ಮಹೇಶ್ವರ ಉವಾಚ।
ಶೃಣು ದೇವಿ ಪ್ರವಕ್ಷ್ಯಾಮಿ ಸ್ತೋತ್ರಂ ಸರ್ವಸುಖಾವಹಮ್ ।
ಸರ್ವಕಾಮಪ್ರದಂ ನೄಣಾಂ ಹನುಮತ್ಸ್ತೋತ್ರಮುತ್ತಮಮ್ ॥ ೧॥
ಸರ್ವಕಾಮಪ್ರದಂ ನೄಣಾಂ ಹನುಮತ್ಸ್ತೋತ್ರಮುತ್ತಮಮ್ ॥ ೧॥
ತಪ್ತಹಾಟಕಸಙ್ಕಾಶಂ ನಾನಾಪುಷ್ಪವಿರಾಜಿತಮ್ ।
ಉದ್ಯದ್ಬಾಲಾರ್ಕವದನಂ ತ್ರಿನೇತ್ರಂ ಕುಣ್ಡಲೋಜ್ಜ್ವಲಮ್ ॥ ೨॥
ಉದ್ಯದ್ಬಾಲಾರ್ಕವದನಂ ತ್ರಿನೇತ್ರಂ ಕುಣ್ಡಲೋಜ್ಜ್ವಲಮ್ ॥ ೨॥
ಮೌಞ್ಜೀಕೌಪೀನಕಂ ಹೇಮಮಯಯಜ್ಞೋಪವೀತಿನಮ್ ।
ಪಿಙ್ಗಲಾಕ್ಷಂ ಮಹಾಕಾಯಂ ಟಙ್ಕಶೈಲೇನ್ದ್ರಧಾರಿಣಮ್ ॥ ೩॥
ಪಿಙ್ಗಲಾಕ್ಷಂ ಮಹಾಕಾಯಂ ಟಙ್ಕಶೈಲೇನ್ದ್ರಧಾರಿಣಮ್ ॥ ೩॥
ಮೂರ್ತಿತ್ರಯಾತ್ಮಕಂ ವೀರಂ ಮಹಾಶೌರ್ಯಂ ಮಹಾಹನುಮ್ ।
ಹನುಮನ್ತಂ ವಾಯುಸೂನುಂ ನಮಾಮಿ ಬ್ರಹ್ಮಚಾರಿಣಮ್ ॥ ೪॥
ಹನುಮನ್ತಂ ವಾಯುಸೂನುಂ ನಮಾಮಿ ಬ್ರಹ್ಮಚಾರಿಣಮ್ ॥ ೪॥
ತ್ರಿವರ್ಣಾಕ್ಷರಮನ್ತ್ರಸ್ಥಂ ಜಪಾಕುಸುಮಸನ್ನಿಭಮ್ ।
ನಾನಾಭೂಷಣಸಂಯುಕ್ತಮಾಞ್ಜನೇಯಂ ನಮಾಮ್ಯಹಮ್ ॥ ೫॥
ನಾನಾಭೂಷಣಸಂಯುಕ್ತಮಾಞ್ಜನೇಯಂ ನಮಾಮ್ಯಹಮ್ ॥ ೫॥
ಪಞ್ಚಾಕ್ಷರಸ್ಥಿತಂ ದೇವಂ ನೀಲನೀರದಸನ್ನಿಭಮ್ ।
ಪೂಜಿತಂ ಸರ್ವದೇವೈಸ್ತು ರಾಕ್ಷಸಾರಿಂ ನಮಾಮ್ಯಹಮ್ ॥ ೬॥
ಪೂಜಿತಂ ಸರ್ವದೇವೈಸ್ತು ರಾಕ್ಷಸಾರಿಂ ನಮಾಮ್ಯಹಮ್ ॥ ೬॥
ಅಚಲದ್ಯುತಿಸಙ್ಕಾಶಂ ಸರ್ವಾಲಙ್ಕಾರಭೂಷಿತಮ್ ।
ಷಡಕ್ಷರಯುತಂ ದೇವಂ ನಮಾಮಿ ಬ್ರಹ್ಮಚಾರಿಣಮ್ ॥ ೭॥
ಷಡಕ್ಷರಯುತಂ ದೇವಂ ನಮಾಮಿ ಬ್ರಹ್ಮಚಾರಿಣಮ್ ॥ ೭॥
ಸಪ್ತವರ್ಣಮಯಂ ದೇವಂ ಹರೀಶಂ ತಂ ಸುರಾರ್ಚಿತಮ್ ।
ಸುನ್ದರಾಸ್ಯಾಬ್ಜಸಂಯುಕ್ತಂ ತ್ರಿನೇತ್ರಂ ತಂ ನಮಾಮ್ಯಹಮ್ ॥ ೮॥
ಸುನ್ದರಾಸ್ಯಾಬ್ಜಸಂಯುಕ್ತಂ ತ್ರಿನೇತ್ರಂ ತಂ ನಮಾಮ್ಯಹಮ್ ॥ ೮॥
ಅಷ್ಟಾದಶಾಧಿಪಂ ದೇವಂ ಹೇಮವರ್ಣಂ ಮಹಾತನುಮ್ ।
ನಮಾಮಿ ಜಗತಾಂ ವನ್ದ್ಯಂ ಲಙ್ಕಾಪ್ರಾಸಾದದಾಹನಮ್ ॥ ೯॥
ನಮಾಮಿ ಜಗತಾಂ ವನ್ದ್ಯಂ ಲಙ್ಕಾಪ್ರಾಸಾದದಾಹನಮ್ ॥ ೯॥
ಅತಸೀಪುಷ್ಪಸಙ್ಕಾಶಂ ದಶವರ್ಣಾತ್ಮಕಂ ವಿಭುಮ್ ।
ಜಟಾಧರಂ ಚತುರ್ಬಾಹುಂ ನಮಾಮಿ ಕಪಿನಾಯಕಮ್ ॥ ೧೦॥
ಜಟಾಧರಂ ಚತುರ್ಬಾಹುಂ ನಮಾಮಿ ಕಪಿನಾಯಕಮ್ ॥ ೧೦॥
ದ್ವಾದಶಾಕ್ಷರಮನ್ತ್ರಸ್ಯ ನಾಯಕಂ ಕುನ್ತಧಾರಿಣಮ್ ।
ಹೇಮವರ್ಣಲಸತ್ಕಾಯಂ ಭಜೇ ಸುಗ್ರೀವಮನ್ತ್ರಿಣಮ್ ॥ ೧೧॥
ಹೇಮವರ್ಣಲಸತ್ಕಾಯಂ ಭಜೇ ಸುಗ್ರೀವಮನ್ತ್ರಿಣಮ್ ॥ ೧೧॥
ಮಾಲಾಮನ್ತ್ರಾತ್ಮಕಂ ದೇವಂ ತ್ರಿವರ್ಣಂ ಚ ಚತುರ್ಭುಜಮ್ ।
ಪಾಶಾಙ್ಕುಶಧರಂ ದೇವಂ ಕಪಿವರ್ಯಂ ನಮಾಮ್ಯಹಮ್ ॥ ೧೨॥
ಪಾಶಾಙ್ಕುಶಧರಂ ದೇವಂ ಕಪಿವರ್ಯಂ ನಮಾಮ್ಯಹಮ್ ॥ ೧೨॥
ತ್ರಯೋದಶಾಕ್ಷರಹಿತಂ ಸೀತಾದುಃಖನಿವಾರಣಮ್ ।
ಸುರಾಸುರಗಣೈಃ ಸರ್ವೈಃ ಸಂಸ್ತುತಂ ಪ್ರಣಮಾಮ್ಯಹಮ್ ॥ ೧೩॥
ಸುರಾಸುರಗಣೈಃ ಸರ್ವೈಃ ಸಂಸ್ತುತಂ ಪ್ರಣಮಾಮ್ಯಹಮ್ ॥ ೧೩॥
ಹಾಹಾಕಾರಮುಖಾನ್ತನಿತ್ಯದಹನಜ್ವಾಲಾಸಮೂಹೋಜ್ಜ್ವಲಂ
ವಿದ್ವನ್ಮಣ್ಡಲಜಾತರೋಷಪರುಷಂ ಶ್ರೀರಾಮದಾಸಂ ವಿಭುಮ್ ।
ಸಞ್ಚೂರ್ಣೀಕೃತಧೂಮ್ರಲೋಚನಮಹಾಹ್ಯಕ್ಷಾದಿರಕ್ಷೋಬಲಂ
ತಂ ವನ್ದೇ ರವಿಧಾರಣಂ ಸುರವರೈರ್ವನ್ದ್ಯಂ ಸಮೀರಾತ್ಮಜಮ್ ॥ ೧೪॥
ವಿದ್ವನ್ಮಣ್ಡಲಜಾತರೋಷಪರುಷಂ ಶ್ರೀರಾಮದಾಸಂ ವಿಭುಮ್ ।
ಸಞ್ಚೂರ್ಣೀಕೃತಧೂಮ್ರಲೋಚನಮಹಾಹ್ಯಕ್ಷಾದಿರಕ್ಷೋಬಲಂ
ತಂ ವನ್ದೇ ರವಿಧಾರಣಂ ಸುರವರೈರ್ವನ್ದ್ಯಂ ಸಮೀರಾತ್ಮಜಮ್ ॥ ೧೪॥
ರಘುಪತಿಪದಭಕ್ತಂ ಕಿಙ್ಕಿಣೀಕೋತ್ತಮಾಙ್ಗಂ
ಮುಕುಲಿತಕರಪದ್ಮಂ ಮೋದಯಾನಂ ತರಙ್ಗೇ ।
ಪುಲಕಿತವಿಪುಲಾಙ್ಗಂ ಪುಣ್ಯಲೀಲಾನುಷಙ್ಗಂ
ವನಚರಕುಲನಾಥಂ ವಾಯುಪುತ್ರಂ ನತೋಽಸ್ಮಿ ॥ ೧೫॥
ಮುಕುಲಿತಕರಪದ್ಮಂ ಮೋದಯಾನಂ ತರಙ್ಗೇ ।
ಪುಲಕಿತವಿಪುಲಾಙ್ಗಂ ಪುಣ್ಯಲೀಲಾನುಷಙ್ಗಂ
ವನಚರಕುಲನಾಥಂ ವಾಯುಪುತ್ರಂ ನತೋಽಸ್ಮಿ ॥ ೧೫॥
॥ ಇತಿ ಉಮಾಸಂಹಿತಾಯಾಂ ಶ್ರೀಹನುಮತ್ಸ್ತೋತ್ರಂ ಸಮ್ಪೂರ್ಣಮ್ ॥