શ્રી પ્રત્યઙ્ગિરા ખડ્ગમાલા સ્તોત્રમ્

॥ શ્રી પ્રત્યઙ્ગિરા ખડ્ગમાલા સ્તોત્રમ્ ॥

(દ્વિસહસ્રાક્ષરી)

અસ્ય શ્રી અથર્વણ ભદ્રકાલી મહા મહા પ્રત્યઙ્ગિરા પરમેશ્વરિ શુદ્ધશક્તિ સમ્બુદ્ધ્યન્ત માલા મહા મન્ત્રસ્ય ઉપસ્થેન્દ્રિયાધિષ્ઠાયી વરુણાદિત્ય અઙ્ગિરા પ્રત્યઙ્ગિરા વિજય ભૈરવાદિ સ્વર્ણાકર્ષણભૈરવાત્મક ધ્યાન પરિપૂર્ણાનન્દ પરાશિવ ઋષિઃ અનુષ્ટુપ્ છન્દઃ મહોગ્ર ક્ષકાર ભટ્ટારક મહાપીઠસ્થિત મહાકાલાઙ્ગનિલયા શ્રી બ્રાહ્મી નારાયણી રૌદ્રી ઉગ્રકૃત્યા મહાકૃત્યાત્મક અથર્વણ ભદ્રકાલી મહા મહા પ્રત્યઙ્ગિરા પરમેશ્વરી શ્રીમાતા દેવતા ક્ષં બીજં ફટ્ શક્તિઃ સ્વાહા કીલકં શ્રીમહાપ્રત્યઙ્ગિરા ખડ્ગસિદ્ધ્યર્થે વિનિયોગઃ ॥

કરન્યાસઃ

ક્ષાં અઙ્ગુષ્ઠાભ્યાં નમઃ ।
ક્ષીં તર્જનીભ્યાં નમઃ ।
ક્ષૂં મધ્યમાભ્યાં નમઃ ।
ક્ષૈં અનમિકાભ્યાં નમઃ ।
ક્ષૌં કનિષ્ઠિકાભ્યાં નમઃ ।
ક્ષઃ કરતલ કરપૃષ્ઠાભ્યાં નમઃ ।

હૃદયાદિન્યાસઃ

ક્ષાં હૃદયાય નમઃ ।
ક્ષીં શિરસે સ્વાહા ।
ક્ષૂં શિખાયૈ વષટ્ ।
ક્ષૈં કવચાય હુમ્ ।
ક્ષૌં નેત્રત્રયાય વૌષટ્ ।
ક્ષઃ અસ્ત્રાય ફટ્ ।

ધ્યાનમ્

આશામ્બરા મુક્તકચા ઘનચ્છવિ-
-ર્ધ્યેયા સચર્માસિ કરા હિ ભૂષણા ।
દંષ્ટ્રોગ્રવક્ત્રા ગ્રસિતા હિતા ત્વયા
પ્રત્યઙ્ગિરા શઙ્કર તેજસેરિતા ॥ ૧ ॥

સિંહીં સિંહમુખીં સખીં ભગવતીં શ્રીભૈરવસ્યોલ્લસત્
શૂલ સ્થૂલ કપાલ પાશ ડમરુ વ્યાઘ્રાગ્ર હસ્તામ્બુજામ્ ।
દંષ્ટ્રાં કોટિ વિશઙ્કટાસ્ય કુહરામારક્તનેત્રત્રયાં
બાલેન્દૂજ્જ્વલ મૌલિકાં ભગવતીં પ્રત્યઙ્ગિરાં ભાવયે ॥ ૨ ॥

પઞ્ચપૂજા

લં પૃથિવ્યાત્મિકાયૈ ગન્ધં સમર્પયામિ ।
હં આકાશાત્મિકાયૈ પુષ્પૈઃ પૂજયામિ ।
યં વાય્વાત્મિકાયૈ ધૂપમાઘ્રાપયામિ ।
રં અગ્ન્યાત્મિકાયૈ દીપં દર્શયામિ ।
વં અમૃતાત્મિકાયૈ અમૃતં મહાનૈવેદ્યં નિવેદયામિ ।
સં સર્વાત્મિકાયૈ સર્વોપચાર પૂજાં સમર્પયામિ ।

અથ દ્વિસહસ્રાક્ષરી ખડ્ગમાલા મન્ત્રઃ

ૐ ઐં હ્રીં ક્લીં ક્ષ્મ્રૌં ક્રીં શ્રીં લં ક્ષં હું ફટ્ સ્વાહા ॥

ઓં નમો પ્રત્યઙ્ગિરે હૃદયદેવિ શિરોદેવિ શિખાદેવિ કવચદેવિ નેત્રદેવિ અસ્ત્રદેવિ કાલિ કપાલિનિ કુલ્લે કુરુકુલ્લે વિરોધિનિ વિપ્રચિત્તે ઉગ્રે ઉગ્રપ્રભે દીપ્તે નીલે ઘને બલાકે માત્રે મુદ્રે મિતે પરમાત્મિકે પરમેશ્વરપરમેશ્વરિ અઙ્ગિરા પ્રત્યઙ્ગિરા મયિ મહાદેવ્યમ્બે મહાદેવાનન્દમયિ ત્રિપુરાનન્દમયિ ચલચ્ચિત્તાનન્દમયિ ચલાચલાનન્દમયિ કુમારાનન્દમયિ ક્રોધાનન્દમયિ વરદાનન્દમયિ સ્મરદીપાનન્દમયિ શ્રીમત્સેનાનન્દમયિ સુધાકરાનન્દમયિ પ્રહ્લાદાનન્દમયિ સનકાનન્દમયિ વસિષ્ઠાનન્દમયિ ભોગાનન્દમયિ મીનાનન્દમયિ ગોરક્ષકાનન્દમયિ ભોજદેવાનન્દમયિ પ્રજાપત્યાનન્દમયિ મૂલદેવાનન્દમયિ રન્તિદેવાનન્દમયિ વિઘ્નેશ્વરાનન્દમયિ હુતાશનાનન્દમયિ સમયાનન્દમયિ સન્તોષાનન્દમયિ ગણેશિ દુર્ગે વટુકેશ્વરિ ક્ષેત્રપાલામ્બે સરસ્વતિ લક્ષ્મિ શઙ્ખનિધે પદ્મનિધે ક્ષેત્રપાલેશ્વરિ અઘોરે શરભેશ્વરિ મહાસુદર્શનશક્તે ઐન્દ્રિ આગ્નેયિ યામ્યે નૈરૃત્યે વારુણિ વાયવ્યે કૌબેરિ ઈશાનિ બ્રાહ્મિ વૈષ્ણવિ વાસ્તુપુરુષમયિ વજ્રિણિ શક્તિનિ દણ્ડિનિ ખડ્ગિનિ પાશિનિ અઙ્કુશિનિ ગદિનિ ત્રિશૂલિનિ પદ્મિનિ ચક્રિણિ સર્વસ્તમ્ભિનિ મુદ્રાશક્તે ભૂપુરાત્મક ત્રૈલોક્ય સર્વસમ્મોહન ચક્રસ્વામિનિ નીલકણ્ઠભૈરવશક્તિસહિત જયાદિ પ્રથમાષ્ટકોટિયોગિનીવૃન્દ મયૂકાવૃતે ॥ ૧ ॥

કૌલાનન્દમયિ પરમાચાર્યમયિ પરમગુરુમયિ પરમેષ્ઠિ ગુરુમયિ પ્રહ્લાદનાથમયિ સકલાનન્દનાથમયિ કુમારાનન્દનાથમયિ દિવ્યૌઘમયિ વસિષ્ઠાનન્દનાથમયિ ક્રોધાનન્દનાથમયિ સુરાનન્દનાથમયિ સિદ્ધૌઘમયિ ધ્યાનાનન્દનાથમયિ બોધાનન્દનાથમયિ સુખાનન્દનાથમયિ માનૌઘમયિ સર્વસમ્મોહિની મુદ્રાશક્તે ત્રિવલયરૂપ ગુરુમણ્ડલાત્મક સૃષ્ટિચક્રસ્વામિનિ વિશ્વરૂપભૈરવશક્તિસહિત પ્રેતાસનાદિ દ્વિતીયાષ્ટકોટિયોગિનીવૃન્દ મયૂકાવૃતે ॥ ૨ ॥

અસિતાઙ્ગભૈરવિ બ્રાહ્મિ રુરુભૈરવિ મહેશ્વરિ ચણ્ડભૈરવિ કૌમારિ ક્રોધભૈરવિ વૈષ્ણવિ ઉન્મત્તભૈરવિ વારાહિ કપાલભૈરવિ માહેન્દ્રિ ભીષણભૈરવિ ચામુણ્ડે સંહારભૈરવિ નારસિંહિ સર્વસઙ્ક્ષોભિણી મુદ્રાશક્તે ષોડશદલરૂપ અષ્ટભૈરવશક્તિસહિત અષ્ટમાતૃકાત્મક સર્વાકર્ષણચક્રસ્વામિનિ મેઘનાથભૈરવશક્તિસહિત ઊર્ધ્વકેશીત્યાદિ તૃતીયાષ્ટકોટિયોગિનીવૃન્દ મયૂકાવૃતે ॥ ૩ ॥

કામરૂપ પીઠશક્ત્યાત્મિકે મલયગિરિ પીઠાત્મિકે કોલ્હાગિરિ પીઠેશ્વરિ કાલાન્તક પીઠશક્તે ચૌહાર પીઠામ્બે જાલન્ધર પીઠરૂપિણી ઉડ્ડિયાણ પીઠસ્થિતે દેવકૂટ પીઠશ્રીઃ સર્વવિદ્રાવિણી મુદ્રાશક્તે અષ્ટદલગ્રન્થિસ્થાનરૂપ અષ્ટશક્તિપીઠાત્મકઃ અન્તર્બહિર્-મહાશત્રુસંહારચક્રસ્વામિનિ ગદાધરભૈરવશક્તિસહિત રાક્ષસીત્યાદિ તુરીયાષ્ટકોટિયોગિનીવૃન્દ મયૂકાવૃતે ॥ ૪ ॥

હેતુકભૈરવિ વેતાલભૈરવિ ત્રિપુરાન્તકભૈરવિ અગ્નિજિહ્વભૈરવિ કાલાન્તકભૈરવિ એકપાદભૈરવિ કપાલભૈરવિ ભીમરૂપભૈરવિ મલયભૈરવિ હાટકેશ્વરભૈરવિ સર્વજૃમ્ભિણી મુદ્રાશક્તે વૃત્તમણ્ડલરૂપ દશભૈરવશક્ત્યાત્મક સર્વસ્થૂલભેદનચક્રસ્વામિનિ સંહારભૈરવશક્તિસહિત ભૈરવીત્યાદિ પઞ્ચમાષ્ટકોટિયોગિનીવૃન્દ મયૂકાવૃતે ॥ ૫ ॥

સર્વસ્તમ્ભિનિ સર્વસઙ્ક્ષોભિણિ સર્વવિદ્રાવિણિ સર્વભ્રામિણિ સર્વસમ્મોદિનિ સર્વજૃમ્ભિણિ સર્વરૌદ્રિણિ સર્વસંહારિણિ સર્વબીજમુદ્રાશક્તે દ્વિચતુરસ્ર અષ્ટયોનિરૂપ અષ્ટમુદ્રાશક્ત્યાત્મક સર્વસૂક્ષ્મોચ્ચાટનચક્રસ્વામિનિ કુલભૈરવશક્તિસહિત કાલીત્યાદિ ષષ્ટાષ્ટકોટિયોગિનીવૃન્દ મયૂકાવૃતે ॥ ૬ ॥

હૃદયશક્તિ વામિનિ શિરસશક્તિ નીલિનિ શિખાશક્તિ ચક્રિણિ કવચશક્તિ ખડ્ગિનિ નેત્રશક્તિ પાશાઙ્ગિ અસ્ત્રશક્તિ કમ્પિનિ સર્વસંહારિણિમુદ્રાશક્તે ષટ્કોણરૂપ ષડઙ્ગશક્ત્યાત્મક સર્વલયાઙ્ગચક્રસ્વામિનિ ત્રિનેત્રભૈરવશક્તિસહિત કેશિન્યાદિ સપ્તમાષ્ટકોટિયોગિનીવૃન્દ મયૂકાવૃતે ॥ ૭ ॥

મધુરકાલિ ભદ્રકાલિ નિત્યકાલિ સર્વયોનિમુદ્રાશક્તે મહાયોનિરૂપ અષ્ટોત્તરશત મહાકાલીશક્ત્યાત્મક સર્વતિરોધાનચક્રસ્વામિનિ ઈશભૈરવશક્તિસહિત મુણ્ડાગ્રધારિણીત્યાદિ અષ્ટમાષ્ટકોટિયોગિનીવૃન્દ મયૂકાવૃતે ॥ ૮ ॥

વિજયભૈરવ મહાવીરશક્તે સર્વાકર્ષણ ભૈરવનાથે મહાકાલકાલભૈરવ પ્રાણનાડિ દક્ષિણકાલિ ભદ્રકાલિ રુદ્રભૂકાલિ કાલકાલિ ગુહ્યકાલિ કામકલાકાલિ ધનકાલિ સિદ્ધિકાલિ ચણ્ડિકાલિ નવકન્યાદિરૂપે શ્રીમચ્છ્રીપ્રત્યઙ્ગિરે વટુકેશ્વરિ યોગિન્યઃ ક્ષેત્રપાલમયિ ગણેશ સુધામયિ દ્વાદશાદિત્યમયિ એકાદશરુદ્રમયિ સર્વત્રિખણ્ડામુદ્રાશક્તે શૂલિનિ કપાલિનિ ડમરુકવતિ બ્રાહ્મિપ્રત્યઙ્ગિરે મહાકૃત્યાપ્રત્યઙ્ગિરે અક્ષમાલા કુણ્ડિકા પદ્મ પાનપાત્ર બાણ ચાપ ખડ્ગ ચર્મ કુલિશદણ્ડ ગદા શક્તિ ચક્ર પાશ ત્રિશૂલદણ્ડ પરશુ શઙ્ખાદિ સહસ્રકોટ્યાયુધધારિણિ શતસહસ્રકોટિસિંહાસને સહસ્રવદને સિંહવક્ત્રે જ્વાલાજિહ્વે કરાલદંષ્ટ્રે અજિતે અપરાજિતે સર્વવિઘ્નનાશિનિ સર્વસઙ્કટનિવારિણિ સર્વાર્થસુ મન્ત્રસિદ્ધિપ્રદે સર્વદુર્મન્ત્રવિધ્વંસિનિ પરમન્ત્રોચ્ચાટિનિ પરમાનુગ્રહ ક્ષિપ્રપ્રસાદિનિ સર્વાનન્દપરિપૂર્ણ શુદ્ધચૈતન્ય મહામહાજ્વલજ્જ્વાલા મહાબિન્દુચક્રસ્વામિનિ મહાચતુષ્ષષ્ટિકોટિભૈરવશક્તિસહિત મહાચતુષ્ષષ્ટિકોટિયોગિનીવૃન્દ મયૂકાવૃતે ॥ ૯ ॥

સર્વતન્ત્રાત્મિકે સર્વયન્ત્રાત્મિકે સર્વમન્ત્રાત્મિકે સર્વનાદાત્મિકે સર્વવિદ્યાત્મિકે સર્વસર્વાત્મિકે શ્રીશારદે મહામહામાયે મહામહાકાલિ મહામહામારિ મહાયોગેશ્વરિ મહાકાલરાત્રિ મહામોહરાત્રિ મહાકાલચક્રમહાસામ્રાજ્ઞિ મહેશ્વરમહાકલ્પમહાતાણ્ડવમહાસાક્ષિણિ અખિલાણ્ડકોટિબ્રહ્માણ્ડનાયિકે મહામહાપ્રત્યઙ્ગિરે નમસ્તે નમસ્તે નમસ્તે નમઃ ॥

સ્વાહા ફટ્ હું ક્ષં લં શ્રીં ક્રીં ક્ષ્મ્રૌં ક્લીં હ્રીં ઐં ઓમ્ ॥

પ્રાર્થના

બ્રહ્મસ્વરૂપે બ્રહ્મેશિ બ્રહ્માસ્ત્રખડ્ગધારિણિ ।
બ્રાહ્મિ પ્રત્યઙ્ગિરે દેવિ અવ બ્રહ્મ દ્વિષો જહિ ॥ ૧ ॥

વિષ્ણુરૂપે વૈષ્ણવિ ચક્રાસ્ત્રખડ્ગધારિણિ ।
નારાયણિ પ્રત્યઙ્ગિરે મમ શત્રૂન્ વિદ્વેષય ॥ ૨ ॥

રુદ્રસ્વરૂપે રુદ્રેશિ રુદ્રાસ્ત્રખડ્ગધારિણિ ।
રૌદ્રિ પ્રત્યઙ્ગિરે દેવિ મમ શત્રૂનુચ્ચાટય ॥ ૩ ॥

ઉગ્રસ્વરૂપે ઉગ્રેશિ ઉગ્રાસ્ત્રખડ્ગધારિણિ ।
ઉગ્રકૃત્યા પ્રત્યઙ્ગિરે ઉગ્રાભિચાર્યાન્નાશય ॥ ૪ ॥

અથર્વેશિ ભદ્રકાલિ અથર્વખડ્ગધારિણિ ।
મહાપ્રત્યઙ્ગિરે દેવિ રક્ષ માં શરણાગતમ્ ॥ ૫ ॥

મહાકૃત્યે ગૌરીશ્વરિ મહાસ્ત્રખડ્ગધારિણિ ।
મહાકૃત્યા પ્રત્યઙ્ગિરે મહાક્ષુદ્રાન્ વિનાશય ॥ ૬ ॥

નવનાથાવૃતાત્મિકાં ષટ્ત્રિંશત્તત્ત્વનાયિકામ્ ।
નિત્યા ષોડશિકાન્ વન્દે ઘટિકાવરણોપેતમ્ ॥ ૭ ॥

તિથિ વાર નક્ષત્રાદિ યોગ કરણ રૂપિણીમ્ ।
કાલચક્રાત્મિકાં ધ્યાયેત્ કાલસ્યોલ્લાસિનીં સદા ॥ ૮ ॥

યા દેવિ સર્વભૂતેષુ બુદ્ધિરૂપેણ સંસ્થિતા ।
નમસ્તસ્યૈ નમસ્તસ્યૈ નમસ્તસ્યૈ નમો નમઃ ॥ ૯ ॥

ફલશ્રુતિઃ

સ્મૃતિમાત્રા હિ વિદ્યૈષ ભોગમોક્ષપ્રદાયિનિ ।
સર્વકામરહસ્યાર્થાઃ સ્મરણાત્ પાપનાશિનિ ॥ ૧ ॥

અપસ્માર જ્વર વ્યાધિ મૃત્યુ ક્ષામાદિજે ભયે ।
આપત્કાલે ગૃહભયે વ્યસનેષ્વાભિચારિકે ॥ ૨ ॥

અન્યેષ્વપિ ચ દોષેષુ માલામન્ત્રં સ્મરેન્નરઃ ।
સર્વોપદ્રવનિર્મુક્તો સાક્ષાત્ શિવમયો ભવેત્ ॥ ૩ ॥

માલામન્ત્રમિદં ગુહ્યં પૂર્ણાનન્દપ્રકીર્તિતમ્ ।
એકવારજપધ્યાનાત્ સર્વપૂજાફલં લભેત્ ॥ ૪ ॥

સર્વબાધાપ્રશમનં ધાન્યગોત્રધનોચ્ચયઃ ।
પ્રત્યઙ્ગિરા પ્રસાદેન ભવિષ્યતિ ન સંશયઃ ॥ ૫ ॥

બ્રાહ્મી નારાયણી રૌદ્રી ઉગ્રકૃત્યા મહાકૃતિઃ ।
ભદ્રકાલ્યઃ પ્રસાદેન સર્વત્ર વિજયી ભવેત્ ॥ ૬ ॥