ভুজগতল্পগতং ঘনসুন্দৰং গৰুডৱাহনমম্বুজলোচনম্ ।
নলিনচক্ৰগদাকৰমৱ্যযং ভজত ৰে মনুজাঃ কমলাপতিম্ ॥ ১॥
নলিনচক্ৰগদাকৰমৱ্যযং ভজত ৰে মনুজাঃ কমলাপতিম্ ॥ ১॥
অলিকুলাসিতকোমলকুন্তলং ৱিমলপীতদুকূলমনোহৰম্ ।
জলধিজাশ্ৰিতৱামকলেৱৰং ভজত ৰে মনুজাঃ কমলাপতিম্ ॥ ২॥
জলধিজাশ্ৰিতৱামকলেৱৰং ভজত ৰে মনুজাঃ কমলাপতিম্ ॥ ২॥
কিমু জপৈশ্চ তপোভিৰুতাধ্ৱৰৈৰপি কিমুত্তমতীৰ্থনিষেৱণৈঃ ।
কিমুত শাস্ত্ৰকদম্বৱিলোকনৈঃ ভজত ৰে মনুজাঃ কমলাপতিম্ ॥ ৩॥
কিমুত শাস্ত্ৰকদম্বৱিলোকনৈঃ ভজত ৰে মনুজাঃ কমলাপতিম্ ॥ ৩॥
মনুজদেহমিমং ভুৱি দুৰ্লভং সমধিগম্য সুৰৈৰপি ৱাঞ্ছিতম্ ।
ৱিষযলম্পটতামপহায ৱৈ ভজত ৰে মনুজাঃ কমলাপতিম্ ॥ ৪॥
ৱিষযলম্পটতামপহায ৱৈ ভজত ৰে মনুজাঃ কমলাপতিম্ ॥ ৪॥
ন ৱনিতা ন সুতো ন সহোদৰো ন হি পিতা জননী ন চ বান্ধৱাঃ ।
ৱ্ৰজতি সাকমনেন জনেন ৱৈ ভজত ৰে মনুজাঃ কমলাপতিম্ ॥ ৫॥
ৱ্ৰজতি সাকমনেন জনেন ৱৈ ভজত ৰে মনুজাঃ কমলাপতিম্ ॥ ৫॥
সকলমেৱ চলং সচৰাচৰং জগদিদং সুতৰাং ধনযৌৱনম্ ।
সমৱলোক্য ৱিৱেকদৃশা দ্ৰুতং ভজত ৰে মনুজাঃ কমলাপতিম্ ॥ ৬॥
সমৱলোক্য ৱিৱেকদৃশা দ্ৰুতং ভজত ৰে মনুজাঃ কমলাপতিম্ ॥ ৬॥
ৱিৱিধৰোগযুতং ক্ষণভঙ্গুৰং পৰৱশং নৱমাৰ্গমলাকুলম্ ।
পৰিনিৰীক্ষ্য শৰীৰমিদং স্ৱকং ভজত ৰে মনুজাঃ কমলাপতিম্ ॥ ৭॥
পৰিনিৰীক্ষ্য শৰীৰমিদং স্ৱকং ভজত ৰে মনুজাঃ কমলাপতিম্ ॥ ৭॥
মুনিৱৰৈৰনিশং হৃদি ভাৱিতং শিৱৱিৰিঞ্চিমহেন্দ্ৰনুতং সদা ।
মৰণজন্মজৰাভযমোচনং ভজত ৰে মনুজাঃ কমলাপতিম্ ॥ ৮॥
মৰণজন্মজৰাভযমোচনং ভজত ৰে মনুজাঃ কমলাপতিম্ ॥ ৮॥
হৰিপদাষ্টকমেতদনুত্তমং পৰমহংসজনেন সমীৰিতম্ ।
পঠতি যস্তু সমাহিতচেতসা ৱ্ৰজতি ৱিষ্ণুপদং স নৰো ধ্ৰুৱং ॥ ৯॥
পঠতি যস্তু সমাহিতচেতসা ৱ্ৰজতি ৱিষ্ণুপদং স নৰো ধ্ৰুৱং ॥ ৯॥
ইতি শ্ৰীমত্পৰমহংসস্ৱামিব্ৰহ্মানন্দৱিৰচিতং কমলাপত্যষ্টকং সমাপ্তং ॥