॥ શ્રી મહાત્રિપુરસુન્દરી હૃદયમ્ ॥
અસ્ય શ્રી મહાત્રિપુરસુન્દરી હૃદય સ્તોત્ર મહામન્ત્રસ્ય, શ્રી આનન્દભૈરવ ઋષિઃ, દેવી ગાયત્રી છન્દઃ, શ્રી મહાત્રિપુરસુન્દરી દેવતા, ઐં બીજં, સૌઃ શક્તિઃ, ક્લીં કીલકં, ધર્માર્થકામમોક્ષાર્થે જપે વિનિયોગઃ ।
ધ્યાનમ્
બાલાર્કમણ્ડલાભાસાં ચતુર્બાહું ત્રિલોચનામ્ ।
પાશાઙ્કુશધનુર્બાણાન્ ધારયન્તીં શિવાં ભજે ॥
પાશાઙ્કુશધનુર્બાણાન્ ધારયન્તીં શિવાં ભજે ॥
વન્દે સિન્દૂરવર્ણાભં વામોરુન્યસ્તવલ્લભમ્ ।
ઇક્ષુવારિધિમધ્યસ્થમિભરાજમુખં મહઃ ॥ ૧ ॥
ઇક્ષુવારિધિમધ્યસ્થમિભરાજમુખં મહઃ ॥ ૧ ॥
ગમ્ભીરલહરીજાલગણ્ડૂષિતદિગન્તરઃ ।
અવ્યાન્મામમૃતામ્ભોધિરનર્ઘમણિસમ્યુતઃ ॥ ૨ ॥
અવ્યાન્મામમૃતામ્ભોધિરનર્ઘમણિસમ્યુતઃ ॥ ૨ ॥
મધ્યે તસ્ય મનોહારિ મધુપારવમેદુરમ્ ।
પ્રસૂનવિગલન્માધ્વીપ્રવાહપરિપૂરિતમ્ ॥ ૩ ॥
પ્રસૂનવિગલન્માધ્વીપ્રવાહપરિપૂરિતમ્ ॥ ૩ ॥
કિન્નરીગાનમેદસ્વિ ક્રીડાકન્દરદન્તુરમ્ ।
કાઞ્ચનદ્રુમધૂલીભિઃ કલ્પિતાવાલવદ્દ્રુમમ્ ॥ ૪ ॥
કાઞ્ચનદ્રુમધૂલીભિઃ કલ્પિતાવાલવદ્દ્રુમમ્ ॥ ૪ ॥
મુગ્ધકોકિલનિક્વાણમુખરીકૃતદિઙ્મુખમ્ ।
મન્દારતરુસન્તાનમઞ્જરીપુઞ્જપિઞ્જરમ્ ॥ ૫ ॥
મન્દારતરુસન્તાનમઞ્જરીપુઞ્જપિઞ્જરમ્ ॥ ૫ ॥
નાસાનાડિન્ધમસ્મેરનમેરુસુમસૌરભમ્ ।
આવૃન્તહસિતામ્ભોજદીવ્યદ્વિભ્રમદીર્ઘિકમ્ ॥ ૬ ॥
આવૃન્તહસિતામ્ભોજદીવ્યદ્વિભ્રમદીર્ઘિકમ્ ॥ ૬ ॥
મન્દરક્તશુકીદષ્ટમાતુલુઙ્ગફલાન્વિતમ્ ।
સવિધસ્યન્દમાનાભ્રસરિત્કલ્લોલવેલ્લિતમ્ ॥ ૭ ॥
સવિધસ્યન્દમાનાભ્રસરિત્કલ્લોલવેલ્લિતમ્ ॥ ૭ ॥
પ્રસૂનપાંસુસૌરભ્યપશ્યતોહરમારુતમ્ ।
વકુલપ્રસવાકીર્ણં વન્દે નન્દનકાનનમ્ ॥ ૮ ॥
વકુલપ્રસવાકીર્ણં વન્દે નન્દનકાનનમ્ ॥ ૮ ॥
તન્મધ્યે નીપકાન્તારં તરણિસ્તમ્ભકારણમ્ ।
મધુપાલિવિમર્દાલિકલક્વાણકરમ્બિતમ્ ॥ ૯ ॥
મધુપાલિવિમર્દાલિકલક્વાણકરમ્બિતમ્ ॥ ૯ ॥
કોમલશ્વશનાધૂતકોરકોદ્ગતધૂલિભિઃ ।
સિન્દૂરિતનભોમાર્ગં ચિન્તિતં સિદ્ધવન્દિભિઃ ॥ ૧૦ ॥
સિન્દૂરિતનભોમાર્ગં ચિન્તિતં સિદ્ધવન્દિભિઃ ॥ ૧૦ ॥
મધ્યે તસ્ય મરુન્માર્ગલમ્બિમાણિક્યતોરણમ્ ।
શાણોલ્લિખિતવૈદૂર્યક્લુપ્તસાલસમાકુલમ્ ॥ ૧૧ ॥
શાણોલ્લિખિતવૈદૂર્યક્લુપ્તસાલસમાકુલમ્ ॥ ૧૧ ॥
માણિક્યસ્તમ્ભપટલીમયૂખવ્યાપ્તદિક્તટમ્ ।
પઞ્ચવિંશતિસાલાઢ્યાં નમામિ નગરોત્તમમ્ ॥ ૧૨ ॥
પઞ્ચવિંશતિસાલાઢ્યાં નમામિ નગરોત્તમમ્ ॥ ૧૨ ॥
તત્ર ચિન્તામણિગૃહં તડિત્કોટિસમુજ્જ્વલમ્ ।
નીલોત્પલસમાકીર્ણનિર્યૂહશતસઙ્કુલમ્ ॥ ૧૩ ॥
નીલોત્પલસમાકીર્ણનિર્યૂહશતસઙ્કુલમ્ ॥ ૧૩ ॥
સોમકાન્તમણિક્લુપ્તસોપાનોદ્ભાસિવેદિકમ્ ।
ચન્દ્રશાલાચરત્કેતુસમાલીઢનભોન્તરમ્ ॥ ૧૪ ॥
ચન્દ્રશાલાચરત્કેતુસમાલીઢનભોન્તરમ્ ॥ ૧૪ ॥
ગારુત્મતમણીક્લુપ્તમણ્ડપવ્યૂહમણ્ડિતમ્ ।
નિત્યસેવાપરામર્ત્યનિબિડદ્વારશોભિતમ્ ॥ ૧૫ ॥
નિત્યસેવાપરામર્ત્યનિબિડદ્વારશોભિતમ્ ॥ ૧૫ ॥
અધિષ્ઠિતં દ્વારપાલૈરસિતોમરપાણિભિઃ ।
નમામિ નાકનારીણાં સાન્દ્રસઙ્ગીતમેદુરમ્ ॥ ૧૬ ॥
નમામિ નાકનારીણાં સાન્દ્રસઙ્ગીતમેદુરમ્ ॥ ૧૬ ॥
તન્મધ્યે તરુણાર્કાભં તપ્તકાઞ્ચનનિર્મિતમ્ ।
શક્રાદિમદ્દ્વારપાલૈઃ સન્તતં પરિવેષ્ટિતમ્ ॥ ૧૭ ॥
શક્રાદિમદ્દ્વારપાલૈઃ સન્તતં પરિવેષ્ટિતમ્ ॥ ૧૭ ॥
ચતુષ્ષષ્ટિમહાવિદ્યાકલાભિરભિસંવૃતમ્ ।
રક્ષિતં યોગિનીબૃન્દૈ રત્નસિંહાસનં ભજે ॥ ૧૮ ॥
રક્ષિતં યોગિનીબૃન્દૈ રત્નસિંહાસનં ભજે ॥ ૧૮ ॥
મધ્યે તસ્ય મરુત્સેવ્યં ચતુર્દ્વારસમુજ્જ્વલમ્ ।
ચતુરસ્રત્રિરેખાઢ્યાં ચારુત્રિવલયાન્વિતમ્ ॥ ૧૯ ॥
ચતુરસ્રત્રિરેખાઢ્યાં ચારુત્રિવલયાન્વિતમ્ ॥ ૧૯ ॥
કલાદલસમાયુક્તં કનદષ્ટદલાન્વિતમ્ ।
ચતુર્દશારસહિતં દશારદ્વિતયાન્વિતમ્ ॥ ૨૦ ॥
ચતુર્દશારસહિતં દશારદ્વિતયાન્વિતમ્ ॥ ૨૦ ॥
અષ્ટકોણયુતં દિવ્યમગ્નિકોણવિરાજિતમ્ ।
યોગિભિઃ પૂજિતં યોગિયોગિનીગણસેવિતમ્ ॥ ૨૧ ॥
યોગિભિઃ પૂજિતં યોગિયોગિનીગણસેવિતમ્ ॥ ૨૧ ॥
સર્વદુઃખપ્રશમનં સર્વવ્યાધિવિનાશનમ્ ।
વિષજ્વરહરં પુણ્યં વિવિધાપદ્વિદારણમ્ ॥ ૨૨ ॥
વિષજ્વરહરં પુણ્યં વિવિધાપદ્વિદારણમ્ ॥ ૨૨ ॥
સર્વદારિદ્ર્યશમનં સર્વભૂપાલમોહનમ્ ।
આશાભિપૂરકં દિવ્યમર્ચકાનામહર્નિશમ્ ॥ ૨૩ ॥
આશાભિપૂરકં દિવ્યમર્ચકાનામહર્નિશમ્ ॥ ૨૩ ॥
અષ્ટાદશસુમર્માઢ્યં ચતુર્વિંશતિસન્ધિનમ્ ।
શ્રીમદ્બિન્દુગૃહોપેતં શ્રીચક્રં પ્રણમામ્યહમ્ ॥ ૨૪ ॥
શ્રીમદ્બિન્દુગૃહોપેતં શ્રીચક્રં પ્રણમામ્યહમ્ ॥ ૨૪ ॥
તત્રૈવ બૈન્દવસ્થાને તરુણાદિત્યસન્નિભમ્ ।
પાશાઙ્કુશધનુર્બાણપરિષ્કૃતકરામ્બુજમ્ ॥ ૨૫ ॥
પાશાઙ્કુશધનુર્બાણપરિષ્કૃતકરામ્બુજમ્ ॥ ૨૫ ॥
પૂર્ણેન્દુબિમ્બવદનં ફુલ્લપઙ્કજલોચનમ્ ।
કુસુમાયુધશૃઙ્ગારકોદણ્ડકુટિલભ્રુવમ્ ॥ ૨૬ ॥
કુસુમાયુધશૃઙ્ગારકોદણ્ડકુટિલભ્રુવમ્ ॥ ૨૬ ॥
ચારુચન્દ્રકલોપેતં ચન્દનાગુરુરૂષિતમ્ ।
મન્દસ્મિતમધૂકાલિકિઞ્જલ્કિતમુખામ્બુજમ્ ॥ ૨૭ ॥
મન્દસ્મિતમધૂકાલિકિઞ્જલ્કિતમુખામ્બુજમ્ ॥ ૨૭ ॥
પાટીરતિલકોદ્ભાસિફાલસ્થલમનોહરમ્ ।
અનેકકોટિકન્દર્પલાવણ્યમરુણાધરમ્ ॥ ૨૮ ॥
અનેકકોટિકન્દર્પલાવણ્યમરુણાધરમ્ ॥ ૨૮ ॥
તપનીયાંશુકધરં તારુણ્યશ્રીનિષેવિતમ્ ।
કામેશ્વરમહં વન્દે કામિતાર્થપ્રદં નૃણામ્ ॥ ૨૯ ॥
કામેશ્વરમહં વન્દે કામિતાર્થપ્રદં નૃણામ્ ॥ ૨૯ ॥
તસ્યાઙ્કમધ્યમાસીનાં તપ્તહાટકસન્નિભામ્ ।
માણિક્યમુકુટચ્છાયામણ્ડલારુણદિઙ્મુખામ્ ॥ ૩૦ ॥
માણિક્યમુકુટચ્છાયામણ્ડલારુણદિઙ્મુખામ્ ॥ ૩૦ ॥
કલવેણીકનત્ફુલ્લકહ્લારકુસુમોજ્જ્વલામ્ ।
ઉડુરાજકૃતોત્તંસામુત્પલશ્યામલાલકામ્ ॥ ૩૧ ॥
ઉડુરાજકૃતોત્તંસામુત્પલશ્યામલાલકામ્ ॥ ૩૧ ॥
ચતુર્થીચન્દ્રસચ્છાત્રફાલરેખાપરિષ્કૃતામ્ ।
કસ્તૂરીતિલકારૂઢકમનીયલલન્તિકામ્ ॥ ૩૨ ॥
કસ્તૂરીતિલકારૂઢકમનીયલલન્તિકામ્ ॥ ૩૨ ॥
ભ્રૂલતાશ્રીપરાભૂતપુષ્પાયુધશરાસનામ્ ।
નાલીકદલદાયાદનયનત્રયશોભિતામ્ ॥ ૩૩ ॥
નાલીકદલદાયાદનયનત્રયશોભિતામ્ ॥ ૩૩ ॥
કરુણારસસમ્પૂર્ણકટાક્ષહસિતોજ્જ્વલામ્ ।
ભવ્યમુક્તામણિચારુનાસામૌક્તિકવેષ્ટિતામ્ ॥ ૩૪ ॥
ભવ્યમુક્તામણિચારુનાસામૌક્તિકવેષ્ટિતામ્ ॥ ૩૪ ॥
કપોલયુગલીનૃત્યકર્ણતાટઙ્કશોભિતામ્ ।
માણિક્યવાલીયુગલીમયૂખારુણદિઙ્મુખામ્ ॥ ૩૫ ॥
માણિક્યવાલીયુગલીમયૂખારુણદિઙ્મુખામ્ ॥ ૩૫ ॥
પરિપક્વસુબિમ્બાભાપાટલાધરપલ્લવામ્ ।
મઞ્જુલાધરપર્વસ્થમન્દસ્મિતમનોહરામ્ ॥ ૩૬ ॥
મઞ્જુલાધરપર્વસ્થમન્દસ્મિતમનોહરામ્ ॥ ૩૬ ॥
દ્વિખણ્ડદ્વિજરાજાભગણ્ડદ્વિતયમણ્ડિતામ્ ।
દરફુલ્લલસદ્ગણ્ડધવલાપૂરિતાનનામ્ ॥ ૩૭ ॥
દરફુલ્લલસદ્ગણ્ડધવલાપૂરિતાનનામ્ ॥ ૩૭ ॥
પચેલિમેન્દુસુષમાપાટચ્ચરમુખપ્રભામ્ ।
કન્ધરાકાન્તિહસિતકમ્બુબિમ્બોકડમ્બરામ્ ॥ ૩૮ ॥
કન્ધરાકાન્તિહસિતકમ્બુબિમ્બોકડમ્બરામ્ ॥ ૩૮ ॥
કસ્તૂરીકર્દમાશ્યામકન્ધરામૂલકન્દરામ્ ।
વામાંસશિખરોપાન્તવ્યાલમ્બિઘનવેણિકામ્ ॥ ૩૯ ॥
વામાંસશિખરોપાન્તવ્યાલમ્બિઘનવેણિકામ્ ॥ ૩૯ ॥
મૃણાલકાણ્ડદાયાદમૃદુબાહુચતુષ્ટયામ્ ।
મણિકેયૂરયુગલીમયૂખારુણવિગ્રહામ્ ॥ ૪૦ ॥
મણિકેયૂરયુગલીમયૂખારુણવિગ્રહામ્ ॥ ૪૦ ॥
કરમૂલલસદ્રત્નકઙ્કણક્વાણપેશલામ્ ।
કરકાન્તિસમાધૂતકલ્પાનોકહપલ્લવામ્ ॥ ૪૧ ॥
કરકાન્તિસમાધૂતકલ્પાનોકહપલ્લવામ્ ॥ ૪૧ ॥
પદ્મરાગોર્મિકાશ્રેણિભાસુરાઙ્ગુલિપાલિકામ્ ।
પુણ્ડ્રકોદણ્ડપુષ્પાસ્ત્રપાશાઙ્કુશલસત્કરામ્ ॥ ૪૨ ॥
પુણ્ડ્રકોદણ્ડપુષ્પાસ્ત્રપાશાઙ્કુશલસત્કરામ્ ॥ ૪૨ ॥
તપ્તકાઞ્ચનકુમ્ભાભસ્તનમણ્ડલમણ્ડિતામ્ ।
ઘનસ્તનતટીક્લુપ્તકાશ્મીરક્ષોદપાટલામ્ ॥ ૪૩ ॥
ઘનસ્તનતટીક્લુપ્તકાશ્મીરક્ષોદપાટલામ્ ॥ ૪૩ ॥
કૂલઙ્કષકુચસ્ફારતારહારવિરાજિતામ્ ।
ચારુકૌસુમ્ભકૂર્પાસચ્છન્નવક્ષોજમણ્ડલામ્ ॥ ૪૪ ॥
ચારુકૌસુમ્ભકૂર્પાસચ્છન્નવક્ષોજમણ્ડલામ્ ॥ ૪૪ ॥
નવનીલઘનશ્યામરોમરાજિવિરાજિતામ્ ।
લાવણ્યસાગરાવર્તનિભનાભિવિભૂષિતામ્ ॥ ૪૫ ॥
લાવણ્યસાગરાવર્તનિભનાભિવિભૂષિતામ્ ॥ ૪૫ ॥
ડિમ્ભમુષ્ટિતલગ્રાહ્યમધ્યયષ્ટિમનોહરામ્ ।
નિતમ્બમણ્ડલાભોગનિક્વણન્મણિમેખલામ્ ॥ ૪૬ ॥
નિતમ્બમણ્ડલાભોગનિક્વણન્મણિમેખલામ્ ॥ ૪૬ ॥
સન્ધ્યારુણક્ષૌમપટીસઞ્છન્નજઘનસ્થલામ્ ।
ઘનોરુકાન્તિહસિતકદલીકાણ્ડવિભ્રમામ્ ॥ ૪૭ ॥
ઘનોરુકાન્તિહસિતકદલીકાણ્ડવિભ્રમામ્ ॥ ૪૭ ॥
જાનુસમ્પુટકદ્વન્દ્વજિતમાણિક્યદર્પણામ્ ।
જઙ્ઘાયુગલસૌન્દર્યવિજિતાનઙ્ગકાહલામ્ ॥ ૪૮ ॥
જઙ્ઘાયુગલસૌન્દર્યવિજિતાનઙ્ગકાહલામ્ ॥ ૪૮ ॥
પ્રપદચ્છાયસન્તાનજિતપ્રાચીનકચ્છપામ્ ।
નીરજાસનકોટીરનિઘૃષ્ટચરણામ્બુજામ્ ॥ ૪૯ ॥
નીરજાસનકોટીરનિઘૃષ્ટચરણામ્બુજામ્ ॥ ૪૯ ॥
પાદશોભાપરાભૂતપાકારિતરુપલ્લવામ્ ।
ચરણામ્ભોજશિઞ્જાનમણિમઞ્જીરમઞ્જુલામ્ ॥ ૫૦ ॥
ચરણામ્ભોજશિઞ્જાનમણિમઞ્જીરમઞ્જુલામ્ ॥ ૫૦ ॥
વિબુધેન્દ્રવધૂત્સઙ્ગવિન્યસ્તપદપલ્લવામ્ ।
પાર્શ્વસ્થભારતીલક્ષ્મીપાણિચામરવીજિતામ્ ॥ ૫૧ ॥
પાર્શ્વસ્થભારતીલક્ષ્મીપાણિચામરવીજિતામ્ ॥ ૫૧ ॥
પુરતો નાકનારીણાં પશ્યન્તીં નૃત્તમદ્ભુતમ્ ।
ભ્રૂલતાઞ્ચલસમ્ભૂતપુષ્પાયુધપરમ્પરામ્ ॥ ૫૨ ॥
ભ્રૂલતાઞ્ચલસમ્ભૂતપુષ્પાયુધપરમ્પરામ્ ॥ ૫૨ ॥
પ્રત્યગ્રયૌવનોન્મત્તપરિફુલ્લવિલોચનામ્ ।
તામ્રોષ્ઠીં તરલાપાઙ્ગીં સુનાસાં સુન્દરસ્મિતામ્ ॥ ૫૩ ॥
તામ્રોષ્ઠીં તરલાપાઙ્ગીં સુનાસાં સુન્દરસ્મિતામ્ ॥ ૫૩ ॥
ચતુરર્થધ્રુવોદારાં ચામ્પેયોદ્ગન્ધિકુન્તલામ્ ।
મધુસ્નપિતમૃદ્વીકમધુરાલાપપેશલામ્ ॥ ૫૪ ॥
મધુસ્નપિતમૃદ્વીકમધુરાલાપપેશલામ્ ॥ ૫૪ ॥
શિવાં ષોડશવાર્ષીકાં શિવાઙ્કતલવાસિનીમ્ ।
ચિન્મયીં હૃદયામ્ભોજે ચિન્તયેજ્જાપકોત્તમઃ ॥ ૫૫ ॥
ચિન્મયીં હૃદયામ્ભોજે ચિન્તયેજ્જાપકોત્તમઃ ॥ ૫૫ ॥
ઇતિ ત્રિપુરસુન્દર્યા હૃદયં સર્વકામદમ્ ।
સર્વદારિદ્ર્યશમનં સર્વસમ્પત્પ્રદં નૃણામ્ ॥ ૫૬ ॥
સર્વદારિદ્ર્યશમનં સર્વસમ્પત્પ્રદં નૃણામ્ ॥ ૫૬ ॥
તાપજ્વરાર્તિશમનં તરુણીજનમોહનમ્ ।
મહાવિષહરં પુણ્યં માઙ્ગલ્યકરમદ્ભુતમ્ ॥ ૫૭ ॥
મહાવિષહરં પુણ્યં માઙ્ગલ્યકરમદ્ભુતમ્ ॥ ૫૭ ॥
અપમૃત્યુહરં દિવ્યમાયુષ્યશ્રીકરં પરમ્ ।
અપવર્ગૈકનિલયમવનીપાલવશ્યદમ્ ॥ ૫૮ ॥
અપવર્ગૈકનિલયમવનીપાલવશ્યદમ્ ॥ ૫૮ ॥
પઠતિ ધ્યાનરત્નં યઃ પ્રાતઃ સાયમતન્દ્રિતઃ ।
ન વિષાદૈઃ સ ચ પુમાન્ પ્રાપ્નોતિ ભુવનત્રયમ્ ॥ ૫૯ ॥
ન વિષાદૈઃ સ ચ પુમાન્ પ્રાપ્નોતિ ભુવનત્રયમ્ ॥ ૫૯ ॥
॥ ઇતિ શ્રીમહાત્રિપુરસુન્દરીહૃદયં સમ્પૂર્ણમ્ ॥