7.3 - പ്രജവം വാ ഏതേന യന്തി - കൃഷ്ണ യജുര്വേദ തൈത്തിരീയ സംഹിതാ പാഠഃ

കൃഷ്ണ യജുര്വേദീയ തൈത്തിരീയ സംഹിതായാം സപ്തമകാണ്ഡേ തൃതീയഃ പ്രശ്നഃ - സത്രജാതനിരൂപണം
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹരിഃ ഓമ് ॥
പ്രജവം-വാഁ ഏതേന യന്തി യ-ദ്ദശമമഹഃ പാപാവഹീയം-വാഁ ഏതേന ഭവന്തി യ-ദ്ദശമമഹര്യോ വൈ പ്രജവം-യഁതാമപഥേന പ്രതിപദ്യതേ യ-സ്സ്ഥാണുഗ്ം ഹന്തി യോ ഭ്രേഷ-ന്ന്യേതി സ ഹീയതേ സ യോ വൈ ദശമേ-ഽഹന്നവിവാക്യ ഉപഹന്യതേ സ ഹീയതേ തസ്മൈ യ ഉപഹതായ വ്യാഹ തമേവാന്വാരഭ്യ സമശ്ഞുതേ-ഽഥ യോ വ്യാഹ സ [വ്യാഹ സഃ, ഹീയതേ തസ്മാ-ദ്ദശമേ] 1
ഹീയതേ തസ്മാ-ദ്ദശമേ ഽഹന്നവിവാക്യ ഉപഹതായ ന വ്യുച്യമഥോ ഖല്വാഹുര്യജ്ഞസ്യ വൈ സമൃദ്ധേന ദേവാ-സ്സുവര്ഗം-ലോഁകമായന് യജ്ഞസ്യ വ്യൃദ്ധേനാസുരാ-ന്പരാ-ഽഭാവയന്നിതി യ-ത്ഖലു വൈ യജ്ഞസ്യ സമൃദ്ധ-ന്ത-ദ്യജമാനസ്യ യദ്വ്യൃദ്ധ-ന്തദ്ഭ്രാതൃവ്യസ്യ സ യോ വൈ ദശമേ-ഽഹന്നവിവാക്യ ഉപഹന്യതേ സ ഏവാതി രേചയതി തേ യേ ബാഹ്യാ ദൃശീകവ- [യേ ബാഹ്യാ ദൃശീകവഃ, സ്യുസ്തേ വി] 2
-സ്സ്യുസ്തേ വി ബ്രൂയുര്യദി തത്ര ന വിന്ദേയു-രന്തസ്സദസാ-ദ്വ്യുച്യം-യഁദി തത്ര ന വിന്ദേയു-ര്ഗൃഹപതിനാ വ്യുച്യ-ന്തദ്വ്യുച്യ-മേവാഥ വാ ഏത-ഥ്സര്പരാജ്ഞിയാ ഋഗ്ഭി-സ്സ്തുവന്തയം-വൈഁ സര്പതോ രാജ്ഞീ യദ്വാ അസ്യാ-ങ്കി-ഞ്ചാര്ചന്തി യദാനൃചു-സ്തേനേയഗ്ം സര്പരാജ്ഞീ തേ യദേവ കി-ഞ്ച വാചാ ഽഽനൃചുര്യ-ദതോ-ഽദ്ധ്യര്ചിതാര- [-ദതോ-ഽദ്ധ്യര്ചിതാരഃ, തദുഭയ-മാപ്ത്വാ] 3
-സ്തദുഭയ-മാപ്ത്വാ ഽവരുദ്ധ്യോ-ത്തിഷ്ഠാമേതി താഭിര്മനസാ സ്തുവതേ ന വാ ഇമാമശ്വരഥോ നാ-ഽശ്വതരീരഥ-സ്സദ്യഃ പര്യാപ്തുമര്ഹതി മനോ വാ ഇമാഗ്ം സദ്യഃ പര്യാപ്തുമര്ഹതി മനഃ പരിഭവിതുമഥ ബ്രഹ്മ വദന്തി പരിമിതാ വാ ഋചഃ പരിമിതാനി സാമാനി പരിമിതാനി യജൂഗ്ഷ്യഥൈതസ്യൈവാന്തോ നാസ്തി യ-ദ്ബ്രഹ്മ ത-ത്പ്രതിഗൃണത ആ ചക്ഷീത സ പ്രതിഗരഃ ॥ 4 ॥

(വ്യാഹ സ - ദൃശീകവോ - ഽര്ചിതാരഃ - സ - ഏക-ഞ്ച) (അ. 1)
ബ്രഹ്മവാദിനോ വദന്തി കി-ന്ദ്വാദശാഹസ്യ പ്രഥമേനാ-ഽഹ്നര്ത്വിജാം-യഁജമാനോ വൃങ്ക്ത ഇതി തേജ ഇന്ദ്രിയ-മിതി കി-ന്ദ്വിതീയേനേതി പ്രാണാ-നന്നാദ്യ-മിതി കി-ന്തൃതീയേനേതി ത്രീനിമാന് ഁലോകാ-നിതി കി-ഞ്ചതുര്ഥേനേതി ചതുഷ്പദഃ പശൂ-നിതി കി-മ്പഞ്ചമേനേതി പഞ്ചാക്ഷരാ-മ്പങ്ക്തി-മിതി കിഗ്ം ഷഷ്ഠേനേതി ഷ-ഡൃതൂനിതി കിഗ്ം സപ്തമേനേതി സപ്തപദാഗ്ം ശക്വരീമിതി [ശക്വരീമിതി, കി-മഷ്ടമേനേത്യഷ്ടാക്ഷരാ-] 5
കി-മഷ്ടമേനേത്യഷ്ടാക്ഷരാ-ങ്ഗായത്രീ-മിതി കി-ന്നവമേനേതി ത്രിവൃതഗ്ഗ് സ്തോമ-മിതി കി-ന്ദശമേനേതി ദശാക്ഷരാം-വിഁരാജമിതി കിമേകാദശേനേത്യേകാദശാക്ഷരാ-ന്ത്രിഷ്ടുഭ-മിതി കി-ന്ദ്വാദശേനേതി ദ്വാദശാക്ഷരാ-ഞ്ജഗതീ-മിത്യേതാവദ്വാ അസ്തി യാവ-ദേത-ദ്യാവ-ദേവാ-ഽസ്തി ത-ദേഷാം-വൃഁങ്ക്തേ ॥ 6 ॥

(ശക്വരീമിത്യേ - കചത്വാരിഗ്ംശച്ച) (അ. 2)
ഏഷ വാ ആപ്തോ ദ്വാദശാഹോ യ-ത്ത്രയോദശരാത്ര-സ്സമാനഗ്ഗ് ഹ്യേതദഹര്യ-ത്പ്രായണീയശ്ചോദയനീയശ്ച ത്ര്യതിരാത്രോ ഭവതി ത്രയ ഇമേ ലോകാ ഏഷാം-ലോഁകാനാമാപ്ത്യൈ പ്രാണോ വൈ പ്രഥമോ-ഽതിരാത്രോ വ്യാനോ ദ്വിതീയോ ഽപാനസ്തൃതീയഃ പ്രാണാപാനോ-ദാനേഷ്വേവാ-ഽന്നാദ്യേ പ്രതി തിഷ്ഠന്തി സര്വ-മായു-ര്യന്തി യ ഏവം ഁവിദ്വാഗ്ംസ-സ്ത്രയോദശരാത്ര-മാസതേ തദാഹു-ര്വാഗ്വാ ഏഷാ വിതതാ [വിതതാ, യ-ദ്ദ്വാദശാഹസ്താം-] 7
യ-ദ്ദ്വാദശാഹസ്താം-വിഁച്ഛിന്ദ്യു-ര്യന്മദ്ധ്യേ ഽതിരാത്ര-ങ്കുര്യു-രുപദാസുകാ ഗൃഹപതേ-ര്വാ-ഖ്സ്യാ-ദുപരിഷ്ടാ-ച്ഛന്ദോമാനാ-മ്മഹാവ്രത-ങ്കുര്വന്തി സന്തതാ-മേവ വാച-മവ രുന്ധതേ-ഽനുപദാസുകാ ഗൃഹപതേ-ര്വാഗ്-ഭവതി പശവോ വൈ ഛന്ദോമാ അന്ന-മ്മഹാവ്രതം-യഁദുപരിഷ്ടാ-ച്ഛന്ദോമാനാ-മ്മഹാവ്രത-ങ്കുര്വന്തി പശുഷു ചൈവാന്നാദ്യേ ച പ്രതി തിഷ്ഠന്തി ॥ 8 ॥

(വിതതാ - ത്രിചത്വാരിഗ്ംശച്ച) (അ. 3)
ആദിത്യാ അകാമയന്തോ-ഭയോര്ലോകയോര് ഋദ്ധ്നുയാമേതി ത ഏത-ഞ്ചതുര്ദശരാത്ര- മപശ്യ-ന്തമാ-ഽഹര-ന്തേനായജന്ത തതോ വൈ ത ഉഭയോ-ര്ലോകയോ-രാര്ധ്നുവന്നസ്മിഗ്ഗ്ശ്ചാ-മുഷ്മിഗ്ഗ്ശ്ച യ ഏവം-വിഁദ്വാഗ്ംസ-ശ്ചതുര്ദശരാത്രമാസത ഉഭയോരേവ ലോകയോര്. ഋദ്ധ്നുവന്ത്യസ്മിഗ്ഗ്ശ്ചാ-മുഷ്മിഗ്ഗ്ശ്ച ചതുര്ദശരാത്രോ ഭവതി സപ്ത ഗ്രാമ്യാ ഓഷധയ-സ്സപ്താ-ഽഽരണ്യാ ഉഭയീഷാമവരുദ്ധ്യൈ യ-ത്പരാചീനാനി പൃഷ്ഠാനി [പൃഷ്ഠാനി, ഭവന്ത്യമു-] 9
ഭവന്ത്യമു-മേവ തൈ-ര്ലോക-മഭി ജയന്തി യ-ത്പ്രതീചീനാനി പൃഷ്ഠാനി ഭവന്തീമ-മേവ തൈ-ര്ലോക-മഭി ജയന്തി ത്രയസ്ത്രിഗ്ംശൌ മദ്ധ്യത-സ്സ്തോമൌ ഭവത-സ്സാമ്രാജ്യമേവ ഗച്ഛന്ത്യധിരാജൌ ഭവതോ-ഽധിരാജാ ഏവ സമാനാനാ-മ്ഭവന്ത്യതിരാത്രാ-വഭിതോ ഭവതഃ പരിഗൃഹീത്യൈ ॥ 10 ॥

(പൃഷ്ഠാനി - ചതുസ്ത്രിഗ്ംശച്ച) (അ. 4)
പ്രജാപതി-സ്സുവര്ഗം-ലോഁകമൈ-ത്ത-ന്ദേവാ അന്വായ-ന്താനാദിത്യാശ്ച പശവശ്ചാ-ഽന്വായ-ന്തേ ദേവാ അബ്രുവന്. യാ-ന്പശൂ-നുപാജീവിഷ്മ ത ഇമേ ഽന്വാഗ്മ-ന്നിതി തേഭ്യ ഏത-ഞ്ചതുര്ദശരാത്ര-മ്പ്രത്യൌഹ-ന്ത ആദിത്യാഃ പൃഷ്ഠൈ-സ്സുവര്ഗം-ലോഁകമാ-ഽരോഹ-ന്ത്ര്യഹാഭ്യാ-മസ്മിന് ഁലോകേ പശൂ-ന്പ്രത്യൌഹ-ന്പൃഷ്ഠൈ-രാദിത്യാ അമുഷ്മിന് ഁലോക ആര്ധ്നുവ-ന്ത്ര്യഹാഭ്യാ-മസ്മി- [ആര്ധ്നുവ-ന്ത്ര്യഹാഭ്യാ-മസ്മിന്ന്, ലോകേ പശവോ] 11
ഁല്ലോകേ പശവോ യ ഏവം-വിഁദ്വാഗ്ംസ-ശ്ചതുര്ദശരാത്രമാസത ഉഭയോരേവ ലോകയോര് ഋദ്ധ്നുവന്ത്യസ്മിഗ്ഗ്ശ്ചാ-മുഷ്മിഗ്ഗ്ശ്ച പൃഷ്ഠൈ-രേവാ-ഽമുഷ്മിന് ഁലോക ഋദ്ധ്നുവന്തി ത്ര്യഹാഭ്യാ-മസ്മിന് ഁലോകേ ജ്യോതി-ര്ഗൌരായു-രിതി ത്ര്യഹോ ഭവതീയം-വാഁവ ജ്യോതി-രന്തരിക്ഷ-ങ്ഗൌ-രസാ-വായു-രിമാ-നേവ ലോകാ-നഭ്യാരോഹന്തി യ-ദന്യതഃ പൃഷ്ഠാനി സ്യുര്വിവിവധഗ്ഗ് സ്യാന്മദ്ധ്യേ പൃഷ്ഠാനി ഭവന്തി സവിവധത്വായൌ- [സവിവധത്വായ, ഓജോ വൈ] 12
-ജോ വൈ വീര്യ-മ്പൃഷ്ഠാന്യോജ ഏവ വീര്യ-മ്മദ്ധ്യതോ ദധതേ ബൃഹ-ദ്രഥന്തരാഭ്യാം-യഁന്തീയം-വാഁവ രഥന്തര-മസൌ ബൃഹ-ദാഭ്യാ-മേവ യന്ത്യഥോ അനയോ-രേവ പ്രതി തിഷ്ഠന്ത്യേതേ വൈ യജ്ഞസ്യാ-ഽഞ്ജസായനീ സ്രുതീ താഭ്യാ-മേവ സുവര്ഗം-ലോഁകം-യഁന്തി പരാഞ്ചോ വാ ഏതേ സുവര്ഗം-ലോഁക-മഭ്യാരോഹന്തി യേ പരാചീനാനി പൃഷ്ഠാന്യുപയന്തി പ്രത്യ-ന്ത്ര്യഹോ ഭവതി പ്രത്യവരൂഢ്യാ അഥോ പ്രതിഷ്ഠിത്യാ ഉഭയോ-ര്ലോകയോര് ഋദ്ധ്വോ-ത്തിഷ്ഠന്തി ചതുര്ദശൈതാ-സ്താസാം-യാഁ ദശ ദശാക്ഷരാ വിരാഡന്നം-വിഁരാ-ഡ്വിരാജൈവാ-ഽന്നാദ്യ-മവ രുന്ധതേ യാശ്ചതസ്ര-ശ്ചതസ്രോ ദിശോ ദിക്ഷ്വേവ പ്രതി തിഷ്ഠന്ത്യതിരാത്രാ-വഭിതോ ഭവതഃ പരിഗൃഹീത്യൈ ॥ 13 ॥

(ആര്ധ്നുവ-ന്ത്ര്യഹാഭ്യാമസ്മിന്ഥ് - സവിവധത്വായ - പ്രതിഷ്ഠത്യാ - ഏകത്രിഗ്ംശച്ച) (അ. 5)
ഇന്ദ്രോ വൈ സദൃ-ന്ദേവതാഭിരാസീ-ഥ്സ ന വ്യാവൃതമഗച്ഛ-ഥ്സ പ്രജാപതിമുപാധാവ-ത്തസ്മാ ഏത-മ്പഞ്ചദശരാത്ര-മ്പ്രായച്ഛ-ത്തമാ-ഽഹര-ത്തേനായജത തതോ വൈ സോ-ഽന്യാഭി-ര്ദേവതാഭി-ര്വ്യാവൃത-മഗച്ഛദ്യ ഏവം-വിഁദ്വാഗ്ംസഃ പഞ്ചദശരാത്ര-മാസതേ വ്യാവൃത-മേവ പാപ്മനാ ഭ്രാതൃവ്യേണ ഗച്ഛന്തി ജ്യോതി-ര്ഗൌരായു-രിതി ത്ര്യഹോ ഭവതീയം-വാഁവ ജ്യോതി-രന്തരിക്ഷ- [ജ്യോതി-രന്തരിക്ഷമ്, ] 14
-ങ്ഗൌ-രസാ-വായു-രേഷ്വേവ ലോകേഷു പ്രതി തിഷ്ഠന്ത്യസത്രം-വാഁ ഏതദ്യ-ദഛന്ദോമം-യഁച്ഛന്ദോമാ ഭവന്തി തേന സത്ര-ന്ദേവതാ ഏവ പൃഷ്ഠൈരവ രുന്ധതേ പശൂ-ഞ്ഛന്ദോമൈ-രോജോ വആവൈ വീര്യ-മ്പൃഷ്ഠാനി പശവഃ ഛന്ദോമാ ഓജസ്യേവ വീര്യേ പശുഷു പ്രതി തിഷ്ഠന്തി പഞ്ചദശരാത്രോ ഭവതി പഞ്ചദശോ വജ്രോ വജ്രമേവ ഭ്രാതൃവ്യേഭ്യഃ പ്ര ഹരന്ത്യതിരാത്രാ-വഭിതോ ഭവത ഇന്ദ്രിയസ്യ പരിഗൃഹീത്യൈ ॥ 15 ॥

(അന്തരിക്ഷ-മിന്ദ്രിയസ്യൈ-കഞ്ച) (അ. 6)
ഇന്ദ്രോ വൈ ശിഥില ഇവാ-ഽപ്രതിഷ്ഠിത ആസീ-ഥ്സോ-ഽസുരേഭ്യോ-ഽബിഭേ-ഥ്സ പ്രജാപതിമുപാ-ഽധാവ-ത്തസ്മാ ഏത-മ്പഞ്ചദശരാത്രം-വഁജ്ര-മ്പ്രായച്ഛ-ത്തേനാസുരാ-ന്പരാഭാവ്യ വിജിത്യ ശ്രിയമഗച്ഛദഗ്നിഷ്ടുതാ പാപ്മാന-ന്നിരദഹത പഞ്ചദശരാത്രേണൌജോ ബലമിന്ദ്രിയം-വീഁര്യമാത്മന്നധത്ത യ ഏവം-വിഁദ്വാഗ്ംസഃ പഞ്ചദശരാത്രമാസതേ ഭ്രാതൃവ്യാനേവ പരാഭാവ്യ വിജിത്യ ശ്രിയ-ങ്ഗച്ഛന്ത്യഗ്നിഷ്ടുതാ പാപ്മാന-ന്നി- [പാപ്മാന-ന്നിഃ, ദഹന്തേ പഞ്ചദശരാത്രേണൌജോ] 16
-ര്ദഹന്തേ പഞ്ചദശരാത്രേണൌജോ ബല-മിന്ദ്രിയം-വീഁര്യ-മാത്മ-ന്ദധത ഏതാ ഏവ പശവ്യാഃ പഞ്ചദശ വാ അര്ധമാസസ്യ രാത്രയോ-ഽര്ധമാസശ-സ്സംവഁഥ്സര ആപ്യതേ സംവഁഥ്സര-മ്പശവോ-ഽനു പ്ര ജായന്തേ തസ്മാ-ത്പശവ്യാ ഏതാ ഏവ സുവര്ഗ്യാഃ പഞ്ചദശ വാ അര്ധമാസസ്യ രാത്രയോ-ഽര്ധമാസശ-സ്സംവഁഥ്സര ആപ്യതേ സംവഁഥ്സര-സ്സുവര്ഗോ ലോകസ്തസ്മാ-ഥ്സുവര്ഗ്യാ ജ്യോതി-ര്ഗൌരായു-രിതി ത്ര്യഹോ ഭവതീയം-വാഁവ ജ്യോതി-രന്തരിക്ഷ- [-രന്തരിക്ഷമ്, ഗൌ-രസാവായു-] 17
-ങ്ഗൌ-രസാവായു-രിമാ-നേവ ലോകാ-നഭ്യാരോഹന്തി യദന്യതഃ പൃഷ്ഠാനി സ്യുര്വിവിവധഗ്ഗ് സ്യാന്മദ്ധ്യേ പൃഷ്ഠാനി ഭവന്തി സവിവധത്വായൌജോ വൈ വീര്യ-മ്പൃഷ്ഠാന്യോജ ഏവ വീര്യ-മ്മദ്ധ്യതോ ദധതേ ബൃഹ-ദ്രഥന്തരാഭ്യാം-യഁന്തീയം-വാഁവ രഥന്തരമസൌ ബൃഹദാഭ്യാമേവ യന്ത്യഥോ അനയോരേവ പ്രതി തിഷ്ഠന്ത്യേതേ വൈ യജ്ഞസ്യാഞ്ജസായനീ സ്രുതീ താഭ്യാമേവ സുവര്ഗം-ലോഁകം- [സുവര്ഗം-ലോഁകമ്, യന്തി പരാഞ്ചോ വാ ഏതേ] 18
-ഁയന്തി പരാഞ്ചോ വാ ഏതേ സുവര്ഗം-ലോഁകമഭ്യാരോഹന്തി യേ പരാചീനാനി പൃഷ്ഠാന്യുപയന്തി പ്രത്യ-ന്ത്ര്യഹോ ഭവതി പ്രത്യവരൂഢ്യാ അഥോ പ്രതിഷ്ഠിത്യാ ഉഭയോര്ലോകയോര് ഋദ്ധ്വോ-ത്തിഷ്ഠന്തി പഞ്ചദശൈതാസ്താസാം-യാഁ ദശ ദശാക്ഷരാ വിരാഡന്നം-വിഁരാ-ഡ്വിരാജൈവാന്നാദ്യമവ രുന്ധതേ യാഃ പഞ്ച പഞ്ച ദിശോ ദിക്ഷ്വേവ പ്രതി തിഷ്ഠന്ത്യതിരാത്രാവഭിതോ ഭവത ഇന്ദ്രിയസ്യ വീര്യസ്യ പ്രജായൈ പശൂനാ-മ്പരിഗൃഹീത്യൈ ॥ 19 ॥

(ഗച്ഛന്ത്യഗ്നിഷ്ടുതാ പാപ്മാന-ന്നി-രന്തരിക്ഷം - ഁലോകം - പ്രജായൈ - ദ്വേ ച) (അ. 7)
പ്രജാപതി-രകാമയതാന്നാദ-സ്സ്യാമിതി സ ഏതഗ്ം സപ്തദശരാത്ര-മപശ്യ-ത്തമാ-ഽഹര-ത്തേനായജത തതോ വൈ സോ-ഽന്നാദോ-ഽഭവദ്യ ഏവം-വിഁദ്വാഗ്ംസഃ സപ്തദശ-രാത്രമാസതേ ഽന്നാദാ ഏവ ഭവന്തി പഞ്ചാഹോ ഭവതി പഞ്ച വാ ഋതവഃ സംവഁഥ്സര ഋതുഷ്വേവ സംവഁഥ്സരേ പ്രതി തിഷ്ഠന്ത്യഥോ പഞ്ചാക്ഷരാ പങ്ക്തിഃ പാങ്ക്തോ യജ്ഞോ യജ്ഞമേവാ-ഽവ രുന്ധതേ ഽസത്രം-വാഁ ഏത- [ഏതത്, യദഛന്ദോമം-യഁച്ഛന്ദോമാ] 20
-ദ്യദഛന്ദോമം-യഁച്ഛന്ദോമാ ഭവന്തി തേന സത്ര-ന്ദേവതാ ഏവ പൃഷ്ഠൈരവ രുന്ധതേ പശൂഞ്ഛന്ദോമൈരോജോ വൈ വീര്യ-മ്പൃഷ്ഠാനി പശവഃ ഛന്ദോമാ ഓജസ്യേവ വീര്യേ പശുഷു പ്രതി തിഷ്ഠന്തി സപ്തദശരാത്രോ ഭവതി സപ്തദശഃ പ്രജാപതിഃ പ്രജാപതേരാപ്ത്യാ അതിരാത്രാവഭിതോ ഭവതോ-ഽന്നാദ്യസ്യ പരിഗൃഹീത്യൈ ॥ 21 ॥

(ഏതഥ് - സപ്തത്രിഗ്ംശച്ച) (അ. 8)
സാ വിരാ-ഡ്വിക്രമ്യാതിഷ്ഠ-ദ്ബ്രഹ്മണാ ദേവേഷ്വന്നേനാ-സുരേഷു തേ ദേവാ അകാമയന്തോഭയഗ്ം സം-വൃഁഞ്ജീമഹി ബ്രഹ്മ ചാന്ന-ഞ്ചേതി ത ഏതാ വിഗ്ംശതിഗ്ം രാത്രീരപശ്യ-ന്തതോ വൈ ത ഉഭയഗ്ം സമവൃഞ്ജത ബ്രഹ്മ ചാന്ന-ഞ്ച ബ്രഹ്മവര്ചസിനോ-ഽന്നാദാ അഭവന്. യ ഏവം-വിഁദ്വാഗ്ംസ ഏതാ ആസത ഉഭയമേവ സം-വൃഁഞ്ജതേ ബ്രഹ്മ ചാ-ഽന്ന-ഞ്ച [ബ്രഹ്മ ചാ-ഽന്ന-ഞ്ച, ബ്രഹ്മവര്ചസിനോ-ഽന്നാദാ] 22
ബ്രഹ്മവര്ചസിനോ-ഽന്നാദാ ഭവന്തി ദ്വേ വാ ഏതേ വിരാജൌ തയോരേവ നാനാ പ്രതി തിഷ്ഠന്തി വിഗ്ംശോ വൈ പുരുഷോ ദശ ഹസ്ത്യാ അങ്ഗുലയോ ദശ പദ്യാ യാവാനേവ പുരുഷസ്ത-മാപ്ത്വോ-ത്തിഷ്ഠന്തി ജ്യോതി-ര്ഗൌ-രായു-രിതി ത്ര്യഹാ ഭവന്തീയം-വാഁവ ജ്യോതി-രന്തരിക്ഷ-ങ്ഗൌ-രസാ-വായു-രിമാനേവ ലോകാ-നഭ്യാരോഹന്ത്യഭിപൂര്വ-ന്ത്ര്യഹാ ഭവന്ത്യഭിപൂര്വ-മേവ സുവര്ഗ- [സുവര്ഗമ്, ലോക-മഭ്യാരോഹന്തി] 23
-ഁല്ലോക-മഭ്യാരോഹന്തി യദന്യതഃ പൃഷ്ഠാനി സ്യുര്വിവിവധഗ്ഗ് സ്യാന്മദ്ധ്യേ പൃഷ്ഠാനി ഭവന്തി സവിവധത്വായൌജോ വൈ വീര്യ-മ്പൃഷ്ഠാന്യോജ ഏവ വീര്യ-മ്മദ്ധ്യതോ ദധതേ ബൃഹ-ദ്രഥന്തരാഭ്യാം-യഁന്തീയം-വാഁവ രഥന്തരമസൌ ബൃഹദാഭ്യാമേവ യന്ത്യഥോ അനയോരേവ പ്രതി തിഷ്ഠന്ത്യേതേ വൈ യജ്ഞസ്യാഞ്ജസായനീ സ്രുതീ താഭ്യാമേവ സുവര്ഗം-ലോഁകം-യഁന്തി പരാഞ്ചോ വാ ഏതേ സുവര്ഗം ഁലോകമഭ്യാരോഹന്തി യേ പരാചീനാനി പൃഷ്ഠാന്യുപയന്തി പ്രത്യ-ന്ത്ര്യഹോ ഭവതി പ്രത്യവരൂഢ്യാ അഥോ പ്രതിഷ്ഠിത്യാ ഉഭയോര്ലോകയോര്. ഋദ്ധ്വോ-ത്തിഷ്ഠന്ത്യതിരാത്രാവഭിതോ ഭവതോ ബ്രഹ്മവര്ചസ-സ്യാന്നാദ്യസ്യ പരിഗൃഹീത്യൈ ॥ 24 ॥
(വൃഞ്ജതേ ബ്രഹ്മ ചാ-ന്ന-ഞ്ച - സുവര്ഗ - മേതേ സുവര്ഗം - ത്രയോവിഗ്ംശതിശ്ച) (അ. 9)
അസാവാദിത്യോ-ഽസ്മിന് ഁലോക ആസീ-ത്ത-ന്ദേവാഃ പൃഷ്ഠൈഃ പരിഗൃഹ്യ സുവര്ഗം-ലോഁകമഗമയ-ന്പരൈരവസ്താ-ത്പര്യഗൃഹ്ണ-ന്ദിവാകീര്ത്യേന സുവര്ഗേ ലോകേ പ്രത്യസ്ഥാപയ-ന്പരൈഃ പരസ്താ-ത്പര്യഗൃഹ്ണ-ന്പൃഷ്ഠൈരുപാവാരോഹന്ഥ്സ വാ അസാവാദിത്യോ-ഽമുഷ്മിന് ഁലോകേ പരൈരുഭയതഃ പരിഗൃഹീതോ യ-ത്പൃഷ്ഠാനി ഭവന്തി സുവര്ഗമേവ തൈര്ലോകം-യഁജമാനാ യന്തി പരൈരവസ്താ-ത്പരി ഗൃഹ്ണന്തി ദിവാകീര്ത്യേന [ദിവാകീര്ത്യേന, സുവര്ഗേ ലോകേ പ്രതി] 25
സുവര്ഗേ ലോകേ പ്രതി തിഷ്ഠന്തി പരൈഃ പരസ്താ-ത്പരി ഗൃഹ്ണന്തി പൃഷ്ഠൈരുപാവരോഹന്തി യ-ത്പരേ പരസ്താന്ന സ്യുഃ പരാഞ്ച-സ്സുവര്ഗാ-ല്ലോകാന്നിഷ്പദ്യേരന്. യദവസ്താന്ന സ്യുഃ പ്രജാ നിര്ദഹേയുരഭിതോ ദിവാകീര്ത്യ-മ്പരസ്സാമാനോ ഭവന്തി സുവര്ഗ ഏവൈനാ-ല്ലോഁക ഉഭയതഃ പരി ഗൃഹ്ണന്തി യജമാനാ വൈ ദിവാകീര്ത്യഗ്ം സംവഁഥ്സരഃ പരസ്സാമാനോ-ഽഭിതോ ദിവാകീര്ത്യ-മ്പരസ്സാമാനോ ഭവന്തി സംവഁഥ്സര ഏവോഭയതഃ [ഏവോഭയതഃ, പ്രതി തിഷ്ഠന്തി] 26
പ്രതി തിഷ്ഠന്തി പൃഷ്ഠം-വൈഁ ദിവാകീര്ത്യ-മ്പാര്ശ്വേ പരസ്സാമാനോ ഽഭിതോ ദിവാകീര്ത്യ-മ്പരസ്സാമാനോ ഭവന്തി തസ്മാദഭിതഃ പൃഷ്ഠ-മ്പാര്ശ്വേ ഭൂയിഷ്ഠാ ഗ്രഹാ ഗൃഹ്യന്തേ ഭൂയിഷ്ഠഗ്ം ശസ്യതേ യജ്ഞസ്യൈവ തന്മദ്ധ്യതോ ഗ്രന്ഥി-ങ്ഗ്രഥ്നന്ത്യവിസ്രഗ്ംസായ സപ്ത ഗൃഹ്യന്തേ സപ്ത വൈ ശീര്ഷണ്യാഃ പ്രാണാഃ പ്രാണാനേവ യജമാനേഷു ദധതി യ-ത്പരാചീനാനി പൃഷ്ഠാനി ഭവന്ത്യമുമേവ തൈ-ര്ലോകമഭ്യാരോഹന്തി യദിമം-ലോഁക-ന്ന [യദിമം-ലോഁക-ന്ന, പ്രത്യവ-രോഹേയു-രുദ്വാ] 27
പ്രത്യവ-രോഹേയു-രുദ്വാ മാദ്യേയുര്യജമാനാഃ പ്ര വാ മീയേരന്. യ-ത്പ്രതീചീനാനി പൃഷ്ഠാനി ഭവന്തീമ-മേവ തൈര്ലോക-മ്പ്രത്യവരോഹന്ത്യഥോ അസ്മിന്നേവ ലോകേ പ്രതി തിഷ്ഠന്ത്യനുന്മാദായേന്ദ്രോ വാ അപ്രതിഷ്ഠിത ആസീ-ഥ്സ പ്രജാപതി-മുപാധാവ-ത്തസ്മാ ഏത-മേകവിഗ്ംശതിരാത്ര-മ്പ്രായച്ഛ-ത്തമാ-ഽഹര-ത്തേനായജത തതോ വൈ സ പ്രത്യതിഷ്ഠദ്യേ ബഹുയാജിനോ ഽപ്രതിഷ്ഠിതാ- [ ഽപ്രതിഷ്ഠിതാഃ, സ്യുസ്ത ഏകവിഗ്ംശതി-] 28
-സ്സ്യുസ്ത ഏകവിഗ്ംശതി-രാത്ര-മാസീര-ന്ദ്വാദശ മാസാഃ പഞ്ചര്തവ-സ്ത്രയ ഇമേ ലോകാ അസാവാദിത്യ ഏകവിഗ്ംശ ഏതാവന്തോ വൈ ദേവലോകാസ്തേഷ്വേവ യഥാ പൂര്വ-മ്പ്രതി തിഷ്ഠന്ത്യസാവാദിത്യോ ന വ്യരോചത സ പ്രജാപതി-മുപാധാവ-ത്തസ്മാ ഏതമേകവിഗ്ംശതിരാത്ര-മ്പ്രായച്ഛ-ത്തമാ-ഽഹര-ത്തേനായജത തതോ വൈ സോ ഽരോചത യ ഏവം-വിഁദ്വാഗ്ംസ ഏകവിഗ്ംശതിരാത്ര-മാസതേ രോചന്ത ഏവൈകവിഗ്ംശതിരാത്രോ ഭവതി രുഗ്വാ ഏകവിഗ്ംശോ രുചമേവ ഗച്ഛന്ത്യഥോ പ്രതിഷ്ഠാമേവ പ്രതിഷ്ഠാ ഹ്യേകവിഗ്ംശോ ഽതിരാത്രാവഭിതോ ഭവതോ ബ്രഹ്മവര്ചസസ്യ പരിഗൃഹീത്യൈ ॥ 29 ॥
(ഗൃഹ്ണന്തി ദിവാകീര്ത്യേനൈ - വോഭയതോ - നാ - പ്രതിഷ്ഠിതാ - ആസത - ഏകവിഗ്ംശതിശ്ച) (അ. 10)
അര്വാം-യഁജ്ഞ-സ്സ-ങ്ക്രാമത്വമുഷ്മാ-ദധി മാമഭി । ഋഷീണാം-യഃ ഁപുരോഹിതഃ ॥ നിര്ദേവ-ന്നിര്വീര-ങ്കൃത്വാ വിഷ്കന്ധ-ന്തസ്മിന് ഹീയതാം-യോഁ-ഽസ്മാ-ന്ദ്വേഷ്ടി । ശരീരം-യഁജ്ഞശമല-ങ്കുസീദ-ന്തസ്മിന്ഥ്സീദതു യോ-ഽസ്മാ-ന്ദ്വേഷ്ടി ॥ യജ്ഞ യജ്ഞസ്യ യ-ത്തേജസ്തേന സങ്ക്രാമ മാമഭി । ബ്രാഹ്മണാ-നൃത്വിജോ ദേവാന് യജ്ഞസ്യ തപസാ തേ സവാഹമാ ഹുവേ ॥ ഇഷ്ടേന പക്വമുപ [പക്വമുപ, തേ ഹുവേ സവാ-ഽഹമ് ।] 30
തേ ഹുവേ സവാ-ഽഹമ് । സ-ന്തേ വൃഞ്ജേ സുകൃതഗ്ം സ-മ്പ്രജാ-മ്പശൂന് ॥ പ്രൈഷാന്-ഥ്സാമിധേനീ-രാഘാരാ-വാജ്യഭാഗാവാ-ശ്രുത-മ്പ്രത്യാശ്രുതമാ ശൃണാമി തേ । പ്രയാജാനൂയാജാന്-ഥ്സ്വിഷ്ടകൃത-മിഡാ-മാശിഷ ആ വൃഞ്ജേ സുവഃ ॥ അഗ്നിനേന്ദ്രേണ സോമേന സരസ്വത്യാ വിഷ്ണുനാ ദേവതാഭിഃ । യാജ്യാനുവാക്യാഭ്യാ-മുപ തേ ഹുവേ സവാഹം-യഁജ്ഞമാ ദദേ തേ വഷട്കൃതമ് ॥ സ്തുതഗ്ം ശസ്ത്ര-മ്പ്രതിഗര-ങ്ഗ്രഹ-മിഡാ-മാശിഷ [മാശിഷഃ, ആ വൃഞ്ജേ സുവഃ ।] 31
ആ വൃഞ്ജേ സുവഃ । പത്നീസംയാഁജാ-നുപ തേ ഹുവേ സവാഹഗ്ം സമിഷ്ടയജു-രാ ദദേ തവ ॥ പശൂന്-ഥ്സുത-മ്പുരോഡാശാന്-ഥ്സവനാന്യോത യജ്ഞമ് । ദേവാന്-ഥ്സേന്ദ്രാനുപ തേ ഹുവേ സവാഹ-മഗ്നിമുഖാന്-ഥ്സോമവതോ യേ ച വിശ്വേ ॥ 32 ॥
(ഉപ - ഗ്രഹമിഡാമാശിഷോ - ദ്വാത്രിഗ്ംശച്ച) (അ. 11)
ഭൂത-മ്ഭവ്യ-മ്ഭവിഷ്യദ്വഷട്-ഥ്സ്വാഹാ നമ ഋ-ഖ്സാമ യജുര്വഷട്-ഥ്സ്വാഹാ നമോ ഗായത്രീ ത്രിഷ്ടു-ബ്ജഗതീ വഷട്-ഥ്സ്വാഹാ നമഃ പൃഥിവ്യന്തരിക്ഷ-ന്ദ്യൌ ര്വഷട്-ഥ്സ്വാഹാ നമോ ഽഗ്നിര്വായു-സ്സൂര്യോ വഷട്-ഥ്സ്വാഹാ നമഃ പ്രാണോ-വ്യാനോ-ഽപാനോ വഷട്-ഥ്സ്വാഹാ നമോ ഽന്ന-ങ്കൃഷി-ര്വൃഷ്ടി-ര്വഷട്-ഥ്സ്വാഹാ നമഃ പിതാപുത്രഃ പൌത്രോ വഷട്-ഥ്സ്വാഹാ നമോ ഭൂര്ഭുവ-സ്സുവ ര്വഷട്-ഥ്സ്വാഹാ നമഃ ॥ 33 ॥
(ഭുവ - ശ്ചത്വാരി ച) (അ. 12)
ആ മേ ഗൃഹാ ഭവന്ത്വാ പ്രജാ മ ആ മാ യജ്ഞോ വിശതു വീര്യാവാന് । ആപോ ദേവീര്യജ്ഞിയാ മാ-ഽഽവിശന്തു സഹസ്രസ്യ മാ ഭൂമാ മാ പ്ര ഹാസീത് ॥ ആ മേ ഗ്രഹോ ഭവത്വാ പുരോരു-ഖ്സ്തുതശസ്ത്രേ മാ ഽഽ വിശതാഗ്ം സമീചീ । ആദിത്യാ രുദ്രാ വസവോ മേ സദസ്യാ-സ്സഹസ്രസ്യ മാ ഭൂമാ മാ പ്ര ഹാസീത് ॥ ആ മാ-ഽഗ്നിഷ്ടോമോ വിശതൂ ക്ഥ്യശ്ചാതിരാത്രോ മാ-ഽഽ വിശത്വാപിശര്വരഃ । തിരോഅഹ്നിയാ മാ സുഹുതാ ആ വിശന്തു സഹസ്രസ്യ മാ ഭൂമാ മാ പ്ര ഹാസീത് ॥ 34 ॥
(അഗ്നിഷ്ടോമോ വിശത്വ - ഷ്ടാദശ ച) (അ. 13)
അഗ്നിനാ തപോ-ഽന്വഭവ-ദ്വാചാ ബ്രഹ്മ മണിനാ രൂപാണീന്ദ്രേണ ദേവാന് വാതേന പ്രാണാന്-ഥ്സൂര്യേണ ദ്യാ-ഞ്ചന്ദ്രമസാ നക്ഷത്രാണി യമേന പിതൄ-ന്രാജ്ഞാ മനുഷ്യാ-ന്ഫലേന നാദേയാനജഗരേണ സര്പാന് വ്യാഘ്രേണാ-ഽഽരണ്യാ-ന്പശൂഞ്ഛ്യേനേന പതത്രിണോ വൃഷ്ണാ-ഽശ്വാനൃഷഭേണ ഗാ ബസ്തേനാജാ വൃഷ്ണിനാ-ഽവീര്വ്രീഹിണാ-ഽന്നാനി യവേനൌഷധീര്ന്യഗ്രോധേന വനസ്പതീനുദുബംരേണോര്ജ-ങ്ഗായത്രിയാ ഛന്ദാഗ്ംസി ത്രിവൃതാ സ്തോമാ-ന്ബ്രാഹ്മണേന വാചമ് ॥ 35 ॥
(ബ്രാഹ്മണേനൈ - ക-ഞ്ച) (അ. 14)
സ്വാഹാ-ഽഽധിമാധീതായ സ്വാഹാ സ്വാഹാ-ഽഽധീത-മ്മനസേ സ്വാഹാ സ്വാഹാ മനഃ പ്രജാപതയേ സ്വാഹാ കായ സ്വാഹാ കസ്മൈ സ്വാഹാ കതമസ്മൈ സ്വാഹാ ഽദിത്യൈ സ്വാഹാ ഽദിത്യൈ മഹ്യൈ സ്വാഹാ-ഽദിത്യൈ സുമൃഡീകായൈ സ്വാഹാ സരസ്വത്യൈ സ്വാഹാ സരസ്വത്യൈ ബൃഹത്യൈ സ്വാഹാ സരസ്വത്യൈ പാവകായൈ സ്വാഹാ പൂഷ്ണേ സ്വാഹാ പൂഷ്ണേ പ്രപഥ്യായ സ്വാഹാ പൂഷ്ണേ നരന്ധിഷായ സ്വാഹാ ത്വഷ്ട്രേ സ്വാഹാ ത്വഷ്ട്രേ തുരീപായ സ്വാഹാ ത്വഷ്ട്രേ പുരുരൂപായ സ്വാഹാ വിഷ്ണവേ സ്വാഹാ വിഷ്ണവേ നിഖുര്യപായ സ്വാഹാ വിഷ്ണവേ നിഭൂയപായ സ്വാഹാ സര്വസ്മൈ സ്വാഹാ ॥ 36 ॥
(പുരുരൂപായ സ്വാഹാ - ദശ ച) (അ. 15)
ദദ്ഭ്യ-സ്സ്വാഹാ ഹനൂഭ്യാഗ് സ്വാഹോഷ്ഠാഭ്യാഗ് സ്വാഹാ മുഖായ സ്വാഹാ നാസികാഭ്യാഗ് സ്വാഹാ ഽക്ഷീഭ്യാഗ് സ്വാഹാ കര്ണാഭ്യാഗ് സ്വാഹാ പാര ഇക്ഷവോ-ഽവാര്യേഭ്യഃ പക്ഷ്മഭ്യ-സ്സ്വാഹാ ഽവാര ഇക്ഷവഃ പാര്യേഭ്യഃ പക്ഷ്മഭ്യ-സ്സ്വാഹാ ശീര്ഷ്ണേ സ്വാഹാ ഭ്രൂഭ്യാഗ് സ്വാഹാ ലലാടായ സ്വാഹാ മൂര്ധ്നേ സ്വാഹാ മസ്തിഷ്കായ സ്വാഹാ കേശേഭ്യ-സ്സ്വാഹാ വഹായ സ്വാഹാ ഗ്രീവാഭ്യ-സ്സ്വാഹാ സ്കന്ധേഭ്യ-സ്സ്വാഹാ കീകസാഭ്യ-സ്സ്വാഹാ പൃഷ്ടീഭ്യ-സ്സ്വാഹാ പാജസ്യായ സ്വാഹാ പാര്ശ്വാഭ്യാഗ് സ്വാഹാ- [ ] 37
-ഽഗ്ംസാഭ്യാഗ് സ്വാഹാ ദോഷഭ്യാഗ് സ്വാഹാ ബാഹുഭ്യാഗ് സ്വാഹാ ജങ്ഘാഭ്യാഗ് സ്വാഹാ ശ്രോണീഭ്യാഗ് സ്വാഹോരുഭ്യാഗ് സ്വാഹാ ഽഷ്ഠീവദ്ഭ്യാഗ് സ്വാഹാ ജങ്ഘാഭ്യാഗ് സ്വാഹാ ഭസദേ സ്വാഹാ ശിഖണ്ഡേഭ്യ-സ്സ്വാഹാ വാലധാനായ സ്വാഹാ ഽഽണ്ഡാഭ്യാഗ് സ്വാഹാ ശേപായ സ്വാഹാ രേതസേ സ്വാഹാ പ്രജാഭ്യ-സ്സ്വാഹാ പ്രജനനായ സ്വാഹാ പദ്ഭ്യ-സ്സ്വാഹാ ശഫേഭ്യ-സ്സ്വാഹാ ലോമഭ്യ-സ്സ്വാഹാ ത്വചേ സ്വാഹാ ലോഹിതായ സ്വാഹാ മാഗ്ംസായ സ്വാഹാ സ്നാവഭ്യ-സ്സ്വാഹാ ഽസ്ഥഭ്യ-സ്സ്വാഹാ മജ്ജഭ്യ-സ്സ്വാഹാ ഽങ്ഗേഭ്യ-സ്സ്വാഹാ ഽഽത്മനേ സ്വാഹാ സര്വസ്മൈ സ്വാഹാ ॥ 38 ॥
(പാര്ശ്വാഭ്യാഗ് സ്വാഹാ - മജ്ജഭ്യ-സ്സ്വാഹാ - ഷട് ച) (അ. 16)
അഞ്ജ്യേതായ സ്വാഹാ ഽഞ്ജിസക്ഥായ സ്വാഹാ ശിതിപദേ സ്വാഹാ ശിതികകുദേ സ്വാഹാ ശിതിരന്ധ്രായ സ്വാഹാ ശിതിപൃഷ്ഠായ സ്വാഹാ ശിത്യഗ്ംസായ സ്വാഹാ പുഷ്പകര്ണായ സ്വാഹാ ശിത്യോഷ്ഠായ സ്വാഹാ ശിതിഭ്രവേ സ്വാഹാ ശിതിഭസദേ സ്വാഹാ ശ്വേതാനൂകാശായ സ്വാഹാ ഽഞ്ജയേ സ്വാഹാ ലലാമായ സ്വാഹാ ഽസിതജ്ഞവേ സ്വാഹാ കൃഷ്ണൈതായ സ്വാഹാ രോഹിതൈതായ സ്വാഹാ ഽരുണൈതായ സ്വാഹേദൃശായ സ്വാഹാ കീദൃശായ സ്വാഹാ താദൃശായ സ്വാഹാ സദൃശായ സ്വാഹാ വിസദൃശായ സ്വാഹാ സുസദൃശായ സ്വാഹാ രൂപായ സ്വാഹാ സര്വസ്മൈ സ്വാഹാ ॥ 39 ॥
(രൂപായ സ്വാഹാ - ദ്വേ ച ) (അ. 17)
കൃഷ്ണായ സ്വാഹാ ശ്വേതായ സ്വാഹാ പിശങ്ഗായ സ്വാഹാ സാരങ്ഗായ സ്വാഹാ ഽരുണായ സ്വാഹാ ഗൌരായ സ്വാഹാ ബഭ്രവേ സ്വാഹാ നകുലായ സ്വാഹാ രോഹിതായ സ്വാഹാ ശോണായ സ്വാഹാ ശ്യാവായ സ്വാഹാ ശ്യാമായ സ്വാഹാ പാകലായ സ്വാഹാ സുരൂപായ സ്വാഹാ ഽനുരൂപായ സ്വാഹാ വിരൂപായ സ്വാഹാ സരൂപായ സ്വാഹാ പ്രതിരൂപായ സ്വാഹാ ശബലായ സ്വാഹാ കമലായ സ്വാഹാ പൃശ്ഞയേ സ്വാഹാ പൃശ്ഞിസക്ഥായ സ്വാഹാ സര്വസ്മൈ സ്വാഹാ ॥ 40 ॥
(കൃഷ്ണായ - ഷട്ചത്വാരിഗ്ംശത്) (അ. 18)
ഓഷധീഭ്യ-സ്സ്വാഹാ മൂലേഭ്യ-സ്സ്വാഹാ തൂലേഭ്യ-സ്സ്വാഹാ കാണ്ഡേഭ്യ-സ്സ്വാഹാ വല്ശേഭ്യ-സ്സ്വാഹാ പുഷ്പേഭ്യ-സ്സ്വാഹാ ഫലേഭ്യ-സ്സ്വാഹാ ഗൃഹീതേഭ്യ-സ്സ്വാഹാ ഽഗൃഹീതേഭ്യ-സ്സ്വാഹാ ഽവപന്നേഭ്യ-സ്സ്വാഹാ ശയാനേഭ്യ-സ്സ്വാഹാ സര്വസ്മൈ സ്വാഹാ ॥ 41 ॥
(ഓഷധീഭ്യ - ശ്ചതുര്വിഗ്ംശതിഃ) (അ. 19)
വനസ്പതിഭ്യ-സ്സ്വാഹാ മൂലേഭ്യ-സ്സ്വാഹാ തൂലേഭ്യ-സ്സ്വാഹാ സ്കന്ധോഭ്യ-സ്സ്വാഹാ ശാഖാഭ്യ-സ്സ്വാഹാ പര്ണേഭ്യ-സ്സ്വാഹാ പുഷ്പേഭ്യ-സ്സ്വാഹാ ഫലേഭ്യ-സ്സ്വാഹാ ഗൃഹീതേഭ്യ-സ്സ്വാഹാ ഽഗൃഹീതേഭ്യ-സ്സ്വാഹാ ഽവപന്നേഭ്യ-സ്സ്വാഹാ ശയാനേഭ്യ-സ്സ്വാഹാ ശിഷ്ടായ സ്വാഹാ ഽതിശിഷ്ടായ സ്വാഹാ പരിശിഷ്ടായ സ്വാഹാ സഗ്ംശിഷ്ടായ സ്വാഹോ-ച്ഛിഷ്ടായ സ്വാഹാ രിക്തായ സ്വാഹാ ഽരിക്തായ സ്വാഹാ പ്രരിക്തായ സ്വാഹാ സഗ്ംരിക്തായ സ്വാഹോ -ദ്രിക്തായ സ്വാഹാ സര്വസ്മൈ സ്വാഹാ ॥ 42 ॥
(വനസ്പതിഭ്യഃ - ഷട് ചത്വാരിഗ്ംശത്) (അ. 20)
(പ്രജവം - ബ്രഹ്മവാദിനഃ കി - മേഷ വാ ആപ്ത - ആദിത്യാ ഉഭയോഃ - പ്രജാപതിരന്വായ -ന്നിന്ദ്രോ വൈ സദൃം - മിന്ദ്രോ വൈ ശിഥിലഃ - പ്രജാപതിരകാമയതാ ഽന്നാദഃ - സാ വിരാഡ - സാവാദിത്യോ - ഽര്വാം - ഭൂത - മാ മേ - ഽഗ്നിനാ -സ്വാഹാ-ഽഽധിന് - ദദ്ഭ്യോ-ഽ - ഞ്ജ്യേതായ - കൃഷ്ണാ - യൌഷധീഭ്യോ - വനസ്പതിഭ്യോ - വിഗ്ംശതിഃ)
(പ്രജവം - പ്രജാപതി - ര്യദഛന്ദോമം - തേ ഹുവേ സവാ-ഽഹ - മോഷധീഭ്യോ - ദ്വിചത്വാരിഗ്ംശത്)
(പ്രജവഗ്ം, സര്വസ്മൈ സ്വാഹാ)
॥ ഹരിഃ ഓമ് ॥
॥ കൃഷ്ണ യജുര്വേദീയ തൈത്തിരീയ സംഹിതായാം സപ്തമകാണ്ഡേ തൃതീയഃ പ്രശ്ന-സ്സമാപ്തഃ ॥