લક્ષ્મી નારાયણ કવચમ્

॥ શ્રીગણેશાય નમઃ ॥

શ્રીભૈરવ ઉવાચ।
અધુના દેવિ વક્ષ્યામિ લક્ષ્મીનારાયણસ્ય તે ।
કવચં મન્ત્રગર્ભં ચ વજ્રપઞ્જરકાખ્યયા ॥ ૧॥

શ્રીવજ્રપઞ્જરં નામ કવચં પરમાદ્ભુતમ્ ।
રહસ્યં સર્વદેવાનાં સાધકાનાં વિશેષતઃ ॥ ૨॥

યં ધૃત્વા ભગવાન્ દેવઃ પ્રસીદતિ પરઃ પુમાન્ ।
યસ્ય ધારણમાત્રેણ બ્રહ્મા લોકપિતામહઃ ॥ ૩॥

ઈશ્વરોઽહં શિવો ભીમો વાસવોઽપિ દિવસ્પતિઃ ।
સૂર્યસ્તેજોનિધિર્દેવિ ચન્દ્રર્માસ્તારકેશ્વરઃ ॥ ૪॥

વાયુશ્ચ બલવાંલ્લોકે વરુણો યાદસામ્પતિઃ ।
કુબેરોઽપિ ધનાધ્યક્ષો ધર્મરાજો યમઃ સ્મૃતઃ ॥ ૫॥

યં ધૃત્વા સહસા વિષ્ણુઃ સંહરિષ્યતિ દાનવાન્ ।
જઘાન રાવણાદીંશ્ચ કિં વક્ષ્યેઽહમતઃ પરમ્ ॥ ૬॥

કવચસ્યાસ્ય સુભગે કથિતોઽયં મુનિઃ શિવઃ ।
ત્રિષ્ટુપ્ છન્દો દેવતા ચ લક્ષ્મીનારાયણો મતઃ ॥ ૭॥

રમા બીજં પરા શક્તિસ્તારં કીલકમીશ્વરિ ।
ભોગાપવર્ગસિદ્ધ્યર્થં વિનિયોગ ઇતિ સ્મૃતઃ ॥ ૮॥

ૐ અસ્ય શ્રીલક્ષ્મીનારાયણકવચસ્ય શિવઃ ઋષિઃ ।
ત્રિષ્ટુપ્ છન્દઃ । શ્રીલક્ષ્મીનારાયણ દેવતા ।
શ્રીં બીજં । હ્રીં શક્તિઃ । ૐ કીલકં ।
ભોગાપવર્ગસિદ્ધ્યર્થે પાઠે વિનિયોગઃ ।
અથ ધ્યાનમ્ ।
પૂર્ણેન્દુવદનં પીતવસનં કમલાસનમ્ ।
લક્ષ્મ્યા શ્રિતં ચતુર્બાહું લક્ષ્મીનારાયણં ભજે ॥ ૯॥

અથ કવચમ્ ।
ૐ વાસુદેવોઽવતુ મે મસ્તકં સશિરોરુહમ્ ।
હ્રીં લલાટં સદા પાતુ લક્ષ્મીવિષ્ણુઃ સમન્તતઃ ॥ ૧૦॥

હ્સૌઃ નેત્રેઽવતાલ્લક્ષ્મીગોવિન્દો જગતાં પતિઃ ।
હ્રીં નાસાં સર્વદા પાતુ લક્ષ્મીદામોદરઃ પ્રભુઃ ॥ ૧૧॥

શ્રીં મુખં સતતં પાતુ દેવો લક્ષ્મીત્રિવિક્રમઃ ।
લક્ષ્મી કણ્ઠં સદા પાતુ દેવો લક્ષ્મીજનાર્દનઃ ॥ ૧૨॥

નારાયણાય બાહૂ મે પાતુ લક્ષ્મીગદાગ્રજઃ ।
નમઃ પાર્શ્વૌ સદા પાતુ લક્ષ્મીનન્દૈકનન્દનઃ ॥ ૧૩॥

અં આં ઇં ઈં પાતુ વક્ષો ૐ લક્ષ્મીત્રિપુરેશ્વરઃ ।
ઉં ઊં ઋં ૠં પાતુ કુક્ષિં હ્રીં લક્ષ્મીગરુડધ્વજઃ ॥ ૧૪॥

લૃં લૄં એં ઐં પાતુ પૃષ્ઠં હ્સૌઃ લક્ષ્મીનૃસિંહકઃ ।
ઓં ઔં અં અઃ પાતુ નાભિં હ્રીં લક્ષ્મીવિષ્ટરશ્રવઃ ॥ ૧૫॥

કં ખં ગં ઘં ગુદં પાતુ શ્રીં લક્ષ્મીકૈટભાન્તકઃ ।
ચં છં જં ઝં પાતુ શિશ્ર્નં લક્ષ્મી લક્ષ્મીશ્વરઃ પ્રભુઃ ॥ ૧૬॥

ટં ઠં ડં ઢં કટિં પાતુ નારાયણાય નાયકઃ ।
તં થં દં ધં પાતુ ચોરૂ નમો લક્ષ્મીજગત્પતિઃ ॥ ૧૭॥

પં ફં બં ભં પાતુ જાનૂ ૐ હ્રીં લક્ષ્મીચતુર્ભુજઃ ।
યં રં લં વં પાતુ જઙ્ઘે હ્સૌઃ લક્ષ્મીગદાધરઃ ॥ ૧૮॥

શં ષં સં હં પાતુ ગુલ્ફૌ હ્રીં શ્રીં લક્ષ્મીરથાઙ્ગભૃત્ ।
ળં ક્ષઃ પાદૌ સદા પાતુ મૂલં લક્ષ્મીસહસ્રપાત્ ॥ ૧૯॥

ઙં ઞં ણં નં મં મે પાતુ લક્ષ્મીશઃ સકલં વપુઃ ।
ઇન્દ્રો માં પૂર્વતઃ પાતુ વહ્નિર્વહ્નૌ સદાવતુ ॥ ૨૦॥

યમો માં દક્ષિણે પાતુ નૈરૃત્યાં નિરૃતિશ્ચ મામ્ ।
વરુણઃ પશ્ચિમેઽવ્યાન્માં વાયવ્યેઽવતુ માં મરુત્ ॥ ૨૧॥

ઉત્તરે ધનદઃ પાયાદૈશાન્યામીશ્વરોઽવતુ ।
વજ્રશક્તિદણ્ડખડ્ગ પાશયષ્ટિધ્વજાઙ્કિતાઃ ॥ ૨૨॥

સશૂલાઃ સર્વદા પાન્તુ દિગીશાઃ પરમાર્થદાઃ ।
અનન્તઃ પાત્વધો નિત્યમૂર્ધ્વે બ્રહ્માવતાચ્ચ મામ્ ॥ ૨૩॥

દશદિક્ષુ સદા પાતુ લક્ષ્મીનારાયણઃ પ્રભુઃ ।
પ્રભાતે પાતુ માં વિષ્ણુર્મધ્યાહ્ને વાસુદેવકઃ ॥ ૨૪॥

દામોદરોઽવતાત્ સાયં નિશાદૌ નરસિંહકઃ ।
સઙ્કર્ષણોઽર્ધરાત્રેઽવ્યાત્ પ્રભાતેઽવ્યાત્ ત્રિવિક્રમઃ ॥ ૨૫॥

અનિરુદ્ધઃ સર્વકાલં વિશ્વક્સેનશ્ચ સર્વતઃ ।
રણે રાજકુલે દ્યુતે વિવાદે શત્રુસઙ્કટે
ૐ હ્રીં હ્સૌઃ હ્રીં શ્રીં મૂલં લક્ષ્મીનારાયણોઽવતુ ॥ ૨૬॥

ૐૐૐરણરાજચૌરરિપુતઃ પાયાચ્ચ માં કેશવઃ
હ્રીંહ્રીંહ્રીંહહ્હાહ્સૌઃ હ્સહ્સૌઃ વહ્નેર્વતાન્માધવઃ ।
હ્રીંહ્રીંહ્રીંજલપર્વતાગ્નિભયતઃ પાયાદનન્તો વિભુઃ
શ્રીંશ્રીંશ્રીંશશશાલલં પ્રતિદિનં લક્ષ્મીધવઃ પાતુ મામ્ ॥ ૨૭॥

ઇતીદં કવચં દિવ્યં વજ્રપઞ્જરકાભિધમ્ ।
લક્ષ્મીનારાયણસ્યેષ્ટં ચતુર્વર્ગફલપ્રદમ્ ॥ ૨૮॥

સર્વસૌભાગ્યનિલયં સર્વસારસ્વતપ્રદમ્ ।
લક્ષ્મીસંવનનં તત્વં પરમાર્થરસાયનમ્ ॥ ૨૯॥

મન્ત્રગર્ભં જગત્સારં રહસ્યં ત્રિદિવૌકસામ્ ।
દશવારં પઠેદ્રાત્રૌ રતાન્તે વૈષ્ણવોત્તમઃ ॥ ૩૦॥

સ્વપ્ને વરપ્રદં પશ્યેલ્લક્ષ્મીનારાયણં સુધીઃ ।
ત્રિસન્ધ્યં યઃ પઠેન્નિત્યં કવચં મન્મુખોદિતમ્ ॥ ૩૧॥

સ યાતિ પરમં ધામ વૈષ્ણવં વૈષ્ણવેશ્વરઃ ।
મહાચીનપદસ્થોઽપિ યઃ પઠેદાત્મચિન્તકઃ ॥ ૩૨॥

આનન્દપૂરિતસ્તૂર્ણં લભેદ્ મોક્ષં સ સાધકઃ ।
ગન્ધાષ્ટકેન વિલિખેદ્રવૌ ભૂર્જે જપન્મનુમ્ ॥ ૩૩॥

પીતસૂત્રેણ સંવેષ્ટ્ય સૌવર્ણેનાથ વેષ્ટયેત્ ।
ધારયેદ્ગુટિકાં મૂર્ધ્નિ લક્ષ્મીનારાયણં સ્મરન્ ॥ ૩૪॥

રણે રિપુન્ વિજિત્યાશુ કલ્યાણી ગૃહમાવિશેત્ ।
વન્ધ્યા વા કાકવન્ધ્યા વા મૃતવત્સા ચ યાઙ્ગના ॥ ૩૫॥

સા બધ્નીયાન્ કણ્ઠદેશે લભેત્ પુત્રાંશ્ચિરાયુષઃ ।
ગુરુપદેશતો ધૃત્વા ગુરું ધ્યાત્વા મનું જપન્ ॥ ૩૬॥

વર્ણલક્ષપુરશ્ચર્યા ફલમાપ્નોતિ સાધકઃ ।
બહુનોક્તેન કિં દેવિ કવચસ્યાસ્ય પાર્વતિ ॥ ૩૭॥

વિનાનેન ન સિદ્ધિઃ સ્યાન્મન્ત્રસ્યાસ્ય મહેશ્વરિ ।
સર્વાગમરહસ્યાઢ્યં તત્વાત્ તત્વં પરાત્ પરમ્ ॥ ૩૮॥

અભક્તાય ન દાતવ્યં કુચૈલાય દુરાત્મને ।
દીક્ષિતાય કુલીનાય સ્વશિષ્યાય મહાત્મને ॥ ૩૯॥

મહાચીનપદસ્થાય દાતવ્યં કવચોત્તમમ્ ।
ગુહ્યં ગોપ્યં મહાદેવિ લક્ષ્મીનારાયણપ્રિયમ્ ।
વજ્રપઞ્જરકં વર્મ ગોપનીયં સ્વયોનિવત્ ॥ ૪૦॥

॥ ઇતિ શ્રીરુદ્રયામલે તન્ત્રે શ્રીદેવીરહસ્યે
લક્ષ્મીનારાયણકવચં સમ્પૂર્ણમ્ ॥