ಭುಜಗತಲ್ಪಗತಂ ಘನಸುನ್ದರಂ ಗರುಡವಾಹನಮಮ್ಬುಜಲೋಚನಮ್ ।
ನಲಿನಚಕ್ರಗದಾಕರಮವ್ಯಯಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೧॥
ನಲಿನಚಕ್ರಗದಾಕರಮವ್ಯಯಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೧॥
ಅಲಿಕುಲಾಸಿತಕೋಮಲಕುನ್ತಲಂ ವಿಮಲಪೀತದುಕೂಲಮನೋಹರಮ್ ।
ಜಲಧಿಜಾಶ್ರಿತವಾಮಕಲೇವರಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೨॥
ಜಲಧಿಜಾಶ್ರಿತವಾಮಕಲೇವರಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೨॥
ಕಿಮು ಜಪೈಶ್ಚ ತಪೋಭಿರುತಾಧ್ವರೈರಪಿ ಕಿಮುತ್ತಮತೀರ್ಥನಿಷೇವಣೈಃ ।
ಕಿಮುತ ಶಾಸ್ತ್ರಕದಮ್ಬವಿಲೋಕನೈಃ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೩॥
ಕಿಮುತ ಶಾಸ್ತ್ರಕದಮ್ಬವಿಲೋಕನೈಃ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೩॥
ಮನುಜದೇಹಮಿಮಂ ಭುವಿ ದುರ್ಲಭಂ ಸಮಧಿಗಮ್ಯ ಸುರೈರಪಿ ವಾಞ್ಛಿತಮ್ ।
ವಿಷಯಲಮ್ಪಟತಾಮಪಹಾಯ ವೈ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೪॥
ವಿಷಯಲಮ್ಪಟತಾಮಪಹಾಯ ವೈ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೪॥
ನ ವನಿತಾ ನ ಸುತೋ ನ ಸಹೋದರೋ ನ ಹಿ ಪಿತಾ ಜನನೀ ನ ಚ ಬಾನ್ಧವಾಃ ।
ವ್ರಜತಿ ಸಾಕಮನೇನ ಜನೇನ ವೈ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೫॥
ವ್ರಜತಿ ಸಾಕಮನೇನ ಜನೇನ ವೈ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೫॥
ಸಕಲಮೇವ ಚಲಂ ಸಚರಾಚರಂ ಜಗದಿದಂ ಸುತರಾಂ ಧನಯೌವನಮ್ ।
ಸಮವಲೋಕ್ಯ ವಿವೇಕದೃಶಾ ದ್ರುತಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೬॥
ಸಮವಲೋಕ್ಯ ವಿವೇಕದೃಶಾ ದ್ರುತಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೬॥
ವಿವಿಧರೋಗಯುತಂ ಕ್ಷಣಭಙ್ಗುರಂ ಪರವಶಂ ನವಮಾರ್ಗಮಲಾಕುಲಮ್ ।
ಪರಿನಿರೀಕ್ಷ್ಯ ಶರೀರಮಿದಂ ಸ್ವಕಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೭॥
ಪರಿನಿರೀಕ್ಷ್ಯ ಶರೀರಮಿದಂ ಸ್ವಕಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೭॥
ಮುನಿವರೈರನಿಶಂ ಹೃದಿ ಭಾವಿತಂ ಶಿವವಿರಿಞ್ಚಿಮಹೇನ್ದ್ರನುತಂ ಸದಾ ।
ಮರಣಜನ್ಮಜರಾಭಯಮೋಚನಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೮॥
ಮರಣಜನ್ಮಜರಾಭಯಮೋಚನಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ ೮॥
ಹರಿಪದಾಷ್ಟಕಮೇತದನುತ್ತಮಂ ಪರಮಹಂಸಜನೇನ ಸಮೀರಿತಮ್ ।
ಪಠತಿ ಯಸ್ತು ಸಮಾಹಿತಚೇತಸಾ ವ್ರಜತಿ ವಿಷ್ಣುಪದಂ ಸ ನರೋ ಧ್ರುವಂ ॥ ೯॥
ಪಠತಿ ಯಸ್ತು ಸಮಾಹಿತಚೇತಸಾ ವ್ರಜತಿ ವಿಷ್ಣುಪದಂ ಸ ನರೋ ಧ್ರುವಂ ॥ ೯॥
ಇತಿ ಶ್ರೀಮತ್ಪರಮಹಂಸಸ್ವಾಮಿಬ್ರಹ್ಮಾನನ್ದವಿರಚಿತಂ ಕಮಲಾಪತ್ಯಷ್ಟಕಂ ಸಮಾಪ್ತಂ ॥