શ્રીકૃષ્ણ ઉવાચ
મત્તસિન્ધુરમસ્તકોપરિ નૃત્યમાનપદામ્બુજમ્ । ભક્તચિન્તિતસિદ્ધિદાનવિચક્ષણં કમલેક્ષણમ્ । ભુક્તિમુક્તિફલપ્રદં ભવપદ્મજાઽચ્યુતપૂજિતમ્ । કૃત્તિવાસસમાશ્રયે મમ સર્વસિદ્ધિદમીશ્વરમ્ ॥
વિત્તદપ્રિયમર્ચિતં કૃતકૃચ્છ્રતીવ્રતપશ્ચરૈઃ । મુક્તિકામિભિરાશ્રિતૈર્મુનિભિર્દૃઢામલભક્તિભિઃ । મુક્તિદં નિજપાદપઙ્કજસક્તમાનસયોગિનામ્ । કૃત્તિવાસસમાશ્રયે મમ સર્વસિદ્ધિદમીશ્વરમ્ ॥
કૃત્તદક્ષમખાધિપં વરવીરભદ્રગણેન વૈ । યક્ષરાક્ષસમર્ત્યકિન્નરદેવપન્નગવન્દિતમ્ । રક્તભુગ્ગણનાથહૃદ્ભ્રમરાઞ્ચિતાઙ્ઘ્રિસરોરુહમ્ । કૃત્તિવાસસમાશ્રયે મમ સર્વસિદ્ધિદમીશ્વરમ્ ॥
નક્તનાથકલાધરં નગજાપયોધરનીરજા- લિપ્તચન્દનપઙ્કકુઙ્કુમપઙ્કિલામલવિગ્રહમ્ । શક્તિમન્તમશેષસૃષ્ટિવિધાયકં સકલપ્રભુમ્ । કૃત્તિવાસસમાશ્રયે મમ સર્વસિદ્ધિદમીશ્વરમ્ ॥
રક્તનીરજતુલ્યપાદપયોજસન્મણિનૂપુરમ્ । પત્તનત્રયદેહપાટનપઙ્કજાક્ષશિલીમુખમ્ । વિત્તશૈલશરાસનં પૃથુશિઞ્જિનીકૃતતક્ષકમ્ । કૃત્તિવાસસમાશ્રયે મમ સર્વસિદ્ધિદમીશ્વરમ્ ॥
ફલશ્રુતિઃ
યઃ પઠેચ્ચ દિને દિને સ્તવપઞ્ચરત્નમુમાપતેઃ । પ્રાતરેવ મયા કૃતં નિખિલાઘતૂલમહાનલમ્ । તસ્ય પુત્રકલત્રમિત્રધનાનિ સન્તુ કૃપાબલાત્ । તે મહેશ્વર શઙ્કરાખિલ વિશ્વનાયક શાશ્વત ॥
॥ ઇતિ શ્રીશિવમહાપુરાણે ચ્યુતપુરીમાહાત્મ્યે શ્રીકૃષ્ણ કૃત શ્રીશિવપઞ્ચરત્નસ્તુતિઃ સમ્પૂર્ણમ્ ॥