શ્રી લલિતા મૂલ મન્ત્ર કવચમ્

અસ્ય શ્રીલલિતા કવચ સ્તવરત્ન મન્ત્રસ્ય, આનન્દભૈરવ ઋષિઃ, અમૃતવિરાટ્ છન્દઃ, શ્રી મહાત્રિપુરસુન્દરી લલિતાપરામ્બા દેવતા ઐં બીજં હ્રીં શક્તિઃ શ્રીં કીલકં, મમ શ્રી લલિતામ્બા પ્રસાદસિદ્ધ્યર્થે શ્રી લલિતા કવચસ્તવરત્ન મન્ત્ર જપે વિનિયોગઃ ।
કરન્યાસઃ ।
ઐં અઙ્ગુષ્ઠાભ્યાં નમઃ ।
હ્રીં તર્જનીભ્યાં નમઃ ।
શ્રીં મધ્યમાભ્યાં નમઃ ।
શ્રીં અનામિકાભ્યાં નમઃ ।
હ્રીં કનિષ્ઠિકાભ્યાં નમઃ ।
ઐં કરતલકરપૃષ્ઠાભ્યાં નમઃ ।
અઙ્ગન્યાસઃ ।
ઐં હૃદયાય નમઃ ।
હ્રીં શિરસે સ્વાહા ।
શ્રીં શિખાયૈ વષટ્ ।
શ્રીં કવચાય હુમ્ ।
હ્રીં નેત્રત્રયાય વૌષટ્ ।
ઐં અસ્ત્રાય ફટ્ ।
ભૂર્ભુવસ્સુવરોમિતિ દિગ્બન્ધઃ ।
ધ્યાનમ્ –
શ્રીવિદ્યાં પરિપૂર્ણમેરુશિખરે બિન્દુત્રિકોણેસ્થિતાં
વાગીશાદિ સમસ્તભૂતજનનીં મઞ્ચે શિવાકારકે ।
કામાક્ષીં કરુણારસાર્ણવમયીં કામેશ્વરાઙ્કસ્થિતાં
કાન્તાં ચિન્મયકામકોટિનિલયાં શ્રીબ્રહ્મવિદ્યાં ભજે ॥ 1 ॥

લમિત્યાદિ પઞ્ચપૂજાં કુર્યાત્ ।
લં – પૃથ્વીતત્ત્વાત્મિકાયૈ શ્રીલલિતાદેવ્યૈ ગન્ધં સમર્પયામિ ।
હં – આકાશતત્ત્વાત્મિકાયૈ શ્રીલલિતાદેવ્યૈ પુષ્પં સમર્પયામિ ।
યં – વાયુતત્ત્વાત્મિકાયૈ શ્રી લલિતાદેવ્યૈ ધૂપં સમર્પયામિ ।
રં – વહ્નિતત્ત્વાત્મિકાયૈ શ્રી લલિતાદેવ્યૈ દીપં સમર્પયામિ ।
વં – અમૃતતત્ત્વાત્મિકાયૈ શ્રી લલિતાદેવ્યૈ અમૃતનૈવેદ્યં સમર્પયામિ ।
પઞ્ચપૂજાં કૃત્વા યોનિમુદ્રાં પ્રદર્શ્ય ।
અથ કવચમ્ ।
કકારઃ પાતુ શીર્ષં મે એકારઃ પાતુ ફાલકમ્ ।
ઈકારશ્ચક્ષુષી પાતુ શ્રોત્રે રક્ષેલ્લકારકઃ ॥ 2 ॥

હ્રીઙ્કારઃ પાતુ નાસાગ્રં વક્ત્રં વાગ્ભવસઞ્જ્ઞિકઃ ।
હકારઃ પાતુ કણ્ઠં મે સકારઃ સ્કન્ધદેશકમ્ ॥ 3 ॥

કકારો હૃદયં પાતુ હકારો જઠરં તથા ।
લકારો નાભિદેશં તુ હ્રીઙ્કારઃ પાતુ ગુહ્યકમ્ ॥ 4 ॥

કામકૂટઃ સદા પાતુ કટિદેશં મમાવતુ ।
સકારઃ પાતુ ચોરૂ મે કકારઃ પાતુ જાનુની ॥ 5 ॥

લકારઃ પાતુ જઙ્ઘે મે હ્રીઙ્કારઃ પાતુ ગુલ્ફકૌ ।
શક્તિકૂટં સદા પાતુ પાદૌ રક્ષતુ સર્વદા ॥ 6 ॥

મૂલમન્ત્રકૃતં ચૈતત્કવચં યો જપેન્નરઃ ।
પ્રત્યહં નિયતઃ પ્રાતસ્તસ્ય લોકા વશંવદાઃ ॥ 7 ॥
ઉત્તરન્યાસઃ ।
કરન્યાસઃ –
ઐં અઙ્ગુષ્ઠાભ્યાં નમઃ ।
હ્રીં તર્જનીભ્યાં નમઃ ।
શ્રીં મધ્યમાભ્યાં નમઃ ।
શ્રીં અનામિકાભ્યાં નમઃ ।
હ્રીં કનિષ્ઠિકાભ્યાં નમઃ ।
ઐં કરતલકરપૃષ્ઠાભ્યાં નમઃ ।
અઙ્ગન્યાસઃ ।
ઐં હૃદયાય નમઃ ।
હ્રીં શિરસે સ્વાહા ।
શ્રીં શિખાયૈ વષટ્ ।
શ્રીં કવચાય હુમ્ ।
હ્રીં નેત્રત્રયાય વૌષટ્ ।
ઐં અસ્ત્રાય ફટ્ ।
ભૂર્ભુવસ્સુવરોમિતિ દિગ્વિમોકઃ ।