ಶ್ರೀ ಲಲಿತಾ ಮೂಲ ಮನ್ತ್ರ ಕವಚಮ್

ಅಸ್ಯ ಶ್ರೀಲಲಿತಾ ಕವಚ ಸ್ತವರತ್ನ ಮನ್ತ್ರಸ್ಯ, ಆನನ್ದಭೈರವ ಋಷಿಃ, ಅಮೃತವಿರಾಟ್ ಛನ್ದಃ, ಶ್ರೀ ಮಹಾತ್ರಿಪುರಸುನ್ದರೀ ಲಲಿತಾಪರಾಮ್ಬಾ ದೇವತಾ ಐಂ ಬೀಜಂ ಹ್ರೀಂ ಶಕ್ತಿಃ ಶ್ರೀಂ ಕೀಲಕಂ, ಮಮ ಶ್ರೀ ಲಲಿತಾಮ್ಬಾ ಪ್ರಸಾದಸಿದ್ಧ್ಯರ್ಥೇ ಶ್ರೀ ಲಲಿತಾ ಕವಚಸ್ತವರತ್ನ ಮನ್ತ್ರ ಜಪೇ ವಿನಿಯೋಗಃ ।
ಕರನ್ಯಾಸಃ ।
ಐಂ ಅಙ್ಗುಷ್ಠಾಭ್ಯಾಂ ನಮಃ ।
ಹ್ರೀಂ ತರ್ಜನೀಭ್ಯಾಂ ನಮಃ ।
ಶ್ರೀಂ ಮಧ್ಯಮಾಭ್ಯಾಂ ನಮಃ ।
ಶ್ರೀಂ ಅನಾಮಿಕಾಭ್ಯಾಂ ನಮಃ ।
ಹ್ರೀಂ ಕನಿಷ್ಠಿಕಾಭ್ಯಾಂ ನಮಃ ।
ಐಂ ಕರತಲಕರಪೃಷ್ಠಾಭ್ಯಾಂ ನಮಃ ।
ಅಙ್ಗನ್ಯಾಸಃ ।
ಐಂ ಹೃದಯಾಯ ನಮಃ ।
ಹ್ರೀಂ ಶಿರಸೇ ಸ್ವಾಹಾ ।
ಶ್ರೀಂ ಶಿಖಾಯೈ ವಷಟ್ ।
ಶ್ರೀಂ ಕವಚಾಯ ಹುಮ್ ।
ಹ್ರೀಂ ನೇತ್ರತ್ರಯಾಯ ವೌಷಟ್ ।
ಐಂ ಅಸ್ತ್ರಾಯ ಫಟ್ ।
ಭೂರ್ಭುವಸ್ಸುವರೋಮಿತಿ ದಿಗ್ಬನ್ಧಃ ।
ಧ್ಯಾನಮ್ –
ಶ್ರೀವಿದ್ಯಾಂ ಪರಿಪೂರ್ಣಮೇರುಶಿಖರೇ ಬಿನ್ದುತ್ರಿಕೋಣೇಸ್ಥಿತಾಂ
ವಾಗೀಶಾದಿ ಸಮಸ್ತಭೂತಜನನೀಂ ಮಞ್ಚೇ ಶಿವಾಕಾರಕೇ ।
ಕಾಮಾಕ್ಷೀಂ ಕರುಣಾರಸಾರ್ಣವಮಯೀಂ ಕಾಮೇಶ್ವರಾಙ್ಕಸ್ಥಿತಾಂ
ಕಾನ್ತಾಂ ಚಿನ್ಮಯಕಾಮಕೋಟಿನಿಲಯಾಂ ಶ್ರೀಬ್ರಹ್ಮವಿದ್ಯಾಂ ಭಜೇ ॥ 1 ॥

ಲಮಿತ್ಯಾದಿ ಪಞ್ಚಪೂಜಾಂ ಕುರ್ಯಾತ್ ।
ಲಂ – ಪೃಥ್ವೀತತ್ತ್ವಾತ್ಮಿಕಾಯೈ ಶ್ರೀಲಲಿತಾದೇವ್ಯೈ ಗನ್ಧಂ ಸಮರ್ಪಯಾಮಿ ।
ಹಂ – ಆಕಾಶತತ್ತ್ವಾತ್ಮಿಕಾಯೈ ಶ್ರೀಲಲಿತಾದೇವ್ಯೈ ಪುಷ್ಪಂ ಸಮರ್ಪಯಾಮಿ ।
ಯಂ – ವಾಯುತತ್ತ್ವಾತ್ಮಿಕಾಯೈ ಶ್ರೀ ಲಲಿತಾದೇವ್ಯೈ ಧೂಪಂ ಸಮರ್ಪಯಾಮಿ ।
ರಂ – ವಹ್ನಿತತ್ತ್ವಾತ್ಮಿಕಾಯೈ ಶ್ರೀ ಲಲಿತಾದೇವ್ಯೈ ದೀಪಂ ಸಮರ್ಪಯಾಮಿ ।
ವಂ – ಅಮೃತತತ್ತ್ವಾತ್ಮಿಕಾಯೈ ಶ್ರೀ ಲಲಿತಾದೇವ್ಯೈ ಅಮೃತನೈವೇದ್ಯಂ ಸಮರ್ಪಯಾಮಿ ।
ಪಞ್ಚಪೂಜಾಂ ಕೃತ್ವಾ ಯೋನಿಮುದ್ರಾಂ ಪ್ರದರ್ಶ್ಯ ।
ಅಥ ಕವಚಮ್ ।
ಕಕಾರಃ ಪಾತು ಶೀರ್ಷಂ ಮೇ ಏಕಾರಃ ಪಾತು ಫಾಲಕಮ್ ।
ಈಕಾರಶ್ಚಕ್ಷುಷೀ ಪಾತು ಶ್ರೋತ್ರೇ ರಕ್ಷೇಲ್ಲಕಾರಕಃ ॥ 2 ॥

ಹ್ರೀಙ್ಕಾರಃ ಪಾತು ನಾಸಾಗ್ರಂ ವಕ್ತ್ರಂ ವಾಗ್ಭವಸಞ್ಜ್ಞಿಕಃ ।
ಹಕಾರಃ ಪಾತು ಕಣ್ಠಂ ಮೇ ಸಕಾರಃ ಸ್ಕನ್ಧದೇಶಕಮ್ ॥ 3 ॥

ಕಕಾರೋ ಹೃದಯಂ ಪಾತು ಹಕಾರೋ ಜಠರಂ ತಥಾ ।
ಲಕಾರೋ ನಾಭಿದೇಶಂ ತು ಹ್ರೀಙ್ಕಾರಃ ಪಾತು ಗುಹ್ಯಕಮ್ ॥ 4 ॥

ಕಾಮಕೂಟಃ ಸದಾ ಪಾತು ಕಟಿದೇಶಂ ಮಮಾವತು ।
ಸಕಾರಃ ಪಾತು ಚೋರೂ ಮೇ ಕಕಾರಃ ಪಾತು ಜಾನುನೀ ॥ 5 ॥

ಲಕಾರಃ ಪಾತು ಜಙ್ಘೇ ಮೇ ಹ್ರೀಙ್ಕಾರಃ ಪಾತು ಗುಲ್ಫಕೌ ।
ಶಕ್ತಿಕೂಟಂ ಸದಾ ಪಾತು ಪಾದೌ ರಕ್ಷತು ಸರ್ವದಾ ॥ 6 ॥

ಮೂಲಮನ್ತ್ರಕೃತಂ ಚೈತತ್ಕವಚಂ ಯೋ ಜಪೇನ್ನರಃ ।
ಪ್ರತ್ಯಹಂ ನಿಯತಃ ಪ್ರಾತಸ್ತಸ್ಯ ಲೋಕಾ ವಶಂವದಾಃ ॥ 7 ॥
ಉತ್ತರನ್ಯಾಸಃ ।
ಕರನ್ಯಾಸಃ –
ಐಂ ಅಙ್ಗುಷ್ಠಾಭ್ಯಾಂ ನಮಃ ।
ಹ್ರೀಂ ತರ್ಜನೀಭ್ಯಾಂ ನಮಃ ।
ಶ್ರೀಂ ಮಧ್ಯಮಾಭ್ಯಾಂ ನಮಃ ।
ಶ್ರೀಂ ಅನಾಮಿಕಾಭ್ಯಾಂ ನಮಃ ।
ಹ್ರೀಂ ಕನಿಷ್ಠಿಕಾಭ್ಯಾಂ ನಮಃ ।
ಐಂ ಕರತಲಕರಪೃಷ್ಠಾಭ್ಯಾಂ ನಮಃ ।
ಅಙ್ಗನ್ಯಾಸಃ ।
ಐಂ ಹೃದಯಾಯ ನಮಃ ।
ಹ್ರೀಂ ಶಿರಸೇ ಸ್ವಾಹಾ ।
ಶ್ರೀಂ ಶಿಖಾಯೈ ವಷಟ್ ।
ಶ್ರೀಂ ಕವಚಾಯ ಹುಮ್ ।
ಹ್ರೀಂ ನೇತ್ರತ್ರಯಾಯ ವೌಷಟ್ ।
ಐಂ ಅಸ್ತ್ರಾಯ ಫಟ್ ।
ಭೂರ್ಭುವಸ್ಸುವರೋಮಿತಿ ದಿಗ್ವಿಮೋಕಃ ।