7.5 - গাৱো ৱা এতথ্সত্ৰমাসত - কৃষ্ণ যজুৰ্ৱেদ তৈত্তিৰীয সংহিতা পাঠঃ

কৃষ্ণ যজুৰ্ৱেদীয তৈত্তিৰীয সংহিতাযাং সপ্তমকাণ্ডে পঞ্চমঃ প্ৰশ্নঃ - সত্ৰৱিশেষাভিধানং
ও-ন্নমঃ পৰমাত্মনে, শ্ৰী মহাগণপতযে নমঃ,
শ্ৰী গুৰুভ্যো নমঃ । হৰিঃ ওম্ ॥
গাৱো ৱা এত-থ্সত্ৰ-মাসতাশৃঙ্গা-স্সতী-শ্শৃঙ্গাণি নো জাযন্তা ইতি কামেন তাসা-ন্দশমাসা নিষণ্ণা আসন্নথ শৃঙ্গাণ্যজাযন্ত তা উদতিষ্ঠন্নৰাথ্স্মেত্যথ যাসা-ন্নাজাযন্ত তা-স্সংৱঁথ্সৰ-মাপ্ত্ৱোদতিষ্ঠ -ন্নৰাথ্স্মেতি যাসা-ঞ্চাজাযন্ত যাসা-ঞ্চ ন তা উভযীৰু-দতিষ্ঠ-ন্নৰাথ্স্মেতি গোসত্ৰং-ৱৈঁ [গোসত্ৰং-ৱৈঁ, সংৱঁথ্সৰো য] 1
সংৱঁথ্সৰো য এৱং-ৱিঁদ্ৱাগ্ংসঃ সংৱঁথ্সৰ-মুপযন্ত্যৃদ্ধ্নুৱন্ত্যেৱ তস্মা-ত্তূপৰা ৱাৰ্ষিকৌ মাসৌ পৰ্ত্ৱা চৰতি সত্ৰাভিজিতগ্গ্হ্যস্যৈ তস্মা-থ্সংৱঁথ্সৰসদো য-ত্কি-ঞ্চ গৃহে ক্ৰিযতে তদাপ্ত-মৱৰুদ্ধ-মভিজিত-ঙ্ক্ৰিযতে সমুদ্ৰং-ৱাঁ এতে প্ৰ প্লৱন্তে যে সংৱঁথ্সৰমুপযন্তি যো ৱৈ সমুদ্ৰস্য পাৰ-ন্ন পশ্যতি ন ৱৈ স তত উদেতি সংৱঁথ্সৰো [উদেতি সংৱঁথ্সৰঃ, ৱৈ সমুদ্ৰ-] 2
ৱৈ সমুদ্ৰ-স্তস্যৈত-ত্পাৰং-যঁদতিৰাত্ৰৌ য এৱং-ৱিঁদ্ৱাগ্ংসঃ সংৱঁথ্সৰ-মুপযন্ত্যনাৰ্তা এৱোদৃচ-ঙ্গচ্ছন্তীযং-ৱৈঁ পূৰ্ৱো-ঽতিৰাত্ৰো ঽসাৱুত্তৰো মনঃ পূৰ্ৱো ৱাগুত্তৰঃ প্ৰাণঃ পূৰ্ৱো-ঽপান উত্তৰঃ প্ৰৰোধন-ম্পূৰ্ৱ উদযনমুত্তৰো জ্যোতিষ্টোমো ৱৈশ্ৱানৰো ঽতিৰাত্ৰো ভৱতি জ্যোতিৰেৱ পুৰস্তাদ্দধতে সুৱৰ্গস্য লোকস্যা-নুখ্যাত্যৈ চতুৰ্ৱিগ্ংশঃ প্ৰাযণীযো ভৱতি চতুৰ্ৱিগ্ংশতি-ৰৰ্ধমাসা- [চতুৰ্ৱিগ্ংশতি-ৰৰ্ধমাসাঃ, সংৱঁথ্সৰঃ] 3
-স্সংৱঁথ্সৰঃ প্ৰযন্ত এৱ সংৱঁথ্সৰে প্ৰতি তিষ্ঠন্তি তস্য ত্ৰীণি চ শতানি ষষ্টিশ্চ স্তোত্ৰীযাস্তাৱতী-স্সংৱঁথ্সৰস্য ৰাত্ৰয উভে এৱ সংৱঁথ্সৰস্য ৰূপে আপ্নুৱন্তি তে সগ্গ্স্থিত্যা অৰিষ্ট্যা উত্তৰৈৰহোভিশ্চৰন্তি ষডহা ভৱন্তি ষ-ড্ৱা ঋতৱঃ সংৱঁথ্সৰ ঋতুষ্ৱেৱ সংৱঁথ্সৰে প্ৰতি তিষ্ঠন্তি গৌশ্চা-ঽঽযুশ্চ মদ্ধ্যত-স্স্তোমৌ ভৱত-স্সংৱঁথ্সৰস্যৈৱ তন্মিথুন-ম্মদ্ধ্যতো [তন্মিথুন-ম্মদ্ধ্যতঃ, দধতি প্ৰজননায] 4
দধতি প্ৰজননায জ্যোতিৰভিতো ভৱতি ৱিমোচনমেৱ তচ্ছন্দাগ্স্যেৱ ত-দ্ৱিমোকং-যঁন্ত্যথো উভযতোজ্যোতিষৈৱ ষডহেন সুৱৰ্গং-লোঁকং-যঁন্তি ব্ৰহ্মৱাদিনো ৱদন্ত্যাসতে কেন যন্তীতি দেৱযানেন পথেতি ব্ৰূযাচ্ছন্দাগ্ংসি ৱৈ দেৱযানঃ পন্থা গাযত্ৰী ত্ৰিষ্টুব্-জগতীজ্যোতিৰ্ৱৈ গাযত্ৰী গৌস্ত্ৰিষ্টুগাযুৰ্জগতী যদেতে স্তোমা ভৱন্তি দেৱযানেনৈৱ [ ] 5
ত-ত্পথা যন্তি সমানগ্ং সাম ভৱতি দেৱলোকো ৱৈ সাম দেৱলোকাদেৱ নযন্ত্যন্যাঅন্যা ঋচো ভৱন্তি মনুষ্যলোকো ৱা ঋচো মনুষ্যলোকাদেৱান্যমন্য-ন্দেৱলোকমভ্যাৰোহন্তো যন্ত্যভিৱৰ্তো ব্ৰহ্মসাম-ম্ভৱতি সুৱৰ্গস্য লোকস্যাভিৱৃত্যা অভিজি-দ্ভৱতি সুৱৰ্গস্য লোকস্যাভিজিত্যৈ ৱিশ্ৱজি-দ্ভৱতি ৱিশ্ৱস্য জিত্যৈ মাসিমাসি পৃষ্ঠান্যুপ যন্তি মাসিমাস্যতিগ্ৰাহ্যা গৃহ্যন্তে মাসিমাস্যেৱ ৱীৰ্য-ন্দধতি মাসা-ম্প্ৰতিষ্ঠিত্যা উপৰিষ্টান্মাসা-ম্পৃষ্ঠান্যুপ যন্তি তস্মাদুপৰিষ্টাদোষধযঃ ফল-ঙ্গৃহ্ণন্তি ॥ 6 ॥

(গোসত্ৰং-ৱাঁ - এতি সংৱঁথ্সৰো - ঽৰ্ধমাসা - মিথুন-ম্মদ্ধ্যতো - দেৱযানেনৈৱ - ৱীৰ্যং - ত্ৰযোদশ চ) (অ. 1)
গাৱো ৱা এত-থ্সত্ৰমাসতাশৃঙ্গা-স্সতী-শ্শৃঙ্গাণি সিষাসন্তীস্তাসা-ন্দশ মাসা নিষণ্ণা আসন্নথ শৃঙ্গাণ্যজাযন্ত তা অব্ৰুৱন্নৰাথ্স্মো-ত্তিষ্ঠামাৱ ত-ঙ্কামমৰুথ্স্মহি যেন কামেন ন্যষদামেতি তাসামু ত্ৱা অব্ৰুৱন্নৰ্ধাৱা যাৱতীৰ্ৱা-ঽঽসামহা এৱেমৌদ্ৱাদশৌ মাসৌ সংৱঁথ্সৰগ্ং সম্পাদ্যো-ত্তিষ্ঠামেতি তাসা- [তাসাম্, দ্ৱাদশে মাসি] 7
-ন্দ্ৱাদশে মাসি শৃঙ্গাণি প্ৰাৱৰ্তন্ত শ্ৰদ্ধযা ৱা-ঽশ্ৰদ্ধযা ৱা তা ইমা যাস্তূপৰা উভয্যো ৱাৱ তা আৰ্ধ্নুৱন্. যাশ্চ শৃঙ্গাণ্যসন্ৱন্. যাশ্চোৰ্জমৱাৰুন্ধতৰ্ধ্নোতি দশসু মাসূত্তিষ্ঠন্নৃদ্ধ্নোতি দ্ৱাদশসু য এৱং-ৱেঁদ পদেন খলু ৱা এতে যন্তি ৱিন্দতি খলু ৱৈ পদেন য-ন্তদ্ৱা এতদৃদ্ধমযন-ন্তস্মা দেত-দ্গোসনি ॥ 8 ॥

(তিষ্ঠামেতি তাসাং - তস্মা-দ্- দ্ৱে চ) (অ. 2)
প্ৰথমে মাসি পৃষ্ঠান্যুপ যন্তি মদ্ধ্যম উপ যন্ত্যুত্তম উপ যন্তি তদাহুৰ্যাং-ৱৈঁ ত্ৰিৰেকস্যাহ্ন উপসীদন্তি দহ্ৰং-ৱৈঁ সা-ঽপৰাভ্যা-ন্দোহাভ্যা-ন্দুহে-ঽথ কুত-স্সা ধোক্ষ্যতে যা-ন্দ্ৱাদশ কৃত্ৱ উপসীদন্তীতি সংৱঁথ্সৰগ্ং সম্পাদ্যোত্তমে মাসি সকৃ-ত্পৃষ্ঠান্যুপেযুস্ত-দ্যজমানা যজ্ঞ-ম্পশূনৱ ৰুন্ধতে সমুদ্ৰং-ৱাঁ [সমুদ্ৰং-ৱৈঁ, এতে-ঽনৱাৰমপাৰ-ম্প্ৰ] 9
এতে-ঽনৱাৰমপাৰ-ম্প্ৰ প্লৱন্তে যে সংৱঁথ্সৰমুপযন্তি য-দ্বৃহ-দ্ৰথন্তৰে অন্ৱৰ্জেযুৰ্যথা মদ্ধ্যে সমুদ্ৰস্য প্লৱমন্ৱৰ্জেযুস্তাদৃ-ক্তদনুথ্সৰ্গ-ম্বৃহ-দ্ৰথন্তৰাভ্যামিত্ৱা প্ৰতিষ্ঠা-ঙ্গচ্ছন্তি সৰ্ৱেভ্যো ৱৈ কামেভ্য-স্সন্ধিৰ্দুহে ত-দ্যজমানা-স্সৰ্ৱান্ কামানৱ ৰুন্ধতে ॥ 10 ॥

(সমুদ্ৰং-ৱৈঁ - চতুস্ত্ৰিগ্ংশচ্চ) (অ. 3)
সমান্য ঋচো ভৱন্তি মনুষ্যলোকো ৱা ঋচো মনুষ্যলোকাদেৱ ন যন্ত্যন্যদন্য-থ্সাম ভৱতি দেৱলোকো ৱৈ সাম দেৱলোকাদেৱান্যমন্য-ম্মনুষ্যলোক-ম্প্ৰত্যৱৰোহন্তো যন্তি জগতীমগ্ৰ উপ যন্তি জগতীং-ৱৈঁ ছন্দাগ্ংসি প্ৰত্যৱৰোহন্ত্যা-গ্ৰযণ-ঙ্গ্ৰহা বৃহ-ত্পৃষ্ঠানি ত্ৰযস্ত্ৰিগ্ংশগ্গ্স্তোমা-স্তস্মা-জ্জ্যাযাগ্ংস-ঙ্কনীযা-ন্প্ৰত্যৱৰোহতি ৱৈশ্ৱকৰ্মণো গৃহ্যতেৱিশ্ৱান্যেৱ তেন কৰ্মাণি যজমানা অৱ ৰুন্ধত আদিত্যো [আদিত্যঃ, গৃহ্যত ইযং-ৱাঁ] 11
গৃহ্যত ইযং-ৱাঁ অদিতিৰস্যামেৱ প্ৰতি তিষ্ঠন্ত্যন্যো-ঽন্যো গৃহ্যেতে মিথুনত্ৱায প্ৰজাত্যা অৱান্তৰং-ৱৈঁ দশৰাত্ৰেণ প্ৰজাপতিঃ প্ৰজা অসৃজত য-দ্দশৰাত্ৰো ভৱতি প্ৰজা এৱ ত-দ্যজমানা-স্সৃজন্ত এতাগ্ং হ ৱা উদঙ্ক-শ্শৌল্বাযন-স্সত্ৰস্যৰ্ধিমুৱাচ য-দ্দশৰাত্ৰোয-দ্দশৰাত্ৰো ভৱতি সত্ৰস্যৰ্ধ্যা অথো যদেৱ পূৰ্ৱেষ্ৱহস্সু ৱিলোম ক্ৰিযতে তস্যৈৱৈ ( )-ষা শান্তিঃ ॥ 12 ॥

(আদিত্য - স্তস্যৈৱ - দ্ৱে চ) (অ. 4)
যদি সোমৌ সগ্ংসুতৌ স্যাতা-ম্মহতি ৰাত্ৰিযৈ প্ৰাতৰনুৱাক-মুপাকুৰ্যা-ত্পূৰ্ৱো ৱাচ-ম্পূৰ্ৱো দেৱতাঃ পূৰ্ৱ-শ্ছন্দাগ্ংসি ৱৃঙ্ক্তে ৱৃষণ্ৱতী-ম্প্ৰতিপদ-ঙ্কুৰ্যা-ত্প্ৰাতস্সৱনাদেৱৈষামিন্দ্ৰং-ৱৃঁঙ্ক্তে ঽথো খল্ৱাহুস্সৱনমুখে-সৱনমুখে কাৰ্যেতি সৱনমুখা-থ্সৱনমুখা-দেৱৈষামিন্দ্ৰং-ৱৃঁঙ্ক্তে সংৱেঁশাযোপৱেশায গাযত্ৰিযাস্ত্ৰিষ্টুভো জগত্যা অনুষ্টুভঃ পঙ্ক্ত্যা অভিভূত্যৈ স্ৱাহা ছন্দাগ্ংসি ৱৈ সংৱেঁশ উপৱেশ-শ্ছন্দোভি-ৰেৱৈষা- [উপৱেশ-শ্ছন্দোভি-ৰেৱৈষাম্, ছন্দাগ্ংসি] 13
-ঞ্ছন্দাগ্ংসি ৱৃঙ্ক্তে সজনীযগ্ং শস্যং-ৱিঁহৱ্যগ্ং শস্যমগস্ত্যস্য কযাশুভীযগ্ং শস্যমেতাৱদ্ৱা অস্তি যাৱদেত-দ্যাৱদেৱাস্তি তদেষাং-ৱৃঁঙ্ক্তে যদি প্ৰাতস্সৱনে কলশো দীৰ্যেত ৱৈষ্ণৱীষু শিপিৱিষ্টৱতীষু স্তুৱীৰন্.যদ্ৱৈ যজ্ঞস্যা-তিৰিচ্যতে ৱিষ্ণু-ন্তচ্ছিপিৱিষ্টমভ্যতি ৰিচ্যতে তদ্ৱিষ্ণুঃ শিপিৱিষ্টো-ঽতিৰিক্ত এৱাতিৰিক্ত-ন্দধাত্যথো অতিৰিক্তেনৈৱা-তিৰিক্তমাপ্ত্ৱা-ঽৱ ৰুন্ধতে যদি মদ্ধ্যন্দিনে দীৰ্যেত ৱষট্কাৰনিধনগ্ং সাম কুৰ্যুৰ্ৱষট্কাৰো ৱৈ যজ্ঞস্য প্ৰতিষ্ঠা প্ৰতিষ্ঠামেৱৈন-দ্গমযন্তি যদি তৃতীযসৱন এতদেৱ ॥ 14 ॥

(ছন্দোভিৰেৱৈষা - মৱৈ - কান্নৱিগ্ংশতিশ্চ) (অ. 5)
ষডহৈ-ৰ্মাসান্-থ্সম্পাদ্যাহৰু-থ্সৃজন্তি ষডহৈৰ্হি মাসান্-থ্সম্পশ্যন্ত্য-ৰ্ধমাসৈৰ্মাসান্-থ্সম্পাদ্যাহৰু-থ্সৃজন্ত্য-ৰ্ধমাসৈৰ্হি মাসান্-থ্সম্পশ্যন্ত্যমাৱাস্যযা মাসান্-থ্সম্পাদ্যাহৰু-থ্সৃজন্ত্যমাৱাস্যযা হি মাসান্-থ্সম্পশ্যন্তি পৌৰ্ণমাস্যা মাসান্-থ্সম্পাদ্যাহৰু-থ্সৃজন্তি পৌৰ্ণমাস্যা হি মাসান্-থ্সম্পশ্যন্তি যো ৱৈ পূৰ্ণ আসিঞ্চতি পৰা স সিঞ্চতি যঃ পূৰ্ণাদুদচতি [ ] 15
প্ৰাণমস্মিন্থ্স দধাতি য-ত্পৌৰ্ণমাস্যা মাসান্-থ্সম্পাদ্যাহৰু-থ্সৃজন্তি সংৱঁথ্সৰাযৈৱ ত-ত্প্ৰাণ-ন্দধতি তদনু সত্ৰিণঃ প্ৰাণন্তি যদহৰ্নো-থ্সৃজেযুৰ্যথা দৃতিৰুপনদ্ধো ৱিপতত্যেৱগ্ং সংৱঁথ্সৰো ৱি পতেদাৰ্তি-মাৰ্চ্ছেযুৰ্য-ত্পৌৰ্ণমাস্যা মাসান্-থ্সম্পাদ্যাহৰু-থ্সৃজন্তি সংৱঁথ্সৰাযৈৱ তদুদান-ন্দধতি তদনু সত্ৰিণ উ- [সত্ৰিণ উত্, অনন্তি না-ঽঽৰ্তি-মাৰ্চ্ছন্তি] 16
-দনন্তি না-ঽঽৰ্তি-মাৰ্চ্ছন্তি পূৰ্ণমাসে ৱৈ দেৱানাগ্ং সুতো য-ত্পৌৰ্ণমাস্যা মাসান্-থ্সম্পাদ্যাহৰু-থ্সৃজন্তি দেৱানামেৱ ত-দ্যজ্ঞেন যজ্ঞ-ম্প্ৰত্যৱৰোহন্তি ৱি ৱা এত-দ্যজ্ঞ-ঞ্ছিন্দন্তি য-থ্ষডহসতন্তগ্ং সন্তমথাহৰু-থ্সৃজন্তি প্ৰাজাপত্য-ম্পশুমা লভন্তে প্ৰজাপতি-স্সৰ্ৱা দেৱতা দেৱতাভিৰেৱ যজ্ঞগ্ং স-ন্তন্ৱন্তি যন্তি ৱা এতে সৱনাদ্যে-ঽহ- [সৱনাদ্যে-ঽহঃ, উ-থ্সৃজন্তি] 17
-ৰু-থ্সৃজন্তি তুৰীয-ঙ্খলু ৱা এত-থ্সৱনং-যঁ-থ্সানাংয্যং-যঁ-থ্সানাংয্য-ম্ভৱতি তেনৈৱ সৱনান্ন যন্তি সমুপহূয ভক্ষযন্ত্যেতথ্- সোমপীথা হ্যেতৰ্হি যথাযতনং-ৱাঁ এতেষাগ্ং সৱনভাজো দেৱতা গচ্ছন্তি যে-ঽহৰু-থ্সৃজন্ত্যনুসৱন-ম্পুৰোডাশা-ন্নিৰ্ৱপন্তি যথাযতনাদেৱ সৱনভাজো দেৱতা অৱ ৰুন্ধতে ঽষ্টাকপালা-ন্প্ৰাতস্সৱন একাদশকপালা-ন্মাদ্ধ্যন্দিনে সৱনে দ্ৱাদশকপালাগ্-স্তৃতীযসৱনে ছন্দাগ্স্যেৱা-ঽঽপ্ত্ৱা -ঽৱ ৰুন্ধতে ৱৈশ্ৱদেৱ-ঞ্চৰু-ন্তৃতীযসৱনে নিৰ্ৱপন্তি ৱৈশ্ৱদেৱং-ৱৈঁ তৃতীযসৱন-ন্তেনৈৱ তৃতীযসৱনান্ন যন্তি ॥ 18 ॥

(উদচ - ত্যু - দ্যে-ঽহ - ৰাপ্ত্ৱা - পঞ্চদশ চ) (অ. 6)
উথ্সৃজ্যাং(3)নোথ্সৃজ্যা(3)মিতি মীমাগ্ংসন্তে ব্ৰহ্মৱাদিন-স্তদ্ৱাহুৰু-থ্সৃজ্যমেৱেত্য-মাৱাস্যাযা-ঞ্চ পৌৰ্ণমাস্যা-ঞ্চো-থ্সৃজ্যমিত্যাহুৰেতে হি যজ্ঞং-ৱঁহত ইতি তে ত্ৱাৱ নোথ্সৃজ্যে ইত্যাহুৰ্যে অৱান্তৰং-যঁজ্ঞ-ম্ভেজাতে ইতি যা প্ৰথমা ৱ্যষ্টকা তস্যামু-থ্সৃজ্যমিত্যাহুৰেষ ৱৈ মাসো ৱিশৰ ইতি না-ঽঽদিষ্ট- [না-ঽঽদিষ্টম্, উথ্সৃজেযু-] 19
-মুথ্সৃজেযু-ৰ্যদাদিষ্ট-মুথ্সৃজেযুৰ্যাদৃশে পুনঃ পৰ্যাপ্লাৱে মদ্ধ্যে ষডহস্য সম্পদ্যেত ষডহৈৰ্মাসান্-থ্সম্পাদ্য য-থ্সপ্তম- মহস্তস্মিন্নু-থ্সৃজেযু-স্তদগ্নযে ৱসুমতে পুৰোডাশমষ্টাকপাল-ন্নিৰ্ৱপেযুৰৈন্দ্ৰ-ন্দধীন্দ্ৰায মৰুত্ৱতে পুৰোডাশমেকাদশকপালং-ৱৈঁশ্ৱদেৱ-ন্দ্ৱাদশকপালমগ্নেৰ্ৱৈ ৱসুমতঃ প্ৰাতস্সৱনং-যঁদগ্নযে ৱসুমতে পুৰোডাশমষ্টাকপাল-ন্নিৰ্ৱপন্তি দেৱতামেৱ ত-দ্ভাগিনী-ঙ্কুৰ্ৱন্তি [-ঙ্কুৰ্ৱন্তি, সৱন] 20
সৱন-মষ্টাভিৰুপ যন্তি যদৈন্দ্ৰ-ন্দধি ভৱতীন্দ্ৰমেৱ ত-দ্ভাগধেযান্ন চ্যাৱযন্তীন্দ্ৰস্য ৱৈ মৰুত্ৱতো মাদ্ধ্যন্দিনগ্ং সৱনং-যঁদিন্দ্ৰায মৰুত্ৱতে পুৰোডাশমেকাদশকপাল-ন্নিৰ্ৱপন্তি দেৱতামেৱ ত-দ্ভাগিনী-ঙ্কুৰ্ৱন্তি সৱনমেকাদশভিৰুপ যন্তি ৱিশ্ৱেষাং-ৱৈঁ দেৱানামৃভুমতা-ন্তৃতীযসৱনংযঁ-দ্ৱৈশ্ৱদেৱ-ন্দ্ৱাদশকপাল-ন্নিৰ্ৱপন্তি দেৱতা এৱ ত-দ্ভাগিনীঃ কুৰ্ৱন্তি সৱন-ন্দ্ৱাদশভি- [সৱন-ন্দ্ৱাদশভিঃ, উপ যন্তি] 21
-ৰুপ যন্তি প্ৰাজাপত্য-ম্পশুমা লভন্তে যজ্ঞো ৱৈ প্ৰজাপতি-ৰ্যজ্ঞস্যা-ননুসৰ্গাযাভিৱৰ্ত ইত-ষ্ষণ্মাসো ব্ৰহ্মসাম-ম্ভৱতি ব্ৰহ্ম ৱা অভিৱৰ্তো ব্ৰহ্মণৈৱ ত-থ্সুৱৰ্গং-লোঁক-মভিৱৰ্তযন্তো যন্তি প্ৰতিকূলমিৱ হীত-স্সুৱৰ্গো লোক ইন্দ্ৰ ক্ৰতু-ন্ন আ ভৰ পিতা পুত্ৰেভ্যো যথা । শিক্ষা নো অস্মি-ন্পুৰুহূত যামনি জীৱা জ্যোতি-ৰশীমহীত্য-মুত আযতাগ্ং ষণ্মাসো ব্ৰহ্মসাম-ম্ভৱত্যযং-ৱৈঁ লোকো জ্যোতিঃ প্ৰজা জ্যোতিৰিমমেৱ তল্লোক-ম্পশ্যন্তো-ঽভিৱদন্ত আ যন্তি ॥ 22 ॥
(না-ঽঽদিষ্টং - কুৰ্ৱন্তি - দ্ৱাদশভি - ৰিতি- ৱিগ্ংশতিশ্চ) (অ. 7)
দেৱানাং-ৱাঁ অন্ত-ঞ্জগ্মুষামিন্দ্ৰিযং-ৱীঁৰ্য-মপাক্ৰাম-ত্ত-ত্ক্ৰোশেনাৱাৰুন্ধত ত-ত্ক্ৰোশস্য ক্ৰোশত্ৱং-যঁ-ত্ক্ৰোশেন চাত্ৱালস্যান্তে স্তুৱন্তি যজ্ঞস্যৈৱান্ত-ঙ্গত্ৱেন্দ্ৰিযং-ৱীঁৰ্যমৱ ৰুন্ধতে সত্ৰস্যৰ্ধ্যা ঽঽহৱনীযস্যান্তে স্তুৱন্ত্যগ্নি-মেৱোপ-দ্ৰষ্টাৰ-ঙ্কৃত্ৱৰ্ধিমুপ যন্তি প্ৰজাপতেৰ্হৃদযেন হৱিৰ্ধানে-ঽন্ত-স্স্তুৱন্তি প্ৰেমাণমেৱাস্য গচ্ছন্তি শ্লোকেন পুৰস্তা-থ্সদস- [পুৰস্তা-থ্সদসঃ, স্তুৱন্ত্যনুশ্লোকেন] 23
-স্স্তুৱন্ত্যনুশ্লোকেন পশ্চা-দ্যজ্ঞস্যৈৱান্ত-ঙ্গত্ৱা শ্লোকভাজো ভৱন্তি নৱভি-ৰদ্ধ্ৱৰ্যুৰু-দ্গাযতি নৱ ৱৈ পুৰুষে প্ৰাণাঃ প্ৰাণানেৱ যজমানেষু দধাতি সৰ্ৱা ঐন্দ্ৰিযো ভৱন্তি প্ৰাণেষ্ৱেৱেন্দ্ৰিয-ন্দধ-ত্যপ্ৰতিহৃতাভিৰু-দ্গাযতি তস্মা-ত্পুৰুষ-স্সৰ্ৱাণ্যন্যানি শীৰ্ষ্ণো-ঽঙ্গানি প্ৰত্যচতি শিৰ এৱ ন পঞ্চদশগ্ংৰথন্তৰ-ম্ভৱতীন্দ্ৰিযমেৱাৱ ৰুন্ধতে সপ্তদশ- [সপ্তদশম্, বৃহ-দন্নাদ্যস্যা] 24
-ম্বৃহ-দন্নাদ্যস্যা-ঽৱৰুদ্ধ্যা অথো প্ৰৈৱ তেন জাযন্ত একৱিগ্ংশ-ম্ভদ্ৰ-ন্দ্ৱিপদাসু প্ৰতিষ্ঠিত্যৈ পত্নয উপ গাযন্তি মিথুনত্ৱায প্ৰজাত্যৈ প্ৰজাপতিঃ প্ৰজা অসৃজত সো-ঽকামযতা-ঽঽসামহগ্ং ৰাজ্য-ম্পৰীযামিতি তাসাগ্ং ৰাজনেনৈৱ ৰাজ্য-ম্পৰ্যৈ-ত্ত-দ্ৰাজনস্য ৰাজনত্ৱং-যঁ-দ্ৰাজন-ম্ভৱতি প্ৰজানামেৱ ত-দ্যজমানা ৰাজ্য-ম্পৰি যন্তি পঞ্চৱিগ্ংশ-ম্ভৱতি প্ৰজাপতে- [প্ৰজাপতেঃ, আপ্ত্যৈ পঞ্চভি-স্তিষ্ঠন্ত-স্স্তুৱন্তি] 25
-ৰাপ্ত্যৈ পঞ্চভি-স্তিষ্ঠন্ত-স্স্তুৱন্তি দেৱলোকমেৱাভি জযন্তি পঞ্চভিৰাসীনা মনুষ্যলোকমেৱাভি জযন্তি দশ সম্পদ্যন্তে দশাক্ষৰা ৱিৰাডন্নং-ৱিঁৰা-ড্ৱিৰাজৈৱা-ন্নাদ্যমৱ ৰুন্ধতে পঞ্চধা ৱিনিষদ্য স্তুৱন্তি পঞ্চ দিশো দিক্ষ্ৱেৱ প্ৰতিতিষ্ঠন্ত্যেকৈকযা-ঽস্তুতযা সমাযন্তি দিগ্ভ্য এৱান্নাদ্যগ্ং স-ম্ভৰন্তি তাভি-ৰুদ্গাতো-দ্গাযতি দিগ্ভ্য এৱা-ঽন্নাদ্যগ্ং [এৱা-ঽন্নাদ্যম্, সম্ভৃত্য তেজ] 26
সম্ভৃত্য তেজ আত্ম-ন্দধতে তস্মাদেকঃ প্ৰাণ-স্সৰ্ৱাণ্যঙ্গান্যৱত্যথো যথা সুপৰ্ণ উত্পতিষ্যঞ্ছিৰ উত্তম-ঙ্কুৰুত এৱমেৱ ত-দ্যজমানাঃ প্ৰজানামুত্তমা ভৱন্ত্যাসন্দী-মুদ্গাতা ঽঽৰোহতি সাম্ৰাজ্যমেৱ গচ্ছন্তি প্লেঙ্খগ্ং হোতা নাকস্যৈৱ পৃষ্ঠগ্ং ৰোহন্তি কূৰ্চাৱদ্ধ্ৱৰ্যু-ৰ্ব্ৰদ্ধ্নস্যৈৱ ৱিষ্টপ-ঙ্গচ্ছন্ত্যেতাৱন্তো ৱৈ দেৱলোকাস্তেষ্ৱেৱ যথাপূৰ্ৱ-ম্প্ৰতি তিষ্ঠন্ত্যথো আক্ৰমণমেৱ ত-থ্সেতুং-যঁজমানাঃ কুৰ্ৱতে সুৱৰ্গস্য লোকস্য সমষ্ট্যৈ ॥ 27 ॥
(সদসঃ-সপ্তদশং-প্ৰজাপতে-ৰ্গাযতি দিগ্ভ্য এৱান্নাদ্যং-প্ৰত্যে-কাদশ চ) (অ. 8)
অৰ্ক্যেণ ৱৈ সহস্ৰশঃ প্ৰজাপতিঃ প্ৰজা অসৃজত তাভ্য ইলাদেন্নেৰাং-লূঁতামৱাৰুন্ধ যদৰ্ক্য-ম্ভৱতি প্ৰজা এৱ ত-দ্যজমানা-স্সৃজন্ত ইলাদ-ম্ভৱতি প্ৰজাভ্য এৱ সৃষ্টাভ্য ইৰাং-লূঁতামৱ ৰুন্ধতে তস্মাদ্যাগ্ং সমাগ্ং সত্ৰগ্ং সমৃদ্ধ-ঙ্ক্ষোধুকাস্তাগ্ং সমা-ম্প্ৰজা ইষগ্গ্ হ্যাসামূৰ্জমাদদতে যাগ্ং সমাং-ৱ্যৃঁদ্ধ-মক্ষোধুকাস্তাগ্ং সমা-ম্প্ৰজা [সমা-ম্প্ৰজাঃ, ন হ্যাসামিষ] 28
ন হ্যাসামিষ-মূৰ্জ-মাদদত উত্ক্ৰোদ-ঙ্কুৰ্ৱতে যথা বন্ধা-ন্মুমুচানা উত্ক্ৰোদ-ঙ্কুৰ্ৱত এৱমেৱ ত-দ্যজমানা দেৱবন্ধা-ন্মুমুচানা উত্ক্ৰোদ-ঙ্কুৰ্ৱত ইষমূৰ্জমাত্ম-ন্দধানা ৱাণ-শ্শততন্তুৰ্ভৱতি শতাযুঃ পুৰুষ-শ্শতেন্দ্ৰিয আযুষ্যেৱেন্দ্ৰিযে প্ৰতি তিষ্ঠন্ত্যাজি-ন্ধাৱন্ত্যনভিজিতস্যা-ভিজিত্যৈ দুন্দুভীন্-থ্সমাঘ্নন্তি পৰমা ৱা এষা ৱাগ্যা দুন্দুভৌ পৰমামেৱ [ ] 29
ৱাচমৱ ৰুন্ধতে ভূমিদুন্দুভিমা ঘ্নন্তি যৈৱেমাং-ৱাঁ-ক্প্ৰৱিষ্টা তামেৱাৱ ৰুন্ধতে ঽথো ইমামেৱ জযন্তি সৰ্ৱা ৱাচো ৱদন্তি সৰ্ৱাসাং-ৱাঁচামৱৰুদ্ধ্যা আৰ্দ্ৰেচৰ্মন্ ৱ্যাযচ্ছেতে ইন্দ্ৰিযস্যা ৱৰুদ্ধ্যা আ-ঽন্যঃ ক্ৰোশতি প্ৰান্য-শ্শগ্ংসতি য আক্ৰোশতি পুনাত্যেৱৈনান্থ্স যঃ প্ৰশগ্ংসতি পূতেষ্ৱেৱা-ঽন্নাদ্য-ন্দধাত্যৃষিকৃত-ঞ্চ [-ন্দধাত্যৃষিকৃত-ঞ্চ, ৱা এতে] 30
ৱা এতে দেৱকৃত-ঞ্চ পূৰ্ৱৈৰ্মাসৈৰৱ ৰুন্ধতে য-দ্ভূতেচ্ছদাগ্ং সামানি ভৱন্ত্যুভযস্যাৱৰুদ্ধ্যৈ যন্তি ৱা এতে মিথুনাদ্যে সংৱঁথ্সৰ-মুপযন্ত্যন্তৰ্ৱেদি মিথুনৌ স-ম্ভৱতস্তেনৈৱ মিথুনান্ন যন্তি ॥ 31 ॥
(ৱ্যৃদ্ধমক্ষোধুকাস্তাগ্ং সমা-ম্প্ৰজাঃ - পৰমামেৱ - চ - ত্ৰিগ্ংশচ্চ) (অ. 9)
চৰ্মাৱ ভিন্দন্তি পাপ্মানমেৱৈষামৱ ভিন্দন্তি মা-ঽপ ৰাথ্সীৰ্মা-ঽতি ৱ্যাথ্সীৰিত্যাহ সম্প্ৰত্যেৱৈষা-ম্পাপ্মানমৱ ভিন্দন্ত্যুদকুম্ভানধিনিধায দাস্যো মাৰ্জালীয-ম্পৰি নৃত্যন্তি পদো নিঘ্নতীৰিদম্মধু-ঙ্গাযন্ত্যো মধু ৱৈ দেৱানা-ম্পৰম-মন্নাদ্য-ম্পৰমমেৱা-ন্নাদ্যমৱ ৰুন্ধতে পদো নি ঘ্নন্তি মহীযামেৱৈষু দধতি ॥ 32 ॥
(চৰ্মৈ - কান্নপঞ্চাশত্) (অ. 10)
পৃথিৱ্যৈ স্ৱাহা ঽন্তৰিক্ষায স্ৱাহা দিৱে স্ৱাহা সম্প্লোষ্যতে স্ৱাহা সপ্লংৱঁমানায স্ৱাহা সম্প্লুতায স্ৱাহা মেঘাযিষ্যতে স্ৱাহা মেঘাযতে স্ৱাহা মেঘিতায স্ৱাহা মেঘায স্ৱাহা নীহাৰায স্ৱাহা নিহাকাযৈ স্ৱাহা প্ৰাসচায স্ৱাহা প্ৰচলাকাযৈ স্ৱাহা ৱিদ্যোতিষ্যতে স্ৱাহা ৱিদ্যোতমানায স্ৱাহা সংৱিঁদ্যোতমানায স্ৱাহা স্তনযিষ্যতে স্ৱাহা স্তনযতে স্ৱাহো -গ্ৰগ্গ্ স্তনযতে স্ৱাহা ৱৰ্ষিষ্যতে স্ৱাহা ৱৰ্ষতে স্ৱাহা ঽভিৱৰ্ষতে স্ৱাহা পৰিৱৰ্ষতে স্ৱাহা সংৱঁৰ্ষতে [সংৱঁৰ্ষতে, স্ৱাহা ঽনুৱৰ্ষতে স্ৱাহা] 33
স্ৱাহা ঽনুৱৰ্ষতে স্ৱাহা শীকাযিষ্যতে স্ৱাহা শীকাযতে স্ৱাহা শীকিতায স্ৱাহাপ্ৰোষিষ্যতে স্ৱাহা প্ৰুষ্ণতে স্ৱাহা পৰিপ্ৰুষ্ণতে স্ৱাহো-দ্গ্ৰহীষ্যতে স্ৱাহো দ্গৃহ্ণতে স্ৱাহো-দ্গৃহীতায স্ৱাহা ৱিপ্লোষ্যতে স্ৱাহা ৱিপ্লৱমানায স্ৱাহা ৱিপ্লুতায স্ৱাহা ঽঽতফ্স্যতে স্ৱাহা ঽঽতপতে স্ৱাহো-গ্ৰমাতপতে স্ৱাহ -ৰ্গ্ভ্য-স্স্ৱাহা যজুৰ্ভ্য-স্স্ৱাহা সামভ্য-স্স্ৱাহা ঽঙ্গিৰোভ্য-স্স্ৱাহা ৱেদেভ্য-স্স্ৱাহা গাথাভ্য-স্স্ৱাহা নাৰাশগ্ংসীভ্য-স্স্ৱাহা ৰৈভীভ্য-স্স্ৱাহা সৰ্ৱস্মৈ স্ৱাহা ॥ 34 ॥
(সংৱঁৰ্ষতে - ৰৈভীভ্য-স্স্ৱাহা - দ্ৱে চ) (অ. 11)
দত্ৱতে স্ৱাহা ঽদন্তকায স্ৱাহা প্ৰাণিনে স্ৱাহা ঽপ্ৰাণায স্ৱাহা মুখৱতে স্ৱাহা-ঽমুখায স্ৱাহা নাসিকৱতে স্ৱাহা ঽনাসিকায স্ৱাহা ঽক্ষণ্ৱতে স্ৱাহা-ঽনক্ষিকায স্ৱাহা কৰ্ণিনে স্ৱাহা ঽকৰ্ণকায স্ৱাহা শীৰ্ষণ্ৱতে স্ৱাহা-ঽশীৰ্ষকায স্ৱাহা পদ্ৱতে স্ৱাহা ঽপাদকায স্ৱাহা প্ৰাণতে স্ৱাহা ঽপ্ৰাণতে স্ৱাহা ৱদতে স্ৱাহা ঽৱদতে স্ৱাহা পশ্যতে স্ৱাহা ঽপশ্যতে স্ৱাহা শৃণ্ৱতে স্ৱাহা ঽশৃণ্ৱতে স্ৱাহা মনস্ৱিনে স্ৱাহা- [মনস্ৱিনে স্ৱাহা, অমনসে স্ৱাহা] 35
-ঽমনসে স্ৱাহা ৰেতস্ৱিনে স্ৱাহা ঽৰেতস্কায স্ৱাহা প্ৰজাভ্য-স্স্ৱাহা প্ৰজননায স্ৱাহা লোমৱতে স্ৱাহা ঽলোমকায স্ৱাহা ত্ৱচে স্ৱাহা ঽত্ৱক্কায স্ৱাহা চৰ্মণ্ৱতে স্ৱাহা ঽচৰ্মকায স্ৱাহা লোহিতৱতে স্ৱাহা-ঽলোহিতায স্ৱাহা মাগ্ংসন্ৱতে স্ৱাহা ঽমাগ্ংসকায স্ৱাহা স্নাৱভ্য-স্স্ৱাহা ঽস্নাৱকায স্ৱাহা স্থন্ৱতে স্ৱাহা-ঽনস্থিকায স্ৱাহা মজ্জন্ৱতে স্ৱাহা ঽমজ্জকায স্ৱাহা ঽঙ্গিনে স্ৱাহা-ঽনঙ্গায স্ৱাহা ঽঽত্মনে স্ৱাহা ঽনাত্মনে স্ৱাহা সৰ্ৱস্মৈ স্ৱাহা ॥ 36 ॥
(মনস্ৱিনে স্ৱাহা - ঽনাত্মনে স্ৱাহা - দ্ৱে চ) (অ. 12)
কস্ত্ৱা যুনক্তি স ত্ৱা যুনক্তু ৱিষ্ণুস্ত্ৱা যুনক্ত্ৱস্য যজ্ঞস্যৰ্ধ্যৈ মহ্যগ্ং সন্নত্যা অমুষ্মৈ কামাযা-ঽঽযুষে ত্ৱা প্ৰাণায ত্ৱা ঽপানায ত্ৱা ৱ্যানায ত্ৱা ৱ্যুষ্ট্যৈ ত্ৱা ৰয্যৈ ত্ৱা ৰাধসে ত্ৱা ঘোষায ত্ৱা পোষায ত্ৱা ঽঽৰাদ্ঘোষায ত্ৱা প্ৰচ্যুত্যৈ ত্ৱা ॥ 37 ॥
(কস্ত্ৱা - ঽষ্টাত্ৰিগ্ংশত্) (অ. 13)
অগ্নযে গাযত্ৰায ত্ৰিৱৃতে ৰাথন্তৰায ৱাসন্তাযা-ষ্টাকপাল ইন্দ্ৰায ত্ৰৈষ্টুভায পঞ্চদশায বাৰ্হতায গ্ৰৈষ্মাযৈকাদশকপালো ৱিশ্ৱেভ্যো দেৱেভ্যো জাগতেভ্য-স্সপ্তদশেভ্যো ৱৈৰূপেভ্যো ৱাৰ্ষিকেভ্যো দ্ৱাদশকপালো মিত্ৰাৱৰুণাভ্যা-মানুষ্টুভাভ্যা-মেকৱিগ্ংশাভ্যাং-ৱৈঁৰাজাভ্যাগ্ং শাৰদাভ্যা-ম্পযস্যা বৃহস্পতযে পাঙ্ক্তায ত্ৰিণৱায শাক্ৱৰায হৈমন্তিকায চৰু-স্সৱিত্ৰ আতিচ্ছন্দসায ত্ৰযস্ত্ৰিগ্ংশায ৰৈৱতায শৈশিৰায দ্ৱাদশকপালো ঽদিত্যৈ ৱিষ্ণুপত্ন্যৈ চৰুৰগ্নযে ৱৈশ্ৱানৰায দ্ৱাদশকপালো ঽনুমত্যৈ চৰুঃ কায এককপালঃ ॥ 38 ॥
(অগ্নযে-ঽদিত্যা অনুমত্যৈ - সপ্তচত্ৱাৰিগ্ংশত্) (অ. 14)
যো ৱা অগ্নাৱগ্নিঃ প্ৰহ্ৰিযতে যশ্চ সোমো ৰাজা তযোৰেষ আতিথ্যং-যঁদগ্নীষোমীযো-ঽথৈষ ৰুদ্ৰো যশ্চীযতে য-থ্সঞ্চিতে-ঽগ্নাৱেতানি হৱীগ্ংষি ন নিৰ্ৱপেদেষ এৱ ৰুদ্ৰো-ঽশান্ত উপোত্থায প্ৰজা-ম্পশূন্ যজমানস্যাভি মন্যেত য-থ্সঞ্চিতে-ঽগ্নাৱেতানি হৱীগ্ংষি নিৰ্ৱপতি ভাগধেযেনৈৱৈনগ্ং শমযতি নাস্য ৰুদ্ৰো-ঽশান্ত [ৰুদ্ৰো-ঽশান্তঃ, উপোত্থায] 39
উপোত্থায প্ৰজা-ম্পশূনভি মন্যতে দশ হৱীগ্ংষি ভৱন্তি নৱ ৱৈ পুৰুষে প্ৰাণা নাভিৰ্দশমী প্ৰাণানেৱ যজমানে দধাত্যথো দশাক্ষৰা ৱিৰাডন্নং-ৱিঁৰা-ড্ৱিৰাজ্যেৱান্নাদ্যে প্ৰতি তিষ্ঠত্যৃতুভিৰ্ৱা এষ ছন্দোভি-স্স্তোমৈঃ পৃষ্ঠৈশ্চেতৱ্য ইত্যাহুৰ্যদেতানি হৱীগ্ংষি নিৰ্ৱপত্যৃতুভিৰেৱৈন-ঞ্ছন্দোভি-স্স্তোমৈঃ পৃষ্ঠৈশ্চিনুতে দিশঃ সুষুৱাণেনা - [ ] 40
-ভিজিত্যা ইত্যাহুৰ্যদেতানি হৱীগ্ংষি নিৰ্ৱপতি দিশামভিজিত্যা এতযা ৱা ইন্দ্ৰ-ন্দেৱা অযাজয-ন্তস্মাদিন্দ্ৰসৱ এতযা মনু-ম্মনুষ্যাস্তস্মা-ন্মনুসৱো যথেন্দ্ৰো দেৱানাং-যঁথা মনুৰ্মনুষ্যাণামেৱ-ম্ভৱতি য এৱং-ৱিঁদ্ৱানেতযেষ্ট্যা যজতে দিগ্ৱতীঃ পুৰো-ঽনুৱাক্যা ভৱন্তি সৰ্ৱাসা-ন্দিশামভিজিত্যৈ ॥ 41 ॥
(অশান্তঃ - সুষুৱাণেনৈ - কচত্ৱাৰিগ্ংশচ্চ) (অ. 15)
যঃ প্ৰাণতো নিমিষতো মহিত্ৱৈক ইদ্ৰাজা জগতো বভূৱ । য ঈশে অস্য দ্ৱিপদশ্চতুষ্পদঃ কস্মৈ দেৱায হৱিষা ৱিধেম ॥ উপযামগৃহীতো-ঽসি প্ৰজাপতযে ত্ৱা জুষ্ট-ঙ্গৃহ্ণামি তস্য তে দ্যৌৰ্মহিমা নক্ষত্ৰাণি ৰূপমাদিত্যস্তে তেজস্তস্মৈ ত্ৱা মহিম্নে প্ৰজাপতযে স্ৱাহা ॥ 42 ॥
(যঃ প্ৰাণতো দ্যৌৰাদিত্যো - ঽষ্টাত্ৰিগ্ংশত্ ) (অ. 16)
য আত্মদা বলদা যস্য ৱিশ্ৱ উপাসতে প্ৰশিষং-যঁস্য দেৱাঃ । যস্য ছাযা-ঽমৃতং-যঁস্য মৃত্যুঃ কস্মৈ দেৱায হৱিষা ৱিধেম ॥ উপযামগৃহীতো-ঽসি প্ৰজাপতযে ত্ৱা জুষ্ট-ঙ্গৃহ্ণামি তস্য তে পৃথিৱী মহিমৌষধযো ৱনস্পতযো ৰূপমগ্নিস্তে তেজস্তস্মৈ ত্ৱা মহিম্নে প্ৰজাপতযে স্ৱাহা ॥ 43 ॥
(য আত্মদাঃ পৃথিৱ্যগ্নি-ৰেকান্নচত্ৱাৰিগ্ংশত্) (অ. 17)
আ ব্ৰহ্ম-ন্ব্ৰাহ্মণো ব্ৰহ্মৱৰ্চসী জাযতামা ঽস্মি-ন্ৰাষ্ট্ৰে ৰাজন্য ইষৱ্যঃ শূৰো মহাৰথো জাযতা-ন্দোগ্ধ্ৰীধেনুৰ্ৱোঢা ঽনড্ৱানাশু-স্সপ্তিঃ পুৰন্ধিৰ্যোষা জিষ্ণূ ৰথেষ্ঠা-স্সভেযো যুৱা ঽঽস্য যজমানস্য ৱীৰো জাযতা-ন্নিকামেনিকামে নঃ পৰ্জন্যো ৱৰ্ষতু ফলিন্যো ন ওষধযঃ পচ্যন্তাং-যোঁগক্ষেমোনঃ কল্পতাম্ ॥ 44 ॥
(আ ব্ৰহ্ম - ন্নেকচত্ৱাৰিগ্ংশত্ )(আ18)
আ-ঽক্ৰান্ ৱাজী পৃথিৱীমগ্নিং-যুঁজমকৃত ৱাজ্যৰ্ৱা ঽঽক্ৰান্ ৱাজ্যন্তৰিক্ষং-ৱাঁযুং-যুঁজমকৃত ৱাজ্যৰ্ৱা দ্যাং-ৱাঁজ্যা-ঽক্ৰগ্গ্স্ত সূৰ্যং-যুঁজমকৃত ৱাজ্যৰ্ৱা ঽগ্নিস্তে ৱাজিন্ যুঙ্ঙনু ত্ৱা ঽঽ ৰভে স্ৱস্তি মা স-ম্পাৰয ৱাযুস্তে ৱাজিন্ যুঙ্ঙনু ত্ৱা ঽঽ ৰভে স্ৱস্তি মা স- [স্ৱস্তি মা সম্, পাৰযা ঽঽদিত্যস্তে] 45
-ম্পাৰযা ঽঽদিত্যস্তে ৱাজিন্ যুঙ্ঙনু ত্ৱা ঽঽ ৰভে স্ৱস্তি মা স-ম্পাৰয প্ৰাণধৃগসি প্ৰাণ-ম্মে দৃগ্ংহ ৱ্যানধৃগসি ৱ্যান-ম্মে দৃগ্ংহা ঽপানধৃগস্যপান-ম্ম দৃগ্ংহ চক্ষুৰসি চক্ষুৰ্মযি ধেহি শ্ৰোত্ৰমসি শ্ৰোত্ৰ-ম্মযি ধেহ্যাযুৰস্যাযুৰ্মযি ধেহি ॥ 46 ॥
(ৱাযুস্তে ৱাজিন্ যুঙ্ঙনু ত্ৱা ঽঽ ৰভে স্ৱস্তি মা সং - ত্ৰিচত্ৱাৰিগ্ংশচ্চ) (অ. 19)
জজ্ঞি বীজং-ৱঁৰ্ষ্টা পৰ্জন্যঃ পক্তা সস্যগ্ং সুপিপ্পলা ওষধয-স্স্ৱধিচৰণেযগ্ং সূপসদনো-ঽগ্নি-স্স্ৱদ্ধ্যক্ষমন্তৰিক্ষগ্ংসুপাৱঃ পৱমান-স্সূপস্থানা দ্যৌ-শ্শিৱমসৌ তপন্ যথাপূৰ্ৱমহোৰাত্ৰে পঞ্চদশিনো ঽৰ্ধমাসা-স্ত্ৰিগ্ংশিনো মাসাঃ কৢপ্তা ঋতৱঃ শান্ত-স্সংৱঁথ্সৰঃ ॥ 47 ॥
(জজ্ঞি বীজ - মেকত্ৰিগ্ংশত্) (অ. 20)
আগ্নেযো-ঽষ্টাকপাল-স্সৌম্যশ্চৰু-স্সাৱিত্ৰো-ঽষ্টাকপালঃ পৌষ্ণশ্চৰূ ৰৌদ্ৰশ্চৰুৰগ্নযে ৱৈশ্ৱানৰায দ্ৱাদশকপালো মৃগাখৰে যদি না-ঽঽগচ্ছে-দগ্নযে-ঽগ্ংহোমুচে-ঽষ্টাকপাল-স্সৌৰ্য-ম্পযো ৱাযৱ্য আজ্যভাগঃ ॥ 48 ॥
(আগ্নেয - শ্চতুৰ্ৱিগ্ংশতিঃ) (অ. 21)
অগ্নযে-ঽগ্ংহোমুচে-ঽষ্টাকপাল ইন্দ্ৰাযা-ঽগ্ংহোমুচ একাদশকপালো মিত্ৰাৱৰুণাভ্যা-মাগোমুগ্ভ্যা-ম্পযস্যা ৱাযোসাৱিত্ৰ আগোমুগ্ভ্যা-ঞ্চৰুৰশ্ৱিভ্যা-মাগোমুগ্ভ্যা-ন্ধানা মৰুদ্ভ্য এনোমুগ্ভ্যঃ সপ্তকপালো ৱিশ্ৱেভ্যো দেৱেভ্য এনোমুগ্ভ্যো দ্ৱাদশকপালো ঽনুমত্যৈ চৰুৰগ্নযে ৱৈশ্ৱানৰায দ্ৱাদশকপালো দ্যাৱাপৃথিৱীভ্যা-মগ্ংহোমুগ্ভ্যা-ন্দ্ৱিকপালঃ ॥ 49 ॥
(অগ্নযে-ঽগ্ংহোমুচে - ত্ৰিগ্ংশত্) (অ. 22)
অগ্নযে সমনম-ত্পৃথিৱ্যৈ সমনমদ্যথা-ঽগ্নিঃ পৃথিৱ্যা সমনমদেৱ-ম্মহ্য-ম্ভদ্ৰা-স্সন্নতয-স্স-ন্নমন্তু ৱাযৱে সমনমদন্তৰিক্ষায সমনমদ্যথা ৱাযুৰন্তৰিক্ষেণ সূৰ্যায সমনমদ্দিৱে সমনমদ্যথা সূৰ্যো দিৱা চন্দ্ৰমসে সমনমন্নক্ষত্ৰেভ্য-স্সমনমদ্যথা চন্দ্ৰমা নক্ষত্ৰৈৰ্ৱৰুণায সমনমদদ্ভ্য-স্সমনম-দ্যথা [-স্সমনম-দ্যথা, ৱৰুণো-ঽদ্ভি-স্সাম্নে] 50
ৱৰুণো-ঽদ্ভি-স্সাম্নে সমনমদৃচে সমনমদ্যথা সামৰ্চা ব্ৰহ্মণে সমনম-ত্ক্ষত্ৰায সমনমদ্যথা ব্ৰহ্ম ক্ষত্ৰেণ ৰাজ্ঞে সমনম-দ্ৱিশে সমনমদ্যথা ৰাজা ৱিশা ৰথায-স্সমনমদশ্ৱেভ্য-স্সমনমদ্যথা ৰথো-ঽশ্ৱৈঃ প্ৰজাপতযে সমনম-দ্ভূতেভ্য-স্সমনমদ্যথা প্ৰজাপতিৰ্ভূতৈ-স্সমনমদেৱ-ম্মহ্য-ম্ভদ্ৰা-স্সন্নতয-স্স-ন্নমন্তু ॥ 51 ॥
(অদ্ভ্য-স্সমনমদ্যথা-মহ্যং-চত্ৱাৰি চ) (অ. 23)
যে তে পন্থান-স্সৱিতঃ পূৰ্ৱ্যাসো-ঽৰেণৱো ৱিততা অন্তৰিক্ষে । তেভিৰ্নো অদ্য পথিভিঃ সুগেভী ৰক্ষা চ নো অধি চ দেৱ ব্ৰূহি ॥ নমো-ঽগ্নযে পৃথিৱিক্ষিতে লোকস্পৃতে লোকমস্মৈ যজমানায দেহি নমো ৱাযৱে-ঽন্তৰিক্ষক্ষিতে লোকস্পৃতে লোকমস্মৈ যজমানায দেহি নম-স্সূৰ্যায দিৱিক্ষিতে লোকস্পৃতে লোকমস্মৈ যজমানায দেহি ॥ 52 ॥
(যে তে - চতুশ্চত্ৱাৰিগ্ংশত্) (অ. 24)
যো ৱা অশ্ৱস্য মেদ্ধ্যস্য শিৰো ৱেদ শীৰ্ষণ্ৱা-ন্মেদ্ধ্যো ভৱত্যুষা ৱা অশ্ৱস্য মেদ্ধ্যস্য শিৰ-স্সূৰ্যশ্চক্ষুৰ্ৱাতঃ প্ৰাণশ্চন্দ্ৰমা-শ্শ্ৰোত্ৰ-ন্দিশঃ পাদা অৱান্তৰদিশাঃ পৰ্শৱো-ঽহোৰাত্ৰে নিমেষো-ঽৰ্ধমাসাঃ পৰ্ৱাণি মাসা-স্সধান্নান্যৃতৱো-ঽঙ্গানি সংৱঁথ্সৰ আত্মা ৰশ্মযঃ কেশা নক্ষত্ৰাণি ৰূপ-ন্তাৰকা অস্থানি নভো মাগ্ংসান্যোষধযো লোমানি ৱনস্পতযো ৱালা অগ্নিৰ্মুখং-ৱৈঁশ্ৱানৰো ৱ্যাত্তগ্ং [ৱ্যাত্তম্, সমুদ্ৰ উদৰমন্তৰিক্ষ-] 53
সমুদ্ৰ উদৰমন্তৰিক্ষ-ম্পাযু-ৰ্দ্যাৱাপৃথিৱী আণ্ডৌ গ্ৰাৱা শেপ-স্সোমো ৰেতো যজ্জঞ্জভ্যতে তদ্ৱি দ্যোততে যদ্ৱিধূনুতে ত-থ্স্তনযতি যন্মেহতি তদ্ৱৰ্ষতি ৱাগেৱাস্য ৱাগহৰ্ৱা অশ্ৱস্য জাযমানস্য মহিমা পুৰস্তাজ্জাযতে ৰাত্ৰিৰেন-ম্মহিমা পশ্চাদনু জাযত এতৌ ৱৈ মহিমানা-ৱশ্ৱমভিত-স্স-ম্বভূৱতুৰ্হযো দেৱানৱহ দৰ্ৱা-ঽসুৰান্ ৱাজী গন্ধৰ্ৱা-নশ্ৱো মনুষ্যান্-থ্সমুদ্ৰো ৱা অশ্ৱস্য যোনিঃ সমুদ্ৰো বন্ধুঃ ॥ 54 ॥
(ৱ্যাত্ত - মৱহ-দ্- দ্ৱাদশ চ ) (অ. 25)
(গাৱো - গাৱ-স্সিষাসন্তীঃ- প্ৰথমে মাসি - সমান্যো - যদি সোমৌ- ষডহৈ - ৰু-থ্সৃজ্যা(3)ন্ - দেৱানা - মৰ্ক্যেণ - চৰ্মা-ঽৱ - পৃথিৱ্যৈ - দত্ৱতে - কস্ত্ৱা - ঽগ্নযে - যো ৱৈ - যঃ প্ৰাণতো - য আত্মদা - আ ব্ৰহ্ম - ন্না-ঽক্ৰান্ - জজ্ঞি বীজ - মাগ্নেযো-ঽষ্টাকপালো - ঽগ্নযে-ঽগ্ংহোমুচে-ঽষ্টাকপালো - ঽগ্নযেসমনম--দ্যে তে পন্থানো - যো ৱা অশ্ৱস্যমেদ্ধ্যস্য শিৰঃ - পঞ্চৱিগ্ংশতিঃ)
(গাৱঃ - সমান্যঃ - সৱনমষ্টাভি - ৰ্ৱা এতে দেৱকৃতঞ্চা - ঽভিজিত্যা ইত্যাহু -ৰ্ৱৰুণো-ঽদ্ভি-স্সাম্নে - চতুষ্ পঞ্চাসত্)
(গাৱো, যোনি স্সমুদ্ৰো বন্ধুঃ)
(প্ৰজননগ্ং - সাদ্যাঃ - প্ৰজৱং - বৃহস্পতি - ৰ্গাৱঃ - পঞ্চ) (7)
(ইষে, ৱাযৱ্য, ম্প্ৰজাপতি, ৰ্যুঞ্জানা, স্সাৱিত্ৰাণি, প্ৰাচীনৱগ্ংশ, ম্প্ৰজননগ্ং, সপ্ত) (7)
॥ হৰিঃ ওম্ ॥
॥ কৃষ্ণ যজুৰ্ৱেদীয তৈত্তিৰীয সংহিতাযাং সপ্তমকাণ্ডে পঞ্চমঃ প্ৰশ্ন-স্সমাপ্তঃ ॥