ଶ୍ରୀ ହଯଗ୍ରୀଵ ସହସ୍ର ନାମ ସ୍ତୋତ୍ରମ୍

ଇତି ବୀଜମ୍ । ହଂସୋହମିତି ଶକ୍ତିଃ . ହଂସାଂ ହଂସୀମିତି କୀଲକମ୍ . ଓଁ ଓଁ ଓମିତ୍ଯସ୍ତ୍ରମ୍ । ଶ୍ରୀଃ ଶ୍ରିଯଃ ଇତି କଵଚମ୍ . ଶ୍ରୀଵିଭୂଷଣ ଇତି ହୃଦଯମ୍ । ପରୋରଜାଃ ପରଂ ବ୍ରହ୍ମେତି ଯୋନିଃ . ଵିଦ୍ଯାମୂର୍ତିର୍ଵିଶ୍ଵାତ୍ମା ଇତି ଧ୍ଯାନମ୍ । ହଂସାମଙ୍ଗୁଷ୍ଠାଭ୍ଯାଂ ନମଃ . ହଂସୀଂ ତର୍ଜନୀଭ୍ଯାଂ ନମଃ । ହଂସୂଂ ମଧ୍ଯମାଭ୍ଯାଂ ନମଃ . ହଂସୋଂ ଅନାମିକାଭ୍ଯାଂ ନମଃ । ହଂସୌଂ କନିଷ୍ଠିକାଭ୍ଯାଂ ନମଃ . ହଂସଃ କରତଲକରପୃଷ୍ଠାଭ୍ଯାଂ ନମଃ । ଏଵଂ ହୃଦଯାଦିନ୍ଯାସଃ . । ହଂସାଂ ଜ୍ଞାନାଯ ହୃଦଯାଯ ନମଃ . ହଂସୀଂ ଐଶ୍ଵର୍ଯାଯ ଶିରସେ ସ୍ଵାହା । ହଂସୂଂ ଶକ୍ତଯୈ ଶିଖାଯୈ ଵଷଟ୍ . ହଂସୋଂ ବଲାଯ କଵଚାଯ ହୁମ୍ । ହଂସୌଂ ତେଜସେ ନେତ୍ରାଭ୍ଯାଂ ଵୌଷଟ୍ । ହଂସଃ ଵୀର୍ଯାଯାସ୍ତ୍ରାଯ ଫଟ୍ ଓମିତି ଦିଗ୍ବନ୍ଧଃ . । ଅଥ ମାତୃକାନ୍ଯାସଃ । ଓଁ ଅଂ ଆଂ ଭ୍ରୁଵୋଃ . ଇଂ ଈଂ ନେତ୍ରଯୋଃ . ଉଂ ଊଂ ଶ୍ରୋତ୍ରଯୋଃ . ଋଂ ୠଂ ନାସିକଯୋଃ । ଲୃଂ ଲୄଂ କପୋଲଯୋଃ . ଏଂ ଐଂ ଓଷ୍ଠଯୋଃ . ଓଁ ଓଁ ଦନ୍ତପଙ୍କ୍ତ୍ଯୋଃ । ଅଂ ଜିହ୍ଵାତଲେ . ଅଃ ଜିହ୍ଵାମୂଲେ । କଵର୍ଗଂ ଦକ୍ଷିଣେ ବାହୂମୂଲେ କୂର୍ପରେ ମଣିବନ୍ଧେ କରତଲେ ହସ୍ତାଗ୍ରେ । ଚଵର୍ଗଂ ଵାମେ ବାହୂମୂଲେ କୂର୍ପରେ ମଣିବନ୍ଧେ କରତଲେ ହସ୍ତାଗ୍ରେ । ଟଵର୍ଗଂ ଦକ୍ଷିଣେ ପାଦମୂଲେ ଜାନୁନି ପାଦପାର୍ଷ୍ଣୌ ପାଦତଲେ ପାଦାଗ୍ରେ । ତଵର୍ଗଂ ଵାମେ ପାଦମୂଲେ ଜାନୁନି ପାଦପାର୍ଷ୍ଣୌ ପାଦତଲେ ପାଦାଗ୍ରେ । ପଫୌ ପାର୍ଶ୍ଵଯୋଃ . ବଭୌ ପୃଷ୍ଠୋଦରଯୋଃ . ମଂ ହୃଦି । ଯଂ ରଂ ଲଂ ଵଂ ନାଭୌ ପାଯୌ ଉଦରେ ଗୁହ୍ଯେ . ଶଷୌ ହସ୍ତଯୋଃ । ସହୌ ଶୀର୍ଷେ କଟ୍ଯାମ୍ . ଲକ୍ଷୌ ହୃଦବ୍ଜେ ହାର୍ଦେ ଉତି ମାତୃକାନ୍ଯାସଃ . । ଅଥ ଧ୍ଯାନମ୍ . । ଵିଦ୍ଯାମୂର୍ତିମଖଣ୍ଡଚନ୍ଦ୍ରଵଲଯଶ୍ଵେତାରଵିନ୍ଦସ୍ଥିତଂ ହୃଦ୍ଯାଭଂ ସ୍ଫଟିକାଦ୍ରିନିର୍ମଲତନୁଂ ଵିଦ୍ଯୋତମାନଂଶ୍ରିଯା । ଵାମାଙ୍କସ୍ଥିତଵଲ୍ଲଭାଂ ପ୍ରତି ସଦାଵ୍ଯାଖ୍ଯାନ୍ତମାମ୍ନାଯଵା- ଗର୍ଥାନାଦିମପୂରୁଷଂ ହଯମୁଖଂ ଧ୍ଯାଯାମି ହଂସାତ୍ମକମ୍ ॥ 1 ॥ ଵିଶ୍ଵାତ୍ମା ଵିଶଦପ୍ରଭାପ୍ରତିଲସଦ୍ଵାଗ୍ଦେଵତାମଣ୍ଡଲୋ ଦେଵୋ ଦକ୍ଷିଣପାଣିଯୁଗ୍ମଵିଲସଦ୍ବୋଧାଙ୍କଚକ୍ରାଯୁଧଃ । ଵାମୋଦଗ୍ରକରେ ଦରଂ ତଦିତରେଣାଶ୍ଲିଷ୍ଯ ଦୋଷ୍ଣା ରମାଂ ହସ୍ତାଗ୍ରେ ଧୃତପୁସ୍ତକସ୍ସ ଦଯତାଂ ହଂସୋ ହିରଣ୍ଯଚ୍ଛଦଃ ॥ 2 ॥ ଅଥ ସହସ୍ରନାମସ୍ତୋତ୍ରପ୍ରାରମ୍ଭଃ । ଓଁ - ଶ୍ରୀଂ ହଂସୋ ହମୈ ମୋଂ କ୍ଲୀଂ ଶ୍ରୀଶ୍ଶ୍ରିଯଶ୍ଶ୍ରୀଵିଭୂଷଣଃ । ପରୋରଜାଃ ପରଂ ବ୍ରହ୍ମ ଭୂର୍ଭୁଵସ୍ସୁଵରାଦିମଃ ॥ 1 ॥ ଭାସ୍ଵାନ୍ଭଗଶ୍ଚ ଭଗଵାନ୍ସ୍ଵସ୍ତିସ୍ଵାହା ନମସ୍ସ୍ଵଧା । ଶ୍ରୌଷଡ୍ଵୌଷଢଲଂ ହୁଂ ଫଟ୍ ହୁଂ ହ୍ରୀଂ କ୍ରୋଂ ହ୍ଲୌଂ ଯଥା ତଥା ॥ 2 ॥ କର୍କଗ୍ରୀଵଃ କଲାନାଥଃ କାମଦଃ କରୁଣାକରଃ । କମଲାଧ୍ଯୁଷିତୋତ୍ସଙ୍ଗଃ କ୍ଷଯେ କାଲୀଵଶାନୁଗଃ ॥ 3 ॥ ନିଷଚ୍ଛୋପନିଷଚ୍ଚାଥ ନୀଚୈରୁଚ୍ଚୈସ୍ସମଂ ସହ । ଶଶ୍ଵଦ୍ଯୁଗପଦହ୍ଵାଯ ଶନୈରେକୋ ବହୁଧ୍ରୁଵଃ ॥ 4 ॥ ଭୂତଭୃଦ୍ଭୂରିଦସ୍ସାକ୍ଷୀ ଭୂତାଦିଃ ପୁଣ୍ଯକୀର୍ତନଃ । ଭୂମା ଭୂମିରଧୋନ୍ନଦ୍ଧଃ ପୁରୁହୂତଃ ପୁରୁଷ୍ଟୁତଃ ॥ 5 ॥ ପ୍ରଫୁଲ୍ଲପୁଣ୍ଡରୀକାକ୍ଷଃ ପରମେଷ୍ଠୀ ପ୍ରଭାଵନଃ । ପ୍ରଭୁର୍ଭଗଃସତାଂ ବନ୍ଧୁର୍ଭଯଧ୍ଵଂସୀ ଭଵାପନଃ ॥ 6 ॥ ଉଦ୍ଯନ୍ନୁରୁଶଯାହୁଂ କୃଦୁରୁଗାଯ ଉରୁକ୍ରମଃ । ଉଦାରସ୍ତ୍ରିଯୁଗସ୍ତ୍ର୍ଯାତ୍ମା ନିଦାନଂ ନଲଯୋ ହରିଃ ॥ 7 ॥ ହିରଣ୍ଯଗର୍ଭୋ ହେମାଙ୍ଗୋ ହିରଣ୍ଯଶ୍ମଶ୍ରୁରୀଶିତା । ହିରଣ୍ଯକେଶୋ ହିମହା ହେମଵାସା ହିତୈଷଣଃ ॥ 8 ॥ ଆଦିତ୍ଯମଣ୍ଡଲାନ୍ତସ୍ଥୋ ମୋଦମାନସ୍ସମୂହନଃ । ସର୍ଵାତ୍ମା ଜଗଦାଧାରସ୍ସନ୍ନିଧିସ୍ସାରଵାନ୍ସ୍ଵଭୂଃ ॥ 9 ॥ ଗୋପତିର୍ଗୋହିତୋ ଗୋମୀ କେଶଵଃ କିନ୍ନରେଶ୍ଵରଃ । ମାଯୀ ମାଯାଵିକୃତିକୃନ୍ମହେଶାନୋ ମହାମହାଃ ॥ 10 ॥ ମମା ମିମୀ ମୁମୂ ମୃମୄଂ ମ୍ଲୁମ୍ଲୂଂ ମେମୈଂ ତଥୈଵ ଚ । ମୋମୌଂ ବିନ୍ଦୁର୍ଵିସର୍ଗଶ୍ଚ ହ୍ରସ୍ଵୋଦୀର୍ଘଃ ପ୍ଲୁତସ୍ସ୍ଵରଃ ॥ 11 ॥ ଉଦାତ୍ତଶ୍ଚାନୁଦାତ୍ତଶ୍ଚ ସ୍ଵରିତଃ ପ୍ରଚଯସ୍ତଥା । କଂ ଖଂ ଗଂ ଘଂ ଂଅଂ ଚ ଚଂ ଛଂ ଜଂ ଝଂ ଞଂ ଟଂ ଠମେଵ ଚ ॥ 12 ॥ ଡଂ ଢଂ ଣଂ ତଂ ଥଂ ଚ ଦଂ ଚ ଧଂ ନଂ ପଂ ଫଂ ବମେଵ ଚ ଭଂ ମଂ ଯଂ ରଂ ଲଂ ଚ ଵଂ ଚ ଶଂ ଷଂ ସଂ ହଂ ଲମେଵ ଚ ॥ 13 ॥ କ୍ଷଂ ଯମୋଂ ଵ୍ଯଞ୍ଜନୋ ଜିହ୍ଵାମୂଲୀଯୋଽର୍ଧଵିସର୍ଗଵାନ୍ । ଉପଧ୍ମାନୀଯ ଇତି ଚ ସଂଯୁକ୍ତାକ୍ଷର ଏଵ ଚ ॥ 14 ॥ ପଦଂ କ୍ରିଯା କାରକଶ୍ଚ ନିପାତୋ ଗତିରଵ୍ଯଯଃ । ସନ୍ନିଧିର୍ଯୋଗ୍ଯତାଽକାଙ୍କ୍ଷା ପରସ୍ପରସମନ୍ଵଯଃ ॥ 15 ॥ ଵାକ୍ଯଂ ପଦ୍ଯଂ ସମ୍ପ୍ରଦାଯୋ ଭାଵଶ୍ଶବ୍ଦାର୍ଥଲାଲିତଃ । ଵ୍ଯଞ୍ଜନା ଲକ୍ଷଣା ଶକ୍ତିଃ ପାକୋ ରୀତିରଲଙ୍କୃତିଃ ॥ 16 ॥ ଶଯ୍ଯା ଫ୍ରୌଢଧ୍ଵନିସ୍ତଦ୍ଵତ୍କାଵ୍ଯଂ ସର୍ଗଃ କ୍ରିଯା ରୁଚିଃ । ନାନାରୂପପ୍ରବନ୍ଧଶ୍ଚ ଯଶଃ ପୁଣ୍ଯଂ ମହଦ୍ଧନମ୍ ॥ 17 ॥ ଵ୍ଯଵହାରପରିଜ୍ଞାନଂ ଶିଵେତରପରିକ୍ଷଯଃ । ସଦଃ ପରମନିର୍ଵାଣଂ ପ୍ରିଯପଥ୍ଯୋପଦେଶକଃ ॥ 18 ॥ ସଂସ୍କାରଃ ପ୍ରତିଭା ଶିକ୍ଷା ଗ୍ରହଣଂ ଧାରଣଂ ଶ୍ରମଃ । ଆସୁତାସ୍ଵାଦିମା ଚିତ୍ରଂ ଵିସ୍ତାରଶ୍ଚିତ୍ରସଂଵିଧିଃ ॥ 19 ॥ ପୁରାଣମିତିହାସଶ୍ଚ ସ୍ମୃତିସୂତ୍ରଂ ଚ ସଂହିତା । ଆଚାର ଆତ୍ମନା ତୁଷ୍ଟିରାଚାର୍ଯାଜ୍ଞାନତିକ୍ରମଃ ॥ 20 ॥ ଶ୍ରୀମାନ୍ଶ୍ରୀଗୀଃଶ୍ରିଯଃ କାନ୍ତଶ୍ଶ୍ରୀନିଧିଶ୍ଶ୍ରୀନିକେତନଃ । ଶ୍ରେଯାନ୍ହଯାନନଶ୍ରୀଦଶ୍ଶ୍ରୀମଯଶ୍ଶ୍ରିତଵତ୍ସଲଃ ॥ 21 ॥ ହଂସଶ୍ଶୁଚିଷଦାଦିତ୍ଯୋ ଵସୁଶ୍ଚନ୍ଦ୍ରୋଽନ୍ତରିକ୍ଷସତ୍ । ହୋତା ଚ ଵେଦିଷଦ୍ଯୋନିରତିଥିର୍ଦ୍ରୋଣସଦ୍ଧଵିଃ ॥ 22 ॥ ନୃଷନ୍ମୃତ୍ଯୁଶ୍ଚ ଵରସଦମୃତଂ ଚର୍ତସଦ୍ଵୃଷଃ । ଵ୍ଯୋମସଦ୍ଵିଵିଧସ୍କୋଟଶବ୍ଦାର୍ଥଵ୍ଯଙ୍ଗ୍ଯଵୈଭଵଃ ॥ 23 ॥ ଅବ୍ଜା ରସସ୍ଵାଦୁତମୋ ଗୋଜା ଗେଯୋ ମନୋହରଃ । ଋତଜାସ୍ସକଲଂ ଭଦ୍ରମଦ୍ରିଜାସ୍ଥୈର୍ଯମୁତ୍ତମମ୍ ॥ 24 ॥ ଋତଂ ସମଜ୍ଞାତ୍ଵନୃତଂ ବୃହତ୍ସୂକ୍ଷ୍ମଵଶାନୁଗଃ । ସତ୍ଯଂ ଜ୍ଞାନମନନ୍ତଂ ଯତ୍ତତ୍ସଦ୍ବ୍ରହ୍ମମଯୋଽଚ୍ଯୁତଃ ॥ 25 ॥ ଅଗ୍ରେଭଵନ୍ନଗୋ ନିତ୍ଯଃ ପରମଃ ପୁରୁଷୋତ୍ତମଃ । ଯୋଗନିଦ୍ରାପରସ୍ସ୍ଵାମୀ ନିଧ୍ଯାନଵରନିର୍ଵୃନଃ ॥ 26 ॥ ରସୋ ରସ୍ଯୋ ରସଯିତା ରସଵାନ୍ ରସିକପ୍ରିଯଃ । ଆନନ୍ଦୋ ନନ୍ଦଯନ୍ସର୍ଵାନାନନ୍ଦୀ ହଯକନ୍ଧରଃ ॥ 27 ॥ କାଲଃ କାଲ୍ଯଶ୍ଚ କାଲାତ୍ମା କାଲାଭ୍ଯୁତ୍ଥିତଜାଗରଃ । କଲାସାଚିଵ୍ଯକୃତ୍କାନ୍ତାକଥିତଵ୍ଯାଧିକାର୍ଯକଃ ॥ 28 ॥ ଦୃନ୍ନ୍ଯଞ୍ଚନୋଦଞ୍ଚନୋଦ୍ଯଲ୍ଲଯସର୍ଗୋ ଲଘୁକ୍ରିଯଃ । ଵିଦ୍ଯାସହାଯୋ ଵାଗୀଶୋ ମାତୃକାମଣ୍ଡଲୀକୁତଃ ॥ 29 ॥ ହିରଣ୍ଯଂ ହଂସମିଥୁନମୀଶାନଶ୍ଶକ୍ତିମାନ୍ ଜଯୀ । ଗ୍ରହମେଥୀ ଗୁଣୀ ଶ୍ରୀଭୂନୀଲାଲୀଲୈକଲାଲସ ॥ 30 ॥ ଅଙ୍କେନୋଦୂହ୍ଯ ଵାଗ୍ଦେଵୀମାଚାର୍ଯକମୁପାଶ୍ରଯଃ । ଵେଦଵେଦାନ୍ତଶାସ୍ତ୍ରାର୍ଥତତ୍ତ୍ଵଵ୍ଯାଖ୍ଯାନତତ୍ପରଃ ॥ 31 ॥ ଲ୍ହୌଂ ହ୍ଲଂ ହଂ ହଂ ହଯୋ ହଂ ସୂଂ ହଂସାଂ ହଂସୀଂ ହସୂଂ ହସୌମ୍ । ହସୂଂ ହଂ ହରିଣୋ ହାରୀ ହରିକେଶୋ ହରେଡିତଃ ॥ 32 ॥ ସନାତନୋ ନିର୍ବୀଜସ୍ସନ୍ନଵ୍ଯକ୍ତୋ ହୃଦଯେଶଯଃ । ଅକ୍ଷରଃ କ୍ଷରଜୀଵେଶଃ କ୍ଷମୀ କ୍ଷଯକରୋଽଚ୍ଯୁତଃ ॥ 33 ॥ କର୍ତାକାରଯିତାଽକାର୍ଯଂ କାରଣଂ ପ୍ରକୃତିଃ କୃତିଃ । କ୍ଷଯକ୍ଷଯମନାମାର୍ଥୋ ଵିଷ୍ଣୁର୍ଜିଷ୍ଣୁର୍ଜଗନ୍ମଯଃ ॥ 34 ॥ ସଙ୍କୁଚନ୍ଵିକଚନ୍ସ୍ଥାଣୁନିର୍ଵିକାରୋ ନିରାମଯଃ । ଶୁଦ୍ଧୋ ବୁଦ୍ଧଃ ପ୍ରବୁଦ୍ଧଶ୍ଚ ସ୍ନିଗ୍ଧୋ ମୁଗ୍ଧସ୍ସମୁଦ୍ଧତଃ ॥ 35 ॥ ସଙ୍କଲ୍ପଦୋ ବହୁଭଵତ୍ସର୍ଵାତ୍ମା ସର୍ଵନାମଭୃତ୍ । ସହସ୍ରଶୀର୍ଷସ୍ସର୍ଵଜ୍ଞସ୍ସହସ୍ରାକ୍ଷସ୍ସହସ୍ରପାତ୍ ॥ 36 ॥ ଵ୍ଯକ୍ତୋଵିରାଟ୍ସ୍ଵରାଟ୍ସମ୍ରାଡ୍ଵିଷ୍ଵଗ୍ରୂପଵପୁର୍ଵିଧୁଃ । ମାଯାଵୀ ପରମାନନ୍ଦୋ ମାନ୍ଯୋ ମାଯାତିଗୋ ମହାନ୍ ॥ 37 ॥ ଵଟପତ୍ରଶଯୋ ବାଲୋ ଲଲନ୍ନାମ୍ନାଯସୂଚକଃ । ମୁଖନ୍ଯସ୍ତକରଗ୍ରସ୍ତପାଦାଗ୍ରପଟଲଃ ପ୍ରଭୁଃ ॥ 38 ॥ ନୈଦ୍ରୀହାସାଶ୍ଵସମ୍ଭୂତଜ୍ଞାଜ୍ଞସାତ୍ଵିକତାମସଃ । ମହାର୍ଣଵାମ୍ବୁପର୍ଯଙ୍କଃ ପଦ୍ମନାଭଃ ପରାତ୍ପରଃ ॥ 39 ॥ ବ୍ରହ୍ମଭୂର୍ବ୍ରହ୍ମଭଯହୃଦ୍ଧରିରୋମୁପଦେଶକୃତ୍ । ମଧୁକୈଟଭନିର୍ମାତା ମତ୍ତବ୍ରହ୍ମମଦାପହଃ ॥ 40 ॥ ଵେଧୋଵିଲାସଵାଗାନିର୍ଦଯାସାରୋ ମୃଷାର୍ଥଦଃ । ନାରାଯଣାସ୍ତ୍ରନିର୍ମାତାମଧୁକୈଟଭମର୍ଦନଃ ॥ 41 ॥ ଵେଦକର୍ତା ଵେଦଭର୍ତା ଵେଦହର୍ତା ଵିଦାଂଵରଃ । ପୁଙ୍ଖାନୁପୁଙ୍ଖହେଷାଢ୍ଯଃ ପୂର୍ଣଷାଡ୍ଗୁଣ୍ଯଵିଗ୍ରହଃ ॥ 42 ॥ ଲାଲାମୃତକଣଵ୍ଯାଜଵାନ୍ତନିର୍ଦୋଷଵର୍ଣକଃ । ଉଲ୍ଲୋଲସ୍ଵାନଧୀରୋଦ୍ଯଦୁଚ୍ଚୈର୍ହଲହଲଧ୍ଵନିଃ ॥ 43 ॥ କର୍ଣାଦାରଭ୍ଯ କଲ୍କ୍ଯାତ୍ମା କଵିଃ କ୍ଷୀରାର୍ଣଵୋପମଃ । ଶଙ୍ଖ ଚକ୍ରଗଦୀ ଖଡ୍ଗୀ ଶାର୍ଙ୍ଗୀ ନିର୍ଭଯମୁଦ୍ରକଃ ॥ 44 ॥ ଚିନ୍ମୁଦ୍ରାଚିହ୍ନିତୋ ହସ୍ତତଲଵିନ୍ଯସ୍ତପୁସ୍ତକଃ । ଵିଦ୍ଯାନାମ୍ନୀଂ ଶ୍ରିଯଂ ଶିଷ୍ଯାଂ ଵେଦଯନ୍ନିଜଵୈଭଵମ୍ ॥ 45 ॥ ଅଷ୍ଟାର୍ଣ୍ଯମ୍ଯୋଽଷ୍ଟଭୁଜୋଵ୍ଯଷ୍ଟିସୃଷ୍ଟିକରଃ ପିତା । ଅଷ୍ଟୈଶ୍ଵର୍ଯପ୍ରଦୋହୃଷ୍ଯଦଷ୍ଟମୂର୍ତିପିତୃସ୍ତୁତଃ ॥ 46 ॥ ଅନୀତଵେଦପୁରୁଷୋ ଵିଧିଵେଦୋପଦେଶକୃତ୍ । ଵେଦଵେଦାଙ୍ଗଵେଦାନ୍ତପୁରାଣସ୍ମୃତିମୂର୍ତିମାନ୍ ॥ 47 ॥ ସର୍ଵକର୍ମସମାରାଧ୍ଯସ୍ସର୍ଵଵେଦମଯୋ ଵିଭୁଃ । ସର୍ଵାର୍ଥତତ୍ତ୍ଵଵ୍ଯାଖ୍ଯାତା ଚତୁଷ୍ଷଷ୍ଟିକଲାଧିପଃ ॥ 48 ॥ ଶୁଭଯୁକ୍ସୁମୁଖଶ୍ଶୁଦ୍ଧସ୍ସୁରୂପସ୍ସୁଗତସ୍ସୁଧୀଃ । ସୁଵ୍ରତିସ୍ସଂହୃତିଶ୍ଶୂରସ୍ସୁତପାଃ ସୁଷ୍ଟୁତିସ୍ସୁହୃତ୍ ॥ 49 ॥ ସୁନ୍ଦରସ୍ସୁଭଗସ୍ସୌମ୍ଯସ୍ସୁଖଦସ୍ସୁହୃଦାଂ ପ୍ରିଯଃ । ସୁଚରିତ୍ରସ୍ସୁଖତରଶ୍ଶୁଦ୍ଧସତ୍ଵପ୍ରଦାଯକଃ ॥ 50 ॥ ରଜସ୍ତମୋହରୋ ଵୀରୋଵିଶ୍ଵରକ୍ଷାଧୁରନ୍ଧରଃ । ନରନାରାଯଣାକୃତ୍ଯା ଗୁରୁଶିଷ୍ଯତ୍ଵମାସ୍ଥିତଃ ॥ 51 ॥ ପରାଵରାତ୍ମା ପ୍ରବଲଃ ପାଵନଃ ପାପନାଶନଃ । ଦଯାଘନଃ କ୍ଷମାସାରୋ ଵାତ୍ସଲ୍ଯୈକଵିଭୂଷଣଃ ॥ 52 ॥ ଆଦିକୂର୍ମୋ ଜଗଦ୍ଭର୍ତା ମହାପୋତ୍ରୀ ମହୀଧରଃ । ସ୍ତଦ୍ଭିତ୍ସ୍ଵାମୀ ହରିର୍ଯକ୍ଷୋ ହିରଣ୍ଯରିପୁରୈଚ୍ଛିକଃ ॥ 53 ॥ ପ୍ରହ୍ଲାଦପାଲକସ୍ସର୍ଵଭଯହର୍ତା ପ୍ରିଯଂଵଦଃ । ଶ୍ରୀମୁଖାଲୋକନସ୍ରଂସତ୍କ୍ରୌଞ୍ଚକଃ କୁହକାଞ୍ଚନଃ ॥ 54 ॥ ଛତ୍ରୀ କମଣ୍ଡଲୁଧରୋ ଵାମନୋ ଵଦତାଂ ଵରଃ । ପିଶୁନାତ୍ମା ଶନୋଦୃଷ୍ଟିଲୋପନୋ ବଲିମର୍ଦନଃ ॥ 55 ॥ ଉରୁକ୍ତମୋ ବଲିଶିରୋନ୍ଯସ୍ତାଙ୍ଘ୍ରିର୍ବଲିମର୍ଦନଃ । ଜାମଦଗ୍ନ୍ଯଃ ପରଶୁଭୃତ୍କୃତ୍ତକ୍ଷତ୍ତ୍ରକୁଲୋତ୍ତମଃ ॥ 56 ॥ ରାମୋଽଭିରାମଶ୍ଶାନ୍ତାତ୍ମା ହରକୋଦଣ୍ଡଖଣ୍ଡନଃ । ଶରଣାଗତସନ୍ତ୍ରାତା ସର୍ଵାଯୋଧ୍ଯକମୁକ୍ତିଦଃ ॥ 57 ॥ ସଙ୍କର୍ଷଣୋମଦୋଦଗ୍ରୋ ବଲଵାନ୍ମୁସଲାଯୁଧଃ । କୃଷ୍ଣାକ୍ଲେଶହରଃ କୃଷ୍ଣୋ ମହାଵ୍ଯସନଶାନ୍ତିଦଃ ॥ 58 ॥ ଅଙ୍ଗାରିତୋତ୍ତରାଗର୍ଭପ୍ରାଣଦଃ ପାର୍ଥସାରଥିଃ । ଗୀତାଚାର୍ଯୋ ଧରାଭାରହାରୀ ଷଟ୍ପୁରମର୍ଦନଃ ॥ 59 ॥ କଲ୍କୀ ଵିଷ୍ଣୁଯଶସ୍ସୂନୁଃ କଲିକାଲୁଷ୍ଯନାଶନଃ । ସାଧୁଦୁଷ୍କୃତ୍ପରିତ୍ରାଣଵିନାଶଵିହିତୋଦଯଃ ॥ 60 ॥ ଵୈକୁଣ୍ଠେ ପରମେ ତିଷ୍ଠନ୍ ସୁକୁମାରଯୁଵାକୃତିଃ । ଵିଶ୍ଵୋଦଯସ୍ଥିତିଧ୍ଵଂସସଙ୍କଲ୍ପେନ ସ୍ଵଯଂ ପ୍ରଭୁଃ ॥ 61 ॥ ମଦନାନାଂ ଚ ମଦନୋ ମଣିକୋଟୀରମାନିତଃ । ମନ୍ଦାରମାଲିକାପୀଡୋ ମଣିକୁଣ୍ଡଲମଣ୍ଡିତଃ ॥ 62 ॥ ସୁସ୍ନିଗ୍ଧନୀଲକୁଟିଲକୁନ୍ତଲଃ କୋମଲାକୃତିଃ । ସୁଲଲାଟସ୍ସ୍ତୁତିଲକସ୍ସୁଭ୍ରୂକସ୍ସୁକପୋଲକଃ ॥ 63 ॥ ସିଦ୍ଧାସଦସଦାଲୋକସୁଧାସ୍ଯନ୍ଦୀରଦଚ୍ଛଦଃ । ତାରକାକୋରକାକାରଵିନିର୍ମିତରଦଚ୍ଛଦଃ ॥ 64 ॥ ସୁଧାଵର୍ତିପରିସ୍ଫୂର୍ତିଶୋଭମାନରଦଚ୍ଛଦଃ । ଵିଷ୍ଟବ୍ଧୋଵିପୁଲଗ୍ରୀଵୋନିଭୃତୋଚ୍ଚୈଶ୍ଶ୍ରଵସ୍ଥିତିଃ ॥ 65 ॥ ସମାଵୃତ୍ତାଵଦାତୋରୁମୁକ୍ତାପ୍ରାଲମ୍ବଭୂଷଣଃ । ରତ୍ନାଙ୍ଗଦୀ ଵଜ୍ରନିଷ୍କୀ ନୀଲରତ୍ନାଙ୍କକଙ୍କଣଃ ॥ 66 ॥ ହରିନ୍ମଣିଗଣାବଦ୍ଧଶୃଙ୍ଖଲାକଙ୍କଣୋର୍ମିକଃ । ସିତୋପଵୀତସଂଶ୍ଲିଷ୍ଯତ୍ପଦ୍ମାକ୍ଷମଣିମାଲିକଃ ॥ 67 ॥ ଶ୍ରୀଚୂର୍ଣଵଦ୍ଦ୍ଵାଦଶୋର୍ଧ୍ଵପୁଣ୍ଡ୍ରରେଖାପରିଷ୍କୃତଃ । ପଟ୍ଟତନ୍ତୁଗ୍ରଥନଵତ୍ପଵିତ୍ରନରଶୋଭିତଃ ॥ 68 ॥ ପୀନଵକ୍ଷାମହାସ୍କନ୍ଧୋ ଵିପୁଲୋରୁକଟୀତଟଃ । କୌସ୍ତୁଭୀ ଵନମାଲୀ ଚ କାନ୍ତ୍ଯାଚନ୍ଦ୍ରାଯୁତୋପମଃ ॥ 69 ॥ ମନ୍ଦାରମାଲିକାମୋଦୀ ମଞ୍ଜୁଵାଗମଲଚ୍ଛଵିଃ । ଦିଵ୍ଯଗନ୍ଧୋ ଦିଵ୍ଯରସୋ ଦିଵ୍ଯତେଜା ଦିଵସ୍ପତିଃ ॥ 70 ॥ ଵାଚାଲୋ ଵାକ୍ପତିର୍ଵକ୍ତା ଵ୍ଯାଖ୍ଯାତା ଵାଦିନାଂ ପ୍ରିଯଃ । ଭକ୍ତହୃନ୍ମଧୁରୋ ଵାଦିଜିହ୍ଵାଭଦ୍ରାନନସ୍ଥିତିଃ ॥ 71 ॥ ସ୍ମୃତିସନ୍ନିହିତସ୍ସ୍ନିଗ୍ଧସ୍ସିଦ୍ଧିଦସିଦ୍ଧିସନ୍ନୁତଃ । ମୂଲକନ୍ଦୋମୁକୁନ୍ଦୋଗ୍ଲୌସ୍ସ୍ଵଯମ୍ଭୂଶମ୍ଭୁରୈନ୍ଦଵଃ ॥ 72 ॥ ଇଷ୍ଟୋ ମନୁର୍ଯମଃ କାଲକାଲ୍ଯଃ କମ୍ବୁକଲାନିଧିଃ । କଲ୍ଯଃ କାମଯିତା ଭୀମଃ କାତର୍ଯହରଣଃ କୃତିଃ ॥ 73 ॥ ସମ୍ପ୍ରିଯଃ ପକ୍କଣସ୍ତର୍କଚର୍ଚାନିର୍ଧାରଣାଦଯଃ । ଵ୍ଯତିରେକୋ ଵିଵେକଶ୍ଚ ପ୍ରଵେକଃ ପ୍ରକ୍ରମଃ କ୍ରମଃ ॥ 74 ॥ ପ୍ରମାଣ ପ୍ରତିଭୂଃ ପ୍ରାଜ୍ଞଃ ପ୍ରଜ୍ଞାପତ୍ଥ୍ଯାଚଧାରଣଃ । ଵିଧିର୍ଵିଧାତା ଵ୍ଯଵଧିରୁଦ୍ଭଵଃ ପ୍ରଭଵସ୍ଥିତିଃ ॥ 75 ॥ ଵିଷଯସ୍ସଂଶଯଃ ପୂର୍ଵଃ ପକ୍ଷଃ କକ୍ଷ୍ଯୋପପାଦକଃ । ରାଦ୍ଧାନ୍ତୋ ଵିହିତୋ ନ୍ଯାଯଫଲନିଷ୍ପତ୍ତିରୁଦ୍ଭଵଃ ॥ 76 ॥ ନାନାରୂପାଣି ତନ୍ତ୍ରାଣି ଵ୍ଯଵହାର୍ଯୋ ଵ୍ଯଵସ୍ଥିତିଃ । ସର୍ଵସାଧାରଣୋ ଦେଵସ୍ସାଧ୍ଵସାଧୁହିତେ ରତଃ ॥ 77 ॥ ସନ୍ଧା ସନାତନୋ ଧର୍ମୋ ଧର୍ମୈରର୍ଚ୍ଯା ମହାତ୍ମଭିଃ । ଛନ୍ଦୋମଯସ୍ତ୍ରିଧାମାତ୍ମା ସ୍ଵଚ୍ଛନ୍ଦଶ୍ଛାନ୍ଦସେଡିତଃ ॥ 78 ॥ ଯଜ୍ଞୋ ଯଜ୍ଞାତ୍ମକୋ ଯଷ୍ଟା ଯଜ୍ଞାଙ୍ଗୋଽପଘନୋହଵିଃ । ସମିଦାଜ୍ଯଂ ପୁରୋଡାଶଶ୍ଶାଲା ସ୍ଥାଲୀ ସ୍ରୁଵସ୍ସ୍ରୁଚା ॥ 79 ॥ ପ୍ରାଗ୍ଵଂଶୋ ଦେଵଯଜନଃ ପରିଧିଶ୍ଚ ପରିସ୍ତରଃ । ଵେଦିର୍ଵିହରଣଂ ତ୍ରେତା ପଶୁଃ ପାଶଶ୍ଚ ସଂସ୍କୃତିଃ ॥ 80 ॥ ଵିଧିର୍ମନ୍ତ୍ରୋଽର୍ଥଵାଦଶ୍ଚ ଦ୍ରଵ୍ଯମଙ୍ଗଂ ଚ ଦୈଵତମ୍ । ସ୍ତୋତ୍ରଂ ଶସ୍ତ୍ରଂ ସାମ ଗୀତିରୁଦ୍ଗୀଥସ୍ସର୍ଵସାଧନମ୍ ॥ 81 ॥ ଯାଜ୍ଯା ପୁରୋନୁକାଵ୍ଯା ଚ ସାମିଧେନୀ ସମୂହନମ୍ । ପ୍ରଯୋକ୍ତାରଃ ପ୍ରଯୋଗଶ୍ଚ ପ୍ରପଞ୍ଚଃ ପ୍ରାଶୁଭା ଶ୍ରମଃ ॥ 82 ॥ ଶ୍ରଦ୍ଧା ପ୍ରଧ୍ଵଂସନା ତୁଷ୍ଟିଃ ପୁଷ୍ଟିଃ ପୁଣ୍ଯଂ ପ୍ରତିର୍ଭଵଃ । ସଦସ୍ସଦସ୍ଯସମ୍ପାତଃ ପ୍ରଶ୍ନଃ ପ୍ରତିଵଚସ୍ଥିତିଃ ॥ 83 ॥ ପ୍ରାଯଶ୍ଚିତ୍ତଂ ପରିଷ୍କାରୋ ଧୃତିର୍ନିର୍ଵହଣଂ ଫଲମ୍ । ନିଯୋଗୋ ଭାଵନା ଭାଵ୍ଯଂ ହିରଣ୍ଯଂ ଦକ୍ଷିଣା ନୁତିଃ ॥ 84 ॥ ଆଶୀରଭ୍ଯୁପପତ୍ତିଶ୍ଚ ତୃପ୍ତିସ୍ସ୍ଵଂ ଶର୍ମ କେଵଲମ । ପୁଣ୍ଯକ୍ଷଯଃ ପୁନଃ ପାତଭଯଂ ଶିକ୍ଷାଶୁଗର୍ଦନଃ ॥ 85 ॥ କାର୍ପଣ୍ଯଂ ଯାତନାଂ ଚିନ୍ତା ନିର୍ଵେଦଶ୍ଚ ଵିହସ୍ତତା । ଦେହଭୃତ୍କର୍ମସମ୍ପାତଃ କିଞ୍ଚିତ୍କର୍ମାନୁକୂଲକଃ ॥ 86 ॥ ଅହେତୁକତଯା ପ୍ରେମ ସାମ୍ମୁଖ୍ଯଂ ଚାପ୍ଯନୁଗ୍ରହଃ । ଶୁଚିଶ୍ଶ୍ରୀମତ୍କୁଲଜନୋ ନେତା ସତ୍ତ୍ଵାଭିମାନଵାନ୍ ॥ 87 ॥ ଅନ୍ତରାଯହରଃ ପିତ୍ରୋରଦୁଷ୍ଟାହାରଦାଯକଃ । ଶୁଦ୍ଧାହାରାନୁରୂପାଙ୍ଗପରିଣାମଵିଧାଯକଃ ॥ 88 ॥ ସ୍ରାଵପାତାଦିଵିପଦାଂ ପରିହର୍ତା ପରାଯଣଃ । ଶିରଃପାଣ୍ଯାଦିସନ୍ଧାତା କ୍ଷେମକୃତ୍ପ୍ରାଣଦଃ ପ୍ରଭୁ ॥ 89 ॥ ଅନିର୍ଘୃଣଶ୍ଚାଵିଷମଶ୍ଶକ୍ତିତ୍ରିତଯଦାଯକଃ । ସ୍ଵେଚ୍ଛାପ୍ରସଙ୍ଗସମ୍ପତ୍ତିଵ୍ଯାଜହର୍ଷଵିଶେଷଵାନ୍ ॥ 90 ॥ ସଂଵିତ୍ସନ୍ଧାଯକସ୍ସର୍ଵଜନ୍ମକ୍ଲେଶସ୍ମୃତିପ୍ରଦଃ । ଵିଵକେଶୋକଵୈରାଗ୍ଯଭଵଭୀତିଵିଧାଯକଃ ॥ 91 ॥ ଗର୍ଭସ୍ଯାପ୍ଯନୁକୂଲାଦିନାସାନ୍ତାଧ୍ଯଵସାଯଦଃ । ଶୁଭଵୈଜନନୋପେତସଦନେହୋଜନିପ୍ରଦଃ ॥ 92 ॥ ଉତ୍ତମାଯୁଃପ୍ରଦୋ ବ୍ରହ୍ମନିଷ୍ଠାନୁଗ୍ରହକାରକଃ । ସ୍ଵଦାସଜନନିସ୍ତୀର୍ଣତଦ୍ଵଂଶଜପରମ୍ପରଃ ॥ 93 ॥ ଶ୍ରୀଵୈଷ୍ଣଵୋତ୍ପାଦକୃତସ୍ଵସ୍ତିକାଵନିମଣ୍ଡଲଃ । ଅଧର୍ଵଣୋକ୍ତୈକଶତମୃତ୍ଯୁଦୂରକ୍ରିଯାପରଃ ॥ 94 ॥ ଦଯାଦ୍ଯଷ୍ଟଗୁଣାଧାତା ତତ୍ତତ୍ସଂସ୍କୃତିସାଧକଃ । ମେଧାଵିଧାତା ଶ୍ରଦ୍ଧାକୃତ୍ ସୌସ୍ଥ୍ଯଦୋ ଜାମିତାହରଃ ॥ 95 ॥ ଵିଘ୍ନନୁଦ୍ଵିଜଯୀ ଧାତା ଦେଶକାଲାନୁକୂଲ୍ଯକୃତ୍ । ଵିନେତା ସତ୍ପଥାନେତା ଦୋଷହୃଚ୍ଛୁଭଦସ୍ସଖା ॥ 96 ॥ ହ୍ରୀଦୋ ଭୀଦୋ ରୁଚିକରୋ ଵିଶ୍ଵୋ ଵିଶ୍ଵହିତେ ରତଃ । ପ୍ରମାଦହୃତ୍ପ୍ରାପ୍ତକାରୀ ପ୍ରଦ୍ଯୁମ୍ନୋ ବଲଵତ୍ତରଃ ॥ 97 ॥ ସାଙ୍ଗଵେଦସମାଯୋକ୍ତା ସର୍ଵଶାସ୍ତ୍ରାର୍ଥଵିତ୍ତିଦଃ । ବ୍ରହ୍ମଚର୍ଯାନ୍ତରାଯଘ୍ନଃ ପ୍ରିଯକୃଦ୍ଧିତକୃତ୍ପରଃ ॥ 98 ॥ ଚିତ୍ତଶୁଦ୍ଧିପ୍ରଦଶ୍ଛିନ୍ନାକ୍ଷଚାପଲ୍ଯଃ କ୍ଷମାଵହଃ । ଇନ୍ଦ୍ରିଯାର୍ଥାରତିଚ୍ଛେତ୍ତା ଵିଦ୍ଯୈକଵ୍ଯସନାଵହଃ ॥ 99 ॥ ଆତ୍ମାନୁକୂଲ୍ଯରୁଚିକୃଦଖିଲାର୍ତିଵିନାଶକଃ । ତିତୀର୍ଷୁହୃତ୍ତ୍ଵରାଵେଦୀ ଗୁରୁସଦ୍ଭକ୍ତିତେଜସଃ ॥ 100 ॥ ଗୁରୁସମ୍ବନ୍ଧଘଟକୋ ଗୁରୁଵିଶ୍ଵାସଵର୍ଧନଃ । ଗୁରୂପାସନସନ୍ଧାତା ଗୁରୁପ୍ରେମପ୍ରଵର୍ଧନଃ ॥ 101 ॥ ଆଚାର୍ଯାଭିମତୈର୍ଯୋକ୍ତା ପଞ୍ଚସଂସ୍କୃତିଭାଵନଃ । ଗୁରୂକ୍ତଵୃତ୍ତିନୈଶ୍ଚଲ୍ଯସନ୍ଧାତାଽଵହିତସ୍ଥିତିଃ ॥ 102 ॥ ଆପନ୍ନାଖିଲରକ୍ଷାର୍ଥମାଚାର୍ଯକମୁପାଶ୍ରିତଃ । ଶାସ୍ତ୍ରପାଣିପ୍ରଦାନେନ ଭଵମଗ୍ନାନ୍ସମୁଦ୍ଧରନ୍ ॥ 103 ॥ ପାଞ୍ଚକାଲିକଧର୍ମେଷୁ ନୈଶ୍ଚଲ୍ଯଂ ପ୍ରତିପାଦଯନ୍ । ସ୍ଵଦାସାରାଧନାଦ୍ଯର୍ଥଶୁଦ୍ଧଦ୍ରଵ୍ଯପ୍ରଦାଯକଃ ॥ 104 ॥ ନ୍ଯାସଵିଦ୍ଯାଵିନିର୍ଵୋଢା ନ୍ଯସ୍ତାତ୍ମଭରରକ୍ଷକଃ । ସ୍ଵକୈଙ୍କର୍ଯୈକରୁଚିଦସ୍ସ୍ଵଦାସ୍ଯପ୍ରେମଵର୍ଧନଃ ॥ 105 ॥ ଆଚାର୍ଯାର୍ଥାଖିଲଦ୍ରଵ୍ଯସମ୍ଭୃତ୍ଯର୍ପଣରୋଚକଃ । ଆଚାର୍ଯସ୍ଯ ସ୍ଵସଚ୍ଛିଷ୍ଯୋଜ୍ଜୀଵନୈକରୁଚିପ୍ରଦଃ ॥ 106 ॥ ଆଗତ୍ଯଯୋଜଯନାସହିତୈକକୃତିଜାଗରଃ । ବ୍ରହ୍ମଵିଦ୍ଯାସମାସ୍ଵାଦସୁହିତଃ କୃତିସଂସ୍କୃତିଃ ॥ 107 ॥ ସତ୍କାରେ ଵିଷଧୀଦାତା ତରୁଣ୍ଯାଂ ଶଵବୁଦ୍ଧିଦଃ । ସଭାମ୍ପ୍ରତ୍ଯାଯଯନ୍ଵ୍ଯାଲୀଂ ସର୍ଵତ୍ର ସମବୁଦ୍ଧିଦଃ ॥ 108 ॥ ସମ୍ଭାଵିତାଶେଷଦୋଷହୃତ୍ପୁନର୍ନ୍ଯାସରୋଚକଃ । ମହାଵିଶ୍ଵାସସନ୍ଧାତା ସ୍ଥୈର୍ଯଦାତା ମଦାପହଃ ॥ 109 ॥ ନାଦଵ୍ଯାଖ୍ଯାସ୍ଵସିଦ୍ଧାନ୍ତରକ୍ଷାହେତୁସ୍ଵମନ୍ତ୍ରଦଃ । ସ୍ଵମନ୍ତ୍ରଜପସଂସିଦ୍ଧିଜଙ୍ଘାଲକଵିତୋଦଯଃ ॥ 110 ॥ ଅଦୁଷ୍ଟଗୁଣଵତ୍କାଵ୍ଯବନ୍ଧଵ୍ଯାମୁଗ୍ଧଚେତନଃ । ଵ୍ଯଙ୍ଗ୍ଯପ୍ରଧାନରସଵଦ୍ଗଦ୍ଯପଦ୍ଯାଦିନିର୍ମିତିଃ ॥ 111 ॥ ସ୍ଵଭକ୍ତସ୍ତୁତିସନ୍ତୁଷ୍ଟୋ ଭୂଯୋଭକ୍ତିପ୍ରଦାଯକଃ । ସାତ୍ଵିକତ୍ଯାଗସମ୍ପନ୍ନସତ୍କର୍ମକୃଦତିପ୍ରିଯଃ ॥ 112 ॥ ନିରନ୍ତରାନୁସ୍ମରଣନିଜଦାସୈଵାଦାସ୍ଯକୃତ୍ । ନିଷ୍କାମଵତ୍ସଲୋ ନୈଚ୍ଯଭାଵନେଷୁ ଵିନିର୍ଵିଶନ୍ ॥ 113 ॥ ସର୍ଵଭୂତଭଵଦ୍ଭାଵଂ ସମ୍ପଶ୍ଯତ୍ସୁସଦାସ୍ଥିତଃ । କରଣତ୍ରଯସାରୂପ୍ଯକଲ୍ଯାଣପତିସାଦରଃ ॥ 114 ॥ କଦା କଦେତି କୈଙ୍କର୍ଯକାମିନାଂ ଶେଷିତାମ୍ଭଜନ । ପରଵ୍ଯୂହାଦିନିର୍ଦୋଷଶୁଭାଶ୍ରଯପରିଗ୍ରହଃ ॥ 115 ॥ ଚନ୍ଦ୍ରମଣ୍ଡଲମଧ୍ଯସ୍ଯ ଶ୍ଵେତାମ୍ଭୋରୁହଵିଷ୍ଟରଃ । ଜ୍ଯୋତ୍ସ୍ନାଯମାନାଙ୍ଗରୁଚିନିର୍ଧୂତାନ୍ତର୍ବହିସ୍ତମାଃ ॥ 116 ॥ ଭାଵ୍ଯୋ ଭାଵଯିତା ଭଦ୍ରଂ ପାରିଜାତଵନାଲଯଃ । କ୍ଷୀରାବ୍ଧିମଧ୍ଯମଦ୍ଵୀପପାଲକଃ ପ୍ରପିତାମହଃ ॥ 117 ॥ ନିରନ୍ତରନମୋଵାକଶୁଦ୍ଧଯାଜିହଦାଶ୍ରଯଃ । ମୁକ୍ତିଦଶ୍ଵେତମୃଦ୍ରୂପଶ୍ଵେତଦ୍ଵୀପଵିଭାଵନଃ ॥ 118 ॥ ଗରୁଡାହାରିତଶ୍ଵେତମୃତ୍ପୂତଯଦୁଭୂଧରଃ । ଭଦ୍ରାଶ୍ଵଵର୍ଷନିଲଯୋ ଭଯହାରୀ ଶୁଭାଶ୍ରଯଃ ॥ 119 ॥ ଭଦ୍ରଶ୍ରୀଵତ୍ସହାରାଢ୍ଯଃ ପଞ୍ଚରାତ୍ରପ୍ରଵର୍ତକଃ । ଭକ୍ତାତ୍ମଭାଵଭଵନୋ ହାର୍ଦୋଽଙ୍ଗୁଷ୍ଠପ୍ରମାଣଵାନ୍ ॥ 120 ॥ ସ୍ଵଦାସସତ୍କୃତାକୃତ୍ଯେ ତନ୍ମିତ୍ରାରିଷୁ ଯୋଜଯନ୍ । ପ୍ରାଣାନୁତ୍କ୍ରାମଯନ୍ନୂରୀକୃତପ୍ରାରବ୍ଧଲୋପନଃ ॥ 121 ॥ ଲଧ୍ଵ୍ଯୈଵ ଶିକ୍ଷଯାପାପମଶେଷମପି ନିର୍ଣୁଦନ୍ । ତ୍ରିସ୍ଥୂଣକ୍ଷୋଭତୋ ଭୂତସୂକ୍ଷ୍ମ୍ଯୈସ୍ସୂକ୍ଷ୍ମଵପୁସ୍ସୃଜନ୍ ॥ 122 ॥ ନିରଙ୍କୁଶକୃପାପୂରୋ ନିତ୍ଯକଲ୍ଯାଣକାରକଃ । ମୂର୍ଧନ୍ଯନାଡ୍ଯା ସ୍ଵାନ୍ଦାସାନ୍ବ୍ରହ୍ମରନ୍ଧ୍ରାଦୁଦଞ୍ଚଯନ୍ ॥ 123 ॥ ଉପାସନପରାନ୍ସର୍ଵାନ୍ ପ୍ରାରବ୍ଧମନୁଭାଵଯନ୍ । ସର୍ଵପ୍ରାରବ୍ଧଦେହାନ୍ତେଽପ୍ଯନ୍ତିମସ୍ମରଣଂ ଦିଶନ୍ ॥ 124 ॥ ପ୍ରପେଯୁଷାଂ ଭେଜୁଷାଂ ଚ ଯମଦୃଷ୍ଟିମଭାଵଯନ୍ । ଦିଵ୍ଯଦେହପ୍ରଦସ୍ସୂର୍ଯଂ ଦ୍ଵାରଯନ୍ମୋକ୍ଷମେଯୁଷାମ୍ ॥ 125 ॥ ଆତିଵାହିକସତ୍କାରାନଧ୍ଵନ୍ଯାପାଦ୍ଯ ମାନଯନ୍ । ସାର୍ଵାନ୍କ୍ରତୁଭୁଜଶ୍ଶଶ୍ଵତ୍ପ୍ରାଭୃତାନି ପ୍ରଦାପଯନ୍ ॥ 126 ॥ ଦୁରନ୍ତମାଯାକାନ୍ତାରଂ ଦ୍ରୁତଂ ଯୋଗେନ୍ ଲଙ୍ଘଯନ୍ । ସ୍ଫାଯତ୍ସୁଦର୍ଶଵିଵିଧଵୀଥ୍ଯନ୍ତେନାଧ୍ଵନା ନଯନ୍ ॥ 127 ॥ ସୀମାନ୍ତସିନ୍ଧୁଵିରଜାଂ ଯୋଗେନୋତ୍ତାରଯନ୍ଵଶୀ । ଅମାନଵସ୍ଯ ଦେଵସ୍ଯ କରଂ ଶିରସି ଧାରଯନ୍ ॥ 128 ॥ ଅନାଦିଵାସନାଂ ଧୂନ୍ଵନ୍ ଵୈକୁଣ୍ଠାପ୍ତ୍ଯା ସଲୋକଯନ୍ । ଅହେଯମଙ୍ଗଲୋଦାରତନୁଦାନାତ୍ସରୂପଯନ ॥ 129 ॥ ସୂରିଜୁଷ୍ଟଂ ସୁଖୈକାନ୍ତଂ ପରମଂ ପଦମାପଯନ୍ । ଅରାରଣ୍ଯାମୃତାମ୍ଭୋଧୀ ଦର୍ଶଯନ୍ ଶ୍ରମନାଶନଃ ॥ 130 ॥ ଦିଵ୍ଯୋଦ୍ଯାନସରୋଵାପୀସରିନ୍ମଣିନଗାନ୍ନଯନ । ଐରମ୍ମଦାମୃତସରୋଗମଯନ୍ସୂପବୃଂହଣଃ ॥ 131 ॥ ଅଶ୍ଵତ୍ଥଂ ସୋମସଵନଂ ପ୍ରାପଯନ୍ଵିଷ୍ଟରଶ୍ରଵାଃ । ଦିଵ୍ଯାପ୍ସରସ୍ସମାନୀତବ୍ରହ୍ମାଲଙ୍କାରଦାଯକଃ ॥ 132 ॥ ଦିଵ୍ଯଵାସୋଽଞ୍ଜନକ୍ଷୌମମାଲ୍ଯୈସ୍ସ୍ଵାନ୍ବହୁମାନଯନ୍ । ସ୍ଵୀଯାମଯୋଧ୍ଯାଂ ନଗରୀଂ ସାଦରଂ ସମ୍ପ୍ରଵେଶଯନ୍ ॥ 133 ॥ ଦାସାନ୍ଦିଵ୍ଯରସାଲୋକଗନ୍ଧାଂସଲଶରୀରଯନ୍ । ସ୍ଵଦାସାନ୍ସୂରିଵର୍ଗେଣ ସସ୍ନେହଂ ବହୁମାନଯନ୍ ॥ 134 ॥ ସୂରିସେଵୋଦିତାନନ୍ଦନୈଚ୍ଯାନ୍ସ୍ଵାନତିଶାଯଯନ୍ । ଵାଚଯନ୍ସ୍ଵାଂ ନମୋଵୀପ୍ସାଂ କୁର୍ଵନ୍ପ୍ରହ୍ଵାନ୍କୃତାଞ୍ଜଲୀନ୍ ॥ 135 ॥ ପ୍ରାକାରଗୋପୁରାରାମପ୍ରାସାଦେଭ୍ଯଃ ପ୍ରଣାମଯନ୍ । ଇନ୍ଦ୍ରପ୍ରଜାପତିଦ୍ଵାରପାଲସମ୍ମାନମାପଯନ୍ ॥ 136 ॥ ମାଲିକାଞ୍ଚନ୍ମହାରାଜଵୀଥୀମଧ୍ଯଂ ନିଵାସଯନ୍ । ଶ୍ରୀଵୈକୁଣ୍ଠପୁରନ୍ଧ୍ରୀଭିର୍ନାନାସତ୍କାରକାରକଃ ॥ 137 ॥ ଦିଵ୍ଯଂ ଵିମାନଂ ଗମଯନ୍ ବ୍ରହ୍ମକାନ୍ତ୍ଯାଭିପୂରଯନ୍ । ମହାନନ୍ଦାତ୍ମକଶ୍ରୀମନ୍ମଣିମଣ୍ଡପମାପଯନ୍ ॥ 138 ॥ ହୃଷ୍ଯତ୍କୁମୁଦଚଣ୍ଡାଦ୍ଯୈର୍ଵିଷ୍ଵକ୍ସେନାନ୍ତିକଂ ନଯନ୍ । ସେନେଶଚୋଦିତାସ୍ଥାନନାଯକୋ ହେତିନାଯକଃ ॥ 139 ॥ ପ୍ରାପଯନ୍ଦିଵ୍ଯମାସ୍ଥାନଂ ଵୈନତେଯଂ ପ୍ରଣାମଯନ୍ । ଶ୍ରୀମତ୍ସୁନ୍ଦରସୂରୀନ୍ଦ୍ରଦିଵ୍ଯପଙ୍କ୍ତିଂ ପ୍ରଣାମଯନ୍ ॥ 140 ॥ ଭାସ୍ଵରାସନପର୍ଯଙ୍କପ୍ରାପଣେନ କୃତାର୍ଥଯନ୍ । ପର୍ଯଙ୍କଵିଦ୍ଯାସଂସିଦ୍ଧସର୍ଵଵୈଭଵସଙ୍ଗତଃ ॥ 141 ॥ ସ୍ଵାତ୍ମାନମେଵ ଶ୍ରୀକାନ୍ତଂ ସାଦରଂ ଭୂରି ଦର୍ଶଯନ୍ । ଶେଷତୈକରତିଂ ଶେଷଂ ଶଯ୍ଯାତ୍ମାନଂ ପ୍ରଣାମଯନ୍ ॥ 142 ॥ ଅନନ୍ତାକ୍ଷିଦ୍ଵିସାହସ୍ରସାଦରାଲୋକପାତ୍ରଯନ୍ । ଅକୁମାରଯୁଵାକାରଂ ଶ୍ରୀକାନ୍ତଂ ସମ୍ପ୍ରଣାମଯନ୍ ॥ 143 ॥ ଅତଟାନନ୍ଦତୋ ହେତୋ ରଞ୍ଚଯନ୍କିଲିକିଞ୍ଚିତମ୍ । ଦାସାନତ୍ଯୁତ୍ଥିତମୁହୁଃକୃତିସୃଷ୍ଟିପ୍ରସନ୍ନହୃତ୍ ॥ 144 ॥ ଶ୍ରୀଯାଂ ପ୍ରାପସ୍ଵଯଂ ତାତଂ ଜୀଵଂ ପୁତ୍ରଂ ପ୍ରହର୍ଷଯନ୍ । ମଜ୍ଜଯନ୍ ସ୍ଵମୁଖାମ୍ଭୋଧୌ ସ୍ଵକାଂ କୀର୍ତିରୁଚିଂ ଦିଶନ୍ ॥ 145 ॥ ଦଯାର୍ଦ୍ରଗଙ୍ଗାଵଲନାକୃତହ୍ଲାଦୈଃ କୃତାର୍ଥଯନ୍ । ପର୍ଯଙ୍କାରୋହଣପ୍ରହ୍ଵଂ ସମଂ ଲକ୍ଷ୍ମ୍ଯୋପପାଦଯନ୍ ॥ 146 ॥ କସ୍ତ୍ଵମିତ୍ଯନୁଯୁଞ୍ଜାନୋ ଦାସୋଽସ୍ମୀତ୍ଯୁକ୍ତିଵିସ୍ମିତଃ । ଅପୃଥକ୍ତ୍ଵପ୍ରକାରୋଽସ୍ମି ଵାଚାସ୍ଵାଶ୍ରିତଵଦ୍ଭଵନ୍ ॥ 147 ॥ ଵିଦୁଷାଂ ତତ୍କ୍ରତୁନଯାଦ୍ଧଯାସ୍ଯଵପୁଷାଭଵନ୍ । ଵାସୁଦେଵାତ୍ମନା ଭୂଯୋ ଭଵନ୍ଵୈକୁଣ୍ଠନାଯକଃ ॥ 148 ॥ ଯଥା ତଥୈଵ ସ୍ଵଂ ରୂପଂ ଜଗନ୍ମୋହନମୂର୍ତିମାନ୍ । ଦ୍ଵିମୂର୍ତୀ ବହୁମୂର୍ତୀଶ୍ଚ ଆତ୍ମନଶ୍ଚ ପ୍ରକାଶଯନ୍ ॥ 149 ॥ ଯୁଗପତ୍ସକଲଂ ସାକ୍ଷାତ୍ସ୍ଵତଃ କର୍ତୁଂ ସମର୍ଥଯନ୍ । କଵୀନାମାଦିଶନ୍ନିତ୍ଯଂ ମୁକ୍ତାନାମାଦିମଃ କଵିଃ ॥ 150 ॥ ଷଡର୍ଣମନୁନିଷ୍ଠାନାଂ ଶ୍ଵେତଦ୍ଵୀପସ୍ଥିତିଂ ଦିଶନ୍ । ଦ୍ଵାଦଶାକ୍ଷରନିଷ୍ଠାନାଂ ଲୋକଂ ସାନ୍ତାନିକଂ ଦିଶନ୍ ॥ 151 ॥ ଅଷ୍ଟାକ୍ଷରୈକନିଷ୍ଠାନାଂ କାର୍ଯଂ ଵୈକୁଣ୍ଠମର୍ପଯନ୍ । ଶରଣାଗତିନିଷ୍ଠାନାଂ ସାକ୍ଷାଦ୍ଵୈକୁଣ୍ଠମର୍ପଯନ୍ ॥ 152 ॥ ସ୍ଵମନ୍ତ୍ରରାଜନିଷ୍ଠାନାଂ ସ୍ଵସ୍ମାର୍ଦାତେଶଯଂ ଦିଶନ୍ । ଶ୍ରିଯା ଗାଢୋପଗୂଢାତ୍ମା ଭୂତଧାତ୍ରୀରୁଚିଂ ଦିଶନ୍ ॥ 153 ॥ ନୀଲାଵିଭୂତିଵ୍ଯାମୁଗ୍ଧୋ ମହାଶ୍ଵେତାଶ୍ଵମସ୍ତକଃ । ତ୍ର୍ଯକ୍ଷସ୍ତ୍ରିପୁରସଂହାରୀ ରୁଦ୍ରସ୍ସ୍କନ୍ଦୋ ଵିନାଯକଃ ॥ 154 ॥ ଅଜୋ ଵିରିଞ୍ଚୋ ଦ୍ରୁହିଣୋ ଵ୍ଯାପ୍ତମୂର୍ତିରମୂର୍ତିକଃ । ଅସଙ୍ଗୋଽନନ୍ଯଧୀସଙ୍ଗଵିହଙ୍ଗୋଵୈରିଭଙ୍ଗଦଃ ॥ 155 ॥ ସ୍ଵାମୀ ସ୍ଵଂ ସ୍ଵେନ ସନ୍ତୁପ୍ଯନ୍ ଶକ୍ରସ୍ସର୍ଵାଧିକସ୍ଯଦଃ । ସ୍ଵଯଞ୍ଜ୍ଯୋତିସ୍ସ୍ଵଯଂଵୈଦ୍ଯଶ୍ଶୂରଶ୍ଶୂରକୁଲୋଦ୍ଭଵଃ ॥ 156 ॥ ଵାସଵୋ ଵସୁରଣ୍ଯୋଗ୍ନିର୍ଵାସୁଦେଵସ୍ସୁହୃଦ୍ଵସୁଃ । ଭୂତୋ ଭାଵୀ ଭଵନ୍ଭଵ୍ଯୋ ଵିଷ୍ଣୁସ୍ଥାନସ୍ସନାତନଃ ॥ 157 ॥ ନିତ୍ଯାନୁଭାଵୋ ନେଦୀଯାନ୍ଦଵୀଯାନ୍ଦୁର୍ଵିଭାଵନଃ । ସନତ୍କୁମାରସ୍ସନ୍ଧାତା ସୁଗନ୍ଧିସ୍ସୁଖଦର୍ଶନଃ ॥ 158 ॥ ତୀର୍ଥଂ ତିତିକ୍ଷୁସ୍ତୀର୍ଥାଙ୍ଘ୍ରିସ୍ତୀର୍ଥସ୍ଵାଦୁଶୁଭଶ୍ଶୁଚିଃ । ତୀର୍ଥଵଦ୍ଦୀଧିତିସ୍ତିଗ୍ମତେଜାସ୍ତୀଵ୍ରମନାମଯଃ ॥ 159 ॥ ଈଶାଦ୍ଯୁପନିଷଦ୍ଵେଦ୍ଯଃ ପଞ୍ଚୋପନିଷଦାତ୍ମକଃ । ଈଡନ୍ତଃସ୍ଥୋଽପି ଦୂରସ୍ଥଃ କଲ୍ଯାଣତମରୂପଵାନ୍ ॥ 160 ॥ ପ୍ରାଣାନାଂ ପ୍ରାଣନଃ ପୂର୍ଣଜ୍ଞାନୈରପି ସୁଦୁର୍ଗ୍ରହଃ । ନାଚିକେତୋପାସନାର୍ଚ୍ଯସ୍ତ୍ରିମାତ୍ରପ୍ରଣଵୋଦିତଃ ॥ 161 ॥ ଭୂତଯୋନିଶ୍ଚ ସର୍ଵଜ୍ଞୋଽକ୍ଷରୋଽକ୍ଷରପରାତ୍ପରଃ । ଅକାରାଦିପଦଜ୍ଞେଯଵ୍ଯୂହତାରାର୍ଥପୂରୁଷଃ ॥ 162 ॥ ମନୋମଯାମୃତୋ ନନ୍ଦମଯୋ ଦହରରୂପଦୃତ୍ । ନ୍ଯାସଵିଦ୍ଯାଵେଦ୍ଯରୂପଃ ଆଦିତ୍ଯାନ୍ତର୍ହିରଣ୍ମଯଃ ॥ 163 ॥ ଇଦନ୍ଦ୍ର ଆତ୍ମୋଦ୍ଗୀଥାଦି ପ୍ରତୀକୋ ପାସନାନ୍ଵଯୀ । ମଧୁଵିଦ୍ଯୋପାସନୀଯୋ ଗାଯତ୍ରୀଧ୍ଯାନଗୋଚରଃ ॥ 164 ॥ ଦିଵ୍ଯକୌକ୍ଷେଯସଜ୍ଜ୍ଯୋତିଃ ଶାଣ୍ଡିଲ୍ଯୋପାସ୍ତିଵୀକ୍ଷିତଃ । ସଂଵର୍ଗଵିଦ୍ଯାଵେଦ୍ଯାତ୍ମା ତତ୍ ଷୋଡଶକଲଂ ପରମ୍ ॥ 165 ॥ ଉପକୋସଲଵିଦ୍ଯେକ୍ଷ୍ଯଃ ପଞ୍ଚାଗ୍ନ୍ଯାତ୍ମଶରୀରକଃ । ଵୈଶ୍ଵାନରଃ ସଦଖେଭୂମା ଚ ଜଗତ୍କର୍ମାଽଦିପୂରୁଷଃ ॥ 166 ॥ ମୂର୍ତାମୂର୍ତବ୍ରହ୍ମ ସର୍ଵପ୍ରେଷ୍ଠୋଽନ୍ଯପ୍ରିଯତାକରଃ । ସର୍ଵାନ୍ତରଶ୍ଚାପରୋକ୍ଷଶ୍ଚାନ୍ତର୍ଯାମ୍ଯମୃତୋଽନଘଃ ॥ 167 ॥ ଅହର୍ନାମାଦିତ୍ଯରୂପଶ୍ଚାହନ୍ନାମାକ୍ଷିସଂଶ୍ରିତଃ । ସତୁର୍ଯଗାଯତ୍ର୍ଯର୍ଥଶ୍ଚ ଯଥୋପାସ୍ତ୍ଯାପ୍ଯସଦ୍ଵପୁଃ ॥ 168 ॥ ଚନ୍ଦ୍ରାଦିସାଯୁଜ୍ଯପୂର୍ଵମୋକ୍ଷଦନ୍ଯାସଗୋଚରଃ । ନ୍ଯାସନାଶ୍ଯାନଭ୍ଯୁପେତପ୍ରାରବ୍ଧାଂଶୋ ମହାଦଯଃ ॥ 169 ॥ ଅଵତାରରହସ୍ଯାଦିଜ୍ଞାନିପ୍ରାରବ୍ଧନାଶନଃ । ସ୍ଵେନ ସ୍ଵାର୍ଥଂ ପରେଣାପି କୃତେ ନ୍ଯାସେ ଫଲପ୍ରଦଃ ॥ 170 ॥ ଅସାହସୋଽନପାଯଶ୍ରୀସ୍ସହାଯସ୍ସ ଶ୍ରିଯୈ ଵସନ୍ । ଶ୍ରୀମାନ୍ନାରାଯଣୋ ଵାସୁଦେଵୋଽଵ୍ଯାଦ୍ଵିଷ୍ଣୁରୁତ୍ତମଃ ॥ 171 ॥ ॥ ଓମ୍ ॥ ଇତୀଦଂ ପରମଂ ଗୁହ୍ଯଂ ସର୍ଵପାପପ୍ରଣାଶନମ୍ । ଵାଗୀଶନାମସାହସ୍ରଂ ଵତ୍ସ ତେଽଭିହିତଂ ମଯା ॥ 1 ॥ ଯ ଇଦଂ ଶୃଣୁଯାଦ୍ଭକ୍ତ୍ଯା ଶ୍ରାଵଯେଦ୍ଵା ସ୍ଵଯଂ ପଠତ୍ । ନାସୌ ପ୍ରାପ୍ନୋତି ଦୁରିତମିହାମୁତ୍ର ଚ କିଞ୍ଚନ ॥ 2 ॥ ତଦିଦଂ ପ୍ରଜପନ୍ ସ୍ଵାମୀ ଵିଦ୍ଯାଧୀଶୋ ହଯାନନଃ । କ୍ଷତ୍ରିଯଶ୍ଚେନ୍ମହାରୁଦ୍ରୋ ଵିକ୍ରମାକ୍ରାନ୍ତସର୍ଵଭୂଃ ॥ 3 ॥ ମହୋଦାରୋ ମହାକୀର୍ତିର୍ମହିତୋ ଵିଜଯୀ ଭଵେତ୍ । ଊରୁଜଶ୍ଚେଦୁରୁଯଶୋଧନଧାନ୍ଯସମୃଦ୍ଧିମାନ୍ ॥ 4 ॥ ଅଶେଷଭୋଗସମ୍ଭୂତୋ ଧନାଧିପସମୋ ଭଵେତ୍ । ଶୃଣୁଯାଦେଵ ଵୃଷଲସ୍ସ୍ଵଯଂ ଵିପ୍ରାତ୍ସୁପୂଜିତାତ୍ ॥ 5 ॥ ମହିମାନମଵାପ୍ନୋତି ମହିତୈଶ୍ଵର୍ଯଭାଜନମ୍ । ଶ୍ରୀମତୋ ହଯଶୀର୍ଷସ୍ଯ ନାମ୍ନାଂ ସାହସ୍ରମୁତ୍ତମମ୍ ॥ 6 ॥ ଶୃଣ୍ଵନ୍ପଠନ୍ନପି ନରସ୍ସର୍ଵାନ୍କାମାନଵାପ୍ନୁଯାତ୍ । ଧର୍ମାର୍ଥକାମସନ୍ତାନଭାଗ୍ଯାରୋଗ୍ଯୋତ୍ତମାଯୁଷାମ୍ ॥ 7 ॥ ପ୍ରାପଣେ ପରମୋ ହେତୁଃ ସ୍ତଵରାଜୋଽଯମଦ୍ଭୁତଃ । ହଯଗ୍ରୀଵେ ପରା ଭକ୍ତିମୁଦ୍ଵହନ୍ ଯ ଇମଂ ପଠେତ୍ ॥ 8 ॥ ତ୍ରିସନ୍ଧ୍ଯଂ ନିଯତଶ୍ଶୁଦ୍ଧସ୍ସୋଽପଵର୍ଗାଯ କଲ୍ପତେ । ତ୍ରିଃ ପଠନ୍ନାମସାହସ୍ରଂ ପ୍ରତ୍ଯହଂ ଵାଗଧୀଶିତୁଃ ॥ 9 ॥ ମହତୀଂ କୀର୍ତିମାପ୍ନୋତି ନିସ୍ସୀମାଂ ପ୍ରେଯସୀଂ ପ୍ରିଯାମ୍ । ଵୀର୍ଯଂ ବଲଂ ପତିତ୍ଵଂ ଚ ମେଧାଶ୍ରଦ୍ଧାଵଲୋନ୍ନତୀଃ ॥ 10 ॥ ସାରସ୍ଵତସମୃଦ୍ଧିଂ ଚ ଭଵ୍ଯାନ୍ଭୋଗ୍ଯାନ୍ନତାନ୍ସୁତାନ୍ । ଅଭିରୂପାଂ ଵଧୂଂ ସାଧ୍ଵୀଂ ସୁହୃଦଶ୍ଚ ହିତୈଷିଣଃ ॥ 11 ॥ ବ୍ରହ୍ମଵିଦ୍ଯାପ୍ରଵଚନୈଃ କାଲକ୍ଷେପଂ ଚ ସନ୍ତତମ୍ । ହଯଗ୍ରୀଵପଦାମ୍ଭୋଜ ସଲିଲସ୍ଯାନୁକୂଲତଃ ॥ 12 ॥ ଲଭେତ ନିର୍ମଲଂ ଶାନ୍ତୋ ହଂସୋପାସନତତ୍ପରଃ । ଶ୍ରୀମତ୍ପରମହଂସସ୍ଯ ଚିତ୍ତୋଲ୍ଲାସନସଦ୍ଵିଧୌ ॥ 13 ॥ ଇଦଂ ତୁ ନାମ୍ନାଂ ସାହସ୍ରମିଷ୍ଟସାଧନମୁତ୍ତମମ୍ । ପାପୀ ପାପାଦ୍ଵିମୁକ୍ତସ୍ସ୍ଯାଦ୍ରୋଗୀ ରୋଗାଦ୍ଵିମୁଚ୍ଯତେ ॥ 14 ॥ ବଦ୍ଧୋ ବନ୍ଧାଦ୍ଵିମୁଚ୍ଯେତ ଭୀତେ ଭୀତିର୍ଵିମୁଚ୍ଯତେ । ମୁକ୍ତୋ ଦରିଦ୍ରୋ ଦାରିଦ୍ର୍ଯାଦ୍ଭଵେତ୍ପୂର୍ଣମନୋରଥଃ ॥ 15 ॥ ଆପନ୍ନ ଆପଦା ମୁକ୍ତୋ ଭଵତ୍ଯେଵ ନ ସଂଶଯଃ । ହଂସାର୍ଚନପରୋ ନିତ୍ଯଂ ହଂସାର୍ଚନପରାଯଣଃ ॥ 16 ॥ ନିର୍ଧୂତକଲ୍ମଷୋ ନିତ୍ଯଂ ବ୍ରହ୍ମସାଯୁଜ୍ଯମାପ୍ନୁଯାତ୍ । ଯେ ଭକ୍ତ୍ଯା ପରମେ ହଂସେ ଶ୍ରିଯା ମିଥୁନିତାଙ୍ଗିତେ ॥ 17 ॥ ଜନ୍ମଵ୍ଯାଧିଜରାନାଶଭଯଭାଜୋ ନ ତେ ଜନାଃ । ଆଚାର୍ଯାତ୍ତଦିଦଂ ସ୍ତୋତ୍ରମଧିଗତ୍ଯ ପଠେନ୍ନରଃ ॥ 18 ॥ ତସ୍ଯେଦଂ କଲ୍ପତେ ସିଦ୍ଧ୍ଯୈ ନାନ୍ଯଥା ଵତ୍ସ କାଶ୍ଯପ । ଆଚାର୍ଯଂ ଲକ୍ଷଣୈର୍ଯୁକ୍ତମନ୍ଯଂ ଵାଽତ୍ମଵିଦୁତ୍ତମମ୍ ॥ 19 ॥ ଵୃତ୍ଵାଚାର୍ଯଂ ସଦା ଭକ୍ତ୍ଯା ସିଦ୍ଧ୍ଯୈ ତଦିଦମଶ୍ନୁଯାତ୍ । ସ ଯାତି ପରମାଂ ଵିଦ୍ଯାଂ ଶକୁନିବ୍ରହ୍ମହର୍ଷଣୀମ୍ ॥ 20 ॥ ହଯାସ୍ଯନାମସାହସ୍ରସ୍ତୁତିରଂହୋଵିନାଶିନୀ । ପରମୋ ହଂସ ଏଵାଦୌ ପ୍ରଣଵଂ ବ୍ରହ୍ମଣେ ଦିଶତ୍ ॥ 21 ॥ ଉପାଦିଶତ୍ତତୋ ଵେଦାନ୍ ଶ୍ରୀମାନ ହଯଶିରୋ ହରିଃ । ତେନାସୌ ସ୍ତଵରାଜୋ ହି ହଂସାଖ୍ଯହଯଗୋଚରଃ ॥ 22 ॥ ଵିଦ୍ଯାସାମ୍ରାଜ୍ଯସମ୍ପତ୍ତିମୋକ୍ଷୈକଫଲସାଧନମ୍ । ସର୍ଵଵିତ୍ସ୍ଵାତ୍ମଭାଵେନ ପରମଂ ପଦମାପ୍ନୁଯାତ୍ ॥ 23 ॥ ନ ତତ୍ର ସଂଶଯଃ କଶ୍ଚିନ୍ନିପୁଣଂ ପରିପଶ୍ଯତି । ତଥାପି ସ୍ଵାତ୍ମନି ପ୍ରେମସିନ୍ଧୁସନ୍ଧୁକ୍ଷଣକ୍ଷମଃ. ॥ 24 ॥ ଇତୀଦଂ ନାମସାହସ୍ରଂ ସଙ୍ଗୃହୀତଂ ତଥୋତ୍ତରମ୍ । ଏଵଂ ସଙ୍ଗୃହ୍ଯ ଦେଵେନ ହଯଗ୍ରୀଵେଣ ପାଲନମ୍ ॥ 25 ॥ ସ୍ତୋତ୍ରରତ୍ନମିଦଂ ଦତ୍ତଂ ମହ୍ଯଂ ତତ୍ କଥିତଂ ତଵ । ହଂସନାମସହସ୍ରସ୍ଯ ଵୈଭଵଂ ପରମାଦ୍ଭୁତମ୍ ॥ 26 ॥ ଵକ୍ତୁଂ ଯଥାଵତ୍କଶ୍ଶକ୍ତୋ ଵର୍ଷକୋଟିଶତୈରପି । ହଯାସ୍ଯଃ ପରମୋ ହଂସୋ ହରିର୍ନାରାଯଣୋଽଵ୍ଯଯଃ ॥ 27 ॥ କାରଣଂ ଶରଣଂ ମୃତ୍ଯୁରମୃତଂ ଚାଖିଲାତ୍ମନାମ୍ । ସତ୍ଯଂ ସତ୍ଯଂ ପୁନସ୍ସତ୍ଯଂ ଧ୍ଯେଯୋ ନାରାଯଣୋ ହରିଃ ॥ 28 ॥ ସମାନମଧିକଂ ଵେଦାନ୍ନ ଦୈଵଂ କେଶଵାତ୍ପରମ୍ । ତତ୍ତ୍ଵଂ ଵିଜ୍ଞାତୁକାମାନାଂ ପ୍ରମାଣୈସ୍ସର୍ଵତୋମୁଖୈଃ ॥ 29 ॥ ତତ୍ତ୍ଵଂ ସ ପରମୋ ହଂସ ଏକ ଏଵ ଜନାର୍ଦନଃ । ଇଦଂ ରହସ୍ଯଂ ପରମଂ ମହାପାତକନାଶନମ୍ ॥ 30 ॥ ନ ଚାଶୁଶ୍ରୂଷଵେ ଵାଚ୍ଯଂ ନାଭକ୍ତାଯ କଦାଚନ । ନାପ୍ଯନ୍ଯଦେଵତାଯାପି ନ ଵାଚ୍ଯଂ ନାସ୍ତିକାଯ ଚ ॥ 31 ॥ ଅଧୀତ୍ଯୈତଦ୍ଗୁରୁମୁଖାଦନ୍ଵହଂ ଯଃ ପଠେନ୍ନରଃ । ତଦ୍ଵଂଶ୍ଯା ଅପି ସର୍ଵେ ସ୍ଯୁସ୍ସମ୍ପତ୍ସାରସ୍ଵତୋନ୍ନତାଃ ॥ 32 ॥ ଇତି ହଯଵଦନାନନାରଵିନ୍ଦାନ୍ମଧୁଲହରୀଵ ନିରର୍ଗଲା ଗଲନ୍ତୀ । ଜଗତି ଦଶଶତୀତଦୀଯନାମ୍ନାଂ ଜଯତି ଜଡାନପି ଗୀର୍ଷୁ ଯୋଜଯନ୍ତୀ ॥ 33 ॥ ॥ ଇତି ଶ୍ରୀହଯଗ୍ରୀଵସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥