॥ লক্ষ্মীশতকম্ (যজ্ঞবরাহ কৃত) ॥
আনন্দং দিশতু শ্রীহস্তিগিরৌ স্বস্তিদা সদা মহ্যম্ ।
যা কৌতুকং বিধত্তে সাকৃতেনাবলোকনেন হরেঃ ॥ ১॥
যা কৌতুকং বিধত্তে সাকৃতেনাবলোকনেন হরেঃ ॥ ১॥
যন্নাম কীর্তনীযং শ্রীরিত্যাদৌ প্রিযং হরের্নাম্নাম্ ।
সা মে সমস্তজননী সন্ততমুদযায ভূযসে ভূযাত্ ॥ ২॥
সা মে সমস্তজননী সন্ততমুদযায ভূযসে ভূযাত্ ॥ ২॥
শ্রীবরদেশ্বরদযিতে বাঞ্ছামি ত্বাং যথামতি স্তোতুম্ ।
স্বল্পোঽপি ডিম্ভজল্পো মাতুঃ প্রীতিং কথং ন সঞ্জনযেত্ ॥ ৩॥
স্বল্পোঽপি ডিম্ভজল্পো মাতুঃ প্রীতিং কথং ন সঞ্জনযেত্ ॥ ৩॥
মুররিপুমোহনধাম্নে মূর্তিবিনির্ধূতবিষ্ফুরদ্ধেম্নে ।
দিবিষদমেযবিভূম্নে লক্ষ্মীনাম্নে পরং নমো ভুম্নে ॥ ৪॥
দিবিষদমেযবিভূম্নে লক্ষ্মীনাম্নে পরং নমো ভুম্নে ॥ ৪॥
করিগিরিনাযককান্তে দান্তজনস্বান্তপঙ্কজনিশান্তে ।
মযি ভবমরণাশ্রান্তে করুণাং শরণাগতে কুরু প্রগুণাম্ ॥ ৫॥
মযি ভবমরণাশ্রান্তে করুণাং শরণাগতে কুরু প্রগুণাম্ ॥ ৫॥
বাচামকৃত্রিমাণামপি মুনিমনসামগোচরে দেবি! ।
ত্বদ্বর্ণনে মদীযাং কাঙ্ক্ষাং সফলাং করোতু তে করুণা ॥ ৬॥
ত্বদ্বর্ণনে মদীযাং কাঙ্ক্ষাং সফলাং করোতু তে করুণা ॥ ৬॥
মাখদ্বিধু বিম্বাস্যে মঙ্গলসৌম্যাকৃতে গুরুশ্রোণি ! ।
ভৃগুনন্দিনি মন্দগতে রোমলতাহে জযাব্ধিকুলকেতো ! ॥ ৭॥
ভৃগুনন্দিনি মন্দগতে রোমলতাহে জযাব্ধিকুলকেতো ! ॥ ৭॥
ধন্যং প্রসূনগর্ভং ধম্মিল্লং দেবি তাবকং মন্যে ।
প্রসবশরেণ ন্যস্তং তূণং বাণৌঘপূর্ণমর্ণবজে ॥ ৮॥
প্রসবশরেণ ন্যস্তং তূণং বাণৌঘপূর্ণমর্ণবজে ॥ ৮॥
ত্বত্কেশপাশশোভাপরিমোষাণাং ফলং পযোদানাম্ ।
দেবি তটিদ্গুণবন্ধো নোদনমনিলৈঃ পলাযনং দিক্ষু ॥ ৯॥
দেবি তটিদ্গুণবন্ধো নোদনমনিলৈঃ পলাযনং দিক্ষু ॥ ৯॥
নিন্দতি নীরধিকন্যে ! কচনিচযস্তে কলাপিনং কান্ত্যা ।
অস্যতি বর্হং ন কথং ভুজঙ্গবৃত্তিশ্চ পক্ষপাতী চ ॥ ১০॥
অস্যতি বর্হং ন কথং ভুজঙ্গবৃত্তিশ্চ পক্ষপাতী চ ॥ ১০॥
জযতু বিপক্ষং পদ্মে ! বর্হিণবর্হং ত্বদীযকেশভরম্ ।
ত্বত্কান্তস্য সপক্ষং ঘনমপি কান্ত্যা কথং পরাকুরুতে ॥ ১১॥
ত্বত্কান্তস্য সপক্ষং ঘনমপি কান্ত্যা কথং পরাকুরুতে ॥ ১১॥
বর্হং বিগর্হিতাভং শস্তেনানেন কেশহস্তেন ।
মত্বাভবন্মযূরা মন্দাশা জীবিতে বৃতবিষাশাঃ ॥ ১২॥
মত্বাভবন্মযূরা মন্দাশা জীবিতে বৃতবিষাশাঃ ॥ ১২॥
দিব্যামম্বুধিকন্যে! দৃষ্ট্বা কেশশ্রিযং তবাম্ভোদাঃ !
আরুহ্যাদ্রিশ্রেষ্ঠং কুরুতে ত্রপযেব জীবনত্যাগম্ ॥ ১৩॥
আরুহ্যাদ্রিশ্রেষ্ঠং কুরুতে ত্রপযেব জীবনত্যাগম্ ॥ ১৩॥
সিন্দূরসুন্দরী তে পদ্মে ! সীমন্তপদ্ধতির্ভাতি ।
বর্ষাবলাহকস্থা বিদ্যুল্লেখেব বীতচাঞ্চল্যা ॥ ১৪॥
বর্ষাবলাহকস্থা বিদ্যুল্লেখেব বীতচাঞ্চল্যা ॥ ১৪॥
বেণীমম্বুধিকন্যে ! ভৃঙ্গশ্রেণীমিব স্ফুরন্তী তে ।
শম্বরবৈরিকৃপাণীং শঙ্কে মানাপহারিণীং শৌরেঃ ॥ ১৫॥
শম্বরবৈরিকৃপাণীং শঙ্কে মানাপহারিণীং শৌরেঃ ॥ ১৫॥
ফালেনাভিমুখেন প্রতিমাকাঙ্ক্ষী তবেন্দুরম্বুধিজে ! ।
অর্ধাকৃতিঃ কলাভিঃ পূর্ণো ভবতি ক্রিযাসমভিহারাত্ ॥ ১৬॥
অর্ধাকৃতিঃ কলাভিঃ পূর্ণো ভবতি ক্রিযাসমভিহারাত্ ॥ ১৬॥
কর্ণাবতংসলক্ষ্মী কলযতি কমলে ! বিশালদৃষ্টিস্তে ।
নীলোত্পলস্য কৃত্যং কিমিতি শ্রুতিমূলশালিনী চিন্ত্যম্ ॥ ১৭॥
নীলোত্পলস্য কৃত্যং কিমিতি শ্রুতিমূলশালিনী চিন্ত্যম্ ॥ ১৭॥
বন্দীকৃতং কটাক্ষৈরিন্দীবরমেতদিন্দিরে ! শ্রবসি ।
ন্যস্তং পুনঃ পুনস্তন্নিত্যং শঙ্কীব বীক্ষতে চক্ষুঃ ॥ ১৮॥
ন্যস্তং পুনঃ পুনস্তন্নিত্যং শঙ্কীব বীক্ষতে চক্ষুঃ ॥ ১৮॥
নযনমুদঞ্চত্করুণং নানাশৃঙ্গারমঙ্গল়াকারম্ ।
দেবি ত্বদাশ্রিতানাং কর্ণমতিক্রব্য কাইক্ষিতং দত্তে ॥ ১৯॥
দেবি ত্বদাশ্রিতানাং কর্ণমতিক্রব্য কাইক্ষিতং দত্তে ॥ ১৯॥
কল্লোলিনীশকন্যে ! ত্বল্লোচনকান্তিলিপ্সযা কিং বা ।
দ্বিজরাজপাদসেবাং জীবঞ্জীবঃ করোতি সর্বোঽপি ॥ ২০॥
দ্বিজরাজপাদসেবাং জীবঞ্জীবঃ করোতি সর্বোঽপি ॥ ২০॥
স্ফুরতি তব শ্রুত্যন্তে পতিরিতি যত্ প্রাহুরম্ব ! বেদবিদঃ ।
শ্রুত্যন্তমেতি তত্তে দৃষ্টিঃ কান্তাবলোকনাসক্তা ॥ ২১॥
শ্রুত্যন্তমেতি তত্তে দৃষ্টিঃ কান্তাবলোকনাসক্তা ॥ ২১॥
উল্লঙ্ঘিতশ্রুতীনামুদধিসুতে ! শোভনং নহীতি মৃষা ।
যেন তবেদং ব্যক্তং শ্রুতিপথমুল্লঙ্ঘ্য শোভনং নযনম্ ॥ ২২॥
যেন তবেদং ব্যক্তং শ্রুতিপথমুল্লঙ্ঘ্য শোভনং নযনম্ ॥ ২২॥
শ্রুত্যন্তে কৃতবসতিঃ পাদ্মরুচিং তে প্রকাশযন্ত্যব্জে ! ।
পরমার্গদৃষ্টিসৃষ্টাং দৃষ্টিরিযং বৈষ্ণবীং চ দূষযতি ॥ ২৩॥
পরমার্গদৃষ্টিসৃষ্টাং দৃষ্টিরিযং বৈষ্ণবীং চ দূষযতি ॥ ২৩॥
দেবি ! নিমিত্তগুণস্য ক্বাপি ন দৃষ্টং হি কার্যসঙ্ক্রমণম্ ।
অনৃতমিতীদং বচনং যত্বদপাঙ্গাদনঙ্গসদ্ভাবঃ ॥ ২৪॥
অনৃতমিতীদং বচনং যত্বদপাঙ্গাদনঙ্গসদ্ভাবঃ ॥ ২৪॥
আদ্যাবতারশোভামঙ্গীকুর্বাণসাত্মনাথস্য ।
নিরুপমসুষমং কো বা চক্ষুস্তব দেবি ! দক্ষিণঃ স্তোতুম্ ॥ ২৫॥
নিরুপমসুষমং কো বা চক্ষুস্তব দেবি ! দক্ষিণঃ স্তোতুম্ ॥ ২৫॥
অসৃজত্ কমলং ধাতা তুলনাং দেবীক্ষণস্য তে বাঞ্ছন্ ।
অসদৃশভাবাদমুনা নাম প্রাপ্তং জলজমিত্যুচিতম্ ॥ ২৬॥
অসদৃশভাবাদমুনা নাম প্রাপ্তং জলজমিত্যুচিতম্ ॥ ২৬॥
লোকজনন্যতিভাস্বল্লোচনশফরীবিরাজমানং তে ।
কান্তং নাসাবংশং কেতুং মদনস্য কে ন শংসন্তি ॥ ২৭॥
কান্তং নাসাবংশং কেতুং মদনস্য কে ন শংসন্তি ॥ ২৭॥
ত্বনাসিকাত্তগন্ধস্ত্রপযেবাঘোমুখস্তিলপ্রসবঃ ।
মুহুরশ্রূণি প্রাযো মুঞ্চতি মাতর্মরন্দবিন্দুমিষাত্ ॥ ২৮॥
মুহুরশ্রূণি প্রাযো মুঞ্চতি মাতর্মরন্দবিন্দুমিষাত্ ॥ ২৮॥
নাসামৌক্তিকমেতন্মন্যে বারাশিকন্যকে! ধন্যম্ ।
তব মুখতারাধিপতেঃ কামাদেকং কল়ঞমঙ্গগতম্ ॥ ২৯॥
তব মুখতারাধিপতেঃ কামাদেকং কল়ঞমঙ্গগতম্ ॥ ২৯॥
মুক্তোত্পত্তিস্থানং সরসিজমিতি যত্ সমস্তকবিসিদ্ধম্ ।
তদ্বযক্তীকরণং তে নাসামুক্তাফলস্য দেবি ! ফলম্ ॥ ৩০॥
তদ্বযক্তীকরণং তে নাসামুক্তাফলস্য দেবি ! ফলম্ ॥ ৩০॥
পরিভূতকুন্দকুসুমং ভাসা নাসাগ্রভাস্বরং পদ্মে ! ।
মুক্তাফলং মুরারের্মোহনগুডিকেব মান্মথী ভাতি ॥ ৩১॥
মুক্তাফলং মুরারের্মোহনগুডিকেব মান্মথী ভাতি ॥ ৩১॥
ভাসা বিরাজমানং নাসামুক্তাফলং মম স্ফুরতি ।
অম্ব ! তবাননপদ্মে স্মিতরুচিহংসীপ্রসূতমণ্ডমিব ॥ ৩২॥
অম্ব ! তবাননপদ্মে স্মিতরুচিহংসীপ্রসূতমণ্ডমিব ॥ ৩২॥
দুর্বৃত্তঃ খলু লোকে কমলে ! কুর্যাত্ সতাং তিরস্কারম্ ।
নিত্যসুবৃত্তেন কথং নাসামণিনা সতাং তিরস্কারঃ ॥ ৩৩॥
নিত্যসুবৃত্তেন কথং নাসামণিনা সতাং তিরস্কারঃ ॥ ৩৩॥
কর্ণেন তেঽব্ধিকন্যে! তাটঙ্কাদেঃ প্রতীযতে শোভা ।
কর্ণস্য হি স্বভাবঃ শ্রীমন্তং যত্ স্বমাশ্রযং কুরুতে ॥ ৩৪॥
কর্ণস্য হি স্বভাবঃ শ্রীমন্তং যত্ স্বমাশ্রযং কুরুতে ॥ ৩৪॥
তর্কো মমাব্ধিকন্যে! হাটকতাটঙ্কচক্রমর্ক ইতি ।
যদ্যেতদেষ ন স্যাত্ কর্ণাসক্তিঃ কথং ভবেদস্য ॥ ৩৫॥
যদ্যেতদেষ ন স্যাত্ কর্ণাসক্তিঃ কথং ভবেদস্য ॥ ৩৫॥
ভাতি কপোলঃ কমলে! পত্যুঃ শৃঙ্গারমণিমযাদর্শঃ ।
প্রতিফলিততন্মুখোঽযং হৃদ ইব সোঽধোবিকস্বরাম্বুরুহঃ ॥ ৩৬॥
প্রতিফলিততন্মুখোঽযং হৃদ ইব সোঽধোবিকস্বরাম্বুরুহঃ ॥ ৩৬॥
মধুরবচোগণনাযাং মাতস্ত্বদ্গীরভূদিযং প্রথমা ।
নৈব দ্বিতীযবার্তা কোকিলবাদে কুতো নু পঞ্চমতা ॥ ৩৭॥
নৈব দ্বিতীযবার্তা কোকিলবাদে কুতো নু পঞ্চমতা ॥ ৩৭॥
সাম্যাভিলাষদোষং সম্মার্ষ্টুং ত্বদ্বিরা চিরাদিক্ষোঃ ।
চক্রে পঞ্চশরস্তং চাপানমনাপদেশতঃ প্রণতম্ ॥ ৩৮॥
চক্রে পঞ্চশরস্তং চাপানমনাপদেশতঃ প্রণতম্ ॥ ৩৮॥
অর্ণবকন্যে ! ধন্যামাকর্ণযতস্ত্বদীরিতাং বাচম্ ।
শুকপিকবচনশ্রবণং শ্রুতিপুটকটু দেবি ! কস্য বা ন ভবেত্ ॥ ৩৯॥
শুকপিকবচনশ্রবণং শ্রুতিপুটকটু দেবি ! কস্য বা ন ভবেত্ ॥ ৩৯॥
কস্য গিরস্তে শ্রোতুঃ কমলে বদনারবিন্দকন্দল়িতাঃ ।
ন ভবেন্মহতী প্রীতির্নারদমেকং বিনা মুনীশানম্ ॥ ৪০॥
ন ভবেন্মহতী প্রীতির্নারদমেকং বিনা মুনীশানম্ ॥ ৪০॥
মকরন্দাঃ সুনরসাঃ শুকপিকবাচোঽপি বিস্বরা যেন ।
বীণাঃ পরিবাদিন্যস্তেন কিলাব্জে ! তবোপমা ন গিরাম্ ॥ ৪১॥
বীণাঃ পরিবাদিন্যস্তেন কিলাব্জে ! তবোপমা ন গিরাম্ ॥ ৪১॥
অম্বাভিজাতবাণীধনরসমাধুর্যচৌর্যকারী তে ।
অতিমর্দনাসহিষ্ণুর্মুষিতরসানেষ মুঞ্চতীবেক্ষুঃ ॥ ৪২॥
অতিমর্দনাসহিষ্ণুর্মুষিতরসানেষ মুঞ্চতীবেক্ষুঃ ॥ ৪২॥
নীরতযেব মরন্দো ভাব্যশ্শ্রবণে তবাব্ধিজে ! বাচাম্ ।
স্বাদিত এব সুধাযাঃ স্বাদ্যেতি খ্যাতিরপি ন মাধুর্যাত্ ॥ ৪৩॥
স্বাদিত এব সুধাযাঃ স্বাদ্যেতি খ্যাতিরপি ন মাধুর্যাত্ ॥ ৪৩॥
অধরেণ বন্ধুজীবং মুখতঃ প্রাভাতিকং চ রাজীবম্ ।
দূরীকরোষি কিং বা দেবি ! ত্বং সর্বজীবকরুণার্দ্রা ॥ ৪৪॥
দূরীকরোষি কিং বা দেবি ! ত্বং সর্বজীবকরুণার্দ্রা ॥ ৪৪॥
অন্তে বসন্ দ্বিজানামবদাতানামতিস্ফুরদ্রূপঃ ।
অম্ব ! তবাধিকমধরো বিম্বপ্রতিবিম্বযোগ্যোঽভূত্ ॥ ৪৫॥
অম্ব ! তবাধিকমধরো বিম্বপ্রতিবিম্বযোগ্যোঽভূত্ ॥ ৪৫॥
সন্ততপল্লবযোগে মুক্তির্ন শুচেরপীতি বাঙ্ মিথ্যা ।
দেবি! তবাধর পল্লবসংযোগেঽধ্যমলা দ্বিজা মুক্তাঃ ॥ ৪৬॥
দেবি! তবাধর পল্লবসংযোগেঽধ্যমলা দ্বিজা মুক্তাঃ ॥ ৪৬॥
তব তটিনীপতিকন্থে ! দ্বিজপটলী বদনশুক্তিমুক্তাশ্রীঃ ।
অতনুযশোবীজানামঙ্কুরপঙ্ক্তিঃ পরিস্ফুরন্তীব ॥ ৪৭॥
অতনুযশোবীজানামঙ্কুরপঙ্ক্তিঃ পরিস্ফুরন্তীব ॥ ৪৭॥
বদনং সুধাকরস্তে বারিধিকন্যে ! ন তত্র সন্দেহঃ ।
বচনাপদেশমেতন্নো চেদমৃতং কথং ততঃ প্রভবেত্ ॥ ৪৮॥
বচনাপদেশমেতন্নো চেদমৃতং কথং ততঃ প্রভবেত্ ॥ ৪৮॥
ভ্রূযুগল়ং ভৃগুতনযে ! কুসুমশরস্যেব সব্যসাচিতযা ।
আরোপিতাক্ষিবাণং কোদণ্ডদ্বন্দ্বমিতি মতিং দত্তে ॥ ৪৯॥
আরোপিতাক্ষিবাণং কোদণ্ডদ্বন্দ্বমিতি মতিং দত্তে ॥ ৪৯॥
অব্জদ্বযমপি বিজিতং তব কমলে! বক্ত্রশোভযা তত্র ।
অম্বরমেকং শরণং শম্বরমপরং চ সত্বরং প্রাপত্ ॥ ৫০॥
অম্বরমেকং শরণং শম্বরমপরং চ সত্বরং প্রাপত্ ॥ ৫০॥
চন্দ্রোঽভবদ্ বিষাদী চারু মুখং দেবি! তাবকং বীক্ষ্য ।
কুক্ষিগতং গরমস্য প্রাহুঃ পঙ্কং কল়ঙ্কমিত্যেকে ॥ ৫১॥
কুক্ষিগতং গরমস্য প্রাহুঃ পঙ্কং কল়ঙ্কমিত্যেকে ॥ ৫১॥
বিজিতস্ত্বন্মুখকান্ত্যা দেবি ! নিরাশো নিশাকরো জীবে ।
ভৃগুপতনং কুরুতেঽসাবস্তমথ ব্যাজতোঽন্বহং তূর্ণম্ ॥ ৫২॥
ভৃগুপতনং কুরুতেঽসাবস্তমথ ব্যাজতোঽন্বহং তূর্ণম্ ॥ ৫২॥
অম্ব ! যতস্তে নিতরামাননকান্ত্যা তৃণীকৃতশ্চন্দ্রঃ ।
আতঃ কিল তৃণবুদ্ধযা মুঞ্চতি নৈনং মৃগঃ কদাচিদপি ॥ ৫৩॥
আতঃ কিল তৃণবুদ্ধযা মুঞ্চতি নৈনং মৃগঃ কদাচিদপি ॥ ৫৩॥
দেবি ! তবাননতুলনামভিলষতাং সাগসাং সরোজানাম্ ।
মজ্জনমপ্সু চ বন্ধঃ শৈবলপাশেন ষট্পদৈঃ প্রসৃতিঃ ॥ ৫৪॥
মজ্জনমপ্সু চ বন্ধঃ শৈবলপাশেন ষট্পদৈঃ প্রসৃতিঃ ॥ ৫৪॥
দ্বিজরাজস্যাপ্যব্জে ! ত্বদ্বক্ত্রেণোপমানরহিতেন ।
সমতাভিলাষদোষাদ্দোষাকরতা বিধোর্দুরন্তাভৃত্ ॥ ৫৫॥
সমতাভিলাষদোষাদ্দোষাকরতা বিধোর্দুরন্তাভৃত্ ॥ ৫৫॥
পদ্মে ! পরস্বহরণং দোষাযেতি প্রভাষণং মিথ্যা ।
অপহৃত্য রাজলক্ষ্মীমপদোষং যদ্বিভাতি তে বক্ত্রেম্ ॥ ৫৬॥
অপহৃত্য রাজলক্ষ্মীমপদোষং যদ্বিভাতি তে বক্ত্রেম্ ॥ ৫৬॥
নির্জিত্য নীরজাতং নিখিলং মুরবৈরিসুন্দরি ! মুখেন ।
আসনমাকলিতং তে নূনং পদ্মাসনাসি তেনৈব ॥ ৫৭॥
আসনমাকলিতং তে নূনং পদ্মাসনাসি তেনৈব ॥ ৫৭॥
ত্বদ্বদনাভিভবোদ্যত্তাপাতিশযং দিবানিশং পদ্মম্ ।
অম্ভসি বাসং কুরুতে নূনং তস্যাপনোদনাযাব্জে ! ॥ ৫৮॥
অম্ভসি বাসং কুরুতে নূনং তস্যাপনোদনাযাব্জে ! ॥ ৫৮॥
সন্ততমিত্রবিরোধী দোষাসক্তঃ কলঙ্কবানিন্দুঃ ।
তব বদনেন কথং বা কমলে! কল্যাণগুণভুবা তুল্যঃ ॥ ৫৯॥
তব বদনেন কথং বা কমলে! কল্যাণগুণভুবা তুল্যঃ ॥ ৫৯॥
দেবি! তবাননচন্দ্রপ্রসাদভিক্ষাটনেন রাজাপি ।
পূর্ণশ্চন্দ্রিকযাহো জীবঞ্জীবস্য তৃপ্তিমাতনুতে ॥ ৬০॥
পূর্ণশ্চন্দ্রিকযাহো জীবঞ্জীবস্য তৃপ্তিমাতনুতে ॥ ৬০॥
ত্বত্কণ্ঠকান্তিভাগ্যং দৃষ্ট্বা শঙ্খাস্সহস্রশো দেবি ! ।
তল্লাভায পযোধেরন্তং গত্বা চিরং তপস্যন্তি ॥ ৬১॥
তল্লাভায পযোধেরন্তং গত্বা চিরং তপস্যন্তি ॥ ৬১॥
কণ্ঠেন তে হৃতশ্রীঃ কমলে ! বিমলোঽপি সন্ততং কম্বুঃ ।
ঘুমুঘুমুনিনদব্যাজাত্ ক্রোশতি রাজ্ঞাং পুরঃ সমযদর্শী ॥ ৬২॥
ঘুমুঘুমুনিনদব্যাজাত্ ক্রোশতি রাজ্ঞাং পুরঃ সমযদর্শী ॥ ৬২॥
ত্বত্কণ্ঠকান্তিজনিতং ভঞ্জনমাখ্যাতুমুদ্যতা জলজাঃ ।
বিস্তৃতজনশব্দতযা পদ্মিন্যাম্রেডযন্তি ভং ভমিতি ॥ ৬৩॥
বিস্তৃতজনশব্দতযা পদ্মিন্যাম্রেডযন্তি ভং ভমিতি ॥ ৬৩॥
কম্বুভ্রমেণ কণ্ঠং চক্রভ্রান্ত্যা নিতম্ববিম্বমপি ।
পরিমৃশতি তে করাভ্যাং পতিরতিদুর্ভেদশঙ্খচক্রাভ্যাম্ ॥ ৬৪॥
পরিমৃশতি তে করাভ্যাং পতিরতিদুর্ভেদশঙ্খচক্রাভ্যাম্ ॥ ৬৪॥
বাহূ শিরীষমালামার্দবকীতন্দুমর্দনে রাহূ ।
সেতূ সমগ্রশোভাসিন্ধোর্মন্যে সমুদ্রকন্যে ! তে ॥ ৬৫॥
সেতূ সমগ্রশোভাসিন্ধোর্মন্যে সমুদ্রকন্যে ! তে ॥ ৬৫॥
অতিসুরভিঃ করপদ্মো বাঞ্ছিতদানৈর্ন কেবলং গন্ধৈঃ ।
বারিধিপুত্রি ! বদান্যং কবিমুক্তং দেবি! কল্পমাতনুতে ॥ ৬৬॥
বারিধিপুত্রি ! বদান্যং কবিমুক্তং দেবি! কল্পমাতনুতে ॥ ৬৬॥
দেবি ! করেণ ভবত্যা দত্তসমস্তেপ্সিতেন ভক্তানাম্ ।
স্পর্শনদূরীকরণং সোদরগীর্বাণশাখিনামুচিতম্ ॥ ৬৭॥
স্পর্শনদূরীকরণং সোদরগীর্বাণশাখিনামুচিতম্ ॥ ৬৭॥
দেবি ! তবাননভাসা পরিভূতঃ পর্বচন্দ্রমা নূনম্ ।
তেন হি শশ্বত্ পরিধিব্যাজপ্রাকারমধ্যমধ্যাস্তে ॥ ৬৮॥
তেন হি শশ্বত্ পরিধিব্যাজপ্রাকারমধ্যমধ্যাস্তে ॥ ৬৮॥
পদ্মকুলং পরিভূতং পদ্মে ! ত্বত্পাণিপদ্মরাগেণ ।
তত্প্রেষিতং সদৈকং ত্বত্পাণিং সেবতে সরোজাতম্ ॥ ৬৯॥
তত্প্রেষিতং সদৈকং ত্বত্পাণিং সেবতে সরোজাতম্ ॥ ৬৯॥
অনুদিনমর্কাভিমুখং বনভুবি শৈবালবল্কলং কমলম্ ।
তপ্ত্বা তপোঽতিতীব্রং প্রাপত্ ত্বত্পাণিপদ্মসাধর্ম্যম্ ॥ ৭০॥
তপ্ত্বা তপোঽতিতীব্রং প্রাপত্ ত্বত্পাণিপদ্মসাধর্ম্যম্ ॥ ৭০॥
হারা বিভান্তি গৌরা হরিদযিতে ! তে মুখোডুরাজস্য ।
সেবার্থমাগতানাং তারাণামিব গণাঃ পুরোগাণাম্ ॥ ৭১॥
সেবার্থমাগতানাং তারাণামিব গণাঃ পুরোগাণাম্ ॥ ৭১॥
হারলতা তব পদ্মে ! সুকুমারস্যাঙ্গভূকুমারস্য ।
ক্রীডামৃণাল়ডোল়াশঙ্কাং নাঙ্ক্রূরযত্যসৌ কস্য ॥ ৭২॥
ক্রীডামৃণাল়ডোল়াশঙ্কাং নাঙ্ক্রূরযত্যসৌ কস্য ॥ ৭২॥
তব কুচগিরিতটবাসী কৃতরোমাল়ীনকন্যকাস্নানঃ ।
কশ্চন মুক্তাহারো যোগীবাভাতি নিত্যশুদ্ধাত্মা ॥ ৭৩॥
কশ্চন মুক্তাহারো যোগীবাভাতি নিত্যশুদ্ধাত্মা ॥ ৭৩॥
উন্নতিমুরোজযুগ্মে ! পদ্মে দৃষ্টৈব পর্বতাস্ত্রপযা ।
উদধৌ চিরং নিলীনা ভীত্যা শক্রাদিতি প্রথামাত্রম্ ॥ ৭৪॥
উদধৌ চিরং নিলীনা ভীত্যা শক্রাদিতি প্রথামাত্রম্ ॥ ৭৪॥
তব কুচকুম্ভদ্বন্দ্বে বদ্ধস্পর্ধানি ডাডিমফলানি ।
তুলনাহীনাঃ কীরাস্তুণ্ডৈরেতানি খণ্ডযন্ত্যব্জে ! ॥ ৭৫॥
তুলনাহীনাঃ কীরাস্তুণ্ডৈরেতানি খণ্ডযন্ত্যব্জে ! ॥ ৭৫॥
কোদণ্ডস্য পুরারেরুদ্দণ্ডস্যাপি হন্ত বাণস্য ।
কবল়ীকুরুতে মানং পুগল়ী কুচযোস্তবেন্দিরে ! যুগপত্ ॥ ৭৬॥
কবল়ীকুরুতে মানং পুগল়ী কুচযোস্তবেন্দিরে ! যুগপত্ ॥ ৭৬॥
সন্ততমুক্তাহারাবপি তব পীনৌ পযোধরৌ ভাতঃ ।
তেন কথং পীনত্বং দেবি ! ভবেদ্রাত্রিভোজনে মানম্ ॥ ৭৭॥
তেন কথং পীনত্বং দেবি ! ভবেদ্রাত্রিভোজনে মানম্ ॥ ৭৭॥
কনকমহীঘরগৌরবকবলীকরণাদিবাতিপীনমপি ।
মুক্তাহারবদাস্তে স্তনযুগলং দেবি ! তাবকং চিত্রম্ ॥ ৭৮॥
মুক্তাহারবদাস্তে স্তনযুগলং দেবি ! তাবকং চিত্রম্ ॥ ৭৮॥
ইতি কিল দর্শনরীতিঃ কার্যমুপাদানকারণাভিত্রম্ ।
দেবি! তব স্তনকুম্ভৌ চক্রাভিন্নৌ কথং ন দৃশ্যেতে ॥ ৭৯॥
দেবি! তব স্তনকুম্ভৌ চক্রাভিন্নৌ কথং ন দৃশ্যেতে ॥ ৭৯॥
কলযতি দণ্ডঃ কলশং সর্বৈর্বহুশঃ শ্রুতং চ দৃষ্টং চ ।
জননি ! তব স্তনকলশো জনযতি মধুবৈরিমানদণ্ডমহো ! ॥ ৮০॥
জননি ! তব স্তনকলশো জনযতি মধুবৈরিমানদণ্ডমহো ! ॥ ৮০॥
সর্বারীণাং জেতা দুর্বারেণৈব দেবি! চক্রেণ ।
হন্ত কথং তে বিজিতঃ কান্তো বক্ষোরুহাত্মচক্রেণ ॥ ৮১॥
হন্ত কথং তে বিজিতঃ কান্তো বক্ষোরুহাত্মচক্রেণ ॥ ৮১॥
কল্লোলিনীশকন্যে ! কলযে রোমাবলিপ্রভেদেন ।
তব কান্তিবার্ধিমধ্যে নবজলদশ্যামকো হরিঃ শেতে ॥ ৮২॥
তব কান্তিবার্ধিমধ্যে নবজলদশ্যামকো হরিঃ শেতে ॥ ৮২॥
নামীসরোবনান্তঃ ক্রীডন্মদনদ্বিপাধিপোত্ক্ষিতাম্ ।
শৈবালবল্লরীং তে রোমলতাং দেবি ! কথযন্তি ॥ ৮৩॥
শৈবালবল্লরীং তে রোমলতাং দেবি ! কথযন্তি ॥ ৮৩॥
মধ্যঃ প্রথমং মানং মহিতগুণৌঘস্তবানুমানমপি ।
বপুরপ্যুপমিতিশব্দং দূরীকুরুতেঽম্ব ! কেন বর্ণ্যাসি ॥ ৮৪॥
বপুরপ্যুপমিতিশব্দং দূরীকুরুতেঽম্ব ! কেন বর্ণ্যাসি ॥ ৮৪॥
তব কুচকুম্ভস্য গুরোরন্তেবাসী বিবেকহীনস্য ।
দর্শনযোগ্যো নাভূন্মধ্যস্তে দেবি ! নাস্তিবাদরতঃ ॥ ৮৫॥
দর্শনযোগ্যো নাভূন্মধ্যস্তে দেবি ! নাস্তিবাদরতঃ ॥ ৮৫॥
প্রত্যক্ষাবিষযত্বাদতিরিক্তত্বাদনঙ্গজনকত্বাত্ ।
দেবি ! বলিশ্রীভজনান্মধ্যস্তে কান্তবিভ্রমং তনুতে ॥ ৮৬॥
দেবি ! বলিশ্রীভজনান্মধ্যস্তে কান্তবিভ্রমং তনুতে ॥ ৮৬॥
চিন্তামণিবাদস্তে করযোর্দ্দশি কামশাস্ত্রবাদোঽব্জে ! ।
মধ্যে মাযাবাদো গৌরববাদঃ পযোধরদ্বন্দ্বে ॥ ৮৭॥
মধ্যে মাযাবাদো গৌরববাদঃ পযোধরদ্বন্দ্বে ॥ ৮৭॥
মহদণুপরিমাণগতং বিশ্রান্তং দেবি তারতম্যং তে ।
বক্ষোরুহে চ মধ্যে ন ব্যোমাদৌ ন চাপি পরমাণৌ ॥ ৮৮॥
বক্ষোরুহে চ মধ্যে ন ব্যোমাদৌ ন চাপি পরমাণৌ ॥ ৮৮॥
কঠিনাত্মাঘঃ কুরুতে সর্বং কমলে! কৃথং সনামিগতম্ ।
দৃষ্টমিতীদমুরোজে মধ্যং কৃশমেব কুর্বতি স্পষ্টম্ ॥ ৮৯॥
দৃষ্টমিতীদমুরোজে মধ্যং কৃশমেব কুর্বতি স্পষ্টম্ ॥ ৮৯॥
তুঙ্গপযোধরশৈলদ্বন্দ্বোদ্বহনেন সন্ততং দেবি ! ।
পশ্যামি কার্যমুচিতং মধ্যস্য শ্রীমতোঽপি তে মাতঃ ! ॥ ৯০॥
পশ্যামি কার্যমুচিতং মধ্যস্য শ্রীমতোঽপি তে মাতঃ ! ॥ ৯০॥
তব রোমরাজিযমুনানিত্যস্ফীতেঽপি মধ্যদেশেঽস্মিন্ ।
ক্ষামকথা কথমব্জে ! নাভীসরসীপরিষ্কৃতেঽপি সদা ॥ ৯১॥
ক্ষামকথা কথমব্জে ! নাভীসরসীপরিষ্কৃতেঽপি সদা ॥ ৯১॥
রোমাল়িযূপদণ্ডে চিতপশুং বদ্ধুমম্ব ! তে পত্যুঃ ।
সম্পাদিতেব রশনা ত্রিবলিমিষেণাঙ্গজন্মনাধ্বরিণা ॥ ৯২॥
সম্পাদিতেব রশনা ত্রিবলিমিষেণাঙ্গজন্মনাধ্বরিণা ॥ ৯২॥
আভাতি নাভিরব্জে ! তব তনুজনুষা নিষাদবীরেণ ।
পাতযিতুং হরিচিত্তং মত্তভং সম্ভৃতো যথা গর্তঃ ॥ ৯৩॥
পাতযিতুং হরিচিত্তং মত্তভং সম্ভৃতো যথা গর্তঃ ॥ ৯৩॥
শঙ্কে তবাম্ব ! নাভিং শম্বররিপুণা বিজিত্য দৈত্যারিম্ ।
রোমাল়িনীলরত্নস্তম্ভনিখাতায সম্ভৃতং বভ্রম্ ॥ ৯৪॥
রোমাল়িনীলরত্নস্তম্ভনিখাতায সম্ভৃতং বভ্রম্ ॥ ৯৪॥
নিবসন্তি যেঽধিকাঞ্চি প্রাযঃ শুদ্ধা ভবন্তি তে মুক্তাঃ ।
ইতি মণিরশনাংবিকসন্মুক্তাবল্যাম্ব ! দর্শযস্যদ্ধা ॥ ৯৫॥
ইতি মণিরশনাংবিকসন্মুক্তাবল্যাম্ব ! দর্শযস্যদ্ধা ॥ ৯৫॥
অবনতমৌলিরিযং ত্বামঞ্জলিমভিনীয কুসুমকোশমিষাত্ ।
রম্ভা তবোরুবিজিতা সম্ভাবযতীতি মে তর্কঃ ॥ ৯৬॥
রম্ভা তবোরুবিজিতা সম্ভাবযতীতি মে তর্কঃ ॥ ৯৬॥
কুম্ভীন্দ্রকুম্ভবৃত্তং জানুদ্বন্দ্বং তবাপ্রতিদ্বন্দ্বম্ ।
হন্ত হরেরপি ধৈর্যং হরতে দুর্ধর্ষমব্ধিরাজসুতে ! ॥ ৯৭॥
হন্ত হরেরপি ধৈর্যং হরতে দুর্ধর্ষমব্ধিরাজসুতে ! ॥ ৯৭॥
জঙ্ঘা নিষঙ্গশঙ্কামঙ্কূরযত্যঙ্গজেন্মনো দেবি ! ।
তত্ খলু তদগ্রভাগে পশ্চশরস্ফূর্তিমঙ্গুলিব্যাজাত্ ॥ ৯৮॥
তত্ খলু তদগ্রভাগে পশ্চশরস্ফূর্তিমঙ্গুলিব্যাজাত্ ॥ ৯৮॥
তব পদভাবঃ প্রাপ্তস্তামরসেনেতি নাত্র সন্দেহঃ ।
কথমন্যথা স যোগো ভাবী কান্তেন হংসকেনাব্জে ! ॥ ৯৯॥
কথমন্যথা স যোগো ভাবী কান্তেন হংসকেনাব্জে ! ॥ ৯৯॥
পাদতলে পরিদৃশ্যং পদ্মে ! রেখাত্মনা স্বযং গূঢম্ ।
তব চরণশ্রীমিক্ষাচরণং বিদধাতি সজ্যমম্বুরুহম্ ॥ ১০০॥
তব চরণশ্রীমিক্ষাচরণং বিদধাতি সজ্যমম্বুরুহম্ ॥ ১০০॥
অর্কোঽপি যস্য ভজনাদজনি শ্রীমাননেন জনিতশ্রীঃ ।
পদ্মং কথং নু তুলনামর্হতি পাদেন তাবকেনাব্জে ! ॥ ১০১॥
পদ্মং কথং নু তুলনামর্হতি পাদেন তাবকেনাব্জে ! ॥ ১০১॥
জলজং কৃতসঙ্কোচং দ্বিজরাজস্থাপি দর্শনে দেবি ! ।
মানিতমধুপং শিরসা কথমধিরোহেত্ পদেন তে তুলনাম্ ॥ ১০২॥
মানিতমধুপং শিরসা কথমধিরোহেত্ পদেন তে তুলনাম্ ॥ ১০২॥
সাম্রাজ্যেঽম্বুরুহাণাং তব পদমীডেঽভিষিচ্যমানমিব ।
জানুস্মৃতাং জনানাং হেতুঃ সঞ্চিন্তিতার্থসিদ্ধীনাম্ ॥ ১০৩॥
জানুস্মৃতাং জনানাং হেতুঃ সঞ্চিন্তিতার্থসিদ্ধীনাম্ ॥ ১০৩॥
মদনদরীজনকবরীনলিনৈরুদ্যন্মরন্দসংসারে ।
পাতু পরাকৃতপদ্মং মাতুর্জগতাং পদাম্বুজাতং মাম্ ॥ ১০৪॥
পাতু পরাকৃতপদ্মং মাতুর্জগতাং পদাম্বুজাতং মাম্ ॥ ১০৪॥
সম্ভাবিতাপচারং জ্ঞানাজ্ঞানাত্তব স্তুতিব্যাজাত্ ।
দেবি সহস্ব দযালো ! দেহি মম শ্রীপতৌ পরাং ভক্তিম্ ॥ ১০৫॥
দেবি সহস্ব দযালো ! দেহি মম শ্রীপতৌ পরাং ভক্তিম্ ॥ ১০৫॥
জগতি খ্যাতিরশেষাত্ত্বকুলেযেতি সর্বসিদ্ধান্তম্ ।
জননি কথং তে খ্যাতেরুত্পত্তিঃ শ্রূযতে পুরাণাদৌ ॥ ১০৬॥
জননি কথং তে খ্যাতেরুত্পত্তিঃ শ্রূযতে পুরাণাদৌ ॥ ১০৬॥
যজ্ঞবরাহঃ শ্রীমান্ বাধূলম্বালজো ধীমান্ ।
লক্ষ্মী শতকমতানীদক্ষীণানন্দকন্দল়ীকন্দম্ ॥ ১০৭॥
লক্ষ্মী শতকমতানীদক্ষীণানন্দকন্দল়ীকন্দম্ ॥ ১০৭॥
॥ ইতি যজ্ঞবরাহকৃতং লক্ষ্মীশতকং সম্পূর্ণম্ ॥