విరాటనగరం రమ్యం గచ్ఛమానో యుధిష్ఠిరః ।
అస్తువన్మనసా దేవీం దుర్గాం త్రిభువనేశ్వరీమ్ ॥ 1 ॥
అస్తువన్మనసా దేవీం దుర్గాం త్రిభువనేశ్వరీమ్ ॥ 1 ॥
యశోదాగర్భసమ్భూతాం నారాయణవరప్రియామ్ ।
నన్దగోపకులే జాతాం మఙ్గల్యాం కులవర్ధినీమ్ ॥ 2 ॥
నన్దగోపకులే జాతాం మఙ్గల్యాం కులవర్ధినీమ్ ॥ 2 ॥
కంసవిద్రావణకరీమసురాణాం క్షయఙ్కరీమ్ ।
శిలాతటవినిక్షిప్తామాకాశం ప్రతి గామినీమ్ ॥ 3 ॥
శిలాతటవినిక్షిప్తామాకాశం ప్రతి గామినీమ్ ॥ 3 ॥
వాసుదేవస్య భగినీం దివ్యమాల్యవిభూషితామ్ ।
దివ్యామ్బరధరాం దేవీం ఖడ్గఖేటకధారిణీమ్ ॥ 4 ॥
దివ్యామ్బరధరాం దేవీం ఖడ్గఖేటకధారిణీమ్ ॥ 4 ॥
భారావతరణే పుణ్యే యే స్మరన్తి సదాశివామ్ ।
తాన్ వై తారయతే పాపాత్ పఙ్కే గామివ దుర్బలామ్ ॥ 5 ॥
తాన్ వై తారయతే పాపాత్ పఙ్కే గామివ దుర్బలామ్ ॥ 5 ॥
స్తోతుం ప్రచక్రమే భూయో వివిధైః స్తోత్రసమ్భవైః ।
ఆమన్త్ర్య దర్శనాకాఙ్క్షీ రాజా దేవీం సహానుజః ॥ 6 ॥
ఆమన్త్ర్య దర్శనాకాఙ్క్షీ రాజా దేవీం సహానుజః ॥ 6 ॥
నమోఽస్తు వరదే కృష్ణే కుమారి బ్రహ్మచారిణి ।
బాలార్కసదృశాకారే పూర్ణచన్ద్రనిభాననే ॥ 7 ॥
బాలార్కసదృశాకారే పూర్ణచన్ద్రనిభాననే ॥ 7 ॥
చతుర్భుజే చతుర్వక్త్రే పీనశ్రోణిపయోధరే ।
మయూరపిచ్ఛవలయే కేయూరాఙ్గదధారిణి ॥ 8 ॥
మయూరపిచ్ఛవలయే కేయూరాఙ్గదధారిణి ॥ 8 ॥
భాసి దేవి యథా పద్మా నారాయణపరిగ్రహః ।
స్వరూపం బ్రహ్మచర్యం చ విశదం తవ ఖేచరి ॥ 9 ॥
స్వరూపం బ్రహ్మచర్యం చ విశదం తవ ఖేచరి ॥ 9 ॥
కృష్ణచ్ఛవిసమా కృష్ణా సఙ్కర్షణసమాననా ।
బిభ్రతీ విపులౌ బాహూ శక్రధ్వజసముచ్ఛ్రయౌ ॥ 10 ॥
బిభ్రతీ విపులౌ బాహూ శక్రధ్వజసముచ్ఛ్రయౌ ॥ 10 ॥
పాత్రీ చ పఙ్కజీ ఘణ్టీ స్త్రీవిశుద్ధా చ యా భువి ।
పాశం ధనుర్మహాచక్రం వివిధాన్యాయుధాని చ ॥ 11 ॥
పాశం ధనుర్మహాచక్రం వివిధాన్యాయుధాని చ ॥ 11 ॥
కుణ్డలాభ్యాం సుపూర్ణాభ్యాం కర్ణాభ్యాం చ విభూషితా ।
చన్ద్రవిస్పర్ధినా దేవి ముఖేన త్వం విరాజసే ॥ 12 ॥
చన్ద్రవిస్పర్ధినా దేవి ముఖేన త్వం విరాజసే ॥ 12 ॥
ముకుటేన విచిత్రేణ కేశబన్ధేన శోభినా ।
భుజఙ్గాభోగవాసేన శ్రోణిసూత్రేణ రాజతా ॥ 13 ॥
భుజఙ్గాభోగవాసేన శ్రోణిసూత్రేణ రాజతా ॥ 13 ॥
విభ్రాజసే చాబద్ధేన భోగేనేవేహ మన్దరః ।
ధ్వజేన శిఖిపిచ్ఛానాముచ్ఛ్రితేన విరాజసే ॥ 14 ॥
ధ్వజేన శిఖిపిచ్ఛానాముచ్ఛ్రితేన విరాజసే ॥ 14 ॥
కౌమారం వ్రతమాస్థాయ త్రిదివం పావితం త్వయా ।
తేన త్వం స్తూయసే దేవి త్రిదశైః పూజ్యసేఽపి చ ॥ 15 ॥
తేన త్వం స్తూయసే దేవి త్రిదశైః పూజ్యసేఽపి చ ॥ 15 ॥
త్రైలోక్యరక్షణార్థాయ మహిషాసురనాశిని ।
ప్రసన్నా మే సురశ్రేష్ఠే దయాం కురు శివా భవ ॥ 16 ॥
ప్రసన్నా మే సురశ్రేష్ఠే దయాం కురు శివా భవ ॥ 16 ॥
జయా త్వం విజయా చైవ సఙ్గ్రామే చ జయప్రదా ।
మమాపి విజయం దేహి వరదా త్వం చ సామ్ప్రతమ్ ॥ 17 ॥
మమాపి విజయం దేహి వరదా త్వం చ సామ్ప్రతమ్ ॥ 17 ॥
విన్ధ్యే చైవ నగశ్రేష్ఠే తవ స్థానం హి శాశ్వతమ్ ।
కాలి కాలి మహాకాలి శీధుమాంసపశుప్రియే ॥ 18 ॥
కాలి కాలి మహాకాలి శీధుమాంసపశుప్రియే ॥ 18 ॥
కృతానుయాత్రా భూతైస్త్వం వరదా కామచారిణీ ।
భారావతారే యే చ త్వాం సంస్మరిష్యన్తి మానవాః ॥ 19 ॥
భారావతారే యే చ త్వాం సంస్మరిష్యన్తి మానవాః ॥ 19 ॥
ప్రణమన్తి చ యే త్వాం హి ప్రభాతే తు నరా భువి ।
న తేషాం దుర్లభం కిఞ్చిత్ పుత్రతో ధనతోఽపి వా ॥ 20 ॥
న తేషాం దుర్లభం కిఞ్చిత్ పుత్రతో ధనతోఽపి వా ॥ 20 ॥
దుర్గాత్ తారయసే దుర్గే తత్ త్వం దుర్గా స్మృతా జనైః ।
కాన్తారేష్వవసన్నానాం మగ్నానాం చ మహార్ణవే ।
దస్యుభిర్వా నిరుద్ధానాం త్వం గతిః పరమా నృణామ్ ॥ 21 ॥
కాన్తారేష్వవసన్నానాం మగ్నానాం చ మహార్ణవే ।
దస్యుభిర్వా నిరుద్ధానాం త్వం గతిః పరమా నృణామ్ ॥ 21 ॥
జలప్రతరణే చైవ కాన్తారేష్వటవీషు చ ।
యే స్మరన్తి మహాదేవి న చ సీదన్తి తే నరాః ॥ 22 ॥
యే స్మరన్తి మహాదేవి న చ సీదన్తి తే నరాః ॥ 22 ॥
త్వం కీర్తిః శ్రీర్ధృతిః సిద్ధిర్హ్రీర్విద్యా సన్తతిర్మతిః ।
సన్ధ్యా రాత్రిః ప్రభా నిద్రా జ్యోత్స్నా కాన్తిః క్షమా దయా ॥ 23 ॥
సన్ధ్యా రాత్రిః ప్రభా నిద్రా జ్యోత్స్నా కాన్తిః క్షమా దయా ॥ 23 ॥
నృణాం చ బన్ధనం మోహం పుత్రనాశం ధనక్షయమ్ ।
వ్యాధిం మృత్యుం భయం చైవ పూజితా నాశయిష్యసి ॥ 24 ॥
వ్యాధిం మృత్యుం భయం చైవ పూజితా నాశయిష్యసి ॥ 24 ॥
సోఽహం రాజ్యాత్పరిభ్రష్టః శరణం త్వాం ప్రపన్నవాన్ ।
ప్రణతశ్చ యథా మూర్ధ్నా తవ దేవి సురేశ్వరి ॥ 25 ॥
ప్రణతశ్చ యథా మూర్ధ్నా తవ దేవి సురేశ్వరి ॥ 25 ॥
త్రాహి మాం పద్మపత్రాక్షి సత్యే సత్యా భవస్వ నః ।
శరణం భవ మే దుర్గే శరణ్యే భక్తవత్సలే ॥ 26 ॥
శరణం భవ మే దుర్గే శరణ్యే భక్తవత్సలే ॥ 26 ॥
ఏవం స్తుతా హి సా దేవీ దర్శయామాస పాణ్డవమ్ ।
ఉపగమ్య తు రాజానామిదం వచనమబ్రవీత్ ॥ 27 ॥
ఉపగమ్య తు రాజానామిదం వచనమబ్రవీత్ ॥ 27 ॥
దేవ్యువాచ।
శృణు రాజన్ మహాబాహో మదీయం వచనం ప్రభో ।
భవిష్యత్యచిరాదేవ సఙ్గ్రామే విజయస్తవ ॥ 28 ॥
శృణు రాజన్ మహాబాహో మదీయం వచనం ప్రభో ।
భవిష్యత్యచిరాదేవ సఙ్గ్రామే విజయస్తవ ॥ 28 ॥
మమ ప్రసాదాన్నిర్జిత్య హత్వా కౌరవవాహినీమ్ ।
రాజ్యం నిష్కణ్టకం కృత్వా భోక్ష్యసే మేదినీం పునః ॥ 29 ॥
రాజ్యం నిష్కణ్టకం కృత్వా భోక్ష్యసే మేదినీం పునః ॥ 29 ॥
భాత్రృభిః సహితో రాజన్ ప్రీతిం ప్రాప్స్యసి పుష్కలామ్ ।
మత్ప్రసాదాచ్చ తే సౌఖ్యమారోగ్యం చ భవిష్యతి ॥ 30 ॥
మత్ప్రసాదాచ్చ తే సౌఖ్యమారోగ్యం చ భవిష్యతి ॥ 30 ॥
యే చ సఙ్కీర్తయిష్యన్తి లోకే విగతకల్మషాః ।
తేషాం తుష్టా ప్రదాస్యామి రాజ్యమాయుర్వపుః సుతమ్ ॥ 31 ॥
తేషాం తుష్టా ప్రదాస్యామి రాజ్యమాయుర్వపుః సుతమ్ ॥ 31 ॥
ప్రవాసే నగరే చాపి సఙ్గ్రామే శత్రుసఙ్కటే ।
అటవ్యాం దుర్గకాన్తారే సాగరే గహనే గిరౌ ॥ 32 ॥
అటవ్యాం దుర్గకాన్తారే సాగరే గహనే గిరౌ ॥ 32 ॥
యే స్మరిష్యన్తి మాం రాజన్ యథాఽహం భవతా స్మృతా ।
న తేషాం దుర్లభం కిఞ్చిదస్మిల్లోకే భవిష్యతి ॥ 33 ॥
న తేషాం దుర్లభం కిఞ్చిదస్మిల్లోకే భవిష్యతి ॥ 33 ॥
ఇదం స్తోత్రవరం భక్త్యా శృణుయాద్వా పఠేత వా ।
తస్య సర్వాణి కార్యాణి సిద్ధిం యాస్యన్తి పాణ్డవాః ॥ 34 ॥
తస్య సర్వాణి కార్యాణి సిద్ధిం యాస్యన్తి పాణ్డవాః ॥ 34 ॥
మత్ప్రసాదాచ్చ వః సర్వాన్విరాటనగరే స్థితాన్ ।
న ప్రజ్ఞాస్యన్తి కురవో నరా వా తన్నివాసినః ॥ 35 ॥
న ప్రజ్ఞాస్యన్తి కురవో నరా వా తన్నివాసినః ॥ 35 ॥
ఇత్యుక్త్వా వరదా దేవీ యుధిష్ఠిరమరిన్దమమ్ ।
రక్షాం కృత్వా చ పాణ్డూనాం తత్రైవాన్తరధీయత ॥ 36 ॥
రక్షాం కృత్వా చ పాణ్డూనాం తత్రైవాన్తరధీయత ॥ 36 ॥
ఇతి శ్రీమన్మహాభారతే విరాటపర్వణి అష్టమోఽధ్యాయే యుధిష్ఠిర కృత శ్రీ దుర్గా స్తోత్రమ్ ।