ଭୁଜଗତଲ୍ପଗତଂ ଘନସୁନ୍ଦରଂ ଗରୁଡଵାହନମମ୍ବୁଜଲୋଚନମ୍ ।
ନଲିନଚକ୍ରଗଦାକରମଵ୍ଯଯଂ ଭଜତ ରେ ମନୁଜାଃ କମଲାପତିମ୍ ॥ ୧॥
ନଲିନଚକ୍ରଗଦାକରମଵ୍ଯଯଂ ଭଜତ ରେ ମନୁଜାଃ କମଲାପତିମ୍ ॥ ୧॥
ଅଲିକୁଲାସିତକୋମଲକୁନ୍ତଲଂ ଵିମଲପୀତଦୁକୂଲମନୋହରମ୍ ।
ଜଲଧିଜାଶ୍ରିତଵାମକଲେଵରଂ ଭଜତ ରେ ମନୁଜାଃ କମଲାପତିମ୍ ॥ ୨॥
ଜଲଧିଜାଶ୍ରିତଵାମକଲେଵରଂ ଭଜତ ରେ ମନୁଜାଃ କମଲାପତିମ୍ ॥ ୨॥
କିମୁ ଜପୈଶ୍ଚ ତପୋଭିରୁତାଧ୍ଵରୈରପି କିମୁତ୍ତମତୀର୍ଥନିଷେଵଣୈଃ ।
କିମୁତ ଶାସ୍ତ୍ରକଦମ୍ବଵିଲୋକନୈଃ ଭଜତ ରେ ମନୁଜାଃ କମଲାପତିମ୍ ॥ ୩॥
କିମୁତ ଶାସ୍ତ୍ରକଦମ୍ବଵିଲୋକନୈଃ ଭଜତ ରେ ମନୁଜାଃ କମଲାପତିମ୍ ॥ ୩॥
ମନୁଜଦେହମିମଂ ଭୁଵି ଦୁର୍ଲଭଂ ସମଧିଗମ୍ଯ ସୁରୈରପି ଵାଞ୍ଛିତମ୍ ।
ଵିଷଯଲମ୍ପଟତାମପହାଯ ଵୈ ଭଜତ ରେ ମନୁଜାଃ କମଲାପତିମ୍ ॥ ୪॥
ଵିଷଯଲମ୍ପଟତାମପହାଯ ଵୈ ଭଜତ ରେ ମନୁଜାଃ କମଲାପତିମ୍ ॥ ୪॥
ନ ଵନିତା ନ ସୁତୋ ନ ସହୋଦରୋ ନ ହି ପିତା ଜନନୀ ନ ଚ ବାନ୍ଧଵାଃ ।
ଵ୍ରଜତି ସାକମନେନ ଜନେନ ଵୈ ଭଜତ ରେ ମନୁଜାଃ କମଲାପତିମ୍ ॥ ୫॥
ଵ୍ରଜତି ସାକମନେନ ଜନେନ ଵୈ ଭଜତ ରେ ମନୁଜାଃ କମଲାପତିମ୍ ॥ ୫॥
ସକଲମେଵ ଚଲଂ ସଚରାଚରଂ ଜଗଦିଦଂ ସୁତରାଂ ଧନଯୌଵନମ୍ ।
ସମଵଲୋକ୍ଯ ଵିଵେକଦୃଶା ଦ୍ରୁତଂ ଭଜତ ରେ ମନୁଜାଃ କମଲାପତିମ୍ ॥ ୬॥
ସମଵଲୋକ୍ଯ ଵିଵେକଦୃଶା ଦ୍ରୁତଂ ଭଜତ ରେ ମନୁଜାଃ କମଲାପତିମ୍ ॥ ୬॥
ଵିଵିଧରୋଗଯୁତଂ କ୍ଷଣଭଙ୍ଗୁରଂ ପରଵଶଂ ନଵମାର୍ଗମଲାକୁଲମ୍ ।
ପରିନିରୀକ୍ଷ୍ଯ ଶରୀରମିଦଂ ସ୍ଵକଂ ଭଜତ ରେ ମନୁଜାଃ କମଲାପତିମ୍ ॥ ୭॥
ପରିନିରୀକ୍ଷ୍ଯ ଶରୀରମିଦଂ ସ୍ଵକଂ ଭଜତ ରେ ମନୁଜାଃ କମଲାପତିମ୍ ॥ ୭॥
ମୁନିଵରୈରନିଶଂ ହୃଦି ଭାଵିତଂ ଶିଵଵିରିଞ୍ଚିମହେନ୍ଦ୍ରନୁତଂ ସଦା ।
ମରଣଜନ୍ମଜରାଭଯମୋଚନଂ ଭଜତ ରେ ମନୁଜାଃ କମଲାପତିମ୍ ॥ ୮॥
ମରଣଜନ୍ମଜରାଭଯମୋଚନଂ ଭଜତ ରେ ମନୁଜାଃ କମଲାପତିମ୍ ॥ ୮॥
ହରିପଦାଷ୍ଟକମେତଦନୁତ୍ତମଂ ପରମହଂସଜନେନ ସମୀରିତମ୍ ।
ପଠତି ଯସ୍ତୁ ସମାହିତଚେତସା ଵ୍ରଜତି ଵିଷ୍ଣୁପଦଂ ସ ନରୋ ଧ୍ରୁଵଂ ॥ ୯॥
ପଠତି ଯସ୍ତୁ ସମାହିତଚେତସା ଵ୍ରଜତି ଵିଷ୍ଣୁପଦଂ ସ ନରୋ ଧ୍ରୁଵଂ ॥ ୯॥
ଇତି ଶ୍ରୀମତ୍ପରମହଂସସ୍ଵାମିବ୍ରହ୍ମାନନ୍ଦଵିରଚିତଂ କମଲାପତ୍ଯଷ୍ଟକଂ ସମାପ୍ତଂ ॥