ಶ್ರೀ ರಾಧಾಕೃಪಾ ಸ್ತೋತ್ರಮ್

ಕೃಷ್ಣಪ್ರೇಮವಿನೋದಿನಿ ಕೃಷ್ಣಾನನ್ದಪ್ರದಾಯಿನಿ
ಕೃಷ್ಣಾನನ್ದಾ ಸದಾನನ್ದಾ ಕೃಷ್ಣಸಂಗಸುಶೋಭಿನಿ
ಕೃಷ್ಣಪ್ರಾಣೇಶ್ವರೀ ಕೃಷ್ಣಾ ಕಮಲಾಕುಞ್ಜವಾಸಿನಿ
ರಾಧೇ ರಾಧೇ ರಾಧೇ ರಾಧೇ ನಮೋ ದೀನಕೃಪಾಲಿನಿ ।। ೧ ।।

ಕೃಷ್ಣಕಾಮಬಿಬರ್ಧಿನಿ ಕೃಷ್ಣಪ್ರೇಮಪ್ರದಾಯಿನಿ
ಕೃಷ್ಣಕಾಮಾ ಕೃಷ್ಣಪ್ರಿಯಾ ಕೃಷ್ಣಲೀಲಾ ಶಿರೋಮಣಿ
ಕೃಷ್ಣವಕ್ಷಸ್ಥಿತಾದೇವೀ ಕುನ್ದದಾಮಸುಶೋಭಿನಿ
ರಾಧೇ ರಾಧೇ ರಾಧೇ ರಾಧೇ ನಮೋ ದೀನಕೃಪಾಲಿನಿ।। ೨ ।।

ಕೃಷ್ಣಕೃಷ್ಣಕೃಷ್ಣಕೃಷ್ಣ ಕೃಷ್ಣನಾಮಪ್ರದಾಯಿನಿ
ಕೃಷ್ಣಶಕ್ತಿ ಕೃಷ್ಣಭಕ್ತಿ ಕೃಷ್ಣನಾಮೇಬಿಹಾರಿಣಿ
ಶ್ರೀಕೃಷ್ಣವಲ್ಲಭಾದೇವೀ ಸುಬಲಾವೇಶಧಾರಿಣೀ
ರಾಧೇ ರಾಧೇ ರಾಧೇ ರಾಧೇ ನಮೋ ದೀನಕೃಪಾಲಿನಿ ।। ೩ ।।

ಶ್ರೀಕೃಷ್ಣಪ್ರಿಯವಾದಿನಿ ಕೃಷ್ಣಧಾಮಪ್ರದಾಯಿನಿ
ಕೃಷ್ಣಕಾನ್ತಾ ಕೃಷ್ಣವನ್ದ್ಯಾ ಕೃಷ್ಣಚಾರುಚಿತ್ರಮಣಿ
ಕೃಷ್ಣಪ್ರೇಮಸದೋನ್ಮತ್ತಾ ಗನ್ಧಮಾಲ್ಯಾದಿಧಾರಿಣಿ
ರಾಧೇ ರಾಧೇ ರಾಧೇ ರಾಧೇ ನಮೋ ದೀನಕೃಪಾಲಿನಿ ।। ೪ ।।

ಕೃಷ್ಣನಿತ್ಯಸಂಯೋಗಿನಿ ಕೃಷ್ಣಸಂಗಪ್ರದಾಯಿನಿ
ಕೃಷ್ಣದಾಸಿ ಕೃಷ್ಣರಾಶಿ ಕೃಷ್ಣನಿಕುಂಜಸ್ವಾಮಿನಿ
ಕೃಷ್ಣಚನ್ದ್ರಪ್ರಿಯಾಧೀರಾ ಘೋರಸಂಸಾರತಾರಿಣಿ
ರಾಧೇ ರಾಧೇ ರಾಧೇ ರಾಧೇ ನಮೋ ದೀನಕೃಪಾಲಿನಿ ।। ೫ ।।

ಕೃಷ್ಣಯೋಗಪ್ರದರ್ಶಿನಿ ಕೃಷ್ಣಸುಖಪ್ರದಾಯಿನಿ
ಜಿತೇನ್ದ್ರಿಯಾ ಯಜ್ಞರೂಪಾ ಶ್ರೀಕೃಷ್ಣಯಜ್ಞಕಾರಿಣಿ
ತ್ರೈಲೋಕ್ಯಲೋಕತಾರಿಣಿ ಜನನೀಲೋಕಪಾಲಿನಿ
ರಾಧೇ ರಾಧೇ ರಾಧೇ ರಾಧೇ ನಮೋ ದೀನಕೃಪಾಲಿನಿ ।। ೬ ।।

ಕೃಷ್ಣಪ್ರಾಣಪ್ರಿಯಾರಾಧೇ ಕೃಷ್ಣಸೇವಾಪ್ರದಾಯಿನಿ
ನಿಷ್ಕಲಂಕಾ ನಿತ್ಯರೂಪಾ ಕೃಷ್ಣಭಾವೇಆಹ್ಲ್ಲಾದಿನಿ
ಯಶೋದಾನನ್ದದಾಯಿನಿ ನೀಲಪದ್ಮವಿಧಾರಿಣಿ
ರಾಧೇ ರಾಧೇ ರಾಧೇ ರಾಧೇ ನಮೋ ದೀನಕೃಪಾಲಿನಿ ।। ೭ ।।

ಶ್ರೀಕೃಷ್ಣಚಿತ್ತಮೋಹಿನಿ ಕೃಷ್ಣಭಾವಪ್ರದಾಯಿನಿ
ಪದ್ಮಗನ್ಧಾ ಪದ್ಮಹಸ್ತಾ ಪದ್ಮಮಾಲಾ-ವಿಧಾರಿಣಿ
ನಿರ್ಗುಣಾಗುಣಸಾಗರಾ ನಿಗಮಾರ್ಥಪ್ರದಾಯಿನಿ
ರಾಧೇ ರಾಧೇ ರಾಧೇ ರಾಧೇ ನಮೋ ದೀನಕೃಪಾಲಿನಿ ।। ೮ ।।

ಕೃಷ್ಣಚನ್ದ್ರಮುಖೀದೇವಿ ಕೃಷ್ಣಪೂರ್ಣಬಿಮೋಹಿನಿ
ವಿಶ್ವಮ್ಭರೀ ವಿಚಿತ್ರಾಙ್ಗೀ ಪ್ರವೀಣಾಧರ್ಮಪಾವನಿ
ವೃಷಭಾನುಸುತಾದೇವೀ ವೃನ್ದಾವನವಿಲಾಸಿನಿ
ರಾಧೇ ರಾಧೇ ರಾಧೇ ರಾಧೇ ನಮೋ ದೀನಕೃಪಾಲಿನಿ ।। ೯ ।।

ಕೃಷ್ಣಪ್ರಾಣಬಿನ್ದುರಾಧೇ ಕೃಷ್ಣಮನ್ತ್ರಸ್ವರೂಪಿಣಿ
ಬ್ರಹ್ಮಮಯೀಬ್ರಹ್ಮರೂಪಾ ವಂಶೀವಟವಿಹಾರಿಣಿ
ಮುರಲೀವಾದನಪ್ರಿಯಾ ಭಕ್ತಮಙ್ಗಲದಾಯಿನಿ
ರಾಧೇ ರಾಧೇ ರಾಧೇ ರಾಧೇ ನಮೋ ದೀನಕೃಪಾಲಿನಿ ।। ೧೦ ।।

ಕೃಷ್ಣಕರ್ಮೋಸದಾರತಾ ಕೃಷ್ಣಧರ್ಮಪ್ರದಾಯಿನಿ
ವೇದಮಾತಾ ವೇದಗಮ್ಯಾ ಯಮುನಾತಟವಾಸಿನಿ
ಮನೋಹರಮನೋಹರಾ ರಾಧಿಕಾಕೃಷ್ಣಮೋಹಿನಿ
ರಾಧೇ ರಾಧೇ ರಾಧೇ ರಾಧೇ ನಮೋ ದೀನಕೃಪಾಲಿನಿ ।। ೧೧ ।।

ಕೃಷ್ಣಪ್ರೇಮಸಞ್ಚಾರಿಣಿ ಶಕ್ತೀನಾಂ ಶಕ್ತಿದಾಯಿನಿ
ಶಬ್ದಾತೀತಾ ಗುಣಾತೀತಾ ಶರಣಾಗತಪಾಲಿನಿ
ರಾಸಮಣ್ಡಲಮಧ್ಯಸ್ಥಾ ರಾಸನಾಯಿಕಾತರೂಣಿ
ರಾಧೇ ರಾಧೇ ರಾಧೇ ರಾಧೇ ಕೃಷ್ಣದಾಸಸ್ಯಸ್ವಾಮಿನಿ ।। ೧೨ ।।

।। ಇತಿ ಶ್ರೀಕೃಷ್ಣದಾಸಃ ವಿರಚಿತ ಶ್ರೀರಾಧಾಕೃಪಾ ಸ್ತೋತ್ರಮ್ ಸಂಪೂರ್ಣಮ್ ।।