বিরাটনগরং রম্যং গচ্ছমানো যুধিষ্ঠিরঃ ।
অস্তুবন্মনসা দেবীং দুর্গাং ত্রিভুবনেশ্বরীম্ ॥ 1 ॥
অস্তুবন্মনসা দেবীং দুর্গাং ত্রিভুবনেশ্বরীম্ ॥ 1 ॥
যশোদাগর্ভসম্ভূতাং নারাযণবরপ্রিযাম্ ।
নন্দগোপকুলে জাতাং মঙ্গল্যাং কুলবর্ধিনীম্ ॥ 2 ॥
নন্দগোপকুলে জাতাং মঙ্গল্যাং কুলবর্ধিনীম্ ॥ 2 ॥
কংসবিদ্রাবণকরীমসুরাণাং ক্ষযঙ্করীম্ ।
শিলাতটবিনিক্ষিপ্তামাকাশং প্রতি গামিনীম্ ॥ 3 ॥
শিলাতটবিনিক্ষিপ্তামাকাশং প্রতি গামিনীম্ ॥ 3 ॥
বাসুদেবস্য ভগিনীং দিব্যমাল্যবিভূষিতাম্ ।
দিব্যাম্বরধরাং দেবীং খড্গখেটকধারিণীম্ ॥ 4 ॥
দিব্যাম্বরধরাং দেবীং খড্গখেটকধারিণীম্ ॥ 4 ॥
ভারাবতরণে পুণ্যে যে স্মরন্তি সদাশিবাম্ ।
তান্ বৈ তারযতে পাপাত্ পঙ্কে গামিব দুর্বলাম্ ॥ 5 ॥
তান্ বৈ তারযতে পাপাত্ পঙ্কে গামিব দুর্বলাম্ ॥ 5 ॥
স্তোতুং প্রচক্রমে ভূযো বিবিধৈঃ স্তোত্রসম্ভবৈঃ ।
আমন্ত্র্য দর্শনাকাঙ্ক্ষী রাজা দেবীং সহানুজঃ ॥ 6 ॥
আমন্ত্র্য দর্শনাকাঙ্ক্ষী রাজা দেবীং সহানুজঃ ॥ 6 ॥
নমোঽস্তু বরদে কৃষ্ণে কুমারি ব্রহ্মচারিণি ।
বালার্কসদৃশাকারে পূর্ণচন্দ্রনিভাননে ॥ 7 ॥
বালার্কসদৃশাকারে পূর্ণচন্দ্রনিভাননে ॥ 7 ॥
চতুর্ভুজে চতুর্বক্ত্রে পীনশ্রোণিপযোধরে ।
মযূরপিচ্ছবলযে কেযূরাঙ্গদধারিণি ॥ 8 ॥
মযূরপিচ্ছবলযে কেযূরাঙ্গদধারিণি ॥ 8 ॥
ভাসি দেবি যথা পদ্মা নারাযণপরিগ্রহঃ ।
স্বরূপং ব্রহ্মচর্যং চ বিশদং তব খেচরি ॥ 9 ॥
স্বরূপং ব্রহ্মচর্যং চ বিশদং তব খেচরি ॥ 9 ॥
কৃষ্ণচ্ছবিসমা কৃষ্ণা সঙ্কর্ষণসমাননা ।
বিভ্রতী বিপুলৌ বাহূ শক্রধ্বজসমুচ্ছ্রযৌ ॥ 10 ॥
বিভ্রতী বিপুলৌ বাহূ শক্রধ্বজসমুচ্ছ্রযৌ ॥ 10 ॥
পাত্রী চ পঙ্কজী ঘণ্টী স্ত্রীবিশুদ্ধা চ যা ভুবি ।
পাশং ধনুর্মহাচক্রং বিবিধান্যাযুধানি চ ॥ 11 ॥
পাশং ধনুর্মহাচক্রং বিবিধান্যাযুধানি চ ॥ 11 ॥
কুণ্ডলাভ্যাং সুপূর্ণাভ্যাং কর্ণাভ্যাং চ বিভূষিতা ।
চন্দ্রবিস্পর্ধিনা দেবি মুখেন ত্বং বিরাজসে ॥ 12 ॥
চন্দ্রবিস্পর্ধিনা দেবি মুখেন ত্বং বিরাজসে ॥ 12 ॥
মুকুটেন বিচিত্রেণ কেশবন্ধেন শোভিনা ।
ভুজঙ্গাভোগবাসেন শ্রোণিসূত্রেণ রাজতা ॥ 13 ॥
ভুজঙ্গাভোগবাসেন শ্রোণিসূত্রেণ রাজতা ॥ 13 ॥
বিভ্রাজসে চাবদ্ধেন ভোগেনেবেহ মন্দরঃ ।
ধ্বজেন শিখিপিচ্ছানামুচ্ছ্রিতেন বিরাজসে ॥ 14 ॥
ধ্বজেন শিখিপিচ্ছানামুচ্ছ্রিতেন বিরাজসে ॥ 14 ॥
কৌমারং ব্রতমাস্থায ত্রিদিবং পাবিতং ত্বযা ।
তেন ত্বং স্তূযসে দেবি ত্রিদশৈঃ পূজ্যসেঽপি চ ॥ 15 ॥
তেন ত্বং স্তূযসে দেবি ত্রিদশৈঃ পূজ্যসেঽপি চ ॥ 15 ॥
ত্রৈলোক্যরক্ষণার্থায মহিষাসুরনাশিনি ।
প্রসন্না মে সুরশ্রেষ্ঠে দযাং কুরু শিবা ভব ॥ 16 ॥
প্রসন্না মে সুরশ্রেষ্ঠে দযাং কুরু শিবা ভব ॥ 16 ॥
জযা ত্বং বিজযা চৈব সঙ্গ্রামে চ জযপ্রদা ।
মমাপি বিজযং দেহি বরদা ত্বং চ সাম্প্রতম্ ॥ 17 ॥
মমাপি বিজযং দেহি বরদা ত্বং চ সাম্প্রতম্ ॥ 17 ॥
বিন্ধ্যে চৈব নগশ্রেষ্ঠে তব স্থানং হি শাশ্বতম্ ।
কালি কালি মহাকালি শীধুমাংসপশুপ্রিযে ॥ 18 ॥
কালি কালি মহাকালি শীধুমাংসপশুপ্রিযে ॥ 18 ॥
কৃতানুযাত্রা ভূতৈস্ত্বং বরদা কামচারিণী ।
ভারাবতারে যে চ ত্বাং সংস্মরিষ্যন্তি মানবাঃ ॥ 19 ॥
ভারাবতারে যে চ ত্বাং সংস্মরিষ্যন্তি মানবাঃ ॥ 19 ॥
প্রণমন্তি চ যে ত্বাং হি প্রভাতে তু নরা ভুবি ।
ন তেষাং দুর্লভং কিঞ্চিত্ পুত্রতো ধনতোঽপি বা ॥ 20 ॥
ন তেষাং দুর্লভং কিঞ্চিত্ পুত্রতো ধনতোঽপি বা ॥ 20 ॥
দুর্গাত্ তারযসে দুর্গে তত্ ত্বং দুর্গা স্মৃতা জনৈঃ ।
কান্তারেষ্ববসন্নানাং মগ্নানাং চ মহার্ণবে ।
দস্যুভির্বা নিরুদ্ধানাং ত্বং গতিঃ পরমা নৃণাম্ ॥ 21 ॥
কান্তারেষ্ববসন্নানাং মগ্নানাং চ মহার্ণবে ।
দস্যুভির্বা নিরুদ্ধানাং ত্বং গতিঃ পরমা নৃণাম্ ॥ 21 ॥
জলপ্রতরণে চৈব কান্তারেষ্বটবীষু চ ।
যে স্মরন্তি মহাদেবি ন চ সীদন্তি তে নরাঃ ॥ 22 ॥
যে স্মরন্তি মহাদেবি ন চ সীদন্তি তে নরাঃ ॥ 22 ॥
ত্বং কীর্তিঃ শ্রীর্ধৃতিঃ সিদ্ধির্হ্রীর্বিদ্যা সন্ততির্মতিঃ ।
সন্ধ্যা রাত্রিঃ প্রভা নিদ্রা জ্যোত্স্না কান্তিঃ ক্ষমা দযা ॥ 23 ॥
সন্ধ্যা রাত্রিঃ প্রভা নিদ্রা জ্যোত্স্না কান্তিঃ ক্ষমা দযা ॥ 23 ॥
নৃণাং চ বন্ধনং মোহং পুত্রনাশং ধনক্ষযম্ ।
ব্যাধিং মৃত্যুং ভযং চৈব পূজিতা নাশযিষ্যসি ॥ 24 ॥
ব্যাধিং মৃত্যুং ভযং চৈব পূজিতা নাশযিষ্যসি ॥ 24 ॥
সোঽহং রাজ্যাত্পরিভ্রষ্টঃ শরণং ত্বাং প্রপন্নবান্ ।
প্রণতশ্চ যথা মূর্ধ্না তব দেবি সুরেশ্বরি ॥ 25 ॥
প্রণতশ্চ যথা মূর্ধ্না তব দেবি সুরেশ্বরি ॥ 25 ॥
ত্রাহি মাং পদ্মপত্রাক্ষি সত্যে সত্যা ভবস্ব নঃ ।
শরণং ভব মে দুর্গে শরণ্যে ভক্তবত্সলে ॥ 26 ॥
শরণং ভব মে দুর্গে শরণ্যে ভক্তবত্সলে ॥ 26 ॥
এবং স্তুতা হি সা দেবী দর্শযামাস পাণ্ডবম্ ।
উপগম্য তু রাজানামিদং বচনমব্রবীত্ ॥ 27 ॥
উপগম্য তু রাজানামিদং বচনমব্রবীত্ ॥ 27 ॥
দেব্যুবাচ।
শৃণু রাজন্ মহাবাহো মদীযং বচনং প্রভো ।
ভবিষ্যত্যচিরাদেব সঙ্গ্রামে বিজযস্তব ॥ 28 ॥
শৃণু রাজন্ মহাবাহো মদীযং বচনং প্রভো ।
ভবিষ্যত্যচিরাদেব সঙ্গ্রামে বিজযস্তব ॥ 28 ॥
মম প্রসাদান্নির্জিত্য হত্বা কৌরববাহিনীম্ ।
রাজ্যং নিষ্কণ্টকং কৃত্বা ভোক্ষ্যসে মেদিনীং পুনঃ ॥ 29 ॥
রাজ্যং নিষ্কণ্টকং কৃত্বা ভোক্ষ্যসে মেদিনীং পুনঃ ॥ 29 ॥
ভাত্রৃভিঃ সহিতো রাজন্ প্রীতিং প্রাপ্স্যসি পুষ্কলাম্ ।
মত্প্রসাদাচ্চ তে সৌখ্যমারোগ্যং চ ভবিষ্যতি ॥ 30 ॥
মত্প্রসাদাচ্চ তে সৌখ্যমারোগ্যং চ ভবিষ্যতি ॥ 30 ॥
যে চ সঙ্কীর্তযিষ্যন্তি লোকে বিগতকল্মষাঃ ।
তেষাং তুষ্টা প্রদাস্যামি রাজ্যমাযুর্বপুঃ সুতম্ ॥ 31 ॥
তেষাং তুষ্টা প্রদাস্যামি রাজ্যমাযুর্বপুঃ সুতম্ ॥ 31 ॥
প্রবাসে নগরে চাপি সঙ্গ্রামে শত্রুসঙ্কটে ।
অটব্যাং দুর্গকান্তারে সাগরে গহনে গিরৌ ॥ 32 ॥
অটব্যাং দুর্গকান্তারে সাগরে গহনে গিরৌ ॥ 32 ॥
যে স্মরিষ্যন্তি মাং রাজন্ যথাঽহং ভবতা স্মৃতা ।
ন তেষাং দুর্লভং কিঞ্চিদস্মিল্লোকে ভবিষ্যতি ॥ 33 ॥
ন তেষাং দুর্লভং কিঞ্চিদস্মিল্লোকে ভবিষ্যতি ॥ 33 ॥
ইদং স্তোত্রবরং ভক্ত্যা শৃণুযাদ্বা পঠেত বা ।
তস্য সর্বাণি কার্যাণি সিদ্ধিং যাস্যন্তি পাণ্ডবাঃ ॥ 34 ॥
তস্য সর্বাণি কার্যাণি সিদ্ধিং যাস্যন্তি পাণ্ডবাঃ ॥ 34 ॥
মত্প্রসাদাচ্চ বঃ সর্বান্বিরাটনগরে স্থিতান্ ।
ন প্রজ্ঞাস্যন্তি কুরবো নরা বা তন্নিবাসিনঃ ॥ 35 ॥
ন প্রজ্ঞাস্যন্তি কুরবো নরা বা তন্নিবাসিনঃ ॥ 35 ॥
ইত্যুক্ত্বা বরদা দেবী যুধিষ্ঠিরমরিন্দমম্ ।
রক্ষাং কৃত্বা চ পাণ্ডূনাং তত্রৈবান্তরধীযত ॥ 36 ॥
রক্ষাং কৃত্বা চ পাণ্ডূনাং তত্রৈবান্তরধীযত ॥ 36 ॥
ইতি শ্রীমন্মহাভারতে বিরাটপর্বণি অষ্টমোঽধ্যাযে যুধিষ্ঠির কৃত শ্রী দুর্গা স্তোত্রম্ ।