॥ ಶ್ರೀಚಾಮುಣ್ಡಾಸ್ತೋತ್ರಮ್ (ಸ್ಕನ್ದಪುರಾಣೇ) ॥
॥ ವಿನಿಯೋಗಃ ॥
ಶ್ರೀಗಣೇಶಾಯ ನಮಃ । ಶ್ರೀಭೈರವಾಯ ನಮಃ । ಶ್ರೀಉಮಾಮಹೇಶ್ವರಾಭ್ಯಾಂ ನಮಃ ।
ಶ್ರೀಗಣೇಶಾಯ ನಮಃ । ಶ್ರೀಭೈರವಾಯ ನಮಃ । ಶ್ರೀಉಮಾಮಹೇಶ್ವರಾಭ್ಯಾಂ ನಮಃ ।
ಶ್ರೀಮಾರ್ಕಣ್ಡೇಯ ಉವಾಚ-
ತತೋ ಗಚ್ಛೇನ್ಮಹೀಪಾಲ ತೀರ್ಥಂ ಕನಖಲೋತ್ತಮಮ್ ।
ಗರುಡೇನ ತಪಸ್ತಪ್ತಂ ಪೂಜಯಿತ್ವಾ ಮಹೇಶ್ವರಮ್ ॥ ೧॥
ಗರುಡೇನ ತಪಸ್ತಪ್ತಂ ಪೂಜಯಿತ್ವಾ ಮಹೇಶ್ವರಮ್ ॥ ೧॥
ದಿವ್ಯಂ ವರ್ಷಶತಂ ಯಾವಜ್ಜಾತಮಾತ್ರೇಣ ಭಾರತ ।
ತಪೋಜಪೈಃ ಕೃಶೀಭೂತೋ ದೃಷ್ಟೋ ದೇವೇನ ಶಮ್ಭುನಾ ॥ ೨॥
ತಪೋಜಪೈಃ ಕೃಶೀಭೂತೋ ದೃಷ್ಟೋ ದೇವೇನ ಶಮ್ಭುನಾ ॥ ೨॥
ತತಸ್ತುಷ್ಟೋ ಮಹಾದೇವೋ ವೈನತೇಯಂ ಮನೋಜವಮ್ ।
ಉವಾಚಪರಮಂ ವಾಕ್ಯಂ ವಿನತಾನನ್ದವರ್ಧನಮ್ ॥ ೩॥
ಉವಾಚಪರಮಂ ವಾಕ್ಯಂ ವಿನತಾನನ್ದವರ್ಧನಮ್ ॥ ೩॥
ಪ್ರಸನ್ನಸ್ತೇ ಮಹಾಭಾಗ ವರಂ ವರಯ ಸುವ್ರತ ।
ದುರ್ಲಭಂ ತ್ರಿಷು ಲೋಕೇಷು ದದಾಮಿ ತವ ಖೇಚರ ॥ ೪॥
ದುರ್ಲಭಂ ತ್ರಿಷು ಲೋಕೇಷು ದದಾಮಿ ತವ ಖೇಚರ ॥ ೪॥
ಗರುಡ ಉವಾಚ-
ಇಚ್ಛಾಮಿ ವಾಹನಂ ವಿಷ್ಣೋರ್ದ್ವಿಜೇನ್ದ್ರತ್ವಂ ಸುರೇಶ್ವರ ।
ಪ್ರಸನ್ನೇ ತ್ವಯಿಮೇಸರ್ವಮ್ಭವತ್ವಿತಿ ಮತಿರ್ಮಮ ॥ ೫॥
ಪ್ರಸನ್ನೇ ತ್ವಯಿಮೇಸರ್ವಮ್ಭವತ್ವಿತಿ ಮತಿರ್ಮಮ ॥ ೫॥
ಶ್ರೀಮಹೇಶ ಉವಾಚ-
ದುರ್ಲಭಃ ಪ್ರಾಣಿನಾನ್ತಾತಯೋವರಃ ಪ್ರಾರ್ಥಿತೋಽನಘ ।
ದೇವದೇವಸ್ಯವಹನಂ ದ್ವಿಜೇನ್ದ್ರತ್ವಂ ಸುದುರ್ಲ್ಲಭಮ್ ॥ ೬॥
ದೇವದೇವಸ್ಯವಹನಂ ದ್ವಿಜೇನ್ದ್ರತ್ವಂ ಸುದುರ್ಲ್ಲಭಮ್ ॥ ೬॥
ನಾರಾಯಣೋದರೇ ಸರ್ವಂ ತ್ರೈಲೋಕ್ಯಂ ಸಚರಾಚರಮ್ ।
ತ್ವಯಾ ಸ ಕಥಮೂಹ್ಯತೇದೇವದೇವೋ ಜಗದ್ಗುರುಃ ॥ ೭॥
ತ್ವಯಾ ಸ ಕಥಮೂಹ್ಯತೇದೇವದೇವೋ ಜಗದ್ಗುರುಃ ॥ ೭॥
ತೇನೈವ ಸ್ಥಾಪಿತಶ್ಚೇನ್ದ್ರಸ್ತ್ರೈಲೋಕ್ಯೇ ಸಚರಾಚರೇ ।
ಕಥಮನ್ಯಸ್ಯ ಚೇನ್ದ್ರತ್ವಂ ಭವತೀತಿ ಸುದುರ್ಲಭಮ್ ॥ ೮॥
ಕಥಮನ್ಯಸ್ಯ ಚೇನ್ದ್ರತ್ವಂ ಭವತೀತಿ ಸುದುರ್ಲಭಮ್ ॥ ೮॥
ತಥಾಪಿ ಮಮವಾಕ್ಯೇನವಾಹನನ್ತ್ವಮ್ಭವಿಷ್ಯಸಿ ।
ಶಙ್ಖಚಕ್ರಗದಾಪಾಣೇರ್ವಹತೋಽಪಿ ಜಗತ್ತ್ರಯಮ್ ॥ ೯॥
ಶಙ್ಖಚಕ್ರಗದಾಪಾಣೇರ್ವಹತೋಽಪಿ ಜಗತ್ತ್ರಯಮ್ ॥ ೯॥
ಇನ್ದ್ರಸ್ತ್ವಂ ಪಕ್ಷಿಣಾಂ ಮಧ್ಯೇಭವಿಷ್ಯಸಿನಸಂಶಯಃ ।
ಇತಿ ದತ್ತ್ವಾವರನ್ತಸ್ಮಾನ್ತರ್ಧಾನಙ್ಗತೋಹರಃ ॥ ೧೦॥
ಇತಿ ದತ್ತ್ವಾವರನ್ತಸ್ಮಾನ್ತರ್ಧಾನಙ್ಗತೋಹರಃ ॥ ೧೦॥
ತತೋ ಗತೇ ಮಹಾದೇವೇಹ್ಯರುಣಸ್ಯಾನುಜೋ ನೃಪ ।
ಆರಾಧಯಾಮಾಸ ತದಾ ಚಾಮುಣ್ಡಾಂ ಮುಣ್ಡಮಣ್ಡಿತಾಮ್ ॥ ೧೧॥
ಆರಾಧಯಾಮಾಸ ತದಾ ಚಾಮುಣ್ಡಾಂ ಮುಣ್ಡಮಣ್ಡಿತಾಮ್ ॥ ೧೧॥
ಶ್ಮಶಾನವಾಸಿನೀಂ ದೇವೀಂ ಬಹುಭೂತಸಮನ್ವಿತಾಮ್ ।
ಯೋಗಿನೀಂ ಯೋಗಸಂಸಿದ್ಧಾಂ ವಸಾಮಾಂಸಾಸವಪ್ರಿಯಾಮ್ ॥ ೧೨॥
ಯೋಗಿನೀಂ ಯೋಗಸಂಸಿದ್ಧಾಂ ವಸಾಮಾಂಸಾಸವಪ್ರಿಯಾಮ್ ॥ ೧೨॥
ಧ್ಯಾತಮಾತ್ರಾ ತು ತೇನೈವಪ್ರತ್ಯಕ್ಷಾಹ್ಯಭವತ್ತದಾ ।
ಜಾಲನ್ಧರೇ ಚ ಯಾ ಸಿದ್ಧಿಃ ಕೌಲೀನೇ ಉಡ್ಡಿಶೇ ಪರೇ ॥ ೧೩॥
ಜಾಲನ್ಧರೇ ಚ ಯಾ ಸಿದ್ಧಿಃ ಕೌಲೀನೇ ಉಡ್ಡಿಶೇ ಪರೇ ॥ ೧೩॥
ಸಮಗ್ರಾ ಸಾ ಭೃಗುಕ್ಷೇತ್ರೇ ಸಿದ್ಧಕ್ಷೇತ್ರೇ ತು ಸಂಸ್ಥಿತಾ ।
ಚಾಮುಣ್ಡಾ ತತ್ರ ಸಾ ದೇವೀ ಸಿದ್ಧಕ್ಷೇತ್ರೇ ವ್ಯವಸ್ಥಿತಾ ॥ ೧೪॥
ಚಾಮುಣ್ಡಾ ತತ್ರ ಸಾ ದೇವೀ ಸಿದ್ಧಕ್ಷೇತ್ರೇ ವ್ಯವಸ್ಥಿತಾ ॥ ೧೪॥
ಸಂಸ್ತುತಾ ಋಷಿಭಿರ್ದ್ದೇವೈರ್ಯೋಗಕ್ಷೇಮಾರ್ಥಸಿದ್ಧಯೇ ।
ವಿನತಾಽಽನನ್ದಜನನಸ್ತತ್ರ ತಾಂ ಯೋಗಿನೀಂ ನೃಪ ।
ಭಕ್ತ್ಯಾ ಪ್ರಸಾದಯಾಮಾಸ ಸ್ತೋತ್ರೈರ್ವೈದಿಕಲೌಕಿಕೈಃ ॥ ೧೫॥
ವಿನತಾಽಽನನ್ದಜನನಸ್ತತ್ರ ತಾಂ ಯೋಗಿನೀಂ ನೃಪ ।
ಭಕ್ತ್ಯಾ ಪ್ರಸಾದಯಾಮಾಸ ಸ್ತೋತ್ರೈರ್ವೈದಿಕಲೌಕಿಕೈಃ ॥ ೧೫॥
॥ ಗರುಡ ಉವಾಚ(ಸ್ತೋತ್ರಮ್) ॥
ಯಾ ಸಾ ಕ್ಷುತ್ಕ್ಷಾಮಕಣ್ಠಾ ನವರುಧಿರಮುಖಾ ಪ್ರೇತಪದ್ಮಾಸನಸ್ಥಾ
ಭೂತಾನಾಂ ವೃನ್ದವೃನ್ದೈಃ ಪಿತೃವನನಿಲಯಾ ಕ್ರೀಡತೇ ಶೂಲಹಸ್ತಾ ।
ಶಸ್ತ್ರಧ್ವಸ್ತಪ್ರವೀರವ್ರಜರುಧಿರಗಲನ್ಮುಣ್ಡಮಾಲೋತ್ತರೀಯಾ
ದೇವೀ ಶ್ರೀವೀರಮಾತಾ ವಿಮಲಶಶಿನಿಭಾ ಪಾತು ವಶ್ಚರ್ಮಮುಣ್ಡಾ ॥ ೧೬॥
ಭೂತಾನಾಂ ವೃನ್ದವೃನ್ದೈಃ ಪಿತೃವನನಿಲಯಾ ಕ್ರೀಡತೇ ಶೂಲಹಸ್ತಾ ।
ಶಸ್ತ್ರಧ್ವಸ್ತಪ್ರವೀರವ್ರಜರುಧಿರಗಲನ್ಮುಣ್ಡಮಾಲೋತ್ತರೀಯಾ
ದೇವೀ ಶ್ರೀವೀರಮಾತಾ ವಿಮಲಶಶಿನಿಭಾ ಪಾತು ವಶ್ಚರ್ಮಮುಣ್ಡಾ ॥ ೧೬॥
ಯಾ ಸಾ ಕ್ಷುತ್ಕ್ಷಾಮಕಣ್ಠಾ ವಿಕೃತಭಯಕರೀ ತ್ರಾಸಿನೀ ದುಷ್ಕೃತಾನಾಂ
ಮುಞ್ಚಜ್ಜ್ವಾಲಾಕಲಾಪೈರ್ದ್ದಶನಕಸಮಸೈಃ ಖಾದತಿ ಪ್ರೇತಮಾಂಸಮ್ ।
ಪಿಙ್ಗೋದ್ ರ್ಧ್ವೋದ್ ಬದ್ಧಜೂಟಾರವಿಸದೃಶತನುರ್ವ್ಯಾಘ್ರಚರ್ಮೋತ್ತರೀಯಾ
ದೈತ್ಯೇನ್ದ್ರೈರ್ಯಕ್ಷರಕ್ಷೋಽರಸುರನಮಿತಾ ಪಾತು ವಶ್ಚರ್ಮಮುಣ್ಡಾ ॥ ೧೭॥
ಮುಞ್ಚಜ್ಜ್ವಾಲಾಕಲಾಪೈರ್ದ್ದಶನಕಸಮಸೈಃ ಖಾದತಿ ಪ್ರೇತಮಾಂಸಮ್ ।
ಪಿಙ್ಗೋದ್ ರ್ಧ್ವೋದ್ ಬದ್ಧಜೂಟಾರವಿಸದೃಶತನುರ್ವ್ಯಾಘ್ರಚರ್ಮೋತ್ತರೀಯಾ
ದೈತ್ಯೇನ್ದ್ರೈರ್ಯಕ್ಷರಕ್ಷೋಽರಸುರನಮಿತಾ ಪಾತು ವಶ್ಚರ್ಮಮುಣ್ಡಾ ॥ ೧೭॥
ಯಾ ಸಾ ದೋರ್ದ್ದಣ್ಡಚಣ್ಡೈರ್ಡಮರುರಣರಣಾಟೋಪಟಙ್ಕಾರಘಣ್ಟೈಃ
ಕಲ್ಪಾನ್ತೋತ್ಪಾತವಾತಾಹತಪಟುಪಟಹೈರ್ವಲ್ಗತೇ ಭೂತಮಾತಾ ।
ಕ್ಷುತ್ಕ್ಷಾಮಾ ಶುಷ್ಕಕುಕ್ಷಿಃ ಖರತರನಖರೈಃ ಕ್ಷೋದತಿ ಪ್ರೇತಮಾಂಸಂ
ಮುಞ್ಚನ್ತೀ ಚಾಟ್ಟಹಾಸಂ ಘುರಘುರಿತರವಾ ಪಾತು ವಶ್ಚರ್ಮಮುಣ್ಡಾ ॥ ೧೮॥
ಕಲ್ಪಾನ್ತೋತ್ಪಾತವಾತಾಹತಪಟುಪಟಹೈರ್ವಲ್ಗತೇ ಭೂತಮಾತಾ ।
ಕ್ಷುತ್ಕ್ಷಾಮಾ ಶುಷ್ಕಕುಕ್ಷಿಃ ಖರತರನಖರೈಃ ಕ್ಷೋದತಿ ಪ್ರೇತಮಾಂಸಂ
ಮುಞ್ಚನ್ತೀ ಚಾಟ್ಟಹಾಸಂ ಘುರಘುರಿತರವಾ ಪಾತು ವಶ್ಚರ್ಮಮುಣ್ಡಾ ॥ ೧೮॥
ಯಾ ಸಾ ನಿಮ್ನೋದರಾಭಾ ವಿಕೃತಭವಭಯತ್ರಾಸಿನೀ ಶೂಲಹಸ್ತಾ
ಚಾಮುಣ್ಡಾ ಮುಣ್ಡಘಾತಾ ರಣರುಣಿತರಣಝಲ್ಲರೀನಾದರಮ್ಯಾ ।
ತ್ರೈಲೋಕ್ಯಂ ತ್ರಾಸಯನ್ತಿ ಕಕಹಕಹಕಹೈರ್ಘೋರರಾವೈರನೇಕೈರ್ನೃತ್ಯನ್ತೀ
ಮಾತೃಮಧ್ಯೇ ಪಿತೃವನನಿಲಯಾ ಪಾತು ವಶ್ಚರ್ಮಮುಣ್ಡಾ ॥ ೧೯॥
ಚಾಮುಣ್ಡಾ ಮುಣ್ಡಘಾತಾ ರಣರುಣಿತರಣಝಲ್ಲರೀನಾದರಮ್ಯಾ ।
ತ್ರೈಲೋಕ್ಯಂ ತ್ರಾಸಯನ್ತಿ ಕಕಹಕಹಕಹೈರ್ಘೋರರಾವೈರನೇಕೈರ್ನೃತ್ಯನ್ತೀ
ಮಾತೃಮಧ್ಯೇ ಪಿತೃವನನಿಲಯಾ ಪಾತು ವಶ್ಚರ್ಮಮುಣ್ಡಾ ॥ ೧೯॥
ಯಾ ಧತ್ತೇ ವಿಶ್ವಮಖಿಲಂ ನಿಜಾಂಶೇನ ಮಹೋಜ್ಜ್ವಲಾ ।
ಕನಕಪ್ರಸವೇ ಲೀನಾ ಪಾತು ಮಾಂ ಕನಕೇಶ್ವರೀ ॥ ೨೦॥
ಕನಕಪ್ರಸವೇ ಲೀನಾ ಪಾತು ಮಾಂ ಕನಕೇಶ್ವರೀ ॥ ೨೦॥
ಹಿಮಾದ್ರಿಸಮ್ಭವಾ ದೇವೀ ದಯಾದರ್ಶಿತವಿಗ್ರಹಾ ।
ಶಿವಪ್ರಿಯಾ ಶಿವೇ ಸಕ್ತಾ ಪಾತು ಮಾಂ ಕನಕೇಶ್ವರೀ ॥ ೨೧॥
ಶಿವಪ್ರಿಯಾ ಶಿವೇ ಸಕ್ತಾ ಪಾತು ಮಾಂ ಕನಕೇಶ್ವರೀ ॥ ೨೧॥
ಅನಾದಿಜಗದಾದಿರ್ಯಾ ರತ್ನಗರ್ಭಾ ವಸುಪ್ರಿಯಾ ।
ರಥಾಙ್ಗಪಾಣಿನಾ ಪದ್ಮಾ ಪಾತು ಮಾಂ ಕನಕೇಶ್ವರೀ ॥ ೨೨॥
ರಥಾಙ್ಗಪಾಣಿನಾ ಪದ್ಮಾ ಪಾತು ಮಾಂ ಕನಕೇಶ್ವರೀ ॥ ೨೨॥
ಸಾವಿತ್ರೀ ಯಾ ಚ ಗಾಯತ್ರೀ ಮೃಡಾನೀ ವಾಗಥೇನ್ದಿರಾ ।
ಸ್ಮರ್ತೃಣಾಂ ಯಾ ಸುಖಂ ದತ್ತೇ ಪಾತು ಮಾಂ ಕನಕೇಶ್ವರೀ ॥ ೨೩॥
ಸ್ಮರ್ತೃಣಾಂ ಯಾ ಸುಖಂ ದತ್ತೇ ಪಾತು ಮಾಂ ಕನಕೇಶ್ವರೀ ॥ ೨೩॥
ಸೌಮ್ಯಾಸೌಮ್ಯೈಃ ಸದಾ ರೂಪೈಃ ಸೃಜತ್ಯವತಿ ಯಾ ಜಗತ್ ।
ಪರಾ ಶಕ್ತಿಃ ಪರಾ ಬುದ್ಧಿಃ ಪಾತು ಮಾಂ ಕನಕೇಶ್ವರೀ ॥ ೨೪॥
ಪರಾ ಶಕ್ತಿಃ ಪರಾ ಬುದ್ಧಿಃ ಪಾತು ಮಾಂ ಕನಕೇಶ್ವರೀ ॥ ೨೪॥
ಬ್ರಹ್ಮಣಃ ಸರ್ಗಸಮಯೇ ಸೃಜ್ಯಶಕ್ತಿಃ ಪರಾ ತು ಯಾ ।
ಜಗನ್ಮಾಯಾ ಜಗದ್ಧಾತ್ರೀ ಪಾತು ಮಾಂ ಕನಕೇಶ್ವರೀ ॥ ೨೫॥
ಜಗನ್ಮಾಯಾ ಜಗದ್ಧಾತ್ರೀ ಪಾತು ಮಾಂ ಕನಕೇಶ್ವರೀ ॥ ೨೫॥
ವಿಶ್ವಸ್ಯ ಪಾಲನೇ ವಿಷ್ಣೋರ್ಯಾ ಶಕ್ತಿಃ ಪರಿಪಾಲಿತಾ ।
ಮದನೋನ್ಮಾದಿನೀ ಮುಖ್ಯಾ ಪಾತು ಮಾಂ ಕನಕೇಶ್ವರೀ ॥ ೨೬॥
ಮದನೋನ್ಮಾದಿನೀ ಮುಖ್ಯಾ ಪಾತು ಮಾಂ ಕನಕೇಶ್ವರೀ ॥ ೨೬॥
ವಿಶ್ವಸಂಲಯನೇ ಮುಖ್ಯಾ ಯಾ ರುದ್ರೇಣ ಸಮಾಶ್ರಿತಾ ।
ರೌದ್ರೀ ಶಕ್ತಿಃ ಶಿವಾಽನನ್ತಾ ಪಾತು ಮಾಂ ಕನಕೇಶ್ವರೀ ॥ ೨೭॥
ರೌದ್ರೀ ಶಕ್ತಿಃ ಶಿವಾಽನನ್ತಾ ಪಾತು ಮಾಂ ಕನಕೇಶ್ವರೀ ॥ ೨೭॥
ಕೈಲಾಸಸಾನುಸಂರೂಢ ಕನಕಪ್ರಸವೇಶಯಾ ।
ಭಸ್ಮಕಾಭಿಹೃತಾ ಪೂರ್ವಂ ಪಾತು ಮಾಂ ಕನಕೇಶ್ವರೀ ॥ ೨೮॥
ಭಸ್ಮಕಾಭಿಹೃತಾ ಪೂರ್ವಂ ಪಾತು ಮಾಂ ಕನಕೇಶ್ವರೀ ॥ ೨೮॥
ಪತಿಪ್ರಭಾವಮಿಚ್ಛನ್ತೀ ತ್ರಸ್ಯನ್ತೀ ಯಾ ವಿನಾ ಪತಿಮ್ ।
ಅಬಲಾ ತ್ವೇಕಭಾವಾ ಚ ಪಾತು ಮಾಂ ಕನಕೇಶ್ವರೀ ॥ ೨೯॥
ಅಬಲಾ ತ್ವೇಕಭಾವಾ ಚ ಪಾತು ಮಾಂ ಕನಕೇಶ್ವರೀ ॥ ೨೯॥
ವಿಶ್ವಸಂರಕ್ಷಣೇ ಸಕ್ತಾ ರಕ್ಷಿತಾ ಕನಕೇನ ಯಾ ।
ಆ ಬ್ರಹ್ಮಸ್ತಮ್ಬಜನನೀ ಪಾತು ಮಾಂ ಕನಕೇಶ್ವರೀ ॥ ೩೦॥
ಆ ಬ್ರಹ್ಮಸ್ತಮ್ಬಜನನೀ ಪಾತು ಮಾಂ ಕನಕೇಶ್ವರೀ ॥ ೩೦॥
ಬ್ರಹ್ಮವಿಷ್ಣ್ವೀಶ್ವರಾಃ ಶಕ್ತ್ಯಾ ಶರೀರಗ್ರಹಣಂ ಯಯಾ ।
ಪ್ರಾಪಿತಾಃ ಪ್ರಥಮಾ ಶಕ್ತಿಃ ಪಾತು ಮಾಂ ಕನಕೇಶ್ವರೀ ॥ ೩೧॥
ಪ್ರಾಪಿತಾಃ ಪ್ರಥಮಾ ಶಕ್ತಿಃ ಪಾತು ಮಾಂ ಕನಕೇಶ್ವರೀ ॥ ೩೧॥
॥ ಫಲಶ್ರುತಿಃ ॥
ಶ್ರುತ್ವಾ ತು ಗರುಡೇನೋಕ್ತಂ ದೇವೀವೃತ್ತಚತುಷ್ಟಯಮ್ ।
ಪ್ರಸನ್ನಾ ಸಮ್ಮುಖೀ ಭೂತ್ವಾ ವಾಕ್ಯಮೇತದುವಾಚ ಹ ॥ ೩೨॥
ಪ್ರಸನ್ನಾ ಸಮ್ಮುಖೀ ಭೂತ್ವಾ ವಾಕ್ಯಮೇತದುವಾಚ ಹ ॥ ೩೨॥
ಶ್ರೀಚಾಮುಣ್ಡೋವಾಚ -
ಪ್ರಸನ್ನಾ ತೇ ಮಹಾಸತ್ತ್ವ ವರಂ ವರಯ ವಾಞ್ಛಿತಮ್ ।
ದದಾಮಿ ತೇ ದ್ವಿಜಶ್ರೇಷ್ಠ ಯತ್ತೇ ಮನಸಿ ರೋಚತೇ ॥ ೩೩॥
ದದಾಮಿ ತೇ ದ್ವಿಜಶ್ರೇಷ್ಠ ಯತ್ತೇ ಮನಸಿ ರೋಚತೇ ॥ ೩೩॥
ಗರುಡ ಉವಾಚ-
ಅಜರಶ್ಚಾಮರಶ್ಚೈವ ಅಧೃಷ್ಯಶ್ಚ ಸುರಾಸುರೈಃ ।
ತವ ಪ್ರಸಾದಾಚ್ಚೈವಾನ್ಯೈರಜೇಯಶ್ಚ ಭವಾಮ್ಯಹಮ್ ॥ ೩೪॥
ತವ ಪ್ರಸಾದಾಚ್ಚೈವಾನ್ಯೈರಜೇಯಶ್ಚ ಭವಾಮ್ಯಹಮ್ ॥ ೩೪॥
ತ್ವಯಾಚಾಽತ್ರ ಸದಾ ದೇವಿ ಸ್ಥಾತವ್ಯಂ ತೀರ್ಥಸನ್ನಿಧೌ ।
ಮಾರ್ಕಣ್ಡೇಯ ಉವಾಚ-
ಏವಂ ಭವಿಷ್ಯತೀತ್ಯುಕ್ತ್ವಾ ದೇವೀ ದೇವೈರಭಿಷ್ಟುತಾ ॥ ೩೫॥
ಜಗಾಮಾಕಾಶಮಾವಿಶ್ಯ ಭೂತಸಙ್ಘಸಮನ್ವಿತಾ ।
ಯದಾ ಲಕ್ಷ್ಮ್ಯಾ ನೃಪಶ್ರೇಷ್ಠ ಸ್ಥಾಪಿತಂ ಪುರಮುತ್ತಮಮ್ ॥ ೩೬॥
ಯದಾ ಲಕ್ಷ್ಮ್ಯಾ ನೃಪಶ್ರೇಷ್ಠ ಸ್ಥಾಪಿತಂ ಪುರಮುತ್ತಮಮ್ ॥ ೩೬॥
ಅನುಮಾನ್ಯ ತದಾ ದೇವೀಂ ಕೃತಂ ತಸ್ಯಾಂ ಸಮರ್ಪಿತಮ್ ।
ಲಕ್ಷ್ಮೀರುವಾಚ -
ರಕ್ಷಣಾಯ ಮಯಾ ದೇವಿ ಯೋಗಕ್ಷೇಮಾರ್ಥಸಿದ್ಧಯೇ ॥ ೩೭॥
ಮಾತೃವತ್ಪ್ರತಿಪಾಲ್ಯಂ ತೇ ಸದಾ ದೇವಿ ಪುರಂ ಮಮ ।
ಗರುಡೋಽಪಿ ತತಃ ಸ್ನಾತ್ವಾ ಸಮ್ಪೂಜ್ಯ ಕನಕೇಶ್ವರೀಮ್ ॥ ೩೮॥
ಗರುಡೋಽಪಿ ತತಃ ಸ್ನಾತ್ವಾ ಸಮ್ಪೂಜ್ಯ ಕನಕೇಶ್ವರೀಮ್ ॥ ೩೮॥
ತೀರ್ಥಂ ತತ್ರೈವ ಸಂಸ್ಥಾಪ್ಯ ಜಗಾಮಾಕಾಶಮುತ್ತಮಮ್ ।
ತತ್ರ ತೀರ್ಥೇ ತು ಯಃ ಸ್ನಾತ್ವಾ ಪೂಜಯೇತ್ಪಿತೃದೇವತಾಃ ॥ ೩೯॥
ತತ್ರ ತೀರ್ಥೇ ತು ಯಃ ಸ್ನಾತ್ವಾ ಪೂಜಯೇತ್ಪಿತೃದೇವತಾಃ ॥ ೩೯॥
ಸರ್ವಕಾಮಸಮೃದ್ಧಸ್ಯ ಯಜ್ಞಸ್ಯ ಫಲಮಶ್ನುತೇ ।
ಗನ್ಧಪುಷ್ಪಾದಿಭಿರ್ಯಸ್ತು ಪೂಜಯೇತ್ಕನಕೇಶ್ವರೀಮ್ ॥ ೪೦॥
ಗನ್ಧಪುಷ್ಪಾದಿಭಿರ್ಯಸ್ತು ಪೂಜಯೇತ್ಕನಕೇಶ್ವರೀಮ್ ॥ ೪೦॥
ತಸ್ಯ ಯೋಗೈಶ್ವರ್ಯಸಿದ್ಧಿರ್ಯೋಗಪೀಠೇಷು ಜಾಯತೇ ।
ಮೃತೋ ಯೋಗೇಶ್ವರಂ ಲೋಕಂ ಜಯಶಬ್ದಾದಿಮಙ್ಗಲೈಃ ।
ಸ ಗಚ್ಛೇನ್ನಾಽತ್ರ ಸನ್ದೇಹೋ ಯೋಗಿನೀಗಣಸಂಯುತಃ ॥ ೪೧॥
ಮೃತೋ ಯೋಗೇಶ್ವರಂ ಲೋಕಂ ಜಯಶಬ್ದಾದಿಮಙ್ಗಲೈಃ ।
ಸ ಗಚ್ಛೇನ್ನಾಽತ್ರ ಸನ್ದೇಹೋ ಯೋಗಿನೀಗಣಸಂಯುತಃ ॥ ೪೧॥
॥ ಇತಿ ಶ್ರೀಸ್ಕಾನ್ದೇ ರೇವಾಖಣ್ಡೇ ಕನಖಲೇಶ್ವರತೀರ್ಥಮಾಹಾತ್ಮ್ಯೇ ಚಾಮುಣ್ಡಾ ಸ್ತೋತ್ರಮ್ ಸಮ್ಪೂರ್ಣಮ್ ॥