॥ ശ്രീ ഗണേശായ നമഃ ॥
॥ ശ്രീ കാലികാ സ്വരൂപ സ്തുതിഃ ॥
സിതതരസംവിദവാപ്യം സദസത്കലനാവിഹീനമനുപാധി ।
ജയതി ജഗത്ത്രയരൂപം നീരൂപം ദേവി തേ രൂപമ് ॥ ൧ ॥
ജയതി ജഗത്ത്രയരൂപം നീരൂപം ദേവി തേ രൂപമ് ॥ ൧ ॥
ഏകമനേകാകാരം പ്രസൃതജഗദ്വ്യാപ്തിവികൃതിപരിഹീനമ് ।
ജയതി തവാദ്വയരൂപം വിമലമലം ചിത്സ്വരൂപാഖ്യമ് ॥ ൨ ॥
ജയതി തവാദ്വയരൂപം വിമലമലം ചിത്സ്വരൂപാഖ്യമ് ॥ ൨ ॥
ജയതി തവോച്ഛലദന്തഃ സ്വച്ഛേച്ഛായാഃ സ്വവിഗ്രഹഗ്രഹണമ് ।
കിമപി നിരുത്തരസഹജസ്വരൂപസംവിത്പ്രകാശമയമ് ॥ ൩ ॥
കിമപി നിരുത്തരസഹജസ്വരൂപസംവിത്പ്രകാശമയമ് ॥ ൩ ॥
വാന്ത്വാ സമസ്തകാലം ഭൂത്യാ ഝങ്കാരഘോരമൂര്തിമപി ।
നിഗ്രഹമസ്മിന് കൃത്വാനുഗ്രഹമപി കുര്വതീ ജയസി ॥ ൪ ॥
നിഗ്രഹമസ്മിന് കൃത്വാനുഗ്രഹമപി കുര്വതീ ജയസി ॥ ൪ ॥
കാലസ്യ കാലി ദേഹം വിഭജ്യ മുനിപഞ്ചസങ്ഖ്യയാ ഭിന്നമ് ।
സ്വസ്മിന് വിരാജമാനം തദ്രൂപം കുര്വതീ ജയസി ॥ ൫ ॥
സ്വസ്മിന് വിരാജമാനം തദ്രൂപം കുര്വതീ ജയസി ॥ ൫ ॥
ഭൈരവരൂപീ കാലഃ സൃജതി ജഗത്കാരണാദികീടാന്തമ് ।
ഇച്ഛാവശേന യസ്യാഃ സാ ത്വം ഭുവനാമ്ബികാ ജയസി ॥ ൬ ॥
ഇച്ഛാവശേന യസ്യാഃ സാ ത്വം ഭുവനാമ്ബികാ ജയസി ॥ ൬ ॥
ജയതി ശശാങ്കദിവാകരപാവകധാമത്രയാന്തരവ്യാപി ।
ജനനി തവ കിമപി വിമലം സ്വരൂപരൂപം പരന്ധാമ ॥ ൭ ॥
ജനനി തവ കിമപി വിമലം സ്വരൂപരൂപം പരന്ധാമ ॥ ൭ ॥
ഏകം സ്വരൂപരൂപം പ്രസരസ്ഥിതിവിലയഭേദസ്ത്രിവിധമ് ।
പ്രത്യേകമുദയസംസ്ഥിതിലയവിശ്രമതശ്ചതുര്വിധം തദപി ॥ ൮ ॥
പ്രത്യേകമുദയസംസ്ഥിതിലയവിശ്രമതശ്ചതുര്വിധം തദപി ॥ ൮ ॥
ഇതി വസുപഞ്ചകസങ്ഖ്യം വിധായ സഹജസ്വരൂപമാത്മീയമ് ।
വിശ്വവിവര്താവര്തപ്രവര്തക ജയതി തേ രൂപമ് ॥ ൯ ॥
വിശ്വവിവര്താവര്തപ്രവര്തക ജയതി തേ രൂപമ് ॥ ൯ ॥
സദസദ്വിഭേദസൂതേര്ദലനപരാ കാപി സഹജസംവിത്തിഃ ।
ഉദിതാ ത്വമേവ ഭഗവതി ജയസി ജയാദ്യേന രൂപേണ ॥ ൧൦ ॥
ഉദിതാ ത്വമേവ ഭഗവതി ജയസി ജയാദ്യേന രൂപേണ ॥ ൧൦ ॥
ജയതി സമസ്തചരാചരവിചിത്രവിശ്വപ്രപഞ്ചരചനോര്മി ।
അമലസ്വഭാവജലധൌ ശാന്തം കാന്തം ച തേ രൂപമ് ॥ ൧൧ ॥
അമലസ്വഭാവജലധൌ ശാന്തം കാന്തം ച തേ രൂപമ് ॥ ൧൧ ॥
സഹജോല്ലാസവികാസപ്രപൂരിതാശേഷവിശ്വവിഭവൈഷാ ।
പൂര്ണാ തവാമ്ബ മൂര്തിര്ജയതി പരാനന്ദസമ്പൂര്ണാ ॥ ൧൨ ॥
പൂര്ണാ തവാമ്ബ മൂര്തിര്ജയതി പരാനന്ദസമ്പൂര്ണാ ॥ ൧൨ ॥
കവലിതസകലജഗത്രയവികടമഹാകാലകവലനോദ്യുക്താ ।
ഉപഭുക്തഭാവവിഭവപ്രഭവാപി കൃശോദരീ ജയസി ॥ ൧൩ ॥
ഉപഭുക്തഭാവവിഭവപ്രഭവാപി കൃശോദരീ ജയസി ॥ ൧൩ ॥
രൂപത്രയപരിവര്ജിതമസമം രൂപത്രയാന്തരവ്യാപി ।
അനുഭവരൂപമരൂപം ജയതി പരം കിമപി തേ രൂപമ് ॥ ൧൪ ॥
അനുഭവരൂപമരൂപം ജയതി പരം കിമപി തേ രൂപമ് ॥ ൧൪ ॥
അവ്യയമകുലമമേയം വിഗലിതസദസദ്വിവേകകല്ലോലമ് ।
ജയതി പ്രകാശവിഭവസ്ഫീതം കാല്യാഃ പരം ധാമ ॥ ൧൫ ॥
ജയതി പ്രകാശവിഭവസ്ഫീതം കാല്യാഃ പരം ധാമ ॥ ൧൫ ॥
ഋതുമുനിസങ്ഖ്യം രൂപം വിഭജ്യ പഞ്ചപ്രകാരമേകൈകമ് ।
ദിവ്യൌഘമുദ്ഗിരന്തീ ജയതി ജഗത്താരിണീ ജനനീ ॥ ൧൬ ॥
ദിവ്യൌഘമുദ്ഗിരന്തീ ജയതി ജഗത്താരിണീ ജനനീ ॥ ൧൬ ॥
ഭൂദിഗ്ഗോഖഗദേവീചക്രസഞ്ജ്ഞാനവിഭവപരിപൂര്ണമ് ।
നിരുപമവിശ്രാന്തിമയം ശ്രീപീഠം ജയതി തേ രൂപമ് ॥ ൧൭ ॥
നിരുപമവിശ്രാന്തിമയം ശ്രീപീഠം ജയതി തേ രൂപമ് ॥ ൧൭ ॥
പ്രലയലയാന്തരഭൂമൌ വിലസിതസദസത്പ്രപഞ്ചപരിഹീനാമ് ।
ദേവി നിരുത്തരതരാം നൌമി സദാ സര്വതഃ പ്രകടാമ് ॥ ൧൮ ॥
ദേവി നിരുത്തരതരാം നൌമി സദാ സര്വതഃ പ്രകടാമ് ॥ ൧൮ ॥
യാദൃങ്മഹാശ്മശാനേ ദൃഷ്ടം ദേവ്യാഃ സ്വരൂപമകുലസ്ഥമ് ।
താദൃഗ് ജഗത്രയമിദം ഭവതു തവാമ്ബ പ്രസാദേന ॥ ൧൯ ॥
താദൃഗ് ജഗത്രയമിദം ഭവതു തവാമ്ബ പ്രസാദേന ॥ ൧൯ ॥
ഇത്ഥം സ്വരൂപസ്തുതിരഭ്യധായി
സമ്യക്സമാവേശദശാവശേന ।
മയാ ശിവേനാസ്തു ശിവായ സമ്യക്
മമൈവ വിശ്വസ്യ തു മങ്ഗലായ ॥ ൨൦ ॥
സമ്യക്സമാവേശദശാവശേന ।
മയാ ശിവേനാസ്തു ശിവായ സമ്യക്
മമൈവ വിശ്വസ്യ തു മങ്ഗലായ ॥ ൨൦ ॥
॥ ഇതി ശ്രീ ശ്രീജ്ഞാനനേത്രപാദ രചിതം ശ്രീ കാലികാ സ്വരൂപ സ്തുതിഃ ॥