ശ്രീ ലലിതാ മൂല മന്ത്ര കവചമ്

അസ്യ ശ്രീലലിതാ കവച സ്തവരത്ന മന്ത്രസ്യ, ആനന്ദഭൈരവ ഋഷിഃ, അമൃതവിരാട് ഛന്ദഃ, ശ്രീ മഹാത്രിപുരസുന്ദരീ ലലിതാപരാമ്ബാ ദേവതാ ഐം ബീജം ഹ്രീം ശക്തിഃ ശ്രീം കീലകം, മമ ശ്രീ ലലിതാമ്ബാ പ്രസാദസിദ്ധ്യര്ഥേ ശ്രീ ലലിതാ കവചസ്തവരത്ന മന്ത്ര ജപേ വിനിയോഗഃ ।
കരന്യാസഃ ।
ഐം അങ്ഗുഷ്ഠാഭ്യാം നമഃ ।
ഹ്രീം തര്ജനീഭ്യാം നമഃ ।
ശ്രീം മധ്യമാഭ്യാം നമഃ ।
ശ്രീം അനാമികാഭ്യാം നമഃ ।
ഹ്രീം കനിഷ്ഠികാഭ്യാം നമഃ ।
ഐം കരതലകരപൃഷ്ഠാഭ്യാം നമഃ ।
അങ്ഗന്യാസഃ ।
ഐം ഹൃദയായ നമഃ ।
ഹ്രീം ശിരസേ സ്വാഹാ ।
ശ്രീം ശിഖായൈ വഷട് ।
ശ്രീം കവചായ ഹുമ് ।
ഹ്രീം നേത്രത്രയായ വൌഷട് ।
ഐം അസ്ത്രായ ഫട് ।
ഭൂര്ഭുവസ്സുവരോമിതി ദിഗ്ബന്ധഃ ।
ധ്യാനമ് –
ശ്രീവിദ്യാം പരിപൂര്ണമേരുശിഖരേ ബിന്ദുത്രികോണേസ്ഥിതാം
വാഗീശാദി സമസ്തഭൂതജനനീം മഞ്ചേ ശിവാകാരകേ ।
കാമാക്ഷീം കരുണാരസാര്ണവമയീം കാമേശ്വരാങ്കസ്ഥിതാം
കാന്താം ചിന്മയകാമകോടിനിലയാം ശ്രീബ്രഹ്മവിദ്യാം ഭജേ ॥ 1 ॥

ലമിത്യാദി പഞ്ചപൂജാം കുര്യാത് ।
ലം – പൃഥ്വീതത്ത്വാത്മികായൈ ശ്രീലലിതാദേവ്യൈ ഗന്ധം സമര്പയാമി ।
ഹം – ആകാശതത്ത്വാത്മികായൈ ശ്രീലലിതാദേവ്യൈ പുഷ്പം സമര്പയാമി ।
യം – വായുതത്ത്വാത്മികായൈ ശ്രീ ലലിതാദേവ്യൈ ധൂപം സമര്പയാമി ।
രം – വഹ്നിതത്ത്വാത്മികായൈ ശ്രീ ലലിതാദേവ്യൈ ദീപം സമര്പയാമി ।
വം – അമൃതതത്ത്വാത്മികായൈ ശ്രീ ലലിതാദേവ്യൈ അമൃതനൈവേദ്യം സമര്പയാമി ।
പഞ്ചപൂജാം കൃത്വാ യോനിമുദ്രാം പ്രദര്ശ്യ ।
അഥ കവചമ് ।
കകാരഃ പാതു ശീര്ഷം മേ ഏകാരഃ പാതു ഫാലകമ് ।
ഈകാരശ്ചക്ഷുഷീ പാതു ശ്രോത്രേ രക്ഷേല്ലകാരകഃ ॥ 2 ॥

ഹ്രീങ്കാരഃ പാതു നാസാഗ്രം വക്ത്രം വാഗ്ഭവസഞ്ജ്ഞികഃ ।
ഹകാരഃ പാതു കണ്ഠം മേ സകാരഃ സ്കന്ധദേശകമ് ॥ 3 ॥

കകാരോ ഹൃദയം പാതു ഹകാരോ ജഠരം തഥാ ।
ലകാരോ നാഭിദേശം തു ഹ്രീങ്കാരഃ പാതു ഗുഹ്യകമ് ॥ 4 ॥

കാമകൂടഃ സദാ പാതു കടിദേശം മമാവതു ।
സകാരഃ പാതു ചോരൂ മേ കകാരഃ പാതു ജാനുനീ ॥ 5 ॥

ലകാരഃ പാതു ജങ്ഘേ മേ ഹ്രീങ്കാരഃ പാതു ഗുല്ഫകൌ ।
ശക്തികൂടം സദാ പാതു പാദൌ രക്ഷതു സര്വദാ ॥ 6 ॥

മൂലമന്ത്രകൃതം ചൈതത്കവചം യോ ജപേന്നരഃ ।
പ്രത്യഹം നിയതഃ പ്രാതസ്തസ്യ ലോകാ വശംവദാഃ ॥ 7 ॥
ഉത്തരന്യാസഃ ।
കരന്യാസഃ –
ഐം അങ്ഗുഷ്ഠാഭ്യാം നമഃ ।
ഹ്രീം തര്ജനീഭ്യാം നമഃ ।
ശ്രീം മധ്യമാഭ്യാം നമഃ ।
ശ്രീം അനാമികാഭ്യാം നമഃ ।
ഹ്രീം കനിഷ്ഠികാഭ്യാം നമഃ ।
ഐം കരതലകരപൃഷ്ഠാഭ്യാം നമഃ ।
അങ്ഗന്യാസഃ ।
ഐം ഹൃദയായ നമഃ ।
ഹ്രീം ശിരസേ സ്വാഹാ ।
ശ്രീം ശിഖായൈ വഷട് ।
ശ്രീം കവചായ ഹുമ് ।
ഹ്രീം നേത്രത്രയായ വൌഷട് ।
ഐം അസ്ത്രായ ഫട് ।
ഭൂര്ഭുവസ്സുവരോമിതി ദിഗ്വിമോകഃ ।