শ্ৰীকৃষ্ণ উৱাচ
মত্তসিন্ধুৰমস্তকোপৰি নৃত্যমানপদাম্বুজম্ । ভক্তচিন্তিতসিদ্ধিদানৱিচক্ষণং কমলেক্ষণম্ । ভুক্তিমুক্তিফলপ্ৰদং ভৱপদ্মজাঽচ্যুতপূজিতম্ । কৃত্তিৱাসসমাশ্ৰযে মম সৰ্ৱসিদ্ধিদমীশ্ৱৰম্ ॥
ৱিত্তদপ্ৰিযমৰ্চিতং কৃতকৃচ্ছ্ৰতীৱ্ৰতপশ্চৰৈঃ । মুক্তিকামিভিৰাশ্ৰিতৈৰ্মুনিভিৰ্দৃঢামলভক্তিভিঃ । মুক্তিদং নিজপাদপঙ্কজসক্তমানসযোগিনাম্ । কৃত্তিৱাসসমাশ্ৰযে মম সৰ্ৱসিদ্ধিদমীশ্ৱৰম্ ॥
কৃত্তদক্ষমখাধিপং ৱৰৱীৰভদ্ৰগণেন ৱৈ । যক্ষৰাক্ষসমৰ্ত্যকিন্নৰদেৱপন্নগৱন্দিতম্ । ৰক্তভুগ্গণনাথহৃদ্ভ্ৰমৰাঞ্চিতাঙ্ঘ্ৰিসৰোৰুহম্ । কৃত্তিৱাসসমাশ্ৰযে মম সৰ্ৱসিদ্ধিদমীশ্ৱৰম্ ॥
নক্তনাথকলাধৰং নগজাপযোধৰনীৰজা- লিপ্তচন্দনপঙ্ককুঙ্কুমপঙ্কিলামলৱিগ্ৰহম্ । শক্তিমন্তমশেষসৃষ্টিৱিধাযকং সকলপ্ৰভুম্ । কৃত্তিৱাসসমাশ্ৰযে মম সৰ্ৱসিদ্ধিদমীশ্ৱৰম্ ॥
ৰক্তনীৰজতুল্যপাদপযোজসন্মণিনূপুৰম্ । পত্তনত্ৰযদেহপাটনপঙ্কজাক্ষশিলীমুখম্ । ৱিত্তশৈলশৰাসনং পৃথুশিঞ্জিনীকৃততক্ষকম্ । কৃত্তিৱাসসমাশ্ৰযে মম সৰ্ৱসিদ্ধিদমীশ্ৱৰম্ ॥
ফলশ্ৰুতিঃ
যঃ পঠেচ্চ দিনে দিনে স্তৱপঞ্চৰত্নমুমাপতেঃ । প্ৰাতৰেৱ মযা কৃতং নিখিলাঘতূলমহানলম্ । তস্য পুত্ৰকলত্ৰমিত্ৰধনানি সন্তু কৃপাবলাত্ । তে মহেশ্ৱৰ শঙ্কৰাখিল ৱিশ্ৱনাযক শাশ্ৱত ॥
॥ ইতি শ্ৰীশিৱমহাপুৰাণে চ্যুতপুৰীমাহাত্ম্যে শ্ৰীকৃষ্ণ কৃত শ্ৰীশিৱপঞ্চৰত্নস্তুতিঃ সম্পূৰ্ণম্ ॥