जाहलें भजन आम्ही नमितों चरणा।
वारुनिया विघ्नें देवा रक्षावे दीना॥
वारुनिया विघ्नें देवा रक्षावे दीना॥
दास तुझे आम्ही देवा तुजलाची ध्यातों।
प्रेमें करुनियां देवा गुण तुझे गातों॥१॥
प्रेमें करुनियां देवा गुण तुझे गातों॥१॥
तरी न्यावी सिद्धी देवा हेची वासना।
रक्षूनियां सर्वां द्यावी आम्हासी आज्ञा॥२॥
रक्षूनियां सर्वां द्यावी आम्हासी आज्ञा॥२॥
मागणें तें देवा आतां एकची आहे।
तरुनियां सकळां आम्हां कृपादृष्टी पाहें॥३॥
तरुनियां सकळां आम्हां कृपादृष्टी पाहें॥३॥
जेव्हां सर्व आम्ही मिळू ऐशा या ठाया।
प्रेमानंदें लागू तुझी कीर्ती गावया॥४॥
प्रेमानंदें लागू तुझी कीर्ती गावया॥४॥
सदा ऐशी भक्ती राहो आमुच्या मनीं।
हेची देवा तुम्हा असे नित्य विनवणी॥५॥
हेची देवा तुम्हा असे नित्य विनवणी॥५॥
वारुनियां संकटें आतां आमुचीं सारी।
कृपेची साउली देवा दीनावरि करीं॥६॥
कृपेची साउली देवा दीनावरि करीं॥६॥
निरंतर आमुची चिंता तुम्हां असावी।
सर्वांची लज्जा देवा तुम्ही रक्षावी॥७॥
सर्वांची लज्जा देवा तुम्ही रक्षावी॥७॥
निरोप घेतों आतां आम्हां आज्ञा असावी।
चुकलें आमुचें कांहीं त्याची क्षमा असावी॥
चुकलें आमुचें कांहीं त्याची क्षमा असावी॥
॥ इति संपूर्णंम् ॥