ഭുജഗതല്പഗതം ഘനസുന്ദരം ഗരുഡവാഹനമമ്ബുജലോചനമ് ।
നലിനചക്രഗദാകരമവ്യയം ഭജത രേ മനുജാഃ കമലാപതിമ് ॥ ൧॥
നലിനചക്രഗദാകരമവ്യയം ഭജത രേ മനുജാഃ കമലാപതിമ് ॥ ൧॥
അലികുലാസിതകോമലകുന്തലം വിമലപീതദുകൂലമനോഹരമ് ।
ജലധിജാശ്രിതവാമകലേവരം ഭജത രേ മനുജാഃ കമലാപതിമ് ॥ ൨॥
ജലധിജാശ്രിതവാമകലേവരം ഭജത രേ മനുജാഃ കമലാപതിമ് ॥ ൨॥
കിമു ജപൈശ്ച തപോഭിരുതാധ്വരൈരപി കിമുത്തമതീര്ഥനിഷേവണൈഃ ।
കിമുത ശാസ്ത്രകദമ്ബവിലോകനൈഃ ഭജത രേ മനുജാഃ കമലാപതിമ് ॥ ൩॥
കിമുത ശാസ്ത്രകദമ്ബവിലോകനൈഃ ഭജത രേ മനുജാഃ കമലാപതിമ് ॥ ൩॥
മനുജദേഹമിമം ഭുവി ദുര്ലഭം സമധിഗമ്യ സുരൈരപി വാഞ്ഛിതമ് ।
വിഷയലമ്പടതാമപഹായ വൈ ഭജത രേ മനുജാഃ കമലാപതിമ് ॥ ൪॥
വിഷയലമ്പടതാമപഹായ വൈ ഭജത രേ മനുജാഃ കമലാപതിമ് ॥ ൪॥
ന വനിതാ ന സുതോ ന സഹോദരോ ന ഹി പിതാ ജനനീ ന ച ബാന്ധവാഃ ।
വ്രജതി സാകമനേന ജനേന വൈ ഭജത രേ മനുജാഃ കമലാപതിമ് ॥ ൫॥
വ്രജതി സാകമനേന ജനേന വൈ ഭജത രേ മനുജാഃ കമലാപതിമ് ॥ ൫॥
സകലമേവ ചലം സചരാചരം ജഗദിദം സുതരാം ധനയൌവനമ് ।
സമവലോക്യ വിവേകദൃശാ ദ്രുതം ഭജത രേ മനുജാഃ കമലാപതിമ് ॥ ൬॥
സമവലോക്യ വിവേകദൃശാ ദ്രുതം ഭജത രേ മനുജാഃ കമലാപതിമ് ॥ ൬॥
വിവിധരോഗയുതം ക്ഷണഭങ്ഗുരം പരവശം നവമാര്ഗമലാകുലമ് ।
പരിനിരീക്ഷ്യ ശരീരമിദം സ്വകം ഭജത രേ മനുജാഃ കമലാപതിമ് ॥ ൭॥
പരിനിരീക്ഷ്യ ശരീരമിദം സ്വകം ഭജത രേ മനുജാഃ കമലാപതിമ് ॥ ൭॥
മുനിവരൈരനിശം ഹൃദി ഭാവിതം ശിവവിരിഞ്ചിമഹേന്ദ്രനുതം സദാ ।
മരണജന്മജരാഭയമോചനം ഭജത രേ മനുജാഃ കമലാപതിമ് ॥ ൮॥
മരണജന്മജരാഭയമോചനം ഭജത രേ മനുജാഃ കമലാപതിമ് ॥ ൮॥
ഹരിപദാഷ്ടകമേതദനുത്തമം പരമഹംസജനേന സമീരിതമ് ।
പഠതി യസ്തു സമാഹിതചേതസാ വ്രജതി വിഷ്ണുപദം സ നരോ ധ്രുവം ॥ ൯॥
പഠതി യസ്തു സമാഹിതചേതസാ വ്രജതി വിഷ്ണുപദം സ നരോ ധ്രുവം ॥ ൯॥
ഇതി ശ്രീമത്പരമഹംസസ്വാമിബ്രഹ്മാനന്ദവിരചിതം കമലാപത്യഷ്ടകം സമാപ്തം ॥