḙtada̭ -nabhiśastenyamanṷ me dīkṣā-ndīkṣāpa̭ti-rmanyatāmityā̭ha yathāyajurevaita-dghṛtaṃ-vai~ devā vajra̭-ṅkṛtvā soma̭maghna-nnantikami̭va khalu vā a̭syaitacca̭ranti ya-ttā̭nūnaptreṇa̭ pracara̭ntyagṃ śuragṃ̭ śuste deva somā-'' pyā̭yatā-mityā̭ha ya- [-mityā̭ha yat, evāsyā̭-] 11
-devāsyā̭-puvāyate yanmīya̭te-tadevāsyaitenā-'' pyā̭yayatyā tubhyamindraḥ̭ pyāyatāmā tvamindrā̭ya pyāyasvetyā̭-hobhāvevendra̭-ñca soma-ñcā-''pyā̭yayatyā pyā̭yaya sakhīn-thsanyā medhayetyā̭hartvijo vā a̭sya sakhā̭yastā-nevā-''pyā̭yayati svasti tḙ deva soma sutyāma̭śīye- [sutyāma̭śīya, ityā̭hā ''śiṣa̭-] 12
-tyā̭hā ''śiṣa̭-mevaitāmā śāste pra vā ete-'smā-llokāccya̭vante ye soma̭mā-pyāyaya̭ntya-ntarikṣadevatyo̭ hi soma āpyā̭yita eṣṭā rāyaḥ preṣe bhagāyetyā̭ha dyāvā̭pṛthivībhyā̭meva na̭maskṛtyāsmin ~loke prati̭ tiṣṭhanti devāsurā-ssaṃya~̭ttā āsa-nte devā bibhya̭to-'gni-mprāvi̭śa-ntasmā̭dāhuragni-ssarvā̭ devatā iti te- [devatā iti te, agnimeva] 13
-'gnimeva varṷ̄tha-ṅkṛtvā 'sṷrānabhya̭bhava-nnagnimi̭va khalu vā eṣa pravi̭śati yo̭-'vāntaradīkṣāmupaiti bhrātṛ̭vyābhibhūtyai bhava̭tyātmanā parā-'sya bhrātṛ̭vyo bhavatyātmāna̭meva dīkṣayā̭ pāti prajāma̭vāntaradīkṣayā̭ santarā-mmekha̭lāgṃ samāya̭cchate prajā hyātmano-'nta̭ratarā taptavra̭to bhavati mada̭ntībhirmārjayate nirhya̭gni-śśītena vāya̭ti sami̭ddhyai yā tḙ agne rudri̭yā tanūrityā̭ha svayaivaina̭-ddevata̭yā vratayati sayonitvāya śāntyai || 14 ||

(yo - vā - oja̭ - āha ya - da̭śīye - ti te - 'gna - ekā̭daśa ca) (a. 2)
teṣāmasṷrāṇā-ntisraḥ pura̭ āsa-nnayasma-yya̭vamā-'tha̭ rajatā-'tha hari̭ṇī tā devā jetu-nnāśa̭knuva-ntā ṷpasadaivāji̭gīṣa-ntasmā̭dāhuryaścaivaṃ-ve~da yaśca nopasadā vai ma̭hāpura-ñja̭yantīti ta iṣugṃ sama̭skurvatā- gnimanī̭kagṃ somagṃ̭ śalyaṃ-vi~ṣṇu-nteja̭na-nte-'bruvan ka imāma̭siṣyatīti̭ [ ] 15
rudra itya̭bruva-nrudro vai krūra-sso-'syatviti so-'bravī-dvaraṃ̭-vṛ~ṇā ahameva pa̭śūnā-madhi̭patirasānīti tasmā-drudraḥ pa̭śūnā-madhi̭patistāgṃ rudro-'vā̭sṛja-thsa tisraḥ puro̭ bhittvaibhyo lokebhyo- 'sṷrā-nprāṇṷdata yadṷpasada̭ upasadyante bhrātṛ̭vyaparāṇutyai nānyāmāhṷti-mpurastā-jjuhuyā-dyadanyāmāhṷti-mpurastā-jjuhuyā- [-jjuhuyāt, anyanmukha̭-ṅkuryā-] 16
-danyanmukha̭-ṅkuryā-thsruveṇā̭-'ghāramā ghā̭rayati yajñasya prajñātyai parāṃ̭atikramya̭ juhoti parā̭ca evaibhyo lokebhyo yaja̭māno bhrātṛ̭vyā-npra ṇṷdate puna̭ratyākramyo̭pasada̭-ñjuhoti praṇudyaivaibhyo lokebhyo bhrātṛ̭vyāñjitvā bhrā̭tṛvyaloka-mabhyāro̭hati devā vai yāḥ prātarṷpasada̭ upāsī̭da-nnahnastābhirasṷrā-nprāṇṷdanta yā-ssāyagṃ rātri̭yai tābhirya-thsāya-mprā̭ta-rupasada̭- [-rupasadaḥ̭, upasadyantḙ] 17
upasadyantḙ 'horātrābhyā̭meva ta-dyaja̭māno bhrātṛ̭vyā-npra ṇṷdate yāḥ prātaryājyā-ssyustā-ssāya-mpṷro-'nuvākyāḥ kuryādayā̭tayāmatvāya tisra ṷpasada upai̭ti traya̭ ime lokā imāneva lokā-nprī̭ṇāti ṣaṭ-thsa-mpa̭dyante ṣaḍvā ṛtava̭ ṛtūneva prī̭ṇāti dvāda̭śāhīne soma upai̭ti dvāda̭śa māsā-ssaṃva~thsara-ssa̭vanthsarameva prī̭ṇāti catṷrvigṃśati-ssa- [catṷrvigṃśati-ssam, padyante catṷrvigṃśati-] 18
-mpa̭dyante catṷrvigṃśati-rardhamāsā a̭rdhamāsāneva prī̭ṇātyārāgrā-mavāntaradīkṣā-mupḙyādyaḥ kāmayḙtā-'smi-nmḙ loke-'rdhṷkagg syādityekamagre-'tha dvāvatha trīnatha̭ catura̭ eṣā vā ārāgrā 'vāntaradīkṣā 'sminnevāsmai̭ loke-'rdhṷka-mbhavati parova̭rīyasī-mavāntaradīkṣā-mupḙyādyaḥ kāmayḙtāmuṣmi̭-nme loke-'rdhṷkagg syāditi̭ caturo-'gre 'tha trīnatha dvāvathaika̭meṣā vai parova̭rīyasya-vāntaradīkṣā 'muṣmi̭nnevāsmai̭ loke-'rdhṷka-mbhavati || 19 ||

(asiṣyatīti̭ - juhuyāth - sāya-mprā̭tarupasada - ścatṷrvigṃśati-ssaṃ - caturo-'gre - ṣoḍa̭śa ca) (a. 3)
suvargaṃ-vā~ ete lokaṃ-ya~̭nti ya ṷpasada̭ upayanti teṣāṃ-ya~ unnaya̭te hīya̭ta eva sa noda̭neṣīti sūnnīyamiva yo vai svārthetāṃ-ya~tāg śrānto hīya̭ta uta sa niṣṭyāya̭ saha va̭sati tasmā-thsakṛdunnīya nāpa̭ramunna̭yeta daddhnonna̭yetaitadvai pa̭śūnāgṃ rūpagṃ rūpeṇaiva paśūnava̭ rundhe [ ] 20
yajño devebhyo nilā̭yata viṣṇṷ̄ rūpa-ṅkṛtvā sa pṛ̭thivī-mprāvi̭śa-tta-ndevā hastān-thsagṃ rabhyaiccha-ntamindra̭ uparyṷparyatya̭krāma-thso-'bravī-tko mā-'yamuparyṷparyatya̭kramī-dityaha-ndurge hantetyatha kastvamityaha-ndurgādāharteti so-'bravī-ddurge vai hantā̭-'vocathā varāho̭-'yaṃ-vā~̭mamoṣa- [-~vā̭mamoṣaḥ, saptānā] 21
-ssa̭ptānā-ṅgi̭rīṇā-mparastādvittaṃ-ve~dyamasṷrāṇā-mbibharti ta-ñja̭hi yadi̭ durge hantā-'sīti sa da̭rbhapuñjīlamu-dvṛhya̭ sapta girī-nbhittvā tama̭han-thso-'bravī-ddurgādvā āha̭rtāvocathā etamā hareti tamebhyo yajña eva yajñamā-'ha̭radya-ttadvittaṃ-ve~dyamasṷrāṇā-mavi̭ndanta tadekaṃ-ve~dyai̭ veditva-masṷrāṇāṃ- [-masṷrāṇām, vā iyamagra̭] 22
-~vā iyamagra̭ āsī-dyāvadāsī̭naḥ parāpaśya̭ti tāva̭-ddevānā-nte devā a̭bruvannastveva no-'syāmapīti kiya̭dvo dāsyāma iti yāva̭diyagṃ sa̭lāvṛkī triḥ pa̭rikrāma̭ti tāva̭nno datteti sa indraḥ̭ salāvṛkī rūpa-ṅkṛtvemā-ntri-ssarvataḥ parya̭krāma-ttadimāma̭vindanta yadimāmavi̭ndanta ta-dvedyai̭ veditvagṃ [veditvam, sā vā iyagṃ] 23
sā vā iyagṃ sarvaiva vediriya̭ti śakṣyāmīti tvā a̭vamāya̭ yajante trigṃśa-tpadāni̭ paścā-ttiraścī̭ bhavati ṣaṭtrigṃ̭śa-tprācī catṷrvigṃśatiḥ purastā-ttiraścī daśa̭daśa sampa̭dyante daśākṣarā virāḍannaṃ̭-vi~rā-ḍvirājaivānnādyamava̭ rundha uddha̭nti yadevāsyā̭ ameddhya-ntadapa̭ hantyuddha̭nti tasmādoṣa̭dhayaḥ parā̭ bhavanti barhi-sstṛ̭ṇāti tasmādoṣa̭dhayaḥ punarā bha̭vantyutta̭ra-mbarhiṣa̭ uttarabarhi-sstṛ̭ṇāti prajā vai barhiryaja̭māna uttara barhi ryaja̭māna-mevā-ya̭jamānādutta̭ra-ṅkaroti tasmā-dyaja̭māno 'ya̭jamānādutta̭raḥ || 24 ||

(rundhe - vāmamoṣo - vḙditvamasṷrāṇāṃ - ~veditvaṃ - bha̭vanti - pañca̭vigṃśatiśca) (a. 4)
yadvā anī̭śāno bhāramā̭datte vi vai sa li̭śate ya-ddvāda̭śa sāhnasyo̭pasada-ssyusro̭-'hīna̭sya yajñasya vilo̭ma kriyeta tisra eva sāhnasyo̭pasado dvāda̭śāhīna̭sya yajñasya̭ savīryatvāyātho salo̭ma kriyate vathsasyaika-sstano̭ bhāgī hi so-'thaikagg stanaṃ̭-vra~tamupaityatha dvāvatha trīnatha̭ catura̭ etadvai [ ] 25
kṣurapa̭vi nāma̭ vrataṃ-ye~na pra jātā-nbhrātṛ̭vyā-nnudate prati̭ janiṣyamā̭ṇānatho kanī̭yasaiva bhūya upai̭ti caturo-'gre stanān vratamupaityatha trīnatha dvāvathaika̭metadvai sṷjaghana-nnāma̭ vrata-nta̭pasyagṃ̭ suvargya̭matho praiva jā̭yate prajayā̭ paśubhi̭ryavāgū rā̭janya̭sya vrata-ṅkrūreva vai ya̭vāgūḥ krūra i̭va [krūra i̭va, rājanyo̭ vajra̭sya] 26
rājanyo̭ vajra̭sya rūpagṃ samṛ̭ddhyā āmikṣā vaiśya̭sya pākayajñasya̭ rūpa-mpuṣṭyai payo brāhmaṇasya tejo vai brāhmaṇastejaḥ payasteja̭saiva tejaḥ paya̭ ātma-ndhatte 'tho paya̭sā vai garbhā̭ vardhante garbha̭ iva khalu vā eṣa ya-ddīkṣito yada̭sya payo vrata-mbhava̭tyātmāna̭meva ta-dva̭rdhayati trivra̭to vai manṷrāsī-ddvivra̭tā asṷrā eka̭vratā [eka̭vratāḥ, devāḥ prātarmaddhyandi̭ne] 27
devāḥ prātarmaddhyandi̭ne sāya-nta-nmanorvratamā̭sī-tpākayajñasya̭ rūpa-mpuṣṭyai prātaśca̭ sāya-ñcāsṷrāṇā-nnirmaddhya-ṅkṣudho rūpa-ntataste parā̭-'bhava-nmaddhyandi̭ne maddhyarātre devānā-ntatastḙ-'bhavan-thsuvargaṃ-lo~kamā̭yan. yada̭sya maddhyandi̭ne maddhyarātre vrata-mbhava̭ti maddhyato vā annḙna bhuñjate maddhyata eva tadūrja̭-ndhatte bhrātṛ̭vyābhibhūtyai bhava̭tyātmanā [bhava̭tyātmanā, parā-'sya bhrātṛ̭vyo] 28
parā-'sya bhrātṛ̭vyo bhavati garbho vā eṣa ya-ddīkṣito yoni̭ rdīkṣitavimitaṃ-ya~-ddīkṣito dīkṣitavimitā-tpravase-dyathā yonergarbha-sskanda̭ti tādṛgeva tanna pra̭vastavya̭mātmano̭ gopīthāyaiṣa vai vyāghraḥ kṷlagopo yadagnistasmā-dya-ddīkṣitaḥ pravase-thsa ḙnamīśvaro̭-'nūtthāya hantorna pra̭vastavya̭mātmano guptyai̭ dakṣiṇata-śśa̭ya etadvai yaja̭mānasyā ''yata̭naggsva evā-''yata̭ne śaye 'gnima̭bhyāvṛtya̭ śaye devatā̭ eva yajñama̭bhyāvṛtya̭ śaye || 29 ||

(etadvai-krūra ivai-ka̭vratā-ātmanā-yaja̭mānasya-trayo̭daśa ca) (a. 5)
puroha̭viṣi devayaja̭ne yājayedya-ṅkāmayetopai̭namutta̭ro yajño na̭medabhi sṷvargaṃ-lo~ka-ñja̭yedityetadvai puroha̭virdevayaja̭naṃ-ya~sya hotā prātaranuvāka -ma̭nubruva-nnagnimapa ā̭dityamabhi vipaśyatyupai̭namutta̭ro yajño na̭matyabhi sṷvargaṃ-lo~ka-ñja̭yatyāpte dḙvayaja̭ne yājaye--dbhrātṛ̭vyavanta-mpanthāṃ-vā~-'dhisparśaye-tkartaṃ-vā~ yāvannāna̭se yātavai [ ] 30
na rathā̭yaitadvā āpta-ndḙvayaja̭namāpnotyeva bhrātṛ̭vya-nnaina-mbhrātṛ̭vya āpnotyekonnate devaya̭jane yājaye-tpaśukā̭ma-mekonnatādvai dḙvayaja̭nādaṅgi̭rasaḥ paśūna̭sṛjantāntarā sa̭dohavirdhāne ṷnnatagg syā̭detadvā ekonnata-ndevayaja̭na-mpaśumāneva bha̭vati tryṷnnate devayaja̭ne yājaye-thsuvargakā̭ma-ntryṷnnatādvai dḙvayaja̭nādaṅgi̭rasa-ssuvargaṃ-lo~kamā̭ya-nnantarā ''ha̭vanīya̭-ñca havirdhāna̭-ñco- [havirdhāna̭-ñca, unnatagg syā̭dantarā] 31
-nnatagg syā̭dantarā ha̭virdhāna̭-ñca sada̭ścāntarā sada̭śca gārha̭patya-ñcaitadvai tryṷnnata-ndevayaja̭nagṃ suvargameva lokamḙti prati̭ṣṭhite devayaja̭ne yājaye-tpratiṣṭhākā̭mametadvai prati̭ṣṭhita-ndevayaja̭naṃ-ya~-thsarvataḥ̭ sama-mpratyeva ti̭ṣṭhati yatrānyā a̭nyā oṣa̭dhayo vyati̭ṣaktā-ssyusta-dyā̭jaye-tpaśukā̭mametadvai pa̭śūnāgṃ rūpagṃ rūpeṇaivāsmai̭ paśū- [paśūn, ava̭ rundhe] 32
-nava̭ rundhe paśumāneva bha̭vati nir-ṛ̭tigṛhīte devayaja̭ne yājayedya-ṅkāmayḙta nir-ṛ̭tyāsya yajña-ṅgrā̭hayeyamityetadvai nir-ṛ̭tigṛhīta-ndevayaja̭naṃ-ya~-thsadṛśyai̭ satyā̭ ṛkṣa-nnir-ṛ̭tyaivāsya̭ yajña-ṅgrā̭hayati vyāvṛ̭tte devayaja̭ne yājaye-dvyāvṛtkā̭maṃ-ya~-mpātrḙ vā talpḙ vā mīmāgṃ̭sera-nprācīna̭māhavanīyā-tpravaṇagg syā-tpratīcīna-ṅgārha̭patyādetadvai vyāvṛ̭tta-ndevayaja̭naṃ-vi~ pāpmanā bhrātṛ̭vyeṇā- ''va̭rtate naina-mpātre na talpḙ mīmāgṃ sante kāryḙ devayaja̭ne yājaye-dbhūti̭kāma-ṅkāyā̭ vai purṷṣo bhava̭tyeva || 33 ||

(yātavai - ha̭virdhāna̭-ñca - paśūn - pāpmanā - 'ṣṭāda̭śa ca) (a. 6)
tebhya̭ uttaravedi-ssigṃhī rūpa-ṅkṛtvobhayā̭-nantarā-'pakramyā̭tiṣṭha-tte devā a̭manyanta yatarān. vā iyamṷpāvarthsyati ta ida-mbha̭viṣyantīti tāmupā̭mantrayanta sā-'bra̭vī-dvaraṃ̭-vṛ~ṇai sarvā-nmayā kāmān vya̭śñavatha pūrvā-ntu mā-'gnerāhṷtiraśñavatā iti tasmā̭duttaravedi-mpūrvā̭magne- rvyāghā̭rayanti vārḙvṛtagg hya̭syai śamya̭yā pari̭ mimīte [mimīte, mātraivā-'syai] 34
mātraivā-'syai sātho̭ yuktenaiva yuktamava̭ rundhe vittāya̭nī me-'sītyā̭ha vittā hyḙnānāva̭-ttiktāya̭nī me-'sītyā̭ha tiktān. hyḙnānāvadava̭tānmā nāthitamityā̭ha nāthitān. hyḙnānāvadava̭tānmā vyathitamityā̭ha vyathitān. hyḙnānāva̭-dvide-ragni-rnabho nāmā- [-rnabho nāmā̭, agnḙ aṅgira iti] 35
-'gnḙ aṅgira iti trirha̭rati ya evaiṣu lokeṣvagnaya-stānevāva̭ rundhe tūṣṇī-ñca̭turthagṃ ha̭ratyani̭-ruktamevāva̭ rundhe sigṃhīra̭si mahiṣīrasītyā̭ha sigṃhīrhyḙṣā rūpa-ṅkṛtvobhayā̭-nantarā 'pakramyāti̭ṣṭhaduru pra̭thasvoru tḙ yajñapa̭tiḥ prathatāmityā̭ha yaja̭mānameva prajayā̭ paśubhiḥ̭ prathayati dhruvā- [dhruvā, asīti sagṃ ha̭nti] 36
-'sīti sagṃ ha̭nti dhṛtyai̭ devebhyaḥ̭ śundhasva devebhyaḥ̭ śumbhasvetyava̭ cokṣati pra ca̭ kirati śuddhyā̭ indraghoṣastvā vasṷbhiḥ purastā-tpātvityā̭ha digbhya evainā-mprokṣa̭ti devāgścedṷ-ttaravedirupāva̭vartīhaiva vi ja̭yāmahā ityasṷrā vajra̭mudyatya̭ devānabhyā̭yanta tāni̭ndraghoṣo vasṷbhiḥ purastādapā̭- [purastādapā̭, anudata mano̭javāḥ] 37
-nudata mano̭javāḥ pitṛbhi̭ rdakṣiṇataḥ pracḙtā rudraiḥ paścā-dviśvaka̭rmā-''dityairṷttarato yadevamṷttaravedi-mprokṣati̭ digbhya eva ta-dyaja̭māno bhrātṛ̭vyā-npra ṇṷdata indro yatīn-thsālāvṛkebhyaḥ prāya̭ccha-ttā-nda̭kṣiṇata ṷttaravedyā ā̭dan ya-tprokṣa̭ṇīnā-mucchiṣyḙta ta-dda̭kṣiṇata ṷttaravedyai ni na̭ye-dyadeva tatra̭ krūra-nta-ttena̭ śamayati ya-ndviṣyā-tta-ndhyā̭yecchucai vaina̭marpayati || 38 ||

(mimīte - nāma̭ - dhruvā - 'pa̭ - śucā - trīṇi̭ ca) ( ā7)
sotta̭ravedira̭bravī-thsarvā-nmayā kāmān vya̭śñavatheti te devā a̭kāmayantāsṷrā-nbhrātṛ̭vyānabhi bha̭vemeti tḙ-'juhavu-ssigṃhīra̭si sapatnasāhī svāheti te-'sṷrā-nbhrātṛ̭vyā-nabhya̭bhava-nte-'sṷrā-nbhrātṛ̭vyā-nabhibhūyā̭kāmayanta prajāṃ-vi~̭ndemahīti tḙ-'juhavu-ssigṃhīra̭si suprajāvani-ssvāheti te prajāma̭vindanta te prajāṃ-vi~ttvā- [prajāṃ-vi~ttvā,akāmayanta paśūn. ] 39
-'kā̭mayanta paśūn. vi̭ndemahīti tḙ-'juhavu-ssigṃhīra̭si rāyaspoṣavani-ssvāheti te paśūna̭vindanta te paśūn. vittvā-'kā̭mayanta pratiṣṭhāṃ-vi~̭ndemahīti tḙ-'juhavu-ssigṃhī-ra̭syādityavani-ssvāheti ta imā-mpra̭tiṣṭhāma̭vindanta ta imā-mpra̭tiṣṭhāṃ-vi~ttvā-'kā̭mayanta devatā̭ āśiṣa upḙyāmeti tḙ-'juhavu-ssigṃhīrasyā va̭ha devā-ndḙvayate [ ] 40
yaja̭mānāya svāheti te devatā̭ āśiṣa upā̭ya-npañca kṛtvo vyāghā̭rayati pañcākṣarā paṅktiḥ pāṅkto̭ yajño yajñamevāva̭ rundhe 'kṣṇayā vyāghā̭rayati tasmā̭dakṣṇayā paśavo-'ṅgā̭ni praha̭ranti prati̭ṣṭhityai bhūtebhyastveti srucamudgṛ̭hṇāti ya eva devā bhūtāsteṣā-nta-dbhā̭gadheya-ntāneva tena̭ prīṇāti pautṷdravā-nparidhī-npari̭ dadhātyeṣāṃ- [dadhātyeṣām, lokānāṃ-vi~dhṛ̭tyā] 41
-~lokānāṃ-vi~dhṛ̭tyā agnestrayo jyāyāgṃ̭so bhrāta̭ra āsa-nte devebhyo̭ havyaṃ-va~ha̭ntaḥ prāmī̭yanta so-'gnira̭bibheditthaṃ-vā~va sya ārtimā-'ri̭ṣyatīti sa nilā̭yata sa yāṃ-va~naspatiṣvava̭sattā-mpūtṷdrau yāmoṣa̭dhīṣu tāgṃ sṷgandhiteja̭ne yā-mpaśuṣu tā-mpetva̭syāntarā śṛṅge ta-ndevatāḥ praiṣa̭maiccha-ntamanva̭vinda-nta-ma̭bruva- [-ma̭bruvann, upa̭ na ā] 42
-nnupa̭ na ā va̭rtasva havya-nno̭ vaheti so-'bravī-dvaraṃ̭-vṛ~ṇai yadeva gṛ̭hītasyāhṷtasya bahiḥparidhi skandā-ttanme bhrātṛ̭ṇā-mbhāgadheya̭-masaditi tasmā-dya-dgṛ̭hītasyā-'hṷtasya bahiḥparidhi skanda̭ti teṣā-nta-dbhā̭gadheya-ntāneva tena̭ prīṇāti so̭-'manyatā-'sthanvanto̭ me pūrve bhrāta̭raḥ prāmḙṣatā-'sthāni̭ śātayā iti sa yā- [sa yāni̭, ] 43
-nyasthānyaśā̭tayata ta-tpūtṷdrva-bhava-dyanmāgṃ samupa̭mṛta-nta-dgulgṷlu yadetān-thsa̭bhāṃrān-thsa-mbhara̭tyagnimeva ta-thsambha̭ratyagneḥ purī̭ṣa-masītyā̭hā-'gnerhyḙta-tpurī̭ṣaṃ-ya~-thsa̭mbhārā atho khalvā̭hurete vāvaina-nte bhrāta̭raḥ pari̭ śere ya-tpautṷdravāḥ paridhaya iti̭ || 44 ||

(vittvā - dḙvayata - eṣā - ma̭bruvan - yāni - catṷścatvārigṃśacca) (a. 8)
baddhamava̭ syati varuṇapāśādevainḙ muñcati praṇḙnekti meddhyḙ evainḙ karoti sāvitriyarcā hutvā ha̭virdhāne pra va̭rtayati savitṛpra̭sūta evaine pra va̭rtayati varṷṇo vā eṣa durvāgṷbhayato̭ baddho yadakṣa-ssa yadu-thsarje-dyaja̭mānasya gṛhā-nabhyuthsa̭rje-thsuvāgdḙva duryāgṃ ā vadetyā̭ha gṛhā vai duryā-śśāntyai pa- [duryā-śśāntyai patnī, upā̭nakti] 45
-tnyupā̭nakti patnī hi sarva̭sya mitra-mmi̭tratvāya yadvai patnī̭ yajñasya̭ karoti̭ mithuna-ntadatho patni̭yā evaiṣa yajñasyā-nvārabhoṃ-'na̭vacchittyai vartma̭nā vā anvitya̭ yajñagṃ rakṣāgṃ̭si jighāgṃsanti vaiṣṇavībhyā̭mṛgbhyāṃ-va~rtma̭no rjuhoti yajño vai viṣṇṷryajñādeva rakṣāgsyapa̭ hanti yada̭ddhvaryu-ra̭nagnā-vāhṷti-ñjuhuyā-dandho-'ddhvaryu-ssyā-drakṣāgṃ̭si yajñagṃ ha̭nyur- [yajñagṃ ha̭nyuḥ, hira̭ṇya-mupāsya̭] 46
-hira̭ṇya-mupāsya̭ juhotyagnivatyeva jṷhoti nāndho-'ddhvaryurbhava̭ti na yajñagṃ rakṣāgṃ̭si ghnanti prācī preta̭maddhvara-ṅkalpaya̭ntī ityā̭ha suvargamevainḙ loka-ṅga̭mayatyatra̭ ramethāṃ-va~rṣma̭-npṛthivyā ityā̭ha varṣma hyḙta-tpṛ̭thivyā ya-ddḙvayaja̭nagṃ śiro vā eta-dyajñasya yaddha̭virdhāna̭-ndivo vā̭ viṣṇavuta vā̭ pṛthivyā [pṛthivyāḥ, ityāśīrpa̭dayarcā] 47
ityāśīrpa̭dayarcā dakṣi̭ṇasya havirdhāna̭sya methī-nni ha̭nti śīrṣata eva yajñasya yaja̭māna āśiṣo-'va̭ rundhe daṇḍo vā aṷparastṛtīya̭sya havirdhāna̭sya vaṣaṭkāre-ṇākṣa̭-macchina-dyat-tṛtīya̭-ñchadir-ha̭virdhāna̭yo-rudāhriyatḙ tṛtīya̭sya havirdhānasyāva̭ruddhyai śiro vā eta-dyajñasya yaddha̭virdhānaṃ-vi~ṣṇo̭ rarāṭa̭masi viṣṇoḥ pṛṣṭhamasītyā̭ha tasmā̭detāvaddhā śiro viṣyṷ̄taṃ-vi~ṣṇo-ssyūra̭si viṣṇoddhruvamasītyā̭ha vaiṣṇavagṃ hi devata̭yā havirdhānaṃ-ya~-mpra̭thama-ṅgranthi-ṅgra̭thnīyādya-tta-nna vi̭sragṃ sayedamḙhenāddhvaryuḥ pramī̭yeta tasmā-thsa visrasyaḥ̭ || 48 ||

(patnī̭ -hanyu-rvā pṛthivyā-viṣyṷ̄taṃ-vi~ṣṇoḥ-ṣaḍvigṃ̭śatiśca) (a. 9)
devasya̭ tvā savituḥ pra̭sava ityabhrimā da̭tte prasūtyā aśvino rbāhubhyāmityā̭hāśvinau hi devānā̭maddhvaryū āstā-mpūṣṇo hastābhyāmityā̭ha yatyai vajra̭ iva vā eṣā yadabhrirabhri̭rasi nāri̭rasītyā̭ha śāntyai kāṇḍḙ kāṇḍe vai kriyamā̭ṇe yajñagṃ rakṣāgṃ̭si jighāgṃsanti pari̭likhitagṃ rakṣaḥ pari̭likhitā arā̭taya ityā̭ha rakṣa̭sā-mapa̭hatyā [rakṣa̭sā-mapa̭hatyai, idamahagṃ] 49
idamahagṃ rakṣa̭so grīvā api̭ kṛntāmi yo-'smā-ndveṣṭi ya-ñca̭ vaya-ndviṣma ityā̭ha dvau vāva purṷṣau ya-ñcaiva dveṣṭi yaścai̭na-ndveṣṭi tayo̭-revā-'na̭ntarāya-ṅgrīvāḥ kṛ̭ntati dive tvā-'ntari̭kṣāya tvā pṛthivyai tvetyā̭haibhya evaināṃ-lo~kebhyaḥ prokṣa̭ti parastā̭-darvācī-mprokṣa̭ti tasmā- [tasmāt, parastā̭-] 50
-tparastā̭-darvācī-mmanuṣyā̭ ūrjamupa̭ jīvanti krūrami̭va vā eta-tka̭roti ya-tkhana̭tyapo-'va̭ nayati śāntyai yava̭matīrava̭ nayatyūrgvai yava ūrgṷdubaṃra̭ ūrjaivorjagṃ sama̭rdhayati yaja̭mānena sammitaudṷbaṃrī bhavati yāvā̭neva yaja̭mānastāva̭tī-mevāsmi-nnūrja̭-ndadhāti pitṛṇāgṃ sada̭namasīti̭ barhirava̭ stṛṇāti pitṛdevatyā(1)gg- [pitṛdevatyām, hyḙta-dyannikhā̭taṃ-] 51
-hyḙta-dyannikhā̭taṃ-ya~-dbarhi-rana̭vastīrya minuyā-tpi̭tṛdevatyā̭ nikhā̭tā syā-dbarhi-ra̭vastīrya̭ minotyasyā-mevainā-mminotyatho svāruha̭-mevainā-ṅkarotyu-ddivagg̭ stabhānā-''ntari̭kṣa-mpṛṇetyā̭haiṣāṃ-lo~kānāṃ-vi~dhṛ̭tyai dyutānastvā̭ māruto mi̭notvityā̭ha dyutāno ha̭ sma vai mā̭ruto devānā-maudṷbaṃrī-mminoti tenaivai- [tenaiva, enā-mminoti brahmavani̭-ntvā] 52
-nā-mminoti brahmavani̭-ntvā kṣatravanimityā̭ha yathāyajurevaita-dghṛtena̭ dyāvāpṛthivī ā pṛ̭ṇethāmityaudṷbaṃryā-ñjuhoti dyāvā̭pṛthivī eva rasḙnānaktyā-ntamanva-va̭srāvayatyāntameva yaja̭māna-nteja̭sā-naktyaindramasīti̭ chadiradhi ni da̭dhātyaindragṃ hi devata̭yā sado̭ viśvajanasya̭ chāyetyā̭ha viśvajanasya hyḙṣā chāyā ya-thsado nava̭chadi [nava̭chadi, teja̭skāmasya] 53
teja̭skāmasya minuyā-ttrivṛtā stomḙna sammi̭ta-nteja̭strivṛ-ttḙjasvyḙva bha̭va-tyekā̭daśa-chadīndriyakā̭ma-syaikā̭daśākṣarā triṣṭugi̭ndriya-ntriṣṭugi̭ndriyāvyḙva bha̭vati pañca̭daśachadi bhrātṛ̭vyavataḥ pañcadaśo vajro bhrātṛ̭vyābhibhūtyai saptada̭śachadi prajākā̭masya saptadaśaḥ prajāpa̭tiḥ prajāpa̭terāptyā eka̭vigṃśatichadi pratiṣṭhākā̭ma-syaikavigṃśa-sstomā̭nā-mpratiṣṭhā prati̭ṣṭhityā udaraṃ-vai~ sada ūrgṷdubaṃro̭ maddhyata audṷbaṃrī-mminoti maddhyata eva prajānāmūrja̭-ndadhāti tasmā- [tasmāt, maddhyata ūrjā] 54
-nmaddhyata ūrjā bhṷñjate yajamānaloke vai dakṣi̭ṇāni chadīgṃṣi̭ bhrātṛvyaloka utta̭rāṇi dakṣi̭ṇānyutta̭rāṇi karoti yaja̭māna-mevā-ya̭jamānādutta̭ra-ṅkaroti tasmā-dyaja̭māno-'ya̭jamānādutta̭ro 'ntarvartān ka̭roti vyāvṛ̭ttyai tasmādara̭ṇya-mprajā upa̭ jīvanti pari̭ tvā girvaṇo gira ityā̭ha yathāyajurevaitadindra̭sya syūrasīndra̭sya dhruvamasītyā̭haindragṃ hi devata̭yā sado ya-mpra̭thama-ṅgranthi-ṅgra̭thnīyādya-tta-nna vi̭sragṃ sayedamḙhenāddhvaryuḥ pramī̭yeta tasmā-thsa visrasyaḥ̭ || 55 ||

(apa̭hatyai - tasmāt - pitṛdevatyaṃ̭ - tenaiva - nava̭chadi - tasmāth - sadaḥ - pañca̭daśa ca) (a. 10)
śiro vā eta-dyajñasya yaddha̭virdhāna̭-mprāṇā ṷparavā ha̭virdhānḙ khāyante tasmā-cchīrṣa-nprāṇā adhastā-tkhāyante tasmā̭-dadhastā-cchīrṣṇaḥ prāṇā ra̭kṣohaṇo̭ valagahano̭ vaiṣṇavā-nkha̭nāmītyā̭ha vaiṣṇavā hi devata̭yoparavā asṷrā vai niryanto̭ devānā-mprāṇeṣṷ valagā-nnya̭khana-ntā-nbā̭humātre-'nva̭vinda-ntasmā-dbāhumātrāḥ khā̭yanta idamaha-ntaṃ-va~̭laga-mudva̭pāmi [ ] 56
ya-nnaḥ̭ samāno yamasa̭māno nicakhānetyā̭ha dvau vāva purṷṣau yaścaiva sa̭māno yaścāsa̭māno yamevāsmai tau va̭laga-nnikhana̭tasta-mevodva̭pati santṛ̭ṇatti tasmā-thsantṛ̭ṇṇā antarataḥ prāṇā na sa-mbhi̭natti tasmā-dasa̭bhinnnāḥ prāṇā apo-'va̭ nayati tasmā̭-dārdrā a̭ntarataḥ prāṇā yava̭matī-rava̭ naya- [-rava̭ nayati, ūrgvai] 57
-tyūrgvai yavaḥ̭ prāṇā ṷparavāḥ prāṇeṣvevorja̭-ndadhāti barhirava̭ stṛṇāti tasmāllomaśā a̭ntarataḥ prāṇā ājyḙna vyāghā̭rayati tejo vā ājya̭-mprāṇā ṷparavāḥ prāṇeṣveva tejo̭ dadhāti hanū vā ete yajñasya yada̭dhiṣava̭ṇe na sa-ntṛ̭ṇattya sa̭tṛṃṇṇe hi hanū atho khalṷ dīrghasome satṛndye dhṛtyai śiro vā eta-dyajñasya yaddha̭virdhāna̭- [yaddha̭virdhānam, prāṇā ṷparavā hanṷ̄] 58
-mprāṇā ṷparavā hanṷ̄ adhiṣava̭ṇe jihvā carma grāvā̭ṇo dantā mukha̭māhavanīyo nāsi̭ko-ttaravedi-rudaragṃ sado̭ yadā khalu vai jihvayā̭ dathsvadhi khādatyatha mukha̭-ṅgacchati yadā mukha-ṅgacchatyathodara̭-ṅgacchati tasmāddhavirdhāne carmannadhi grāva̭bhirabhiṣutyā̭-''havanīyḙ hutvā pratyañcaḥ̭ paretya sada̭si bhakṣayanti yo vai virājo̭ yajñamukhe dohaṃ-ve~da̭ duha evai nā̭miyaṃ-vai~ virā-ṭtasyai tvakcarmodho̭-'dhiṣava̭ṇe stanā̭ uparavā grāvā̭ṇo vathsā ṛtvijo̭ duhanti somaḥ payo ya evaṃ-ve~da̭ duha evainām || 59 ||

(vapāmi-yava̭matīrava̭ nayati-havirdhāna̭-meva-trayo̭vigṃśatiśca) (a. 11)
(yadubhau - dḙvāsurāḥ mitha - steṣāgṃ̭ - suvargaṃ - ~yadvā anī̭śānaḥ - puroha̭viṣi - tebhyaḥ - sotta̭ravedi - rbaddhan - devasyā-'bhriṃ-va~jraḥ - śiro vā - ekā̭daśa )
(yadubhā - vityā̭ha devānāṃ - ~yajño devebhyo - na rathā̭ya - yaja̭mānāya - parastā̭darvācī - nnava̭ pañcāśat)
(yadubhau, duha evainām)
|| hariḥ̭ om ||