॥ ശ്രീചാമുണ്ഡാസ്തോത്രമ് (സ്കന്ദപുരാണേ) ॥
॥ വിനിയോഗഃ ॥
ശ്രീഗണേശായ നമഃ । ശ്രീഭൈരവായ നമഃ । ശ്രീഉമാമഹേശ്വരാഭ്യാം നമഃ ।
ശ്രീഗണേശായ നമഃ । ശ്രീഭൈരവായ നമഃ । ശ്രീഉമാമഹേശ്വരാഭ്യാം നമഃ ।
ശ്രീമാര്കണ്ഡേയ ഉവാച-
തതോ ഗച്ഛേന്മഹീപാല തീര്ഥം കനഖലോത്തമമ് ।
ഗരുഡേന തപസ്തപ്തം പൂജയിത്വാ മഹേശ്വരമ് ॥ ൧॥
ഗരുഡേന തപസ്തപ്തം പൂജയിത്വാ മഹേശ്വരമ് ॥ ൧॥
ദിവ്യം വര്ഷശതം യാവജ്ജാതമാത്രേണ ഭാരത ।
തപോജപൈഃ കൃശീഭൂതോ ദൃഷ്ടോ ദേവേന ശമ്ഭുനാ ॥ ൨॥
തപോജപൈഃ കൃശീഭൂതോ ദൃഷ്ടോ ദേവേന ശമ്ഭുനാ ॥ ൨॥
തതസ്തുഷ്ടോ മഹാദേവോ വൈനതേയം മനോജവമ് ।
ഉവാചപരമം വാക്യം വിനതാനന്ദവര്ധനമ് ॥ ൩॥
ഉവാചപരമം വാക്യം വിനതാനന്ദവര്ധനമ് ॥ ൩॥
പ്രസന്നസ്തേ മഹാഭാഗ വരം വരയ സുവ്രത ।
ദുര്ലഭം ത്രിഷു ലോകേഷു ദദാമി തവ ഖേചര ॥ ൪॥
ദുര്ലഭം ത്രിഷു ലോകേഷു ദദാമി തവ ഖേചര ॥ ൪॥
ഗരുഡ ഉവാച-
ഇച്ഛാമി വാഹനം വിഷ്ണോര്ദ്വിജേന്ദ്രത്വം സുരേശ്വര ।
പ്രസന്നേ ത്വയിമേസര്വമ്ഭവത്വിതി മതിര്മമ ॥ ൫॥
പ്രസന്നേ ത്വയിമേസര്വമ്ഭവത്വിതി മതിര്മമ ॥ ൫॥
ശ്രീമഹേശ ഉവാച-
ദുര്ലഭഃ പ്രാണിനാന്താതയോവരഃ പ്രാര്ഥിതോഽനഘ ।
ദേവദേവസ്യവഹനം ദ്വിജേന്ദ്രത്വം സുദുര്ല്ലഭമ് ॥ ൬॥
ദേവദേവസ്യവഹനം ദ്വിജേന്ദ്രത്വം സുദുര്ല്ലഭമ് ॥ ൬॥
നാരായണോദരേ സര്വം ത്രൈലോക്യം സചരാചരമ് ।
ത്വയാ സ കഥമൂഹ്യതേദേവദേവോ ജഗദ്ഗുരുഃ ॥ ൭॥
ത്വയാ സ കഥമൂഹ്യതേദേവദേവോ ജഗദ്ഗുരുഃ ॥ ൭॥
തേനൈവ സ്ഥാപിതശ്ചേന്ദ്രസ്ത്രൈലോക്യേ സചരാചരേ ।
കഥമന്യസ്യ ചേന്ദ്രത്വം ഭവതീതി സുദുര്ലഭമ് ॥ ൮॥
കഥമന്യസ്യ ചേന്ദ്രത്വം ഭവതീതി സുദുര്ലഭമ് ॥ ൮॥
തഥാപി മമവാക്യേനവാഹനന്ത്വമ്ഭവിഷ്യസി ।
ശങ്ഖചക്രഗദാപാണേര്വഹതോഽപി ജഗത്ത്രയമ് ॥ ൯॥
ശങ്ഖചക്രഗദാപാണേര്വഹതോഽപി ജഗത്ത്രയമ് ॥ ൯॥
ഇന്ദ്രസ്ത്വം പക്ഷിണാം മധ്യേഭവിഷ്യസിനസംശയഃ ।
ഇതി ദത്ത്വാവരന്തസ്മാന്തര്ധാനങ്ഗതോഹരഃ ॥ ൧൦॥
ഇതി ദത്ത്വാവരന്തസ്മാന്തര്ധാനങ്ഗതോഹരഃ ॥ ൧൦॥
തതോ ഗതേ മഹാദേവേഹ്യരുണസ്യാനുജോ നൃപ ।
ആരാധയാമാസ തദാ ചാമുണ്ഡാം മുണ്ഡമണ്ഡിതാമ് ॥ ൧൧॥
ആരാധയാമാസ തദാ ചാമുണ്ഡാം മുണ്ഡമണ്ഡിതാമ് ॥ ൧൧॥
ശ്മശാനവാസിനീം ദേവീം ബഹുഭൂതസമന്വിതാമ് ।
യോഗിനീം യോഗസംസിദ്ധാം വസാമാംസാസവപ്രിയാമ് ॥ ൧൨॥
യോഗിനീം യോഗസംസിദ്ധാം വസാമാംസാസവപ്രിയാമ് ॥ ൧൨॥
ധ്യാതമാത്രാ തു തേനൈവപ്രത്യക്ഷാഹ്യഭവത്തദാ ।
ജാലന്ധരേ ച യാ സിദ്ധിഃ കൌലീനേ ഉഡ്ഡിശേ പരേ ॥ ൧൩॥
ജാലന്ധരേ ച യാ സിദ്ധിഃ കൌലീനേ ഉഡ്ഡിശേ പരേ ॥ ൧൩॥
സമഗ്രാ സാ ഭൃഗുക്ഷേത്രേ സിദ്ധക്ഷേത്രേ തു സംസ്ഥിതാ ।
ചാമുണ്ഡാ തത്ര സാ ദേവീ സിദ്ധക്ഷേത്രേ വ്യവസ്ഥിതാ ॥ ൧൪॥
ചാമുണ്ഡാ തത്ര സാ ദേവീ സിദ്ധക്ഷേത്രേ വ്യവസ്ഥിതാ ॥ ൧൪॥
സംസ്തുതാ ഋഷിഭിര്ദ്ദേവൈര്യോഗക്ഷേമാര്ഥസിദ്ധയേ ।
വിനതാഽഽനന്ദജനനസ്തത്ര താം യോഗിനീം നൃപ ।
ഭക്ത്യാ പ്രസാദയാമാസ സ്തോത്രൈര്വൈദികലൌകികൈഃ ॥ ൧൫॥
വിനതാഽഽനന്ദജനനസ്തത്ര താം യോഗിനീം നൃപ ।
ഭക്ത്യാ പ്രസാദയാമാസ സ്തോത്രൈര്വൈദികലൌകികൈഃ ॥ ൧൫॥
॥ ഗരുഡ ഉവാച(സ്തോത്രമ്) ॥
യാ സാ ക്ഷുത്ക്ഷാമകണ്ഠാ നവരുധിരമുഖാ പ്രേതപദ്മാസനസ്ഥാ
ഭൂതാനാം വൃന്ദവൃന്ദൈഃ പിതൃവനനിലയാ ക്രീഡതേ ശൂലഹസ്താ ।
ശസ്ത്രധ്വസ്തപ്രവീരവ്രജരുധിരഗലന്മുണ്ഡമാലോത്തരീയാ
ദേവീ ശ്രീവീരമാതാ വിമലശശിനിഭാ പാതു വശ്ചര്മമുണ്ഡാ ॥ ൧൬॥
ഭൂതാനാം വൃന്ദവൃന്ദൈഃ പിതൃവനനിലയാ ക്രീഡതേ ശൂലഹസ്താ ।
ശസ്ത്രധ്വസ്തപ്രവീരവ്രജരുധിരഗലന്മുണ്ഡമാലോത്തരീയാ
ദേവീ ശ്രീവീരമാതാ വിമലശശിനിഭാ പാതു വശ്ചര്മമുണ്ഡാ ॥ ൧൬॥
യാ സാ ക്ഷുത്ക്ഷാമകണ്ഠാ വികൃതഭയകരീ ത്രാസിനീ ദുഷ്കൃതാനാം
മുഞ്ചജ്ജ്വാലാകലാപൈര്ദ്ദശനകസമസൈഃ ഖാദതി പ്രേതമാംസമ് ।
പിങ്ഗോദ് ര്ധ്വോദ് ബദ്ധജൂടാരവിസദൃശതനുര്വ്യാഘ്രചര്മോത്തരീയാ
ദൈത്യേന്ദ്രൈര്യക്ഷരക്ഷോഽരസുരനമിതാ പാതു വശ്ചര്മമുണ്ഡാ ॥ ൧൭॥
മുഞ്ചജ്ജ്വാലാകലാപൈര്ദ്ദശനകസമസൈഃ ഖാദതി പ്രേതമാംസമ് ।
പിങ്ഗോദ് ര്ധ്വോദ് ബദ്ധജൂടാരവിസദൃശതനുര്വ്യാഘ്രചര്മോത്തരീയാ
ദൈത്യേന്ദ്രൈര്യക്ഷരക്ഷോഽരസുരനമിതാ പാതു വശ്ചര്മമുണ്ഡാ ॥ ൧൭॥
യാ സാ ദോര്ദ്ദണ്ഡചണ്ഡൈര്ഡമരുരണരണാടോപടങ്കാരഘണ്ടൈഃ
കല്പാന്തോത്പാതവാതാഹതപടുപടഹൈര്വല്ഗതേ ഭൂതമാതാ ।
ക്ഷുത്ക്ഷാമാ ശുഷ്കകുക്ഷിഃ ഖരതരനഖരൈഃ ക്ഷോദതി പ്രേതമാംസം
മുഞ്ചന്തീ ചാട്ടഹാസം ഘുരഘുരിതരവാ പാതു വശ്ചര്മമുണ്ഡാ ॥ ൧൮॥
കല്പാന്തോത്പാതവാതാഹതപടുപടഹൈര്വല്ഗതേ ഭൂതമാതാ ।
ക്ഷുത്ക്ഷാമാ ശുഷ്കകുക്ഷിഃ ഖരതരനഖരൈഃ ക്ഷോദതി പ്രേതമാംസം
മുഞ്ചന്തീ ചാട്ടഹാസം ഘുരഘുരിതരവാ പാതു വശ്ചര്മമുണ്ഡാ ॥ ൧൮॥
യാ സാ നിമ്നോദരാഭാ വികൃതഭവഭയത്രാസിനീ ശൂലഹസ്താ
ചാമുണ്ഡാ മുണ്ഡഘാതാ രണരുണിതരണഝല്ലരീനാദരമ്യാ ।
ത്രൈലോക്യം ത്രാസയന്തി കകഹകഹകഹൈര്ഘോരരാവൈരനേകൈര്നൃത്യന്തീ
മാതൃമധ്യേ പിതൃവനനിലയാ പാതു വശ്ചര്മമുണ്ഡാ ॥ ൧൯॥
ചാമുണ്ഡാ മുണ്ഡഘാതാ രണരുണിതരണഝല്ലരീനാദരമ്യാ ।
ത്രൈലോക്യം ത്രാസയന്തി കകഹകഹകഹൈര്ഘോരരാവൈരനേകൈര്നൃത്യന്തീ
മാതൃമധ്യേ പിതൃവനനിലയാ പാതു വശ്ചര്മമുണ്ഡാ ॥ ൧൯॥
യാ ധത്തേ വിശ്വമഖിലം നിജാംശേന മഹോജ്ജ്വലാ ।
കനകപ്രസവേ ലീനാ പാതു മാം കനകേശ്വരീ ॥ ൨൦॥
കനകപ്രസവേ ലീനാ പാതു മാം കനകേശ്വരീ ॥ ൨൦॥
ഹിമാദ്രിസമ്ഭവാ ദേവീ ദയാദര്ശിതവിഗ്രഹാ ।
ശിവപ്രിയാ ശിവേ സക്താ പാതു മാം കനകേശ്വരീ ॥ ൨൧॥
ശിവപ്രിയാ ശിവേ സക്താ പാതു മാം കനകേശ്വരീ ॥ ൨൧॥
അനാദിജഗദാദിര്യാ രത്നഗര്ഭാ വസുപ്രിയാ ।
രഥാങ്ഗപാണിനാ പദ്മാ പാതു മാം കനകേശ്വരീ ॥ ൨൨॥
രഥാങ്ഗപാണിനാ പദ്മാ പാതു മാം കനകേശ്വരീ ॥ ൨൨॥
സാവിത്രീ യാ ച ഗായത്രീ മൃഡാനീ വാഗഥേന്ദിരാ ।
സ്മര്തൃണാം യാ സുഖം ദത്തേ പാതു മാം കനകേശ്വരീ ॥ ൨൩॥
സ്മര്തൃണാം യാ സുഖം ദത്തേ പാതു മാം കനകേശ്വരീ ॥ ൨൩॥
സൌമ്യാസൌമ്യൈഃ സദാ രൂപൈഃ സൃജത്യവതി യാ ജഗത് ।
പരാ ശക്തിഃ പരാ ബുദ്ധിഃ പാതു മാം കനകേശ്വരീ ॥ ൨൪॥
പരാ ശക്തിഃ പരാ ബുദ്ധിഃ പാതു മാം കനകേശ്വരീ ॥ ൨൪॥
ബ്രഹ്മണഃ സര്ഗസമയേ സൃജ്യശക്തിഃ പരാ തു യാ ।
ജഗന്മായാ ജഗദ്ധാത്രീ പാതു മാം കനകേശ്വരീ ॥ ൨൫॥
ജഗന്മായാ ജഗദ്ധാത്രീ പാതു മാം കനകേശ്വരീ ॥ ൨൫॥
വിശ്വസ്യ പാലനേ വിഷ്ണോര്യാ ശക്തിഃ പരിപാലിതാ ।
മദനോന്മാദിനീ മുഖ്യാ പാതു മാം കനകേശ്വരീ ॥ ൨൬॥
മദനോന്മാദിനീ മുഖ്യാ പാതു മാം കനകേശ്വരീ ॥ ൨൬॥
വിശ്വസംലയനേ മുഖ്യാ യാ രുദ്രേണ സമാശ്രിതാ ।
രൌദ്രീ ശക്തിഃ ശിവാഽനന്താ പാതു മാം കനകേശ്വരീ ॥ ൨൭॥
രൌദ്രീ ശക്തിഃ ശിവാഽനന്താ പാതു മാം കനകേശ്വരീ ॥ ൨൭॥
കൈലാസസാനുസംരൂഢ കനകപ്രസവേശയാ ।
ഭസ്മകാഭിഹൃതാ പൂര്വം പാതു മാം കനകേശ്വരീ ॥ ൨൮॥
ഭസ്മകാഭിഹൃതാ പൂര്വം പാതു മാം കനകേശ്വരീ ॥ ൨൮॥
പതിപ്രഭാവമിച്ഛന്തീ ത്രസ്യന്തീ യാ വിനാ പതിമ് ।
അബലാ ത്വേകഭാവാ ച പാതു മാം കനകേശ്വരീ ॥ ൨൯॥
അബലാ ത്വേകഭാവാ ച പാതു മാം കനകേശ്വരീ ॥ ൨൯॥
വിശ്വസംരക്ഷണേ സക്താ രക്ഷിതാ കനകേന യാ ।
ആ ബ്രഹ്മസ്തമ്ബജനനീ പാതു മാം കനകേശ്വരീ ॥ ൩൦॥
ആ ബ്രഹ്മസ്തമ്ബജനനീ പാതു മാം കനകേശ്വരീ ॥ ൩൦॥
ബ്രഹ്മവിഷ്ണ്വീശ്വരാഃ ശക്ത്യാ ശരീരഗ്രഹണം യയാ ।
പ്രാപിതാഃ പ്രഥമാ ശക്തിഃ പാതു മാം കനകേശ്വരീ ॥ ൩൧॥
പ്രാപിതാഃ പ്രഥമാ ശക്തിഃ പാതു മാം കനകേശ്വരീ ॥ ൩൧॥
॥ ഫലശ്രുതിഃ ॥
ശ്രുത്വാ തു ഗരുഡേനോക്തം ദേവീവൃത്തചതുഷ്ടയമ് ।
പ്രസന്നാ സമ്മുഖീ ഭൂത്വാ വാക്യമേതദുവാച ഹ ॥ ൩൨॥
പ്രസന്നാ സമ്മുഖീ ഭൂത്വാ വാക്യമേതദുവാച ഹ ॥ ൩൨॥
ശ്രീചാമുണ്ഡോവാച -
പ്രസന്നാ തേ മഹാസത്ത്വ വരം വരയ വാഞ്ഛിതമ് ।
ദദാമി തേ ദ്വിജശ്രേഷ്ഠ യത്തേ മനസി രോചതേ ॥ ൩൩॥
ദദാമി തേ ദ്വിജശ്രേഷ്ഠ യത്തേ മനസി രോചതേ ॥ ൩൩॥
ഗരുഡ ഉവാച-
അജരശ്ചാമരശ്ചൈവ അധൃഷ്യശ്ച സുരാസുരൈഃ ।
തവ പ്രസാദാച്ചൈവാന്യൈരജേയശ്ച ഭവാമ്യഹമ് ॥ ൩൪॥
തവ പ്രസാദാച്ചൈവാന്യൈരജേയശ്ച ഭവാമ്യഹമ് ॥ ൩൪॥
ത്വയാചാഽത്ര സദാ ദേവി സ്ഥാതവ്യം തീര്ഥസന്നിധൌ ।
മാര്കണ്ഡേയ ഉവാച-
ഏവം ഭവിഷ്യതീത്യുക്ത്വാ ദേവീ ദേവൈരഭിഷ്ടുതാ ॥ ൩൫॥
ജഗാമാകാശമാവിശ്യ ഭൂതസങ്ഘസമന്വിതാ ।
യദാ ലക്ഷ്മ്യാ നൃപശ്രേഷ്ഠ സ്ഥാപിതം പുരമുത്തമമ് ॥ ൩൬॥
യദാ ലക്ഷ്മ്യാ നൃപശ്രേഷ്ഠ സ്ഥാപിതം പുരമുത്തമമ് ॥ ൩൬॥
അനുമാന്യ തദാ ദേവീം കൃതം തസ്യാം സമര്പിതമ് ।
ലക്ഷ്മീരുവാച -
രക്ഷണായ മയാ ദേവി യോഗക്ഷേമാര്ഥസിദ്ധയേ ॥ ൩൭॥
മാതൃവത്പ്രതിപാല്യം തേ സദാ ദേവി പുരം മമ ।
ഗരുഡോഽപി തതഃ സ്നാത്വാ സമ്പൂജ്യ കനകേശ്വരീമ് ॥ ൩൮॥
ഗരുഡോഽപി തതഃ സ്നാത്വാ സമ്പൂജ്യ കനകേശ്വരീമ് ॥ ൩൮॥
തീര്ഥം തത്രൈവ സംസ്ഥാപ്യ ജഗാമാകാശമുത്തമമ് ।
തത്ര തീര്ഥേ തു യഃ സ്നാത്വാ പൂജയേത്പിതൃദേവതാഃ ॥ ൩൯॥
തത്ര തീര്ഥേ തു യഃ സ്നാത്വാ പൂജയേത്പിതൃദേവതാഃ ॥ ൩൯॥
സര്വകാമസമൃദ്ധസ്യ യജ്ഞസ്യ ഫലമശ്നുതേ ।
ഗന്ധപുഷ്പാദിഭിര്യസ്തു പൂജയേത്കനകേശ്വരീമ് ॥ ൪൦॥
ഗന്ധപുഷ്പാദിഭിര്യസ്തു പൂജയേത്കനകേശ്വരീമ് ॥ ൪൦॥
തസ്യ യോഗൈശ്വര്യസിദ്ധിര്യോഗപീഠേഷു ജായതേ ।
മൃതോ യോഗേശ്വരം ലോകം ജയശബ്ദാദിമങ്ഗലൈഃ ।
സ ഗച്ഛേന്നാഽത്ര സന്ദേഹോ യോഗിനീഗണസംയുതഃ ॥ ൪൧॥
മൃതോ യോഗേശ്വരം ലോകം ജയശബ്ദാദിമങ്ഗലൈഃ ।
സ ഗച്ഛേന്നാഽത്ര സന്ദേഹോ യോഗിനീഗണസംയുതഃ ॥ ൪൧॥
॥ ഇതി ശ്രീസ്കാന്ദേ രേവാഖണ്ഡേ കനഖലേശ്വരതീര്ഥമാഹാത്മ്യേ ചാമുണ്ഡാ സ്തോത്രമ് സമ്പൂര്ണമ് ॥