॥ ശ്രീ മഹാത്രിപുരസുന്ദരീ ഹൃദയമ് ॥
അസ്യ ശ്രീ മഹാത്രിപുരസുന്ദരീ ഹൃദയ സ്തോത്ര മഹാമന്ത്രസ്യ, ശ്രീ ആനന്ദഭൈരവ ഋഷിഃ, ദേവീ ഗായത്രീ ഛന്ദഃ, ശ്രീ മഹാത്രിപുരസുന്ദരീ ദേവതാ, ഐം ബീജം, സൌഃ ശക്തിഃ, ക്ലീം കീലകം, ധര്മാര്ഥകാമമോക്ഷാര്ഥേ ജപേ വിനിയോഗഃ ।
ധ്യാനമ്
ബാലാര്കമണ്ഡലാഭാസാം ചതുര്ബാഹും ത്രിലോചനാമ് ।
പാശാങ്കുശധനുര്ബാണാന് ധാരയന്തീം ശിവാം ഭജേ ॥
പാശാങ്കുശധനുര്ബാണാന് ധാരയന്തീം ശിവാം ഭജേ ॥
വന്ദേ സിന്ദൂരവര്ണാഭം വാമോരുന്യസ്തവല്ലഭമ് ।
ഇക്ഷുവാരിധിമധ്യസ്ഥമിഭരാജമുഖം മഹഃ ॥ ൧ ॥
ഇക്ഷുവാരിധിമധ്യസ്ഥമിഭരാജമുഖം മഹഃ ॥ ൧ ॥
ഗമ്ഭീരലഹരീജാലഗണ്ഡൂഷിതദിഗന്തരഃ ।
അവ്യാന്മാമമൃതാമ്ഭോധിരനര്ഘമണിസമ്യുതഃ ॥ ൨ ॥
അവ്യാന്മാമമൃതാമ്ഭോധിരനര്ഘമണിസമ്യുതഃ ॥ ൨ ॥
മധ്യേ തസ്യ മനോഹാരി മധുപാരവമേദുരമ് ।
പ്രസൂനവിഗലന്മാധ്വീപ്രവാഹപരിപൂരിതമ് ॥ ൩ ॥
പ്രസൂനവിഗലന്മാധ്വീപ്രവാഹപരിപൂരിതമ് ॥ ൩ ॥
കിന്നരീഗാനമേദസ്വി ക്രീഡാകന്ദരദന്തുരമ് ।
കാഞ്ചനദ്രുമധൂലീഭിഃ കല്പിതാവാലവദ്ദ്രുമമ് ॥ ൪ ॥
കാഞ്ചനദ്രുമധൂലീഭിഃ കല്പിതാവാലവദ്ദ്രുമമ് ॥ ൪ ॥
മുഗ്ധകോകിലനിക്വാണമുഖരീകൃതദിങ്മുഖമ് ।
മന്ദാരതരുസന്താനമഞ്ജരീപുഞ്ജപിഞ്ജരമ് ॥ ൫ ॥
മന്ദാരതരുസന്താനമഞ്ജരീപുഞ്ജപിഞ്ജരമ് ॥ ൫ ॥
നാസാനാഡിന്ധമസ്മേരനമേരുസുമസൌരഭമ് ।
ആവൃന്തഹസിതാമ്ഭോജദീവ്യദ്വിഭ്രമദീര്ഘികമ് ॥ ൬ ॥
ആവൃന്തഹസിതാമ്ഭോജദീവ്യദ്വിഭ്രമദീര്ഘികമ് ॥ ൬ ॥
മന്ദരക്തശുകീദഷ്ടമാതുലുങ്ഗഫലാന്വിതമ് ।
സവിധസ്യന്ദമാനാഭ്രസരിത്കല്ലോലവേല്ലിതമ് ॥ ൭ ॥
സവിധസ്യന്ദമാനാഭ്രസരിത്കല്ലോലവേല്ലിതമ് ॥ ൭ ॥
പ്രസൂനപാംസുസൌരഭ്യപശ്യതോഹരമാരുതമ് ।
വകുലപ്രസവാകീര്ണം വന്ദേ നന്ദനകാനനമ് ॥ ൮ ॥
വകുലപ്രസവാകീര്ണം വന്ദേ നന്ദനകാനനമ് ॥ ൮ ॥
തന്മധ്യേ നീപകാന്താരം തരണിസ്തമ്ഭകാരണമ് ।
മധുപാലിവിമര്ദാലികലക്വാണകരമ്ബിതമ് ॥ ൯ ॥
മധുപാലിവിമര്ദാലികലക്വാണകരമ്ബിതമ് ॥ ൯ ॥
കോമലശ്വശനാധൂതകോരകോദ്ഗതധൂലിഭിഃ ।
സിന്ദൂരിതനഭോമാര്ഗം ചിന്തിതം സിദ്ധവന്ദിഭിഃ ॥ ൧൦ ॥
സിന്ദൂരിതനഭോമാര്ഗം ചിന്തിതം സിദ്ധവന്ദിഭിഃ ॥ ൧൦ ॥
മധ്യേ തസ്യ മരുന്മാര്ഗലമ്ബിമാണിക്യതോരണമ് ।
ശാണോല്ലിഖിതവൈദൂര്യക്ലുപ്തസാലസമാകുലമ് ॥ ൧൧ ॥
ശാണോല്ലിഖിതവൈദൂര്യക്ലുപ്തസാലസമാകുലമ് ॥ ൧൧ ॥
മാണിക്യസ്തമ്ഭപടലീമയൂഖവ്യാപ്തദിക്തടമ് ।
പഞ്ചവിംശതിസാലാഢ്യാം നമാമി നഗരോത്തമമ് ॥ ൧൨ ॥
പഞ്ചവിംശതിസാലാഢ്യാം നമാമി നഗരോത്തമമ് ॥ ൧൨ ॥
തത്ര ചിന്താമണിഗൃഹം തഡിത്കോടിസമുജ്ജ്വലമ് ।
നീലോത്പലസമാകീര്ണനിര്യൂഹശതസങ്കുലമ് ॥ ൧൩ ॥
നീലോത്പലസമാകീര്ണനിര്യൂഹശതസങ്കുലമ് ॥ ൧൩ ॥
സോമകാന്തമണിക്ലുപ്തസോപാനോദ്ഭാസിവേദികമ് ।
ചന്ദ്രശാലാചരത്കേതുസമാലീഢനഭോന്തരമ് ॥ ൧൪ ॥
ചന്ദ്രശാലാചരത്കേതുസമാലീഢനഭോന്തരമ് ॥ ൧൪ ॥
ഗാരുത്മതമണീക്ലുപ്തമണ്ഡപവ്യൂഹമണ്ഡിതമ് ।
നിത്യസേവാപരാമര്ത്യനിബിഡദ്വാരശോഭിതമ് ॥ ൧൫ ॥
നിത്യസേവാപരാമര്ത്യനിബിഡദ്വാരശോഭിതമ് ॥ ൧൫ ॥
അധിഷ്ഠിതം ദ്വാരപാലൈരസിതോമരപാണിഭിഃ ।
നമാമി നാകനാരീണാം സാന്ദ്രസങ്ഗീതമേദുരമ് ॥ ൧൬ ॥
നമാമി നാകനാരീണാം സാന്ദ്രസങ്ഗീതമേദുരമ് ॥ ൧൬ ॥
തന്മധ്യേ തരുണാര്കാഭം തപ്തകാഞ്ചനനിര്മിതമ് ।
ശക്രാദിമദ്ദ്വാരപാലൈഃ സന്തതം പരിവേഷ്ടിതമ് ॥ ൧൭ ॥
ശക്രാദിമദ്ദ്വാരപാലൈഃ സന്തതം പരിവേഷ്ടിതമ് ॥ ൧൭ ॥
ചതുഷ്ഷഷ്ടിമഹാവിദ്യാകലാഭിരഭിസംവൃതമ് ।
രക്ഷിതം യോഗിനീബൃന്ദൈ രത്നസിംഹാസനം ഭജേ ॥ ൧൮ ॥
രക്ഷിതം യോഗിനീബൃന്ദൈ രത്നസിംഹാസനം ഭജേ ॥ ൧൮ ॥
മധ്യേ തസ്യ മരുത്സേവ്യം ചതുര്ദ്വാരസമുജ്ജ്വലമ് ।
ചതുരസ്രത്രിരേഖാഢ്യാം ചാരുത്രിവലയാന്വിതമ് ॥ ൧൯ ॥
ചതുരസ്രത്രിരേഖാഢ്യാം ചാരുത്രിവലയാന്വിതമ് ॥ ൧൯ ॥
കലാദലസമായുക്തം കനദഷ്ടദലാന്വിതമ് ।
ചതുര്ദശാരസഹിതം ദശാരദ്വിതയാന്വിതമ് ॥ ൨൦ ॥
ചതുര്ദശാരസഹിതം ദശാരദ്വിതയാന്വിതമ് ॥ ൨൦ ॥
അഷ്ടകോണയുതം ദിവ്യമഗ്നികോണവിരാജിതമ് ।
യോഗിഭിഃ പൂജിതം യോഗിയോഗിനീഗണസേവിതമ് ॥ ൨൧ ॥
യോഗിഭിഃ പൂജിതം യോഗിയോഗിനീഗണസേവിതമ് ॥ ൨൧ ॥
സര്വദുഃഖപ്രശമനം സര്വവ്യാധിവിനാശനമ് ।
വിഷജ്വരഹരം പുണ്യം വിവിധാപദ്വിദാരണമ് ॥ ൨൨ ॥
വിഷജ്വരഹരം പുണ്യം വിവിധാപദ്വിദാരണമ് ॥ ൨൨ ॥
സര്വദാരിദ്ര്യശമനം സര്വഭൂപാലമോഹനമ് ।
ആശാഭിപൂരകം ദിവ്യമര്ചകാനാമഹര്നിശമ് ॥ ൨൩ ॥
ആശാഭിപൂരകം ദിവ്യമര്ചകാനാമഹര്നിശമ് ॥ ൨൩ ॥
അഷ്ടാദശസുമര്മാഢ്യം ചതുര്വിംശതിസന്ധിനമ് ।
ശ്രീമദ്ബിന്ദുഗൃഹോപേതം ശ്രീചക്രം പ്രണമാമ്യഹമ് ॥ ൨൪ ॥
ശ്രീമദ്ബിന്ദുഗൃഹോപേതം ശ്രീചക്രം പ്രണമാമ്യഹമ് ॥ ൨൪ ॥
തത്രൈവ ബൈന്ദവസ്ഥാനേ തരുണാദിത്യസന്നിഭമ് ।
പാശാങ്കുശധനുര്ബാണപരിഷ്കൃതകരാമ്ബുജമ് ॥ ൨൫ ॥
പാശാങ്കുശധനുര്ബാണപരിഷ്കൃതകരാമ്ബുജമ് ॥ ൨൫ ॥
പൂര്ണേന്ദുബിമ്ബവദനം ഫുല്ലപങ്കജലോചനമ് ।
കുസുമായുധശൃങ്ഗാരകോദണ്ഡകുടിലഭ്രുവമ് ॥ ൨൬ ॥
കുസുമായുധശൃങ്ഗാരകോദണ്ഡകുടിലഭ്രുവമ് ॥ ൨൬ ॥
ചാരുചന്ദ്രകലോപേതം ചന്ദനാഗുരുരൂഷിതമ് ।
മന്ദസ്മിതമധൂകാലികിഞ്ജല്കിതമുഖാമ്ബുജമ് ॥ ൨൭ ॥
മന്ദസ്മിതമധൂകാലികിഞ്ജല്കിതമുഖാമ്ബുജമ് ॥ ൨൭ ॥
പാടീരതിലകോദ്ഭാസിഫാലസ്ഥലമനോഹരമ് ।
അനേകകോടികന്ദര്പലാവണ്യമരുണാധരമ് ॥ ൨൮ ॥
അനേകകോടികന്ദര്പലാവണ്യമരുണാധരമ് ॥ ൨൮ ॥
തപനീയാംശുകധരം താരുണ്യശ്രീനിഷേവിതമ് ।
കാമേശ്വരമഹം വന്ദേ കാമിതാര്ഥപ്രദം നൃണാമ് ॥ ൨൯ ॥
കാമേശ്വരമഹം വന്ദേ കാമിതാര്ഥപ്രദം നൃണാമ് ॥ ൨൯ ॥
തസ്യാങ്കമധ്യമാസീനാം തപ്തഹാടകസന്നിഭാമ് ।
മാണിക്യമുകുടച്ഛായാമണ്ഡലാരുണദിങ്മുഖാമ് ॥ ൩൦ ॥
മാണിക്യമുകുടച്ഛായാമണ്ഡലാരുണദിങ്മുഖാമ് ॥ ൩൦ ॥
കലവേണീകനത്ഫുല്ലകഹ്ലാരകുസുമോജ്ജ്വലാമ് ।
ഉഡുരാജകൃതോത്തംസാമുത്പലശ്യാമലാലകാമ് ॥ ൩൧ ॥
ഉഡുരാജകൃതോത്തംസാമുത്പലശ്യാമലാലകാമ് ॥ ൩൧ ॥
ചതുര്ഥീചന്ദ്രസച്ഛാത്രഫാലരേഖാപരിഷ്കൃതാമ് ।
കസ്തൂരീതിലകാരൂഢകമനീയലലന്തികാമ് ॥ ൩൨ ॥
കസ്തൂരീതിലകാരൂഢകമനീയലലന്തികാമ് ॥ ൩൨ ॥
ഭ്രൂലതാശ്രീപരാഭൂതപുഷ്പായുധശരാസനാമ് ।
നാലീകദലദായാദനയനത്രയശോഭിതാമ് ॥ ൩൩ ॥
നാലീകദലദായാദനയനത്രയശോഭിതാമ് ॥ ൩൩ ॥
കരുണാരസസമ്പൂര്ണകടാക്ഷഹസിതോജ്ജ്വലാമ് ।
ഭവ്യമുക്താമണിചാരുനാസാമൌക്തികവേഷ്ടിതാമ് ॥ ൩൪ ॥
ഭവ്യമുക്താമണിചാരുനാസാമൌക്തികവേഷ്ടിതാമ് ॥ ൩൪ ॥
കപോലയുഗലീനൃത്യകര്ണതാടങ്കശോഭിതാമ് ।
മാണിക്യവാലീയുഗലീമയൂഖാരുണദിങ്മുഖാമ് ॥ ൩൫ ॥
മാണിക്യവാലീയുഗലീമയൂഖാരുണദിങ്മുഖാമ് ॥ ൩൫ ॥
പരിപക്വസുബിമ്ബാഭാപാടലാധരപല്ലവാമ് ।
മഞ്ജുലാധരപര്വസ്ഥമന്ദസ്മിതമനോഹരാമ് ॥ ൩൬ ॥
മഞ്ജുലാധരപര്വസ്ഥമന്ദസ്മിതമനോഹരാമ് ॥ ൩൬ ॥
ദ്വിഖണ്ഡദ്വിജരാജാഭഗണ്ഡദ്വിതയമണ്ഡിതാമ് ।
ദരഫുല്ലലസദ്ഗണ്ഡധവലാപൂരിതാനനാമ് ॥ ൩൭ ॥
ദരഫുല്ലലസദ്ഗണ്ഡധവലാപൂരിതാനനാമ് ॥ ൩൭ ॥
പചേലിമേന്ദുസുഷമാപാടച്ചരമുഖപ്രഭാമ് ।
കന്ധരാകാന്തിഹസിതകമ്ബുബിമ്ബോകഡമ്ബരാമ് ॥ ൩൮ ॥
കന്ധരാകാന്തിഹസിതകമ്ബുബിമ്ബോകഡമ്ബരാമ് ॥ ൩൮ ॥
കസ്തൂരീകര്ദമാശ്യാമകന്ധരാമൂലകന്ദരാമ് ।
വാമാംസശിഖരോപാന്തവ്യാലമ്ബിഘനവേണികാമ് ॥ ൩൯ ॥
വാമാംസശിഖരോപാന്തവ്യാലമ്ബിഘനവേണികാമ് ॥ ൩൯ ॥
മൃണാലകാണ്ഡദായാദമൃദുബാഹുചതുഷ്ടയാമ് ।
മണികേയൂരയുഗലീമയൂഖാരുണവിഗ്രഹാമ് ॥ ൪൦ ॥
മണികേയൂരയുഗലീമയൂഖാരുണവിഗ്രഹാമ് ॥ ൪൦ ॥
കരമൂലലസദ്രത്നകങ്കണക്വാണപേശലാമ് ।
കരകാന്തിസമാധൂതകല്പാനോകഹപല്ലവാമ് ॥ ൪൧ ॥
കരകാന്തിസമാധൂതകല്പാനോകഹപല്ലവാമ് ॥ ൪൧ ॥
പദ്മരാഗോര്മികാശ്രേണിഭാസുരാങ്ഗുലിപാലികാമ് ।
പുണ്ഡ്രകോദണ്ഡപുഷ്പാസ്ത്രപാശാങ്കുശലസത്കരാമ് ॥ ൪൨ ॥
പുണ്ഡ്രകോദണ്ഡപുഷ്പാസ്ത്രപാശാങ്കുശലസത്കരാമ് ॥ ൪൨ ॥
തപ്തകാഞ്ചനകുമ്ഭാഭസ്തനമണ്ഡലമണ്ഡിതാമ് ।
ഘനസ്തനതടീക്ലുപ്തകാശ്മീരക്ഷോദപാടലാമ് ॥ ൪൩ ॥
ഘനസ്തനതടീക്ലുപ്തകാശ്മീരക്ഷോദപാടലാമ് ॥ ൪൩ ॥
കൂലങ്കഷകുചസ്ഫാരതാരഹാരവിരാജിതാമ് ।
ചാരുകൌസുമ്ഭകൂര്പാസച്ഛന്നവക്ഷോജമണ്ഡലാമ് ॥ ൪൪ ॥
ചാരുകൌസുമ്ഭകൂര്പാസച്ഛന്നവക്ഷോജമണ്ഡലാമ് ॥ ൪൪ ॥
നവനീലഘനശ്യാമരോമരാജിവിരാജിതാമ് ।
ലാവണ്യസാഗരാവര്തനിഭനാഭിവിഭൂഷിതാമ് ॥ ൪൫ ॥
ലാവണ്യസാഗരാവര്തനിഭനാഭിവിഭൂഷിതാമ് ॥ ൪൫ ॥
ഡിമ്ഭമുഷ്ടിതലഗ്രാഹ്യമധ്യയഷ്ടിമനോഹരാമ് ।
നിതമ്ബമണ്ഡലാഭോഗനിക്വണന്മണിമേഖലാമ് ॥ ൪൬ ॥
നിതമ്ബമണ്ഡലാഭോഗനിക്വണന്മണിമേഖലാമ് ॥ ൪൬ ॥
സന്ധ്യാരുണക്ഷൌമപടീസഞ്ഛന്നജഘനസ്ഥലാമ് ।
ഘനോരുകാന്തിഹസിതകദലീകാണ്ഡവിഭ്രമാമ് ॥ ൪൭ ॥
ഘനോരുകാന്തിഹസിതകദലീകാണ്ഡവിഭ്രമാമ് ॥ ൪൭ ॥
ജാനുസമ്പുടകദ്വന്ദ്വജിതമാണിക്യദര്പണാമ് ।
ജങ്ഘായുഗലസൌന്ദര്യവിജിതാനങ്ഗകാഹലാമ് ॥ ൪൮ ॥
ജങ്ഘായുഗലസൌന്ദര്യവിജിതാനങ്ഗകാഹലാമ് ॥ ൪൮ ॥
പ്രപദച്ഛായസന്താനജിതപ്രാചീനകച്ഛപാമ് ।
നീരജാസനകോടീരനിഘൃഷ്ടചരണാമ്ബുജാമ് ॥ ൪൯ ॥
നീരജാസനകോടീരനിഘൃഷ്ടചരണാമ്ബുജാമ് ॥ ൪൯ ॥
പാദശോഭാപരാഭൂതപാകാരിതരുപല്ലവാമ് ।
ചരണാമ്ഭോജശിഞ്ജാനമണിമഞ്ജീരമഞ്ജുലാമ് ॥ ൫൦ ॥
ചരണാമ്ഭോജശിഞ്ജാനമണിമഞ്ജീരമഞ്ജുലാമ് ॥ ൫൦ ॥
വിബുധേന്ദ്രവധൂത്സങ്ഗവിന്യസ്തപദപല്ലവാമ് ।
പാര്ശ്വസ്ഥഭാരതീലക്ഷ്മീപാണിചാമരവീജിതാമ് ॥ ൫൧ ॥
പാര്ശ്വസ്ഥഭാരതീലക്ഷ്മീപാണിചാമരവീജിതാമ് ॥ ൫൧ ॥
പുരതോ നാകനാരീണാം പശ്യന്തീം നൃത്തമദ്ഭുതമ് ।
ഭ്രൂലതാഞ്ചലസമ്ഭൂതപുഷ്പായുധപരമ്പരാമ് ॥ ൫൨ ॥
ഭ്രൂലതാഞ്ചലസമ്ഭൂതപുഷ്പായുധപരമ്പരാമ് ॥ ൫൨ ॥
പ്രത്യഗ്രയൌവനോന്മത്തപരിഫുല്ലവിലോചനാമ് ।
താമ്രോഷ്ഠീം തരലാപാങ്ഗീം സുനാസാം സുന്ദരസ്മിതാമ് ॥ ൫൩ ॥
താമ്രോഷ്ഠീം തരലാപാങ്ഗീം സുനാസാം സുന്ദരസ്മിതാമ് ॥ ൫൩ ॥
ചതുരര്ഥധ്രുവോദാരാം ചാമ്പേയോദ്ഗന്ധികുന്തലാമ് ।
മധുസ്നപിതമൃദ്വീകമധുരാലാപപേശലാമ് ॥ ൫൪ ॥
മധുസ്നപിതമൃദ്വീകമധുരാലാപപേശലാമ് ॥ ൫൪ ॥
ശിവാം ഷോഡശവാര്ഷീകാം ശിവാങ്കതലവാസിനീമ് ।
ചിന്മയീം ഹൃദയാമ്ഭോജേ ചിന്തയേജ്ജാപകോത്തമഃ ॥ ൫൫ ॥
ചിന്മയീം ഹൃദയാമ്ഭോജേ ചിന്തയേജ്ജാപകോത്തമഃ ॥ ൫൫ ॥
ഇതി ത്രിപുരസുന്ദര്യാ ഹൃദയം സര്വകാമദമ് ।
സര്വദാരിദ്ര്യശമനം സര്വസമ്പത്പ്രദം നൃണാമ് ॥ ൫൬ ॥
സര്വദാരിദ്ര്യശമനം സര്വസമ്പത്പ്രദം നൃണാമ് ॥ ൫൬ ॥
താപജ്വരാര്തിശമനം തരുണീജനമോഹനമ് ।
മഹാവിഷഹരം പുണ്യം മാങ്ഗല്യകരമദ്ഭുതമ് ॥ ൫൭ ॥
മഹാവിഷഹരം പുണ്യം മാങ്ഗല്യകരമദ്ഭുതമ് ॥ ൫൭ ॥
അപമൃത്യുഹരം ദിവ്യമായുഷ്യശ്രീകരം പരമ് ।
അപവര്ഗൈകനിലയമവനീപാലവശ്യദമ് ॥ ൫൮ ॥
അപവര്ഗൈകനിലയമവനീപാലവശ്യദമ് ॥ ൫൮ ॥
പഠതി ധ്യാനരത്നം യഃ പ്രാതഃ സായമതന്ദ്രിതഃ ।
ന വിഷാദൈഃ സ ച പുമാന് പ്രാപ്നോതി ഭുവനത്രയമ് ॥ ൫൯ ॥
ന വിഷാദൈഃ സ ച പുമാന് പ്രാപ്നോതി ഭുവനത്രയമ് ॥ ൫൯ ॥
॥ ഇതി ശ്രീമഹാത്രിപുരസുന്ദരീഹൃദയം സമ്പൂര്ണമ് ॥