॥ ಶ್ರೀ ಭಾಸ್ಕರ ಸಪ್ತಕಮ್ (ಸಪ್ತಸಪ್ತಿಸಪ್ತಕಮ್) ॥
ಧ್ವಾನ್ತದನ್ತಿಕೇಸರೀ ಹಿರಣ್ಯಕಾನ್ತಿಭಾಸುರಃ
ಕೋಟಿರಶ್ಮಿಭೂಷಿತಸ್ತಮೋಹರೋಽಮಿತದ್ಯುತಿಃ ।
ವಾಸರೇಶ್ವರೋ ದಿವಾಕರಃ ಪ್ರಭಾಕರಃ ಖಗೋ
ಭಾಸ್ಕರಃ ಸದೈವ ಪಾತು ಮಾಂ ವಿಭಾವಸೂ ರವಿಃ ॥ ೧ ॥
ಕೋಟಿರಶ್ಮಿಭೂಷಿತಸ್ತಮೋಹರೋಽಮಿತದ್ಯುತಿಃ ।
ವಾಸರೇಶ್ವರೋ ದಿವಾಕರಃ ಪ್ರಭಾಕರಃ ಖಗೋ
ಭಾಸ್ಕರಃ ಸದೈವ ಪಾತು ಮಾಂ ವಿಭಾವಸೂ ರವಿಃ ॥ ೧ ॥
ಯಕ್ಷಸಿದ್ಧಕಿನ್ನರಾದಿದೇವಯೋನಿಸೇವಿತಂ
ತಾಪಸೈರೃಷೀಶ್ವರೈಶ್ಚ ನಿತ್ಯಮೇವ ವನ್ದಿತಮ್ ।
ತಪ್ತಕಾಞ್ಚನಾಭಮರ್ಕಮಾದಿದೈವತಂ ರವಿಂ
ವಿಶ್ವಚಕ್ಷುಷಂ ನಮಾಮಿ ಸಾದರಂ ಮಹಾದ್ಯುತಿಮ್ ॥ ೨ ॥
ತಾಪಸೈರೃಷೀಶ್ವರೈಶ್ಚ ನಿತ್ಯಮೇವ ವನ್ದಿತಮ್ ।
ತಪ್ತಕಾಞ್ಚನಾಭಮರ್ಕಮಾದಿದೈವತಂ ರವಿಂ
ವಿಶ್ವಚಕ್ಷುಷಂ ನಮಾಮಿ ಸಾದರಂ ಮಹಾದ್ಯುತಿಮ್ ॥ ೨ ॥
ಭಾನುನಾ ವಸುನ್ಧರಾ ಪುರೈವ ನಿರ್ಮಿತಾ ತಥಾ
ಭಾಸ್ಕರೇಣ ತೇಜಸಾ ಸದೈವ ಪಾಲಿತಾ ಮಹೀ ।
ಭೂರ್ವಿಲೀನತಾಂ ಪ್ರಯಾತಿ ಕಾಶ್ಯಪೇಯವರ್ಚಸಾ
ತಂ ರವಿ ಭಜಾಮ್ಯಹಂ ಸದೈವ ಭಕ್ತಿಚೇತಸಾ ॥ ೩ ॥
ಭಾಸ್ಕರೇಣ ತೇಜಸಾ ಸದೈವ ಪಾಲಿತಾ ಮಹೀ ।
ಭೂರ್ವಿಲೀನತಾಂ ಪ್ರಯಾತಿ ಕಾಶ್ಯಪೇಯವರ್ಚಸಾ
ತಂ ರವಿ ಭಜಾಮ್ಯಹಂ ಸದೈವ ಭಕ್ತಿಚೇತಸಾ ॥ ೩ ॥
ಅಂಶುಮಾಲಿನೇ ತಥಾ ಚ ಸಪ್ತಸಪ್ತಯೇ ನಮೋ
ಬುದ್ಧಿದಾಯಕಾಯ ಶಕ್ತಿದಾಯಕಾಯ ತೇ ನಮಃ ।
ಅಕ್ಷರಾಯ ದಿವ್ಯಚಕ್ಷುಷೇಽಮೃತಾಯ ತೇ ನಮಃ
ಶಙ್ಖಚಕ್ರಭೂಷಣಾಯ ವಿಷ್ಣುರೂಪಿಣೇ ನಮಃ ॥ ೪ ॥
ಬುದ್ಧಿದಾಯಕಾಯ ಶಕ್ತಿದಾಯಕಾಯ ತೇ ನಮಃ ।
ಅಕ್ಷರಾಯ ದಿವ್ಯಚಕ್ಷುಷೇಽಮೃತಾಯ ತೇ ನಮಃ
ಶಙ್ಖಚಕ್ರಭೂಷಣಾಯ ವಿಷ್ಣುರೂಪಿಣೇ ನಮಃ ॥ ೪ ॥
ಭಾನವೀಯಭಾನುಭಿರ್ನಭಸ್ತಲಂ ಪ್ರಕಾಶತೇ
ಭಾಸ್ಕರಸ್ಯ ತೇಜಸಾ ನಿಸರ್ಗ ಏಷ ವರ್ಧತೇ ।
ಭಾಸ್ಕರಸ್ಯ ಭಾ ಸದೈವ ಮೋದಮಾತನೋತ್ಯಸೌ
ಭಾಸ್ಕರಸ್ಯ ದಿವ್ಯದೀಪ್ತಯೇ ಸದಾ ನಮೋ ನಮಃ ॥ ೫ ॥
ಭಾಸ್ಕರಸ್ಯ ತೇಜಸಾ ನಿಸರ್ಗ ಏಷ ವರ್ಧತೇ ।
ಭಾಸ್ಕರಸ್ಯ ಭಾ ಸದೈವ ಮೋದಮಾತನೋತ್ಯಸೌ
ಭಾಸ್ಕರಸ್ಯ ದಿವ್ಯದೀಪ್ತಯೇ ಸದಾ ನಮೋ ನಮಃ ॥ ೫ ॥
ಅನ್ಧಕಾರನಾಶಕೋಽಸಿ ರೋಗನಾಶಕಸ್ತಥಾ
ಭೋ ಮಮಾಪಿ ನಾಶಯಾಶು ದೇಹಚಿತ್ತದೋಷತಾಮ್ ।
ಪಾಪದುಃಖದೈನ್ಯಹಾರಿಣಂ ನಮಾಮಿ ಭಾಸ್ಕರಂ
ಶಕ್ತಿಧೈರ್ಯಬುದ್ಧಿಮೋದದಾಯಕಾಯ ತೇ ನಮಃ ॥ ೬ ॥
ಭೋ ಮಮಾಪಿ ನಾಶಯಾಶು ದೇಹಚಿತ್ತದೋಷತಾಮ್ ।
ಪಾಪದುಃಖದೈನ್ಯಹಾರಿಣಂ ನಮಾಮಿ ಭಾಸ್ಕರಂ
ಶಕ್ತಿಧೈರ್ಯಬುದ್ಧಿಮೋದದಾಯಕಾಯ ತೇ ನಮಃ ॥ ೬ ॥
ಭಾಸ್ಕರಂ ದಯಾರ್ಣವಂ ಮರೀಚಿಮನ್ತಮೀಶ್ವರಂ
ಲೋಕರಕ್ಷಣಾಯ ನಿತ್ಯಮುದ್ಯತಂ ತಮೋಹರಮ್ ।
ಚಕ್ರವಾಕಯುಗ್ಮಯೋಗಕಾರಿಣಂ ಜಗತ್ಪತಿಂ
ಪದ್ಮಿನೀಮುಖಾರವಿನ್ದಕಾನ್ತಿವರ್ಧನಂ ಭಜೇ ॥ ೭ ॥
ಲೋಕರಕ್ಷಣಾಯ ನಿತ್ಯಮುದ್ಯತಂ ತಮೋಹರಮ್ ।
ಚಕ್ರವಾಕಯುಗ್ಮಯೋಗಕಾರಿಣಂ ಜಗತ್ಪತಿಂ
ಪದ್ಮಿನೀಮುಖಾರವಿನ್ದಕಾನ್ತಿವರ್ಧನಂ ಭಜೇ ॥ ೭ ॥
॥ ಫಲಶ್ರುತಿ ॥
ಸಪ್ತಸಪ್ತಿಸಪ್ತಕಂ ಸದೈವ ಯಃ ಪಠೇನ್ನರೋ
ಭಕ್ತಿಯುಕ್ತಚೇತಸಾ ಹೃದಿ ಸ್ಮರನ್ ದಿವಾಕರಮ್ ।
ಅಜ್ಞತಾತಮೋ ವಿನಾಶ್ಯ ತಸ್ಯ ವಾಸರೇಶ್ವರೋ
ನೀರುಜಂ ತಥಾ ಚ ತಂ ಕರೋತ್ಯಸೌ ರವಿಃ ಸದಾ ॥ ೮ ॥
ಭಕ್ತಿಯುಕ್ತಚೇತಸಾ ಹೃದಿ ಸ್ಮರನ್ ದಿವಾಕರಮ್ ।
ಅಜ್ಞತಾತಮೋ ವಿನಾಶ್ಯ ತಸ್ಯ ವಾಸರೇಶ್ವರೋ
ನೀರುಜಂ ತಥಾ ಚ ತಂ ಕರೋತ್ಯಸೌ ರವಿಃ ಸದಾ ॥ ೮ ॥
॥ ಇತಿ ಶ್ರೀ ಆಪಟೀಕರವಿರಚಿತಂ ಸಪ್ತಸಪ್ತಿಸಪ್ತಕಂ ನಾಮ ಶ್ರೀ ಭಾಸ್ಕರ ಸಪ್ತಕಮ್ ಸಮ್ಪೂರ್ಣಮ್ ॥