śrī hayagrīva sahasra nāma stotram

iti bījam | haṃsohamiti śaktiḥ . haṃsāṃ haṃsīmiti kīlakam . oṃ oṃ omityastram | śrīḥ śriyaḥ iti kavacam . śrīvibhūṣaṇa iti hṛdayam | parorajāḥ paraṃ brahmeti yoniḥ . vidyāmūrtirviśvātmā iti dhyānam | haṃsāmaṅguṣṭhābhyāṃ namaḥ . haṃsīṃ tarjanībhyāṃ namaḥ | haṃsūṃ madhyamābhyāṃ namaḥ . haṃsoṃ anāmikābhyāṃ namaḥ | haṃsauṃ kaniṣṭhikābhyāṃ namaḥ . haṃsaḥ karatalakarapṛṣṭhābhyāṃ namaḥ | evaṃ hṛdayādinyāsaḥ . | haṃsāṃ jñānāya hṛdayāya namaḥ . haṃsīṃ aiśvaryāya śirase svāhā | haṃsūṃ śaktayai śikhāyai vaṣaṭ . haṃsoṃ balāya kavacāya hum | haṃsauṃ tejase netrābhyāṃ vauṣaṭ | haṃsaḥ vīryāyāstrāya phaṭ omiti digbandhaḥ . | atha mātṛkānyāsaḥ | oṃ aṃ āṃ bhruvoḥ . iṃ īṃ netrayoḥ . uṃ ūṃ śrotrayoḥ . ṛṃ ṝṃ nāsikayoḥ | lṛṃ lṝṃ kapolayoḥ . eṃ aiṃ oṣṭhayoḥ . oṃ oṃ dantapaṅktyoḥ | aṃ jihvātale . aḥ jihvāmūle | kavargaṃ dakṣiṇe bāhūmūle kūrpare maṇibandhe karatale hastāgre | cavargaṃ vāme bāhūmūle kūrpare maṇibandhe karatale hastāgre | ṭavargaṃ dakṣiṇe pādamūle jānuni pādapārṣṇau pādatale pādāgre | tavargaṃ vāme pādamūle jānuni pādapārṣṇau pādatale pādāgre | paphau pārśvayoḥ . babhau pṛṣṭhodarayoḥ . maṃ hṛdi | yaṃ raṃ laṃ vaṃ nābhau pāyau udare guhye . śaṣau hastayoḥ | sahau śīrṣe kaṭyām . lakṣau hṛdabje hārde uti mātṛkānyāsaḥ . | atha dhyānam . | vidyāmūrtimakhaṇḍacandravalayaśvetāravindasthitaṃ hṛdyābhaṃ sphaṭikādrinirmalatanuṃ vidyotamānaṃśriyā | vāmāṅkasthitavallabhāṃ prati sadāvyākhyāntamāmnāyavā- garthānādimapūruṣaṃ hayamukhaṃ dhyāyāmi haṃsātmakam || 1 || viśvātmā viśadaprabhāpratilasadvāgdevatāmaṇḍalo devo dakṣiṇapāṇiyugmavilasadbodhāṅkacakrāyudhaḥ | vāmodagrakare daraṃ taditareṇāśliṣya doṣṇā ramāṃ hastāgre dhṛtapustakassa dayatāṃ haṃso hiraṇyacchadaḥ || 2 || atha sahasranāmastotraprārambhaḥ | oṃ - śrīṃ haṃso hamai moṃ klīṃ śrīśśriyaśśrīvibhūṣaṇaḥ | parorajāḥ paraṃ brahma bhūrbhuvassuvarādimaḥ || 1 || bhāsvānbhagaśca bhagavānsvastisvāhā namassvadhā | śrauṣaḍvauṣaḍhalaṃ huṃ phaṭ huṃ hrīṃ kroṃ hlauṃ yathā tathā || 2 || karkagrīvaḥ kalānāthaḥ kāmadaḥ karuṇākaraḥ | kamalādhyuṣitotsaṅgaḥ kṣaye kālīvaśānugaḥ || 3 || niṣacchopaniṣaccātha nīcairuccaissamaṃ saha | śaśvadyugapadahvāya śanaireko bahudhruvaḥ || 4 || bhūtabhṛdbhūridassākṣī bhūtādiḥ puṇyakīrtanaḥ | bhūmā bhūmiradhonnaddhaḥ puruhūtaḥ puruṣṭutaḥ || 5 || praphullapuṇḍarīkākṣaḥ parameṣṭhī prabhāvanaḥ | prabhurbhagaḥsatāṃ bandhurbhayadhvaṃsī bhavāpanaḥ || 6 || udyannuruśayāhuṃ kṛdurugāya urukramaḥ | udārastriyugastryātmā nidānaṃ nalayo hariḥ || 7 || hiraṇyagarbho hemāṅgo hiraṇyaśmaśrurīśitā | hiraṇyakeśo himahā hemavāsā hitaiṣaṇaḥ || 8 || ādityamaṇḍalāntastho modamānassamūhanaḥ | sarvātmā jagadādhārassannidhissāravānsvabhūḥ || 9 || gopatirgohito gomī keśavaḥ kinnareśvaraḥ | māyī māyāvikṛtikṛnmaheśāno mahāmahāḥ || 10 || mamā mimī mumū mṛmṝṃ mlumlūṃ memaiṃ tathaiva ca | momauṃ bindurvisargaśca hrasvodīrghaḥ plutassvaraḥ || 11 || udāttaścānudāttaśca svaritaḥ pracayastathā | kaṃ khaṃ gaṃ ghaṃ ṃaṃ ca caṃ chaṃ jaṃ jhaṃ ñaṃ ṭaṃ ṭhameva ca || 12 || ḍaṃ ḍhaṃ ṇaṃ taṃ thaṃ ca daṃ ca dhaṃ naṃ paṃ phaṃ bameva ca bhaṃ maṃ yaṃ raṃ laṃ ca vaṃ ca śaṃ ṣaṃ saṃ haṃ lameva ca || 13 || kṣaṃ yamoṃ vyañjano jihvāmūlīyo'rdhavisargavān | upadhmānīya iti ca saṃyuktākṣara eva ca || 14 || padaṃ kriyā kārakaśca nipāto gatiravyayaḥ | sannidhiryogyatā'kāṅkṣā parasparasamanvayaḥ || 15 || vākyaṃ padyaṃ sampradāyo bhāvaśśabdārthalālitaḥ | vyañjanā lakṣaṇā śaktiḥ pāko rītiralaṅkṛtiḥ || 16 || śayyā phrauḍhadhvanistadvatkāvyaṃ sargaḥ kriyā ruciḥ | nānārūpaprabandhaśca yaśaḥ puṇyaṃ mahaddhanam || 17 || vyavahāraparijñānaṃ śivetaraparikṣayaḥ | sadaḥ paramanirvāṇaṃ priyapathyopadeśakaḥ || 18 || saṃskāraḥ pratibhā śikṣā grahaṇaṃ dhāraṇaṃ śramaḥ | āsutāsvādimā citraṃ vistāraścitrasaṃvidhiḥ || 19 || purāṇamitihāsaśca smṛtisūtraṃ ca saṃhitā | ācāra ātmanā tuṣṭirācāryājñānatikramaḥ || 20 || śrīmānśrīgīḥśriyaḥ kāntaśśrīnidhiśśrīniketanaḥ | śreyānhayānanaśrīdaśśrīmayaśśritavatsalaḥ || 21 || haṃsaśśuciṣadādityo vasuścandro'ntarikṣasat | hotā ca vediṣadyoniratithirdroṇasaddhaviḥ || 22 || nṛṣanmṛtyuśca varasadamṛtaṃ cartasadvṛṣaḥ | vyomasadvividhaskoṭaśabdārthavyaṅgyavaibhavaḥ || 23 || abjā rasasvādutamo gojā geyo manoharaḥ | ṛtajāssakalaṃ bhadramadrijāsthairyamuttamam || 24 || ṛtaṃ samajñātvanṛtaṃ bṛhatsūkṣmavaśānugaḥ | satyaṃ jñānamanantaṃ yattatsadbrahmamayo'cyutaḥ || 25 || agrebhavannago nityaḥ paramaḥ puruṣottamaḥ | yoganidrāparassvāmī nidhyānavaranirvṛnaḥ || 26 || raso rasyo rasayitā rasavān rasikapriyaḥ | ānando nandayansarvānānandī hayakandharaḥ || 27 || kālaḥ kālyaśca kālātmā kālābhyutthitajāgaraḥ | kalāsācivyakṛtkāntākathitavyādhikāryakaḥ || 28 || dṛnnyañcanodañcanodyallayasargo laghukriyaḥ | vidyāsahāyo vāgīśo mātṛkāmaṇḍalīkutaḥ || 29 || hiraṇyaṃ haṃsamithunamīśānaśśaktimān jayī | grahamethī guṇī śrībhūnīlālīlaikalālasa || 30 || aṅkenodūhya vāgdevīmācāryakamupāśrayaḥ | vedavedāntaśāstrārthatattvavyākhyānatatparaḥ || 31 || lhauṃ hlaṃ haṃ haṃ hayo haṃ sūṃ haṃsāṃ haṃsīṃ hasūṃ hasaum | hasūṃ haṃ hariṇo hārī harikeśo hareḍitaḥ || 32 || sanātano nirbījassannavyakto hṛdayeśayaḥ | akṣaraḥ kṣarajīveśaḥ kṣamī kṣayakaro'cyutaḥ || 33 || kartākārayitā'kāryaṃ kāraṇaṃ prakṛtiḥ kṛtiḥ | kṣayakṣayamanāmārtho viṣṇurjiṣṇurjaganmayaḥ || 34 || saṅkucanvikacansthāṇunirvikāro nirāmayaḥ | śuddho buddhaḥ prabuddhaśca snigdho mugdhassamuddhataḥ || 35 || saṅkalpado bahubhavatsarvātmā sarvanāmabhṛt | sahasraśīrṣassarvajñassahasrākṣassahasrapāt || 36 || vyaktovirāṭsvarāṭsamrāḍviṣvagrūpavapurvidhuḥ | māyāvī paramānando mānyo māyātigo mahān || 37 || vaṭapatraśayo bālo lalannāmnāyasūcakaḥ | mukhanyastakaragrastapādāgrapaṭalaḥ prabhuḥ || 38 || naidrīhāsāśvasambhūtajñājñasātvikatāmasaḥ | mahārṇavāmbuparyaṅkaḥ padmanābhaḥ parātparaḥ || 39 || brahmabhūrbrahmabhayahṛddhariromupadeśakṛt | madhukaiṭabhanirmātā mattabrahmamadāpahaḥ || 40 || vedhovilāsavāgānirdayāsāro mṛṣārthadaḥ | nārāyaṇāstranirmātāmadhukaiṭabhamardanaḥ || 41 || vedakartā vedabhartā vedahartā vidāṃvaraḥ | puṅkhānupuṅkhaheṣāḍhyaḥ pūrṇaṣāḍguṇyavigrahaḥ || 42 || lālāmṛtakaṇavyājavāntanirdoṣavarṇakaḥ | ullolasvānadhīrodyaduccairhalahaladhvaniḥ || 43 || karṇādārabhya kalkyātmā kaviḥ kṣīrārṇavopamaḥ | śaṅkha cakragadī khaḍgī śārṅgī nirbhayamudrakaḥ || 44 || cinmudrācihnito hastatalavinyastapustakaḥ | vidyānāmnīṃ śriyaṃ śiṣyāṃ vedayannijavaibhavam || 45 || aṣṭārṇyamyo'ṣṭabhujovyaṣṭisṛṣṭikaraḥ pitā | aṣṭaiśvaryapradohṛṣyadaṣṭamūrtipitṛstutaḥ || 46 || anītavedapuruṣo vidhivedopadeśakṛt | vedavedāṅgavedāntapurāṇasmṛtimūrtimān || 47 || sarvakarmasamārādhyassarvavedamayo vibhuḥ | sarvārthatattvavyākhyātā catuṣṣaṣṭikalādhipaḥ || 48 || śubhayuksumukhaśśuddhassurūpassugatassudhīḥ | suvratissaṃhṛtiśśūrassutapāḥ suṣṭutissuhṛt || 49 || sundarassubhagassaumyassukhadassuhṛdāṃ priyaḥ | sucaritrassukhataraśśuddhasatvapradāyakaḥ || 50 || rajastamoharo vīroviśvarakṣādhurandharaḥ | naranārāyaṇākṛtyā guruśiṣyatvamāsthitaḥ || 51 || parāvarātmā prabalaḥ pāvanaḥ pāpanāśanaḥ | dayāghanaḥ kṣamāsāro vātsalyaikavibhūṣaṇaḥ || 52 || ādikūrmo jagadbhartā mahāpotrī mahīdharaḥ | stadbhitsvāmī hariryakṣo hiraṇyaripuraicchikaḥ || 53 || prahlādapālakassarvabhayahartā priyaṃvadaḥ | śrīmukhālokanasraṃsatkrauñcakaḥ kuhakāñcanaḥ || 54 || chatrī kamaṇḍaludharo vāmano vadatāṃ varaḥ | piśunātmā śanodṛṣṭilopano balimardanaḥ || 55 || uruktamo baliśironyastāṅghrirbalimardanaḥ | jāmadagnyaḥ paraśubhṛtkṛttakṣattrakulottamaḥ || 56 || rāmo'bhirāmaśśāntātmā harakodaṇḍakhaṇḍanaḥ | śaraṇāgatasantrātā sarvāyodhyakamuktidaḥ || 57 || saṅkarṣaṇomadodagro balavānmusalāyudhaḥ | kṛṣṇākleśaharaḥ kṛṣṇo mahāvyasanaśāntidaḥ || 58 || aṅgāritottarāgarbhaprāṇadaḥ pārthasārathiḥ | gītācāryo dharābhārahārī ṣaṭpuramardanaḥ || 59 || kalkī viṣṇuyaśassūnuḥ kalikāluṣyanāśanaḥ | sādhuduṣkṛtparitrāṇavināśavihitodayaḥ || 60 || vaikuṇṭhe parame tiṣṭhan sukumārayuvākṛtiḥ | viśvodayasthitidhvaṃsasaṅkalpena svayaṃ prabhuḥ || 61 || madanānāṃ ca madano maṇikoṭīramānitaḥ | mandāramālikāpīḍo maṇikuṇḍalamaṇḍitaḥ || 62 || susnigdhanīlakuṭilakuntalaḥ komalākṛtiḥ | sulalāṭasstutilakassubhrūkassukapolakaḥ || 63 || siddhāsadasadālokasudhāsyandīradacchadaḥ | tārakākorakākāravinirmitaradacchadaḥ || 64 || sudhāvartiparisphūrtiśobhamānaradacchadaḥ | viṣṭabdhovipulagrīvonibhṛtoccaiśśravasthitiḥ || 65 || samāvṛttāvadātorumuktāprālambabhūṣaṇaḥ | ratnāṅgadī vajraniṣkī nīlaratnāṅkakaṅkaṇaḥ || 66 || harinmaṇigaṇābaddhaśṛṅkhalākaṅkaṇormikaḥ | sitopavītasaṃśliṣyatpadmākṣamaṇimālikaḥ || 67 || śrīcūrṇavaddvādaśordhvapuṇḍrarekhāpariṣkṛtaḥ | paṭṭatantugrathanavatpavitranaraśobhitaḥ || 68 || pīnavakṣāmahāskandho vipulorukaṭītaṭaḥ | kaustubhī vanamālī ca kāntyācandrāyutopamaḥ || 69 || mandāramālikāmodī mañjuvāgamalacchaviḥ | divyagandho divyaraso divyatejā divaspatiḥ || 70 || vācālo vākpatirvaktā vyākhyātā vādināṃ priyaḥ | bhaktahṛnmadhuro vādijihvābhadrānanasthitiḥ || 71 || smṛtisannihitassnigdhassiddhidasiddhisannutaḥ | mūlakandomukundoglaussvayambhūśambhuraindavaḥ || 72 || iṣṭo manuryamaḥ kālakālyaḥ kambukalānidhiḥ | kalyaḥ kāmayitā bhīmaḥ kātaryaharaṇaḥ kṛtiḥ || 73 || sampriyaḥ pakkaṇastarkacarcānirdhāraṇādayaḥ | vyatireko vivekaśca pravekaḥ prakramaḥ kramaḥ || 74 || pramāṇa pratibhūḥ prājñaḥ prajñāpatthyācadhāraṇaḥ | vidhirvidhātā vyavadhirudbhavaḥ prabhavasthitiḥ || 75 || viṣayassaṃśayaḥ pūrvaḥ pakṣaḥ kakṣyopapādakaḥ | rāddhānto vihito nyāyaphalaniṣpattirudbhavaḥ || 76 || nānārūpāṇi tantrāṇi vyavahāryo vyavasthitiḥ | sarvasādhāraṇo devassādhvasādhuhite rataḥ || 77 || sandhā sanātano dharmo dharmairarcyā mahātmabhiḥ | chandomayastridhāmātmā svacchandaśchāndaseḍitaḥ || 78 || yajño yajñātmako yaṣṭā yajñāṅgo'paghanohaviḥ | samidājyaṃ puroḍāśaśśālā sthālī sruvassrucā || 79 || prāgvaṃśo devayajanaḥ paridhiśca paristaraḥ | vedirviharaṇaṃ tretā paśuḥ pāśaśca saṃskṛtiḥ || 80 || vidhirmantro'rthavādaśca dravyamaṅgaṃ ca daivatam | stotraṃ śastraṃ sāma gītirudgīthassarvasādhanam || 81 || yājyā puronukāvyā ca sāmidhenī samūhanam | prayoktāraḥ prayogaśca prapañcaḥ prāśubhā śramaḥ || 82 || śraddhā pradhvaṃsanā tuṣṭiḥ puṣṭiḥ puṇyaṃ pratirbhavaḥ | sadassadasyasampātaḥ praśnaḥ prativacasthitiḥ || 83 || prāyaścittaṃ pariṣkāro dhṛtirnirvahaṇaṃ phalam | niyogo bhāvanā bhāvyaṃ hiraṇyaṃ dakṣiṇā nutiḥ || 84 || āśīrabhyupapattiśca tṛptissvaṃ śarma kevalama | puṇyakṣayaḥ punaḥ pātabhayaṃ śikṣāśugardanaḥ || 85 || kārpaṇyaṃ yātanāṃ cintā nirvedaśca vihastatā | dehabhṛtkarmasampātaḥ kiñcitkarmānukūlakaḥ || 86 || ahetukatayā prema sāmmukhyaṃ cāpyanugrahaḥ | śuciśśrīmatkulajano netā sattvābhimānavān || 87 || antarāyaharaḥ pitroraduṣṭāhāradāyakaḥ | śuddhāhārānurūpāṅgapariṇāmavidhāyakaḥ || 88 || srāvapātādivipadāṃ parihartā parāyaṇaḥ | śiraḥpāṇyādisandhātā kṣemakṛtprāṇadaḥ prabhu || 89 || anirghṛṇaścāviṣamaśśaktitritayadāyakaḥ | svecchāprasaṅgasampattivyājaharṣaviśeṣavān || 90 || saṃvitsandhāyakassarvajanmakleśasmṛtipradaḥ | vivakeśokavairāgyabhavabhītividhāyakaḥ || 91 || garbhasyāpyanukūlādināsāntādhyavasāyadaḥ | śubhavaijananopetasadanehojanipradaḥ || 92 || uttamāyuḥprado brahmaniṣṭhānugrahakārakaḥ | svadāsajananistīrṇatadvaṃśajaparamparaḥ || 93 || śrīvaiṣṇavotpādakṛtasvastikāvanimaṇḍalaḥ | adharvaṇoktaikaśatamṛtyudūrakriyāparaḥ || 94 || dayādyaṣṭaguṇādhātā tattatsaṃskṛtisādhakaḥ | medhāvidhātā śraddhākṛt sausthyado jāmitāharaḥ || 95 || vighnanudvijayī dhātā deśakālānukūlyakṛt | vinetā satpathānetā doṣahṛcchubhadassakhā || 96 || hrīdo bhīdo rucikaro viśvo viśvahite rataḥ | pramādahṛtprāptakārī pradyumno balavattaraḥ || 97 || sāṅgavedasamāyoktā sarvaśāstrārthavittidaḥ | brahmacaryāntarāyaghnaḥ priyakṛddhitakṛtparaḥ || 98 || cittaśuddhipradaśchinnākṣacāpalyaḥ kṣamāvahaḥ | indriyārthāraticchettā vidyaikavyasanāvahaḥ || 99 || ātmānukūlyarucikṛdakhilārtivināśakaḥ | titīrṣuhṛttvarāvedī gurusadbhaktitejasaḥ || 100 || gurusambandhaghaṭako guruviśvāsavardhanaḥ | gurūpāsanasandhātā gurupremapravardhanaḥ || 101 || ācāryābhimatairyoktā pañcasaṃskṛtibhāvanaḥ | gurūktavṛttinaiścalyasandhātā'vahitasthitiḥ || 102 || āpannākhilarakṣārthamācāryakamupāśritaḥ | śāstrapāṇipradānena bhavamagnānsamuddharan || 103 || pāñcakālikadharmeṣu naiścalyaṃ pratipādayan | svadāsārādhanādyarthaśuddhadravyapradāyakaḥ || 104 || nyāsavidyāvinirvoḍhā nyastātmabhararakṣakaḥ | svakaiṅkaryaikarucidassvadāsyapremavardhanaḥ || 105 || ācāryārthākhiladravyasambhṛtyarpaṇarocakaḥ | ācāryasya svasacchiṣyojjīvanaikarucipradaḥ || 106 || āgatyayojayanāsahitaikakṛtijāgaraḥ | brahmavidyāsamāsvādasuhitaḥ kṛtisaṃskṛtiḥ || 107 || satkāre viṣadhīdātā taruṇyāṃ śavabuddhidaḥ | sabhāmpratyāyayanvyālīṃ sarvatra samabuddhidaḥ || 108 || sambhāvitāśeṣadoṣahṛtpunarnyāsarocakaḥ | mahāviśvāsasandhātā sthairyadātā madāpahaḥ || 109 || nādavyākhyāsvasiddhāntarakṣāhetusvamantradaḥ | svamantrajapasaṃsiddhijaṅghālakavitodayaḥ || 110 || aduṣṭaguṇavatkāvyabandhavyāmugdhacetanaḥ | vyaṅgyapradhānarasavadgadyapadyādinirmitiḥ || 111 || svabhaktastutisantuṣṭo bhūyobhaktipradāyakaḥ | sātvikatyāgasampannasatkarmakṛdatipriyaḥ || 112 || nirantarānusmaraṇanijadāsaivādāsyakṛt | niṣkāmavatsalo naicyabhāvaneṣu vinirviśan || 113 || sarvabhūtabhavadbhāvaṃ sampaśyatsusadāsthitaḥ | karaṇatrayasārūpyakalyāṇapatisādaraḥ || 114 || kadā kadeti kaiṅkaryakāmināṃ śeṣitāmbhajana | paravyūhādinirdoṣaśubhāśrayaparigrahaḥ || 115 || candramaṇḍalamadhyasya śvetāmbhoruhaviṣṭaraḥ | jyotsnāyamānāṅgarucinirdhūtāntarbahistamāḥ || 116 || bhāvyo bhāvayitā bhadraṃ pārijātavanālayaḥ | kṣīrābdhimadhyamadvīpapālakaḥ prapitāmahaḥ || 117 || nirantaranamovākaśuddhayājihadāśrayaḥ | muktidaśvetamṛdrūpaśvetadvīpavibhāvanaḥ || 118 || garuḍāhāritaśvetamṛtpūtayadubhūdharaḥ | bhadrāśvavarṣanilayo bhayahārī śubhāśrayaḥ || 119 || bhadraśrīvatsahārāḍhyaḥ pañcarātrapravartakaḥ | bhaktātmabhāvabhavano hārdo'ṅguṣṭhapramāṇavān || 120 || svadāsasatkṛtākṛtye tanmitrāriṣu yojayan | prāṇānutkrāmayannūrīkṛtaprārabdhalopanaḥ || 121 || ladhvyaiva śikṣayāpāpamaśeṣamapi nirṇudan | tristhūṇakṣobhato bhūtasūkṣmyaissūkṣmavapussṛjan || 122 || niraṅkuśakṛpāpūro nityakalyāṇakārakaḥ | mūrdhanyanāḍyā svāndāsānbrahmarandhrādudañcayan || 123 || upāsanaparānsarvān prārabdhamanubhāvayan | sarvaprārabdhadehānte'pyantimasmaraṇaṃ diśan || 124 || prapeyuṣāṃ bhejuṣāṃ ca yamadṛṣṭimabhāvayan | divyadehapradassūryaṃ dvārayanmokṣameyuṣām || 125 || ātivāhikasatkārānadhvanyāpādya mānayan | sārvānkratubhujaśśaśvatprābhṛtāni pradāpayan || 126 || durantamāyākāntāraṃ drutaṃ yogen laṅghayan | sphāyatsudarśavividhavīthyantenādhvanā nayan || 127 || sīmāntasindhuvirajāṃ yogenottārayanvaśī | amānavasya devasya karaṃ śirasi dhārayan || 128 || anādivāsanāṃ dhūnvan vaikuṇṭhāptyā salokayan | aheyamaṅgalodāratanudānātsarūpayana || 129 || sūrijuṣṭaṃ sukhaikāntaṃ paramaṃ padamāpayan | arāraṇyāmṛtāmbhodhī darśayan śramanāśanaḥ || 130 || divyodyānasarovāpīsarinmaṇinagānnayana | airammadāmṛtasarogamayansūpabṛṃhaṇaḥ || 131 || aśvatthaṃ somasavanaṃ prāpayanviṣṭaraśravāḥ | divyāpsarassamānītabrahmālaṅkāradāyakaḥ || 132 || divyavāso'ñjanakṣaumamālyaissvānbahumānayan | svīyāmayodhyāṃ nagarīṃ sādaraṃ sampraveśayan || 133 || dāsāndivyarasālokagandhāṃsalaśarīrayan | svadāsānsūrivargeṇa sasnehaṃ bahumānayan || 134 || sūrisevoditānandanaicyānsvānatiśāyayan | vācayansvāṃ namovīpsāṃ kurvanprahvānkṛtāñjalīn || 135 || prākāragopurārāmaprāsādebhyaḥ praṇāmayan | indraprajāpatidvārapālasammānamāpayan || 136 || mālikāñcanmahārājavīthīmadhyaṃ nivāsayan | śrīvaikuṇṭhapurandhrībhirnānāsatkārakārakaḥ || 137 || divyaṃ vimānaṃ gamayan brahmakāntyābhipūrayan | mahānandātmakaśrīmanmaṇimaṇḍapamāpayan || 138 || hṛṣyatkumudacaṇḍādyairviṣvaksenāntikaṃ nayan | seneśacoditāsthānanāyako hetināyakaḥ || 139 || prāpayandivyamāsthānaṃ vainateyaṃ praṇāmayan | śrīmatsundarasūrīndradivyapaṅktiṃ praṇāmayan || 140 || bhāsvarāsanaparyaṅkaprāpaṇena kṛtārthayan | paryaṅkavidyāsaṃsiddhasarvavaibhavasaṅgataḥ || 141 || svātmānameva śrīkāntaṃ sādaraṃ bhūri darśayan | śeṣataikaratiṃ śeṣaṃ śayyātmānaṃ praṇāmayan || 142 || anantākṣidvisāhasrasādarālokapātrayan | akumārayuvākāraṃ śrīkāntaṃ sampraṇāmayan || 143 || ataṭānandato heto rañcayankilikiñcitam | dāsānatyutthitamuhuḥkṛtisṛṣṭiprasannahṛt || 144 || śrīyāṃ prāpasvayaṃ tātaṃ jīvaṃ putraṃ praharṣayan | majjayan svamukhāmbhodhau svakāṃ kīrtiruciṃ diśan || 145 || dayārdragaṅgāvalanākṛtahlādaiḥ kṛtārthayan | paryaṅkārohaṇaprahvaṃ samaṃ lakṣmyopapādayan || 146 || kastvamityanuyuñjāno dāso'smītyuktivismitaḥ | apṛthaktvaprakāro'smi vācāsvāśritavadbhavan || 147 || viduṣāṃ tatkratunayāddhayāsyavapuṣābhavan | vāsudevātmanā bhūyo bhavanvaikuṇṭhanāyakaḥ || 148 || yathā tathaiva svaṃ rūpaṃ jaganmohanamūrtimān | dvimūrtī bahumūrtīśca ātmanaśca prakāśayan || 149 || yugapatsakalaṃ sākṣātsvataḥ kartuṃ samarthayan | kavīnāmādiśannityaṃ muktānāmādimaḥ kaviḥ || 150 || ṣaḍarṇamanuniṣṭhānāṃ śvetadvīpasthitiṃ diśan | dvādaśākṣaraniṣṭhānāṃ lokaṃ sāntānikaṃ diśan || 151 || aṣṭākṣaraikaniṣṭhānāṃ kāryaṃ vaikuṇṭhamarpayan | śaraṇāgatiniṣṭhānāṃ sākṣādvaikuṇṭhamarpayan || 152 || svamantrarājaniṣṭhānāṃ svasmārdāteśayaṃ diśan | śriyā gāḍhopagūḍhātmā bhūtadhātrīruciṃ diśan || 153 || nīlāvibhūtivyāmugdho mahāśvetāśvamastakaḥ | tryakṣastripurasaṃhārī rudrasskando vināyakaḥ || 154 || ajo viriñco druhiṇo vyāptamūrtiramūrtikaḥ | asaṅgo'nanyadhīsaṅgavihaṅgovairibhaṅgadaḥ || 155 || svāmī svaṃ svena santupyan śakrassarvādhikasyadaḥ | svayañjyotissvayaṃvaidyaśśūraśśūrakulodbhavaḥ || 156 || vāsavo vasuraṇyognirvāsudevassuhṛdvasuḥ | bhūto bhāvī bhavanbhavyo viṣṇusthānassanātanaḥ || 157 || nityānubhāvo nedīyāndavīyāndurvibhāvanaḥ | sanatkumārassandhātā sugandhissukhadarśanaḥ || 158 || tīrthaṃ titikṣustīrthāṅghristīrthasvāduśubhaśśuciḥ | tīrthavaddīdhitistigmatejāstīvramanāmayaḥ || 159 || īśādyupaniṣadvedyaḥ pañcopaniṣadātmakaḥ | īḍantaḥstho'pi dūrasthaḥ kalyāṇatamarūpavān || 160 || prāṇānāṃ prāṇanaḥ pūrṇajñānairapi sudurgrahaḥ | nāciketopāsanārcyastrimātrapraṇavoditaḥ || 161 || bhūtayoniśca sarvajño'kṣaro'kṣaraparātparaḥ | akārādipadajñeyavyūhatārārthapūruṣaḥ || 162 || manomayāmṛto nandamayo dahararūpadṛt | nyāsavidyāvedyarūpaḥ ādityāntarhiraṇmayaḥ || 163 || idandra ātmodgīthādi pratīko pāsanānvayī | madhuvidyopāsanīyo gāyatrīdhyānagocaraḥ || 164 || divyakaukṣeyasajjyotiḥ śāṇḍilyopāstivīkṣitaḥ | saṃvargavidyāvedyātmā tat ṣoḍaśakalaṃ param || 165 || upakosalavidyekṣyaḥ pañcāgnyātmaśarīrakaḥ | vaiśvānaraḥ sadakhebhūmā ca jagatkarmā'dipūruṣaḥ || 166 || mūrtāmūrtabrahma sarvapreṣṭho'nyapriyatākaraḥ | sarvāntaraścāparokṣaścāntaryāmyamṛto'naghaḥ || 167 || aharnāmādityarūpaścāhannāmākṣisaṃśritaḥ | saturyagāyatryarthaśca yathopāstyāpyasadvapuḥ || 168 || candrādisāyujyapūrvamokṣadanyāsagocaraḥ | nyāsanāśyānabhyupetaprārabdhāṃśo mahādayaḥ || 169 || avatārarahasyādijñāniprārabdhanāśanaḥ | svena svārthaṃ pareṇāpi kṛte nyāse phalapradaḥ || 170 || asāhaso'napāyaśrīssahāyassa śriyai vasan | śrīmānnārāyaṇo vāsudevo'vyādviṣṇuruttamaḥ || 171 || || om || itīdaṃ paramaṃ guhyaṃ sarvapāpapraṇāśanam | vāgīśanāmasāhasraṃ vatsa te'bhihitaṃ mayā || 1 || ya idaṃ śṛṇuyādbhaktyā śrāvayedvā svayaṃ paṭhat | nāsau prāpnoti duritamihāmutra ca kiñcana || 2 || tadidaṃ prajapan svāmī vidyādhīśo hayānanaḥ | kṣatriyaścenmahārudro vikramākrāntasarvabhūḥ || 3 || mahodāro mahākīrtirmahito vijayī bhavet | ūrujaśceduruyaśodhanadhānyasamṛddhimān || 4 || aśeṣabhogasambhūto dhanādhipasamo bhavet | śṛṇuyādeva vṛṣalassvayaṃ viprātsupūjitāt || 5 || mahimānamavāpnoti mahitaiśvaryabhājanam | śrīmato hayaśīrṣasya nāmnāṃ sāhasramuttamam || 6 || śṛṇvanpaṭhannapi narassarvānkāmānavāpnuyāt | dharmārthakāmasantānabhāgyārogyottamāyuṣām || 7 || prāpaṇe paramo hetuḥ stavarājo'yamadbhutaḥ | hayagrīve parā bhaktimudvahan ya imaṃ paṭhet || 8 || trisandhyaṃ niyataśśuddhasso'pavargāya kalpate | triḥ paṭhannāmasāhasraṃ pratyahaṃ vāgadhīśituḥ || 9 || mahatīṃ kīrtimāpnoti nissīmāṃ preyasīṃ priyām | vīryaṃ balaṃ patitvaṃ ca medhāśraddhāvalonnatīḥ || 10 || sārasvatasamṛddhiṃ ca bhavyānbhogyānnatānsutān | abhirūpāṃ vadhūṃ sādhvīṃ suhṛdaśca hitaiṣiṇaḥ || 11 || brahmavidyāpravacanaiḥ kālakṣepaṃ ca santatam | hayagrīvapadāmbhoja salilasyānukūlataḥ || 12 || labheta nirmalaṃ śānto haṃsopāsanatatparaḥ | śrīmatparamahaṃsasya cittollāsanasadvidhau || 13 || idaṃ tu nāmnāṃ sāhasramiṣṭasādhanamuttamam | pāpī pāpādvimuktassyādrogī rogādvimucyate || 14 || baddho bandhādvimucyeta bhīte bhītirvimucyate | mukto daridro dāridryādbhavetpūrṇamanorathaḥ || 15 || āpanna āpadā mukto bhavatyeva na saṃśayaḥ | haṃsārcanaparo nityaṃ haṃsārcanaparāyaṇaḥ || 16 || nirdhūtakalmaṣo nityaṃ brahmasāyujyamāpnuyāt | ye bhaktyā parame haṃse śriyā mithunitāṅgite || 17 || janmavyādhijarānāśabhayabhājo na te janāḥ | ācāryāttadidaṃ stotramadhigatya paṭhennaraḥ || 18 || tasyedaṃ kalpate siddhyai nānyathā vatsa kāśyapa | ācāryaṃ lakṣaṇairyuktamanyaṃ vā'tmaviduttamam || 19 || vṛtvācāryaṃ sadā bhaktyā siddhyai tadidamaśnuyāt | sa yāti paramāṃ vidyāṃ śakunibrahmaharṣaṇīm || 20 || hayāsyanāmasāhasrastutiraṃhovināśinī | paramo haṃsa evādau praṇavaṃ brahmaṇe diśat || 21 || upādiśattato vedān śrīmāna hayaśiro hariḥ | tenāsau stavarājo hi haṃsākhyahayagocaraḥ || 22 || vidyāsāmrājyasampattimokṣaikaphalasādhanam | sarvavitsvātmabhāvena paramaṃ padamāpnuyāt || 23 || na tatra saṃśayaḥ kaścinnipuṇaṃ paripaśyati | tathāpi svātmani premasindhusandhukṣaṇakṣamaḥ. || 24 || itīdaṃ nāmasāhasraṃ saṅgṛhītaṃ tathottaram | evaṃ saṅgṛhya devena hayagrīveṇa pālanam || 25 || stotraratnamidaṃ dattaṃ mahyaṃ tat kathitaṃ tava | haṃsanāmasahasrasya vaibhavaṃ paramādbhutam || 26 || vaktuṃ yathāvatkaśśakto varṣakoṭiśatairapi | hayāsyaḥ paramo haṃso harirnārāyaṇo'vyayaḥ || 27 || kāraṇaṃ śaraṇaṃ mṛtyuramṛtaṃ cākhilātmanām | satyaṃ satyaṃ punassatyaṃ dhyeyo nārāyaṇo hariḥ || 28 || samānamadhikaṃ vedānna daivaṃ keśavātparam | tattvaṃ vijñātukāmānāṃ pramāṇaissarvatomukhaiḥ || 29 || tattvaṃ sa paramo haṃsa eka eva janārdanaḥ | idaṃ rahasyaṃ paramaṃ mahāpātakanāśanam || 30 || na cāśuśrūṣave vācyaṃ nābhaktāya kadācana | nāpyanyadevatāyāpi na vācyaṃ nāstikāya ca || 31 || adhītyaitadgurumukhādanvahaṃ yaḥ paṭhennaraḥ | tadvaṃśyā api sarve syussampatsārasvatonnatāḥ || 32 || iti hayavadanānanāravindānmadhulaharīva nirargalā galantī | jagati daśaśatītadīyanāmnāṃ jayati jaḍānapi gīrṣu yojayantī || 33 || || iti śrīhayagrīvasahasranāmastotraṃ sampūrṇam ||