॥ শ্রী গণেশায নমঃ ॥
॥ শ্রী কালিকা স্বরূপ স্তুতিঃ ॥
সিততরসংবিদবাপ্যং সদসত্কলনাবিহীনমনুপাধি ।
জযতি জগত্ত্রযরূপং নীরূপং দেবি তে রূপম্ ॥ ১ ॥
জযতি জগত্ত্রযরূপং নীরূপং দেবি তে রূপম্ ॥ ১ ॥
একমনেকাকারং প্রসৃতজগদ্ব্যাপ্তিবিকৃতিপরিহীনম্ ।
জযতি তবাদ্বযরূপং বিমলমলং চিত্স্বরূপাখ্যম্ ॥ ২ ॥
জযতি তবাদ্বযরূপং বিমলমলং চিত্স্বরূপাখ্যম্ ॥ ২ ॥
জযতি তবোচ্ছলদন্তঃ স্বচ্ছেচ্ছাযাঃ স্ববিগ্রহগ্রহণম্ ।
কিমপি নিরুত্তরসহজস্বরূপসংবিত্প্রকাশমযম্ ॥ ৩ ॥
কিমপি নিরুত্তরসহজস্বরূপসংবিত্প্রকাশমযম্ ॥ ৩ ॥
বান্ত্বা সমস্তকালং ভূত্যা ঝঙ্কারঘোরমূর্তিমপি ।
নিগ্রহমস্মিন্ কৃত্বানুগ্রহমপি কুর্বতী জযসি ॥ ৪ ॥
নিগ্রহমস্মিন্ কৃত্বানুগ্রহমপি কুর্বতী জযসি ॥ ৪ ॥
কালস্য কালি দেহং বিভজ্য মুনিপঞ্চসঙ্খ্যযা ভিন্নম্ ।
স্বস্মিন্ বিরাজমানং তদ্রূপং কুর্বতী জযসি ॥ ৫ ॥
স্বস্মিন্ বিরাজমানং তদ্রূপং কুর্বতী জযসি ॥ ৫ ॥
ভৈরবরূপী কালঃ সৃজতি জগত্কারণাদিকীটান্তম্ ।
ইচ্ছাবশেন যস্যাঃ সা ত্বং ভুবনাম্বিকা জযসি ॥ ৬ ॥
ইচ্ছাবশেন যস্যাঃ সা ত্বং ভুবনাম্বিকা জযসি ॥ ৬ ॥
জযতি শশাঙ্কদিবাকরপাবকধামত্রযান্তরব্যাপি ।
জননি তব কিমপি বিমলং স্বরূপরূপং পরন্ধাম ॥ ৭ ॥
জননি তব কিমপি বিমলং স্বরূপরূপং পরন্ধাম ॥ ৭ ॥
একং স্বরূপরূপং প্রসরস্থিতিবিলযভেদস্ত্রিবিধম্ ।
প্রত্যেকমুদযসংস্থিতিলযবিশ্রমতশ্চতুর্বিধং তদপি ॥ ৮ ॥
প্রত্যেকমুদযসংস্থিতিলযবিশ্রমতশ্চতুর্বিধং তদপি ॥ ৮ ॥
ইতি বসুপঞ্চকসঙ্খ্যং বিধায সহজস্বরূপমাত্মীযম্ ।
বিশ্ববিবর্তাবর্তপ্রবর্তক জযতি তে রূপম্ ॥ ৯ ॥
বিশ্ববিবর্তাবর্তপ্রবর্তক জযতি তে রূপম্ ॥ ৯ ॥
সদসদ্বিভেদসূতের্দলনপরা কাপি সহজসংবিত্তিঃ ।
উদিতা ত্বমেব ভগবতি জযসি জযাদ্যেন রূপেণ ॥ ১০ ॥
উদিতা ত্বমেব ভগবতি জযসি জযাদ্যেন রূপেণ ॥ ১০ ॥
জযতি সমস্তচরাচরবিচিত্রবিশ্বপ্রপঞ্চরচনোর্মি ।
অমলস্বভাবজলধৌ শান্তং কান্তং চ তে রূপম্ ॥ ১১ ॥
অমলস্বভাবজলধৌ শান্তং কান্তং চ তে রূপম্ ॥ ১১ ॥
সহজোল্লাসবিকাসপ্রপূরিতাশেষবিশ্ববিভবৈষা ।
পূর্ণা তবাম্ব মূর্তির্জযতি পরানন্দসম্পূর্ণা ॥ ১২ ॥
পূর্ণা তবাম্ব মূর্তির্জযতি পরানন্দসম্পূর্ণা ॥ ১২ ॥
কবলিতসকলজগত্রযবিকটমহাকালকবলনোদ্যুক্তা ।
উপভুক্তভাববিভবপ্রভবাপি কৃশোদরী জযসি ॥ ১৩ ॥
উপভুক্তভাববিভবপ্রভবাপি কৃশোদরী জযসি ॥ ১৩ ॥
রূপত্রযপরিবর্জিতমসমং রূপত্রযান্তরব্যাপি ।
অনুভবরূপমরূপং জযতি পরং কিমপি তে রূপম্ ॥ ১৪ ॥
অনুভবরূপমরূপং জযতি পরং কিমপি তে রূপম্ ॥ ১৪ ॥
অব্যযমকুলমমেযং বিগলিতসদসদ্বিবেককল্লোলম্ ।
জযতি প্রকাশবিভবস্ফীতং কাল্যাঃ পরং ধাম ॥ ১৫ ॥
জযতি প্রকাশবিভবস্ফীতং কাল্যাঃ পরং ধাম ॥ ১৫ ॥
ঋতুমুনিসঙ্খ্যং রূপং বিভজ্য পঞ্চপ্রকারমেকৈকম্ ।
দিব্যৌঘমুদ্গিরন্তী জযতি জগত্তারিণী জননী ॥ ১৬ ॥
দিব্যৌঘমুদ্গিরন্তী জযতি জগত্তারিণী জননী ॥ ১৬ ॥
ভূদিগ্গোখগদেবীচক্রসঞ্জ্ঞানবিভবপরিপূর্ণম্ ।
নিরুপমবিশ্রান্তিমযং শ্রীপীঠং জযতি তে রূপম্ ॥ ১৭ ॥
নিরুপমবিশ্রান্তিমযং শ্রীপীঠং জযতি তে রূপম্ ॥ ১৭ ॥
প্রলযলযান্তরভূমৌ বিলসিতসদসত্প্রপঞ্চপরিহীনাম্ ।
দেবি নিরুত্তরতরাং নৌমি সদা সর্বতঃ প্রকটাম্ ॥ ১৮ ॥
দেবি নিরুত্তরতরাং নৌমি সদা সর্বতঃ প্রকটাম্ ॥ ১৮ ॥
যাদৃঙ্মহাশ্মশানে দৃষ্টং দেব্যাঃ স্বরূপমকুলস্থম্ ।
তাদৃগ্ জগত্রযমিদং ভবতু তবাম্ব প্রসাদেন ॥ ১৯ ॥
তাদৃগ্ জগত্রযমিদং ভবতু তবাম্ব প্রসাদেন ॥ ১৯ ॥
ইত্থং স্বরূপস্তুতিরভ্যধাযি
সম্যক্সমাবেশদশাবশেন ।
মযা শিবেনাস্তু শিবায সম্যক্
মমৈব বিশ্বস্য তু মঙ্গলায ॥ ২০ ॥
সম্যক্সমাবেশদশাবশেন ।
মযা শিবেনাস্তু শিবায সম্যক্
মমৈব বিশ্বস্য তু মঙ্গলায ॥ ২০ ॥
॥ ইতি শ্রী শ্রীজ্ঞাননেত্রপাদ রচিতং শ্রী কালিকা স্বরূপ স্তুতিঃ ॥