॥ লক্ষ্মীশতকম্ (যজ্ঞৱৰাহ কৃত) ॥
আনন্দং দিশতু শ্ৰীহস্তিগিৰৌ স্ৱস্তিদা সদা মহ্যম্ ।
যা কৌতুকং ৱিধত্তে সাকৃতেনাৱলোকনেন হৰেঃ ॥ ১॥
যা কৌতুকং ৱিধত্তে সাকৃতেনাৱলোকনেন হৰেঃ ॥ ১॥
যন্নাম কীৰ্তনীযং শ্ৰীৰিত্যাদৌ প্ৰিযং হৰেৰ্নাম্নাম্ ।
সা মে সমস্তজননী সন্ততমুদযায ভূযসে ভূযাত্ ॥ ২॥
সা মে সমস্তজননী সন্ততমুদযায ভূযসে ভূযাত্ ॥ ২॥
শ্ৰীৱৰদেশ্ৱৰদযিতে ৱাঞ্ছামি ত্ৱাং যথামতি স্তোতুম্ ।
স্ৱল্পোঽপি ডিম্ভজল্পো মাতুঃ প্ৰীতিং কথং ন সঞ্জনযেত্ ॥ ৩॥
স্ৱল্পোঽপি ডিম্ভজল্পো মাতুঃ প্ৰীতিং কথং ন সঞ্জনযেত্ ॥ ৩॥
মুৰৰিপুমোহনধাম্নে মূৰ্তিৱিনিৰ্ধূতৱিষ্ফুৰদ্ধেম্নে ।
দিৱিষদমেযৱিভূম্নে লক্ষ্মীনাম্নে পৰং নমো ভুম্নে ॥ ৪॥
দিৱিষদমেযৱিভূম্নে লক্ষ্মীনাম্নে পৰং নমো ভুম্নে ॥ ৪॥
কৰিগিৰিনাযককান্তে দান্তজনস্ৱান্তপঙ্কজনিশান্তে ।
মযি ভৱমৰণাশ্ৰান্তে কৰুণাং শৰণাগতে কুৰু প্ৰগুণাম্ ॥ ৫॥
মযি ভৱমৰণাশ্ৰান্তে কৰুণাং শৰণাগতে কুৰু প্ৰগুণাম্ ॥ ৫॥
ৱাচামকৃত্ৰিমাণামপি মুনিমনসামগোচৰে দেৱি! ।
ত্ৱদ্ৱৰ্ণনে মদীযাং কাঙ্ক্ষাং সফলাং কৰোতু তে কৰুণা ॥ ৬॥
ত্ৱদ্ৱৰ্ণনে মদীযাং কাঙ্ক্ষাং সফলাং কৰোতু তে কৰুণা ॥ ৬॥
মাখদ্ৱিধু ৱিম্বাস্যে মঙ্গলসৌম্যাকৃতে গুৰুশ্ৰোণি ! ।
ভৃগুনন্দিনি মন্দগতে ৰোমলতাহে জযাব্ধিকুলকেতো ! ॥ ৭॥
ভৃগুনন্দিনি মন্দগতে ৰোমলতাহে জযাব্ধিকুলকেতো ! ॥ ৭॥
ধন্যং প্ৰসূনগৰ্ভং ধম্মিল্লং দেৱি তাৱকং মন্যে ।
প্ৰসৱশৰেণ ন্যস্তং তূণং বাণৌঘপূৰ্ণমৰ্ণৱজে ॥ ৮॥
প্ৰসৱশৰেণ ন্যস্তং তূণং বাণৌঘপূৰ্ণমৰ্ণৱজে ॥ ৮॥
ত্ৱত্কেশপাশশোভাপৰিমোষাণাং ফলং পযোদানাম্ ।
দেৱি তটিদ্গুণৱন্ধো নোদনমনিলৈঃ পলাযনং দিক্ষু ॥ ৯॥
দেৱি তটিদ্গুণৱন্ধো নোদনমনিলৈঃ পলাযনং দিক্ষু ॥ ৯॥
নিন্দতি নীৰধিকন্যে ! কচনিচযস্তে কলাপিনং কান্ত্যা ।
অস্যতি বৰ্হং ন কথং ভুজঙ্গৱৃত্তিশ্চ পক্ষপাতী চ ॥ ১০॥
অস্যতি বৰ্হং ন কথং ভুজঙ্গৱৃত্তিশ্চ পক্ষপাতী চ ॥ ১০॥
জযতু ৱিপক্ষং পদ্মে ! বৰ্হিণৱৰ্হং ত্ৱদীযকেশভৰম্ ।
ত্ৱত্কান্তস্য সপক্ষং ঘনমপি কান্ত্যা কথং পৰাকুৰুতে ॥ ১১॥
ত্ৱত্কান্তস্য সপক্ষং ঘনমপি কান্ত্যা কথং পৰাকুৰুতে ॥ ১১॥
ৱৰ্হং ৱিগৰ্হিতাভং শস্তেনানেন কেশহস্তেন ।
মত্ৱাভৱন্মযূৰা মন্দাশা জীৱিতে ৱৃতৱিষাশাঃ ॥ ১২॥
মত্ৱাভৱন্মযূৰা মন্দাশা জীৱিতে ৱৃতৱিষাশাঃ ॥ ১২॥
দিৱ্যামম্বুধিকন্যে! দৃষ্ট্ৱা কেশশ্ৰিযং তৱাম্ভোদাঃ !
আৰুহ্যাদ্ৰিশ্ৰেষ্ঠং কুৰুতে ত্ৰপযেৱ জীৱনত্যাগম্ ॥ ১৩॥
আৰুহ্যাদ্ৰিশ্ৰেষ্ঠং কুৰুতে ত্ৰপযেৱ জীৱনত্যাগম্ ॥ ১৩॥
সিন্দূৰসুন্দৰী তে পদ্মে ! সীমন্তপদ্ধতিৰ্ভাতি ।
ৱৰ্ষাৱলাহকস্থা ৱিদ্যুল্লেখেৱ ৱীতচাঞ্চল্যা ॥ ১৪॥
ৱৰ্ষাৱলাহকস্থা ৱিদ্যুল্লেখেৱ ৱীতচাঞ্চল্যা ॥ ১৪॥
ৱেণীমম্বুধিকন্যে ! ভৃঙ্গশ্ৰেণীমিৱ স্ফুৰন্তী তে ।
শম্বৰৱৈৰিকৃপাণীং শঙ্কে মানাপহাৰিণীং শৌৰেঃ ॥ ১৫॥
শম্বৰৱৈৰিকৃপাণীং শঙ্কে মানাপহাৰিণীং শৌৰেঃ ॥ ১৫॥
ফালেনাভিমুখেন প্ৰতিমাকাঙ্ক্ষী তৱেন্দুৰম্বুধিজে ! ।
অৰ্ধাকৃতিঃ কলাভিঃ পূৰ্ণো ভৱতি ক্ৰিযাসমভিহাৰাত্ ॥ ১৬॥
অৰ্ধাকৃতিঃ কলাভিঃ পূৰ্ণো ভৱতি ক্ৰিযাসমভিহাৰাত্ ॥ ১৬॥
কৰ্ণাৱতংসলক্ষ্মী কলযতি কমলে ! ৱিশালদৃষ্টিস্তে ।
নীলোত্পলস্য কৃত্যং কিমিতি শ্ৰুতিমূলশালিনী চিন্ত্যম্ ॥ ১৭॥
নীলোত্পলস্য কৃত্যং কিমিতি শ্ৰুতিমূলশালিনী চিন্ত্যম্ ॥ ১৭॥
ৱন্দীকৃতং কটাক্ষৈৰিন্দীৱৰমেতদিন্দিৰে ! শ্ৰৱসি ।
ন্যস্তং পুনঃ পুনস্তন্নিত্যং শঙ্কীৱ ৱীক্ষতে চক্ষুঃ ॥ ১৮॥
ন্যস্তং পুনঃ পুনস্তন্নিত্যং শঙ্কীৱ ৱীক্ষতে চক্ষুঃ ॥ ১৮॥
নযনমুদঞ্চত্কৰুণং নানাশৃঙ্গাৰমঙ্গল়াকাৰম্ ।
দেৱি ত্ৱদাশ্ৰিতানাং কৰ্ণমতিক্ৰৱ্য কাইক্ষিতং দত্তে ॥ ১৯॥
দেৱি ত্ৱদাশ্ৰিতানাং কৰ্ণমতিক্ৰৱ্য কাইক্ষিতং দত্তে ॥ ১৯॥
কল্লোলিনীশকন্যে ! ত্ৱল্লোচনকান্তিলিপ্সযা কিং ৱা ।
দ্ৱিজৰাজপাদসেৱাং জীৱঞ্জীৱঃ কৰোতি সৰ্ৱোঽপি ॥ ২০॥
দ্ৱিজৰাজপাদসেৱাং জীৱঞ্জীৱঃ কৰোতি সৰ্ৱোঽপি ॥ ২০॥
স্ফুৰতি তৱ শ্ৰুত্যন্তে পতিৰিতি যত্ প্ৰাহুৰম্ব ! ৱেদৱিদঃ ।
শ্ৰুত্যন্তমেতি তত্তে দৃষ্টিঃ কান্তাৱলোকনাসক্তা ॥ ২১॥
শ্ৰুত্যন্তমেতি তত্তে দৃষ্টিঃ কান্তাৱলোকনাসক্তা ॥ ২১॥
উল্লঙ্ঘিতশ্ৰুতীনামুদধিসুতে ! শোভনং নহীতি মৃষা ।
যেন তৱেদং ৱ্যক্তং শ্ৰুতিপথমুল্লঙ্ঘ্য শোভনং নযনম্ ॥ ২২॥
যেন তৱেদং ৱ্যক্তং শ্ৰুতিপথমুল্লঙ্ঘ্য শোভনং নযনম্ ॥ ২২॥
শ্ৰুত্যন্তে কৃতৱসতিঃ পাদ্মৰুচিং তে প্ৰকাশযন্ত্যব্জে ! ।
পৰমাৰ্গদৃষ্টিসৃষ্টাং দৃষ্টিৰিযং ৱৈষ্ণৱীং চ দূষযতি ॥ ২৩॥
পৰমাৰ্গদৃষ্টিসৃষ্টাং দৃষ্টিৰিযং ৱৈষ্ণৱীং চ দূষযতি ॥ ২৩॥
দেৱি ! নিমিত্তগুণস্য ক্ৱাপি ন দৃষ্টং হি কাৰ্যসঙ্ক্ৰমণম্ ।
অনৃতমিতীদং ৱচনং যত্ৱদপাঙ্গাদনঙ্গসদ্ভাৱঃ ॥ ২৪॥
অনৃতমিতীদং ৱচনং যত্ৱদপাঙ্গাদনঙ্গসদ্ভাৱঃ ॥ ২৪॥
আদ্যাৱতাৰশোভামঙ্গীকুৰ্ৱাণসাত্মনাথস্য ।
নিৰুপমসুষমং কো ৱা চক্ষুস্তৱ দেৱি ! দক্ষিণঃ স্তোতুম্ ॥ ২৫॥
নিৰুপমসুষমং কো ৱা চক্ষুস্তৱ দেৱি ! দক্ষিণঃ স্তোতুম্ ॥ ২৫॥
অসৃজত্ কমলং ধাতা তুলনাং দেৱীক্ষণস্য তে ৱাঞ্ছন্ ।
অসদৃশভাৱাদমুনা নাম প্ৰাপ্তং জলজমিত্যুচিতম্ ॥ ২৬॥
অসদৃশভাৱাদমুনা নাম প্ৰাপ্তং জলজমিত্যুচিতম্ ॥ ২৬॥
লোকজনন্যতিভাস্ৱল্লোচনশফৰীৱিৰাজমানং তে ।
কান্তং নাসাৱংশং কেতুং মদনস্য কে ন শংসন্তি ॥ ২৭॥
কান্তং নাসাৱংশং কেতুং মদনস্য কে ন শংসন্তি ॥ ২৭॥
ত্ৱনাসিকাত্তগন্ধস্ত্ৰপযেৱাঘোমুখস্তিলপ্ৰসৱঃ ।
মুহুৰশ্ৰূণি প্ৰাযো মুঞ্চতি মাতৰ্মৰন্দৱিন্দুমিষাত্ ॥ ২৮॥
মুহুৰশ্ৰূণি প্ৰাযো মুঞ্চতি মাতৰ্মৰন্দৱিন্দুমিষাত্ ॥ ২৮॥
নাসামৌক্তিকমেতন্মন্যে ৱাৰাশিকন্যকে! ধন্যম্ ।
তৱ মুখতাৰাধিপতেঃ কামাদেকং কল়ঞমঙ্গগতম্ ॥ ২৯॥
তৱ মুখতাৰাধিপতেঃ কামাদেকং কল়ঞমঙ্গগতম্ ॥ ২৯॥
মুক্তোত্পত্তিস্থানং সৰসিজমিতি যত্ সমস্তকৱিসিদ্ধম্ ।
তদ্ৱযক্তীকৰণং তে নাসামুক্তাফলস্য দেৱি ! ফলম্ ॥ ৩০॥
তদ্ৱযক্তীকৰণং তে নাসামুক্তাফলস্য দেৱি ! ফলম্ ॥ ৩০॥
পৰিভূতকুন্দকুসুমং ভাসা নাসাগ্ৰভাস্ৱৰং পদ্মে ! ।
মুক্তাফলং মুৰাৰেৰ্মোহনগুডিকেৱ মান্মথী ভাতি ॥ ৩১॥
মুক্তাফলং মুৰাৰেৰ্মোহনগুডিকেৱ মান্মথী ভাতি ॥ ৩১॥
ভাসা ৱিৰাজমানং নাসামুক্তাফলং মম স্ফুৰতি ।
অম্ব ! তৱাননপদ্মে স্মিতৰুচিহংসীপ্ৰসূতমণ্ডমিৱ ॥ ৩২॥
অম্ব ! তৱাননপদ্মে স্মিতৰুচিহংসীপ্ৰসূতমণ্ডমিৱ ॥ ৩২॥
দুৰ্ৱৃত্তঃ খলু লোকে কমলে ! কুৰ্যাত্ সতাং তিৰস্কাৰম্ ।
নিত্যসুৱৃত্তেন কথং নাসামণিনা সতাং তিৰস্কাৰঃ ॥ ৩৩॥
নিত্যসুৱৃত্তেন কথং নাসামণিনা সতাং তিৰস্কাৰঃ ॥ ৩৩॥
কৰ্ণেন তেঽব্ধিকন্যে! তাটঙ্কাদেঃ প্ৰতীযতে শোভা ।
কৰ্ণস্য হি স্ৱভাৱঃ শ্ৰীমন্তং যত্ স্ৱমাশ্ৰযং কুৰুতে ॥ ৩৪॥
কৰ্ণস্য হি স্ৱভাৱঃ শ্ৰীমন্তং যত্ স্ৱমাশ্ৰযং কুৰুতে ॥ ৩৪॥
তৰ্কো মমাব্ধিকন্যে! হাটকতাটঙ্কচক্ৰমৰ্ক ইতি ।
যদ্যেতদেষ ন স্যাত্ কৰ্ণাসক্তিঃ কথং ভৱেদস্য ॥ ৩৫॥
যদ্যেতদেষ ন স্যাত্ কৰ্ণাসক্তিঃ কথং ভৱেদস্য ॥ ৩৫॥
ভাতি কপোলঃ কমলে! পত্যুঃ শৃঙ্গাৰমণিমযাদৰ্শঃ ।
প্ৰতিফলিততন্মুখোঽযং হৃদ ইৱ সোঽধোৱিকস্ৱৰাম্বুৰুহঃ ॥ ৩৬॥
প্ৰতিফলিততন্মুখোঽযং হৃদ ইৱ সোঽধোৱিকস্ৱৰাম্বুৰুহঃ ॥ ৩৬॥
মধুৰৱচোগণনাযাং মাতস্ত্ৱদ্গীৰভূদিযং প্ৰথমা ।
নৈৱ দ্ৱিতীযৱাৰ্তা কোকিলৱাদে কুতো নু পঞ্চমতা ॥ ৩৭॥
নৈৱ দ্ৱিতীযৱাৰ্তা কোকিলৱাদে কুতো নু পঞ্চমতা ॥ ৩৭॥
সাম্যাভিলাষদোষং সম্মাৰ্ষ্টুং ত্ৱদ্ৱিৰা চিৰাদিক্ষোঃ ।
চক্ৰে পঞ্চশৰস্তং চাপানমনাপদেশতঃ প্ৰণতম্ ॥ ৩৮॥
চক্ৰে পঞ্চশৰস্তং চাপানমনাপদেশতঃ প্ৰণতম্ ॥ ৩৮॥
অৰ্ণৱকন্যে ! ধন্যামাকৰ্ণযতস্ত্ৱদীৰিতাং ৱাচম্ ।
শুকপিকৱচনশ্ৰৱণং শ্ৰুতিপুটকটু দেৱি ! কস্য ৱা ন ভৱেত্ ॥ ৩৯॥
শুকপিকৱচনশ্ৰৱণং শ্ৰুতিপুটকটু দেৱি ! কস্য ৱা ন ভৱেত্ ॥ ৩৯॥
কস্য গিৰস্তে শ্ৰোতুঃ কমলে ৱদনাৰৱিন্দকন্দল়িতাঃ ।
ন ভৱেন্মহতী প্ৰীতিৰ্নাৰদমেকং ৱিনা মুনীশানম্ ॥ ৪০॥
ন ভৱেন্মহতী প্ৰীতিৰ্নাৰদমেকং ৱিনা মুনীশানম্ ॥ ৪০॥
মকৰন্দাঃ সুনৰসাঃ শুকপিকৱাচোঽপি ৱিস্ৱৰা যেন ।
ৱীণাঃ পৰিৱাদিন্যস্তেন কিলাব্জে ! তৱোপমা ন গিৰাম্ ॥ ৪১॥
ৱীণাঃ পৰিৱাদিন্যস্তেন কিলাব্জে ! তৱোপমা ন গিৰাম্ ॥ ৪১॥
অম্বাভিজাতৱাণীধনৰসমাধুৰ্যচৌৰ্যকাৰী তে ।
অতিমৰ্দনাসহিষ্ণুৰ্মুষিতৰসানেষ মুঞ্চতীৱেক্ষুঃ ॥ ৪২॥
অতিমৰ্দনাসহিষ্ণুৰ্মুষিতৰসানেষ মুঞ্চতীৱেক্ষুঃ ॥ ৪২॥
নীৰতযেৱ মৰন্দো ভাৱ্যশ্শ্ৰৱণে তৱাব্ধিজে ! ৱাচাম্ ।
স্ৱাদিত এৱ সুধাযাঃ স্ৱাদ্যেতি খ্যাতিৰপি ন মাধুৰ্যাত্ ॥ ৪৩॥
স্ৱাদিত এৱ সুধাযাঃ স্ৱাদ্যেতি খ্যাতিৰপি ন মাধুৰ্যাত্ ॥ ৪৩॥
অধৰেণ বন্ধুজীৱং মুখতঃ প্ৰাভাতিকং চ ৰাজীৱম্ ।
দূৰীকৰোষি কিং ৱা দেৱি ! ত্ৱং সৰ্ৱজীৱকৰুণাৰ্দ্ৰা ॥ ৪৪॥
দূৰীকৰোষি কিং ৱা দেৱি ! ত্ৱং সৰ্ৱজীৱকৰুণাৰ্দ্ৰা ॥ ৪৪॥
অন্তে ৱসন্ দ্ৱিজানামৱদাতানামতিস্ফুৰদ্ৰূপঃ ।
অম্ব ! তৱাধিকমধৰো বিম্বপ্ৰতিবিম্বযোগ্যোঽভূত্ ॥ ৪৫॥
অম্ব ! তৱাধিকমধৰো বিম্বপ্ৰতিবিম্বযোগ্যোঽভূত্ ॥ ৪৫॥
সন্ততপল্লৱযোগে মুক্তিৰ্ন শুচেৰপীতি ৱাঙ্ মিথ্যা ।
দেৱি! তৱাধৰ পল্লৱসংযোগেঽধ্যমলা দ্ৱিজা মুক্তাঃ ॥ ৪৬॥
দেৱি! তৱাধৰ পল্লৱসংযোগেঽধ্যমলা দ্ৱিজা মুক্তাঃ ॥ ৪৬॥
তৱ তটিনীপতিকন্থে ! দ্ৱিজপটলী ৱদনশুক্তিমুক্তাশ্ৰীঃ ।
অতনুযশোবীজানামঙ্কুৰপঙ্ক্তিঃ পৰিস্ফুৰন্তীৱ ॥ ৪৭॥
অতনুযশোবীজানামঙ্কুৰপঙ্ক্তিঃ পৰিস্ফুৰন্তীৱ ॥ ৪৭॥
ৱদনং সুধাকৰস্তে ৱাৰিধিকন্যে ! ন তত্ৰ সন্দেহঃ ।
ৱচনাপদেশমেতন্নো চেদমৃতং কথং ততঃ প্ৰভৱেত্ ॥ ৪৮॥
ৱচনাপদেশমেতন্নো চেদমৃতং কথং ততঃ প্ৰভৱেত্ ॥ ৪৮॥
ভ্ৰূযুগল়ং ভৃগুতনযে ! কুসুমশৰস্যেৱ সৱ্যসাচিতযা ।
আৰোপিতাক্ষিবাণং কোদণ্ডদ্ৱন্দ্ৱমিতি মতিং দত্তে ॥ ৪৯॥
আৰোপিতাক্ষিবাণং কোদণ্ডদ্ৱন্দ্ৱমিতি মতিং দত্তে ॥ ৪৯॥
অব্জদ্ৱযমপি ৱিজিতং তৱ কমলে! ৱক্ত্ৰশোভযা তত্ৰ ।
অম্বৰমেকং শৰণং শম্বৰমপৰং চ সত্ৱৰং প্ৰাপত্ ॥ ৫০॥
অম্বৰমেকং শৰণং শম্বৰমপৰং চ সত্ৱৰং প্ৰাপত্ ॥ ৫০॥
চন্দ্ৰোঽভৱদ্ ৱিষাদী চাৰু মুখং দেৱি! তাৱকং ৱীক্ষ্য ।
কুক্ষিগতং গৰমস্য প্ৰাহুঃ পঙ্কং কল়ঙ্কমিত্যেকে ॥ ৫১॥
কুক্ষিগতং গৰমস্য প্ৰাহুঃ পঙ্কং কল়ঙ্কমিত্যেকে ॥ ৫১॥
ৱিজিতস্ত্ৱন্মুখকান্ত্যা দেৱি ! নিৰাশো নিশাকৰো জীৱে ।
ভৃগুপতনং কুৰুতেঽসাৱস্তমথ ৱ্যাজতোঽন্ৱহং তূৰ্ণম্ ॥ ৫২॥
ভৃগুপতনং কুৰুতেঽসাৱস্তমথ ৱ্যাজতোঽন্ৱহং তূৰ্ণম্ ॥ ৫২॥
অম্ব ! যতস্তে নিতৰামাননকান্ত্যা তৃণীকৃতশ্চন্দ্ৰঃ ।
আতঃ কিল তৃণবুদ্ধযা মুঞ্চতি নৈনং মৃগঃ কদাচিদপি ॥ ৫৩॥
আতঃ কিল তৃণবুদ্ধযা মুঞ্চতি নৈনং মৃগঃ কদাচিদপি ॥ ৫৩॥
দেৱি ! তৱাননতুলনামভিলষতাং সাগসাং সৰোজানাম্ ।
মজ্জনমপ্সু চ বন্ধঃ শৈৱলপাশেন ষট্পদৈঃ প্ৰসৃতিঃ ॥ ৫৪॥
মজ্জনমপ্সু চ বন্ধঃ শৈৱলপাশেন ষট্পদৈঃ প্ৰসৃতিঃ ॥ ৫৪॥
দ্ৱিজৰাজস্যাপ্যব্জে ! ত্ৱদ্ৱক্ত্ৰেণোপমানৰহিতেন ।
সমতাভিলাষদোষাদ্দোষাকৰতা ৱিধোৰ্দুৰন্তাভৃত্ ॥ ৫৫॥
সমতাভিলাষদোষাদ্দোষাকৰতা ৱিধোৰ্দুৰন্তাভৃত্ ॥ ৫৫॥
পদ্মে ! পৰস্ৱহৰণং দোষাযেতি প্ৰভাষণং মিথ্যা ।
অপহৃত্য ৰাজলক্ষ্মীমপদোষং যদ্ৱিভাতি তে ৱক্ত্ৰেম্ ॥ ৫৬॥
অপহৃত্য ৰাজলক্ষ্মীমপদোষং যদ্ৱিভাতি তে ৱক্ত্ৰেম্ ॥ ৫৬॥
নিৰ্জিত্য নীৰজাতং নিখিলং মুৰৱৈৰিসুন্দৰি ! মুখেন ।
আসনমাকলিতং তে নূনং পদ্মাসনাসি তেনৈৱ ॥ ৫৭॥
আসনমাকলিতং তে নূনং পদ্মাসনাসি তেনৈৱ ॥ ৫৭॥
ত্ৱদ্ৱদনাভিভৱোদ্যত্তাপাতিশযং দিৱানিশং পদ্মম্ ।
অম্ভসি ৱাসং কুৰুতে নূনং তস্যাপনোদনাযাব্জে ! ॥ ৫৮॥
অম্ভসি ৱাসং কুৰুতে নূনং তস্যাপনোদনাযাব্জে ! ॥ ৫৮॥
সন্ততমিত্ৰৱিৰোধী দোষাসক্তঃ কলঙ্কৱানিন্দুঃ ।
তৱ ৱদনেন কথং ৱা কমলে! কল্যাণগুণভুৱা তুল্যঃ ॥ ৫৯॥
তৱ ৱদনেন কথং ৱা কমলে! কল্যাণগুণভুৱা তুল্যঃ ॥ ৫৯॥
দেৱি! তৱাননচন্দ্ৰপ্ৰসাদভিক্ষাটনেন ৰাজাপি ।
পূৰ্ণশ্চন্দ্ৰিকযাহো জীৱঞ্জীৱস্য তৃপ্তিমাতনুতে ॥ ৬০॥
পূৰ্ণশ্চন্দ্ৰিকযাহো জীৱঞ্জীৱস্য তৃপ্তিমাতনুতে ॥ ৬০॥
ত্ৱত্কণ্ঠকান্তিভাগ্যং দৃষ্ট্ৱা শঙ্খাস্সহস্ৰশো দেৱি ! ।
তল্লাভায পযোধেৰন্তং গত্ৱা চিৰং তপস্যন্তি ॥ ৬১॥
তল্লাভায পযোধেৰন্তং গত্ৱা চিৰং তপস্যন্তি ॥ ৬১॥
কণ্ঠেন তে হৃতশ্ৰীঃ কমলে ! ৱিমলোঽপি সন্ততং কম্বুঃ ।
ঘুমুঘুমুনিনদৱ্যাজাত্ ক্ৰোশতি ৰাজ্ঞাং পুৰঃ সমযদৰ্শী ॥ ৬২॥
ঘুমুঘুমুনিনদৱ্যাজাত্ ক্ৰোশতি ৰাজ্ঞাং পুৰঃ সমযদৰ্শী ॥ ৬২॥
ত্ৱত্কণ্ঠকান্তিজনিতং ভঞ্জনমাখ্যাতুমুদ্যতা জলজাঃ ।
ৱিস্তৃতজনশব্দতযা পদ্মিন্যাম্ৰেডযন্তি ভং ভমিতি ॥ ৬৩॥
ৱিস্তৃতজনশব্দতযা পদ্মিন্যাম্ৰেডযন্তি ভং ভমিতি ॥ ৬৩॥
কম্বুভ্ৰমেণ কণ্ঠং চক্ৰভ্ৰান্ত্যা নিতম্ববিম্বমপি ।
পৰিমৃশতি তে কৰাভ্যাং পতিৰতিদুৰ্ভেদশঙ্খচক্ৰাভ্যাম্ ॥ ৬৪॥
পৰিমৃশতি তে কৰাভ্যাং পতিৰতিদুৰ্ভেদশঙ্খচক্ৰাভ্যাম্ ॥ ৬৪॥
বাহূ শিৰীষমালামাৰ্দৱকীতন্দুমৰ্দনে ৰাহূ ।
সেতূ সমগ্ৰশোভাসিন্ধোৰ্মন্যে সমুদ্ৰকন্যে ! তে ॥ ৬৫॥
সেতূ সমগ্ৰশোভাসিন্ধোৰ্মন্যে সমুদ্ৰকন্যে ! তে ॥ ৬৫॥
অতিসুৰভিঃ কৰপদ্মো ৱাঞ্ছিতদানৈৰ্ন কেৱলং গন্ধৈঃ ।
ৱাৰিধিপুত্ৰি ! ৱদান্যং কৱিমুক্তং দেৱি! কল্পমাতনুতে ॥ ৬৬॥
ৱাৰিধিপুত্ৰি ! ৱদান্যং কৱিমুক্তং দেৱি! কল্পমাতনুতে ॥ ৬৬॥
দেৱি ! কৰেণ ভৱত্যা দত্তসমস্তেপ্সিতেন ভক্তানাম্ ।
স্পৰ্শনদূৰীকৰণং সোদৰগীৰ্ৱাণশাখিনামুচিতম্ ॥ ৬৭॥
স্পৰ্শনদূৰীকৰণং সোদৰগীৰ্ৱাণশাখিনামুচিতম্ ॥ ৬৭॥
দেৱি ! তৱাননভাসা পৰিভূতঃ পৰ্ৱচন্দ্ৰমা নূনম্ ।
তেন হি শশ্ৱত্ পৰিধিৱ্যাজপ্ৰাকাৰমধ্যমধ্যাস্তে ॥ ৬৮॥
তেন হি শশ্ৱত্ পৰিধিৱ্যাজপ্ৰাকাৰমধ্যমধ্যাস্তে ॥ ৬৮॥
পদ্মকুলং পৰিভূতং পদ্মে ! ত্ৱত্পাণিপদ্মৰাগেণ ।
তত্প্ৰেষিতং সদৈকং ত্ৱত্পাণিং সেৱতে সৰোজাতম্ ॥ ৬৯॥
তত্প্ৰেষিতং সদৈকং ত্ৱত্পাণিং সেৱতে সৰোজাতম্ ॥ ৬৯॥
অনুদিনমৰ্কাভিমুখং ৱনভুৱি শৈৱালৱল্কলং কমলম্ ।
তপ্ত্ৱা তপোঽতিতীৱ্ৰং প্ৰাপত্ ত্ৱত্পাণিপদ্মসাধৰ্ম্যম্ ॥ ৭০॥
তপ্ত্ৱা তপোঽতিতীৱ্ৰং প্ৰাপত্ ত্ৱত্পাণিপদ্মসাধৰ্ম্যম্ ॥ ৭০॥
হাৰা ৱিভান্তি গৌৰা হৰিদযিতে ! তে মুখোডুৰাজস্য ।
সেৱাৰ্থমাগতানাং তাৰাণামিৱ গণাঃ পুৰোগাণাম্ ॥ ৭১॥
সেৱাৰ্থমাগতানাং তাৰাণামিৱ গণাঃ পুৰোগাণাম্ ॥ ৭১॥
হাৰলতা তব পদ্মে ! সুকুমাৰস্যাঙ্গভূকুমাৰস্য ।
ক্ৰীডামৃণাল়ডোল়াশঙ্কাং নাঙ্ক্ৰূৰযত্যসৌ কস্য ॥ ৭২॥
ক্ৰীডামৃণাল়ডোল়াশঙ্কাং নাঙ্ক্ৰূৰযত্যসৌ কস্য ॥ ৭২॥
তৱ কুচগিৰিতটৱাসী কৃতৰোমাল়ীনকন্যকাস্নানঃ ।
কশ্চন মুক্তাহাৰো যোগীৱাভাতি নিত্যশুদ্ধাত্মা ॥ ৭৩॥
কশ্চন মুক্তাহাৰো যোগীৱাভাতি নিত্যশুদ্ধাত্মা ॥ ৭৩॥
উন্নতিমুৰোজযুগ্মে ! পদ্মে দৃষ্টৈৱ পৰ্ৱতাস্ত্ৰপযা ।
উদধৌ চিৰং নিলীনা ভীত্যা শক্ৰাদিতি প্ৰথামাত্ৰম্ ॥ ৭৪॥
উদধৌ চিৰং নিলীনা ভীত্যা শক্ৰাদিতি প্ৰথামাত্ৰম্ ॥ ৭৪॥
তৱ কুচকুম্ভদ্ৱন্দ্ৱে বদ্ধস্পৰ্ধানি ডাডিমফলানি ।
তুলনাহীনাঃ কীৰাস্তুণ্ডৈৰেতানি খণ্ডযন্ত্যব্জে ! ॥ ৭৫॥
তুলনাহীনাঃ কীৰাস্তুণ্ডৈৰেতানি খণ্ডযন্ত্যব্জে ! ॥ ৭৫॥
কোদণ্ডস্য পুৰাৰেৰুদ্দণ্ডস্যাপি হন্ত বাণস্য ।
কবল়ীকুৰুতে মানং পুগল়ী কুচযোস্তৱেন্দিৰে ! যুগপত্ ॥ ৭৬॥
কবল়ীকুৰুতে মানং পুগল়ী কুচযোস্তৱেন্দিৰে ! যুগপত্ ॥ ৭৬॥
সন্ততমুক্তাহাৰাৱপি তৱ পীনৌ পযোধৰৌ ভাতঃ ।
তেন কথং পীনত্ৱং দেৱি ! ভৱেদ্ৰাত্ৰিভোজনে মানম্ ॥ ৭৭॥
তেন কথং পীনত্ৱং দেৱি ! ভৱেদ্ৰাত্ৰিভোজনে মানম্ ॥ ৭৭॥
কনকমহীঘৰগৌৰৱকবলীকৰণাদিৱাতিপীনমপি ।
মুক্তাহাৰৱদাস্তে স্তনযুগলং দেৱি ! তাৱকং চিত্ৰম্ ॥ ৭৮॥
মুক্তাহাৰৱদাস্তে স্তনযুগলং দেৱি ! তাৱকং চিত্ৰম্ ॥ ৭৮॥
ইতি কিল দৰ্শনৰীতিঃ কাৰ্যমুপাদানকাৰণাভিত্ৰম্ ।
দেৱি! তৱ স্তনকুম্ভৌ চক্ৰাভিন্নৌ কথং ন দৃশ্যেতে ॥ ৭৯॥
দেৱি! তৱ স্তনকুম্ভৌ চক্ৰাভিন্নৌ কথং ন দৃশ্যেতে ॥ ৭৯॥
কলযতি দণ্ডঃ কলশং সৰ্ৱৈৰ্বহুশঃ শ্ৰুতং চ দৃষ্টং চ ।
জননি ! তৱ স্তনকলশো জনযতি মধুৱৈৰিমানদণ্ডমহো ! ॥ ৮০॥
জননি ! তৱ স্তনকলশো জনযতি মধুৱৈৰিমানদণ্ডমহো ! ॥ ৮০॥
সৰ্ৱাৰীণাং জেতা দুৰ্ৱাৰেণৈৱ দেৱি! চক্ৰেণ ।
হন্ত কথং তে ৱিজিতঃ কান্তো ৱক্ষোৰুহাত্মচক্ৰেণ ॥ ৮১॥
হন্ত কথং তে ৱিজিতঃ কান্তো ৱক্ষোৰুহাত্মচক্ৰেণ ॥ ৮১॥
কল্লোলিনীশকন্যে ! কলযে ৰোমাৱলিপ্ৰভেদেন ।
তৱ কান্তিৱাৰ্ধিমধ্যে নৱজলদশ্যামকো হৰিঃ শেতে ॥ ৮২॥
তৱ কান্তিৱাৰ্ধিমধ্যে নৱজলদশ্যামকো হৰিঃ শেতে ॥ ৮২॥
নামীসৰোৱনান্তঃ ক্ৰীডন্মদনদ্ৱিপাধিপোত্ক্ষিতাম্ ।
শৈৱালৱল্লৰীং তে ৰোমলতাং দেৱি ! কথযন্তি ॥ ৮৩॥
শৈৱালৱল্লৰীং তে ৰোমলতাং দেৱি ! কথযন্তি ॥ ৮৩॥
মধ্যঃ প্ৰথমং মানং মহিতগুণৌঘস্তৱানুমানমপি ।
ৱপুৰপ্যুপমিতিশব্দং দূৰীকুৰুতেঽম্ব ! কেন ৱৰ্ণ্যাসি ॥ ৮৪॥
ৱপুৰপ্যুপমিতিশব্দং দূৰীকুৰুতেঽম্ব ! কেন ৱৰ্ণ্যাসি ॥ ৮৪॥
তৱ কুচকুম্ভস্য গুৰোৰন্তেৱাসী ৱিৱেকহীনস্য ।
দৰ্শনযোগ্যো নাভূন্মধ্যস্তে দেৱি ! নাস্তিৱাদৰতঃ ॥ ৮৫॥
দৰ্শনযোগ্যো নাভূন্মধ্যস্তে দেৱি ! নাস্তিৱাদৰতঃ ॥ ৮৫॥
প্ৰত্যক্ষাৱিষযত্ৱাদতিৰিক্তত্ৱাদনঙ্গজনকত্ৱাত্ ।
দেৱি ! ৱলিশ্ৰীভজনান্মধ্যস্তে কান্তৱিভ্ৰমং তনুতে ॥ ৮৬॥
দেৱি ! ৱলিশ্ৰীভজনান্মধ্যস্তে কান্তৱিভ্ৰমং তনুতে ॥ ৮৬॥
চিন্তামণিৱাদস্তে কৰযোৰ্দ্দশি কামশাস্ত্ৰৱাদোঽব্জে ! ।
মধ্যে মাযাৱাদো গৌৰৱৱাদঃ পযোধৰদ্ৱন্দ্ৱে ॥ ৮৭॥
মধ্যে মাযাৱাদো গৌৰৱৱাদঃ পযোধৰদ্ৱন্দ্ৱে ॥ ৮৭॥
মহদণুপৰিমাণগতং ৱিশ্ৰান্তং দেৱি তাৰতম্যং তে ।
ৱক্ষোৰুহে চ মধ্যে ন ৱ্যোমাদৌ ন চাপি পৰমাণৌ ॥ ৮৮॥
ৱক্ষোৰুহে চ মধ্যে ন ৱ্যোমাদৌ ন চাপি পৰমাণৌ ॥ ৮৮॥
কঠিনাত্মাঘঃ কুৰুতে সৰ্ৱং কমলে! কৃথং সনামিগতম্ ।
দৃষ্টমিতীদমুৰোজে মধ্যং কৃশমেৱ কুৰ্ৱতি স্পষ্টম্ ॥ ৮৯॥
দৃষ্টমিতীদমুৰোজে মধ্যং কৃশমেৱ কুৰ্ৱতি স্পষ্টম্ ॥ ৮৯॥
তুঙ্গপযোধৰশৈলদ্ৱন্দ্ৱোদ্ৱহনেন সন্ততং দেৱি ! ।
পশ্যামি কাৰ্যমুচিতং মধ্যস্য শ্ৰীমতোঽপি তে মাতঃ ! ॥ ৯০॥
পশ্যামি কাৰ্যমুচিতং মধ্যস্য শ্ৰীমতোঽপি তে মাতঃ ! ॥ ৯০॥
তৱ ৰোমৰাজিযমুনানিত্যস্ফীতেঽপি মধ্যদেশেঽস্মিন্ ।
ক্ষামকথা কথমব্জে ! নাভীসৰসীপৰিষ্কৃতেঽপি সদা ॥ ৯১॥
ক্ষামকথা কথমব্জে ! নাভীসৰসীপৰিষ্কৃতেঽপি সদা ॥ ৯১॥
ৰোমাল়িযূপদণ্ডে চিতপশুং বদ্ধুমম্ব ! তে পত্যুঃ ।
সম্পাদিতেৱ ৰশনা ত্ৰিৱলিমিষেণাঙ্গজন্মনাধ্ৱৰিণা ॥ ৯২॥
সম্পাদিতেৱ ৰশনা ত্ৰিৱলিমিষেণাঙ্গজন্মনাধ্ৱৰিণা ॥ ৯২॥
আভাতি নাভিৰব্জে ! তৱ তনুজনুষা নিষাদৱীৰেণ ।
পাতযিতুং হৰিচিত্তং মত্তভং সম্ভৃতো যথা গৰ্তঃ ॥ ৯৩॥
পাতযিতুং হৰিচিত্তং মত্তভং সম্ভৃতো যথা গৰ্তঃ ॥ ৯৩॥
শঙ্কে তৱাম্ব ! নাভিং শম্বৰৰিপুণা ৱিজিত্য দৈত্যাৰিম্ ।
ৰোমাল়িনীলৰত্নস্তম্ভনিখাতায সম্ভৃতং ৱভ্ৰম্ ॥ ৯৪॥
ৰোমাল়িনীলৰত্নস্তম্ভনিখাতায সম্ভৃতং ৱভ্ৰম্ ॥ ৯৪॥
নিৱসন্তি যেঽধিকাঞ্চি প্ৰাযঃ শুদ্ধা ভৱন্তি তে মুক্তাঃ ।
ইতি মণিৰশনাংৱিকসন্মুক্তাৱল্যাম্ব ! দৰ্শযস্যদ্ধা ॥ ৯৫॥
ইতি মণিৰশনাংৱিকসন্মুক্তাৱল্যাম্ব ! দৰ্শযস্যদ্ধা ॥ ৯৫॥
অৱনতমৌলিৰিযং ত্ৱামঞ্জলিমভিনীয কুসুমকোশমিষাত্ ।
ৰম্ভা তৱোৰুৱিজিতা সম্ভাৱযতীতি মে তৰ্কঃ ॥ ৯৬॥
ৰম্ভা তৱোৰুৱিজিতা সম্ভাৱযতীতি মে তৰ্কঃ ॥ ৯৬॥
কুম্ভীন্দ্ৰকুম্ভৱৃত্তং জানুদ্ৱন্দ্ৱং তৱাপ্ৰতিদ্ৱন্দ্ৱম্ ।
হন্ত হৰেৰপি ধৈৰ্যং হৰতে দুৰ্ধৰ্ষমব্ধিৰাজসুতে ! ॥ ৯৭॥
হন্ত হৰেৰপি ধৈৰ্যং হৰতে দুৰ্ধৰ্ষমব্ধিৰাজসুতে ! ॥ ৯৭॥
জঙ্ঘা নিষঙ্গশঙ্কামঙ্কূৰযত্যঙ্গজেন্মনো দেৱি ! ।
তত্ খলু তদগ্ৰভাগে পশ্চশৰস্ফূৰ্তিমঙ্গুলিৱ্যাজাত্ ॥ ৯৮॥
তত্ খলু তদগ্ৰভাগে পশ্চশৰস্ফূৰ্তিমঙ্গুলিৱ্যাজাত্ ॥ ৯৮॥
তৱ পদভাৱঃ প্ৰাপ্তস্তামৰসেনেতি নাত্ৰ সন্দেহঃ ।
কথমন্যথা স যোগো ভাৱী কান্তেন হংসকেনাব্জে ! ॥ ৯৯॥
কথমন্যথা স যোগো ভাৱী কান্তেন হংসকেনাব্জে ! ॥ ৯৯॥
পাদতলে পৰিদৃশ্যং পদ্মে ! ৰেখাত্মনা স্ৱযং গূঢম্ ।
তৱ চৰণশ্ৰীমিক্ষাচৰণং ৱিদধাতি সজ্যমম্বুৰুহম্ ॥ ১০০॥
তৱ চৰণশ্ৰীমিক্ষাচৰণং ৱিদধাতি সজ্যমম্বুৰুহম্ ॥ ১০০॥
অৰ্কোঽপি যস্য ভজনাদজনি শ্ৰীমাননেন জনিতশ্ৰীঃ ।
পদ্মং কথং নু তুলনামৰ্হতি পাদেন তাৱকেনাব্জে ! ॥ ১০১॥
পদ্মং কথং নু তুলনামৰ্হতি পাদেন তাৱকেনাব্জে ! ॥ ১০১॥
জলজং কৃতসঙ্কোচং দ্ৱিজৰাজস্থাপি দৰ্শনে দেৱি ! ।
মানিতমধুপং শিৰসা কথমধিৰোহেত্ পদেন তে তুলনাম্ ॥ ১০২॥
মানিতমধুপং শিৰসা কথমধিৰোহেত্ পদেন তে তুলনাম্ ॥ ১০২॥
সাম্ৰাজ্যেঽম্বুৰুহাণাং তৱ পদমীডেঽভিষিচ্যমানমিৱ ।
জানুস্মৃতাং জনানাং হেতুঃ সঞ্চিন্তিতাৰ্থসিদ্ধীনাম্ ॥ ১০৩॥
জানুস্মৃতাং জনানাং হেতুঃ সঞ্চিন্তিতাৰ্থসিদ্ধীনাম্ ॥ ১০৩॥
মদনদৰীজনকবৰীনলিনৈৰুদ্যন্মৰন্দসংসাৰে ।
পাতু পৰাকৃতপদ্মং মাতুৰ্জগতাং পদাম্বুজাতং মাম্ ॥ ১০৪॥
পাতু পৰাকৃতপদ্মং মাতুৰ্জগতাং পদাম্বুজাতং মাম্ ॥ ১০৪॥
সম্ভাৱিতাপচাৰং জ্ঞানাজ্ঞানাত্তৱ স্তুতিৱ্যাজাত্ ।
দেৱি সহস্ৱ দযালো ! দেহি মম শ্ৰীপতৌ পৰাং ভক্তিম্ ॥ ১০৫॥
দেৱি সহস্ৱ দযালো ! দেহি মম শ্ৰীপতৌ পৰাং ভক্তিম্ ॥ ১০৫॥
জগতি খ্যাতিৰশেষাত্ত্ৱকুলেযেতি সৰ্ৱসিদ্ধান্তম্ ।
জননি কথং তে খ্যাতেৰুত্পত্তিঃ শ্ৰূযতে পুৰাণাদৌ ॥ ১০৬॥
জননি কথং তে খ্যাতেৰুত্পত্তিঃ শ্ৰূযতে পুৰাণাদৌ ॥ ১০৬॥
যজ্ঞৱৰাহঃ শ্ৰীমান্ ৱাধূলম্বালজো ধীমান্ ।
লক্ষ্মী শতকমতানীদক্ষীণানন্দকন্দল়ীকন্দম্ ॥ ১০৭॥
লক্ষ্মী শতকমতানীদক্ষীণানন্দকন্দল়ীকন্দম্ ॥ ১০৭॥
॥ ইতি যজ্ঞৱৰাহকৃতং লক্ষ্মীশতকং সম্পূৰ্ণম্ ॥