॥ শ্ৰী গণেশায নমঃ ॥
॥ শ্ৰী কালিকা স্ৱৰূপ স্তুতিঃ ॥
সিততৰসংৱিদৱাপ্যং সদসত্কলনাৱিহীনমনুপাধি ।
জযতি জগত্ত্ৰযৰূপং নীৰূপং দেৱি তে ৰূপম্ ॥ ১ ॥
জযতি জগত্ত্ৰযৰূপং নীৰূপং দেৱি তে ৰূপম্ ॥ ১ ॥
একমনেকাকাৰং প্ৰসৃতজগদ্ৱ্যাপ্তিৱিকৃতিপৰিহীনম্ ।
জযতি তৱাদ্ৱযৰূপং ৱিমলমলং চিত্স্ৱৰূপাখ্যম্ ॥ ২ ॥
জযতি তৱাদ্ৱযৰূপং ৱিমলমলং চিত্স্ৱৰূপাখ্যম্ ॥ ২ ॥
জযতি তৱোচ্ছলদন্তঃ স্ৱচ্ছেচ্ছাযাঃ স্ৱৱিগ্ৰহগ্ৰহণম্ ।
কিমপি নিৰুত্তৰসহজস্ৱৰূপসংৱিত্প্ৰকাশমযম্ ॥ ৩ ॥
কিমপি নিৰুত্তৰসহজস্ৱৰূপসংৱিত্প্ৰকাশমযম্ ॥ ৩ ॥
ৱান্ত্ৱা সমস্তকালং ভূত্যা ঝঙ্কাৰঘোৰমূৰ্তিমপি ।
নিগ্ৰহমস্মিন্ কৃত্ৱানুগ্ৰহমপি কুৰ্ৱতী জযসি ॥ ৪ ॥
নিগ্ৰহমস্মিন্ কৃত্ৱানুগ্ৰহমপি কুৰ্ৱতী জযসি ॥ ৪ ॥
কালস্য কালি দেহং ৱিভজ্য মুনিপঞ্চসঙ্খ্যযা ভিন্নম্ ।
স্ৱস্মিন্ ৱিৰাজমানং তদ্ৰূপং কুৰ্ৱতী জযসি ॥ ৫ ॥
স্ৱস্মিন্ ৱিৰাজমানং তদ্ৰূপং কুৰ্ৱতী জযসি ॥ ৫ ॥
ভৈৰৱৰূপী কালঃ সৃজতি জগত্কাৰণাদিকীটান্তম্ ।
ইচ্ছাৱশেন যস্যাঃ সা ত্ৱং ভুৱনাম্বিকা জযসি ॥ ৬ ॥
ইচ্ছাৱশেন যস্যাঃ সা ত্ৱং ভুৱনাম্বিকা জযসি ॥ ৬ ॥
জযতি শশাঙ্কদিৱাকৰপাৱকধামত্ৰযান্তৰৱ্যাপি ।
জননি তৱ কিমপি ৱিমলং স্ৱৰূপৰূপং পৰন্ধাম ॥ ৭ ॥
জননি তৱ কিমপি ৱিমলং স্ৱৰূপৰূপং পৰন্ধাম ॥ ৭ ॥
একং স্ৱৰূপৰূপং প্ৰসৰস্থিতিৱিলযভেদস্ত্ৰিৱিধম্ ।
প্ৰত্যেকমুদযসংস্থিতিলযৱিশ্ৰমতশ্চতুৰ্ৱিধং তদপি ॥ ৮ ॥
প্ৰত্যেকমুদযসংস্থিতিলযৱিশ্ৰমতশ্চতুৰ্ৱিধং তদপি ॥ ৮ ॥
ইতি ৱসুপঞ্চকসঙ্খ্যং ৱিধায সহজস্ৱৰূপমাত্মীযম্ ।
ৱিশ্ৱৱিৱৰ্তাৱৰ্তপ্ৰৱৰ্তক জযতি তে ৰূপম্ ॥ ৯ ॥
ৱিশ্ৱৱিৱৰ্তাৱৰ্তপ্ৰৱৰ্তক জযতি তে ৰূপম্ ॥ ৯ ॥
সদসদ্ৱিভেদসূতেৰ্দলনপৰা কাপি সহজসংৱিত্তিঃ ।
উদিতা ত্ৱমেৱ ভগৱতি জযসি জযাদ্যেন ৰূপেণ ॥ ১০ ॥
উদিতা ত্ৱমেৱ ভগৱতি জযসি জযাদ্যেন ৰূপেণ ॥ ১০ ॥
জযতি সমস্তচৰাচৰৱিচিত্ৰৱিশ্ৱপ্ৰপঞ্চৰচনোৰ্মি ।
অমলস্ৱভাৱজলধৌ শান্তং কান্তং চ তে ৰূপম্ ॥ ১১ ॥
অমলস্ৱভাৱজলধৌ শান্তং কান্তং চ তে ৰূপম্ ॥ ১১ ॥
সহজোল্লাসৱিকাসপ্ৰপূৰিতাশেষৱিশ্ৱৱিভৱৈষা ।
পূৰ্ণা তৱাম্ব মূৰ্তিৰ্জযতি পৰানন্দসম্পূৰ্ণা ॥ ১২ ॥
পূৰ্ণা তৱাম্ব মূৰ্তিৰ্জযতি পৰানন্দসম্পূৰ্ণা ॥ ১২ ॥
কৱলিতসকলজগত্ৰযৱিকটমহাকালকৱলনোদ্যুক্তা ।
উপভুক্তভাৱৱিভৱপ্ৰভৱাপি কৃশোদৰী জযসি ॥ ১৩ ॥
উপভুক্তভাৱৱিভৱপ্ৰভৱাপি কৃশোদৰী জযসি ॥ ১৩ ॥
ৰূপত্ৰযপৰিৱৰ্জিতমসমং ৰূপত্ৰযান্তৰৱ্যাপি ।
অনুভৱৰূপমৰূপং জযতি পৰং কিমপি তে ৰূপম্ ॥ ১৪ ॥
অনুভৱৰূপমৰূপং জযতি পৰং কিমপি তে ৰূপম্ ॥ ১৪ ॥
অৱ্যযমকুলমমেযং ৱিগলিতসদসদ্ৱিৱেককল্লোলম্ ।
জযতি প্ৰকাশৱিভৱস্ফীতং কাল্যাঃ পৰং ধাম ॥ ১৫ ॥
জযতি প্ৰকাশৱিভৱস্ফীতং কাল্যাঃ পৰং ধাম ॥ ১৫ ॥
ঋতুমুনিসঙ্খ্যং ৰূপং ৱিভজ্য পঞ্চপ্ৰকাৰমেকৈকম্ ।
দিৱ্যৌঘমুদ্গিৰন্তী জযতি জগত্তাৰিণী জননী ॥ ১৬ ॥
দিৱ্যৌঘমুদ্গিৰন্তী জযতি জগত্তাৰিণী জননী ॥ ১৬ ॥
ভূদিগ্গোখগদেৱীচক্ৰসঞ্জ্ঞানৱিভৱপৰিপূৰ্ণম্ ।
নিৰুপমৱিশ্ৰান্তিমযং শ্ৰীপীঠং জযতি তে ৰূপম্ ॥ ১৭ ॥
নিৰুপমৱিশ্ৰান্তিমযং শ্ৰীপীঠং জযতি তে ৰূপম্ ॥ ১৭ ॥
প্ৰলযলযান্তৰভূমৌ ৱিলসিতসদসত্প্ৰপঞ্চপৰিহীনাম্ ।
দেৱি নিৰুত্তৰতৰাং নৌমি সদা সৰ্ৱতঃ প্ৰকটাম্ ॥ ১৮ ॥
দেৱি নিৰুত্তৰতৰাং নৌমি সদা সৰ্ৱতঃ প্ৰকটাম্ ॥ ১৮ ॥
যাদৃঙ্মহাশ্মশানে দৃষ্টং দেৱ্যাঃ স্ৱৰূপমকুলস্থম্ ।
তাদৃগ্ জগত্ৰযমিদং ভৱতু তৱাম্ব প্ৰসাদেন ॥ ১৯ ॥
তাদৃগ্ জগত্ৰযমিদং ভৱতু তৱাম্ব প্ৰসাদেন ॥ ১৯ ॥
ইত্থং স্ৱৰূপস্তুতিৰভ্যধাযি
সম্যক্সমাৱেশদশাৱশেন ।
মযা শিৱেনাস্তু শিৱায সম্যক্
মমৈৱ ৱিশ্ৱস্য তু মঙ্গলায ॥ ২০ ॥
সম্যক্সমাৱেশদশাৱশেন ।
মযা শিৱেনাস্তু শিৱায সম্যক্
মমৈৱ ৱিশ্ৱস্য তু মঙ্গলায ॥ ২০ ॥
॥ ইতি শ্ৰী শ্ৰীজ্ঞাননেত্ৰপাদ ৰচিতং শ্ৰী কালিকা স্ৱৰূপ স্তুতিঃ ॥