ശ്രീ ദുര്ഗാ അഷ്ടകമ്

ദുര്ഗേ പരേശി ശുഭദേശി പരാത്പരേശി, വന്ദ്യേ മഹേശദയിതേ കരൂണാര്ണവേശി ।
സ്തുത്യേ സ്വധേ സകലതാപഹരേ സുരേശി, കൃഷ്ണസ്തുതേ കുരു കൃപാം ലലിതേഽഖിലേശി ॥ ൧॥

ദിവ്യേ നുതേ ശ്രുതിശതൈര്വിമലേ ഭവേശി, കന്ദര്പദാരാശതസുന്ദരി മാധവേശി ।
മേധേ ഗിരീശതനയേ നിയതേ ശിവേശി, കൃഷ്ണസ്തുതേ കുരു കൃപാം ലലിതേഽഖിലേശി ॥ ൨॥

രാസേശ്വരി പ്രണതതാപഹരേ കുലേശി, ധര്മപ്രിയേ ഭയഹരേ വരദാഗ്രഗേശി ।
വാഗ്ദേവതേ വിധിനുതേ കമലാസനേശി, കൃഷ്ണസ്തുതേ കുരു കൃപാം ലലിതേഽഖിലേശി ॥ ൩॥

പൂജ്യേ മഹാവൃഷഭവാഹിനി മംഗലേശി, പദ്മേ ദിഗമ്ബരി മഹേശ്വരി കാനനേശി ।
രമ്യേധരേ സകലദേവനുതേ ഗയേശി, കൃഷ്ണസ്തുതേ കുരു കൃപാം ലലിതേഽഖിലേശി ॥ ൪॥

ശ്രദ്ധേ സുരാഽസുരനുതേ സകലേ ജലേശി, ഗംഗേ ഗിരീശദയിതേ ഗണനായകേശി ।
ദക്ഷേ സ്മശാനനിലയേ സുരനായകേശി, കൃഷ്ണസ്തുതേ കുരു കൃപാം ലലിതേഽഖിലേശി ॥ ൫॥

താരേ കൃപാര്ദ്രനയനേ മധുകൈടഭേശി, വിദ്യേശ്വരേശ്വരി യമേ നിഖലാക്ഷരേശി ।
ഊര്ജേ ചതുഃസ്തനി സനാതനി മുക്തകേശി, കൃഷ്ണസ്തുതേ കുരു കൃപാം ലലിതഽഖിലേശി ॥ ൬॥

മോക്ഷേഽസ്ഥിരേ ത്രിപുരസുന്ദരിപാടലേശി, മാഹേശ്വരി ത്രിനയനേ പ്രബലേ മഖേശി ।
തൃഷ്ണേ തരംഗിണി ബലേ ഗതിദേ ധ്രുവേശി, കൃഷ്ണസ്തുതേ കുരു കൃപാം ലലിതേഽഖിലേശി ॥ ൭॥

വിശ്വമ്ഭരേ സകലദേ വിദിതേ ജയേശി, വിന്ധ്യസ്ഥിതേ ശശിമുഖി ക്ഷണദേ ദയേശി ।
മാതഃ സരോജനയനേ രസികേ സ്മരേശി, കൃഷ്ണസ്തുതേ കുരു കൃപാം ലലിതേഽഖിലേശി ॥ ൮॥

ദുര്ഗാഷ്ടകം പഠതി യഃ പ്രയതഃ പ്രഭാതേ, സര്വാര്ഥദം ഹരിഹരാദിനുതാം വരേണ്യാം ।
ദുര്ഗാം സുപൂജ്യ മഹിതാം വിവിധോപചാരൈഃ, പ്രാപ്നോതി വാംഛിതഫലം ന ചിരാന്മനുഷ്യഃ ॥ ൯॥