7.3 - প্ৰজৱং ৱা এতেন যন্তি - কৃষ্ণ যজুৰ্ৱেদ তৈত্তিৰীয সংহিতা পাঠঃ

কৃষ্ণ যজুৰ্ৱেদীয তৈত্তিৰীয সংহিতাযাং সপ্তমকাণ্ডে তৃতীযঃ প্ৰশ্নঃ - সত্ৰজাতনিৰূপণং
ও-ন্নমঃ পৰমাত্মনে, শ্ৰী মহাগণপতযে নমঃ,
শ্ৰী গুৰুভ্যো নমঃ । হৰিঃ ওম্ ॥
প্ৰজৱং-ৱাঁ এতেন যন্তি য-দ্দশমমহঃ পাপাৱহীযং-ৱাঁ এতেন ভৱন্তি য-দ্দশমমহৰ্যো ৱৈ প্ৰজৱং-যঁতামপথেন প্ৰতিপদ্যতে য-স্স্থাণুগ্ং হন্তি যো ভ্ৰেষ-ন্ন্যেতি স হীযতে স যো ৱৈ দশমে-ঽহন্নৱিৱাক্য উপহন্যতে স হীযতে তস্মৈ য উপহতায ৱ্যাহ তমেৱান্ৱাৰভ্য সমশ্ঞুতে-ঽথ যো ৱ্যাহ স [ৱ্যাহ সঃ, হীযতে তস্মা-দ্দশমে] 1
হীযতে তস্মা-দ্দশমে ঽহন্নৱিৱাক্য উপহতায ন ৱ্যুচ্যমথো খল্ৱাহুৰ্যজ্ঞস্য ৱৈ সমৃদ্ধেন দেৱা-স্সুৱৰ্গং-লোঁকমাযন্ যজ্ঞস্য ৱ্যৃদ্ধেনাসুৰা-ন্পৰা-ঽভাৱযন্নিতি য-ত্খলু ৱৈ যজ্ঞস্য সমৃদ্ধ-ন্ত-দ্যজমানস্য যদ্ৱ্যৃদ্ধ-ন্তদ্ভ্ৰাতৃৱ্যস্য স যো ৱৈ দশমে-ঽহন্নৱিৱাক্য উপহন্যতে স এৱাতি ৰেচযতি তে যে বাহ্যা দৃশীকৱ- [যে বাহ্যা দৃশীকৱঃ, স্যুস্তে ৱি] 2
-স্স্যুস্তে ৱি ব্ৰূযুৰ্যদি তত্ৰ ন ৱিন্দেযু-ৰন্তস্সদসা-দ্ৱ্যুচ্যং-যঁদি তত্ৰ ন ৱিন্দেযু-ৰ্গৃহপতিনা ৱ্যুচ্য-ন্তদ্ৱ্যুচ্য-মেৱাথ ৱা এত-থ্সৰ্পৰাজ্ঞিযা ঋগ্ভি-স্স্তুৱন্তযং-ৱৈঁ সৰ্পতো ৰাজ্ঞী যদ্ৱা অস্যা-ঙ্কি-ঞ্চাৰ্চন্তি যদানৃচু-স্তেনেযগ্ং সৰ্পৰাজ্ঞী তে যদেৱ কি-ঞ্চ ৱাচা ঽঽনৃচুৰ্য-দতো-ঽদ্ধ্যৰ্চিতাৰ- [-দতো-ঽদ্ধ্যৰ্চিতাৰঃ, তদুভয-মাপ্ত্ৱা] 3
-স্তদুভয-মাপ্ত্ৱা ঽৱৰুদ্ধ্যো-ত্তিষ্ঠামেতি তাভিৰ্মনসা স্তুৱতে ন ৱা ইমামশ্ৱৰথো না-ঽশ্ৱতৰীৰথ-স্সদ্যঃ পৰ্যাপ্তুমৰ্হতি মনো ৱা ইমাগ্ং সদ্যঃ পৰ্যাপ্তুমৰ্হতি মনঃ পৰিভৱিতুমথ ব্ৰহ্ম ৱদন্তি পৰিমিতা ৱা ঋচঃ পৰিমিতানি সামানি পৰিমিতানি যজূগ্ষ্যথৈতস্যৈৱান্তো নাস্তি য-দ্ব্ৰহ্ম ত-ত্প্ৰতিগৃণত আ চক্ষীত স প্ৰতিগৰঃ ॥ 4 ॥

(ৱ্যাহ স - দৃশীকৱো - ঽৰ্চিতাৰঃ - স - এক-ঞ্চ) (অ. 1)
ব্ৰহ্মৱাদিনো ৱদন্তি কি-ন্দ্ৱাদশাহস্য প্ৰথমেনা-ঽহ্নৰ্ত্ৱিজাং-যঁজমানো ৱৃঙ্ক্ত ইতি তেজ ইন্দ্ৰিয-মিতি কি-ন্দ্ৱিতীযেনেতি প্ৰাণা-নন্নাদ্য-মিতি কি-ন্তৃতীযেনেতি ত্ৰীনিমান্ ঁলোকা-নিতি কি-ঞ্চতুৰ্থেনেতি চতুষ্পদঃ পশূ-নিতি কি-ম্পঞ্চমেনেতি পঞ্চাক্ষৰা-ম্পঙ্ক্তি-মিতি কিগ্ং ষষ্ঠেনেতি ষ-ডৃতূনিতি কিগ্ং সপ্তমেনেতি সপ্তপদাগ্ং শক্ৱৰীমিতি [শক্ৱৰীমিতি, কি-মষ্টমেনেত্যষ্টাক্ষৰা-] 5
কি-মষ্টমেনেত্যষ্টাক্ষৰা-ঙ্গাযত্ৰী-মিতি কি-ন্নৱমেনেতি ত্ৰিৱৃতগ্গ্ স্তোম-মিতি কি-ন্দশমেনেতি দশাক্ষৰাং-ৱিঁৰাজমিতি কিমেকাদশেনেত্যেকাদশাক্ষৰা-ন্ত্ৰিষ্টুভ-মিতি কি-ন্দ্ৱাদশেনেতি দ্ৱাদশাক্ষৰা-ঞ্জগতী-মিত্যেতাৱদ্ৱা অস্তি যাৱ-দেত-দ্যাৱ-দেৱা-ঽস্তি ত-দেষাং-ৱৃঁঙ্ক্তে ॥ 6 ॥

(শক্ৱৰীমিত্যে - কচত্ৱাৰিগ্ংশচ্চ) (অ. 2)
এষ ৱা আপ্তো দ্ৱাদশাহো য-ত্ত্ৰযোদশৰাত্ৰ-স্সমানগ্গ্ হ্যেতদহৰ্য-ত্প্ৰাযণীযশ্চোদযনীযশ্চ ত্ৰ্যতিৰাত্ৰো ভৱতি ত্ৰয ইমে লোকা এষাং-লোঁকানামাপ্ত্যৈ প্ৰাণো ৱৈ প্ৰথমো-ঽতিৰাত্ৰো ৱ্যানো দ্ৱিতীযো ঽপানস্তৃতীযঃ প্ৰাণাপানো-দানেষ্ৱেৱা-ঽন্নাদ্যে প্ৰতি তিষ্ঠন্তি সৰ্ৱ-মাযু-ৰ্যন্তি য এৱং ঁৱিদ্ৱাগ্ংস-স্ত্ৰযোদশৰাত্ৰ-মাসতে তদাহু-ৰ্ৱাগ্ৱা এষা ৱিততা [ৱিততা, য-দ্দ্ৱাদশাহস্তাং-] 7
য-দ্দ্ৱাদশাহস্তাং-ৱিঁচ্ছিন্দ্যু-ৰ্যন্মদ্ধ্যে ঽতিৰাত্ৰ-ঙ্কুৰ্যু-ৰুপদাসুকা গৃহপতে-ৰ্ৱা-খ্স্যা-দুপৰিষ্টা-চ্ছন্দোমানা-ম্মহাৱ্ৰত-ঙ্কুৰ্ৱন্তি সন্ততা-মেৱ ৱাচ-মৱ ৰুন্ধতে-ঽনুপদাসুকা গৃহপতে-ৰ্ৱাগ্-ভৱতি পশৱো ৱৈ ছন্দোমা অন্ন-ম্মহাৱ্ৰতং-যঁদুপৰিষ্টা-চ্ছন্দোমানা-ম্মহাৱ্ৰত-ঙ্কুৰ্ৱন্তি পশুষু চৈৱান্নাদ্যে চ প্ৰতি তিষ্ঠন্তি ॥ 8 ॥

(ৱিততা - ত্ৰিচত্ৱাৰিগ্ংশচ্চ) (অ. 3)
আদিত্যা অকামযন্তো-ভযোৰ্লোকযোৰ্ ঋদ্ধ্নুযামেতি ত এত-ঞ্চতুৰ্দশৰাত্ৰ- মপশ্য-ন্তমা-ঽহৰ-ন্তেনাযজন্ত ততো ৱৈ ত উভযো-ৰ্লোকযো-ৰাৰ্ধ্নুৱন্নস্মিগ্গ্শ্চা-মুষ্মিগ্গ্শ্চ য এৱং-ৱিঁদ্ৱাগ্ংস-শ্চতুৰ্দশৰাত্ৰমাসত উভযোৰেৱ লোকযোৰ্. ঋদ্ধ্নুৱন্ত্যস্মিগ্গ্শ্চা-মুষ্মিগ্গ্শ্চ চতুৰ্দশৰাত্ৰো ভৱতি সপ্ত গ্ৰাম্যা ওষধয-স্সপ্তা-ঽঽৰণ্যা উভযীষামৱৰুদ্ধ্যৈ য-ত্পৰাচীনানি পৃষ্ঠানি [পৃষ্ঠানি, ভৱন্ত্যমু-] 9
ভৱন্ত্যমু-মেৱ তৈ-ৰ্লোক-মভি জযন্তি য-ত্প্ৰতীচীনানি পৃষ্ঠানি ভৱন্তীম-মেৱ তৈ-ৰ্লোক-মভি জযন্তি ত্ৰযস্ত্ৰিগ্ংশৌ মদ্ধ্যত-স্স্তোমৌ ভৱত-স্সাম্ৰাজ্যমেৱ গচ্ছন্ত্যধিৰাজৌ ভৱতো-ঽধিৰাজা এৱ সমানানা-ম্ভৱন্ত্যতিৰাত্ৰা-ৱভিতো ভৱতঃ পৰিগৃহীত্যৈ ॥ 10 ॥

(পৃষ্ঠানি - চতুস্ত্ৰিগ্ংশচ্চ) (অ. 4)
প্ৰজাপতি-স্সুৱৰ্গং-লোঁকমৈ-ত্ত-ন্দেৱা অন্ৱায-ন্তানাদিত্যাশ্চ পশৱশ্চা-ঽন্ৱায-ন্তে দেৱা অব্ৰুৱন্. যা-ন্পশূ-নুপাজীৱিষ্ম ত ইমে ঽন্ৱাগ্ম-ন্নিতি তেভ্য এত-ঞ্চতুৰ্দশৰাত্ৰ-ম্প্ৰত্যৌহ-ন্ত আদিত্যাঃ পৃষ্ঠৈ-স্সুৱৰ্গং-লোঁকমা-ঽৰোহ-ন্ত্ৰ্যহাভ্যা-মস্মিন্ ঁলোকে পশূ-ন্প্ৰত্যৌহ-ন্পৃষ্ঠৈ-ৰাদিত্যা অমুষ্মিন্ ঁলোক আৰ্ধ্নুৱ-ন্ত্ৰ্যহাভ্যা-মস্মি- [আৰ্ধ্নুৱ-ন্ত্ৰ্যহাভ্যা-মস্মিন্ন্, লোকে পশৱো] 11
ঁল্লোকে পশৱো য এৱং-ৱিঁদ্ৱাগ্ংস-শ্চতুৰ্দশৰাত্ৰমাসত উভযোৰেৱ লোকযোৰ্ ঋদ্ধ্নুৱন্ত্যস্মিগ্গ্শ্চা-মুষ্মিগ্গ্শ্চ পৃষ্ঠৈ-ৰেৱা-ঽমুষ্মিন্ ঁলোক ঋদ্ধ্নুৱন্তি ত্ৰ্যহাভ্যা-মস্মিন্ ঁলোকে জ্যোতি-ৰ্গৌৰাযু-ৰিতি ত্ৰ্যহো ভৱতীযং-ৱাঁৱ জ্যোতি-ৰন্তৰিক্ষ-ঙ্গৌ-ৰসা-ৱাযু-ৰিমা-নেৱ লোকা-নভ্যাৰোহন্তি য-দন্যতঃ পৃষ্ঠানি স্যুৰ্ৱিৱিৱধগ্গ্ স্যান্মদ্ধ্যে পৃষ্ঠানি ভৱন্তি সৱিৱধত্ৱাযৌ- [সৱিৱধত্ৱায, ওজো ৱৈ] 12
-জো ৱৈ ৱীৰ্য-ম্পৃষ্ঠান্যোজ এৱ ৱীৰ্য-ম্মদ্ধ্যতো দধতে বৃহ-দ্ৰথন্তৰাভ্যাং-যঁন্তীযং-ৱাঁৱ ৰথন্তৰ-মসৌ বৃহ-দাভ্যা-মেৱ যন্ত্যথো অনযো-ৰেৱ প্ৰতি তিষ্ঠন্ত্যেতে ৱৈ যজ্ঞস্যা-ঽঞ্জসাযনী স্ৰুতী তাভ্যা-মেৱ সুৱৰ্গং-লোঁকং-যঁন্তি পৰাঞ্চো ৱা এতে সুৱৰ্গং-লোঁক-মভ্যাৰোহন্তি যে পৰাচীনানি পৃষ্ঠান্যুপযন্তি প্ৰত্য-ন্ত্ৰ্যহো ভৱতি প্ৰত্যৱৰূঢ্যা অথো প্ৰতিষ্ঠিত্যা উভযো-ৰ্লোকযোৰ্ ঋদ্ধ্ৱো-ত্তিষ্ঠন্তি চতুৰ্দশৈতা-স্তাসাং-যাঁ দশ দশাক্ষৰা ৱিৰাডন্নং-ৱিঁৰা-ড্ৱিৰাজৈৱা-ঽন্নাদ্য-মৱ ৰুন্ধতে যাশ্চতস্ৰ-শ্চতস্ৰো দিশো দিক্ষ্ৱেৱ প্ৰতি তিষ্ঠন্ত্যতিৰাত্ৰা-ৱভিতো ভৱতঃ পৰিগৃহীত্যৈ ॥ 13 ॥

(আৰ্ধ্নুৱ-ন্ত্ৰ্যহাভ্যামস্মিন্থ্ - সৱিৱধত্ৱায - প্ৰতিষ্ঠত্যা - একত্ৰিগ্ংশচ্চ) (অ. 5)
ইন্দ্ৰো ৱৈ সদৃ-ন্দেৱতাভিৰাসী-থ্স ন ৱ্যাৱৃতমগচ্ছ-থ্স প্ৰজাপতিমুপাধাৱ-ত্তস্মা এত-ম্পঞ্চদশৰাত্ৰ-ম্প্ৰাযচ্ছ-ত্তমা-ঽহৰ-ত্তেনাযজত ততো ৱৈ সো-ঽন্যাভি-ৰ্দেৱতাভি-ৰ্ৱ্যাৱৃত-মগচ্ছদ্য এৱং-ৱিঁদ্ৱাগ্ংসঃ পঞ্চদশৰাত্ৰ-মাসতে ৱ্যাৱৃত-মেৱ পাপ্মনা ভ্ৰাতৃৱ্যেণ গচ্ছন্তি জ্যোতি-ৰ্গৌৰাযু-ৰিতি ত্ৰ্যহো ভৱতীযং-ৱাঁৱ জ্যোতি-ৰন্তৰিক্ষ- [জ্যোতি-ৰন্তৰিক্ষম্, ] 14
-ঙ্গৌ-ৰসা-ৱাযু-ৰেষ্ৱেৱ লোকেষু প্ৰতি তিষ্ঠন্ত্যসত্ৰং-ৱাঁ এতদ্য-দছন্দোমং-যঁচ্ছন্দোমা ভৱন্তি তেন সত্ৰ-ন্দেৱতা এৱ পৃষ্ঠৈৰৱ ৰুন্ধতে পশূ-ঞ্ছন্দোমৈ-ৰোজো ৱআৱৈ ৱীৰ্য-ম্পৃষ্ঠানি পশৱঃ ছন্দোমা ওজস্যেৱ ৱীৰ্যে পশুষু প্ৰতি তিষ্ঠন্তি পঞ্চদশৰাত্ৰো ভৱতি পঞ্চদশো ৱজ্ৰো ৱজ্ৰমেৱ ভ্ৰাতৃৱ্যেভ্যঃ প্ৰ হৰন্ত্যতিৰাত্ৰা-ৱভিতো ভৱত ইন্দ্ৰিযস্য পৰিগৃহীত্যৈ ॥ 15 ॥

(অন্তৰিক্ষ-মিন্দ্ৰিযস্যৈ-কঞ্চ) (অ. 6)
ইন্দ্ৰো ৱৈ শিথিল ইৱা-ঽপ্ৰতিষ্ঠিত আসী-থ্সো-ঽসুৰেভ্যো-ঽবিভে-থ্স প্ৰজাপতিমুপা-ঽধাৱ-ত্তস্মা এত-ম্পঞ্চদশৰাত্ৰং-ৱঁজ্ৰ-ম্প্ৰাযচ্ছ-ত্তেনাসুৰা-ন্পৰাভাৱ্য ৱিজিত্য শ্ৰিযমগচ্ছদগ্নিষ্টুতা পাপ্মান-ন্নিৰদহত পঞ্চদশৰাত্ৰেণৌজো বলমিন্দ্ৰিযং-ৱীঁৰ্যমাত্মন্নধত্ত য এৱং-ৱিঁদ্ৱাগ্ংসঃ পঞ্চদশৰাত্ৰমাসতে ভ্ৰাতৃৱ্যানেৱ পৰাভাৱ্য ৱিজিত্য শ্ৰিয-ঙ্গচ্ছন্ত্যগ্নিষ্টুতা পাপ্মান-ন্নি- [পাপ্মান-ন্নিঃ, দহন্তে পঞ্চদশৰাত্ৰেণৌজো] 16
-ৰ্দহন্তে পঞ্চদশৰাত্ৰেণৌজো বল-মিন্দ্ৰিযং-ৱীঁৰ্য-মাত্ম-ন্দধত এতা এৱ পশৱ্যাঃ পঞ্চদশ ৱা অৰ্ধমাসস্য ৰাত্ৰযো-ঽৰ্ধমাসশ-স্সংৱঁথ্সৰ আপ্যতে সংৱঁথ্সৰ-ম্পশৱো-ঽনু প্ৰ জাযন্তে তস্মা-ত্পশৱ্যা এতা এৱ সুৱৰ্গ্যাঃ পঞ্চদশ ৱা অৰ্ধমাসস্য ৰাত্ৰযো-ঽৰ্ধমাসশ-স্সংৱঁথ্সৰ আপ্যতে সংৱঁথ্সৰ-স্সুৱৰ্গো লোকস্তস্মা-থ্সুৱৰ্গ্যা জ্যোতি-ৰ্গৌৰাযু-ৰিতি ত্ৰ্যহো ভৱতীযং-ৱাঁৱ জ্যোতি-ৰন্তৰিক্ষ- [-ৰন্তৰিক্ষম্, গৌ-ৰসাৱাযু-] 17
-ঙ্গৌ-ৰসাৱাযু-ৰিমা-নেৱ লোকা-নভ্যাৰোহন্তি যদন্যতঃ পৃষ্ঠানি স্যুৰ্ৱিৱিৱধগ্গ্ স্যান্মদ্ধ্যে পৃষ্ঠানি ভৱন্তি সৱিৱধত্ৱাযৌজো ৱৈ ৱীৰ্য-ম্পৃষ্ঠান্যোজ এৱ ৱীৰ্য-ম্মদ্ধ্যতো দধতে বৃহ-দ্ৰথন্তৰাভ্যাং-যঁন্তীযং-ৱাঁৱ ৰথন্তৰমসৌ বৃহদাভ্যামেৱ যন্ত্যথো অনযোৰেৱ প্ৰতি তিষ্ঠন্ত্যেতে ৱৈ যজ্ঞস্যাঞ্জসাযনী স্ৰুতী তাভ্যামেৱ সুৱৰ্গং-লোঁকং- [সুৱৰ্গং-লোঁকম্, যন্তি পৰাঞ্চো ৱা এতে] 18
-ঁযন্তি পৰাঞ্চো ৱা এতে সুৱৰ্গং-লোঁকমভ্যাৰোহন্তি যে পৰাচীনানি পৃষ্ঠান্যুপযন্তি প্ৰত্য-ন্ত্ৰ্যহো ভৱতি প্ৰত্যৱৰূঢ্যা অথো প্ৰতিষ্ঠিত্যা উভযোৰ্লোকযোৰ্ ঋদ্ধ্ৱো-ত্তিষ্ঠন্তি পঞ্চদশৈতাস্তাসাং-যাঁ দশ দশাক্ষৰা ৱিৰাডন্নং-ৱিঁৰা-ড্ৱিৰাজৈৱান্নাদ্যমৱ ৰুন্ধতে যাঃ পঞ্চ পঞ্চ দিশো দিক্ষ্ৱেৱ প্ৰতি তিষ্ঠন্ত্যতিৰাত্ৰাৱভিতো ভৱত ইন্দ্ৰিযস্য ৱীৰ্যস্য প্ৰজাযৈ পশূনা-ম্পৰিগৃহীত্যৈ ॥ 19 ॥

(গচ্ছন্ত্যগ্নিষ্টুতা পাপ্মান-ন্নি-ৰন্তৰিক্ষং - ঁলোকং - প্ৰজাযৈ - দ্ৱে চ) (অ. 7)
প্ৰজাপতি-ৰকামযতান্নাদ-স্স্যামিতি স এতগ্ং সপ্তদশৰাত্ৰ-মপশ্য-ত্তমা-ঽহৰ-ত্তেনাযজত ততো ৱৈ সো-ঽন্নাদো-ঽভৱদ্য এৱং-ৱিঁদ্ৱাগ্ংসঃ সপ্তদশ-ৰাত্ৰমাসতে ঽন্নাদা এৱ ভৱন্তি পঞ্চাহো ভৱতি পঞ্চ ৱা ঋতৱঃ সংৱঁথ্সৰ ঋতুষ্ৱেৱ সংৱঁথ্সৰে প্ৰতি তিষ্ঠন্ত্যথো পঞ্চাক্ষৰা পঙ্ক্তিঃ পাঙ্ক্তো যজ্ঞো যজ্ঞমেৱা-ঽৱ ৰুন্ধতে ঽসত্ৰং-ৱাঁ এত- [এতত্, যদছন্দোমং-যঁচ্ছন্দোমা] 20
-দ্যদছন্দোমং-যঁচ্ছন্দোমা ভৱন্তি তেন সত্ৰ-ন্দেৱতা এৱ পৃষ্ঠৈৰৱ ৰুন্ধতে পশূঞ্ছন্দোমৈৰোজো ৱৈ ৱীৰ্য-ম্পৃষ্ঠানি পশৱঃ ছন্দোমা ওজস্যেৱ ৱীৰ্যে পশুষু প্ৰতি তিষ্ঠন্তি সপ্তদশৰাত্ৰো ভৱতি সপ্তদশঃ প্ৰজাপতিঃ প্ৰজাপতেৰাপ্ত্যা অতিৰাত্ৰাৱভিতো ভৱতো-ঽন্নাদ্যস্য পৰিগৃহীত্যৈ ॥ 21 ॥

(এতথ্ - সপ্তত্ৰিগ্ংশচ্চ) (অ. 8)
সা ৱিৰা-ড্ৱিক্ৰম্যাতিষ্ঠ-দ্ব্ৰহ্মণা দেৱেষ্ৱন্নেনা-সুৰেষু তে দেৱা অকামযন্তোভযগ্ং সং-ৱৃঁঞ্জীমহি ব্ৰহ্ম চান্ন-ঞ্চেতি ত এতা ৱিগ্ংশতিগ্ং ৰাত্ৰীৰপশ্য-ন্ততো ৱৈ ত উভযগ্ং সমৱৃঞ্জত ব্ৰহ্ম চান্ন-ঞ্চ ব্ৰহ্মৱৰ্চসিনো-ঽন্নাদা অভৱন্. য এৱং-ৱিঁদ্ৱাগ্ংস এতা আসত উভযমেৱ সং-ৱৃঁঞ্জতে ব্ৰহ্ম চা-ঽন্ন-ঞ্চ [ব্ৰহ্ম চা-ঽন্ন-ঞ্চ, ব্ৰহ্মৱৰ্চসিনো-ঽন্নাদা] 22
ব্ৰহ্মৱৰ্চসিনো-ঽন্নাদা ভৱন্তি দ্ৱে ৱা এতে ৱিৰাজৌ তযোৰেৱ নানা প্ৰতি তিষ্ঠন্তি ৱিগ্ংশো ৱৈ পুৰুষো দশ হস্ত্যা অঙ্গুলযো দশ পদ্যা যাৱানেৱ পুৰুষস্ত-মাপ্ত্ৱো-ত্তিষ্ঠন্তি জ্যোতি-ৰ্গৌ-ৰাযু-ৰিতি ত্ৰ্যহা ভৱন্তীযং-ৱাঁৱ জ্যোতি-ৰন্তৰিক্ষ-ঙ্গৌ-ৰসা-ৱাযু-ৰিমানেৱ লোকা-নভ্যাৰোহন্ত্যভিপূৰ্ৱ-ন্ত্ৰ্যহা ভৱন্ত্যভিপূৰ্ৱ-মেৱ সুৱৰ্গ- [সুৱৰ্গম্, লোক-মভ্যাৰোহন্তি] 23
-ঁল্লোক-মভ্যাৰোহন্তি যদন্যতঃ পৃষ্ঠানি স্যুৰ্ৱিৱিৱধগ্গ্ স্যান্মদ্ধ্যে পৃষ্ঠানি ভৱন্তি সৱিৱধত্ৱাযৌজো ৱৈ ৱীৰ্য-ম্পৃষ্ঠান্যোজ এৱ ৱীৰ্য-ম্মদ্ধ্যতো দধতে বৃহ-দ্ৰথন্তৰাভ্যাং-যঁন্তীযং-ৱাঁৱ ৰথন্তৰমসৌ বৃহদাভ্যামেৱ যন্ত্যথো অনযোৰেৱ প্ৰতি তিষ্ঠন্ত্যেতে ৱৈ যজ্ঞস্যাঞ্জসাযনী স্ৰুতী তাভ্যামেৱ সুৱৰ্গং-লোঁকং-যঁন্তি পৰাঞ্চো ৱা এতে সুৱৰ্গং ঁলোকমভ্যাৰোহন্তি যে পৰাচীনানি পৃষ্ঠান্যুপযন্তি প্ৰত্য-ন্ত্ৰ্যহো ভৱতি প্ৰত্যৱৰূঢ্যা অথো প্ৰতিষ্ঠিত্যা উভযোৰ্লোকযোৰ্. ঋদ্ধ্ৱো-ত্তিষ্ঠন্ত্যতিৰাত্ৰাৱভিতো ভৱতো ব্ৰহ্মৱৰ্চস-স্যান্নাদ্যস্য পৰিগৃহীত্যৈ ॥ 24 ॥
(ৱৃঞ্জতে ব্ৰহ্ম চা-ন্ন-ঞ্চ - সুৱৰ্গ - মেতে সুৱৰ্গং - ত্ৰযোৱিগ্ংশতিশ্চ) (অ. 9)
অসাৱাদিত্যো-ঽস্মিন্ ঁলোক আসী-ত্ত-ন্দেৱাঃ পৃষ্ঠৈঃ পৰিগৃহ্য সুৱৰ্গং-লোঁকমগময-ন্পৰৈৰৱস্তা-ত্পৰ্যগৃহ্ণ-ন্দিৱাকীৰ্ত্যেন সুৱৰ্গে লোকে প্ৰত্যস্থাপয-ন্পৰৈঃ পৰস্তা-ত্পৰ্যগৃহ্ণ-ন্পৃষ্ঠৈৰুপাৱাৰোহন্থ্স ৱা অসাৱাদিত্যো-ঽমুষ্মিন্ ঁলোকে পৰৈৰুভযতঃ পৰিগৃহীতো য-ত্পৃষ্ঠানি ভৱন্তি সুৱৰ্গমেৱ তৈৰ্লোকং-যঁজমানা যন্তি পৰৈৰৱস্তা-ত্পৰি গৃহ্ণন্তি দিৱাকীৰ্ত্যেন [দিৱাকীৰ্ত্যেন, সুৱৰ্গে লোকে প্ৰতি] 25
সুৱৰ্গে লোকে প্ৰতি তিষ্ঠন্তি পৰৈঃ পৰস্তা-ত্পৰি গৃহ্ণন্তি পৃষ্ঠৈৰুপাৱৰোহন্তি য-ত্পৰে পৰস্তান্ন স্যুঃ পৰাঞ্চ-স্সুৱৰ্গা-ল্লোকান্নিষ্পদ্যেৰন্. যদৱস্তান্ন স্যুঃ প্ৰজা নিৰ্দহেযুৰভিতো দিৱাকীৰ্ত্য-ম্পৰস্সামানো ভৱন্তি সুৱৰ্গ এৱৈনা-ল্লোঁক উভযতঃ পৰি গৃহ্ণন্তি যজমানা ৱৈ দিৱাকীৰ্ত্যগ্ং সংৱঁথ্সৰঃ পৰস্সামানো-ঽভিতো দিৱাকীৰ্ত্য-ম্পৰস্সামানো ভৱন্তি সংৱঁথ্সৰ এৱোভযতঃ [এৱোভযতঃ, প্ৰতি তিষ্ঠন্তি] 26
প্ৰতি তিষ্ঠন্তি পৃষ্ঠং-ৱৈঁ দিৱাকীৰ্ত্য-ম্পাৰ্শ্ৱে পৰস্সামানো ঽভিতো দিৱাকীৰ্ত্য-ম্পৰস্সামানো ভৱন্তি তস্মাদভিতঃ পৃষ্ঠ-ম্পাৰ্শ্ৱে ভূযিষ্ঠা গ্ৰহা গৃহ্যন্তে ভূযিষ্ঠগ্ং শস্যতে যজ্ঞস্যৈৱ তন্মদ্ধ্যতো গ্ৰন্থি-ঙ্গ্ৰথ্নন্ত্যৱিস্ৰগ্ংসায সপ্ত গৃহ্যন্তে সপ্ত ৱৈ শীৰ্ষণ্যাঃ প্ৰাণাঃ প্ৰাণানেৱ যজমানেষু দধতি য-ত্পৰাচীনানি পৃষ্ঠানি ভৱন্ত্যমুমেৱ তৈ-ৰ্লোকমভ্যাৰোহন্তি যদিমং-লোঁক-ন্ন [যদিমং-লোঁক-ন্ন, প্ৰত্যৱ-ৰোহেযু-ৰুদ্ৱা] 27
প্ৰত্যৱ-ৰোহেযু-ৰুদ্ৱা মাদ্যেযুৰ্যজমানাঃ প্ৰ ৱা মীযেৰন্. য-ত্প্ৰতীচীনানি পৃষ্ঠানি ভৱন্তীম-মেৱ তৈৰ্লোক-ম্প্ৰত্যৱৰোহন্ত্যথো অস্মিন্নেৱ লোকে প্ৰতি তিষ্ঠন্ত্যনুন্মাদাযেন্দ্ৰো ৱা অপ্ৰতিষ্ঠিত আসী-থ্স প্ৰজাপতি-মুপাধাৱ-ত্তস্মা এত-মেকৱিগ্ংশতিৰাত্ৰ-ম্প্ৰাযচ্ছ-ত্তমা-ঽহৰ-ত্তেনাযজত ততো ৱৈ স প্ৰত্যতিষ্ঠদ্যে বহুযাজিনো ঽপ্ৰতিষ্ঠিতা- [ ঽপ্ৰতিষ্ঠিতাঃ, স্যুস্ত একৱিগ্ংশতি-] 28
-স্স্যুস্ত একৱিগ্ংশতি-ৰাত্ৰ-মাসীৰ-ন্দ্ৱাদশ মাসাঃ পঞ্চৰ্তৱ-স্ত্ৰয ইমে লোকা অসাৱাদিত্য একৱিগ্ংশ এতাৱন্তো ৱৈ দেৱলোকাস্তেষ্ৱেৱ যথা পূৰ্ৱ-ম্প্ৰতি তিষ্ঠন্ত্যসাৱাদিত্যো ন ৱ্যৰোচত স প্ৰজাপতি-মুপাধাৱ-ত্তস্মা এতমেকৱিগ্ংশতিৰাত্ৰ-ম্প্ৰাযচ্ছ-ত্তমা-ঽহৰ-ত্তেনাযজত ততো ৱৈ সো ঽৰোচত য এৱং-ৱিঁদ্ৱাগ্ংস একৱিগ্ংশতিৰাত্ৰ-মাসতে ৰোচন্ত এৱৈকৱিগ্ংশতিৰাত্ৰো ভৱতি ৰুগ্ৱা একৱিগ্ংশো ৰুচমেৱ গচ্ছন্ত্যথো প্ৰতিষ্ঠামেৱ প্ৰতিষ্ঠা হ্যেকৱিগ্ংশো ঽতিৰাত্ৰাৱভিতো ভৱতো ব্ৰহ্মৱৰ্চসস্য পৰিগৃহীত্যৈ ॥ 29 ॥
(গৃহ্ণন্তি দিৱাকীৰ্ত্যেনৈ - ৱোভযতো - না - প্ৰতিষ্ঠিতা - আসত - একৱিগ্ংশতিশ্চ) (অ. 10)
অৰ্ৱাং-যঁজ্ঞ-স্স-ঙ্ক্ৰামত্ৱমুষ্মা-দধি মামভি । ঋষীণাং-যঃ ঁপুৰোহিতঃ ॥ নিৰ্দেৱ-ন্নিৰ্ৱীৰ-ঙ্কৃত্ৱা ৱিষ্কন্ধ-ন্তস্মিন্ হীযতাং-যোঁ-ঽস্মা-ন্দ্ৱেষ্টি । শৰীৰং-যঁজ্ঞশমল-ঙ্কুসীদ-ন্তস্মিন্থ্সীদতু যো-ঽস্মা-ন্দ্ৱেষ্টি ॥ যজ্ঞ যজ্ঞস্য য-ত্তেজস্তেন সঙ্ক্ৰাম মামভি । ব্ৰাহ্মণা-নৃত্ৱিজো দেৱান্ যজ্ঞস্য তপসা তে সৱাহমা হুৱে ॥ ইষ্টেন পক্ৱমুপ [পক্ৱমুপ, তে হুৱে সৱা-ঽহম্ ।] 30
তে হুৱে সৱা-ঽহম্ । স-ন্তে ৱৃঞ্জে সুকৃতগ্ং স-ম্প্ৰজা-ম্পশূন্ ॥ প্ৰৈষান্-থ্সামিধেনী-ৰাঘাৰা-ৱাজ্যভাগাৱা-শ্ৰুত-ম্প্ৰত্যাশ্ৰুতমা শৃণামি তে । প্ৰযাজানূযাজান্-থ্স্ৱিষ্টকৃত-মিডা-মাশিষ আ ৱৃঞ্জে সুৱঃ ॥ অগ্নিনেন্দ্ৰেণ সোমেন সৰস্ৱত্যা ৱিষ্ণুনা দেৱতাভিঃ । যাজ্যানুৱাক্যাভ্যা-মুপ তে হুৱে সৱাহং-যঁজ্ঞমা দদে তে ৱষট্কৃতম্ ॥ স্তুতগ্ং শস্ত্ৰ-ম্প্ৰতিগৰ-ঙ্গ্ৰহ-মিডা-মাশিষ [মাশিষঃ, আ ৱৃঞ্জে সুৱঃ ।] 31
আ ৱৃঞ্জে সুৱঃ । পত্নীসংযাঁজা-নুপ তে হুৱে সৱাহগ্ং সমিষ্টযজু-ৰা দদে তৱ ॥ পশূন্-থ্সুত-ম্পুৰোডাশান্-থ্সৱনান্যোত যজ্ঞম্ । দেৱান্-থ্সেন্দ্ৰানুপ তে হুৱে সৱাহ-মগ্নিমুখান্-থ্সোমৱতো যে চ ৱিশ্ৱে ॥ 32 ॥
(উপ - গ্ৰহমিডামাশিষো - দ্ৱাত্ৰিগ্ংশচ্চ) (অ. 11)
ভূত-ম্ভৱ্য-ম্ভৱিষ্যদ্ৱষট্-থ্স্ৱাহা নম ঋ-খ্সাম যজুৰ্ৱষট্-থ্স্ৱাহা নমো গাযত্ৰী ত্ৰিষ্টু-ব্জগতী ৱষট্-থ্স্ৱাহা নমঃ পৃথিৱ্যন্তৰিক্ষ-ন্দ্যৌ ৰ্ৱষট্-থ্স্ৱাহা নমো ঽগ্নিৰ্ৱাযু-স্সূৰ্যো ৱষট্-থ্স্ৱাহা নমঃ প্ৰাণো-ৱ্যানো-ঽপানো ৱষট্-থ্স্ৱাহা নমো ঽন্ন-ঙ্কৃষি-ৰ্ৱৃষ্টি-ৰ্ৱষট্-থ্স্ৱাহা নমঃ পিতাপুত্ৰঃ পৌত্ৰো ৱষট্-থ্স্ৱাহা নমো ভূৰ্ভুৱ-স্সুৱ ৰ্ৱষট্-থ্স্ৱাহা নমঃ ॥ 33 ॥
(ভুৱ - শ্চত্ৱাৰি চ) (অ. 12)
আ মে গৃহা ভৱন্ত্ৱা প্ৰজা ম আ মা যজ্ঞো ৱিশতু ৱীৰ্যাৱান্ । আপো দেৱীৰ্যজ্ঞিযা মা-ঽঽৱিশন্তু সহস্ৰস্য মা ভূমা মা প্ৰ হাসীত্ ॥ আ মে গ্ৰহো ভৱত্ৱা পুৰোৰু-খ্স্তুতশস্ত্ৰে মা ঽঽ ৱিশতাগ্ং সমীচী । আদিত্যা ৰুদ্ৰা ৱসৱো মে সদস্যা-স্সহস্ৰস্য মা ভূমা মা প্ৰ হাসীত্ ॥ আ মা-ঽগ্নিষ্টোমো ৱিশতূ ক্থ্যশ্চাতিৰাত্ৰো মা-ঽঽ ৱিশত্ৱাপিশৰ্ৱৰঃ । তিৰোঅহ্নিযা মা সুহুতা আ ৱিশন্তু সহস্ৰস্য মা ভূমা মা প্ৰ হাসীত্ ॥ 34 ॥
(অগ্নিষ্টোমো ৱিশত্ৱ - ষ্টাদশ চ) (অ. 13)
অগ্নিনা তপো-ঽন্ৱভৱ-দ্ৱাচা ব্ৰহ্ম মণিনা ৰূপাণীন্দ্ৰেণ দেৱান্ ৱাতেন প্ৰাণান্-থ্সূৰ্যেণ দ্যা-ঞ্চন্দ্ৰমসা নক্ষত্ৰাণি যমেন পিতৄ-ন্ৰাজ্ঞা মনুষ্যা-ন্ফলেন নাদেযানজগৰেণ সৰ্পান্ ৱ্যাঘ্ৰেণা-ঽঽৰণ্যা-ন্পশূঞ্ছ্যেনেন পতত্ৰিণো ৱৃষ্ণা-ঽশ্ৱানৃষভেণ গা বস্তেনাজা ৱৃষ্ণিনা-ঽৱীৰ্ৱ্ৰীহিণা-ঽন্নানি যৱেনৌষধীৰ্ন্যগ্ৰোধেন ৱনস্পতীনুদুবংৰেণোৰ্জ-ঙ্গাযত্ৰিযা ছন্দাগ্ংসি ত্ৰিৱৃতা স্তোমা-ন্ব্ৰাহ্মণেন ৱাচম্ ॥ 35 ॥
(ব্ৰাহ্মণেনৈ - ক-ঞ্চ) (অ. 14)
স্ৱাহা-ঽঽধিমাধীতায স্ৱাহা স্ৱাহা-ঽঽধীত-ম্মনসে স্ৱাহা স্ৱাহা মনঃ প্ৰজাপতযে স্ৱাহা কায স্ৱাহা কস্মৈ স্ৱাহা কতমস্মৈ স্ৱাহা ঽদিত্যৈ স্ৱাহা ঽদিত্যৈ মহ্যৈ স্ৱাহা-ঽদিত্যৈ সুমৃডীকাযৈ স্ৱাহা সৰস্ৱত্যৈ স্ৱাহা সৰস্ৱত্যৈ বৃহত্যৈ স্ৱাহা সৰস্ৱত্যৈ পাৱকাযৈ স্ৱাহা পূষ্ণে স্ৱাহা পূষ্ণে প্ৰপথ্যায স্ৱাহা পূষ্ণে নৰন্ধিষায স্ৱাহা ত্ৱষ্ট্ৰে স্ৱাহা ত্ৱষ্ট্ৰে তুৰীপায স্ৱাহা ত্ৱষ্ট্ৰে পুৰুৰূপায স্ৱাহা ৱিষ্ণৱে স্ৱাহা ৱিষ্ণৱে নিখুৰ্যপায স্ৱাহা ৱিষ্ণৱে নিভূযপায স্ৱাহা সৰ্ৱস্মৈ স্ৱাহা ॥ 36 ॥
(পুৰুৰূপায স্ৱাহা - দশ চ) (অ. 15)
দদ্ভ্য-স্স্ৱাহা হনূভ্যাগ্ স্ৱাহোষ্ঠাভ্যাগ্ স্ৱাহা মুখায স্ৱাহা নাসিকাভ্যাগ্ স্ৱাহা ঽক্ষীভ্যাগ্ স্ৱাহা কৰ্ণাভ্যাগ্ স্ৱাহা পাৰ ইক্ষৱো-ঽৱাৰ্যেভ্যঃ পক্ষ্মভ্য-স্স্ৱাহা ঽৱাৰ ইক্ষৱঃ পাৰ্যেভ্যঃ পক্ষ্মভ্য-স্স্ৱাহা শীৰ্ষ্ণে স্ৱাহা ভ্ৰূভ্যাগ্ স্ৱাহা ললাটায স্ৱাহা মূৰ্ধ্নে স্ৱাহা মস্তিষ্কায স্ৱাহা কেশেভ্য-স্স্ৱাহা ৱহায স্ৱাহা গ্ৰীৱাভ্য-স্স্ৱাহা স্কন্ধেভ্য-স্স্ৱাহা কীকসাভ্য-স্স্ৱাহা পৃষ্টীভ্য-স্স্ৱাহা পাজস্যায স্ৱাহা পাৰ্শ্ৱাভ্যাগ্ স্ৱাহা- [ ] 37
-ঽগ্ংসাভ্যাগ্ স্ৱাহা দোষভ্যাগ্ স্ৱাহা বাহুভ্যাগ্ স্ৱাহা জঙ্ঘাভ্যাগ্ স্ৱাহা শ্ৰোণীভ্যাগ্ স্ৱাহোৰুভ্যাগ্ স্ৱাহা ঽষ্ঠীৱদ্ভ্যাগ্ স্ৱাহা জঙ্ঘাভ্যাগ্ স্ৱাহা ভসদে স্ৱাহা শিখণ্ডেভ্য-স্স্ৱাহা ৱালধানায স্ৱাহা ঽঽণ্ডাভ্যাগ্ স্ৱাহা শেপায স্ৱাহা ৰেতসে স্ৱাহা প্ৰজাভ্য-স্স্ৱাহা প্ৰজননায স্ৱাহা পদ্ভ্য-স্স্ৱাহা শফেভ্য-স্স্ৱাহা লোমভ্য-স্স্ৱাহা ত্ৱচে স্ৱাহা লোহিতায স্ৱাহা মাগ্ংসায স্ৱাহা স্নাৱভ্য-স্স্ৱাহা ঽস্থভ্য-স্স্ৱাহা মজ্জভ্য-স্স্ৱাহা ঽঙ্গেভ্য-স্স্ৱাহা ঽঽত্মনে স্ৱাহা সৰ্ৱস্মৈ স্ৱাহা ॥ 38 ॥
(পাৰ্শ্ৱাভ্যাগ্ স্ৱাহা - মজ্জভ্য-স্স্ৱাহা - ষট্ চ) (অ. 16)
অঞ্জ্যেতায স্ৱাহা ঽঞ্জিসক্থায স্ৱাহা শিতিপদে স্ৱাহা শিতিককুদে স্ৱাহা শিতিৰন্ধ্ৰায স্ৱাহা শিতিপৃষ্ঠায স্ৱাহা শিত্যগ্ংসায স্ৱাহা পুষ্পকৰ্ণায স্ৱাহা শিত্যোষ্ঠায স্ৱাহা শিতিভ্ৰৱে স্ৱাহা শিতিভসদে স্ৱাহা শ্ৱেতানূকাশায স্ৱাহা ঽঞ্জযে স্ৱাহা ললামায স্ৱাহা ঽসিতজ্ঞৱে স্ৱাহা কৃষ্ণৈতায স্ৱাহা ৰোহিতৈতায স্ৱাহা ঽৰুণৈতায স্ৱাহেদৃশায স্ৱাহা কীদৃশায স্ৱাহা তাদৃশায স্ৱাহা সদৃশায স্ৱাহা ৱিসদৃশায স্ৱাহা সুসদৃশায স্ৱাহা ৰূপায স্ৱাহা সৰ্ৱস্মৈ স্ৱাহা ॥ 39 ॥
(ৰূপায স্ৱাহা - দ্ৱে চ ) (অ. 17)
কৃষ্ণায স্ৱাহা শ্ৱেতায স্ৱাহা পিশঙ্গায স্ৱাহা সাৰঙ্গায স্ৱাহা ঽৰুণায স্ৱাহা গৌৰায স্ৱাহা বভ্ৰৱে স্ৱাহা নকুলায স্ৱাহা ৰোহিতায স্ৱাহা শোণায স্ৱাহা শ্যাৱায স্ৱাহা শ্যামায স্ৱাহা পাকলায স্ৱাহা সুৰূপায স্ৱাহা ঽনুৰূপায স্ৱাহা ৱিৰূপায স্ৱাহা সৰূপায স্ৱাহা প্ৰতিৰূপায স্ৱাহা শবলায স্ৱাহা কমলায স্ৱাহা পৃশ্ঞযে স্ৱাহা পৃশ্ঞিসক্থায স্ৱাহা সৰ্ৱস্মৈ স্ৱাহা ॥ 40 ॥
(কৃষ্ণায - ষট্চত্ৱাৰিগ্ংশত্) (অ. 18)
ওষধীভ্য-স্স্ৱাহা মূলেভ্য-স্স্ৱাহা তূলেভ্য-স্স্ৱাহা কাণ্ডেভ্য-স্স্ৱাহা ৱল্শেভ্য-স্স্ৱাহা পুষ্পেভ্য-স্স্ৱাহা ফলেভ্য-স্স্ৱাহা গৃহীতেভ্য-স্স্ৱাহা ঽগৃহীতেভ্য-স্স্ৱাহা ঽৱপন্নেভ্য-স্স্ৱাহা শযানেভ্য-স্স্ৱাহা সৰ্ৱস্মৈ স্ৱাহা ॥ 41 ॥
(ওষধীভ্য - শ্চতুৰ্ৱিগ্ংশতিঃ) (অ. 19)
ৱনস্পতিভ্য-স্স্ৱাহা মূলেভ্য-স্স্ৱাহা তূলেভ্য-স্স্ৱাহা স্কন্ধোভ্য-স্স্ৱাহা শাখাভ্য-স্স্ৱাহা পৰ্ণেভ্য-স্স্ৱাহা পুষ্পেভ্য-স্স্ৱাহা ফলেভ্য-স্স্ৱাহা গৃহীতেভ্য-স্স্ৱাহা ঽগৃহীতেভ্য-স্স্ৱাহা ঽৱপন্নেভ্য-স্স্ৱাহা শযানেভ্য-স্স্ৱাহা শিষ্টায স্ৱাহা ঽতিশিষ্টায স্ৱাহা পৰিশিষ্টায স্ৱাহা সগ্ংশিষ্টায স্ৱাহো-চ্ছিষ্টায স্ৱাহা ৰিক্তায স্ৱাহা ঽৰিক্তায স্ৱাহা প্ৰৰিক্তায স্ৱাহা সগ্ংৰিক্তায স্ৱাহো -দ্ৰিক্তায স্ৱাহা সৰ্ৱস্মৈ স্ৱাহা ॥ 42 ॥
(ৱনস্পতিভ্যঃ - ষট্ চত্ৱাৰিগ্ংশত্) (অ. 20)
(প্ৰজৱং - ব্ৰহ্মৱাদিনঃ কি - মেষ ৱা আপ্ত - আদিত্যা উভযোঃ - প্ৰজাপতিৰন্ৱায -ন্নিন্দ্ৰো ৱৈ সদৃং - মিন্দ্ৰো ৱৈ শিথিলঃ - প্ৰজাপতিৰকামযতা ঽন্নাদঃ - সা ৱিৰাড - সাৱাদিত্যো - ঽৰ্ৱাং - ভূত - মা মে - ঽগ্নিনা -স্ৱাহা-ঽঽধিন্ - দদ্ভ্যো-ঽ - ঞ্জ্যেতায - কৃষ্ণা - যৌষধীভ্যো - ৱনস্পতিভ্যো - ৱিগ্ংশতিঃ)
(প্ৰজৱং - প্ৰজাপতি - ৰ্যদছন্দোমং - তে হুৱে সৱা-ঽহ - মোষধীভ্যো - দ্ৱিচত্ৱাৰিগ্ংশত্)
(প্ৰজৱগ্ং, সৰ্ৱস্মৈ স্ৱাহা)
॥ হৰিঃ ওম্ ॥
॥ কৃষ্ণ যজুৰ্ৱেদীয তৈত্তিৰীয সংহিতাযাং সপ্তমকাণ্ডে তৃতীযঃ প্ৰশ্ন-স্সমাপ্তঃ ॥