7.3 - ପ୍ରଜଵଂ ଵା ଏତେନ ଯନ୍ତି - କୃଷ୍ଣ ଯଜୁର୍ଵେଦ ତୈତ୍ତିରୀଯ ସଂହିତା ପାଠଃ

କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯାଂ ସପ୍ତମକାଣ୍ଡେ ତୃତୀଯଃ ପ୍ରଶ୍ନଃ - ସତ୍ରଜାତନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,
ଶ୍ରୀ ଗୁରୁଭ୍ଯୋ ନମଃ । ହରିଃ ଓମ୍ ॥
ପ୍ରଜଵଂ-ଵାଁ ଏତେନ ଯନ୍ତି ଯ-ଦ୍ଦଶମମହଃ ପାପାଵହୀଯଂ-ଵାଁ ଏତେନ ଭଵନ୍ତି ଯ-ଦ୍ଦଶମମହର୍ଯୋ ଵୈ ପ୍ରଜଵଂ-ଯଁତାମପଥେନ ପ୍ରତିପଦ୍ଯତେ ଯ-ସ୍ସ୍ଥାଣୁଗ୍ଂ ହନ୍ତି ଯୋ ଭ୍ରେଷ-ନ୍ନ୍ଯେତି ସ ହୀଯତେ ସ ଯୋ ଵୈ ଦଶମେ-ଽହନ୍ନଵିଵାକ୍ଯ ଉପହନ୍ଯତେ ସ ହୀଯତେ ତସ୍ମୈ ଯ ଉପହତାଯ ଵ୍ଯାହ ତମେଵାନ୍ଵାରଭ୍ଯ ସମଶ୍ଞୁତେ-ଽଥ ଯୋ ଵ୍ଯାହ ସ [ଵ୍ଯାହ ସଃ, ହୀଯତେ ତସ୍ମା-ଦ୍ଦଶମେ] 1
ହୀଯତେ ତସ୍ମା-ଦ୍ଦଶମେ ଽହନ୍ନଵିଵାକ୍ଯ ଉପହତାଯ ନ ଵ୍ଯୁଚ୍ଯମଥୋ ଖଲ୍ଵାହୁର୍ଯଜ୍ଞସ୍ଯ ଵୈ ସମୃଦ୍ଧେନ ଦେଵା-ସ୍ସୁଵର୍ଗଂ-ଲୋଁକମାଯନ୍ ଯଜ୍ଞସ୍ଯ ଵ୍ଯୃଦ୍ଧେନାସୁରା-ନ୍ପରା-ଽଭାଵଯନ୍ନିତି ଯ-ତ୍ଖଲୁ ଵୈ ଯଜ୍ଞସ୍ଯ ସମୃଦ୍ଧ-ନ୍ତ-ଦ୍ଯଜମାନସ୍ଯ ଯଦ୍ଵ୍ଯୃଦ୍ଧ-ନ୍ତଦ୍ଭ୍ରାତୃଵ୍ଯସ୍ଯ ସ ଯୋ ଵୈ ଦଶମେ-ଽହନ୍ନଵିଵାକ୍ଯ ଉପହନ୍ଯତେ ସ ଏଵାତି ରେଚଯତି ତେ ଯେ ବାହ୍ଯା ଦୃଶୀକଵ- [ଯେ ବାହ୍ଯା ଦୃଶୀକଵଃ, ସ୍ଯୁସ୍ତେ ଵି] 2
-ସ୍ସ୍ଯୁସ୍ତେ ଵି ବ୍ରୂଯୁର୍ଯଦି ତତ୍ର ନ ଵିନ୍ଦେଯୁ-ରନ୍ତସ୍ସଦସା-ଦ୍ଵ୍ଯୁଚ୍ଯଂ-ଯଁଦି ତତ୍ର ନ ଵିନ୍ଦେଯୁ-ର୍ଗୃହପତିନା ଵ୍ଯୁଚ୍ଯ-ନ୍ତଦ୍ଵ୍ଯୁଚ୍ଯ-ମେଵାଥ ଵା ଏତ-ଥ୍ସର୍ପରାଜ୍ଞିଯା ଋଗ୍ଭି-ସ୍ସ୍ତୁଵନ୍ତଯଂ-ଵୈଁ ସର୍ପତୋ ରାଜ୍ଞୀ ଯଦ୍ଵା ଅସ୍ଯା-ଙ୍କି-ଞ୍ଚାର୍ଚନ୍ତି ଯଦାନୃଚୁ-ସ୍ତେନେଯଗ୍ଂ ସର୍ପରାଜ୍ଞୀ ତେ ଯଦେଵ କି-ଞ୍ଚ ଵାଚା ଽଽନୃଚୁର୍ଯ-ଦତୋ-ଽଦ୍ଧ୍ଯର୍ଚିତାର- [-ଦତୋ-ଽଦ୍ଧ୍ଯର୍ଚିତାରଃ, ତଦୁଭଯ-ମାପ୍ତ୍ଵା] 3
-ସ୍ତଦୁଭଯ-ମାପ୍ତ୍ଵା ଽଵରୁଦ୍ଧ୍ଯୋ-ତ୍ତିଷ୍ଠାମେତି ତାଭିର୍ମନସା ସ୍ତୁଵତେ ନ ଵା ଇମାମଶ୍ଵରଥୋ ନା-ଽଶ୍ଵତରୀରଥ-ସ୍ସଦ୍ଯଃ ପର୍ଯାପ୍ତୁମର୍ହତି ମନୋ ଵା ଇମାଗ୍ଂ ସଦ୍ଯଃ ପର୍ଯାପ୍ତୁମର୍ହତି ମନଃ ପରିଭଵିତୁମଥ ବ୍ରହ୍ମ ଵଦନ୍ତି ପରିମିତା ଵା ଋଚଃ ପରିମିତାନି ସାମାନି ପରିମିତାନି ଯଜୂଗ୍ଷ୍ଯଥୈତସ୍ଯୈଵାନ୍ତୋ ନାସ୍ତି ଯ-ଦ୍ବ୍ରହ୍ମ ତ-ତ୍ପ୍ରତିଗୃଣତ ଆ ଚକ୍ଷୀତ ସ ପ୍ରତିଗରଃ ॥ 4 ॥

(ଵ୍ଯାହ ସ - ଦୃଶୀକଵୋ - ଽର୍ଚିତାରଃ - ସ - ଏକ-ଞ୍ଚ) (ଅ. 1)
ବ୍ରହ୍ମଵାଦିନୋ ଵଦନ୍ତି କି-ନ୍ଦ୍ଵାଦଶାହସ୍ଯ ପ୍ରଥମେନା-ଽହ୍ନର୍ତ୍ଵିଜାଂ-ଯଁଜମାନୋ ଵୃଙ୍କ୍ତ ଇତି ତେଜ ଇନ୍ଦ୍ରିଯ-ମିତି କି-ନ୍ଦ୍ଵିତୀଯେନେତି ପ୍ରାଣା-ନନ୍ନାଦ୍ଯ-ମିତି କି-ନ୍ତୃତୀଯେନେତି ତ୍ରୀନିମାନ୍ ଁଲୋକା-ନିତି କି-ଞ୍ଚତୁର୍ଥେନେତି ଚତୁଷ୍ପଦଃ ପଶୂ-ନିତି କି-ମ୍ପଞ୍ଚମେନେତି ପଞ୍ଚାକ୍ଷରା-ମ୍ପଙ୍କ୍ତି-ମିତି କିଗ୍ଂ ଷଷ୍ଠେନେତି ଷ-ଡୃତୂନିତି କିଗ୍ଂ ସପ୍ତମେନେତି ସପ୍ତପଦାଗ୍ଂ ଶକ୍ଵରୀମିତି [ଶକ୍ଵରୀମିତି, କି-ମଷ୍ଟମେନେତ୍ଯଷ୍ଟାକ୍ଷରା-] 5
କି-ମଷ୍ଟମେନେତ୍ଯଷ୍ଟାକ୍ଷରା-ଙ୍ଗାଯତ୍ରୀ-ମିତି କି-ନ୍ନଵମେନେତି ତ୍ରିଵୃତଗ୍ଗ୍ ସ୍ତୋମ-ମିତି କି-ନ୍ଦଶମେନେତି ଦଶାକ୍ଷରାଂ-ଵିଁରାଜମିତି କିମେକାଦଶେନେତ୍ଯେକାଦଶାକ୍ଷରା-ନ୍ତ୍ରିଷ୍ଟୁଭ-ମିତି କି-ନ୍ଦ୍ଵାଦଶେନେତି ଦ୍ଵାଦଶାକ୍ଷରା-ଞ୍ଜଗତୀ-ମିତ୍ଯେତାଵଦ୍ଵା ଅସ୍ତି ଯାଵ-ଦେତ-ଦ୍ଯାଵ-ଦେଵା-ଽସ୍ତି ତ-ଦେଷାଂ-ଵୃଁଙ୍କ୍ତେ ॥ 6 ॥

(ଶକ୍ଵରୀମିତ୍ଯେ - କଚତ୍ଵାରିଗ୍ଂଶଚ୍ଚ) (ଅ. 2)
ଏଷ ଵା ଆପ୍ତୋ ଦ୍ଵାଦଶାହୋ ଯ-ତ୍ତ୍ରଯୋଦଶରାତ୍ର-ସ୍ସମାନଗ୍ଗ୍ ହ୍ଯେତଦହର୍ଯ-ତ୍ପ୍ରାଯଣୀଯଶ୍ଚୋଦଯନୀଯଶ୍ଚ ତ୍ର୍ଯତିରାତ୍ରୋ ଭଵତି ତ୍ରଯ ଇମେ ଲୋକା ଏଷାଂ-ଲୋଁକାନାମାପ୍ତ୍ଯୈ ପ୍ରାଣୋ ଵୈ ପ୍ରଥମୋ-ଽତିରାତ୍ରୋ ଵ୍ଯାନୋ ଦ୍ଵିତୀଯୋ ଽପାନସ୍ତୃତୀଯଃ ପ୍ରାଣାପାନୋ-ଦାନେଷ୍ଵେଵା-ଽନ୍ନାଦ୍ଯେ ପ୍ରତି ତିଷ୍ଠନ୍ତି ସର୍ଵ-ମାଯୁ-ର୍ଯନ୍ତି ଯ ଏଵଂ ଁଵିଦ୍ଵାଗ୍ଂସ-ସ୍ତ୍ରଯୋଦଶରାତ୍ର-ମାସତେ ତଦାହୁ-ର୍ଵାଗ୍ଵା ଏଷା ଵିତତା [ଵିତତା, ଯ-ଦ୍ଦ୍ଵାଦଶାହସ୍ତାଂ-] 7
ଯ-ଦ୍ଦ୍ଵାଦଶାହସ୍ତାଂ-ଵିଁଚ୍ଛିନ୍ଦ୍ଯୁ-ର୍ଯନ୍ମଦ୍ଧ୍ଯେ ଽତିରାତ୍ର-ଙ୍କୁର୍ଯୁ-ରୁପଦାସୁକା ଗୃହପତେ-ର୍ଵା-ଖ୍ସ୍ଯା-ଦୁପରିଷ୍ଟା-ଚ୍ଛନ୍ଦୋମାନା-ମ୍ମହାଵ୍ରତ-ଙ୍କୁର୍ଵନ୍ତି ସନ୍ତତା-ମେଵ ଵାଚ-ମଵ ରୁନ୍ଧତେ-ଽନୁପଦାସୁକା ଗୃହପତେ-ର୍ଵାଗ୍-ଭଵତି ପଶଵୋ ଵୈ ଛନ୍ଦୋମା ଅନ୍ନ-ମ୍ମହାଵ୍ରତଂ-ଯଁଦୁପରିଷ୍ଟା-ଚ୍ଛନ୍ଦୋମାନା-ମ୍ମହାଵ୍ରତ-ଙ୍କୁର୍ଵନ୍ତି ପଶୁଷୁ ଚୈଵାନ୍ନାଦ୍ଯେ ଚ ପ୍ରତି ତିଷ୍ଠନ୍ତି ॥ 8 ॥

(ଵିତତା - ତ୍ରିଚତ୍ଵାରିଗ୍ଂଶଚ୍ଚ) (ଅ. 3)
ଆଦିତ୍ଯା ଅକାମଯନ୍ତୋ-ଭଯୋର୍ଲୋକଯୋର୍ ଋଦ୍ଧ୍ନୁଯାମେତି ତ ଏତ-ଞ୍ଚତୁର୍ଦଶରାତ୍ର- ମପଶ୍ଯ-ନ୍ତମା-ଽହର-ନ୍ତେନାଯଜନ୍ତ ତତୋ ଵୈ ତ ଉଭଯୋ-ର୍ଲୋକଯୋ-ରାର୍ଧ୍ନୁଵନ୍ନସ୍ମିଗ୍ଗ୍ଶ୍ଚା-ମୁଷ୍ମିଗ୍ଗ୍ଶ୍ଚ ଯ ଏଵଂ-ଵିଁଦ୍ଵାଗ୍ଂସ-ଶ୍ଚତୁର୍ଦଶରାତ୍ରମାସତ ଉଭଯୋରେଵ ଲୋକଯୋର୍. ଋଦ୍ଧ୍ନୁଵନ୍ତ୍ଯସ୍ମିଗ୍ଗ୍ଶ୍ଚା-ମୁଷ୍ମିଗ୍ଗ୍ଶ୍ଚ ଚତୁର୍ଦଶରାତ୍ରୋ ଭଵତି ସପ୍ତ ଗ୍ରାମ୍ଯା ଓଷଧଯ-ସ୍ସପ୍ତା-ଽଽରଣ୍ଯା ଉଭଯୀଷାମଵରୁଦ୍ଧ୍ଯୈ ଯ-ତ୍ପରାଚୀନାନି ପୃଷ୍ଠାନି [ପୃଷ୍ଠାନି, ଭଵନ୍ତ୍ଯମୁ-] 9
ଭଵନ୍ତ୍ଯମୁ-ମେଵ ତୈ-ର୍ଲୋକ-ମଭି ଜଯନ୍ତି ଯ-ତ୍ପ୍ରତୀଚୀନାନି ପୃଷ୍ଠାନି ଭଵନ୍ତୀମ-ମେଵ ତୈ-ର୍ଲୋକ-ମଭି ଜଯନ୍ତି ତ୍ରଯସ୍ତ୍ରିଗ୍ଂଶୌ ମଦ୍ଧ୍ଯତ-ସ୍ସ୍ତୋମୌ ଭଵତ-ସ୍ସାମ୍ରାଜ୍ଯମେଵ ଗଚ୍ଛନ୍ତ୍ଯଧିରାଜୌ ଭଵତୋ-ଽଧିରାଜା ଏଵ ସମାନାନା-ମ୍ଭଵନ୍ତ୍ଯତିରାତ୍ରା-ଵଭିତୋ ଭଵତଃ ପରିଗୃହୀତ୍ଯୈ ॥ 10 ॥

(ପୃଷ୍ଠାନି - ଚତୁସ୍ତ୍ରିଗ୍ଂଶଚ୍ଚ) (ଅ. 4)
ପ୍ରଜାପତି-ସ୍ସୁଵର୍ଗଂ-ଲୋଁକମୈ-ତ୍ତ-ନ୍ଦେଵା ଅନ୍ଵାଯ-ନ୍ତାନାଦିତ୍ଯାଶ୍ଚ ପଶଵଶ୍ଚା-ଽନ୍ଵାଯ-ନ୍ତେ ଦେଵା ଅବ୍ରୁଵନ୍. ଯା-ନ୍ପଶୂ-ନୁପାଜୀଵିଷ୍ମ ତ ଇମେ ଽନ୍ଵାଗ୍ମ-ନ୍ନିତି ତେଭ୍ଯ ଏତ-ଞ୍ଚତୁର୍ଦଶରାତ୍ର-ମ୍ପ୍ରତ୍ଯୌହ-ନ୍ତ ଆଦିତ୍ଯାଃ ପୃଷ୍ଠୈ-ସ୍ସୁଵର୍ଗଂ-ଲୋଁକମା-ଽରୋହ-ନ୍ତ୍ର୍ଯହାଭ୍ଯା-ମସ୍ମିନ୍ ଁଲୋକେ ପଶୂ-ନ୍ପ୍ରତ୍ଯୌହ-ନ୍ପୃଷ୍ଠୈ-ରାଦିତ୍ଯା ଅମୁଷ୍ମିନ୍ ଁଲୋକ ଆର୍ଧ୍ନୁଵ-ନ୍ତ୍ର୍ଯହାଭ୍ଯା-ମସ୍ମି- [ଆର୍ଧ୍ନୁଵ-ନ୍ତ୍ର୍ଯହାଭ୍ଯା-ମସ୍ମିନ୍ନ୍, ଲୋକେ ପଶଵୋ] 11
ଁଲ୍ଲୋକେ ପଶଵୋ ଯ ଏଵଂ-ଵିଁଦ୍ଵାଗ୍ଂସ-ଶ୍ଚତୁର୍ଦଶରାତ୍ରମାସତ ଉଭଯୋରେଵ ଲୋକଯୋର୍ ଋଦ୍ଧ୍ନୁଵନ୍ତ୍ଯସ୍ମିଗ୍ଗ୍ଶ୍ଚା-ମୁଷ୍ମିଗ୍ଗ୍ଶ୍ଚ ପୃଷ୍ଠୈ-ରେଵା-ଽମୁଷ୍ମିନ୍ ଁଲୋକ ଋଦ୍ଧ୍ନୁଵନ୍ତି ତ୍ର୍ଯହାଭ୍ଯା-ମସ୍ମିନ୍ ଁଲୋକେ ଜ୍ଯୋତି-ର୍ଗୌରାଯୁ-ରିତି ତ୍ର୍ଯହୋ ଭଵତୀଯଂ-ଵାଁଵ ଜ୍ଯୋତି-ରନ୍ତରିକ୍ଷ-ଙ୍ଗୌ-ରସା-ଵାଯୁ-ରିମା-ନେଵ ଲୋକା-ନଭ୍ଯାରୋହନ୍ତି ଯ-ଦନ୍ଯତଃ ପୃଷ୍ଠାନି ସ୍ଯୁର୍ଵିଵିଵଧଗ୍ଗ୍ ସ୍ଯାନ୍ମଦ୍ଧ୍ଯେ ପୃଷ୍ଠାନି ଭଵନ୍ତି ସଵିଵଧତ୍ଵାଯୌ- [ସଵିଵଧତ୍ଵାଯ, ଓଜୋ ଵୈ] 12
-ଜୋ ଵୈ ଵୀର୍ଯ-ମ୍ପୃଷ୍ଠାନ୍ଯୋଜ ଏଵ ଵୀର୍ଯ-ମ୍ମଦ୍ଧ୍ଯତୋ ଦଧତେ ବୃହ-ଦ୍ରଥନ୍ତରାଭ୍ଯାଂ-ଯଁନ୍ତୀଯଂ-ଵାଁଵ ରଥନ୍ତର-ମସୌ ବୃହ-ଦାଭ୍ଯା-ମେଵ ଯନ୍ତ୍ଯଥୋ ଅନଯୋ-ରେଵ ପ୍ରତି ତିଷ୍ଠନ୍ତ୍ଯେତେ ଵୈ ଯଜ୍ଞସ୍ଯା-ଽଞ୍ଜସାଯନୀ ସ୍ରୁତୀ ତାଭ୍ଯା-ମେଵ ସୁଵର୍ଗଂ-ଲୋଁକଂ-ଯଁନ୍ତି ପରାଞ୍ଚୋ ଵା ଏତେ ସୁଵର୍ଗଂ-ଲୋଁକ-ମଭ୍ଯାରୋହନ୍ତି ଯେ ପରାଚୀନାନି ପୃଷ୍ଠାନ୍ଯୁପଯନ୍ତି ପ୍ରତ୍ଯ-ନ୍ତ୍ର୍ଯହୋ ଭଵତି ପ୍ରତ୍ଯଵରୂଢ୍ଯା ଅଥୋ ପ୍ରତିଷ୍ଠିତ୍ଯା ଉଭଯୋ-ର୍ଲୋକଯୋର୍ ଋଦ୍ଧ୍ଵୋ-ତ୍ତିଷ୍ଠନ୍ତି ଚତୁର୍ଦଶୈତା-ସ୍ତାସାଂ-ଯାଁ ଦଶ ଦଶାକ୍ଷରା ଵିରାଡନ୍ନଂ-ଵିଁରା-ଡ୍ଵିରାଜୈଵା-ଽନ୍ନାଦ୍ଯ-ମଵ ରୁନ୍ଧତେ ଯାଶ୍ଚତସ୍ର-ଶ୍ଚତସ୍ରୋ ଦିଶୋ ଦିକ୍ଷ୍ଵେଵ ପ୍ରତି ତିଷ୍ଠନ୍ତ୍ଯତିରାତ୍ରା-ଵଭିତୋ ଭଵତଃ ପରିଗୃହୀତ୍ଯୈ ॥ 13 ॥

(ଆର୍ଧ୍ନୁଵ-ନ୍ତ୍ର୍ଯହାଭ୍ଯାମସ୍ମିନ୍ଥ୍ - ସଵିଵଧତ୍ଵାଯ - ପ୍ରତିଷ୍ଠତ୍ଯା - ଏକତ୍ରିଗ୍ଂଶଚ୍ଚ) (ଅ. 5)
ଇନ୍ଦ୍ରୋ ଵୈ ସଦୃ-ନ୍ଦେଵତାଭିରାସୀ-ଥ୍ସ ନ ଵ୍ଯାଵୃତମଗଚ୍ଛ-ଥ୍ସ ପ୍ରଜାପତିମୁପାଧାଵ-ତ୍ତସ୍ମା ଏତ-ମ୍ପଞ୍ଚଦଶରାତ୍ର-ମ୍ପ୍ରାଯଚ୍ଛ-ତ୍ତମା-ଽହର-ତ୍ତେନାଯଜତ ତତୋ ଵୈ ସୋ-ଽନ୍ଯାଭି-ର୍ଦେଵତାଭି-ର୍ଵ୍ଯାଵୃତ-ମଗଚ୍ଛଦ୍ଯ ଏଵଂ-ଵିଁଦ୍ଵାଗ୍ଂସଃ ପଞ୍ଚଦଶରାତ୍ର-ମାସତେ ଵ୍ଯାଵୃତ-ମେଵ ପାପ୍ମନା ଭ୍ରାତୃଵ୍ଯେଣ ଗଚ୍ଛନ୍ତି ଜ୍ଯୋତି-ର୍ଗୌରାଯୁ-ରିତି ତ୍ର୍ଯହୋ ଭଵତୀଯଂ-ଵାଁଵ ଜ୍ଯୋତି-ରନ୍ତରିକ୍ଷ- [ଜ୍ଯୋତି-ରନ୍ତରିକ୍ଷମ୍, ] 14
-ଙ୍ଗୌ-ରସା-ଵାଯୁ-ରେଷ୍ଵେଵ ଲୋକେଷୁ ପ୍ରତି ତିଷ୍ଠନ୍ତ୍ଯସତ୍ରଂ-ଵାଁ ଏତଦ୍ଯ-ଦଛନ୍ଦୋମଂ-ଯଁଚ୍ଛନ୍ଦୋମା ଭଵନ୍ତି ତେନ ସତ୍ର-ନ୍ଦେଵତା ଏଵ ପୃଷ୍ଠୈରଵ ରୁନ୍ଧତେ ପଶୂ-ଞ୍ଛନ୍ଦୋମୈ-ରୋଜୋ ଵଆଵୈ ଵୀର୍ଯ-ମ୍ପୃଷ୍ଠାନି ପଶଵଃ ଛନ୍ଦୋମା ଓଜସ୍ଯେଵ ଵୀର୍ଯେ ପଶୁଷୁ ପ୍ରତି ତିଷ୍ଠନ୍ତି ପଞ୍ଚଦଶରାତ୍ରୋ ଭଵତି ପଞ୍ଚଦଶୋ ଵଜ୍ରୋ ଵଜ୍ରମେଵ ଭ୍ରାତୃଵ୍ଯେଭ୍ଯଃ ପ୍ର ହରନ୍ତ୍ଯତିରାତ୍ରା-ଵଭିତୋ ଭଵତ ଇନ୍ଦ୍ରିଯସ୍ଯ ପରିଗୃହୀତ୍ଯୈ ॥ 15 ॥

(ଅନ୍ତରିକ୍ଷ-ମିନ୍ଦ୍ରିଯସ୍ଯୈ-କଞ୍ଚ) (ଅ. 6)
ଇନ୍ଦ୍ରୋ ଵୈ ଶିଥିଲ ଇଵା-ଽପ୍ରତିଷ୍ଠିତ ଆସୀ-ଥ୍ସୋ-ଽସୁରେଭ୍ଯୋ-ଽବିଭେ-ଥ୍ସ ପ୍ରଜାପତିମୁପା-ଽଧାଵ-ତ୍ତସ୍ମା ଏତ-ମ୍ପଞ୍ଚଦଶରାତ୍ରଂ-ଵଁଜ୍ର-ମ୍ପ୍ରାଯଚ୍ଛ-ତ୍ତେନାସୁରା-ନ୍ପରାଭାଵ୍ଯ ଵିଜିତ୍ଯ ଶ୍ରିଯମଗଚ୍ଛଦଗ୍ନିଷ୍ଟୁତା ପାପ୍ମାନ-ନ୍ନିରଦହତ ପଞ୍ଚଦଶରାତ୍ରେଣୌଜୋ ବଲମିନ୍ଦ୍ରିଯଂ-ଵୀଁର୍ଯମାତ୍ମନ୍ନଧତ୍ତ ଯ ଏଵଂ-ଵିଁଦ୍ଵାଗ୍ଂସଃ ପଞ୍ଚଦଶରାତ୍ରମାସତେ ଭ୍ରାତୃଵ୍ଯାନେଵ ପରାଭାଵ୍ଯ ଵିଜିତ୍ଯ ଶ୍ରିଯ-ଙ୍ଗଚ୍ଛନ୍ତ୍ଯଗ୍ନିଷ୍ଟୁତା ପାପ୍ମାନ-ନ୍ନି- [ପାପ୍ମାନ-ନ୍ନିଃ, ଦହନ୍ତେ ପଞ୍ଚଦଶରାତ୍ରେଣୌଜୋ] 16
-ର୍ଦହନ୍ତେ ପଞ୍ଚଦଶରାତ୍ରେଣୌଜୋ ବଲ-ମିନ୍ଦ୍ରିଯଂ-ଵୀଁର୍ଯ-ମାତ୍ମ-ନ୍ଦଧତ ଏତା ଏଵ ପଶଵ୍ଯାଃ ପଞ୍ଚଦଶ ଵା ଅର୍ଧମାସସ୍ଯ ରାତ୍ରଯୋ-ଽର୍ଧମାସଶ-ସ୍ସଂଵଁଥ୍ସର ଆପ୍ଯତେ ସଂଵଁଥ୍ସର-ମ୍ପଶଵୋ-ଽନୁ ପ୍ର ଜାଯନ୍ତେ ତସ୍ମା-ତ୍ପଶଵ୍ଯା ଏତା ଏଵ ସୁଵର୍ଗ୍ଯାଃ ପଞ୍ଚଦଶ ଵା ଅର୍ଧମାସସ୍ଯ ରାତ୍ରଯୋ-ଽର୍ଧମାସଶ-ସ୍ସଂଵଁଥ୍ସର ଆପ୍ଯତେ ସଂଵଁଥ୍ସର-ସ୍ସୁଵର୍ଗୋ ଲୋକସ୍ତସ୍ମା-ଥ୍ସୁଵର୍ଗ୍ଯା ଜ୍ଯୋତି-ର୍ଗୌରାଯୁ-ରିତି ତ୍ର୍ଯହୋ ଭଵତୀଯଂ-ଵାଁଵ ଜ୍ଯୋତି-ରନ୍ତରିକ୍ଷ- [-ରନ୍ତରିକ୍ଷମ୍, ଗୌ-ରସାଵାଯୁ-] 17
-ଙ୍ଗୌ-ରସାଵାଯୁ-ରିମା-ନେଵ ଲୋକା-ନଭ୍ଯାରୋହନ୍ତି ଯଦନ୍ଯତଃ ପୃଷ୍ଠାନି ସ୍ଯୁର୍ଵିଵିଵଧଗ୍ଗ୍ ସ୍ଯାନ୍ମଦ୍ଧ୍ଯେ ପୃଷ୍ଠାନି ଭଵନ୍ତି ସଵିଵଧତ୍ଵାଯୌଜୋ ଵୈ ଵୀର୍ଯ-ମ୍ପୃଷ୍ଠାନ୍ଯୋଜ ଏଵ ଵୀର୍ଯ-ମ୍ମଦ୍ଧ୍ଯତୋ ଦଧତେ ବୃହ-ଦ୍ରଥନ୍ତରାଭ୍ଯାଂ-ଯଁନ୍ତୀଯଂ-ଵାଁଵ ରଥନ୍ତରମସୌ ବୃହଦାଭ୍ଯାମେଵ ଯନ୍ତ୍ଯଥୋ ଅନଯୋରେଵ ପ୍ରତି ତିଷ୍ଠନ୍ତ୍ଯେତେ ଵୈ ଯଜ୍ଞସ୍ଯାଞ୍ଜସାଯନୀ ସ୍ରୁତୀ ତାଭ୍ଯାମେଵ ସୁଵର୍ଗଂ-ଲୋଁକଂ- [ସୁଵର୍ଗଂ-ଲୋଁକମ୍, ଯନ୍ତି ପରାଞ୍ଚୋ ଵା ଏତେ] 18
-ଁଯନ୍ତି ପରାଞ୍ଚୋ ଵା ଏତେ ସୁଵର୍ଗଂ-ଲୋଁକମଭ୍ଯାରୋହନ୍ତି ଯେ ପରାଚୀନାନି ପୃଷ୍ଠାନ୍ଯୁପଯନ୍ତି ପ୍ରତ୍ଯ-ନ୍ତ୍ର୍ଯହୋ ଭଵତି ପ୍ରତ୍ଯଵରୂଢ୍ଯା ଅଥୋ ପ୍ରତିଷ୍ଠିତ୍ଯା ଉଭଯୋର୍ଲୋକଯୋର୍ ଋଦ୍ଧ୍ଵୋ-ତ୍ତିଷ୍ଠନ୍ତି ପଞ୍ଚଦଶୈତାସ୍ତାସାଂ-ଯାଁ ଦଶ ଦଶାକ୍ଷରା ଵିରାଡନ୍ନଂ-ଵିଁରା-ଡ୍ଵିରାଜୈଵାନ୍ନାଦ୍ଯମଵ ରୁନ୍ଧତେ ଯାଃ ପଞ୍ଚ ପଞ୍ଚ ଦିଶୋ ଦିକ୍ଷ୍ଵେଵ ପ୍ରତି ତିଷ୍ଠନ୍ତ୍ଯତିରାତ୍ରାଵଭିତୋ ଭଵତ ଇନ୍ଦ୍ରିଯସ୍ଯ ଵୀର୍ଯସ୍ଯ ପ୍ରଜାଯୈ ପଶୂନା-ମ୍ପରିଗୃହୀତ୍ଯୈ ॥ 19 ॥

(ଗଚ୍ଛନ୍ତ୍ଯଗ୍ନିଷ୍ଟୁତା ପାପ୍ମାନ-ନ୍ନି-ରନ୍ତରିକ୍ଷଂ - ଁଲୋକଂ - ପ୍ରଜାଯୈ - ଦ୍ଵେ ଚ) (ଅ. 7)
ପ୍ରଜାପତି-ରକାମଯତାନ୍ନାଦ-ସ୍ସ୍ଯାମିତି ସ ଏତଗ୍ଂ ସପ୍ତଦଶରାତ୍ର-ମପଶ୍ଯ-ତ୍ତମା-ଽହର-ତ୍ତେନାଯଜତ ତତୋ ଵୈ ସୋ-ଽନ୍ନାଦୋ-ଽଭଵଦ୍ଯ ଏଵଂ-ଵିଁଦ୍ଵାଗ୍ଂସଃ ସପ୍ତଦଶ-ରାତ୍ରମାସତେ ଽନ୍ନାଦା ଏଵ ଭଵନ୍ତି ପଞ୍ଚାହୋ ଭଵତି ପଞ୍ଚ ଵା ଋତଵଃ ସଂଵଁଥ୍ସର ଋତୁଷ୍ଵେଵ ସଂଵଁଥ୍ସରେ ପ୍ରତି ତିଷ୍ଠନ୍ତ୍ଯଥୋ ପଞ୍ଚାକ୍ଷରା ପଙ୍କ୍ତିଃ ପାଙ୍କ୍ତୋ ଯଜ୍ଞୋ ଯଜ୍ଞମେଵା-ଽଵ ରୁନ୍ଧତେ ଽସତ୍ରଂ-ଵାଁ ଏତ- [ଏତତ୍, ଯଦଛନ୍ଦୋମଂ-ଯଁଚ୍ଛନ୍ଦୋମା] 20
-ଦ୍ଯଦଛନ୍ଦୋମଂ-ଯଁଚ୍ଛନ୍ଦୋମା ଭଵନ୍ତି ତେନ ସତ୍ର-ନ୍ଦେଵତା ଏଵ ପୃଷ୍ଠୈରଵ ରୁନ୍ଧତେ ପଶୂଞ୍ଛନ୍ଦୋମୈରୋଜୋ ଵୈ ଵୀର୍ଯ-ମ୍ପୃଷ୍ଠାନି ପଶଵଃ ଛନ୍ଦୋମା ଓଜସ୍ଯେଵ ଵୀର୍ଯେ ପଶୁଷୁ ପ୍ରତି ତିଷ୍ଠନ୍ତି ସପ୍ତଦଶରାତ୍ରୋ ଭଵତି ସପ୍ତଦଶଃ ପ୍ରଜାପତିଃ ପ୍ରଜାପତେରାପ୍ତ୍ଯା ଅତିରାତ୍ରାଵଭିତୋ ଭଵତୋ-ଽନ୍ନାଦ୍ଯସ୍ଯ ପରିଗୃହୀତ୍ଯୈ ॥ 21 ॥

(ଏତଥ୍ - ସପ୍ତତ୍ରିଗ୍ଂଶଚ୍ଚ) (ଅ. 8)
ସା ଵିରା-ଡ୍ଵିକ୍ରମ୍ଯାତିଷ୍ଠ-ଦ୍ବ୍ରହ୍ମଣା ଦେଵେଷ୍ଵନ୍ନେନା-ସୁରେଷୁ ତେ ଦେଵା ଅକାମଯନ୍ତୋଭଯଗ୍ଂ ସଂ-ଵୃଁଞ୍ଜୀମହି ବ୍ରହ୍ମ ଚାନ୍ନ-ଞ୍ଚେତି ତ ଏତା ଵିଗ୍ଂଶତିଗ୍ଂ ରାତ୍ରୀରପଶ୍ଯ-ନ୍ତତୋ ଵୈ ତ ଉଭଯଗ୍ଂ ସମଵୃଞ୍ଜତ ବ୍ରହ୍ମ ଚାନ୍ନ-ଞ୍ଚ ବ୍ରହ୍ମଵର୍ଚସିନୋ-ଽନ୍ନାଦା ଅଭଵନ୍. ଯ ଏଵଂ-ଵିଁଦ୍ଵାଗ୍ଂସ ଏତା ଆସତ ଉଭଯମେଵ ସଂ-ଵୃଁଞ୍ଜତେ ବ୍ରହ୍ମ ଚା-ଽନ୍ନ-ଞ୍ଚ [ବ୍ରହ୍ମ ଚା-ଽନ୍ନ-ଞ୍ଚ, ବ୍ରହ୍ମଵର୍ଚସିନୋ-ଽନ୍ନାଦା] 22
ବ୍ରହ୍ମଵର୍ଚସିନୋ-ଽନ୍ନାଦା ଭଵନ୍ତି ଦ୍ଵେ ଵା ଏତେ ଵିରାଜୌ ତଯୋରେଵ ନାନା ପ୍ରତି ତିଷ୍ଠନ୍ତି ଵିଗ୍ଂଶୋ ଵୈ ପୁରୁଷୋ ଦଶ ହସ୍ତ୍ଯା ଅଙ୍ଗୁଲଯୋ ଦଶ ପଦ୍ଯା ଯାଵାନେଵ ପୁରୁଷସ୍ତ-ମାପ୍ତ୍ଵୋ-ତ୍ତିଷ୍ଠନ୍ତି ଜ୍ଯୋତି-ର୍ଗୌ-ରାଯୁ-ରିତି ତ୍ର୍ଯହା ଭଵନ୍ତୀଯଂ-ଵାଁଵ ଜ୍ଯୋତି-ରନ୍ତରିକ୍ଷ-ଙ୍ଗୌ-ରସା-ଵାଯୁ-ରିମାନେଵ ଲୋକା-ନଭ୍ଯାରୋହନ୍ତ୍ଯଭିପୂର୍ଵ-ନ୍ତ୍ର୍ଯହା ଭଵନ୍ତ୍ଯଭିପୂର୍ଵ-ମେଵ ସୁଵର୍ଗ- [ସୁଵର୍ଗମ୍, ଲୋକ-ମଭ୍ଯାରୋହନ୍ତି] 23
-ଁଲ୍ଲୋକ-ମଭ୍ଯାରୋହନ୍ତି ଯଦନ୍ଯତଃ ପୃଷ୍ଠାନି ସ୍ଯୁର୍ଵିଵିଵଧଗ୍ଗ୍ ସ୍ଯାନ୍ମଦ୍ଧ୍ଯେ ପୃଷ୍ଠାନି ଭଵନ୍ତି ସଵିଵଧତ୍ଵାଯୌଜୋ ଵୈ ଵୀର୍ଯ-ମ୍ପୃଷ୍ଠାନ୍ଯୋଜ ଏଵ ଵୀର୍ଯ-ମ୍ମଦ୍ଧ୍ଯତୋ ଦଧତେ ବୃହ-ଦ୍ରଥନ୍ତରାଭ୍ଯାଂ-ଯଁନ୍ତୀଯଂ-ଵାଁଵ ରଥନ୍ତରମସୌ ବୃହଦାଭ୍ଯାମେଵ ଯନ୍ତ୍ଯଥୋ ଅନଯୋରେଵ ପ୍ରତି ତିଷ୍ଠନ୍ତ୍ଯେତେ ଵୈ ଯଜ୍ଞସ୍ଯାଞ୍ଜସାଯନୀ ସ୍ରୁତୀ ତାଭ୍ଯାମେଵ ସୁଵର୍ଗଂ-ଲୋଁକଂ-ଯଁନ୍ତି ପରାଞ୍ଚୋ ଵା ଏତେ ସୁଵର୍ଗଂ ଁଲୋକମଭ୍ଯାରୋହନ୍ତି ଯେ ପରାଚୀନାନି ପୃଷ୍ଠାନ୍ଯୁପଯନ୍ତି ପ୍ରତ୍ଯ-ନ୍ତ୍ର୍ଯହୋ ଭଵତି ପ୍ରତ୍ଯଵରୂଢ୍ଯା ଅଥୋ ପ୍ରତିଷ୍ଠିତ୍ଯା ଉଭଯୋର୍ଲୋକଯୋର୍. ଋଦ୍ଧ୍ଵୋ-ତ୍ତିଷ୍ଠନ୍ତ୍ଯତିରାତ୍ରାଵଭିତୋ ଭଵତୋ ବ୍ରହ୍ମଵର୍ଚସ-ସ୍ଯାନ୍ନାଦ୍ଯସ୍ଯ ପରିଗୃହୀତ୍ଯୈ ॥ 24 ॥
(ଵୃଞ୍ଜତେ ବ୍ରହ୍ମ ଚା-ନ୍ନ-ଞ୍ଚ - ସୁଵର୍ଗ - ମେତେ ସୁଵର୍ଗଂ - ତ୍ରଯୋଵିଗ୍ଂଶତିଶ୍ଚ) (ଅ. 9)
ଅସାଵାଦିତ୍ଯୋ-ଽସ୍ମିନ୍ ଁଲୋକ ଆସୀ-ତ୍ତ-ନ୍ଦେଵାଃ ପୃଷ୍ଠୈଃ ପରିଗୃହ୍ଯ ସୁଵର୍ଗଂ-ଲୋଁକମଗମଯ-ନ୍ପରୈରଵସ୍ତା-ତ୍ପର୍ଯଗୃହ୍ଣ-ନ୍ଦିଵାକୀର୍ତ୍ଯେନ ସୁଵର୍ଗେ ଲୋକେ ପ୍ରତ୍ଯସ୍ଥାପଯ-ନ୍ପରୈଃ ପରସ୍ତା-ତ୍ପର୍ଯଗୃହ୍ଣ-ନ୍ପୃଷ୍ଠୈରୁପାଵାରୋହନ୍ଥ୍ସ ଵା ଅସାଵାଦିତ୍ଯୋ-ଽମୁଷ୍ମିନ୍ ଁଲୋକେ ପରୈରୁଭଯତଃ ପରିଗୃହୀତୋ ଯ-ତ୍ପୃଷ୍ଠାନି ଭଵନ୍ତି ସୁଵର୍ଗମେଵ ତୈର୍ଲୋକଂ-ଯଁଜମାନା ଯନ୍ତି ପରୈରଵସ୍ତା-ତ୍ପରି ଗୃହ୍ଣନ୍ତି ଦିଵାକୀର୍ତ୍ଯେନ [ଦିଵାକୀର୍ତ୍ଯେନ, ସୁଵର୍ଗେ ଲୋକେ ପ୍ରତି] 25
ସୁଵର୍ଗେ ଲୋକେ ପ୍ରତି ତିଷ୍ଠନ୍ତି ପରୈଃ ପରସ୍ତା-ତ୍ପରି ଗୃହ୍ଣନ୍ତି ପୃଷ୍ଠୈରୁପାଵରୋହନ୍ତି ଯ-ତ୍ପରେ ପରସ୍ତାନ୍ନ ସ୍ଯୁଃ ପରାଞ୍ଚ-ସ୍ସୁଵର୍ଗା-ଲ୍ଲୋକାନ୍ନିଷ୍ପଦ୍ଯେରନ୍. ଯଦଵସ୍ତାନ୍ନ ସ୍ଯୁଃ ପ୍ରଜା ନିର୍ଦହେଯୁରଭିତୋ ଦିଵାକୀର୍ତ୍ଯ-ମ୍ପରସ୍ସାମାନୋ ଭଵନ୍ତି ସୁଵର୍ଗ ଏଵୈନା-ଲ୍ଲୋଁକ ଉଭଯତଃ ପରି ଗୃହ୍ଣନ୍ତି ଯଜମାନା ଵୈ ଦିଵାକୀର୍ତ୍ଯଗ୍ଂ ସଂଵଁଥ୍ସରଃ ପରସ୍ସାମାନୋ-ଽଭିତୋ ଦିଵାକୀର୍ତ୍ଯ-ମ୍ପରସ୍ସାମାନୋ ଭଵନ୍ତି ସଂଵଁଥ୍ସର ଏଵୋଭଯତଃ [ଏଵୋଭଯତଃ, ପ୍ରତି ତିଷ୍ଠନ୍ତି] 26
ପ୍ରତି ତିଷ୍ଠନ୍ତି ପୃଷ୍ଠଂ-ଵୈଁ ଦିଵାକୀର୍ତ୍ଯ-ମ୍ପାର୍ଶ୍ଵେ ପରସ୍ସାମାନୋ ଽଭିତୋ ଦିଵାକୀର୍ତ୍ଯ-ମ୍ପରସ୍ସାମାନୋ ଭଵନ୍ତି ତସ୍ମାଦଭିତଃ ପୃଷ୍ଠ-ମ୍ପାର୍ଶ୍ଵେ ଭୂଯିଷ୍ଠା ଗ୍ରହା ଗୃହ୍ଯନ୍ତେ ଭୂଯିଷ୍ଠଗ୍ଂ ଶସ୍ଯତେ ଯଜ୍ଞସ୍ଯୈଵ ତନ୍ମଦ୍ଧ୍ଯତୋ ଗ୍ରନ୍ଥି-ଙ୍ଗ୍ରଥ୍ନନ୍ତ୍ଯଵିସ୍ରଗ୍ଂସାଯ ସପ୍ତ ଗୃହ୍ଯନ୍ତେ ସପ୍ତ ଵୈ ଶୀର୍ଷଣ୍ଯାଃ ପ୍ରାଣାଃ ପ୍ରାଣାନେଵ ଯଜମାନେଷୁ ଦଧତି ଯ-ତ୍ପରାଚୀନାନି ପୃଷ୍ଠାନି ଭଵନ୍ତ୍ଯମୁମେଵ ତୈ-ର୍ଲୋକମଭ୍ଯାରୋହନ୍ତି ଯଦିମଂ-ଲୋଁକ-ନ୍ନ [ଯଦିମଂ-ଲୋଁକ-ନ୍ନ, ପ୍ରତ୍ଯଵ-ରୋହେଯୁ-ରୁଦ୍ଵା] 27
ପ୍ରତ୍ଯଵ-ରୋହେଯୁ-ରୁଦ୍ଵା ମାଦ୍ଯେଯୁର୍ଯଜମାନାଃ ପ୍ର ଵା ମୀଯେରନ୍. ଯ-ତ୍ପ୍ରତୀଚୀନାନି ପୃଷ୍ଠାନି ଭଵନ୍ତୀମ-ମେଵ ତୈର୍ଲୋକ-ମ୍ପ୍ରତ୍ଯଵରୋହନ୍ତ୍ଯଥୋ ଅସ୍ମିନ୍ନେଵ ଲୋକେ ପ୍ରତି ତିଷ୍ଠନ୍ତ୍ଯନୁନ୍ମାଦାଯେନ୍ଦ୍ରୋ ଵା ଅପ୍ରତିଷ୍ଠିତ ଆସୀ-ଥ୍ସ ପ୍ରଜାପତି-ମୁପାଧାଵ-ତ୍ତସ୍ମା ଏତ-ମେକଵିଗ୍ଂଶତିରାତ୍ର-ମ୍ପ୍ରାଯଚ୍ଛ-ତ୍ତମା-ଽହର-ତ୍ତେନାଯଜତ ତତୋ ଵୈ ସ ପ୍ରତ୍ଯତିଷ୍ଠଦ୍ଯେ ବହୁଯାଜିନୋ ଽପ୍ରତିଷ୍ଠିତା- [ ଽପ୍ରତିଷ୍ଠିତାଃ, ସ୍ଯୁସ୍ତ ଏକଵିଗ୍ଂଶତି-] 28
-ସ୍ସ୍ଯୁସ୍ତ ଏକଵିଗ୍ଂଶତି-ରାତ୍ର-ମାସୀର-ନ୍ଦ୍ଵାଦଶ ମାସାଃ ପଞ୍ଚର୍ତଵ-ସ୍ତ୍ରଯ ଇମେ ଲୋକା ଅସାଵାଦିତ୍ଯ ଏକଵିଗ୍ଂଶ ଏତାଵନ୍ତୋ ଵୈ ଦେଵଲୋକାସ୍ତେଷ୍ଵେଵ ଯଥା ପୂର୍ଵ-ମ୍ପ୍ରତି ତିଷ୍ଠନ୍ତ୍ଯସାଵାଦିତ୍ଯୋ ନ ଵ୍ଯରୋଚତ ସ ପ୍ରଜାପତି-ମୁପାଧାଵ-ତ୍ତସ୍ମା ଏତମେକଵିଗ୍ଂଶତିରାତ୍ର-ମ୍ପ୍ରାଯଚ୍ଛ-ତ୍ତମା-ଽହର-ତ୍ତେନାଯଜତ ତତୋ ଵୈ ସୋ ଽରୋଚତ ଯ ଏଵଂ-ଵିଁଦ୍ଵାଗ୍ଂସ ଏକଵିଗ୍ଂଶତିରାତ୍ର-ମାସତେ ରୋଚନ୍ତ ଏଵୈକଵିଗ୍ଂଶତିରାତ୍ରୋ ଭଵତି ରୁଗ୍ଵା ଏକଵିଗ୍ଂଶୋ ରୁଚମେଵ ଗଚ୍ଛନ୍ତ୍ଯଥୋ ପ୍ରତିଷ୍ଠାମେଵ ପ୍ରତିଷ୍ଠା ହ୍ଯେକଵିଗ୍ଂଶୋ ଽତିରାତ୍ରାଵଭିତୋ ଭଵତୋ ବ୍ରହ୍ମଵର୍ଚସସ୍ଯ ପରିଗୃହୀତ୍ଯୈ ॥ 29 ॥
(ଗୃହ୍ଣନ୍ତି ଦିଵାକୀର୍ତ୍ଯେନୈ - ଵୋଭଯତୋ - ନା - ପ୍ରତିଷ୍ଠିତା - ଆସତ - ଏକଵିଗ୍ଂଶତିଶ୍ଚ) (ଅ. 10)
ଅର୍ଵାଂ-ଯଁଜ୍ଞ-ସ୍ସ-ଙ୍କ୍ରାମତ୍ଵମୁଷ୍ମା-ଦଧି ମାମଭି । ଋଷୀଣାଂ-ଯଃ ଁପୁରୋହିତଃ ॥ ନିର୍ଦେଵ-ନ୍ନିର୍ଵୀର-ଙ୍କୃତ୍ଵା ଵିଷ୍କନ୍ଧ-ନ୍ତସ୍ମିନ୍ ହୀଯତାଂ-ଯୋଁ-ଽସ୍ମା-ନ୍ଦ୍ଵେଷ୍ଟି । ଶରୀରଂ-ଯଁଜ୍ଞଶମଲ-ଙ୍କୁସୀଦ-ନ୍ତସ୍ମିନ୍ଥ୍ସୀଦତୁ ଯୋ-ଽସ୍ମା-ନ୍ଦ୍ଵେଷ୍ଟି ॥ ଯଜ୍ଞ ଯଜ୍ଞସ୍ଯ ଯ-ତ୍ତେଜସ୍ତେନ ସଙ୍କ୍ରାମ ମାମଭି । ବ୍ରାହ୍ମଣା-ନୃତ୍ଵିଜୋ ଦେଵାନ୍ ଯଜ୍ଞସ୍ଯ ତପସା ତେ ସଵାହମା ହୁଵେ ॥ ଇଷ୍ଟେନ ପକ୍ଵମୁପ [ପକ୍ଵମୁପ, ତେ ହୁଵେ ସଵା-ଽହମ୍ ।] 30
ତେ ହୁଵେ ସଵା-ଽହମ୍ । ସ-ନ୍ତେ ଵୃଞ୍ଜେ ସୁକୃତଗ୍ଂ ସ-ମ୍ପ୍ରଜା-ମ୍ପଶୂନ୍ ॥ ପ୍ରୈଷାନ୍-ଥ୍ସାମିଧେନୀ-ରାଘାରା-ଵାଜ୍ଯଭାଗାଵା-ଶ୍ରୁତ-ମ୍ପ୍ରତ୍ଯାଶ୍ରୁତମା ଶୃଣାମି ତେ । ପ୍ରଯାଜାନୂଯାଜାନ୍-ଥ୍ସ୍ଵିଷ୍ଟକୃତ-ମିଡା-ମାଶିଷ ଆ ଵୃଞ୍ଜେ ସୁଵଃ ॥ ଅଗ୍ନିନେନ୍ଦ୍ରେଣ ସୋମେନ ସରସ୍ଵତ୍ଯା ଵିଷ୍ଣୁନା ଦେଵତାଭିଃ । ଯାଜ୍ଯାନୁଵାକ୍ଯାଭ୍ଯା-ମୁପ ତେ ହୁଵେ ସଵାହଂ-ଯଁଜ୍ଞମା ଦଦେ ତେ ଵଷଟ୍କୃତମ୍ ॥ ସ୍ତୁତଗ୍ଂ ଶସ୍ତ୍ର-ମ୍ପ୍ରତିଗର-ଙ୍ଗ୍ରହ-ମିଡା-ମାଶିଷ [ମାଶିଷଃ, ଆ ଵୃଞ୍ଜେ ସୁଵଃ ।] 31
ଆ ଵୃଞ୍ଜେ ସୁଵଃ । ପତ୍ନୀସଂଯାଁଜା-ନୁପ ତେ ହୁଵେ ସଵାହଗ୍ଂ ସମିଷ୍ଟଯଜୁ-ରା ଦଦେ ତଵ ॥ ପଶୂନ୍-ଥ୍ସୁତ-ମ୍ପୁରୋଡାଶାନ୍-ଥ୍ସଵନାନ୍ଯୋତ ଯଜ୍ଞମ୍ । ଦେଵାନ୍-ଥ୍ସେନ୍ଦ୍ରାନୁପ ତେ ହୁଵେ ସଵାହ-ମଗ୍ନିମୁଖାନ୍-ଥ୍ସୋମଵତୋ ଯେ ଚ ଵିଶ୍ଵେ ॥ 32 ॥
(ଉପ - ଗ୍ରହମିଡାମାଶିଷୋ - ଦ୍ଵାତ୍ରିଗ୍ଂଶଚ୍ଚ) (ଅ. 11)
ଭୂତ-ମ୍ଭଵ୍ଯ-ମ୍ଭଵିଷ୍ଯଦ୍ଵଷଟ୍-ଥ୍ସ୍ଵାହା ନମ ଋ-ଖ୍ସାମ ଯଜୁର୍ଵଷଟ୍-ଥ୍ସ୍ଵାହା ନମୋ ଗାଯତ୍ରୀ ତ୍ରିଷ୍ଟୁ-ବ୍ଜଗତୀ ଵଷଟ୍-ଥ୍ସ୍ଵାହା ନମଃ ପୃଥିଵ୍ଯନ୍ତରିକ୍ଷ-ନ୍ଦ୍ଯୌ ର୍ଵଷଟ୍-ଥ୍ସ୍ଵାହା ନମୋ ଽଗ୍ନିର୍ଵାଯୁ-ସ୍ସୂର୍ଯୋ ଵଷଟ୍-ଥ୍ସ୍ଵାହା ନମଃ ପ୍ରାଣୋ-ଵ୍ଯାନୋ-ଽପାନୋ ଵଷଟ୍-ଥ୍ସ୍ଵାହା ନମୋ ଽନ୍ନ-ଙ୍କୃଷି-ର୍ଵୃଷ୍ଟି-ର୍ଵଷଟ୍-ଥ୍ସ୍ଵାହା ନମଃ ପିତାପୁତ୍ରଃ ପୌତ୍ରୋ ଵଷଟ୍-ଥ୍ସ୍ଵାହା ନମୋ ଭୂର୍ଭୁଵ-ସ୍ସୁଵ ର୍ଵଷଟ୍-ଥ୍ସ୍ଵାହା ନମଃ ॥ 33 ॥
(ଭୁଵ - ଶ୍ଚତ୍ଵାରି ଚ) (ଅ. 12)
ଆ ମେ ଗୃହା ଭଵନ୍ତ୍ଵା ପ୍ରଜା ମ ଆ ମା ଯଜ୍ଞୋ ଵିଶତୁ ଵୀର୍ଯାଵାନ୍ । ଆପୋ ଦେଵୀର୍ଯଜ୍ଞିଯା ମା-ଽଽଵିଶନ୍ତୁ ସହସ୍ରସ୍ଯ ମା ଭୂମା ମା ପ୍ର ହାସୀତ୍ ॥ ଆ ମେ ଗ୍ରହୋ ଭଵତ୍ଵା ପୁରୋରୁ-ଖ୍ସ୍ତୁତଶସ୍ତ୍ରେ ମା ଽଽ ଵିଶତାଗ୍ଂ ସମୀଚୀ । ଆଦିତ୍ଯା ରୁଦ୍ରା ଵସଵୋ ମେ ସଦସ୍ଯା-ସ୍ସହସ୍ରସ୍ଯ ମା ଭୂମା ମା ପ୍ର ହାସୀତ୍ ॥ ଆ ମା-ଽଗ୍ନିଷ୍ଟୋମୋ ଵିଶତୂ କ୍ଥ୍ଯଶ୍ଚାତିରାତ୍ରୋ ମା-ଽଽ ଵିଶତ୍ଵାପିଶର୍ଵରଃ । ତିରୋଅହ୍ନିଯା ମା ସୁହୁତା ଆ ଵିଶନ୍ତୁ ସହସ୍ରସ୍ଯ ମା ଭୂମା ମା ପ୍ର ହାସୀତ୍ ॥ 34 ॥
(ଅଗ୍ନିଷ୍ଟୋମୋ ଵିଶତ୍ଵ - ଷ୍ଟାଦଶ ଚ) (ଅ. 13)
ଅଗ୍ନିନା ତପୋ-ଽନ୍ଵଭଵ-ଦ୍ଵାଚା ବ୍ରହ୍ମ ମଣିନା ରୂପାଣୀନ୍ଦ୍ରେଣ ଦେଵାନ୍ ଵାତେନ ପ୍ରାଣାନ୍-ଥ୍ସୂର୍ଯେଣ ଦ୍ଯା-ଞ୍ଚନ୍ଦ୍ରମସା ନକ୍ଷତ୍ରାଣି ଯମେନ ପିତୄ-ନ୍ରାଜ୍ଞା ମନୁଷ୍ଯା-ନ୍ଫଲେନ ନାଦେଯାନଜଗରେଣ ସର୍ପାନ୍ ଵ୍ଯାଘ୍ରେଣା-ଽଽରଣ୍ଯା-ନ୍ପଶୂଞ୍ଛ୍ଯେନେନ ପତତ୍ରିଣୋ ଵୃଷ୍ଣା-ଽଶ୍ଵାନୃଷଭେଣ ଗା ବସ୍ତେନାଜା ଵୃଷ୍ଣିନା-ଽଵୀର୍ଵ୍ରୀହିଣା-ଽନ୍ନାନି ଯଵେନୌଷଧୀର୍ନ୍ଯଗ୍ରୋଧେନ ଵନସ୍ପତୀନୁଦୁବଂରେଣୋର୍ଜ-ଙ୍ଗାଯତ୍ରିଯା ଛନ୍ଦାଗ୍ଂସି ତ୍ରିଵୃତା ସ୍ତୋମା-ନ୍ବ୍ରାହ୍ମଣେନ ଵାଚମ୍ ॥ 35 ॥
(ବ୍ରାହ୍ମଣେନୈ - କ-ଞ୍ଚ) (ଅ. 14)
ସ୍ଵାହା-ଽଽଧିମାଧୀତାଯ ସ୍ଵାହା ସ୍ଵାହା-ଽଽଧୀତ-ମ୍ମନସେ ସ୍ଵାହା ସ୍ଵାହା ମନଃ ପ୍ରଜାପତଯେ ସ୍ଵାହା କାଯ ସ୍ଵାହା କସ୍ମୈ ସ୍ଵାହା କତମସ୍ମୈ ସ୍ଵାହା ଽଦିତ୍ଯୈ ସ୍ଵାହା ଽଦିତ୍ଯୈ ମହ୍ଯୈ ସ୍ଵାହା-ଽଦିତ୍ଯୈ ସୁମୃଡୀକାଯୈ ସ୍ଵାହା ସରସ୍ଵତ୍ଯୈ ସ୍ଵାହା ସରସ୍ଵତ୍ଯୈ ବୃହତ୍ଯୈ ସ୍ଵାହା ସରସ୍ଵତ୍ଯୈ ପାଵକାଯୈ ସ୍ଵାହା ପୂଷ୍ଣେ ସ୍ଵାହା ପୂଷ୍ଣେ ପ୍ରପଥ୍ଯାଯ ସ୍ଵାହା ପୂଷ୍ଣେ ନରନ୍ଧିଷାଯ ସ୍ଵାହା ତ୍ଵଷ୍ଟ୍ରେ ସ୍ଵାହା ତ୍ଵଷ୍ଟ୍ରେ ତୁରୀପାଯ ସ୍ଵାହା ତ୍ଵଷ୍ଟ୍ରେ ପୁରୁରୂପାଯ ସ୍ଵାହା ଵିଷ୍ଣଵେ ସ୍ଵାହା ଵିଷ୍ଣଵେ ନିଖୁର୍ଯପାଯ ସ୍ଵାହା ଵିଷ୍ଣଵେ ନିଭୂଯପାଯ ସ୍ଵାହା ସର୍ଵସ୍ମୈ ସ୍ଵାହା ॥ 36 ॥
(ପୁରୁରୂପାଯ ସ୍ଵାହା - ଦଶ ଚ) (ଅ. 15)
ଦଦ୍ଭ୍ଯ-ସ୍ସ୍ଵାହା ହନୂଭ୍ଯାଗ୍ ସ୍ଵାହୋଷ୍ଠାଭ୍ଯାଗ୍ ସ୍ଵାହା ମୁଖାଯ ସ୍ଵାହା ନାସିକାଭ୍ଯାଗ୍ ସ୍ଵାହା ଽକ୍ଷୀଭ୍ଯାଗ୍ ସ୍ଵାହା କର୍ଣାଭ୍ଯାଗ୍ ସ୍ଵାହା ପାର ଇକ୍ଷଵୋ-ଽଵାର୍ଯେଭ୍ଯଃ ପକ୍ଷ୍ମଭ୍ଯ-ସ୍ସ୍ଵାହା ଽଵାର ଇକ୍ଷଵଃ ପାର୍ଯେଭ୍ଯଃ ପକ୍ଷ୍ମଭ୍ଯ-ସ୍ସ୍ଵାହା ଶୀର୍ଷ୍ଣେ ସ୍ଵାହା ଭ୍ରୂଭ୍ଯାଗ୍ ସ୍ଵାହା ଲଲାଟାଯ ସ୍ଵାହା ମୂର୍ଧ୍ନେ ସ୍ଵାହା ମସ୍ତିଷ୍କାଯ ସ୍ଵାହା କେଶେଭ୍ଯ-ସ୍ସ୍ଵାହା ଵହାଯ ସ୍ଵାହା ଗ୍ରୀଵାଭ୍ଯ-ସ୍ସ୍ଵାହା ସ୍କନ୍ଧେଭ୍ଯ-ସ୍ସ୍ଵାହା କୀକସାଭ୍ଯ-ସ୍ସ୍ଵାହା ପୃଷ୍ଟୀଭ୍ଯ-ସ୍ସ୍ଵାହା ପାଜସ୍ଯାଯ ସ୍ଵାହା ପାର୍ଶ୍ଵାଭ୍ଯାଗ୍ ସ୍ଵାହା- [ ] 37
-ଽଗ୍ଂସାଭ୍ଯାଗ୍ ସ୍ଵାହା ଦୋଷଭ୍ଯାଗ୍ ସ୍ଵାହା ବାହୁଭ୍ଯାଗ୍ ସ୍ଵାହା ଜଙ୍ଘାଭ୍ଯାଗ୍ ସ୍ଵାହା ଶ୍ରୋଣୀଭ୍ଯାଗ୍ ସ୍ଵାହୋରୁଭ୍ଯାଗ୍ ସ୍ଵାହା ଽଷ୍ଠୀଵଦ୍ଭ୍ଯାଗ୍ ସ୍ଵାହା ଜଙ୍ଘାଭ୍ଯାଗ୍ ସ୍ଵାହା ଭସଦେ ସ୍ଵାହା ଶିଖଣ୍ଡେଭ୍ଯ-ସ୍ସ୍ଵାହା ଵାଲଧାନାଯ ସ୍ଵାହା ଽଽଣ୍ଡାଭ୍ଯାଗ୍ ସ୍ଵାହା ଶେପାଯ ସ୍ଵାହା ରେତସେ ସ୍ଵାହା ପ୍ରଜାଭ୍ଯ-ସ୍ସ୍ଵାହା ପ୍ରଜନନାଯ ସ୍ଵାହା ପଦ୍ଭ୍ଯ-ସ୍ସ୍ଵାହା ଶଫେଭ୍ଯ-ସ୍ସ୍ଵାହା ଲୋମଭ୍ଯ-ସ୍ସ୍ଵାହା ତ୍ଵଚେ ସ୍ଵାହା ଲୋହିତାଯ ସ୍ଵାହା ମାଗ୍ଂସାଯ ସ୍ଵାହା ସ୍ନାଵଭ୍ଯ-ସ୍ସ୍ଵାହା ଽସ୍ଥଭ୍ଯ-ସ୍ସ୍ଵାହା ମଜ୍ଜଭ୍ଯ-ସ୍ସ୍ଵାହା ଽଙ୍ଗେଭ୍ଯ-ସ୍ସ୍ଵାହା ଽଽତ୍ମନେ ସ୍ଵାହା ସର୍ଵସ୍ମୈ ସ୍ଵାହା ॥ 38 ॥
(ପାର୍ଶ୍ଵାଭ୍ଯାଗ୍ ସ୍ଵାହା - ମଜ୍ଜଭ୍ଯ-ସ୍ସ୍ଵାହା - ଷଟ୍ ଚ) (ଅ. 16)
ଅଞ୍ଜ୍ଯେତାଯ ସ୍ଵାହା ଽଞ୍ଜିସକ୍ଥାଯ ସ୍ଵାହା ଶିତିପଦେ ସ୍ଵାହା ଶିତିକକୁଦେ ସ୍ଵାହା ଶିତିରନ୍ଧ୍ରାଯ ସ୍ଵାହା ଶିତିପୃଷ୍ଠାଯ ସ୍ଵାହା ଶିତ୍ଯଗ୍ଂସାଯ ସ୍ଵାହା ପୁଷ୍ପକର୍ଣାଯ ସ୍ଵାହା ଶିତ୍ଯୋଷ୍ଠାଯ ସ୍ଵାହା ଶିତିଭ୍ରଵେ ସ୍ଵାହା ଶିତିଭସଦେ ସ୍ଵାହା ଶ୍ଵେତାନୂକାଶାଯ ସ୍ଵାହା ଽଞ୍ଜଯେ ସ୍ଵାହା ଲଲାମାଯ ସ୍ଵାହା ଽସିତଜ୍ଞଵେ ସ୍ଵାହା କୃଷ୍ଣୈତାଯ ସ୍ଵାହା ରୋହିତୈତାଯ ସ୍ଵାହା ଽରୁଣୈତାଯ ସ୍ଵାହେଦୃଶାଯ ସ୍ଵାହା କୀଦୃଶାଯ ସ୍ଵାହା ତାଦୃଶାଯ ସ୍ଵାହା ସଦୃଶାଯ ସ୍ଵାହା ଵିସଦୃଶାଯ ସ୍ଵାହା ସୁସଦୃଶାଯ ସ୍ଵାହା ରୂପାଯ ସ୍ଵାହା ସର୍ଵସ୍ମୈ ସ୍ଵାହା ॥ 39 ॥
(ରୂପାଯ ସ୍ଵାହା - ଦ୍ଵେ ଚ ) (ଅ. 17)
କୃଷ୍ଣାଯ ସ୍ଵାହା ଶ୍ଵେତାଯ ସ୍ଵାହା ପିଶଙ୍ଗାଯ ସ୍ଵାହା ସାରଙ୍ଗାଯ ସ୍ଵାହା ଽରୁଣାଯ ସ୍ଵାହା ଗୌରାଯ ସ୍ଵାହା ବଭ୍ରଵେ ସ୍ଵାହା ନକୁଲାଯ ସ୍ଵାହା ରୋହିତାଯ ସ୍ଵାହା ଶୋଣାଯ ସ୍ଵାହା ଶ୍ଯାଵାଯ ସ୍ଵାହା ଶ୍ଯାମାଯ ସ୍ଵାହା ପାକଲାଯ ସ୍ଵାହା ସୁରୂପାଯ ସ୍ଵାହା ଽନୁରୂପାଯ ସ୍ଵାହା ଵିରୂପାଯ ସ୍ଵାହା ସରୂପାଯ ସ୍ଵାହା ପ୍ରତିରୂପାଯ ସ୍ଵାହା ଶବଲାଯ ସ୍ଵାହା କମଲାଯ ସ୍ଵାହା ପୃଶ୍ଞଯେ ସ୍ଵାହା ପୃଶ୍ଞିସକ୍ଥାଯ ସ୍ଵାହା ସର୍ଵସ୍ମୈ ସ୍ଵାହା ॥ 40 ॥
(କୃଷ୍ଣାଯ - ଷଟ୍ଚତ୍ଵାରିଗ୍ଂଶତ୍) (ଅ. 18)
ଓଷଧୀଭ୍ଯ-ସ୍ସ୍ଵାହା ମୂଲେଭ୍ଯ-ସ୍ସ୍ଵାହା ତୂଲେଭ୍ଯ-ସ୍ସ୍ଵାହା କାଣ୍ଡେଭ୍ଯ-ସ୍ସ୍ଵାହା ଵଲ୍ଶେଭ୍ଯ-ସ୍ସ୍ଵାହା ପୁଷ୍ପେଭ୍ଯ-ସ୍ସ୍ଵାହା ଫଲେଭ୍ଯ-ସ୍ସ୍ଵାହା ଗୃହୀତେଭ୍ଯ-ସ୍ସ୍ଵାହା ଽଗୃହୀତେଭ୍ଯ-ସ୍ସ୍ଵାହା ଽଵପନ୍ନେଭ୍ଯ-ସ୍ସ୍ଵାହା ଶଯାନେଭ୍ଯ-ସ୍ସ୍ଵାହା ସର୍ଵସ୍ମୈ ସ୍ଵାହା ॥ 41 ॥
(ଓଷଧୀଭ୍ଯ - ଶ୍ଚତୁର୍ଵିଗ୍ଂଶତିଃ) (ଅ. 19)
ଵନସ୍ପତିଭ୍ଯ-ସ୍ସ୍ଵାହା ମୂଲେଭ୍ଯ-ସ୍ସ୍ଵାହା ତୂଲେଭ୍ଯ-ସ୍ସ୍ଵାହା ସ୍କନ୍ଧୋଭ୍ଯ-ସ୍ସ୍ଵାହା ଶାଖାଭ୍ଯ-ସ୍ସ୍ଵାହା ପର୍ଣେଭ୍ଯ-ସ୍ସ୍ଵାହା ପୁଷ୍ପେଭ୍ଯ-ସ୍ସ୍ଵାହା ଫଲେଭ୍ଯ-ସ୍ସ୍ଵାହା ଗୃହୀତେଭ୍ଯ-ସ୍ସ୍ଵାହା ଽଗୃହୀତେଭ୍ଯ-ସ୍ସ୍ଵାହା ଽଵପନ୍ନେଭ୍ଯ-ସ୍ସ୍ଵାହା ଶଯାନେଭ୍ଯ-ସ୍ସ୍ଵାହା ଶିଷ୍ଟାଯ ସ୍ଵାହା ଽତିଶିଷ୍ଟାଯ ସ୍ଵାହା ପରିଶିଷ୍ଟାଯ ସ୍ଵାହା ସଗ୍ଂଶିଷ୍ଟାଯ ସ୍ଵାହୋ-ଚ୍ଛିଷ୍ଟାଯ ସ୍ଵାହା ରିକ୍ତାଯ ସ୍ଵାହା ଽରିକ୍ତାଯ ସ୍ଵାହା ପ୍ରରିକ୍ତାଯ ସ୍ଵାହା ସଗ୍ଂରିକ୍ତାଯ ସ୍ଵାହୋ -ଦ୍ରିକ୍ତାଯ ସ୍ଵାହା ସର୍ଵସ୍ମୈ ସ୍ଵାହା ॥ 42 ॥
(ଵନସ୍ପତିଭ୍ଯଃ - ଷଟ୍ ଚତ୍ଵାରିଗ୍ଂଶତ୍) (ଅ. 20)
(ପ୍ରଜଵଂ - ବ୍ରହ୍ମଵାଦିନଃ କି - ମେଷ ଵା ଆପ୍ତ - ଆଦିତ୍ଯା ଉଭଯୋଃ - ପ୍ରଜାପତିରନ୍ଵାଯ -ନ୍ନିନ୍ଦ୍ରୋ ଵୈ ସଦୃଂ - ମିନ୍ଦ୍ରୋ ଵୈ ଶିଥିଲଃ - ପ୍ରଜାପତିରକାମଯତା ଽନ୍ନାଦଃ - ସା ଵିରାଡ - ସାଵାଦିତ୍ଯୋ - ଽର୍ଵାଂ - ଭୂତ - ମା ମେ - ଽଗ୍ନିନା -ସ୍ଵାହା-ଽଽଧିନ୍ - ଦଦ୍ଭ୍ଯୋ-ଽ - ଞ୍ଜ୍ଯେତାଯ - କୃଷ୍ଣା - ଯୌଷଧୀଭ୍ଯୋ - ଵନସ୍ପତିଭ୍ଯୋ - ଵିଗ୍ଂଶତିଃ)
(ପ୍ରଜଵଂ - ପ୍ରଜାପତି - ର୍ଯଦଛନ୍ଦୋମଂ - ତେ ହୁଵେ ସଵା-ଽହ - ମୋଷଧୀଭ୍ଯୋ - ଦ୍ଵିଚତ୍ଵାରିଗ୍ଂଶତ୍)
(ପ୍ରଜଵଗ୍ଂ, ସର୍ଵସ୍ମୈ ସ୍ଵାହା)
॥ ହରିଃ ଓମ୍ ॥
॥ କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯାଂ ସପ୍ତମକାଣ୍ଡେ ତୃତୀଯଃ ପ୍ରଶ୍ନ-ସ୍ସମାପ୍ତଃ ॥