મુક્તિપ્રદાનાત્ પ્રતિકર્તૃતા મે સર્વસ્ય બોધો ભવતાં ભવેત ।
હનૂમતો ન પ્રતિકર્તૃતા સ્યાત્ સ્વભાવભક્તસ્ય નિરૌષધં મે ॥ ૧॥
હનૂમતો ન પ્રતિકર્તૃતા સ્યાત્ સ્વભાવભક્તસ્ય નિરૌષધં મે ॥ ૧॥
મદ્ભક્તૌ જ્ઞાનપૂર્તાવનુપધિકબલપ્રોન્નતિસ્થૈર્યધૈર્ય-
સ્વાભાવ્યાધિક્યતેજઃસુમતિદમશમેષ્વસ્ય તુલ્યો ન કશ્ચિત્ ।
શેષો રુદ્રઃ સુપર્ણોઽપ્યુરુગુણસમિતૌ નો સહસ્રાંશુતુલ્યા
અસ્યેત્યસ્માન્મદૈશં પદમહમમુના સાર્ધમેવોપભોક્ષ્યે ॥ ૨॥
સ્વાભાવ્યાધિક્યતેજઃસુમતિદમશમેષ્વસ્ય તુલ્યો ન કશ્ચિત્ ।
શેષો રુદ્રઃ સુપર્ણોઽપ્યુરુગુણસમિતૌ નો સહસ્રાંશુતુલ્યા
અસ્યેત્યસ્માન્મદૈશં પદમહમમુના સાર્ધમેવોપભોક્ષ્યે ॥ ૨॥
પૂર્વં જિગાય ભુવનં દશકન્ધરોઽસા-
વનોદ્ભવસ્ય વરતો ન તુ તં કદાચિત્ ।
કશ્ચિજ્જિગાય પુરુહૂતસુતઃ કપિત્વાદ્-
વિષ્ણોર્વરાદજયદર્જુન એવ ચૈનમ્ ॥ ૩॥
વનોદ્ભવસ્ય વરતો ન તુ તં કદાચિત્ ।
કશ્ચિજ્જિગાય પુરુહૂતસુતઃ કપિત્વાદ્-
વિષ્ણોર્વરાદજયદર્જુન એવ ચૈનમ્ ॥ ૩॥
દત્તો વરો ન મનુજાન્ પ્રતિ વાનરાંશ્ચ
ધાત્રાસ્ય તેન વિજિતો યુધિ વાલિનૈષઃ ।
અનોદ્ભવસ્ય વરમાશ્વભિભૂય રક્ષો
જિગ્યે ત્વહં રણમુખે બલિમાહ્વયન્તમ્ ॥ ૪॥
ધાત્રાસ્ય તેન વિજિતો યુધિ વાલિનૈષઃ ।
અનોદ્ભવસ્ય વરમાશ્વભિભૂય રક્ષો
જિગ્યે ત્વહં રણમુખે બલિમાહ્વયન્તમ્ ॥ ૪॥
બલેર્છાસ્થોઽહં વરમસ્મૈ સમ્પ્રદાય પૂર્વ તુ ।
તેન મયા રક્ષોઽસ્તં યોજનમયુતં પદાઙ્ગુલ્યા ॥ ૫॥
તેન મયા રક્ષોઽસ્તં યોજનમયુતં પદાઙ્ગુલ્યા ॥ ૫॥
પુનશ્ચ યુદ્ધાય સમાહ્વયન્તં ન્યપાતયં રાવણમેકમુષ્ટિના ।
મહાબલોઽહં કપિલાખ્યરૂપસ્ત્રિકૂટરૂપઃ પવનશ્ચ મે સુતઃ ॥ ૬॥
મહાબલોઽહં કપિલાખ્યરૂપસ્ત્રિકૂટરૂપઃ પવનશ્ચ મે સુતઃ ॥ ૬॥
આવાં સ્વશક્ત્યા જયિનાવિતિ સ્મ શિવો વરાન્તેઽજયદેનમેવમ્ ।
જ્ઞાત્વા સુરાજેયમિમં હિ વત્રે હરો જયેયાહમમું દશાનનમ્ ॥ ૭॥
જ્ઞાત્વા સુરાજેયમિમં હિ વત્રે હરો જયેયાહમમું દશાનનમ્ ॥ ૭॥
અતઃ સ્વભાવાજ્જયિનાવહં ચ વાયુશ્ચ વાયુર્હનુમાન્ સ એષઃ ।
અમુષ્ય હેતોસ્તુ પુરા હિ વાયુના શિવેન્દ્રપૂર્વા અપિ કાષ્ઠવત્કૃતાઃ ॥ ૮॥
અમુષ્ય હેતોસ્તુ પુરા હિ વાયુના શિવેન્દ્રપૂર્વા અપિ કાષ્ઠવત્કૃતાઃ ॥ ૮॥
અતો હનૂમાન્ પદમેતુ ધાતુર્મદાજ્ઞયા સૃષ્ટ્યવનાદિકર્મ ।
મોક્ષં ચ લોકસ્ય સદૈવ કુર્વન્ મુક્તશ્ચ મુક્તાન્ સુખયન્ પ્રવર્તતામ્ ॥ ૯॥
મોક્ષં ચ લોકસ્ય સદૈવ કુર્વન્ મુક્તશ્ચ મુક્તાન્ સુખયન્ પ્રવર્તતામ્ ॥ ૯॥
ભોગાશ્ચ યે યાનિ ચ કર્મજાતાન્યનાદ્યનન્તાનિ મમેહ સન્તિ ।
મદાજ્ઞયા તાન્યખિલાનિ સન્તિ ધાતુઃ પદે તત્ સહભોગનામ ॥ ૧૦॥
મદાજ્ઞયા તાન્યખિલાનિ સન્તિ ધાતુઃ પદે તત્ સહભોગનામ ॥ ૧૦॥
એતાદૃશં મે સહભોજનં તે મયા પ્રદત્તં હનુમન્ સદૈવ ।
ઇતીરિતસ્તં હનૂમાન્ પ્રણમ્ય જગાદ વાક્યં સ્થિરભક્તિનમ્રઃ ॥ ૧૧॥
ઇતીરિતસ્તં હનૂમાન્ પ્રણમ્ય જગાદ વાક્યં સ્થિરભક્તિનમ્રઃ ॥ ૧૧॥
॥ ઇતિ શ્રીમદાનન્દતીર્થીયમહાભારતતાત્પર્યનિર્ણયતઃ શ્રીહનુમત્પ્રશંસનમ્ સમાપ્તમ્ ॥