ಶ್ರೀ ಪ್ರತ್ಯಙ್ಗಿರಾ ಖಡ್ಗಮಾಲಾ ಸ್ತೋತ್ರಮ್

॥ ಶ್ರೀ ಪ್ರತ್ಯಙ್ಗಿರಾ ಖಡ್ಗಮಾಲಾ ಸ್ತೋತ್ರಮ್ ॥

(ದ್ವಿಸಹಸ್ರಾಕ್ಷರೀ)

ಅಸ್ಯ ಶ್ರೀ ಅಥರ್ವಣ ಭದ್ರಕಾಲೀ ಮಹಾ ಮಹಾ ಪ್ರತ್ಯಙ್ಗಿರಾ ಪರಮೇಶ್ವರಿ ಶುದ್ಧಶಕ್ತಿ ಸಮ್ಬುದ್ಧ್ಯನ್ತ ಮಾಲಾ ಮಹಾ ಮನ್ತ್ರಸ್ಯ ಉಪಸ್ಥೇನ್ದ್ರಿಯಾಧಿಷ್ಠಾಯೀ ವರುಣಾದಿತ್ಯ ಅಙ್ಗಿರಾ ಪ್ರತ್ಯಙ್ಗಿರಾ ವಿಜಯ ಭೈರವಾದಿ ಸ್ವರ್ಣಾಕರ್ಷಣಭೈರವಾತ್ಮಕ ಧ್ಯಾನ ಪರಿಪೂರ್ಣಾನನ್ದ ಪರಾಶಿವ ಋಷಿಃ ಅನುಷ್ಟುಪ್ ಛನ್ದಃ ಮಹೋಗ್ರ ಕ್ಷಕಾರ ಭಟ್ಟಾರಕ ಮಹಾಪೀಠಸ್ಥಿತ ಮಹಾಕಾಲಾಙ್ಗನಿಲಯಾ ಶ್ರೀ ಬ್ರಾಹ್ಮೀ ನಾರಾಯಣೀ ರೌದ್ರೀ ಉಗ್ರಕೃತ್ಯಾ ಮಹಾಕೃತ್ಯಾತ್ಮಕ ಅಥರ್ವಣ ಭದ್ರಕಾಲೀ ಮಹಾ ಮಹಾ ಪ್ರತ್ಯಙ್ಗಿರಾ ಪರಮೇಶ್ವರೀ ಶ್ರೀಮಾತಾ ದೇವತಾ ಕ್ಷಂ ಬೀಜಂ ಫಟ್ ಶಕ್ತಿಃ ಸ್ವಾಹಾ ಕೀಲಕಂ ಶ್ರೀಮಹಾಪ್ರತ್ಯಙ್ಗಿರಾ ಖಡ್ಗಸಿದ್ಧ್ಯರ್ಥೇ ವಿನಿಯೋಗಃ ॥

ಕರನ್ಯಾಸಃ

ಕ್ಷಾಂ ಅಙ್ಗುಷ್ಠಾಭ್ಯಾಂ ನಮಃ ।
ಕ್ಷೀಂ ತರ್ಜನೀಭ್ಯಾಂ ನಮಃ ।
ಕ್ಷೂಂ ಮಧ್ಯಮಾಭ್ಯಾಂ ನಮಃ ।
ಕ್ಷೈಂ ಅನಮಿಕಾಭ್ಯಾಂ ನಮಃ ।
ಕ್ಷೌಂ ಕನಿಷ್ಠಿಕಾಭ್ಯಾಂ ನಮಃ ।
ಕ್ಷಃ ಕರತಲ ಕರಪೃಷ್ಠಾಭ್ಯಾಂ ನಮಃ ।

ಹೃದಯಾದಿನ್ಯಾಸಃ

ಕ್ಷಾಂ ಹೃದಯಾಯ ನಮಃ ।
ಕ್ಷೀಂ ಶಿರಸೇ ಸ್ವಾಹಾ ।
ಕ್ಷೂಂ ಶಿಖಾಯೈ ವಷಟ್ ।
ಕ್ಷೈಂ ಕವಚಾಯ ಹುಮ್ ।
ಕ್ಷೌಂ ನೇತ್ರತ್ರಯಾಯ ವೌಷಟ್ ।
ಕ್ಷಃ ಅಸ್ತ್ರಾಯ ಫಟ್ ।

ಧ್ಯಾನಮ್

ಆಶಾಮ್ಬರಾ ಮುಕ್ತಕಚಾ ಘನಚ್ಛವಿ-
-ರ್ಧ್ಯೇಯಾ ಸಚರ್ಮಾಸಿ ಕರಾ ಹಿ ಭೂಷಣಾ ।
ದಂಷ್ಟ್ರೋಗ್ರವಕ್ತ್ರಾ ಗ್ರಸಿತಾ ಹಿತಾ ತ್ವಯಾ
ಪ್ರತ್ಯಙ್ಗಿರಾ ಶಙ್ಕರ ತೇಜಸೇರಿತಾ ॥ ೧ ॥

ಸಿಂಹೀಂ ಸಿಂಹಮುಖೀಂ ಸಖೀಂ ಭಗವತೀಂ ಶ್ರೀಭೈರವಸ್ಯೋಲ್ಲಸತ್
ಶೂಲ ಸ್ಥೂಲ ಕಪಾಲ ಪಾಶ ಡಮರು ವ್ಯಾಘ್ರಾಗ್ರ ಹಸ್ತಾಮ್ಬುಜಾಮ್ ।
ದಂಷ್ಟ್ರಾಂ ಕೋಟಿ ವಿಶಙ್ಕಟಾಸ್ಯ ಕುಹರಾಮಾರಕ್ತನೇತ್ರತ್ರಯಾಂ
ಬಾಲೇನ್ದೂಜ್ಜ್ವಲ ಮೌಲಿಕಾಂ ಭಗವತೀಂ ಪ್ರತ್ಯಙ್ಗಿರಾಂ ಭಾವಯೇ ॥ ೨ ॥

ಪಞ್ಚಪೂಜಾ

ಲಂ ಪೃಥಿವ್ಯಾತ್ಮಿಕಾಯೈ ಗನ್ಧಂ ಸಮರ್ಪಯಾಮಿ ।
ಹಂ ಆಕಾಶಾತ್ಮಿಕಾಯೈ ಪುಷ್ಪೈಃ ಪೂಜಯಾಮಿ ।
ಯಂ ವಾಯ್ವಾತ್ಮಿಕಾಯೈ ಧೂಪಮಾಘ್ರಾಪಯಾಮಿ ।
ರಂ ಅಗ್ನ್ಯಾತ್ಮಿಕಾಯೈ ದೀಪಂ ದರ್ಶಯಾಮಿ ।
ವಂ ಅಮೃತಾತ್ಮಿಕಾಯೈ ಅಮೃತಂ ಮಹಾನೈವೇದ್ಯಂ ನಿವೇದಯಾಮಿ ।
ಸಂ ಸರ್ವಾತ್ಮಿಕಾಯೈ ಸರ್ವೋಪಚಾರ ಪೂಜಾಂ ಸಮರ್ಪಯಾಮಿ ।

ಅಥ ದ್ವಿಸಹಸ್ರಾಕ್ಷರೀ ಖಡ್ಗಮಾಲಾ ಮನ್ತ್ರಃ

ಓಂ ಐಂ ಹ್ರೀಂ ಕ್ಲೀಂ ಕ್ಷ್ಮ್ರೌಂ ಕ್ರೀಂ ಶ್ರೀಂ ಲಂ ಕ್ಷಂ ಹುಂ ಫಟ್ ಸ್ವಾಹಾ ॥

ಓಂ ನಮೋ ಪ್ರತ್ಯಙ್ಗಿರೇ ಹೃದಯದೇವಿ ಶಿರೋದೇವಿ ಶಿಖಾದೇವಿ ಕವಚದೇವಿ ನೇತ್ರದೇವಿ ಅಸ್ತ್ರದೇವಿ ಕಾಲಿ ಕಪಾಲಿನಿ ಕುಲ್ಲೇ ಕುರುಕುಲ್ಲೇ ವಿರೋಧಿನಿ ವಿಪ್ರಚಿತ್ತೇ ಉಗ್ರೇ ಉಗ್ರಪ್ರಭೇ ದೀಪ್ತೇ ನೀಲೇ ಘನೇ ಬಲಾಕೇ ಮಾತ್ರೇ ಮುದ್ರೇ ಮಿತೇ ಪರಮಾತ್ಮಿಕೇ ಪರಮೇಶ್ವರಪರಮೇಶ್ವರಿ ಅಙ್ಗಿರಾ ಪ್ರತ್ಯಙ್ಗಿರಾ ಮಯಿ ಮಹಾದೇವ್ಯಮ್ಬೇ ಮಹಾದೇವಾನನ್ದಮಯಿ ತ್ರಿಪುರಾನನ್ದಮಯಿ ಚಲಚ್ಚಿತ್ತಾನನ್ದಮಯಿ ಚಲಾಚಲಾನನ್ದಮಯಿ ಕುಮಾರಾನನ್ದಮಯಿ ಕ್ರೋಧಾನನ್ದಮಯಿ ವರದಾನನ್ದಮಯಿ ಸ್ಮರದೀಪಾನನ್ದಮಯಿ ಶ್ರೀಮತ್ಸೇನಾನನ್ದಮಯಿ ಸುಧಾಕರಾನನ್ದಮಯಿ ಪ್ರಹ್ಲಾದಾನನ್ದಮಯಿ ಸನಕಾನನ್ದಮಯಿ ವಸಿಷ್ಠಾನನ್ದಮಯಿ ಭೋಗಾನನ್ದಮಯಿ ಮೀನಾನನ್ದಮಯಿ ಗೋರಕ್ಷಕಾನನ್ದಮಯಿ ಭೋಜದೇವಾನನ್ದಮಯಿ ಪ್ರಜಾಪತ್ಯಾನನ್ದಮಯಿ ಮೂಲದೇವಾನನ್ದಮಯಿ ರನ್ತಿದೇವಾನನ್ದಮಯಿ ವಿಘ್ನೇಶ್ವರಾನನ್ದಮಯಿ ಹುತಾಶನಾನನ್ದಮಯಿ ಸಮಯಾನನ್ದಮಯಿ ಸನ್ತೋಷಾನನ್ದಮಯಿ ಗಣೇಶಿ ದುರ್ಗೇ ವಟುಕೇಶ್ವರಿ ಕ್ಷೇತ್ರಪಾಲಾಮ್ಬೇ ಸರಸ್ವತಿ ಲಕ್ಷ್ಮಿ ಶಙ್ಖನಿಧೇ ಪದ್ಮನಿಧೇ ಕ್ಷೇತ್ರಪಾಲೇಶ್ವರಿ ಅಘೋರೇ ಶರಭೇಶ್ವರಿ ಮಹಾಸುದರ್ಶನಶಕ್ತೇ ಐನ್ದ್ರಿ ಆಗ್ನೇಯಿ ಯಾಮ್ಯೇ ನೈರೃತ್ಯೇ ವಾರುಣಿ ವಾಯವ್ಯೇ ಕೌಬೇರಿ ಈಶಾನಿ ಬ್ರಾಹ್ಮಿ ವೈಷ್ಣವಿ ವಾಸ್ತುಪುರುಷಮಯಿ ವಜ್ರಿಣಿ ಶಕ್ತಿನಿ ದಣ್ಡಿನಿ ಖಡ್ಗಿನಿ ಪಾಶಿನಿ ಅಙ್ಕುಶಿನಿ ಗದಿನಿ ತ್ರಿಶೂಲಿನಿ ಪದ್ಮಿನಿ ಚಕ್ರಿಣಿ ಸರ್ವಸ್ತಮ್ಭಿನಿ ಮುದ್ರಾಶಕ್ತೇ ಭೂಪುರಾತ್ಮಕ ತ್ರೈಲೋಕ್ಯ ಸರ್ವಸಮ್ಮೋಹನ ಚಕ್ರಸ್ವಾಮಿನಿ ನೀಲಕಣ್ಠಭೈರವಶಕ್ತಿಸಹಿತ ಜಯಾದಿ ಪ್ರಥಮಾಷ್ಟಕೋಟಿಯೋಗಿನೀವೃನ್ದ ಮಯೂಕಾವೃತೇ ॥ ೧ ॥

ಕೌಲಾನನ್ದಮಯಿ ಪರಮಾಚಾರ್ಯಮಯಿ ಪರಮಗುರುಮಯಿ ಪರಮೇಷ್ಠಿ ಗುರುಮಯಿ ಪ್ರಹ್ಲಾದನಾಥಮಯಿ ಸಕಲಾನನ್ದನಾಥಮಯಿ ಕುಮಾರಾನನ್ದನಾಥಮಯಿ ದಿವ್ಯೌಘಮಯಿ ವಸಿಷ್ಠಾನನ್ದನಾಥಮಯಿ ಕ್ರೋಧಾನನ್ದನಾಥಮಯಿ ಸುರಾನನ್ದನಾಥಮಯಿ ಸಿದ್ಧೌಘಮಯಿ ಧ್ಯಾನಾನನ್ದನಾಥಮಯಿ ಬೋಧಾನನ್ದನಾಥಮಯಿ ಸುಖಾನನ್ದನಾಥಮಯಿ ಮಾನೌಘಮಯಿ ಸರ್ವಸಮ್ಮೋಹಿನೀ ಮುದ್ರಾಶಕ್ತೇ ತ್ರಿವಲಯರೂಪ ಗುರುಮಣ್ಡಲಾತ್ಮಕ ಸೃಷ್ಟಿಚಕ್ರಸ್ವಾಮಿನಿ ವಿಶ್ವರೂಪಭೈರವಶಕ್ತಿಸಹಿತ ಪ್ರೇತಾಸನಾದಿ ದ್ವಿತೀಯಾಷ್ಟಕೋಟಿಯೋಗಿನೀವೃನ್ದ ಮಯೂಕಾವೃತೇ ॥ ೨ ॥

ಅಸಿತಾಙ್ಗಭೈರವಿ ಬ್ರಾಹ್ಮಿ ರುರುಭೈರವಿ ಮಹೇಶ್ವರಿ ಚಣ್ಡಭೈರವಿ ಕೌಮಾರಿ ಕ್ರೋಧಭೈರವಿ ವೈಷ್ಣವಿ ಉನ್ಮತ್ತಭೈರವಿ ವಾರಾಹಿ ಕಪಾಲಭೈರವಿ ಮಾಹೇನ್ದ್ರಿ ಭೀಷಣಭೈರವಿ ಚಾಮುಣ್ಡೇ ಸಂಹಾರಭೈರವಿ ನಾರಸಿಂಹಿ ಸರ್ವಸಙ್ಕ್ಷೋಭಿಣೀ ಮುದ್ರಾಶಕ್ತೇ ಷೋಡಶದಲರೂಪ ಅಷ್ಟಭೈರವಶಕ್ತಿಸಹಿತ ಅಷ್ಟಮಾತೃಕಾತ್ಮಕ ಸರ್ವಾಕರ್ಷಣಚಕ್ರಸ್ವಾಮಿನಿ ಮೇಘನಾಥಭೈರವಶಕ್ತಿಸಹಿತ ಊರ್ಧ್ವಕೇಶೀತ್ಯಾದಿ ತೃತೀಯಾಷ್ಟಕೋಟಿಯೋಗಿನೀವೃನ್ದ ಮಯೂಕಾವೃತೇ ॥ ೩ ॥

ಕಾಮರೂಪ ಪೀಠಶಕ್ತ್ಯಾತ್ಮಿಕೇ ಮಲಯಗಿರಿ ಪೀಠಾತ್ಮಿಕೇ ಕೋಲ್ಹಾಗಿರಿ ಪೀಠೇಶ್ವರಿ ಕಾಲಾನ್ತಕ ಪೀಠಶಕ್ತೇ ಚೌಹಾರ ಪೀಠಾಮ್ಬೇ ಜಾಲನ್ಧರ ಪೀಠರೂಪಿಣೀ ಉಡ್ಡಿಯಾಣ ಪೀಠಸ್ಥಿತೇ ದೇವಕೂಟ ಪೀಠಶ್ರೀಃ ಸರ್ವವಿದ್ರಾವಿಣೀ ಮುದ್ರಾಶಕ್ತೇ ಅಷ್ಟದಲಗ್ರನ್ಥಿಸ್ಥಾನರೂಪ ಅಷ್ಟಶಕ್ತಿಪೀಠಾತ್ಮಕಃ ಅನ್ತರ್ಬಹಿರ್-ಮಹಾಶತ್ರುಸಂಹಾರಚಕ್ರಸ್ವಾಮಿನಿ ಗದಾಧರಭೈರವಶಕ್ತಿಸಹಿತ ರಾಕ್ಷಸೀತ್ಯಾದಿ ತುರೀಯಾಷ್ಟಕೋಟಿಯೋಗಿನೀವೃನ್ದ ಮಯೂಕಾವೃತೇ ॥ ೪ ॥

ಹೇತುಕಭೈರವಿ ವೇತಾಲಭೈರವಿ ತ್ರಿಪುರಾನ್ತಕಭೈರವಿ ಅಗ್ನಿಜಿಹ್ವಭೈರವಿ ಕಾಲಾನ್ತಕಭೈರವಿ ಏಕಪಾದಭೈರವಿ ಕಪಾಲಭೈರವಿ ಭೀಮರೂಪಭೈರವಿ ಮಲಯಭೈರವಿ ಹಾಟಕೇಶ್ವರಭೈರವಿ ಸರ್ವಜೃಮ್ಭಿಣೀ ಮುದ್ರಾಶಕ್ತೇ ವೃತ್ತಮಣ್ಡಲರೂಪ ದಶಭೈರವಶಕ್ತ್ಯಾತ್ಮಕ ಸರ್ವಸ್ಥೂಲಭೇದನಚಕ್ರಸ್ವಾಮಿನಿ ಸಂಹಾರಭೈರವಶಕ್ತಿಸಹಿತ ಭೈರವೀತ್ಯಾದಿ ಪಞ್ಚಮಾಷ್ಟಕೋಟಿಯೋಗಿನೀವೃನ್ದ ಮಯೂಕಾವೃತೇ ॥ ೫ ॥

ಸರ್ವಸ್ತಮ್ಭಿನಿ ಸರ್ವಸಙ್ಕ್ಷೋಭಿಣಿ ಸರ್ವವಿದ್ರಾವಿಣಿ ಸರ್ವಭ್ರಾಮಿಣಿ ಸರ್ವಸಮ್ಮೋದಿನಿ ಸರ್ವಜೃಮ್ಭಿಣಿ ಸರ್ವರೌದ್ರಿಣಿ ಸರ್ವಸಂಹಾರಿಣಿ ಸರ್ವಬೀಜಮುದ್ರಾಶಕ್ತೇ ದ್ವಿಚತುರಸ್ರ ಅಷ್ಟಯೋನಿರೂಪ ಅಷ್ಟಮುದ್ರಾಶಕ್ತ್ಯಾತ್ಮಕ ಸರ್ವಸೂಕ್ಷ್ಮೋಚ್ಚಾಟನಚಕ್ರಸ್ವಾಮಿನಿ ಕುಲಭೈರವಶಕ್ತಿಸಹಿತ ಕಾಲೀತ್ಯಾದಿ ಷಷ್ಟಾಷ್ಟಕೋಟಿಯೋಗಿನೀವೃನ್ದ ಮಯೂಕಾವೃತೇ ॥ ೬ ॥

ಹೃದಯಶಕ್ತಿ ವಾಮಿನಿ ಶಿರಸಶಕ್ತಿ ನೀಲಿನಿ ಶಿಖಾಶಕ್ತಿ ಚಕ್ರಿಣಿ ಕವಚಶಕ್ತಿ ಖಡ್ಗಿನಿ ನೇತ್ರಶಕ್ತಿ ಪಾಶಾಙ್ಗಿ ಅಸ್ತ್ರಶಕ್ತಿ ಕಮ್ಪಿನಿ ಸರ್ವಸಂಹಾರಿಣಿಮುದ್ರಾಶಕ್ತೇ ಷಟ್ಕೋಣರೂಪ ಷಡಙ್ಗಶಕ್ತ್ಯಾತ್ಮಕ ಸರ್ವಲಯಾಙ್ಗಚಕ್ರಸ್ವಾಮಿನಿ ತ್ರಿನೇತ್ರಭೈರವಶಕ್ತಿಸಹಿತ ಕೇಶಿನ್ಯಾದಿ ಸಪ್ತಮಾಷ್ಟಕೋಟಿಯೋಗಿನೀವೃನ್ದ ಮಯೂಕಾವೃತೇ ॥ ೭ ॥

ಮಧುರಕಾಲಿ ಭದ್ರಕಾಲಿ ನಿತ್ಯಕಾಲಿ ಸರ್ವಯೋನಿಮುದ್ರಾಶಕ್ತೇ ಮಹಾಯೋನಿರೂಪ ಅಷ್ಟೋತ್ತರಶತ ಮಹಾಕಾಲೀಶಕ್ತ್ಯಾತ್ಮಕ ಸರ್ವತಿರೋಧಾನಚಕ್ರಸ್ವಾಮಿನಿ ಈಶಭೈರವಶಕ್ತಿಸಹಿತ ಮುಣ್ಡಾಗ್ರಧಾರಿಣೀತ್ಯಾದಿ ಅಷ್ಟಮಾಷ್ಟಕೋಟಿಯೋಗಿನೀವೃನ್ದ ಮಯೂಕಾವೃತೇ ॥ ೮ ॥

ವಿಜಯಭೈರವ ಮಹಾವೀರಶಕ್ತೇ ಸರ್ವಾಕರ್ಷಣ ಭೈರವನಾಥೇ ಮಹಾಕಾಲಕಾಲಭೈರವ ಪ್ರಾಣನಾಡಿ ದಕ್ಷಿಣಕಾಲಿ ಭದ್ರಕಾಲಿ ರುದ್ರಭೂಕಾಲಿ ಕಾಲಕಾಲಿ ಗುಹ್ಯಕಾಲಿ ಕಾಮಕಲಾಕಾಲಿ ಧನಕಾಲಿ ಸಿದ್ಧಿಕಾಲಿ ಚಣ್ಡಿಕಾಲಿ ನವಕನ್ಯಾದಿರೂಪೇ ಶ್ರೀಮಚ್ಛ್ರೀಪ್ರತ್ಯಙ್ಗಿರೇ ವಟುಕೇಶ್ವರಿ ಯೋಗಿನ್ಯಃ ಕ್ಷೇತ್ರಪಾಲಮಯಿ ಗಣೇಶ ಸುಧಾಮಯಿ ದ್ವಾದಶಾದಿತ್ಯಮಯಿ ಏಕಾದಶರುದ್ರಮಯಿ ಸರ್ವತ್ರಿಖಣ್ಡಾಮುದ್ರಾಶಕ್ತೇ ಶೂಲಿನಿ ಕಪಾಲಿನಿ ಡಮರುಕವತಿ ಬ್ರಾಹ್ಮಿಪ್ರತ್ಯಙ್ಗಿರೇ ಮಹಾಕೃತ್ಯಾಪ್ರತ್ಯಙ್ಗಿರೇ ಅಕ್ಷಮಾಲಾ ಕುಣ್ಡಿಕಾ ಪದ್ಮ ಪಾನಪಾತ್ರ ಬಾಣ ಚಾಪ ಖಡ್ಗ ಚರ್ಮ ಕುಲಿಶದಣ್ಡ ಗದಾ ಶಕ್ತಿ ಚಕ್ರ ಪಾಶ ತ್ರಿಶೂಲದಣ್ಡ ಪರಶು ಶಙ್ಖಾದಿ ಸಹಸ್ರಕೋಟ್ಯಾಯುಧಧಾರಿಣಿ ಶತಸಹಸ್ರಕೋಟಿಸಿಂಹಾಸನೇ ಸಹಸ್ರವದನೇ ಸಿಂಹವಕ್ತ್ರೇ ಜ್ವಾಲಾಜಿಹ್ವೇ ಕರಾಲದಂಷ್ಟ್ರೇ ಅಜಿತೇ ಅಪರಾಜಿತೇ ಸರ್ವವಿಘ್ನನಾಶಿನಿ ಸರ್ವಸಙ್ಕಟನಿವಾರಿಣಿ ಸರ್ವಾರ್ಥಸು ಮನ್ತ್ರಸಿದ್ಧಿಪ್ರದೇ ಸರ್ವದುರ್ಮನ್ತ್ರವಿಧ್ವಂಸಿನಿ ಪರಮನ್ತ್ರೋಚ್ಚಾಟಿನಿ ಪರಮಾನುಗ್ರಹ ಕ್ಷಿಪ್ರಪ್ರಸಾದಿನಿ ಸರ್ವಾನನ್ದಪರಿಪೂರ್ಣ ಶುದ್ಧಚೈತನ್ಯ ಮಹಾಮಹಾಜ್ವಲಜ್ಜ್ವಾಲಾ ಮಹಾಬಿನ್ದುಚಕ್ರಸ್ವಾಮಿನಿ ಮಹಾಚತುಷ್ಷಷ್ಟಿಕೋಟಿಭೈರವಶಕ್ತಿಸಹಿತ ಮಹಾಚತುಷ್ಷಷ್ಟಿಕೋಟಿಯೋಗಿನೀವೃನ್ದ ಮಯೂಕಾವೃತೇ ॥ ೯ ॥

ಸರ್ವತನ್ತ್ರಾತ್ಮಿಕೇ ಸರ್ವಯನ್ತ್ರಾತ್ಮಿಕೇ ಸರ್ವಮನ್ತ್ರಾತ್ಮಿಕೇ ಸರ್ವನಾದಾತ್ಮಿಕೇ ಸರ್ವವಿದ್ಯಾತ್ಮಿಕೇ ಸರ್ವಸರ್ವಾತ್ಮಿಕೇ ಶ್ರೀಶಾರದೇ ಮಹಾಮಹಾಮಾಯೇ ಮಹಾಮಹಾಕಾಲಿ ಮಹಾಮಹಾಮಾರಿ ಮಹಾಯೋಗೇಶ್ವರಿ ಮಹಾಕಾಲರಾತ್ರಿ ಮಹಾಮೋಹರಾತ್ರಿ ಮಹಾಕಾಲಚಕ್ರಮಹಾಸಾಮ್ರಾಜ್ಞಿ ಮಹೇಶ್ವರಮಹಾಕಲ್ಪಮಹಾತಾಣ್ಡವಮಹಾಸಾಕ್ಷಿಣಿ ಅಖಿಲಾಣ್ಡಕೋಟಿಬ್ರಹ್ಮಾಣ್ಡನಾಯಿಕೇ ಮಹಾಮಹಾಪ್ರತ್ಯಙ್ಗಿರೇ ನಮಸ್ತೇ ನಮಸ್ತೇ ನಮಸ್ತೇ ನಮಃ ॥

ಸ್ವಾಹಾ ಫಟ್ ಹುಂ ಕ್ಷಂ ಲಂ ಶ್ರೀಂ ಕ್ರೀಂ ಕ್ಷ್ಮ್ರೌಂ ಕ್ಲೀಂ ಹ್ರೀಂ ಐಂ ಓಮ್ ॥

ಪ್ರಾರ್ಥನಾ

ಬ್ರಹ್ಮಸ್ವರೂಪೇ ಬ್ರಹ್ಮೇಶಿ ಬ್ರಹ್ಮಾಸ್ತ್ರಖಡ್ಗಧಾರಿಣಿ ।
ಬ್ರಾಹ್ಮಿ ಪ್ರತ್ಯಙ್ಗಿರೇ ದೇವಿ ಅವ ಬ್ರಹ್ಮ ದ್ವಿಷೋ ಜಹಿ ॥ ೧ ॥

ವಿಷ್ಣುರೂಪೇ ವೈಷ್ಣವಿ ಚಕ್ರಾಸ್ತ್ರಖಡ್ಗಧಾರಿಣಿ ।
ನಾರಾಯಣಿ ಪ್ರತ್ಯಙ್ಗಿರೇ ಮಮ ಶತ್ರೂನ್ ವಿದ್ವೇಷಯ ॥ ೨ ॥

ರುದ್ರಸ್ವರೂಪೇ ರುದ್ರೇಶಿ ರುದ್ರಾಸ್ತ್ರಖಡ್ಗಧಾರಿಣಿ ।
ರೌದ್ರಿ ಪ್ರತ್ಯಙ್ಗಿರೇ ದೇವಿ ಮಮ ಶತ್ರೂನುಚ್ಚಾಟಯ ॥ ೩ ॥

ಉಗ್ರಸ್ವರೂಪೇ ಉಗ್ರೇಶಿ ಉಗ್ರಾಸ್ತ್ರಖಡ್ಗಧಾರಿಣಿ ।
ಉಗ್ರಕೃತ್ಯಾ ಪ್ರತ್ಯಙ್ಗಿರೇ ಉಗ್ರಾಭಿಚಾರ್ಯಾನ್ನಾಶಯ ॥ ೪ ॥

ಅಥರ್ವೇಶಿ ಭದ್ರಕಾಲಿ ಅಥರ್ವಖಡ್ಗಧಾರಿಣಿ ।
ಮಹಾಪ್ರತ್ಯಙ್ಗಿರೇ ದೇವಿ ರಕ್ಷ ಮಾಂ ಶರಣಾಗತಮ್ ॥ ೫ ॥

ಮಹಾಕೃತ್ಯೇ ಗೌರೀಶ್ವರಿ ಮಹಾಸ್ತ್ರಖಡ್ಗಧಾರಿಣಿ ।
ಮಹಾಕೃತ್ಯಾ ಪ್ರತ್ಯಙ್ಗಿರೇ ಮಹಾಕ್ಷುದ್ರಾನ್ ವಿನಾಶಯ ॥ ೬ ॥

ನವನಾಥಾವೃತಾತ್ಮಿಕಾಂ ಷಟ್ತ್ರಿಂಶತ್ತತ್ತ್ವನಾಯಿಕಾಮ್ ।
ನಿತ್ಯಾ ಷೋಡಶಿಕಾನ್ ವನ್ದೇ ಘಟಿಕಾವರಣೋಪೇತಮ್ ॥ ೭ ॥

ತಿಥಿ ವಾರ ನಕ್ಷತ್ರಾದಿ ಯೋಗ ಕರಣ ರೂಪಿಣೀಮ್ ।
ಕಾಲಚಕ್ರಾತ್ಮಿಕಾಂ ಧ್ಯಾಯೇತ್ ಕಾಲಸ್ಯೋಲ್ಲಾಸಿನೀಂ ಸದಾ ॥ ೮ ॥

ಯಾ ದೇವಿ ಸರ್ವಭೂತೇಷು ಬುದ್ಧಿರೂಪೇಣ ಸಂಸ್ಥಿತಾ ।
ನಮಸ್ತಸ್ಯೈ ನಮಸ್ತಸ್ಯೈ ನಮಸ್ತಸ್ಯೈ ನಮೋ ನಮಃ ॥ ೯ ॥

ಫಲಶ್ರುತಿಃ

ಸ್ಮೃತಿಮಾತ್ರಾ ಹಿ ವಿದ್ಯೈಷ ಭೋಗಮೋಕ್ಷಪ್ರದಾಯಿನಿ ।
ಸರ್ವಕಾಮರಹಸ್ಯಾರ್ಥಾಃ ಸ್ಮರಣಾತ್ ಪಾಪನಾಶಿನಿ ॥ ೧ ॥

ಅಪಸ್ಮಾರ ಜ್ವರ ವ್ಯಾಧಿ ಮೃತ್ಯು ಕ್ಷಾಮಾದಿಜೇ ಭಯೇ ।
ಆಪತ್ಕಾಲೇ ಗೃಹಭಯೇ ವ್ಯಸನೇಷ್ವಾಭಿಚಾರಿಕೇ ॥ ೨ ॥

ಅನ್ಯೇಷ್ವಪಿ ಚ ದೋಷೇಷು ಮಾಲಾಮನ್ತ್ರಂ ಸ್ಮರೇನ್ನರಃ ।
ಸರ್ವೋಪದ್ರವನಿರ್ಮುಕ್ತೋ ಸಾಕ್ಷಾತ್ ಶಿವಮಯೋ ಭವೇತ್ ॥ ೩ ॥

ಮಾಲಾಮನ್ತ್ರಮಿದಂ ಗುಹ್ಯಂ ಪೂರ್ಣಾನನ್ದಪ್ರಕೀರ್ತಿತಮ್ ।
ಏಕವಾರಜಪಧ್ಯಾನಾತ್ ಸರ್ವಪೂಜಾಫಲಂ ಲಭೇತ್ ॥ ೪ ॥

ಸರ್ವಬಾಧಾಪ್ರಶಮನಂ ಧಾನ್ಯಗೋತ್ರಧನೋಚ್ಚಯಃ ।
ಪ್ರತ್ಯಙ್ಗಿರಾ ಪ್ರಸಾದೇನ ಭವಿಷ್ಯತಿ ನ ಸಂಶಯಃ ॥ ೫ ॥

ಬ್ರಾಹ್ಮೀ ನಾರಾಯಣೀ ರೌದ್ರೀ ಉಗ್ರಕೃತ್ಯಾ ಮಹಾಕೃತಿಃ ।
ಭದ್ರಕಾಲ್ಯಃ ಪ್ರಸಾದೇನ ಸರ್ವತ್ರ ವಿಜಯೀ ಭವೇತ್ ॥ ೬ ॥