ও-ম্ভদ্ৰ-ঙ্কৰ্ণেভি-শ্শৃণুযাম দেৱাঃ । ভদ্ৰ-ম্পশ্যেমাক্ষভি-ৰ্যজত্ৰাঃ । স্থিৰৈৰঙ্গৈস্তুষ্টুৱাগ্ং সস্তনূভিঃ । ৱ্যশেম দেৱহিতং-যঁদাযুঃ । স্ৱস্তি ন ইন্দ্ৰো ৱৃদ্ধশ্ৰৱাঃ । স্ৱস্তি নঃ পূষা ৱিশ্ৱৱেদাঃ । স্ৱস্তি নস্তাৰ্ক্ষ্যো অৰিষ্টনেমিঃ । স্ৱস্তি নো বৃহস্পতি-ৰ্দধাতু ॥
ওঁ শান্তি-শ্শান্তি-শ্শান্তিঃ ॥
ওঁ শান্তি-শ্শান্তি-শ্শান্তিঃ ॥
॥ ও-ম্ব্ৰহ্মণে নমঃ ॥
॥ প্ৰথমমুণ্ডকে প্ৰথমঃ খণ্ডঃ ॥
॥ প্ৰথমমুণ্ডকে প্ৰথমঃ খণ্ডঃ ॥
ও-ম্ব্ৰহ্মা দেৱানা-ম্প্ৰথম-স্সম্বভূৱ ৱিশ্ৱস্য কৰ্তা
ভুৱনস্য গোপ্তা । স ব্ৰহ্মৱিদ্যাং সৰ্ৱৱিদ্যাপ্ৰতিষ্ঠামথৰ্ৱায
জ্যেষ্ঠপুত্ৰায প্ৰাহ ॥ 1॥
ভুৱনস্য গোপ্তা । স ব্ৰহ্মৱিদ্যাং সৰ্ৱৱিদ্যাপ্ৰতিষ্ঠামথৰ্ৱায
জ্যেষ্ঠপুত্ৰায প্ৰাহ ॥ 1॥
অথৰ্ৱণে যা-ম্প্ৰৱদেত ব্ৰহ্মা-ঽথৰ্ৱা তাং
পুৰোৱাচাঙ্গিৰে ব্ৰহ্মৱিদ্যাম্ ।
স ভাৰদ্ৱাজায সত্যৱাহায প্ৰাহ
ভাৰদ্ৱাজো-ঽঙ্গিৰসে পৰাৱৰাম্ ॥ 2॥
পুৰোৱাচাঙ্গিৰে ব্ৰহ্মৱিদ্যাম্ ।
স ভাৰদ্ৱাজায সত্যৱাহায প্ৰাহ
ভাৰদ্ৱাজো-ঽঙ্গিৰসে পৰাৱৰাম্ ॥ 2॥
শৌনকো হ ৱৈ মহাশালো-ঽঙ্গিৰসং-ৱিঁধিৱদুপসন্নঃ পপ্ৰচ্ছ ।
কস্মিন্নু ভগৱো ৱিজ্ঞাতে সৰ্ৱমিদং-ৱিঁজ্ঞাত-ম্ভৱতীতি ॥ 3॥
কস্মিন্নু ভগৱো ৱিজ্ঞাতে সৰ্ৱমিদং-ৱিঁজ্ঞাত-ম্ভৱতীতি ॥ 3॥
তস্মৈ স হোৱাচ ।
দ্ৱে ৱিদ্যে ৱেদিতৱ্যে ইতি হ স্ম
যদ্ব্ৰহ্মৱিদো ৱদন্তি পৰা চৈৱাপৰা চ ॥ 4॥
দ্ৱে ৱিদ্যে ৱেদিতৱ্যে ইতি হ স্ম
যদ্ব্ৰহ্মৱিদো ৱদন্তি পৰা চৈৱাপৰা চ ॥ 4॥
তত্ৰাপৰা ঋগ্ৱেদো যজুৰ্ৱেদ-স্সামৱেদো-ঽথৰ্ৱৱেদঃ
শিক্ষা কল্পো ৱ্যাকৰণ-ন্নিৰুক্ত-ঞ্ছন্দো জ্যোতিষমিতি ।
অথ পৰা যযা তদক্ষৰমধিগম্যতে ॥ 5॥
শিক্ষা কল্পো ৱ্যাকৰণ-ন্নিৰুক্ত-ঞ্ছন্দো জ্যোতিষমিতি ।
অথ পৰা যযা তদক্ষৰমধিগম্যতে ॥ 5॥
যত্তদদ্ৰেশ্যমগ্ৰাহ্যমগোত্ৰমৱৰ্ণ-
মচক্ষুস্শ্ৰোত্ৰ-ন্তদপাণিপাদম্ ।
নিত্যং-ৱিঁভুং সৰ্ৱগতং সুসূক্ষ্মং
তদৱ্যযং-যঁদ্ভূতযোনি-ম্পৰিপশ্যন্তি ধীৰাঃ ॥ 6॥
মচক্ষুস্শ্ৰোত্ৰ-ন্তদপাণিপাদম্ ।
নিত্যং-ৱিঁভুং সৰ্ৱগতং সুসূক্ষ্মং
তদৱ্যযং-যঁদ্ভূতযোনি-ম্পৰিপশ্যন্তি ধীৰাঃ ॥ 6॥
যথোৰ্ণনাভি-স্সৃজতে গৃহ্ণতে চ
যথা পৃথিৱ্যামোষধয-স্সম্ভৱন্তি ।
যথা সতঃ পুৰুষা-ত্কেশলোমানি
তথা-ঽক্ষৰা-থ্সম্ভৱতীহ ৱিশ্ৱম্ ॥ 7॥
যথা পৃথিৱ্যামোষধয-স্সম্ভৱন্তি ।
যথা সতঃ পুৰুষা-ত্কেশলোমানি
তথা-ঽক্ষৰা-থ্সম্ভৱতীহ ৱিশ্ৱম্ ॥ 7॥
তপসা চীযতে ব্ৰহ্ম ততো-ঽন্নমভিজাযতে ।
অন্না-ত্প্ৰাণো মন-স্সত্যং-লোঁকাঃ কৰ্মসু চামৃতম্ ॥ 8॥
অন্না-ত্প্ৰাণো মন-স্সত্যং-লোঁকাঃ কৰ্মসু চামৃতম্ ॥ 8॥
য-স্সৰ্ৱজ্ঞ-স্সৰ্ৱৱিদ্যস্য জ্ঞানময-ন্তপঃ ।
তস্মাদেতদ্ব্ৰহ্ম নাম ৰূপমন্ন-ঞ্চ জাযতে ॥ 9॥
তস্মাদেতদ্ব্ৰহ্ম নাম ৰূপমন্ন-ঞ্চ জাযতে ॥ 9॥
॥ ইতি মুণ্ডকোপনিষদি প্ৰথমমুণ্ডকে প্ৰথমঃ খণ্ডঃ ॥