ശ്രീമാന് യസ്യാഃ പ്രിയസ്സന് സകലമപി ജഗജ്ജങ്ഗമസ്ഥാവരാദ്യം
സ്വര്ഭൂപാതാലഭേദം വിവിധവിധമഹാശില്പസാമര്ഥ്യസിദ്ധമ് ।
രഞ്ജന് ബ്രഹ്മാമരേന്ദ്രൈസ്ത്രിഭുവനജനകഃ സ്തൂയതേ ഭൂരിശോ യഃ
സാ വിഷ്ണോരേകപത്നീ ത്രിഭുവനജനനീ പാതു പദ്മാവതീ നഃ ॥ 1 ॥
സ്വര്ഭൂപാതാലഭേദം വിവിധവിധമഹാശില്പസാമര്ഥ്യസിദ്ധമ് ।
രഞ്ജന് ബ്രഹ്മാമരേന്ദ്രൈസ്ത്രിഭുവനജനകഃ സ്തൂയതേ ഭൂരിശോ യഃ
സാ വിഷ്ണോരേകപത്നീ ത്രിഭുവനജനനീ പാതു പദ്മാവതീ നഃ ॥ 1 ॥
ശ്രീശൃങ്ഗാരൈകദേവീം വിധിമുഖസുമനഃകോടികോടീരജാഗ്ര-
ദ്രത്നജ്യോത്സ്നാപ്രസാരപ്രകടിതചരണാമ്ഭോജനീരാജിതാര്ചാമ് ।
ഗീര്വാണസ്ത്രൈണവാണീപരിഫണിതമഹാകീര്തിസൌഭാഗ്യഭാഗ്യാം
ഹേലാനിര്ദഗ്ധദൈന്യശ്രമവിഷമമഹാരണ്യഗണ്യാം നമാമി ॥ 2 ॥
ദ്രത്നജ്യോത്സ്നാപ്രസാരപ്രകടിതചരണാമ്ഭോജനീരാജിതാര്ചാമ് ।
ഗീര്വാണസ്ത്രൈണവാണീപരിഫണിതമഹാകീര്തിസൌഭാഗ്യഭാഗ്യാം
ഹേലാനിര്ദഗ്ധദൈന്യശ്രമവിഷമമഹാരണ്യഗണ്യാം നമാമി ॥ 2 ॥
വിദ്യുത്കോടിപ്രകാശാം വിവിധമണിഗണോന്നിദ്രസുസ്നിഗ്ധശോഭാ-
സമ്പത്സമ്പൂര്ണഹാരാദ്യഭിനവവിഭവാലങ്ക്രിയോല്ലാസികണ്ഠാമ് ।
ആദ്യാം വിദ്യോതമാനസ്മിതരുചിരചിതാനല്പചന്ദ്രപ്രകാശാം
പദ്മാം പദ്മായതാക്ഷീം പദനലിനനമത്പദ്മസദ്മാം നമാമി ॥ 3 ॥
സമ്പത്സമ്പൂര്ണഹാരാദ്യഭിനവവിഭവാലങ്ക്രിയോല്ലാസികണ്ഠാമ് ।
ആദ്യാം വിദ്യോതമാനസ്മിതരുചിരചിതാനല്പചന്ദ്രപ്രകാശാം
പദ്മാം പദ്മായതാക്ഷീം പദനലിനനമത്പദ്മസദ്മാം നമാമി ॥ 3 ॥
ശശ്വത്തസ്യാഃ ശ്രയേഽഹം ചരണസരസിജം ശാര്ങ്ഗപാണേഃ പുരന്ധ്ര്യാഃ
സ്തോകം യസ്യാഃ പ്രസാദഃ പ്രസരതി മനുജേ ക്രൂരദാരിദ്ര്യദഗ്ധേ ।
സോഽയം സദ്യോഽനവദ്യസ്ഥിരതരരുചിരശ്രേഷ്ഠഭൂയിഷ്ഠനവ്യ-
സ്തവ്യപ്രാസാദപങ്ക്തിപ്രസിതബഹുവിധപ്രാഭവോ ബോഭവീതി ॥ 4 ॥
സ്തോകം യസ്യാഃ പ്രസാദഃ പ്രസരതി മനുജേ ക്രൂരദാരിദ്ര്യദഗ്ധേ ।
സോഽയം സദ്യോഽനവദ്യസ്ഥിരതരരുചിരശ്രേഷ്ഠഭൂയിഷ്ഠനവ്യ-
സ്തവ്യപ്രാസാദപങ്ക്തിപ്രസിതബഹുവിധപ്രാഭവോ ബോഭവീതി ॥ 4 ॥
സൌന്ദര്യോദ്വേലഹേമാമ്ബുജമഹിതമഹാസിംഹപീഠാശ്രയാഢ്യാം
പുഷ്യന്നീലാരവിന്ദപ്രതിമവരകൃപാപൂരസമ്പൂര്ണനേത്രാമ് ।
ജ്യോത്സ്നാപീയൂഷധാരാവഹനവസുഷമക്ഷൌമധാമോജ്ജ്വലാങ്ഗീം
വന്ദേ സിദ്ധേശചേതസ്സരസിജനിലയാം ചക്രിസൌഭാഗ്യഋദ്ധിമ് ॥ 5 ॥
പുഷ്യന്നീലാരവിന്ദപ്രതിമവരകൃപാപൂരസമ്പൂര്ണനേത്രാമ് ।
ജ്യോത്സ്നാപീയൂഷധാരാവഹനവസുഷമക്ഷൌമധാമോജ്ജ്വലാങ്ഗീം
വന്ദേ സിദ്ധേശചേതസ്സരസിജനിലയാം ചക്രിസൌഭാഗ്യഋദ്ധിമ് ॥ 5 ॥
സംസാരക്ലേശഹന്ത്രീം സ്മിതരുചിരമുഖീം സാരശൃങ്ഗാരശോഭാം
സര്വൈശ്വര്യപ്രദാത്രീം സരസിജനയനാം സംസ്തുതാം സാധുബൃന്ദൈഃ ।
സംസിദ്ധസ്നിഗ്ധഭാവാം സുരഹിതചരിതാം സിന്ധുരാജാത്മഭൂതാം
സേവേ സമ്ഭാവനീയാനുപമിതമഹിമാം സച്ചിദാനന്ദരൂപാമ് ॥ 6 ॥
സര്വൈശ്വര്യപ്രദാത്രീം സരസിജനയനാം സംസ്തുതാം സാധുബൃന്ദൈഃ ।
സംസിദ്ധസ്നിഗ്ധഭാവാം സുരഹിതചരിതാം സിന്ധുരാജാത്മഭൂതാം
സേവേ സമ്ഭാവനീയാനുപമിതമഹിമാം സച്ചിദാനന്ദരൂപാമ് ॥ 6 ॥
സിദ്ധസ്വര്ണോപമാനദ്യുതിലസിതതനും സ്നിഗ്ധസമ്പൂര്ണചന്ദ്ര-
വ്രീഡാസമ്പാദിവക്ത്രാം തിലസുമവിജയോദ്യോഗനിര്നിദ്രനാസാമ് ।
താദാത്വോത്ഫുല്ലനീലാമ്ബുജഹസനചണാത്മീയചക്ഷുഃ പ്രകാശാം
ബാലശ്രീലപ്രവാലപ്രിയസഖചരണദ്വന്ദ്വരമ്യാം ഭജേഽഹമ് ॥ 7 ॥
വ്രീഡാസമ്പാദിവക്ത്രാം തിലസുമവിജയോദ്യോഗനിര്നിദ്രനാസാമ് ।
താദാത്വോത്ഫുല്ലനീലാമ്ബുജഹസനചണാത്മീയചക്ഷുഃ പ്രകാശാം
ബാലശ്രീലപ്രവാലപ്രിയസഖചരണദ്വന്ദ്വരമ്യാം ഭജേഽഹമ് ॥ 7 ॥
യാം ദേവീം മൌനിവര്യാഃ ശ്രയദമരവധൂമൌലിമാല്യാര്ചിതാങ്ഘ്രിം
സംസാരാസാരവാരാന്നിധിതരതരണേ സര്വദാ ഭാവയന്തേ ।
ശ്രീകാരോത്തുങ്ഗരത്നപ്രചുരിതകനകസ്നിഗ്ധശുദ്ധാന്തലീലാം
താം ശശ്വത്പാദപദ്മശ്രയദഖിലഹൃദാഹ്ലാദിനീം ഹ്ലാദയേഽഹമ് ॥ 8 ॥
സംസാരാസാരവാരാന്നിധിതരതരണേ സര്വദാ ഭാവയന്തേ ।
ശ്രീകാരോത്തുങ്ഗരത്നപ്രചുരിതകനകസ്നിഗ്ധശുദ്ധാന്തലീലാം
താം ശശ്വത്പാദപദ്മശ്രയദഖിലഹൃദാഹ്ലാദിനീം ഹ്ലാദയേഽഹമ് ॥ 8 ॥
ആകാശാധീശപുത്രീം ശ്രിതജനനിവഹാധീനചേതഃപ്രവൃത്തിം
വന്ദേ ശ്രീവേങ്കടേശപ്രഭുവരമഹിഷീം ദീനചിത്തപ്രതോഷാമ് ।
പുഷ്യത്പാദാരവിന്ദപ്രസൃമരസുമഹശ്ശാമിതസ്വാശ്രിതാന്ത-
സ്താമിസ്രാം തത്ത്വരൂപാം ശുകപുരനിലയാം സര്വസൌഭാഗ്യദാത്രീമ് ॥ 9 ॥
വന്ദേ ശ്രീവേങ്കടേശപ്രഭുവരമഹിഷീം ദീനചിത്തപ്രതോഷാമ് ।
പുഷ്യത്പാദാരവിന്ദപ്രസൃമരസുമഹശ്ശാമിതസ്വാശ്രിതാന്ത-
സ്താമിസ്രാം തത്ത്വരൂപാം ശുകപുരനിലയാം സര്വസൌഭാഗ്യദാത്രീമ് ॥ 9 ॥
ശ്രീശേഷശര്മാഭിനവോപക്ലുപ്താ
പ്രിയേണ ഭക്ത്യാ ച സമര്പിതേയമ് ।
പദ്മാവതീമങ്ഗലകണ്ഠഭൂഷാ
വിരാജതാം ശ്രീനവരത്നമാലാ ॥ 10 ॥
പ്രിയേണ ഭക്ത്യാ ച സമര്പിതേയമ് ।
പദ്മാവതീമങ്ഗലകണ്ഠഭൂഷാ
വിരാജതാം ശ്രീനവരത്നമാലാ ॥ 10 ॥
ഇതി ശ്രീ പദ്മാവതീ നവരത്നമാലികാ സ്തുതിഃ ।